yaH paadapapihitatanuH prakaashataaM parashuraameNa |
nItaH so&vyaatsatataM shrIkaNThaH paadanamrakalpataruH ||1||
yaH kaalaM jitagarvaM kRRutvaa kShaNato mRukaNDumunisoonum |
nirbhayamakarotso&vyacCrIkaNThaH paadanamrakalpataruH ||2||
kuShThaapasmaaramuKaa rogaa yatpaadasevanaatsahasaa |
prashamaM prayaanti so&vyaacCrIkaNThaH paadanamrakalpataruH ||3||
yadavidyaiva jagadidamaKilaM pratibhaati satyavatpoorvam |
j~jaanaatso&vyaatsatataM shrIkaNThaH paadanamrakalpataruH ||4||
yativRundavandyacharaNaH kamitaa dharaNIdharendratanayaayaaH |
shrIshaadivandito^&vyaacCrIkaNThaH paadanamrakalpataruH ||5||
yo dakShiNaasyaroopaM dhRutvaa vij~jaanadaanakRutadIkShaH |
mugdhebhyo&pi sa paayaacCrIkaNThaH paadanamrakalpataruH ||6||
andho&pi yatkaruNayaa chakShuShmaanbhavati satvaraM loke |
karuNaanidhiH sa paayaacCrIkaNThaH paadanamrakalpataruH ||7||
kapilaataTaadRutagatiH kapilaadimunIndravandyapadapadmaH |
shrIdaH paayaatsatataM shrIkaNThaH paadanamrakalpataruH ||8||
shrIkaNThaaShTakametatpaThati jano yaH kRRutaadaraH satatam |
shrIvidyaasadanaM sa prabhavennaivaatra sandehaH ||9||
iti shrIkaNThaaShTakaM saMpoorNam ||