This Page is courtesy of Sanskrit Documents List. Please send your corrections This stotra is also available in devanAgari PDF Bhasmajabala Upanishad bhasmajaabaalopanishhat.h yatsaamyaj~naanakaalaagnisvaatiriktaastitaabhramam.h . karoti bhasma niHsheshha.n tadbrahmaivaasmi kevalam.h .. AUM bhadra.n karNebhiH shR^iNuyaama devaaH .. bhadraM pashyemaakshabhiryajatraaH .. sthiraira~NgaistushhTuvaa{\m+}sastanuubhiH .. vyashema devahita.n yadaayuH .. svasti na indro vR^iddhashravaaH .. svasti naH puushhaa vishvavedaaH .. svasti nastaarkshyo arishhTanemiH .. svasti no bR^ihaspatirdadhaatu .. AUM shaantiH shaantiH shaantiH .. hariH AUM .. atha jaabaalo bhusuNDaH kailaasashikharaavaasamo.nkaarasvaruupiNaM mahaadevamumaardhakR^itashekhara.n somasuuryaagninayanamanantenduraviprabha.n vyaaghracharmaambaradharaM mR^igahastaM bhasmoddhuulitavigraha.n tiryaktripuNDrarekhaaviraajamaanabhaalapradesha.n smitasaMpuurNapa~nchavidha\- pa~nchaanana.n viiraasanaaruuDhamaprameyamanaadyananta.n nishhkala.n nirguNa.n shaata.n nira~njanamanaamaya.n huMphaTkurvaaNa.n shivanaamaanyanishamuchcharanta.n hiraNyabaahu.n hiraNyaruupa.n hiraNyavarNa.n hiraNyanidhimadvaita.n chaturthaM brahmavishhNurudraatiitamekamaashaasyaM bhagavanta.n shivaM praNamya muhurmuhurabhyarchya shriiphaladalaistena bhasmanaa cha natottamaa~NgaH kR^itaa~njalipuTaH paprachchhaadhiihi bhagavanvedasaaramuddhR^itya tripuNDravidhi.n yasmaadanyaanaprekshameva mokshopalabdhiH . kiM bhasmano dravyam.h . kaani sthaanaani . manavo.apyatra ke vaa . kati vaa tasya dhaaraNam.h . ke vaatraadhikaariNaH . niyamasteshhaa.n ko vaa . maamantevaasinamanushaasayaamokshamiti . atha sa hovaacha bhagavaanparameshvaraH paramakaaruNikaH pramathaansuraanapi so.anviikshya puutaM praatarudayaadgomayaM brahmaparNe nidhaaya tryambakamiti mantreNa shoshhayet.h . yena kenaapi tejasaa tatsvagR^ihyoktamaargeNa pratishhThaapya vahni.n tatra tadgomayadravya.n nidhaaya somaaya svaaheti mantreNa tatastilabriihibhiH saajyairjuhuyaat.h . aya.n tenaashhTottarasahasra.n saardhametadvaa . tatraajyasya parNamayii juhuurbhavati . tena na paapa.n shR^iNoti . tadghomamantrasryambakamityeva ante svishhTakR^itpuurNaahutistenaivaashhTadikshu balipradaanam.h . tadbhasma gaayatryaa saMprokshya taddhaime raajate taamre mR^iNmaye vaa paatre nidhaaya rudramantraiH punarabhyukshya shuddhadeshe sa.nsthaapayet.h . tato bhojayedbraahmaNaan.h . tataH svayaM puuto bhavati . maanastoka iti sadyo jaatamityaadi pa~nchabrahmamantrairbhasma sa.ngR^ihyaagniriti bhasma vaayuriti bhasma jalamiti bhasma sthalamiti bhasma vyometi bhasma devaa bhasma R^ishhayo bhasma . sarva.n ha vaa etadidaM bhasma . puutaM paavana.n namaami sadyaH samastaaghashaasakamiti shirasaabhinamya . puute vaamahaste vaamadevaayeti nidhaaya tryambakamiti saMprokshya shuddha.n shuddheneti saMmR^ijya sa.nshodhya tenaivaapaadashiirshhamuddhuulanamaacharet.h . tatra brahmamantraaH pa~ncha . tataH sheshhasya bhasmano viniyogaH . tarjaniimadhyamaanaamikaabhiragnerbhasmaasiiti bhasma sa.ngR^ihya muurdhaanamiti muurdhanyagre nyaset.h . tryambakamiti lalaaTe niilagriivaayeti kaNThe kaNThasya dakshiNe paarshve tryaayushhamiti vaameti kapolayoH kaalaayeti netrayostrilochanaayeti shrotrayoH shR^iNavaameti vaktre prabravaameti hR^idaye aatmana iti naabhau naabhiriti mantreNa dakshiNabhujamuule bhavaayeti tanmadhye rudraayeti tanmaNibandhe sharvaayeti tatkarapR^ishhThe pashupataya iti vaamabaahumuule ugraayeti tanmadhye agrevadhaayeti tanmaNibandhe duurevadhaayeti tatkarapR^ishhThe namo hantra iti a.nse sha~Nkaraayeti yathaakramaM bhasma dhR^itvaa somaayeti shiva.n natvaa tataH prakshaalya tadbhasmaapaH punantviti pibet.h . naadho tyaajya.n naadho tyaajyam.h . etanmadhyaahnasaayaahneshhu trikaaleshhu vidhivadbhasmadhaaraNamapramaadena kaaryam.h . pramaadaatpatito bhavati . braahmaNaanaamayameva dharmo.ayameva dharmaH . evaM bhasmadhaaraNamakR^itvaa naashniiyaadaapo.annamanyadvaa . pramaadaattyaktvaa bhasmadhaaraNa.n na gaayatrii.n japet.h . na juhuyaadagnau tarpayeddevaanR^ishhiinpitraadiin.h . ayameva dharmaH sanaatanaH sarvapaapanaashako mokshahetuH . nityo.aya.n dharmo braahmaNaanaaM brahmachaarigR^ihivaanaprasthayatiianaam.h . etadakaraNe pratyavaiti braahmaNaH . akR^itvaa pramaadenaitadashhTottarashata.n jalamadhye sthitvaa gaayatrii.n japtvoposhhaNenaikena shuddho bhavati . yatirbhasmadhaaraNa.n tyaktvaikadoposhhya dvaadashasahasrapraNava.n japtvaa shuddho bhavati . anyathendro yatiinsaalaavR^ikebhyaH paatayati . bhasmano yadyabhaavastadaa naryabhasmadaahanajanyamanyadvaavashyaM mantrapuuta.n dhaaryam.h . etatpraataH prayu~njaano ratrikR^itaatpaapaatpuuto bhavati . svarNasteyaatpramuchyate . madhyandine maadhyandina.n kR^itvopasthaanaanta.n dhyaayamaana aadityaabhimukho.adhiiyaanaH suraapaanaatpuuto bhavati . svarNasteyaatpuuto bhavati . braahmaNavadhaatpuuto bhavati . govadhaatpuuto bhavati . ashvavadhaatpuuto bhavati . guruvadhaatpuuto bhavati . maatR^ivadhaatpuuto bhavati . pitR^ivadhaatpuuto bhavati . trikaalametatprayu~njaanaH sarvavedapaaraayaNaphalamavaapnoti . sarvatiirthaphalamashnute . anapabruvaH sarvamaayureti . vindate praajaapatya.n raayasposhha.n gaupatyam.h . evamaavartayedupanishhadamityaaha bhagavaansadaashivaH saambaH sadaashivaH saambaH .. iti prathamo.adhyaayaH .. 1.. atha bhusuNDo jaabaalo mahaadeva.n saambaM praNamya punaH paprachchha ki.n nityaM braahmaNaanaa.n kartavya.n yadakaraNe pratyavaiti braahmaNaH . kaH puujaniiyaH . ko vaa dhyeyaH . kaH smartavyaH . katha.n dhyeyaH . kva sthaatavyametadbruuhiiti . samaasena ta.n hovaacha . praagudayaannirvartya shauchaadika.n tataH snaayaat.h . maarjana.n rudrasuuktaiH . tatashchaahata.n vaasaH paridhatte paapmanopahR^ityai . udyantamaadityamabhidhyaayannuddhuulitaa~Nga.n kR^itvaa yathaasthaanaM bhasmanaa tripuNDra.n shvetenaiva rudraakshaa~nchhvetaanbibhR^iyaat.h . naitatsaMmarshaH . tathaanye . muurdhni chatvaari.nshat.h . shikhaayaameka.n traya.n vaa . shrotrayordvaadasha . kaNThe dvaatri.nshat.h . baahvoH shhoDashashhoDasha . dvaadashadvaadasha maNibandhayoH . shhaTshhaDa~NgushhThayoH . tataH sandhyaa.n sakusho.aharaharupaasiita . agnirjyotirityaadibhiragnau juhuyaat.h . shivali~Nga.n trisandhyamabhyarchya kusheshhvaasiino dhyaatvaa saambaM maameva vR^ishhabhaaruuDha.n hiraNyabaahu.n hiraNyavarNa.n hiraNyaruupaM pashupaashavimochakaM purushha.n kR^ishhNapi~Ngalamuurdhvareta.n viruupaaksha.n vishvaruupa.n sahasraaksha.n sahasrashiirshha.n sahasracharaNa.n vishvatobaahu.n vishvaatmaanamekamadvaita.n nishhkala.n nishhkriya.n shaanta.n shivamaksharamavyaya.n hariharahiraNyagarbhasrashhTaaramaprameyamanaadyanta.n rudrasuuktairabhishhichya sitena bhasmanaa shriiphaladalaishcha trishaakhairaardrairanaardrairvaa . naitatra sa.nsparshaH . tatpuujaasaadhana.n kalpayechcha naivedyam.h . tatashchaikaadashaguNarudro japaniiyaH . ekaguNo.anantaH . shhaDaksharo.ashhTaaksharo vaa shaivo mantro japaniiyaH . omityagre vyaaharet.h . nama iti pashchaat.h . tataH shivaayetyaksharatrayam.h . omityagre vyaaharet.h . nama iti pashchaat.h . tato mahaadevayeti pa~nchaaksharaaNi . naatastaarakaH paramo mantraH . taarako.ayaM pa~nchaaksharaH . ko.aya.n shaivo manuH . shaivastaarako.ayamupadishyate manuravimukte shaivebhyo jiivebhyaH . shaivo.ayameva mantrastaarayati . sa eva brahmopadeshaH . brahma somo.ahaM pavanaH somo.ahaM pavate somo.aha.n janitaa matiinaaM somo.aha.n janitaa pR^ithivyaaH somo.aha.n janitaa.agneH somo.aha.n janitaa suuryasya somo.aha.n janitendrasya somo.aha.n janitota vishhNoH somo.ahameva janitaa sa yashchandramaso devaanaaM bhuurbhuvasvaraadiinaa.n sarveshhaa.n lokaanaa.n cha . vishvaM bhuutaM bhuvana.n chitraM bahudhaa jaata.n jaayamaana.n cha yatsarvasya somo.ahameva janitaa vishvaadhiko rudro maharshhiH . hiraNyagarbhaadiinaha.n jaayamaanaanpashyaami . yo rudro agnau yo apsu ya oshhadhiishhu yo rudro vishvaa bhuvanaa viveshaivameva . ayamevaatmaantaraatmaa brahmajyotiryasmaanna matto.anyaH paraH . ahameva paro vishvaadhikaH . maameva viditvaamR^itatvameti . tarati shokam.h . maameva viditvaa saa.nsR^itikii.n ruja.n draavayati . tasmaadaha.n rudro yaH sarveshhaaM paramaa gatiH . so.aha.n sarvaakaaraH . yato vaa imaani bhuutaani jaayante . yena jaataani jiivanti . yatprayantyabhisa.nvishanti . taM maameva viditvopaasiita . bhuutebhirdevebhirabhishhTuto.ahameva . bhiishhaasmaadvaataH pavate . bhiishhodeti suuryaH . bhiishhaasmaadagnishchendrashcha . somo.ata eva yo.aha.n sarveshhaamadhishhThaataa sarveshhaa.n cha bhuutaanaaM paalakaH . so.ahaM pR^ithivii . so.ahamaapaH . so.aha.n tejaH . so.aha.n vaayuH . so.aha.n kaalaH . so.aha.n dishaH . so.ahamaatmaa . mayi sarvaM pratishhThitam.h . brahmavidaapnoti param.h . brahmaa shivo me astu sadaashivom.h . achakshurvishvatashchakshurakarNo vishvataH karNo.apaado vishvataHpaado.apaaNirvishvataHpaaNiraahamashiraa vishvataHshiraa vidyaamantraikasa.nshrayo vidyaaruupo vidyaamayo vishveshvaro.ahamajaro.aham.h . maameva.n viditvaa sa.nsR^itipaashaatpramuchyate . tasmaadahaM pashupaashavimochakaH . pashavashchaamaanavaantaM madhyavartinashcha yuktaatmaano yatante maameva praaptum.h . praapyante maa.n na punaraavartante . trishuulagaa.n kaashiimadhishritya tyaktaasavo.api mayyeva sa.nvishanti . prajvalavahniga.n haviryathaa na yajamaanamaasaadayati tathaasau tyaktvaa kuNapa.n na tattaadR^ishaM puraa praapnuvanti . eshha evaadeshaH . eshha upadeshaH . eshha eva paramo dharmaH . satyaattatra kadaachinna pramaditavya.n tatroddhuulanatripuNDraabhyaam.h . tathaa rudraadyaakshadhaaraNaattathaa madarchanaachcha . pramaadenaapi naantardevasadane puriishha.n kuryaat.h . vrataanna pramaditavyam.h . taddhi tapastaddhi tapaH kaashyaameva muktikaamaanaam.h . na tattyaajya.n na tattyaajyaM mochako.ahamavimukte nivasataam.h . naavimuktaatparama.n sthaanam.h . naavimuktaatparama.n sthaanam.h . kaashyaa.n sthaanaani chatvaari . teshhaamabhyarhitamantargR^iham.h . tatraapyavimuktamabhyarhitam.h . tatra sthaanaani pa~ncha . tanmadhye shivaagaaramabhyarhitam.h . tatra praachyaamaishvaryasthaanam.h . dakshiNaayaa.n vichaalanasthaanam.h . pashchimaayaa.n vairaagyasthaanam.h . uttaraayaa.n j~naanasthaanam.h . tasminyadantarnirliptamavyayamanaadyanta\- masheshhavedavedaantavedyamanirdeshyamaniruktamaprachyavamaashaasyamadvaita.n sarvaadhaaramanaadhaaramaniriikshyamaharaharbrahmavishhNupurandaraadyamaravarasevitaM maameva jyotiHsvaruupa.n li~NgaM maamevopaasitavya.n tadevopaasitavyam.h . naiva bhaavayanti talli~NgaM bhaanushchandro.agnirvaayuH . svaprakaasha.n vishveshvaraabhidhaM paataalamadhitishhThati . tadevaaham.h . tatraarchito.aham.h . saakshaadarchitaH . trishaakhairbilvadalairdiiptairvaa yo.abhisaMpuujayenmanmanaa mayyaahitaasurmayyevaarpitaakhilakarmaa bhasmadigdhaa~Ngo rudraakshabhuushhaNo maameva sarvabhaavena prapanno madekapuujaanirataH saMpuujayet.h . tadahamashnaami . taM mochayaami sa.nsR^itipaashaat.h . aharaharabhyarchya vishveshvara.n li~Nga.n tatra rudrasuuktairabhishhichya tadeva snapanapayastriH piitvaa mahaapaatakebhyo muchyate . na shokamaapnoti . muchyate sa.nsaarabandhanaat.h . tadanabhyarchya naashniiyaatphalamannamanyadvaa . yadashniiyaadretobhakshiibhavet.h . naapaH pibet.h . yadi pibetpuuyapo bhavet.h . pramaadenaikadaa tvanabhyarchya maaM bhuktvaa bhojayitvaa keshaanvaapayitvaa gavyaanaaM pa~ncha sa.ngR^ihyoposhhya jale rudrasnaanam.h . japettrivaara.n rudraanuvaakam.h . aadityaM pashyannabhidhyaaya\- nsvakR^itakarmakR^idraudrereva mantraiH kuryaanmaarjanam.h . tato bhojayitvaa braahmaNaanpuuto bhavati . anyathaa pareto yaatanaamashnute . patraiH phalairvaa jalairvaanyairvaabhipuujya vishveshvaraM maa.n tato.ashniiyaat.h . kaapilena payasaabhishhichya rudrasuuktena maameva shivali~NgaruupiNaM brahmahatyaayaaH puuto bhavati . kaapilenaajyenaabhishhichya svarNasteyaatpuuto bhavati . madhunaabhishhichya gurudaaragamanaatpuuto bhavati . sitayaa sharkarayaabhishhichya sarvajiivavadhaatpuuto bhavati . kshiiraadibhiretairabhishhichya sarvaanavaapnoti kaamaan.h . ityekaikaM mahaanprasthashataM mahaanprasthashatamaanaiH shatairabhipuujya mukto bhavati sa.nsaarabandhanaat.h . maameva shivali~NgaruupiNamaardraayaaM paurNamaasyaa.n vaamaavaasyaayaa.n vaa mahaavyatiipaate grahaNe sa.nkraantaavabhishhichya tilaiH sataNDulaiH sayavaiH saMpuujya bilvadalairabhyarchya kaapilenaajyaanvita\- gandhasaaradhuupaiH parikalpya diipa.n naivedya.n saajyamupahaara.n kalpayitvaa dadyaatpushhpaa~njalim.h . evaM prayato.abhyarchya mama saayujyameti . shatairmahaaprasthairakhaNDaistaNDulairabhishhichya chandralokakaamashchandralokamavaapnoti . tilairetaavadbhirabhishhichya vaayulokakaamo vaayulokamavaapnoti . maashhairetaavadbhirabhishhichya varuNalokakaamo varuNalokamavaapnoti . yavairetaavadbhirabhishhichya suuryalokakaamaH suuryalokamavaapnoti . etairetaavadbhirdviguNairabhishhichya svargalokakaamaH svargalokamavaapnoti . etairetaavadbhishchaturguNairabhishhichya chaturjaalaM brahmakosha.n yanmR^ityurnaavapashyati . tamatiitya mallokakaamo mallokamavaapnoti naanyaM mallokaatparam.h . yamavaapya na shochati . na sa punaraavartate na sa punaraavartate . li~NgaruupiNaM maa.n saMpuujya chintayanti yoginaH siddhaaH siddhi.n gataaH . yajanti yajvaanaH . maameva stuvanti vedaaH saa~NgaaH sopanishhadaH setihaasaH . na matto.anyadahameva sarvam.h . mayi sarvaM pratishhThitam.h . tataH kaashyaaM prayatairevaahamanvahaM puujyaH . tatra gaNaa raudraananaa naanaamukhaa naanaashastradhaariNo naanaaruupadharaa naanaachihnitaaH . te sarve bhasmadigdhaa~Ngaa rudraakshaabharaNaaH kR^itaa~njalayo nityamabhidhyaayanti . tatra puurvasya.n dishi brahmaa kR^itaa~njaliraharnishaM maamupaaste . dakshiNasyaa.n dishi vishhNuH kR^itvaiva muurdhaa~njaliM maamupaaste . pratiichyaamindraH sannataa~Nga upaaste . udiichyaamagnikaayamumaanuraktaa hemaa~NgavibhuushhaNaa hemavastraa maamupaasate maameva vedaashchaturmuurtidharaaH . dakshiNaayaa.n dishi muktisthaana.n tanmuktimaNDapasa.nj~nitam.h . tatraanekagaNaaH paalakaaH saayudhaaH paapaghaatakaaH . tatra R^ishhayaH shaaMbhavaaH paashupataa mahaashaivaa vedaavata.nsa.n shaivaM pa~nchaakshara.n japantastaaraka.n sapraNavaM modamaanaastishhThanti . tatraikaa ratnavedikaa . tatraahamaasiinaH kaashyaa.n tyaktakuNapaa~nchhaivaanaaniiya svasyaa~Nke sa.nniveshya bhasitarudraakshabhuushhitaanupaspR^ishya maa bhuudeteshhaa.n janma mR^itishcheti taaraka.n shavaM manumupadishaami . tataste muktaa maamanuvishanti vij~naanamayenaa~Ngena . na punaraavartante hutaashanapratishhTha.n haviriva tatraiva muktyarthamupadishyate shaivo.ayaM mantraH pa~nchaaksharaH . tanmuktisthaanam.h . tata o~Nkaararuupam.h . tato madarpitakarmaNaaM madaavishhTachetasaaM madruupataa bhavati . naanyeshhamiyaM brahmavidyeyaM brahmavidyaa . mumukshavaH kaashyaamevaasiinaa viiryavanto vidyaavantaH . vij~naanamayaM brahmakosham.h . chaturjaalaM brahmakosham.h . yanmR^ityurnaavapashyati . yaM brahmaa naavapashyati . ya.n vishhNurnaavapashyati . yamindraagnii naavapashyetaam.h . ya.n varuNaadayo naavapashyanti . tameva tatteja plushhTaviDbhaava.n haimamumaa.n sa.nshlishhya vasanta.n chandrakoTisamaprabha.n chandrakiriiTa.n somasuuryaagninayanaM bhuutibhuushhitavigraha.n shivaM maamevamabhidhyaayanto muktakilbishhaastyaktabandhaa mayyeva liinaa bhavanti . ye chaanye kaashyaaM puriishha kaariNaH pratigraharataastyaktabhasmadhaaraNaastyaktarudraakshadhaaraNaastyakta\- somavaaravrataastyaktagrahayaagaastyaktavishveshvaraarchanaastyakta\- pa~nchaaksharajapaastyaktabhairavaarchanaa bhairavii.n ghoraadiyaatanaa.n naanaavidhaa.n kaashyaaM paretaa bhuktvaa tataH shuddhaa maaM prapadyante cha . antargR^ihe reto muutraM puriishha.n vaa visR^ijanti tadaa tena si~nchante pitR^In.h . tameva paapakaariNaM mR^itaM pashyanniilalohito bhairavastaM paatayatyasramaNDale jvalajjvalanakuNDeshhvanyeshhvapi . tatashchaapramaadena nivasedapramaadena nivasetkaashyaa.n li~NgaruupiNyaamityupanishhat.h .. AUM bhadra.n karNebhiH shR^iNuyaama devaaH .. bhadraM pashyemaakshabhiryajatraaH .. sthiraira~NgaistushhTuvaa{\m+}sastanuubhiH .. vyashema devahita.n yadaayuH .. svasti na indro vR^iddhashravaaH .. svasti naH puushhaa vishvavedaaH .. svasti nastaarkshyo arishhTanemiH .. svasti no bR^ihaspatirdadhaatu .. AUM shaantiH shaantiH shaantiH .. hariH AUM tatsat.h .. iti bhasmajaabaalopanishhatsamaaptaa ..