ஜய தே³வ ஜக³ந்நாத² ஜய ஶங்கர ஶாஶ்வத ।
ஜய ஸர்வஸுராத்⁴யக்ஷ ஜய ஸர்வஸுரார்சித ॥1॥
ஜய ஸர்வகு³ணாதீத ஜய ஸர்வவரப்ரத³ ॥
ஜய நித்ய நிராதா⁴ர ஜய விஶ்வம்ப⁴ராவ்யய ॥2॥
ஜய விஶ்வைகவந்த்³யேஶ ஜய நாகே³ந்த்³ரபூ⁴ஷண ।
ஜய கௌ³ரீபதே ஶம்போ⁴ ஜய சந்த்³ரார்த⁴ஶேக²ர ॥3॥
ஜய கோட்²யர்கஸங்காஶ ஜயானந்தகு³ணாஶ்ரய ।
ஜய ப⁴த்³ர விரூபாக்ஷ ஜயாசிந்த்ய நிரஞ்ஜன ॥4॥
ஜய நாத² க்ருʼபாஸிந்தோ⁴ ஜய ப⁴க்தார்திப⁴ஞ்ஜன ।
ஜய து³ஸ்தரஸம்ʼஸாரஸாக³ரோத்தாரண ப்ரபோ⁴ ॥5॥
ப்ரஸீத³ மே மஹாதே³வ ஸம்ʼஸாரார்தஸ்ய கி²த்³யத꞉ ।
ஸர்வபாபக்ஷயம்ʼ க்ருʼத்வா ரக்ஷ மாம்ʼ பரமேஶ்வர ॥6॥
மஹாதா³ரித்³ர்யமக்³னஸ்ய மஹாபாபஹதஸ்ய ச ॥
மஹாஶோகநிவிஷ்டஸ்ய மஹாரோகா³துரஸ்ய ச ॥7॥
ருʼணபா⁴ரபரீதஸ்ய த³ஹ்யமானஸ்ய கர்மபி⁴꞉ ॥
க்³ரஹை꞉ப்ரபீட்³யமானஸ்ய ப்ரஸீத³ மம ஶங்கர ॥8॥
த³ரித்³ர꞉ ப்ரார்த²யேத்³தே³வம்ʼ ப்ரதோ³ஷே கி³ரிஜாபதிம் ॥
அர்தா²ட்⁴யோ வா(அ)த² ராஜா வா ப்ரார்த²யேத்³தே³வமீஶ்வரம் ॥9॥
தீ³ர்க⁴மாயு꞉ ஸதா³ரோக்³யம்ʼ கோஶவ்ருʼத்³தி⁴ர்ப³லோன்னதி꞉ ॥
மமாஸ்து நித்யமானந்த³꞉ ப்ரஸாதா³த்தவ ஶங்கர ॥10॥
ஶத்ரவ꞉ ஸங்க்ஷயம்ʼ யாந்து ப்ரஸீத³ந்து மம ப்ரஜா꞉ ॥
நஶ்யந்து த³ஸ்யவோ ராஷ்ட்ரே ஜனா꞉ ஸந்து நிராபத³꞉ ॥11॥
து³ர்பி⁴க்ஷமாரிஸந்தாபா꞉ ஶமம்ʼ யாந்து மஹீதலே ॥
ஸர்வஸஸ்யஸம்ருʼத்³தி⁴ஶ்ச பூ⁴யாத்ஸுக²மயா தி³ஶ꞉ ॥12॥
ஏவமாராத⁴யேத்³தே³வம்ʼ பூஜாந்தே கி³ரிஜாபதிம் ॥
ப்³ராஹ்மணான்போ⁴ஜயேத் பஶ்சாத்³த³க்ஷிணாபி⁴ஶ்ச பூஜயேத் ॥13॥
ஸர்வபாபக்ஷயகரீ ஸர்வரோக³நிவாரணீ ।
ஶிவபூஜா மயா(ஆ)க்²யாதா ஸர்வாபீ⁴ஷ்டப²லப்ரதா³ ॥14॥
இதி ப்ரதோ³ஷஸ்தோத்ரம்ʼ ஸம்பூர்ணம் ॥