Maharudra Stotram

---

ശിവായ നമഃ || 

മഹാരുദ്ര സ്തോത്രം |  

വാണ്യാ ഓങ്കാരരൂപിണ്യാ അന്ത ഉക്തോഽസ്യ നാന്യഥാ | 
സുരസ്ത്രിഭുവനേശഃ സ നഃ സര്വാന്തഃസ്ഥിതോഽവതു ||൧|| 

ദേവോഽയം സര്വദേവാദ്യഃ സൂരിരുന്മത്തവത്സ്ഥിതഃ | 
വാഹോ ബലീവര്ദകോഽസ്യ യാചകസ്യേഷ്ടദഃ സ തു ||൨|| 

നന്ദിസ്കന്ധാധിരൂഢോഽപി ത്രിപ്രമിത്യതിഗഃ സ്വഭൂഃ | 
ദശാ യസ്യ ന ശംഭും തം സന്തം വന്ദേഽഖിലാത്മകം ||൩|| 

സദ്യോജാതോഽഷ്ടമൂര്തിഃ സ ഭൂതബന്ദിസ്തതോ ജിതഃ | 
രക്ഷ മന്മഥഹന്നാഥ തോകധര്മാണമദ്യ മാം ||൪|| 

സ്വതോ ഹേതോര്ജഗദ്ധേതോ ദയാനാഥാംബികാപതേ | 
തീവ്രാസുഹൃത്രിവിധഹൃത്താപാന്മൃത്യോശ്ച മാമവ ||൫|| 

കൃതാഗസമപി ത്രാഹ്യത്രേര്മൃത്യോസ്ത്വം ച ഭിഷക്തമഃ | 
തത്സന്ധിം ഭിന്ധി സര്വാകയോനേര്മുഞ്ചസ്വ മാം ശിവ ||൬|| 

ശ്രീദ പുഷ്ടിദ തേ വ്യാപ്തം ദിക്ഷു ക്ഷീരനിഭം യശഃ | 
രുങ്മാര്ഷ്ടികൃദ്രക്ഷ മാം ത്വം ഗംഗാ യന്മൂര്ധ്നി ചര്ക്ഷരാട് ||൭|| 

ദ്രഷ്ടാ വസതി സര്വത്ര ബത മാമീക്ഷസേ ന കിം | 
സ്തുതേര്ധര്മേശശക്തിര്നിരസ്തമൃത്യോനമേജതേ ||൮|| 

തിഷ്ഠാനന്ദദ ചിത്തേ മേ സമന്താത് പരിപാലയ ||൯|| 

ഇതി ശ്രീവാസുദേവാനന്ദസരസ്വതീവിരചിതം മഹാരുദ്ര സ്തോത്രം സംപൂര്ണം || 

---