ஹாலாஸ்ய ஸ்துதி

கல்யாணஶைல-பரிகல்பித-கார்முகாய 
மௌர்வீக்ருʼதாகி²ல-மஹோரக³-நாயகாய।
ப்ருʼத்²வீரதா²ய கமலாபதிஸாயகாய 
ஹாலாஸ்யமத்⁴யநிலயாய நமஶ்ஶிவாய॥ 1 ॥

ப⁴க்தார்திப⁴ஞ்ஜனபராய பராத்பராய 
காலாப்⁴ரகாந்தி-க³ரலாங்கித-கந்த⁴ராய।
பூ⁴தேஶ்வராய பு⁴வனத்ரயகாரணாய 
ஹாலாஸ்யமத்⁴யநிலயாய நமஶ்ஶிவாய॥ 2 ॥

பூ⁴தா³ரமூர்தி-ஹரிம்ருʼக்³ய-பதா³ம்பு³ஜாய 
ஹம்ʼஸாப்³ஜஸம்ப⁴வஸுதூ³ர ஸுமஸ்தகாய। 
ஜ்யோதிர்மய-ஸ்பு²ரிததி³வ்ய-வபுர்த⁴ராய 
ஹாலாஸ்யமத்⁴யநிலயாய நமஶ்ஶிவாய॥ 3 ॥

காத³ம்ப³கானன-நிவாஸ-குதூஹலாய 
காந்தார்த⁴பா⁴க³-கமனீய-கலேப³ராய।
காலாந்தகாய கருணாம்ருʼதஸாக³ராய 
ஹாலாஸ்யமத்⁴யநிலயாய நமஶ்ஶிவாய॥ 4 ॥

விஶ்வேஶ்வராய விபு³தே⁴ஶ்வரபூஜிதாய 
வித்³யாவிஶிஷ்ட-விதி³தாத்ம-ஸுவைப⁴வாய। 
வித்³யாப்ரதா³ய விமலேந்த்³ரவிமானகா³ய 
ஹாலாஸ்யமத்⁴யநிலயாய நமஶ்ஶிவாய॥ 5 ॥

ஸம்பத்ப்ரதா³ய ஸகலாக³மமஸ்தகேஷு 
ஸங்கோ⁴ஷிதாத்மவிப⁴வாய ஸதா³ஶிவாய। 
ஸர்வாத்மனே ஸகலது³:க² ஸமூலஹந்த்ரே 
ஹாலாஸ்யமத்⁴யநிலயாய நமஶ்ஶிவாய॥ 6 ॥

க³ங்கா³த⁴ராய க³ருட³த்⁴வஜவந்தி³தாய 
க³ண்ட³ஸ்பு²ரத்³-பு⁴ஜக³-குண்ட³லமண்டி³தாய। 
க³ந்த⁴ர்வ-கின்னர-ஸுகீ³த-கு³ணாதி⁴காய 
ஹாலாஸ்யமத்⁴யநிலயாய நமஶ்ஶிவாய॥ 7 ॥

பாணிம்ʼ ப்ரக்³ருʼஹ்ய மலயத்⁴வஜ-பூ⁴பபுத்ர்யா: 
பாண்ட்³யேஶ்வர꞉ ஸ்வயமபூ⁴த்பரமேஶ்வரோ ய꞉।
தஸ்மை ஜக³த்ப்ரதி²த-ஸுந்த³ரபாண்ட்³ய-நாம்னே 
ஹாலாஸ்யமத்⁴யநிலயாய நமஶ்ஶிவாய॥ 8 ॥

கீ³ர்வாணதே³ஶிககி³ராமபி தூ³ரக³ம்ʼ யத் 
வக்தும்ʼ மஹத்த்வமிஹ கோ ப⁴வத: ப்ரவீண꞉।
ஶம்போ⁴ க்ஷமஸ்வ ப⁴க³வச்ச²ரணாரவிந்த³-
ப⁴க்த்யா க்ருʼதாம்ʼ ஸ்துதிமிமாம்ʼ மம ஸுந்த³ரேஶ॥ 9 ॥