Home >
Scripture >
scripture >
Kannada
Copy linkಶಿವಷಡಕ್ಷರ ಸ್ತೋತ್ರಮ್ - Shiva Shadakshara Stotram
Singer
Please select an Audio
Play Song
Source language
Kannada
Translation language
Click on the songs to view the meaning
Shiva Shadakshara Stotram
ಶಿವಾಯ ನಮಃ ||
ಶಿವಷಡಕ್ಷರ ಸ್ತೋತ್ರಮ್
ಓಂಕಾರಂ ಬಿನ್ದುಸಂಯುಕ್ತಂ ನಿತ್ಯಂ ಧ್ಯಾಯನ್ತಿ ಯೋಗಿನಃ |
ಕಾಮದಂ ಮೋಕ್ಷದಂ ಚೈವ ಓಂಕಾರಾಯ ನಮೋ ನಮಃ ||೧||
ನಮನ್ತಿ ಋಷಯೋ ದೇವಾ ನಮನ್ತ್ಯಪ್ಸರಸಾಂ ಗಣಾಃ |
ನರಾ ನಮನ್ತಿ ದೇವೇಶಂ ನಕಾರಾಯ ನಮೋ ನಮಃ ||೨||
ಮಹಾದೇವಂ ಮಹಾತ್ಮಾನಂ ಮಹಾಧ್ಯಾನ ಪರಾಯಣಮ್ |
ಮಹಾಪಾಪಹರಂ ದೇವಂ ಮಕಾರಾಯ ನಮೋ ನಮಃ ||೩||
ಶಿವಂ ಶಾನ್ತಂ ಜಗನ್ನಾಥಂ ಲೋಕಾನುಗ್ರಹಕಾರಕಮ್ |
ಶಿವಮೇಕಪದಂ ನಿತ್ಯಂ ಶಿಕಾರಾಯ ನಮೋ ನಮಃ ||೪||
ವಾಹನಂ ವೃಷಭೋ ಯಸ್ಯ ವಾಸುಕಿಃ ಕಣ್ಠಭೂಷಣಮ್ |
ವಾಮೇ ಶಕ್ತಿಧರಂ ದೇವಂ ವಕಾರಾಯ ನಮೋ ನಮಃ ||೫||
ಯತ್ರ ಯತ್ರ ಸ್ಥಿತೋ ದೇವಃ ಸರ್ವವ್ಯಾಪೀ ಮಹೇಶ್ವರಃ |
ಯೋ ಗುರುಃ ಸರ್ವದೇವಾನಾಂ ಯಕಾರಾಯ ನಮೋ ನಮಃ ||೬||
ಷಡಕ್ಷರಮಿದಂ ಸ್ತೋತ್ರಂ ಯಃ ಪಠೇಚ್ಛಿವಸನ್ನಿಧೌ |
ಶಿವಲೋಕಮವಾಪ್ನೋತಿ ಶಿವೇನ ಸಹ ಮೋದತೇ ||೭||
ಇತಿ ಶ್ರೀರುದ್ರಯಾಮಲೇ ಉಮಾಮಹೇಶ್ವರಸಂವಾದೇ ಶಿವಷಡಕ್ಷರಸ್ತೋತ್ರಂ ಸಂಪೂರ್ಣಮ್ ||