yaH ShaDvaktragajaananaadbhutasutaaviShkaaraNavyajitaa-
cintyotpaadanavaibhavaaM girisutaaM maayaaM nijaa~gge dadhat |
sevyaaM saMsRutihaanaye tripathagaaM vidyaaM cha moordhnaa vahan
svaM brahmatvamabhivyanakti bhajataH paayaat sa ga~ggaadharaH ||1||
yasyaalocya kapardadurgaviluThadga~ggaaMbushauklyaacCataa-
maadhuryaaNi paraajayoditashuchaa kShINaH kalaamaatrataam |
bibhrat pitsati noonamutkaTajaTaajooToccakooTaacCashI
laalaaTaakShishiKaasu so&stu bhajataaM bhavyaaya ga~ggaadharaH ||2||
yallaalaaTakRupITayonisatataasa~ggaadvilInaH shashI
ga~ggaaroopamupetya tatprashamanaashaktaH kRushaa~ggaH shuchaa |
udbadhnaati tanuM trapaaparavasho manye jaTaadaamabhiH
paayaat stavyavibhaavyanavyacharito bhaktaan sa ga~ggaadharaH ||3||
a~gkaarooDhadharaadharaadhipasutaasaundaryasantarjitaa
ga~ggaa yasya kapardadurgamavane lInaa vilInaa hriyaa |
cintaapaaNDutanuH sKalantyavirataM paarvatyasooyaasmitai-
rantardhi bahu manyate&stu bhajataaM bhootyai sa ga~ggaadharaH ||4||
mugdhaaM snrigdha iva prataarya girijaamardhaa~ggadaanacCalaa-
nnityodyadvahulabhramaaM tripathagaamaatmottamaa~gge vahan |
sthaane yo viShamekShaNatvapadavImaaropyate kovidaiH
pracCannapraNayakramo&stu bhajataaM prItyai sa ga~ggaadharaH ||5||
sevaasajjasuraarShipariShadvyaakIrNapuShpaa~jjaliprashca-
yotanmakarandabindusatataasaaraH patanmastake |
yasyaavishramasaMbhRutastripathagaanaamnaa janaiH Kyaapyate
sa trailokyaniShevitaa~gghriyugaLaH puShNaatu ga~ggaadharaH ||6||
yasminnuddhatataaNDavaikarasataasaaTopanaaThyakrame
visrastaasu jaTaasu bhaasura tanurdhaaraashataiH paatukaa |
ga~ggaaja~ggamavaariparvatadhiyaM citte vidhatte sataa-
metaM citravibhootirastu bhajataaM bhavyaaya ga~ggaadharaH ||7||
yo ga~ggaapayasi prabho tava mahaanatyaadaraH kalpate
saMmoorcCadviShayaapanaaya vidhaye krudhyasyasatyoktaye |
Ishaanastavasaagaraantagamane vaaNyaH puraaNyo&kShamaaH
sa~gkShipyetthamabhiShTutaH sasitaguH prIto&stu ga~ggaadharaH ||8||
itIshaanastavaH saMpoorNaH ||