Home >
Scripture >
scripture >
English-Script
Copy linkmārgabandhustotram (appayya dīkṣita) - Shri Margabandhu Stotram(Appayya Diksithar)
Composer : Appayya Dikshita
Singer
Subhalakshmi Krishnamurthy
Play Song
Source language
English-Script
Translation language
Click on the songs to view the meaning
śambho mahādeva deva, śambho mahādeva deveśa śambho ..
bhālāvanamratkirīṭaṃ bhālanetrārciṣā dagdhapañceṣukīṭam .
śūlāhatārātikūṭaṃ śuddhamardhenducūḍaṃ bhaje mārgabandhum .
śambho mahādeva deva, śambho mahādeva deveśa śambho .. 1..
aṅge virājadbhujaṅgaṃ abhragaṅgātaraṅgābhirāmottamāṅgam .
oṃkāravāṭīkuraṅgaṃ siddhasaṃsevitāṅghriṃ bhaje mārgabandhum .
śambho mahādeva deva, śambho mahādeva deveśa śambho .. 2..
nityam cidānandarūpaṃ nihnutāśeṣalokeśavairipratāpam .
kārtasvarāgendracāpaṃ kṛttivāsaṃ bhaje divyasanmārgabandhum .
śambho mahādeva deva, śambho mahādeva deveśa śambho .. 3..
kandarpadarpaghnamīśaṃ kālakaṇṭhaṃ maheśaṃ mahāvyomakeśam .
kundābhadantaṃ sureśaṃ koṭisūryaprakāśaṃ bhaje mārgabandhum .
śambho mahādeva deva, śambho mahādeva deveśa śambho .. 4..
mandārabhūterudāraṃ mandarāgendrasāraṃ mahāgauryadūram .
sindūradūrapracāraṃ sindhurājātidhīraṃ bhaje mārgabandhum .
śambho mahādeva deva, śambho mahādeva deveśa śambho .. 5..
appayyayajjvendra gītaṃ stotrarājaṃ paṭhedyastu bhaktyā prayāṇe .
tasyārthasiddhiṃ vidhatte mārgamadhye'bhayaṃ cāśutoṣī maheśaḥ .
śambho mahādeva deva, śambho mahādeva deveśa śambho .. 6..
iti śrīappayyadīkṣitendraiḥ viracitaṃ mārgabandhustotram sampūrṇam .