logo

|

Home >

Scripture >

scripture >

English-Script

Shiva Upanishad


  • This Page is courtesy of Sanskrit Documents List. Please send your corrections

     

  • This stotra is also available in  devanAgari PDF

    shivopaniShad

    kailAsashikharAsInamasheShAmarapUjitam |
    kAlaghnaM shrImahAkAlamIshvaraM j~nAnapAragam || 1\-1||
    
    saMpUjya vidhivadbhaktyA R^iShyAtreyaH susaMyataH |
    sarvabhUtahitArthAya paprachChedaM mahAmuniH || 1\-2||
    
    j~nAnayogaM na vindanti ye narA mandabuddhayaH |
    te muchyante kathaM ghorAdbhagavanbhavasAgarAt || 1\-3||
    
    evaM pR^iShTaH prasannAtmA R^iShyAtreyeNa dhImatA |
    mandabuddhivimuktyarthaM mahAkAlaH prabhAShate || 1\-4||
    
    mahAdeva uvAcha
    purA rudreNa gaditAH shivadharmAH sanAtanAH |
    devyAH sarvagaNAnAM cha saMkShepAdgranthakoTibhiH || 1\-5||
    
    AyuH praj~nAM tathA shaktiM prasamIkShya nR^INAmiha |
    tApatrayaprapIDAM cha bhogatR^iShNAvimohinIm || 1\-6||
    
    te dharmAH skandanandibhyAmanyaishcha munisattamaiH |
    sAramAdAya nirdiShTAH samyakprakaraNAntaraiH || 1\-7||
    
    sArAdapi mahAsAraM shivopaniShadaM param |
    alpagranthaM mahArthaM cha pravakShyAmi jagaddhitam || 1\-8||
    
    shivaH shiva ime shAnta\- nAma chAdyaM muhurmuhuH |
    uchchArayanti tadbhaktyA te shivA nAtra saMshayaH || 1\-9||
    
    ashivAH pAshasaMyuktAH pashavaH sarvachetanAH |
    yasmAdvilakShaNAstebhyastasmAdIshaH shivaH smR^itaH || 1\-10||
    
    guNo buddhirahaMkArastanmAtrANIndriyAni cha |
    bhUtAni cha chaturviMshaditi pAshAH prakIrtitAH || 1\-11||
    
    pa~nchaviMshakamaj~nAnaM sahajaM sarvadehinAm |
    pAshAjAlasya tanmUlaM prakR^itiH kAraNAya naH || 1\-12||
    
    satyaj~nAne nibadhyante puruShAH pAshabandhanaiH |
    madbhAvAchcha vimuchyante j~nAninaH pAshapa~njarAt || 1\-13||
    
    ShaDviMshakashcha puruShaH pashuraj~naH shivAgame |
    saptaviMsha iti proktaH shivaH sarvajagatpatiH || 1\-14||
    
    yasmAchChivaH susaMpUrNaH sarvaj~naH sarvagaH prabhuH |
    tasmAtsa pAshaharitaH sa vishuddhaH svabhAvataH || 1\-15||
    
    pashupAshaparaH shAntaH paramaj~nAnadeshikaH |
    shivaH shivAya bhUtAnAM taM vij~nAya vimuchyate || 1\-16||
    
    etadeva paraM j~nAnaM shiva ityakSharadvayam |
    vichArAdyAti vistAraM tailabindurivAmbhasi || 1\-17||
    
    sakR^iduchchAritaM yena shiva ityakSharadvayam |
    baddhaH parikarastena mokShopagamanaM prati || 1\-18||
    
    dvyakSharaH shivamantro .ayaM shivopaniShadi smR^itaH |
    ekAkSharaH punashchAyamomityevaM vyavasthitaH || 1\-19||
    
    nAmasaMkIrtaNAdeva shivasyAsheShapAtakaiH |
    yataH pramuchyate kShipraM mantro .ayaM dvyakSharaH paraH || 1\-20||
    
    yaH shivaM shivamityevaM dvyakSharaM mantramabhyaset |
    ekAkSharaM vA satataM sa yAti paramaM padam || 1\-21||
    
    mitrasvajanabandhUnAM kuryAnnAma shivAtmakam |
    api tatkIrtanAdyAti pApamuktaH shivaM puram || 1\-22||
    
    vij~neyaH sa shivaH shAnto narastadbhAvabhAvitaH |
    Aste sadA nirudvignaH sa dehAnte vimuchyate || 1\-23||
    
    hR^idyantaHkaraNaM j~neyaM shivasya AyatanaM param |
    hR^itpadmaM vedikA tatra li~NgamoMkAramiShyate || 1\-24||
    
    puruShaH sthApako j~neyaH satyaM saMmArjanaM smR^itam |
    ahiMsA gomayaM proktaM shAntishcha salilaM param || 1\-25||
    
    kuryAtsaMmArjanaM prAj~no vairAgyaM chandanaM smR^itam |
    pUjayeddhyAnayogena saMtoShaiH kusumaiH sitaiH || 1\-26||
    
    dhUpashcha guggulurdeyaH prANAyAmasamudbhavaH |
    pratyAhArashcha naivedyamasteyaM cha pradakShiNam || 1\-27||
    
    iti divyopachAraishcha saMpUjya paramaM shivam |
    japeddhyAyechcha muktyarthaM sarvasa~NgavivarjitaH || 1\-28||
    
    j~nAnayogavinirmuktaH karmayogasamAvR^ittaH |
    mR^itaH shivapuraM gachChetsa tena shivakarmaNA || 1\-29||
    
    tatra bhuktvA mahAbhogAnpralaye sarvadehinAm |
    shivadharmAchChivaj~nAnaM prApya muktimavApnuyAt || 1\-30||
    
    j~nAnayogena muchyante dehapAtAdanantaram |
    bhogAnbhuktvA cha muchyante pralaye karmayoginaH || 1\-31||
    
    tasmAjj~nAnavido yogAttathAj~nAH karmayoginaH |
    sarva eva vimuchyante ye narAH shivamAshritAH || 1\-32||
    
    sa bhogaH shivavidyArthaM yeShAM karmAsti nirmalam |
    te bhogAnprApya muchyante pralaye shivavidyayA || 1\-33||
    
    vidyA saMkIrtanIyA hi yeShAM karma na vidyate |
    te chAvartya vimuchyante yAvatkarma na tadbhavet || 1\-34||
    
    shivaj~nAnavidaM tasmAtpUjayedvibhavairgurum |
    vidyAdAnaM cha kurvIta bhogamokShajigIShayA || 1\-35||
    
    shivayogI shivaj~nAnI shivajApI tapo.adhikaH |
    kramashaH karmayogI cha pa~nchaite muktibhAjanAH || 1\-36||
    
    karmayogasya yanmUlaM tadvakShyAmi samAsataH |
    li~NgamAyatanaM cheti tatra karma pravartate || 1\-37||
    
     || iti shivopaniShadi muktinirdeshAdhyAyaH prathamaH ||
    
    atha pUrvasthito li~Nge garbhaH sa triguNo bhavet |
    garbhAdvApi vibhAgena sthApya li~NgaM shivAlaye || 2\-1||
    
    yAvalli~Ngasya dairghyaM syAttAvadvedyAshcha vistaraH |
    li~NgatR^itIyabhAgena bhavedvedyAH samuchChrayaH || 2\-2||
    
    bhAgamekaM nyasedbhUmau dvitIyaM vedimadhyataH |
    tR^itIyabhAge pUjA svAditi li~NgaM tridhA sthitam || 2\-3||
    
    bhUmisthaM chaturashraM svAdaShTAshraM vedimadhyataH |
    pUjArthaM vartulaM kAryaM dairghyAttriguNavistaram || 2\-4||
    
    adhobhAge sthitaH skandaH sthitA devI cha madhyataH |
    UrdhvaM rudraH kramAdvApi brahmaviShNumaheshvarAH || 2\-5||
    
    eta eva trayo lokA eta eva trayo guNAH |
    eta eva trayo vedA etachchAnyatsthitaM tridhA || 2\-6||
    
    navahastaH smR^ito jyeShThaH ShaDDhastashchApi madhyamaH |
    vidyAtkanIyastraihastaM li~NgamAnamidaM smR^itam || 2\-7||
    
    garbhasyAnataH pravistArastadUnashcha na shasyate |
    garbhasyAnataH pravistArAdtaduparyapi saMsthitam || 2\-8||
    
    prAsAdaM kalpayechChrImAnvibhajeta tridhA punaH |
    bhAga eko bhavejja~NghA dvau bhAgau ma~njarI smR^itA || 2\-9||
    
    ma~njaryA ardhabhAgasthaM shukanAsaM prakalpayet |
    garbhAdardhena vistAramAyAmaM cha sushobhanam || 2\-10||
    
    garbhAdvApi tribhAgena shukanAsaM prakalpayet |
    garbhAdardhena vistIrNA garbhAchcha dviguNAyatA || 2\-11||
    
    ja~NghAbhishcha bhavetkAryA ma~njarya~NgularAshinA |
    prAsAdArdhena vij~neyo maNDapastasya vAmataH || 2\-12||
    
    maNDapAtpAdavistIrNA jagatI tAvaduchChritA |
    prAsAdasya pramANena jagatyA sArdhama~NgaNam || 2\-13||
    
    prAkAraM tatsamantAchcha gupurAdAlabhUShitam |
    prAkArAntaH sthitaM kAryaM vR^iShasthAnaM samuchChritam || 2\-14||
    
    nandIshvaramahAkAlau dvArashAkhAvyavasthitau |
    prAkArAddakShiNe kAryaM sarvopakaraNAnvitam || 2\-15||
    
    pa~nchabhaumaM tribhaumaM vA yogIndrAvasathaM mahat |
    prAkAraguptaM tatkAryaM maitrasthAnasamanvitam || 2\-16||
    
    sthAnAddashasamAyuktaM bhavyavR^ikShajalAnvitam |
    tanmahAnasamAgneyyAM pUrvataH sattramaNDapam || 2\-17||
    
    sthAnaM chaNDeshamaishAnyAM puShpArAmaM tathottaram |
    
    koShThAgAraM cha vAyavyAM vAruNyAM varuNAlayam || 2\-18||
    shamIndhanakushasthAnamAyudhAnAM cha nairR^itam |
    
    sarvalokopakArAya nagarasthaM prakalpayet || 2\-19||
    shrImadAyatanaM shambhoryoginAM vijane vane |
    
    shivasyAyatane yAvatsametAH paramANavaH || 2\-20||
    manvantarANi tAvanti karturbhogAH shive pure |
    
    mahApratimali~NgAni mahAntyAyatanAni cha || 2\-21||
    kR^itvApnoti mahAbhogAnante muktiM cha shAshvatIm |
    
    li~NgapratiShThAM kurvIta yadA tallakShaNaM kR^itI || 2\-22||
    pa~nchagavyena saMshodhya pUjayitvAdhivAsayet |
    
    pAlAshodumbarAshvattha\- pR^iShadAjyatilairyavaiH || 2\-23||
    agnikAryaM prakurvIta dadyAtpUrNAhutitrayam |
    
    shivasyAShTashataM hutvA li~NgamUlaM spR^ishedbudhaH || 2\-24||
    evaM madhye .avasAne tanmUrtimantraishcha mUrtiShu |
    
    aShTau mUrtIshvarAH kAryAH navamaH sthApakaH smR^itaH || 2\-25||
    prAtaH saMsthApayelli~NgaM mantraistu navabhiH kramAt |
    
    mahAsnApanapUjAM cha sthApya li~NgaM prapUjayet || 2\-26||
    gurormUrtidharANAM cha dadyAduttamadakShiNAm |
    
    yatInAM cha samastAnAM dadyAnmadhyamadakShiNAm || 2\-27||
    dInAndhakR^ipaNebhyashcha sarvAsAmupakalpayet |
    
    sarvabhakShyAnnapAnAdyairaniShiddhaM cha bhojanam || 2\-28||
    kalpayedAgatAnAM cha bhUtebhyashcha baliM haret |
    
    rAtrau mAtR^igaNAnAM cha baliM dadyAdvisheShataH || 2\-29||
    evaM yaH sthApayelli~NgaM tasya puNyaphalaM shR^iNu |
    
    kulatriMshakamuddhR^itya bhR^ityaishcha parivAritaH || 2\-30||
    kalatraputramitrAdyaiH sahitaH sarvabAndhavaiH |
    
    vimuchya pApakalilaM shivalokaM vrajennaraH |
    tatra bhuktvA mahAbhogAnpralaye muktimApnuyAt || 2\-31||
    
     || iti shivopaniShadi li~NgAyatanAdhyAyo dvitIyaH ||
    
    athAnyairalpavittaishcha nR^ipaishcha shivabhAvitaiH |
    shaktitaH svAshrame kAryaM shivashAntigR^ihadvayam || 3\-1||
    
    gR^ihasyeshAnadigbhAge kAryamuttarato .api vA |
    khAtvA bhUmiM samuddhR^itya shalyAnAkoTya yatnataH || 3\-2||
    
    shivadevagR^ihaM kAryamaShTahastapramANataH |
    dakShiNottaradigbhAge kiMchichdIrghaM prakalpayet || 3\-3||
    
    hastamAtrapramANaM cha dR^iDhapaTTachatuShTayam |
    chatuShkoNeShu saMyojyamarghyapAtrAdisaMshrayam || 3\-4||
    
    garbhamadhye prakurvIta shivavediM sushobhanAm |
    udagarvAkchChritAM##(?)## kiMchichchatuHshIrShakasaMyutAm || 3\-5||
    
    trihastAyAmavistArAmShoDashA~NgulamuchChritAm |
    tachChIrShANIva hastArdhamAyAmAdvistareNa cha || 3\-6||
    
    shivasthaNDilamityetachchaturhastaM samaM shiraH |
    mUrtinaivedyadIpAnAM vinyAsArthaM prakalpayet || 3\-7||
    
    shaivali~Ngena kAryaM syAtkAryaM maNijapArthivaiH |
    sthaNDilArdhe cha kurvanti vedimanyAM savartulAm || 3\-8||
    
    ShoDashA~NgulamutsedhAM vistIrNAM dviguNena cha |
    gR^ihe na sthApayechChailaM li~NgaM maNijamarchayet || 3\-9||
    
    trisaMdhyaM pArthivaM vApi kuryAdanyaddinedine |
    sarveShAmeva varNAnAM sphATikaM sarvakAmadam || 3\-10||
    
    sarvadoShavinirmuktamanyathA doShamAvahet |
    AyuShmAnbalavA~nshrImAnputravAndhanavAnsukhI || 3\-11||
    
    varamiShTaM cha labhate li~NgaM pArthivamarchayan |
    tasmAddhi pArthivaM li~NgaM j~neyaM sarvArthasAdhakam || 3\-12||
    
    nirdoShaM sulabhaM chaiva pUjayetsatataM budhaH |
    yathA yathA mahAli~NgaM pUjA shraddhA yathA yathA || 3\-13||
    
    tathA tathA mahatpuNyaM vij~neyamanurUpataH |
    pratimAli~NgavedIShu yAvantaH paramANavaH |
    tAvatkalpAnmahAbhogastatkartAste shive pure || 3\-14||
    
     || iti shivopaniShadi shivagR^ihAdhyAyastR^itIyaH ||
    
    athaikabhinnAvichChinnaM purataH shAntimaNDapam |
    pUrvAparAShTahastaM syAddvAdashottaradakShiNe || 4\-1||
    
    taddvArabhittisaMbaddhaM kapichChukasamAvR^itam |
    paTadvayaM bhavetsthApya sruvAdyAvArahetunA || 4\-2||
    
    dvAraM trishAkhaM vij~neyaM navatya~NgulamuchChritam |
    tadardhena cha vistIrNaM satkavATaM shivAlaye || 4\-3||
    
    dIrghaM pa~nchanavatyA cha pa~nchashAkhAsushobhitam |
    satkavATadvayopetaM shrImadvAhanamaNTapam || 4\-4||
    
    dvAraM pashchAnmukhaM j~neyamasheShArthaprasAdhakam |
    abhAve prA~NmukhaM kAryamudagdakShiNato na cha || 4\-5||
    
    gavAkShakadvayaM kAryamapidhAnaM sushobhanam |
    dhUmanirgamanArthAya dakShiNottarakuDyayoH || 4\-6||
    
    AgneyabhAgAtparitaH kAryA jAlagavAkShakAH |
    UrdhvastUpikayA yuktA IShachChidrapidhAnayA || 4\-7||
    
    shivAgnihotrakuNDaM cha vR^ittaM hastapramANataH |
    chaturashravedi##(kA)## shrImanmekhalAtrayabhUShitam || 4\-8||
    
    kuDyaM dvihastavistIR^iNaM pa~nchahastasamuchChritam |
    shivAgnihotrasharaNaM kartavyamatishobhanam || 4\-9||
    
    jagatIstambhapaTTAdyaM saptasaMkhyaM cha kalpayet |
    bandhayogavinirmuktaM tulyasthAnapadAntaram || 4\-10||
    
    aiShTakaM kalpayedyatnAchChivAgnyAyatanaM mahat |
    chatuHpregIvakopetam##(?)## ekapregIvakena vA##(?)## || 4\-11||
    
    sudhApraliptaM kartavyaM pa~nchANDakabibhUShitam |
    shivAgnihotrasharaNaM chaturaNDakasaMyutam || 4\-12||
    
    bahistadeva jagatI trihastA vA sukuTTimA |
    tAvadeva cha vistIrNA mekhalAdivibhUShitA || 4\-13||
    
    kartavyA chAtra jagatI tasyAshchAdhaH samantataH |
    dvihastamAtravistIrNA tadardhArdhasamuchChritA || 4\-14||
    
    anyA vR^ittA prakartavyA rudravedI sushobhanA |
    dashahastapramANA cha chatura~NgulamuchChritA || 4\-15||
    
    rudramAtR^igaNAnAM cha dikpatInAM cha sarvadA |
    sarvAgrapAkasaMyuktaM tAsu nityabaliM haret || 4\-16||
    
    vedyanyA sarvabhUtAnAM bahiH kAryA dvihastikA |
    vR^iShasthAnaM cha kartavyaM shivAlokanasaMmukham || 4\-17||
    
    agrArShasaviturvyoma vR^iShaH kAryashcha pashchime |
    vyomnashchAdhastrigarbhaM syAtpitR^itarpaNavedikA || 4\-18||
    
    prAkArAntarbahiH kAryaM shrImadgopurabhUShitam |
    puShpArAmajalopetaM prAkArAntaM cha kArayet || 4\-19||
    
    mR^iddArujaM tR^iNachChannaM prakurvIta shivAlayam |
    bhUmikAdvayavinyAsAdutkShiptaM kalpayedbudhaH || 4\-20||
    
    shivadakShiNataH kAryaM tabhukteryogyamAlayam |
    shayyAsanasamAyuktaM vAstuvidyAvinirmitam || 4\-21||
    
    dhvajasiMhau vR^iShagajau chatvAraH shobhanAH smR^itAH |
    dhUmashvagardabhadhvA~NkShAshchatvArashchArthanAshakAH || 4\-22||
    
    gR^ihasyAyAmavistAraM kR^itvA triguNamAditaH |
    aShTabhiH shodhayedApaiH sheShashcha gR^ihamAdishet || 4\-23||
    
    iti shAntigR^ihaM kR^itvA rudrAgniM yaH pravartayet |
    apyekaM divasaM bhaktyA tasya puNyaphalaM shR^iNu || 4\-24||
    
    kalatraputramitrAdyaiH sa bhR^ityaiH parivAritaH |
    kulaikaviMshaduttArya devalokamavApnuyAt || 4\-25||
    
    nIlotpaladalashyAmAH pInavR^ittapayodharAH |
    hemavarNAH striyashchAnyAH sundaryaH priyadarshanAH || 4\-26||
    
    tAbhiH sArdhaM mahAbhogairvimAnaiH sArvakAmikaiH |
    ichChayA krIDate tAvadyAvadAbhUtasaMplavam || 4\-27||
    
    tataH kalpAgninA sArdhaM dahyamAnaM suvihvalam |
    dR^iShTvA virajyate bhUyo bhavabhogamahArNavAt || 4\-28||
    
    tataH saMpR^ichChate rudrAMstatrasthAnj~nAnapAragAn |
    tebhyaH prApya shivaj~nAnaM shAntaM nirvANamApnuyAt || 4\-29||
    
    aviraktashcha bhogebhyaH sapta janmAni jAyate |
    pR^ithivyadhipatiH shrImAnichChayA vA dvijottamaH || 4\-30||
    
    saptamAjjanmanashchAnte shivaj~nAnamanApnuyAt |
    j~nAnAdviraktaH saMsArAchChuddhaH khAnyadhitiShThati || 4\-31||
    
    ityetadakhilaM kAryaM phalamuktaM samAsataH |
    utsave cha punarbrUmaH pratyekaM dravyajaM phalam || 4\-32||
    
    sadgandhaguTikAmekAM lAkShAM prANya~NgavarjitAm |
    karpAsAsthipramANaM cha hutvAgnau shR^iNuyAtphalam || 4\-33||
    
    yAvatsatgandhaguTikA shivAgnau saMkhyayA hutA |
    tAvatkoTyastu varShANi bhogAnbhu~Nkte shive pure || 4\-34||
    
    ekA~NgulapramANena hutvAgnau chandanAhutim |
    varShakoTidvayaM bhogairdivyaiH shivapure vaset || 4\-35||
    
    yAvatkesarasaMkhyAnaM kusumasyAnale hutam |
    tAvadyugasahasrANi shivaloke mahIyate || 4\-36||
    
    nAgakesarapuShpaM tu ku~NkumArdhena kIrtitam |
    yatphalaM chandanasyoktamushIrasya tadardhakam || 4\-37||
    
    yatpuShpadhUpabhaShyAnna\- dadhikShIraghR^itAdibhiH |
    puNyali~NgArchane proktaM taddhomasya dashAdhikam || 4\-38||
    
    hutvAgnau samidhastisrau shivomAskandanAmabhiH |
    pashchAddadyAttilAnnAni homayIta yathAkramam || 4\-39||
    
    palAshAa~NkurajAriShTa\- pAlAlyaH##(?)## samidhaH shubhAH |
    pR^iShadAjyaplutA hutvA shR^iNu yatphalamApnuyAt || 4\-40||
    
    palAshA~NkurasaMkhyAnAM yAvadagnau hutaM bhavet |
    tAvatkalpAnmahAbhogaiH shivaloke mahIyate || 4\-41||
    
    tallakShyamadhyasaMbhUtaM hutvAgnau samidhaH shubhAH |
    kalpArdhasaMmitaM kAlaM bhogAnbhu~Nkte shive pure || 4\-42||
    
    shamIsamitphalaM deyamabdAnapi cha lakShakam |
    shamyardhaphalavachCheShAH samidhaH kShIravR^ikShajAH || 4\-43||
    
    tilasaMkhyAMstilAnhutvA hyAjyAktA##(?)## yAvatI bhavet |
    tAvatsa varShalakShAMstu bhogAnbhu~Nkte shive pure || 4\-44||
    
    yAvatsurauShadhIraj~nas##(?)## tilatulyaphalaM smR^itam |
    itarebhyastilebhyashcha kR^iShNAnAM dviguNaM phalam || 4\-45||
    
    lAjAkShatAH sagodhUmAH varShalakShaphalapradAH |
    dashasAhasrikA j~neyAH sheShAH syurbIjajAtayaH || 4\-46||
    
    palAshendhanaje vahnau homasya dviguNaM phalam |
    kShIravR^ikShasamR^iddhe .agnau phalaM sArdhArdhikaM bhavet || 4\-47||
    
    asamiddhe sadhUme cha homakarma nirarthakam |
    andhashcha jAyamAnaH syAddAridryopahatastathA || 4\-48||
    
    na cha kaNTakibhirvR^ikShairagniM prajvAlya homayet |
    shuShkairnavaiH prashastaishcha kAShThairagniM samindhayet || 4\-49||
    
    evamAjyAhutiM hutvA shivalokamavApnuyAt |
    tatra kalpashataM bhogAnbhu~Nkte divyAnyathepsitAn || 4\-50||
    
    sruchaikAhitamAtreNa vratasyApUritena cha |
    yAhutirdIyate vahnau sA pUrNAhutiruchyate || 4\-51||
    
    ekAM pUrNAhutiM hutvA shivena shivabhAvitaH |
    sarvakAmamavApnoti shivaloke vyavasthitaH || 4\-52||
    
    asheShakulajairsArdhaM sa bhR^ityaiH parivAritaH |
    AbhUtasaMplavaM yAvadbhogAnbhu~Nkte yathepsitAn || 4\-53||
    
    tatashcha pralaye prApte saMprApya j~nAnamuttamam |
    prasAdAdIshvarasyaiva muchyate bhavasAgarAt || 4\-54||
    
    shivapUrNAhutiM vahnau patantIM yaH prapashyati |
    so .api pApari naraH sarvairmuktaH shivapuraM vrajet || 4\-55||
    
    shivAgnidhUmasaMspR^iShTA jIvAH sarve charAcharAH |
    te .api pApavinirmuktAH svargaM yAnti na saMshayaH || 4\-56||
    
    shivayaj~namahAvedyA jAyate ye na santi vA |
    te .api yAnti shivasthAnaM jIvAH sthAvaraja~NgamAH || 4\-57||
    
    pUrNAhutiM ghR^itAbhAve kShIratailena kalpayet |
    homayedatasItailaM tilatailaM vinA naraH || 4\-58||
    
    sarShape~NguDikAshAmra\- kara~njamadhukAkShajam |
    priya~Ngubilvapaippalya\- nAlikerasamudbhavam##(?)## || 4\-59||
    
    ityevamAdikaM tailamAjyAbhAve prakalpayet |
    dUrvayA bilvapattrairvA samidhaH saMprakIrtitAH || 4\-60||
    
    annArthaM homayetkShIraM dadhi mUlaphalAni vA |
    tilArthaM taNDulaiH kuryAddarbhArthaM haritaistR^iNaiH || 4\-61||
    
    paridhInAmabhAvena sharairvaMshaishcha kalpayet |
    indhanAnAmabhAvena dIpayettR^iNagomayaiH || 4\-62||
    
    gomayAnAmabhAvena mahatyambhasi homayet |
    apAmasaMbhave homaM bhUmibhAge manohare || 4\-63||
    
    viprasya dakShiNe pANAvashvatthe tadabhAvataH |
    ChAgasya dakShiNe karNe kushamUle cha homayet || 4\-64||
    
    svAtmAgnau homayetprAj~naH sarvAgnInAmasaMbhave |
    abhAve na tyajetkarma karmayogavidhau sthitaH || 4\-65||
    
    ApatkAle .api yaH kuryAchChivAgnermanasArchanam |
    sa mohaka~nchukaM tyaktvA parAM shAntimavApnuyAt || 4\-66||
    
    prANAgnihotraM kurvanti paramaM shivayoginaH |
    bAhyakarmavinirmuktA j~nAnadhyAnasamAkulAH || 4\-67||
    
     || iti shivopaniShadi shAntigR^ihAgnikAryAdhyAyashchaturthaH ||
    
    athAgneyaM mahAsnAnamalakShmImalanAshanam |
    sarvapApaharaM divyaM tapaH shrIkIrtivardhanam || 5\-1||
    
    agnirUpeNa rudreNa svatejaH paramaM balam |
    bhUtirUpaM samudgIrNaM vishuddhaM duritApaham || 5\-2||
    
    yakSharakShaHpishAchAnAM dhvaMsanaM mantrasatkR^itam |
    rakShArthaM bAlarUpANAM sUtikAnAM gR^iheShu cha || 5\-3||
    
    yashcha bhu~Nkte dvijaH kR^itvA annasya vA paridhitrayam##(?)## |
    api shUdrasya pa~NktisthaH pa~NktidoShairna lipyate || 5\-4||
    
    AhAramardhabhuktaM cha kITakeshAdidUShitam |
    tAvanmAtraM samuddhR^itya bhUtispR^iShTaM vishuddhyati || 5\-5||
    
    AraNyaM gomayakR^itaM karIShaM vA prashasyate |
    sharkarApAMsunirmuktamabhAve kAShThabhasmanA || 5\-6||
    
    svagR^ihAshramavallibhyaH kulAlAlayabhasmanA |
    gomayeShu cha dagdheShu hIShTakAni cha yeShu cha || 5\-7||
    
    sarvatra vidyate bhasma duHkhApArjanarakShaNam##(duHkhopAr)## |
    sha~NkhakundenduvarNAbhamAdadyAjjantuvarjitam || 5\-8||
    
    bhasmAnIya prayatnena tadrakShedyatnavAMstathA |
    mArjAramUShikAdyaishcha nopahanyeta tadyathA || 5\-9||
    
    pa~nchadoShavinirmuktaM guNapa~nchakasaMyutam |
    shivaikAdashikAjaptaM shivabhasma prakIrtitam || 5\-10||
    
    jAtikArukavAkkAya\- sthAnaduShTaM cha pa~nchamam |
    pApaghnaM shAMkaraM rakShA\- pavitraM yogadaM guNAH##(?)## || 5\-11||
    
    shivavratasya shAntasya bhAsakatvAchChubhasya cha |
    bhakShaNAtsarvapApAnAM bhasmeti parikIrtitam || 5\-12||
    
    bhasmasnAnaM shivasnAnaM vAruNAdadhikaM smR^itam |
    jantushaivAlanirmuktamAgneyaM pa~Nkavarjitam || 5\-13||
    
    apavitraM bhavettoyaM nishi pUrvamanAhR^itam |
    nadItaDAgavApiShu giriprasravaNeShu cha || 5\-14||
    
    snAnaM sAdhAraNaM proktaM vAruNaM sarvadehinAm |
    asAdhAraNamevoktaM bhasmasnAnaM dvijanmanAm || 5\-15||
    
    trikAlaM vAruNasnAnAdanArogyaM prajAyate |
    AgneyaM rogashamanametasmAdsArvakAmikam || 5\-16||
    
    saMdhyAtraye .ardharAtre cha bhuktvA chAnnavirechane |
    shivayogyAcharetsnAnamuchchArAdikriyAsu cha || 5\-17||
    
    bhasmAstR^ite mahIbhAge same jantuvivarjite |
    dhyAyamAnaH shivaM yogI rajanyantaM shayIta cha || 5\-18||
    
    ekarAtroShitasyApi yA gatirbhasmashAyinaH |
    na sA shakyA gR^ihasthena prAptuM yaj~nashatairapi || 5\-19||
    
    gR^ihasthastryAyuShoMkAraiH snAnaM kuryAttripuNDrakaiH |
    yatiH sArvA~NgikaM snAnamApAdatalamastakAt || 5\-20||
    
    shivabhaktastridhA vedyAM bhasmasnAnaphalaM labhet |
    hR^idi mUrdhni lalATe cha shUdraH shivagR^ihAshramI || 5\-21||
    
    gaNAH pravrajitAH shAntAH bhUtimAlabhya pa~nchadhA |
    shirolalATe hR^idbAhvorbhasmasnAnaphalaM labhet || 5\-22||
    
    saMvatsaraM tadardhaM vA chaturdashyaShTamIShu cha |
    yaH kuryAdbhasmanA snAnaM tasya puNyaphalaM shR^inu || 5\-23||
    
    shivabhasmani yAvantaH sametAH paramANavaH |
    tAvadvarShasahasrANi shivaloke mahIyate || 5\-24||
    
    ekaviMshakulopetaH patnIputrAdisaMyutaH |
    mitrasvajanabhR^ityaishcha samastaiH parivAritaH || 5\-25||
    
    tatra bhuktvA mahAbhogAnichChayA sArvakAmikAn |
    j~nAnayogaM samAsAdya pralaye muktimApnuyAt || 5\-26||
    
    bhasma bhasmAntikaM yena gR^ihItaM naiShThikavratam##(?)## |
    anena vai sa dehena rudrashcha~Nkramate kShitau || 5\-27||
    
    bhasmasnAnarataM shAntaM ye namanti dine dine |
    te sarvapApanirmuktA narA yAnti shivaM puram || 5\-28||
    
    ityetatparamaM snAnamAgneyaM shivanirmitam |
    trisaMdhyamAcharennityaM jApI yogamavApnuyAt || 5\-29||
    
    bhasmAnIya pradadyAdyaH snAnArthaM shivayogine |
    kalpaM shivapure bhogAnbhuktvAnte syAddvijottamaH || 5\-30||
    
    AgneyaM vAruNaM mAntraM vAyavyaM tvaindrapa~nchamam |
    mAnasaM shAntitoyaM cha j~nAnasnAnaM tathAShTamam || 5\-31 ||
    
    AgneyaM rudramantreNa bhasmasnAnamanuttamam |
    ambhasA vAruNaM snAnamkAryaM vAruNamUrtinA || 5\-32||
    
    mUrdhAnaM pANinAlabhya shivaikAdashikAM japet |
    dhyAyamAnaH shivaM shAntammantrasnAnaM paraM smR^itam || 5\-33||
    
    gavAM khurapuTotkhAta\- pavanoddhUtareNunA |
    kAryaM vAyavyakaM snAnammantreNa marudAtmanA || 5\-34||
    
    vyabhre .arke varShati snAnaM kuryAdaindrIM dishaM sthitaH |
    AkAshamUrtimantreNa tadaindramiti kIrtitam || 5\-35||
    
    udakaM pANinA gR^ihya sarvatIrthAni saMsmaret |
    abhyukShayechChirastena snAnaM mAnasamuchyate || 5\-36||
    
    pR^ithivyAM yAni tIrthAni sarAMsyAyatanAni cha |
    teShu snAtasya yatpuNyaM tatpuNyaM kShAntivAriNA || 5\-37||
    
    na tathA shudhyate tIrthaistapobhirvA mahAdhvaraiH |
    puruShaH sarvadAnaishcha yathA kShAntyA vishuddhyati || 5\-38||
    
    AkruShTastADitastasmAdadhikShiptastiraskR^ita |
    kShamedakShamamAnAnAM svargamokShajigIShayA || 5\-39||
    
    yaiva brahmavidAM prAptiryaiva prAptistapasvinAm |
    yaiva yogAbhiyuktAnAM gatiH saiva kShamAvatAm || 5\-40||
    
    j~nAnAmalAmbhasA snAtaH sarvadaiva muniH shuchiH |
    nirmalaH suvishuddhashcha vij~neyaH sUryarashmivat || 5\-41||
    
    medhyAmedhyarasaM yadvadapi vatsa vinA karaiH |
    naiva lipyati taddoShaistadvajj~nAnI sunirmalaH || 5\-42||
    
    eShAmekatame snAtaH shuddhabhAvaH shivaM vrajet |
    ashuddhabhAvaH snAto .api pUjayannApnuyAtphalam || 5\-43||
    
    jalaM mantraM dayA dAnaM satyamindriyasaMyamaH |
    j~nAnaM bhAvAtmashuddhishcha shauchamaShTavidhaM shrutam || 5\-44||
    
    a~NguShThatalamUle cha brAhmaM tIrthamavasthitam |
    tenAchamya bhavechChuddhaH shivamantreNa bhAvitaH || 5\-45||
    
    yadadhaH kanyakAyAshcha tattIrthaM daivamuchyate |
    tIrthaM pradeshinImUle pitryaM pitR^ividhodayam##(?)## || 5\-46||
    
    madhyamA~Ngulimadhyena tIrthamAriShamuchyate |
    karapuShkaramadhye tu shivatIrthaM pratiShThitam || 5\-47||
    
    vAmapANitale tIrthamaumamnAma prakIrtitam |
    shivomAtIrthasaMyogAtkuryAtsnAnAbhiShechanam || 5\-48||
    
    devAndaivena tIrthena tarpayedakR^itAmbhasA |
    uddhR^itya dakShiNaM pANimupavItI sadA budhaH || 5\-49||
    
    prAchInAvItinA kAryaM pitR^INAM tilavAriNA |
    tarpaNaM sarvabhUtAnAmAriSheNa nivItinA || 5\-50||
    
    savyaskandhe yadA sUtramupavItyuchyate tadA |
    prAchInAvItyasavyena nivItI kaNThasaMsthite || 5\-51||
    
    pitR^INAM tarpaNaM kR^itvA sUryAyArghyaM prakalpayet |
    upasthAya tataH sUryaM yajechChivamanantaram || 5\-52||
    
     || iti shivopaniShadi shivabhasmasnAnAdhyAyaH pa~nchamaH ||
    
    atha bhaktyA shivaM pUjya naivedyamupakalpayet |
    yadannamAtmanAshnIyAttasyAgre vinivedayet || 6\-1||
    
    yaH kR^itvA bhakShyabhojyAni yatnena vinivedayet |
    shivAya sa shive loke kalpakoTiM pramodate || 6\-2||
    
    yaH pakvaM shrIphalaM dadyAchChivAya vinivedayet |
    gurorvA homayedvApi tasya puNyaphalaM shR^iNu || 6\-3||
    
    shrImadbhiH sa mahAyAnairbhogAnbhu~Nkte shive pure |
    varShANAmayutaM sAgraM tadante shrIpatirbhavet || 6\-4||
    
    kapitthamekaM yaH pakvamIshvarAya nivedayet |
    varShalakShaM mahAbhogaiH shivaloke mahIyate || 6\-5||
    
    ekamAmraphalaM pakvaM yaH shambhorvinivedayet |
    varShANAmyutaM bhogaiH krIDate sa shive pure || 6\-6||
    
    ekaM vaTaphalaM pakvaM yaH shivAya nivedayet |
    varShalakShaM mahAbhogaiH shivaloke mahIyate || 6\-7||
    
    yaH pakvaM dADimaM chaikaM dadyAdvikasitaM navam |
    shivAya gurave vApi tasya puNyaphalaM shR^iNu || 6\-8||
    
    yAvattadbIjasaMkhyAnaM shobhanaM parikIrtitam |
    tAvadaShTAyutAnyuchchaiH shivaloke mahIyate || 6\-9||
    
    drAkShAphalAni pakvAni yaH shivAya nivedayet |
    bhaktyA vA shivayogibhyastasya puNyaphalaM shR^iNu || 6\-10||
    
    yAvattatphalasaMkhyAnamubhayorviniveditam |
    tAvadyugasahasrANi rudraloke mahIyate || 6\-11||
    
    drAkShAphaleShu yatpuNyaM tatkharjUraphaleShu cha |
    tadeva rAjavR^ikSheShu pArAvataphaleShu cha || 6\-12||
    
    yo nAra~NgaphalaM pakvaM vinivedya maheshvare |
    aShTalakShaM mahAbhogaiH kR^iDate sa shive pure || 6\-13||
    
    bIjapUreShu tasyArdhaM tadardhaM likucheShu cha |
    jambUphaleShu yatpuNyaM tatpuNyaM tindukeShu cha || 6\-14||
    
    panasaM nArikelaM vA shivAya vinivedayet |
    varShalakShaM mahAbhogaiH shivaloke mahIyate || 6\-15||
    
    puruShaM cha priyAlaM cha madhUkakusumAni cha |
    jambUphalAni pakvAni vaika~NkataphalAni cha || 6\-16||
    
    nivedya bhaktyA sharvAya pratyekaM tu phale phale |
    dashavarShasahasrANi rudraloke mahIyate || 6\-17||
    
    kShIrikAyAH phalaM pakvaM yaH shivAya nivedayet |
    varShalakShaM mahAbhogairmodate sa shive pure || 6\-18||
    
    vAlukAtrapusAdIni yaH phalAni nivedayet |
    shivAya gurave vApi pakvaM cha karamardakam || 6\-19||
    
    dashavarShasahasrANi rudraloke mahIyate |
    badarANi supakvAni tintiDIkaphalAni cha || 6\-20||
    
    darshanIyAni pakvAni hyAmalakyAH phalAni cha |
    evamAdIni chAnyAni shAkamUlaphalAni cha || 6\-21||
    
    nivedayati sharvAya shR^iNu yatphalamApnuyAt |
    ekaikasminphale bhogAnprApnuyAdanupUrvashaH || 6\-22||
    
    pa~nchavarShasahasrANi rudraloke mahIyate |
    godhUmachandakAdyAni sukR^itaM saktubharjitam || 6\-23||
    
    nivedayIta sharvAya tasya puNyaphalaM shR^iNu |
    yAvattadbIjasaMkhyAnaM shubhaM bhraShTaM nivedayet || 6\-24||
    
    tAvadvarShasahasrANi rudraloke mahIyate |
    yaH pakvAnIkShudaNDAni shivAya vinivedayet || 6\-25||
    
    gurave vApi tadbhaktyA tasya puNyaphalaM shR^iNu |
    ikShuparNAni chaikaikaM varShalokaM pramodate || 6\-26||
    
    sAkaM shivapure bhogaiH pauNDraM pa~nchaguNaM phalam |
    nivedya parameshAya shuktimAtrarasasya tu || 6\-27||
    
    varShakoTiM mahAbhogaiH shivaloke mahIyate |
    nivedya phANitaM shuddhaM shivAya gurave .api vA || 6\-28||
    
    rasAtsahasraguNitaM phalaM prApnoti mAnavaH |
    guDasya phalamekaM yaH shivAya vinivedayet || 6\-29||
    
    ambakoTiM shive loke mahAbhogaiH pramodate |
    khaNDasya palanaivedyaM guDAchChataguNaM phalam || 6\-30||
    
    khaNDAtsahasraguNitaM sharkarAyA nivedane |
    matsaNDikAM mahAshuddhAM shaMkarAya nivedayet || 6\-31||
    
    kalpakoTiM naraH sAgraM shivaloke mahIyate |
    parishuddhaM bhR^iShTamAjyaM siddhaM chaiva susaMskR^itam || 6\-32||
    
    mAsaM nivedya sharvAya shR^iNu yatphalamApnuyAt |
    asheShaphaladAnena yatpuNyaM parikIrtitam || 6\-33||
    
    tatpuNyaM prApnuyAtsarvaM mahAdAnanivedane |
    panasAni cha divyAni svAdUni surabhINi cha || 6\-34||
    
    nivedayettu sharvAya tasya puNyaphalaM shR^iNu |
    kalpakoTiM naraH sAgraM shivaloke vyavasthitaH || 6\-35||
    
    pibanshivAmR^itaM divyaM mahAbhogaiH pramodate |
    dine dine cha yastvApaM vastrapUtaM samAcharet || 6\-36||
    
    sukhAya shivabhaktebhyastasya puNyaphalaM shR^iNu |
    mahAsarAMsi yaH kuryAdbhavetpuNyaM shivAgrataH || 6\-37||
    
    tatpuNyaM sakalaM prApya shivaloke mahIyate |
    yadiShTamAtmanaH kiMchidannapAnaphalAdikam || 6\-38||
    
    tattachChivAya deyaM syAduttamaM bhogamichChatA |
    na shivaH paripUrNatvAtkiMchidashnAti kasyachit || 6\-39||
    
    kintvIshvaranibhaM kR^itvA sarvamAtmani dIyate |
    na rohati yathA bIjaM svasthamAshrayavarjitam || 6\-40||
    
    puNyabIjaM tathA sUkShmaM niShphalaM syAnnirAshrayam |
    sukShetreShu yathA bIjamuptaM bhavati satphalam || 6\-41||
    
    alpamapyakShayaM tadvatpuNyaM shivasamAshrayAt |
    tasmAdIshvaramuddishya yadyadAtmani rochate || 6\-42||
    
    tattadIshvarabhaktebhyaH pradAtavyaM phalArthinA |
    yaH shivAya gurorvApi rachayenmaNibhUmikam || 6\-43||
    
    naivedya bhojanArthaM yaH pattraiH puShpaishcha shobhanam |
    yAvattatpattrapuShpANAM parisaMkhyA vidhIyate || 6\-44||
    
    tAvadvarShasahasrANi suraloke mahIyate |
    palAshakadalIpadma\- pattrANi cha visheShataH || 6\-45||
    
    dattvA shivAya gurave shR^iNu yatphalamApnuyAt |
    yAvattatpattrasaMkhyAnamIshvarAya niveditam || 6\-46||
    
    tAvadabdAyutAnAM sa loke bhogAnavApnuyAt |
    yAvattAmbulapattrANi pUgAMshcha vinivedayet || 6\-47||
    
    tAvanti varShalakShANi shivaloke mahIyate |
    yachChuddhaM sha~NkhachUrNaM vA gurave vinivedayet || 6\-48||
    
    tAmbUlayogasiddhyarthaM tasya puNyaphalaM shR^iNu |
    yAvattAmbUlapattrANi chUrNamAnena bhakShayet || 6\-49||
    
    tAvadvarShasahasrANi rudraloke mahIyate |
    jAtIphalaM saka~NkolaM latAkastUrikotpalam || 6\-50||
    
    ityetAni sugandhIni phalAni vinivedayet |
    phale phale mahAbhogairvarShalakShaM tu yatnataH || 6\-51||
    
    kAmikena vimAnena krIDate sa shive pure |
    truTimAtrapramANena karpUrasya shive gurau || 6\-52||
    
    varShakoTiM mahAbhogaiH shivaloke mahIyate |
    pUgatAmbUlapattrANAmAdhAraM yo nivedayet || 6\-53||
    
    varShakoTyaShTakaM bhogaiH shivaloke mahIyate |
    yashchUeNAdhArasatpAtraM kasyApi vinivedayet || 6\-54||
    
    modate sa shive loke varShakoTIshchaturdasha |
    mR^itkAShThavaMshakhaNDAni yaH pradadyAchChivAshrame || 6\-55||
    
    prApnuyAdvipulAnbhogAndivyA~nChivapure naraH |
    mANikyaM kalashaM pAtrIM sthAlyAdInbhANDasaMpuTAn || 6\-56||
    
    dattvA shivAgrajastebhyaH shivaloke mahIyate |
    toyAdhArapidhAnAni mR^idvastratarujAni vA || 6\-57||
    
    vaMshAlAbusamutthAni dattvApnoti shivaM puram |
    pa~nchasaMmArjanItoyaM gomayA~njanakarpaTAn || 6\-58||
    
    mR^itkumbhapITikAM dadyAdbhogA~nChivapure labhet |
    yaH puShpadhUpagandhAnAM dadhikShIraghR^itAmbhasAm || 6\-59||
    
    dadyAdAdhArapAtrANi shivaloke sa gachChati |
    vaMshatAlAdisaMbhUtaM puShpAdhArakaraNDakam || 6\-60||
    
    ityevamAdyAnyo dadyAchChivalokamavApnuyAt |
    yaH sruksruvAdipAtrANi homArthaM vinivedayet || 6\-61||
    
    varShakoTiM mahAbhAgaiH shivaloke mahIyate |
    yaH sarvadhAtusaMyuktaM dadyAllavaNaparvatam || 6\-62||
    
    shivAya gurave vApi tasya puNyaphalaM shR^iNu |
    kalpakoTisahasrANi kalpakoTishatAni cha || 6\-63||
    
    sa gotrabhR^ityasaMyukto vasechChivapure naraH |
    vimAnayAnaiH shrImadbhiH sarvakAmasamanvitaiH || 6\-64||
    
    bhogAnbhuktvA tu vipulAMstadante sa mahIpatiH |
    manaHshilAM harItAlaM rAjapaTTaM cha hi~Ngulam || 6\-65||
    
    gairikaM maNidantaM cha hematoyaM tathAShTamam |
    yashcha taM parvatavaraM shAlitaNDulakalpitam || 6\-66||
    
    shivAyagurave vApi tasya puNyaphalaM shR^iNu |
    kalpakoTishataM sAgraM bhogAnbhu~Nkte shive pure || 6\-67||
    
    yaH sarvadhAnyashikharairupetaM yavaparvatam |
    ghR^itatailanadIyuktaM tasya puNyaphalaM shR^iNu || 6\-68||
    
    kalpakoTishataM sAgraM bhogAnbhu~Nkte shive pure |
    samastakulajaiH sArdhaM tasyAnte sa mahIpatiH || 6\-69||
    
    tiladhenuM pradadyAdyaH kR^itvA kR^iShNAjine naraH |
    kapilAyAH pradAnasya yatphalaM tadavApnuyAt || 6\-70||
    
    ghR^itadhenuM naraH kR^itvA kAMsyapAtre sakA~nchanAn |
    nivedya gopradAnasya samagraM phalamApnuyAt || 6\-71||
    
    dvIpicharmaNi yaH sthApya pradadyAllavaNADhakam |
    asheSharasadAnasya yatpuNyaM tadavApnuyAt || 6\-72||
    
    marichADhena kurvIta##(?)## mArIchaM nAma parvatam |
    dadyAdyajjIrakaM pUrvamAgneyaM hi~Ngumuttamam || 6\-73||
    
    dakShiNe guDashuNThIM cha nairR^ite nAgakesaram |
    pippalIM pashchime dadyAdvAyavye kR^iShNajIrakam || 6\-74||
    
    kauberyAmajamodaM cha tvagelAshcheshadaivate |
    kustumbaryAH pradeyAH syurbahiH prAkArataH sthitAH || 6\-75||
    
    kakubhAmantarAleShu samantAtsaindhavaM nyaset |
    sapuShpAkShatatoyena shivAya vinivedayet || 6\-76||
    
    yAvattaddIpasaMkhyAnaM sarvamekatra parvate |
    tAvadvarShashatAdUrdhvaM bhogAnbhu~Nkte shive pure || 6\-77||
    
    kUshmANDaM madhyataH sthApya kAli~NgaM pUrvato nyaset |
    dakShiNe kShIratumbIM tu vR^intAkaM pashchime nyaset || 6\-78||
    
    paTIsAnyuttare sthApya karkaTImIshadaivate |
    nyasedgajapaTolAMshcha madhurAnvahnidaivate || 6\-79||
    
    kAravellAMshcha nairR^ityAM vAyavyAM nimbakaM phalam |
    uchchAvachAni chAnyAni phalAni sthApayedbahiH || 6\-80||
    
    abhyarchya puShpadhUpaishcha samantAtphalaparvatam |
    shivAya gurave vApi praNipatya nivedayet || 6\-81||
    
    yAvattatphalasaMkhyAnaM taddIpAnAM cha madhyataH |
    tAvadvarShasahasrANi rudraloke mahIyate || 6\-82||
    
    mUlakaM madhyataH sthApya tatpUrve vAlamUlakam |
    AgneyyAM vAstukaM sthApya yAmyAyAM kShAravAstukam || 6\-83||
    
    pAlakyaM nairR^ite sthApya sumukhaM pashchime nyaset |
    kuhadrakaM cha vAyavyAmuttare vApi tAlikIm || 6\-84||
    
    kusumbhashAkamaishAnyAM sarvashAkAni tadbahiH |
    pUrvakrameNa vinyasya shivAya vinivedayet || 6\-85||
    
    yAvattanmUlanAlAnAM pattrasaMkhyA cha kIrtitA |
    tAvadvarShasahasrANi rudraloke mahIyate || 6\-86||
    
    dattvA labhenmahAbhogAnguggulvadreH paladvayam |
    varShakoTidvayaM svarge dviguNaM guDamishritaiH || 6\-87||
    
    guDArdrakaM salavaNamAmrama~njarisaMyutam |
    nivedya gurave bhaktyA saubhAgyaM paramaM labhet || 6\-88||
    
    hastAropyeNa vA kR^itvA mahAratnAnvitAM mahIm |
    nivedayitvA sharvAya shivatulyaH prajAyate || 6\-89||
    
    vajrendranIlavaiDUrya\- padmarAgaM samauktikam |
    kITapakShaM suvarNaM cha mahAratnAni sapta vai || 6\-90||
    
    yashcha siMhAsanaM dadyAnmahAratnAnvitaM nR^ipaH |
    kShudraratnaishcha vividhaistasya puNyaphalaM shR^iNu || 6\-91||
    
    kulatriMshakasaMyuktaH sAntaHpuraparichChadaH |
    samastabhR^ityasaMyuktaH shivaloke mahIyate || 6\-92||
    
    tatra bhuktvA mahAbhogAnshivatulyaparAkramaH |
    AmahApralayaM yAvattadante muktimApnuyAt || 6\-93||
    
    yadi chedrAjyamAka~NkShettataH sarvasamAhitaH |
    saptadvIpasamudrAyAH kShiteradhipatirbhavet || 6\-94||
    
    janmakoTisahasrANi janmakoTishatAni cha |
    rAjyaM kR^itvA tatashchAnte punaH shivapuraM vrajet || 6\-95||
    
    etadeva phalaM j~neyaM makuTAbharaNAdiShu |
    ratnAsanapradAnena pAduke vinivedayet || 6\-96||
    
    dadyAdyaH kevalaM vajraM shuddhaM godhUmamAtrakam |
    shivAya sa shive loke tiShThedApralayaM sukhI || 6\-97||
    
    indranIlapradAnena sa vaiDUryapradAnataH |
    modate vividhairbhogaiH kalpakoTiM shive pure || 6\-98||
    
    masUramAtramapi yaH padmarAgaM sushobhanam |
    nivedayitvA sharvAya modate kAlamakShayam || 6\-99||
    
    nivedya mauktikaM svachChamekabhAgaikamAtrakam |
    bhogaiH shivapure divyaiH kalpakoTiM pramodate || 6\-100||
    
    kITapakShaM mahAshuddhaM nivedya yavamAtrakam |
    shivAyAdyaH shive loke modate kAlamakShayam || 6\-101||
    
    hemnA kR^itvA cha yaH puShpamapi mAShakamAtrakam |
    nivedayitvA sharvAya varShakoTiM vaseddivi || 6\-102||
    
    kShudraratnAni yo dadyAddhemni baddhAni shambhave |
    modate sa shive loke kalpakoTyayutaM naraH || 6\-103||
    
    yathA yathA mahAratnaM shobhanaM cha yathA yathA |
    tathA tathA mahatpuNyaM j~neyaM tachChivadAnataH || 6\-104||
    
    bhUmibhAge sa##(?)##vistIR^iNe jambUdvIpaM prakalpayet |
    aShTAvaraNasaMyuktaM nagendrAShTakabhUShitam || 6\-105||
    
    tanmadhye kArayeddivyaM meruprAsAdamuttamam |
    anekashikharAkIrNamasheShAmarasaMyutam || 6\-106||
    
    bahiH suvarNanichitaM sarvaratnopashobhitam |
    chatuHpragrIvakopetaM chakShurli~NgasamAyutam || 6\-107||
    
    chaturdikShu vanopetaM chaturbhiH saMyutaiH sharaiH |
    chaturNAM purayuktena prAkAreNa cha saMyutam || 6\-108||
    
    meruprAsAdamityevaM hemaratnavibhUShitam |
    yaH kArayedvanopetaM so .anantaphalamApnuyAt || 6\-109||
    
    bhUmyambhaHparamANUnAM yathA saMkhyA na vidyate |
    shivAyatanapuNyasya tathA saMkhyA na vidyate || 6\-110||
    
    kulatriMshakasaMyuktaH sarvabhR^ityasamanvitaH |
    kalatraputramitraishcha sarvasvajanasaMyutaH || 6\-111||
    
    AshrtitopAshritaiH sarvairasheShagaNasaMyutaH |
    yathA shivastathaivAyaM sharvaloke sa pUjyate || 6\-112||
    
    na cha mAnuShyakaM lokamAgachChetkR^ipaNaM punaH |
    sarvaj~naH paripUrNashcha muktaH svAtmani tiShThati || 6\-113||
    
    yaH shivAya vanaM kR^itvA mudAbdasalilotthitam##(?)## |
    taddaNDakopashobhaM cha haste kurvIta sarvadA || 6\-114||
    
    shobhayedbhUtanAthaM vA chandrashAlAM kvachitkvachit |
    vedIM vAthAbhyapadyanta pronnatAH stambhapa~NktayaH || 6\-115||
    
    shAtakumbhamayIM vApi sarvalakShaNasaMyutAm |
    IshvarapratimAM saumyAM kArayetpuruShochChritAm || 6\-116||
    
    trishUlasavyahastAM cha varadAbhayadAyikAM |
    savyahastAkShamAlAM cha jaTAkusumabhUShitAm || 6\-117||
    
    padmasiMhAsanAsInAM vR^iShasthAM vA samuchChritAm |
    vimAnasthAM rathasthAM vA vedisthAM vA prabhAnvitAm || 6\-118||
    
    saumyavaktrAM karAlAM vA mahAbhairavarUpiNIm |
    atyuchChritAM suvistIrNAM nR^ityasthAM yogasaMsthitAm || 6\-119||
    
    kuryAdasaMbhave hemnastAreNa vimalena cha |
    ArakUTamayIM vApi tAmramR^ichChailadArujAm || 6\-120||
    
    asheShakaiH sarUpaishcha varNakairvA paTe likhet |
    kuDye vA phalake vApi bhaktyA vittAnusArataH || 6\-121||
    
    ekAM saparivArAM vA pArvatIM gaNasaMyutAm |
    pratIhArasamopetAM##(?)## kuryAdevAvikalpataH || 6\-122||
    
    pIThaM vA kArayedraupyaM tAmraM pittalasaMbhavam |
    chaturmukhaikavaktraM vA bahiH kA~nchanasaMskR^itam || 6\-123||
    
    pR^ithakpR^ithaganekAni kArayitvA mukhAni tu |
    saumyabhairavarUpANi shivasya bahurUpiNaH || 6\-124||
    
    nAnAbharaNayuktAni hemaraupyakR^itAni cha |
    shivasya rathayAtrAyAM tAni lokasya darshayet || 6\-125||
    
    uktAni yAni puNyAni saMkShepeNa pR^ithakpR^ithak |
    kR^itvaikena mamaiteShAmakShayaM phalamApnuyAt || 6\-126||
    
    mAtuH pituH sahopAyair##(?)## dashabhirdashabhiH kulaiH |
    kalatraputramitrAdyairbhR^ityairyuktaH sa bAndhavaiH || 6\-127||
    
    ayutena vimAnAnAM sarvakAmayutena cha |
    bhu~Nkte svayaM mahAbhogAnante muktimavApnuyAt || 6\-128||
    
    maNDapastambhaparyante kIlayeddarpaNAnvitam |
    abhiShichya janA yasminpujAM kuvanti bilvakaiH || 6\-129||
    
    kAlakAlakR^itiM kR^itvA kIlayedyaH shivAshrame |
    sarvalokopakArAya pUjayechcha dine dine || 6\-130||
    
    dhUpavelApramANArthaM kalpayedyaH shivAshrame |
    kSharantIM pUryamANAM vA sadAyAme ghaTIM nR^ipaH || 6\-131||
    
    eShAmekatamaM puNyaM kR^itvA pApavivarjitaH |
    shivaloke naraH prApya sarvaj~naH sa sukhI bhavet || 6\-132||
    
    rathayAtrAM pravakShyAmi shivasya paramAtmanaH |
    sarvalokahitArthAya mahAshilpivinirmitAm || 6\-133||
    
    rathamadhye samAveshya yathA yaShTiM tu kIlayet |
    yaShTermadhye sthitaM kAryaM vimAnamatishobhitam || 6\-134||
    
    pa~nchabhaumaM tribhaumaM vA dR^iDhavaMshaprakalpitam |
    karmaNA sunibaddhaM cha rajjubhishcha susaMyutam || 6\-135||
    
    pa~nchashAlANDikairyuktaM nAnAbhaktisamanvitam |
    chitravarNaparichChannaM paTairvA varNakAnvitaiH || 6\-136||
    
    lambakaiH sUtradAmnA cha ghaNTAchAmarabhUShitam |
    budbudairardhachandraishcha darpaNaishcha samujjvalam || 6\-137||
    
    kadalyardhadhvajairyuktaM mahAchChattraM mahAdhvajam |
    puShpamAlAparikShiptaM sarvashobhAsamanvitam || 6\-138||
    
    mahArathavimAne .asminsthApayedgaNasaMyutam |
    IshvarapratimAM hemni prathame puramaNDape || 6\-139||
    
    mukhatrayaM cha badhnIyAdbahiH kuryAttathAshritam |
    pure pure bahirdikShu gR^ihakeShu samAshritam || 6\-140||
    
    chatuShkaM shivavaktrANAM saMsthApya pratipUjayet |
    dinatrayaM prakurvIta snAnamarchanabhojanam || 6\-141||
    
    nR^ityakrIDAprayogeNa geyama~NgalapAThakaiH |
    mahAvAditranirghoShaiH pauShapUrNimaparvaNi || 6\-142||
    
    bhrAmayedrAjamArgeNa chaturthe .ahani tadratham |
    tataH svasthAnamAnIya tachCheShamapi vardhayet || 6\-143||
    
    avadhArya jagaddhAtrI pratimAmavatArayet |
    mahAvimAnayAtraiShA kartavyA paTTake .api vA || 6\-144||
    
    vaMshairnavaiH supakvaishcha kaTaM kuryAdbharakShamam##(?)## |
    vR^ittaM dviguNadIrghaM cha chaturashramadhaH samam || 6\-145||
    
    sarvatra charmaNA baddhaM mahAyaShTisamAshritam |
    mukhaM baddhaM cha kurvIta vaMshamaNDalinA dR^iDham || 6\-146||
    
    kaTe .asmiMstAni vastrANi sthApya badhnIta yatnataH |
    uparyupari sarvANi tanmadhye pratimAM nyaset || 6\-147||
    
    varNakaiH ku~NkumAdyaishcha chitrapuShpaishcha pUjayet |
    nAnAbharaNapUjAbhirmuktAhArapralambibhiH || 6\-148||
    
    rathasya mahato madhye sthApya paTTadvayaM dR^iDham |
    adharottarabhAgena madhye Chidrasamanvitam || 6\-149||
    
    kaTiyaShTeradhobhAgaM sthApya ChidramayaM shubhaiH |
    Abaddhya kIlayedyatnAdyaShTyardhaM cha dhvajAShTakam || 6\-150||
    
    kaTasya pR^iShTaM sarvatra kArayetpaTasaMvR^itam |
    tatpaTe cha likhetsomaM sagaNaM savR^iShaM shivam || 6\-151||
    
    vichitrapuShpasragdAmnA samantAdbhUShayetkaTam |
    ravakaiH ki~NkiNIjAlairghaNTAchAmarabhUShitaiH || 6\-152||
    
    mahApUjAvisheShaishcha kautUhalasamanvitam |
    vAdyArambhopachAreNa mArgashobhAM prakalpayet || 6\-153||
    
    tadrathaM bhrAmayedyatnAdrAjamArgeNa sarvataH |
    tataH svAshramamAnIya sthApayettatsamIpataH || 6\-154||
    
    mahAshabdaM tataH kuryAttAlatrayasamanvitam |
    tatastuShNIM sthite loke tachChAntimiha dhArayet || 6\-155||
    
    shivaM tu sarvajagataH shivaM gobrAhmaNasya cha |
    shivamastu nR^ipANAM cha tadbhaktAnAM janasya cha || 6\-156||
    
    rAjA vijayamApnoti putrapautraishcha vardhatAm |
    dharmaniShThashcha bhavatu prajAnAM cha hite rataH || 6\-157||
    
    kAlavarShI tu parjanyaH sasyasaMpattiruttamA |
    subhikShAtkShemamApnoti kAryasiddhishcha jAyatAm || 6\-158||
    
    doShAH prayAntu nAshaM cha guNAH sthairyaM bhajantu vaH |
    bahukShIrayutA gAvo hR^iShTapuShTA bhavantu vaH || 6\-159||
    
    evaM shivamahAshAntimuchchArya jagataH kramAt |
    abhivardhya tataH sheShamaishvarIM sArvakAmikIm || 6\-160||
    
    shivamAlAM samAdAya sadAsIparichArikaH |
    phalairbhakShaishcha saMyuktAM gR^ihya pAtrIM niveshayet || 6\-161||
    
    pAtrIM cha dhArayenmUrdhnA soShNIShAM devaputrakaH |
    alaMkR^itaH shuklavAsA dhArmikaH satataM shuchiH || 6\-162||
    
    tatashcha tAM samutkShipya pANinA dhArayedbudhaH |
    prabrUyAdaparashchAtra shivadharmasya bhAjakaH || 6\-163||
    
    toyaM yathA ghaTIsaMsthamajasraM kSharate tathA |
    kSharate sarvalokAnAM tadvadAyuraharnisham || 6\-164||
    
    yadA sarvaM parityajya gantavyamavashairdhruvam |
    tadA na dIyate kasmAtpAtheyArthamidaM dhanam || 6\-165||
    
    kalatraputramitrANi pitA mAtA cha bAndhavAH |
    tiShThanti na mR^itasyArthe paraloke dhanAni cha || 6\-166||
    
    nAsti dharmasamaM mitraM nAsti dharmasamaH sakhA |
    yataH sarvaiH parityaktaM naraM dharmo .anugachChati || 6\-167||
    
    tasmAddharmaM samuddishya yaH sheShAmabhivardhayet |
    samastapApanirmuktaH shivalokaM sa gachChati || 6\-168||
    
    uparyupari vittena yaH sheShAmabhivardhayet |
    tasyeyamuttamA deyA yatashchAnyA na vardhate || 6\-169||
    
    ityevaM madhyamAM sheShAM vardhayedvA kanIyasIm |
    tatasteShAM pradAtavyA sarvashokasya shAntaye || 6\-170||
    
    yenottamA gR^ihItA syAchshivasheShA mahIyasI |
    prApaNIyA gR^ihaM tasya tathaiva shirasA vR^itA || 6\-171||
    
    dhvajachChattravimAnAdyairmahAvAditraniHsvanaiH |
    gR^ihadvAraM tataH prAptamarchayitvA niveshayet || 6\-172||
    
    dadyAdgotrakalatrANAM bhR^ityAnAM svajanasya cha |
    tarpayechchAnatAn##(?)## bhaktyA vAditradhvajavAhakAn || 6\-173||
    
    evamAdIyate bhaktyA yaH shivasyottamA gR^ihe |
    shobhayA rAjamArgeNa tasya dharmaphalaM shR^iNu || 6\-174||
    
    samastapApanirmuktaH samastakulasaMyutaH |
    shivalokamavApnoti sabhR^ityaparichArakaH || 6\-175||
    
    tatra divyairmahAbhogairvimAnaiH sArvakAmikaiH |
    kalpAnAM krIDate koTimante nirvANamApnuyAt || 6\-176||
    
    rathasya yAtrAM yaH kuryAdityevamupashobhayA |
    bhakShabhojyapradAnaishcha tatphalaM shR^inu yatnataH || 6\-177||
    
    asheShapApanirmuktaH sarvabhR^ityasamanvitaH |
    kulatriMshakamuddhR^itya suhR^idbhiH svajanaiH saha || 6\-178||
    
    sarvakAmayutairdivyaiH svachChandagamanAlayaiH |
    mahAvimAnaiH shrImadbhirdivyastrIparivAritaH || 6\-179||
    
    ichChayA krIDate bhogaiH kalpakoTiM shive pure |
    j~nAnayogaM tataH prApya saMsArAdavamuchyate || 6\-180||
    
    shivasya rathayAtrAyAmupavAsaparaH kShamI |
    purataH pR^iShThato vApi gachChaMstasya phalaM shR^iNu || 6\-181||
    
    asheShapApanirmuktaH shuddhaH shivapuraM gataH |
    mahArathopamairyAnaiH kalpAshItiM pramodate" || 6\-182||
    
    dhvajachChattrapatAkAbhirdIpadarpaNachAmaraiH |
    dhUpairvitAnakalashairupashobhA sahasrashaH || 6\-183||
    
    gR^ihItvA yAti purataH svechChayA vA parechChayA |
    saMparkAtkautukAllAbhAchChivaloke vrajante te || 6\-184||
    
    shivasya rathayAtrAM tu yaH prapashyati bhaktitaH |
    prasa~NgAtkautukAdvApi te .api yAnti shivaM puram || 6\-185||
    
    nAnAyatnAdisheShAnte nAnAprekShaNakAni cha |
    kurvIta rathayAtrAyAM ramate cha vibhUShitA || 6\-186||
    
    te bhogairvividhairdivyaiH shivAsannA gaNeshvarAH |
    krIDanti rudrabhavane kalpAnAM viMshatIrnarAH || 6\-187||
    
    mahatA j~nAnasa~Nghena tasmAchChivarathena cha |
    pR^ithakjIvA mR^itA yAnti shivalokaM na saMshayaH || 6\-188||
    
    shrIparvate mahAkAle vArANasyAM mahAlaye |
    jalpeshvare kurukShetre kedAre maNDaleshvare || 6\-189||
    
    gokarNe bhadrakarNe cha sha~NkukarNe sthaleshvare |
    bhImeshvare suvarNAkShe kAla~njaravane tathA || 6\-190||
    
    evamAdiShu chAnyeShu shivakShetreShu ye mR^itAH |
    jIvAshcharAcharAH sarve shivalokaM vrajanti te || 6\-191||
    
    prayAgaM kAmikaM tIrthamavimuktaM tu naiShThikam |
    shrIparvataM cha vij~neyamihAmutra cha siddhidam || 6\-192||
    
    prasa~NgenApi yaH pashyedanyatra prasthitaH kvachit |
    shrIparvataM mahApuNyaM so .api yAti shivaM puram || 6\-193||
    
    vrajedyaH shivatIrthAni sarvapApaiH pramuchyate |
    pApayuktaH shivaj~nAnaM prApya nirvANamApnuyAt || 6\-194||
    
    tIrthasthAneShu yaH shrAddhaM shivarAtre prayatnataH |
    kalpayitvAnusAreNa kAlasya viShuvasya cha || 6\-195||
    
    tIrthayAtrAgataM shAntaM hAhAbhUtamachetanam |
    kShutpipAsAturaM loke pAMsupAdaM tvarAnvitam || 6\-196||
    
    saMtarpayitvA yatnena mlAnalakShmImivAmbubhiH |
    pAdyAsanapradAnena kastena puruShaH samaH || 6\-197||
    
    ashnanti yAvattatpiNDaM tIrthanirdhUtakalmaShAH |
    tAvadvarShasahasrANi taddAtAste shive pure || 6\-198||
    
    dadyAdyaH shivasattrArthaM mahiShIM supayasvinIm |
    modate sa shive loke yugakoTishataM naraH || 6\-199||
    
    ArtAya shivabhaktAya dadyAdyaH supayasvinIm |
    ajAmekAM supuShTA~NgIM tasya puNyaphalaM shR^iNu || 6\-200||
    
    yAvattadromasaMkhyAnaM tatprasUtikuleShu cha |
    tAvadvarShasahasrANi rudraloke mahIyate || 6\-201||
    
    mR^iduromA~nchitAM kR^iShNAM nivedya gurave naraH |
    romNi romNi suvarNasya dattasya phalamApnuyAt || 6\-202||
    
    gajAshvarathasaMyuktairvimAnaiH sArvakAmikaiH |
    sAnugaH krIDate bhogaiH kalpakoTiM shive pure || 6\-203||
    
    nivedyAshvataraM puShTamaduShTaM gurave naraH |
    saMgatiM sopakaraNaM bhogAnbhu~Nkte shive pure || 6\-204||
    
    divyAshvayuktaiH shrImadbhirvimAnaiH sArvakAmikaiH |
    koTiM koTiM cha kalpAnAM tadante syAnmahIpatiH || 6\-205||
    
    api yojanamAtrAya shibikAM parikalpayet |
    guroH shAntasya dAntasya tasya puNyaphalaM shR^iNu || 6\-206||
    
    vimAnAnAM sahasreNa sarvakAmayutena cha |
    kalpakoTyayutaM sAgraM bhogAnbhu~Nkte shive pure || 6\-207||
    
    ChAgaM meShaM mayUraM cha kukkuTaM shArikAM shukam |
    bAlakrIDanakAnetAnityAdyAnaparAnapi || 6\-208||
    
    nivedayitvA skandAya tatsAyujyamavApnuyAt |
    bhuktvA tu vipulAnbhogAMstadante syAddvijottamaH || 6\-209||
    
    musalolUkhalAdyAni gR^ihopakaraNAni cha |
    dadyAchChivagR^ihasthebhyastasya pUNyaphalaM shR^iNu || 6\-210||
    
    pratyekaM kalpamekaikaM gR^ihopakaraNairnaraH |
    ante divi vasedbhogaistadante cha gR^ihI bhavet || 6\-211||
    
    kharjUratAlapattrairvA charmaNA vA sukalpitam |
    dattvA koTyAsanaM vR^ittaM shivalokamavApnuyAt || 6\-212||
    
    prAtarnIhAravelAyAM hemante shivayoginAm |
    kR^itvA pratApanAyAgniM shivaloke mahIyate || 6\-213||
    
    sUryAyutaprabhAdIptairvimAnaiH sArvakAmikaiH |
    kalpakoTishataM bhogAnbhuktvA sa tu mahIpatiH || 6\-214||
    
    yaH prAntaraM videshaM vA gachChantaM shivayoginam |
    bhojayIta yathAshaktyA shivaloke mahIyate || 6\-215||
    
    yashChattraM dhArayedgrIShme gachChate shivayogine |
    sa mR^itaH pR^ithivIM kR^itsnAmekachChattrAmavApnuyAt || 6\-216||
    
    yaH samuddharate mArge mAtropakaraNAsanam |
    shivayogapravR^ittasya tasya puNyaphalaM shR^iNu || 6\-217||
    
    kalpAyutaM naraH sAgraM bhuktvA bhogA~nChive pure |
    tadante prApnuyAdrAjyaM sarvaishvaryasamanvitam || 6\-218||
    
    abhya~NgodvartanaM snAnamArtasya shivayoginaH |
    kR^itvApnoti mahAbhogAnkalpA~nChivapure naraH || 6\-219||
    
    apanIya samuchChiShTaM bhaktitaH shivayoginAm |
    dashadhenupradAnasya phalamApnoti mAnavaH || 6\-220||
    
    pa~nchagavyasamaM j~neyamuchChiShTaM shivayoginAm |
    tadbhuktvA labhate shuddhiM mahataH pAtakAdapi || 6\-221||
    
    nArI cha bhuktvA satputraM kulAdhAraM guNAnvitam |
    rAjyayogyaM dhanADhyaM cha prApnuyAddharmatatparam || 6\-222||
    
    yashcha yAM shivayaj~nAya gR^ihasthaH parikalpayet |
    shivabhakto .asya mahataH paramaM phalamApnuyAt || 6\-223||
    
    shivomAM cha prayatnena bhaktyAbdaM yo .anupAlayet |
    gavAM lakShapradAnasya saMpUrNaM phalamApnuyAt || 6\-224||
    
    prAtaH pradadyAtsaghR^itaM sukR^itaM bAlapiNDakam |
    dUrvAM cha bAlavatsAnAM##(?)## tasya puNyaphalaM shR^iNu || 6\-225||
    
    yAvattadbAlavatsAnAM pAnAhAraM prakalpayet |
    tAvadaShTAyutAnpUrvairbhogAnbhu~Nkte shive pure || 6\-226||
    
    vidhavAnAthavR^iddhAnAM pradadyAdyaH prajIvanam |
    AbhUtassaMplavaM yAvachChivaloke mahIyate || 6\-227||
    
    dadyAdyaH sarvajantUnAmAhAramanuyatnataH |
    triH pR^ithvIM ratnasaMpUrNAM yaddattvA tatphalaM labhet || 6\-228||
    
    vinayavratadAnAni yAni siddhAni lokataH |
    tAni tenaiva vidhinA shivamantreNa kalpayet || 6\-229||
    
    nivedayIta rudrAya rudrANyAH ShaNmukhasya cha |
    prApnuyAdvipulAnbhogAndivyA~nChivapure naraH || 6\-230||
    
    punaryaH kartarIM dadyAtkeshakleshApanuttaye |
    sarvakleshavinirmuktaH shivaloke sukhI bhavet || 6\-231||
    
    nAsikAshodhanaM dadyAtsaMdaMshaM shivayogine |
    varShakoTiM mahAbhogaiH shivaloke mahIyate || 6\-232||
    
    nakhachChedanakaM dattvA shivaloke mahIyate |
    varShalakShaM mahAbhogaiH shivaloke mahIyate || 6\-233||
    
    dattvA~njanashalAkAM vA lohAdyAM shivayogine |
    bhogA~nChivapure prApya j~nAnachakShuravApnuyAt || 6\-234||
    
    karNashodhanakaM dattvA lohAdyaM shivayogine |
    varShakoTiM mahAbhogaiH shivaloke mahIyate || 6\-235||
    
    dadyAdyaH shivabhaktAya sUchIM kaupInashodhanIm |
    varShalakShaM sa lakShArdhaM shivaloke mahIyate || 6\-236||
    
    nivedya shivayogibhyaH sUchikaM sUtrasaMyutam |
    varShalakShaM mahAbhogaiH krIDate sa shive pure || 6\-237||
    
    dadyAdyaH shivayogibhyaH sukR^itAM patravedhanIm |
    varShalakShaM mahAbhogaiH shivaloke mahIyate || 6\-238||
    
    dadyAdyaH pustakAdInAM sarvakAryArthakartR^ikAm |
    pa~nchalakShaM mahAbhogairmodate sa shive pure || 6\-239||
    
    shamIndhanatR^iNAdInAM dadyAttachChedanaM cha yaH |
    krIDate sa shive loke varShalakShachatuShTayam || 6\-240||
    
    shivAshramopabhogAya lohopakaraNaM mahat |
    yaH pradadyAgkuThArAdyaM tasya puNyaphalaM shR^iNu || 6\-241||
    
    yAvattatphalasaMkhyAnaM lohopakaraNe bhavet |
    tAvanti varShalakShANi shivaloke mahIyate || 6\-242||
    
    shivAyatanavittAnAM rakShArthaM yaH prayachChati |
    dhanuHkhaDgAyudhAdIni tasya puNyaphalaM shR^iNu || 6\-243||
    
    ekaikasminparij~neyamAyudhe chApi vai phalam |
    varShakoTyaShTakaM bhogaiH shivaloke mahIyate || 6\-244||
    
    yaH svAtmabhogabhR^ityarthaM kusumAni nivedayet |
    shivAya gurave vApi tasya puNyaphalaM shR^iNu || 6\-245||
    
    yAvadanyo.anyasaMbandhAstasyAMshAH parikIrtitAH |
    varShalakShaM sa tAvachcha shivaloke pramodate || 6\-246||
    
    naShTApahR^itamanviShya punarvittaM nivedayet |
    shivAtmakaM shivAyaiva tasya puNyaphalaM shR^iNu || 6\-247 ||
    
    yAvachChivAya tadvittaM prA~Nnivedya phalaM smR^itam |
    naShTamAnIya tadbhUyaH puNyaM shataguNaM labhet || 6\-248||
    
    devadravyaM hR^itaM naShTamanveShyamapi yatnataH |
    na prApnoti tadA tasya prApnuyAddviguNaM phalam || 6\-249||
    
    tAmrakumbhakaTAhAdyaM yaH shivAya nivedayet |
    shivAtmakaM shivAyaiva tasya puNyaphalaM shR^iNu || 6\-250||
    
    yAvachChivAya tadvittaM prA~Nnivedya phalaM smR^itam |
    naShTamAnIya tadbhUyaH puNyaM shataguNaM labhet || 6\-251||
    
    snAnasattropabhogAya tasya puNyaphalaM shR^iNu |
    yAvattatphalasaMkhyAnaM tAmropakaraNe sthitam || 6\-252||
    
    pale pale varShakoTiM modate sa shive pure |
    yaH pattrapuShpavastUnAM dadyAdAdhArabhAjanam || 6\-253||
    
    tadvastudAturyatpuNyaM tatpuNyaM sakalaM bhavet |
    dattvopakaraNaM kiMchidapi yo vittamarthinAm || 6\-254||
    
    yadvastu kurute tena tatpradAnaphalaM labhet |
    yaH shauchapItavastrANi kShArAdyaiH shivayoginAm || 6\-255||
    
    sa pApamalanirmuktaH shivalokamavApnuyAt |
    yaH puShpapaTTasaMyuktaM paTagarbhaM cha kambalam || 6\-256||
    
    pradadyAchChivayogibhyastasya puNyaphalaM shR^iNu |
    teShAM cha vastratantUnAM yAvatsaMkhyA vidhIyate || 6\-257||
    
    tAvadvarShasahasrANi bhogAnbhu~Nkte shive pure |
    shlakShNavastrANi shuklAni dadyAdyaH shivayogine || 6\-258||
    
    chitravastrANi tadbhaktyA tasya puNyaphalaM shR^iNu |
    yAvattatsUkShmavastrANAM tantusaMkhyA vidhIyate || 6\-259||
    
    tAvadyugAni saMbhogaiH shivaloke mahIyate |
    sha~NkhapAtraM tu vistIrNaM bhANDaM vApi sushobhanam || 6\-260||
    
    pradadyAchChivayogibhyastasya puNyaphalaM shR^iNu |
    divyaM vimAnamArUDhaH sarvakAmasamanvitam || 6\-261||
    
    kalpakoTyayutaM sAgraM shivaloke mahIyate |
    shuktyAdIni cha pAtrANi shobhanAnyamalAni cha || 6\-262||
    
    nivedya shivayogibhyaH sha~NkhArdhena phalaM labhet |
    sphATikAnAM cha pAtrANAM sha~NkhatulyaphalaM smR^itam || 6\-263||
    
    shailajAnAM tadardhena pAtrANAM cha tadardhakam |
    tAlakharjUrapAtrANAM vaMshajAnAM nivedane || 6\-264||
    
    anyeShAmevamAdInAM puNyaM vArkShyArdhasaMmitam |
    vaMshajArdhasamaM puNyaM phalapAtranivedane || 6\-265||
    
    nAnAparNapuTANAM cha sArANAM vA phalArdhakam |
    yastAmrakAMsyapAtrANi shovhanAnyamalAni cha || 6\-266||
    
    snAnabhojanapAnArthaM dadyAdyaH shivayogine |
    tAmrAM kAMsIM trilohIM vA yaH pradadyAttripAdikAm || 6\-267||
    
    bhojane bhojanAdhAraM gurave tatphalaM shR^iNu |
    yAvattatpalasaMkhyAnaM tripAdyA bhojaneShu cha || 6\-268||
    
    tAvadyugasahasrANi bhogAnbhu~Nkte shive pure |
    lohaM tripAdikaM dattvA satkR^itvA shivayogine || 6\-269||
    
    dashakalpAnmahAbhogairnaraH shivapure vaset |
    yaH pradadyAttriviShTambhaM bhikShApAtrasamAshrayam || 6\-270||
    
    vaMshajaM dArujaM vApi tasya puNyaphalaM shR^iNu |
    divyastrIbhogasaMpanno vimAne mahati sthitaH || 6\-271||
    
    chaturyugasahasraM tu bhogAnbhu~Nkte shive pure |
    bhikShApAtramukhAchChAdamvastraparNAdikalpitam || 6\-272||
    
    dattvA shivapure bhogAnkalpamekaM vasennaraH |
    saMshrayaM yaH pradadyAchcha bhikShApAtre kamaNDalau || 6\-273||
    
    kalpitaM vastrasUtrAdyaistasya puNyaphalaM shR^iNu |
    tadvastrapUtatantUnAM saMkhyA yAvadvidhIyate || 6\-274||
    
    tAvadvarShasahasrANi rudraloke mahIyate |
    sUtravalkalavAlairvA shikyabhANDasamAshrayam || 6\-275||
    
    yaH kR^itvA dAmanIyoktraM pragrahaM rajjumeva vA |
    evamAdIni chAnyAni vastUni vinivedayet || 6\-276||
    
    shivagoShThopayogArthaM tasya puNyaphalaM shR^iNu |
    yAvattadrajjusaMkhyAnaM pradadyAchChivagokule || 6\-277||
    
    tAvachchaturyugaM dehI shivaloke mahIyate |
    yathA yathA priyaM vastraM shobhanaM cha yathA yathA || 6\-278 ||
    
    tathA tathA mahApuNyaM taddAnAduttarottaram |
    yaH panthAnaM dishetpR^iShTaM praNaShTaM cha gavAdikaM || 6\-279||
    
    sa godAnasamaM puNyaM praj~nAsaukhyaM cha vindati |
    kR^itvopakAramArtAnAM svargaM yAti na saMshayaH || 6\-280||
    
    api kaNTakamuddhR^itya kimutAnyaM mahAguNam##(?)## |
    annapAnauShadhInAM cha yaH pradAtAramuddishet || 6\-281||
    
    ArtAnAM tasya vij~neyaM dAtustatsadR^ishaM phalam |
    shivAya tasya saMruddhaM karma tiShThati yadvinA || 6\-282||
    
    tadalpamapi yaj~nA~NgaM dattvA yaj~naphalaM labhet |
    api kAshakushaM sUtraM gomayaM samidindhanam || 6\-283||
    
    shivayaj~nopayogArthaM pravakShyAmi samAsataH |
    sarveShAM shivabhaktAnAM dadyAdyatkiMchidAdarAt |
    dattvA yaj~naphalaM vidyAtkimu tadvastudAnataH || 6\-284||
    
     || iti shivopaniShadi phalopakaraNapradAnAdhyAyaH ShaShThaH ||
    
    atha svargApavargArthe pravakShyAmi samAsataH |
    sarveShAM shivabhaktAnAM shivAchAramanuttamam || 7\-1||
    
    shivaH shivAya bhUtAnAM yasmAddAnaM prayachChati |
    gurumUrtiH sthitastasmAtpUjayetsatataM gurum || 7\-2||
    
    nAlakShaNe yathA li~Nge sAMnidhyaM kalpayechChivaH |
    alpAgame gurau tadvatsAMnidhyaM na prakalpayet || 7\-3||
    
    shivaj~nAnArthatattvaj~naH prasannamanasaM gurum |
    shivaH shivaM samAsthAya j~nAnaM vakti na hItaraH || 7\-4||
    
    guruM cha shivavadbhaktyA namaskAreNa pUjayet |
    kR^itA~njalistrisaMdhyaM cha bhUmivinyastamastakaH || 7\-5||
    
    na viviktamanAchAntam##(?)## cha~NkramantaM tathAkulam |
    samAdhisthaM vrajantaM cha namaskuryAdguruM budhaH || 7\-6||
    
    vyAkhyAne tatsamAptau cha saMprashne snAnabhojane |
    bhuktvA cha shayane svapne namaskuryAtsadA gurum || 7\-7||
    
    grAmAntaramabhiprepsurguroH kuryAtpradakShiNam |
    sArvA~NgikapraNAmaM cha punaH kuryAttadAgataH || 7\-8||
    
    parvotsaveShu sarveShu dadyAdgandhapavitrakam |
    shivaj~nAnasya chArambhe pravAsagamanAgatau || 7\-9||
    
    shivadharmavratArambhe tatsamAptau cha kalpayet |
    prasAdanAya kupito vijitya cha ripuM tathA || 7\-10||
    
    puNyAhe grahashAntau cha dIkShAyAM cha sadakShiNam |
    AvArya padasaMprAptau pavitre chopavigrahe || 7\-11||
    
    upAnachChattrashayanaM vastramAsanabhUShaNam |
    pAtradaNDAkShasUtraM vA gurusaktaM na dhArayet || 7\-12||
    
    hAsyaniShThIvanAsphoTamuchchabhAShyavijR^imbhaNam |
    pAdaprasAraNaM gatiM na kuryAdgurusaMnidhau || 7\-13||
    
    hInAnnapAnavastraH syAnnIchashayyAsano guroH |
    na yatheShTashcha saMtiShThetkalahaM cha vivarjayet || 7\-14||
    
    prativAte .anuvAte vA na tiShThedguruNA saha |
    asaMshraye cha satataM na kiMchitkIrtayedguroH || 7\-15||
    
    anyAsakto na bhu~njAno na tiShThannaparA~NmukhaH |
    na shayano na chAsInaH saMbhAsyedguruNA saha || 7\-16||
    
    dR^iShTvaiva gurumAyAntamuttiShTheddUratastvaram |
    anuj~nAtashcha guruNA saMvishechchAnupR^iShThataH || 7\-17||
    
    na kaNThaM prAvR^itaM kuryAnna cha tatrAvasaktikAm |
    na pAdadhAvanasnAnaM yatra pashyedguruH sthitaH || 7\-18||
    
    na dantadhAvanAbhya~NgamAyAmodvartanakriyAH |
    utsargaparidhAnaM cha guroH kurvIta pashyataH || 7\-19||
    
    gururyadarpayetkiMchidgR^ihAsannaM tada~njalau |
    pAtre vA purataH shiShyastadvaktramabhivIkShayan || 7\-20||
    
    yadarpayedguruH kiMchi tannamraH purataH sthitaH |
    pANidvayena gR^ihNIyatsthApayettachcha susthitam || 7\-21||
    
    na guroH kIrtayennAma paro.akShamapi kevalam |
    samAnasaMj~namanyaM vA nAhvayIta tadAkhyayA || 7\-22||
    
    svagurustadgurushchaiva yadi syAtAM samaM kvachit |
    gurorgurustayoH pUjyaH svagurushcha tadAj~nayA || 7\-23||
    
    anivedya na bhu~njIta bhuktvA chAsya nivedayet |
    nAvij~nApya guruM gachChedbahiH kAryeNa kenachit || 7\-24||
    
    gurvAj~nayA karma kR^itvA tatsamAptau nivedayet |
    kR^itvA cha naityakaM sarvamadhIyItAj~nayA guroH || 7\-25||
    
    mR^idbhasmagomayajalaM pattrapuShpendhanaM samit |
    paryAptamaShTakaM hyetadgurvarthaM tu samAharet || 7\-26||
    
    bhaiShajyAhArapAtrANi vastrashayyAsanaM guroH |
    Anayetsarvayatnena prArthayitvA dhaneshvarAn || 7\-27||
    
    gurorna khaNDayedAj~nAmapi prANAnparityajet |
    kR^itvAj~nAM prApnuyAnmuktiM la~NghayannarakaM vrajet || 7\-28||
    
    paryaTetpR^ithivIM kR^itsnAM sashailavanakAnanAm |
    gurubhaiShajyasiddhyarthamapi gachChedrasAtalam || 7\-29||
    
    yadAdishedguruH kiMchittatkuryAdavichArataH |
    amImAMsyA hi guravaH sarvakAryeShu sarvathA || 7\-30||
    
    notthApayetsukhAsInaM shayAnaM na prabodhayet |
    AsIno gurumAsInamabhigachChetpratiShThitam || 7\-31||
    
    pathi prayAntaM yAntaM cha yatnAdvishramayedgurum |
    kShitpipAsAturaM snAtaM j~nAtvA shaktaM cha bhojayet || 7\-32||
    
    abhya~NgodvartanaM snAnaM bhojanaShThIvamArjanam |
    gAtrasaMvAhanaM rAtrau pAdAbhya~NgaM cha yatnataH || 7\-33||
    
    prAtaH prasAdhanaM dattvA kAryaM saMmArjanA~njanam |
    nAnApuShpaprakaraNaM shrImadvyAkhyAnamaNDape || 7\-34||
    
    sthApyAsanaM guroH pUjyaM shivaj~nAnasya pustakam |
    tatra tiShThetpratIkShaMstadgurorAgamanaM kramAt || 7\-35||
    
    gurornindApavAdaM cha shrutvA karNau pidhApayet |
    anyatra chaiva sarpettu nigR^ihNIyAdupAyataH || 7\-36||
    
    na gurorapriyaM kuryAtpIDitastArito .api vA |
    nochchArayechcha tadvAkyamuchchArya narakaM vrajet || 7\-37||
    
    gurureva pitA mAtA gurureva paraH shivaH |
    yasyaiva nishchito bhAvastasya muktirna dUrataH || 7\-38||
    
    AhArAchAradharmANAM yatkuryAdgururIshvaraH |
    tathaiva chAnukurvIta nAnuyu~njIta kAraNam || 7\-39||
    
    yaj~nastapAMsi niyamAttAni vai vividhAni cha |
    guruvAkye tu sarvANi saMpadyante na saMshayaH || 7\-40||
    
    aj~nAnapa~NkanirmagnaM yaH samuddharate janam |
    shivaj~nAnAtmahastena kastaM na pratipUjayet || 7\-41||
    
    iti yaH pUjayennityaM gurumUrtisthamIshvaram |
    sarvapApavinirmuktaH prApnoti paramaM padam || 7\-42||
    
    snAtvAmbhasA bhasmanA vA shuklavastropavItavAn |
    dUrvAgarbhasthitaM puShpaM guruH shirasi dhArayet || 7\-43||
    
    rochanAlabhanaM kuryAddhUyayedAtmanastanum |
    a~NgulIyAkShasUtraM cha karNamAtre cha dhArayet || 7\-44||
    
    gururevaMvidhaH shrImAnnityaM tiShThetsamAhitaH |
    yasmAjj~nAnopadeshArthaM gururAste sadAshivaH || 7\-45||
    
    dhArayetpAduke nityaM mR^iduvarmaprakalpite |
    pragR^ihya daNDaM ChattraM vA paryaTedAshramAdbahiH || 7\-46||
    
    na bhUmau vinyasetpAdamantardhAnaM vinA guruH |
    kushapAdakamAkramya tarpaNArthaM prakalpayet || 7\-47||
    
    pAdasthAnAni pattrAdyaiH kR^itvA devagR^ihaM vishet |
    pAtrAstaritapAdashcha##(?)## nityaM bhu~njIta vAgyataH || 7\-48||
    
    na pAdau dhAvayetkAMsye lohe vA parikalpite |
    shauchayettR^iNagarbhAyAM dvitIyAyAM tathAchamet || 7\-49||
    
    na raktamulbaNaM vastraM dhArayetkusumAni cha |
    na bahirgandhamAlyAni vAsAMsi malinAni cha || 7\-50||
    
    keshAsthIni kapAlAni kArpAsAsthituShANi cha |
    amedhyA~NgArabhasmAni nAdhitiShThedrajAMsi cha || 7\-51||
    
    na cha loShTaM vimR^idnIyAnna cha ChindyAnnakhaistR^iNam |
    na pattrapuShpamUlyAni vaMshama~NgalakAShThitAm || 7\-52||
    
    evamAdIni chAnyAni pANibhyAM na cha mardayet |
    na dantakhAdanaM kuryAdromANyutpATayenna cha || 7\-53||
    
    na padbhyAmullikhedbhUmiM loShTakAShThaiH kareNa vA |
    na nakhAMshcha nakhairvidhyAnna kaNDUyennakhaistanum || 7\-54||
    
    muhurmuhuH shiraH shmashru na spR^ishetkarajairbudhaH |
    na likShAkarShaNaM kuryAdAtmano vA parasya vA || 7\-55||
    
    sauvarNyaraupyatAmraishcha shR^i~NgadantashalAkayA |
    dehakaNDUyanaM kAryaM vaMshakAShThIkavIraNaiH##(?)## || 7\-56||
    
    na vichittaM prakurvIta dishashchaivAvalokayan |
    na shokArtashcha saMtiShTheddhUtvA pANau kapolakam || 7\-57||
    
    na pANipAdavAkchakShuH\- shrotrashishnagudodaraiH |
    chApalAni na kurvIta sa sarvArthamavApnuyAt || 7\-58||
    
    na kuryAtkenachidvairamadhruve jIvite sati |
    lokakautUhalaM pApaM saMdhyAM cha parivarjayet || 7\-59||
    
    na kudvAreNa veshmAni nagaraM grAmamAvishet |
    na divA prAvR^itashirA rAtrau prAvR^itya paryaTet || 7\-60||
    
    nAtibhramaNashIlaH syAnna vishechcha gR^ihAdgR^iham |
    na chAj~nAnamadhIyIta shivaj~nAnaM samabhyaset || 7\-61||
    
    shivaj~nAnaM paraM brahma tadArabhya na saMtyajet |
    brahmAsAdhya cha yo gachChedbrahmahA sa prakIrtitaH || 7\-62||
    
    kR^itA~njaliH sthitaH shiShyo laghuvastramuda~NmukhaH |
    shivamantraM samuchchArya prA~Nmukho .adhyApayedguruH || 7\-63||
    
    nAgadantAdisaMbhUtaM chaturashraM sushobhanam |
    hemaratnachitaM vApi gurorAsanamuttamam || 7\-64||
    
    na shushrUShArthakAmAshcha na cha dharmaH pradR^ishyate |
    na bhaktirna yashaH krauryaM na tamadhyApayedguruH || 7\-65||
    
    devAgnigurugoShThIShu vyAkhyAdhyayanasaMsadi |
    prashne vAde .anR^ite .ashauche dakShiNaM bAhumuddharet || 7\-66||
    
    vashe satatanamraH syAtsaMhR^ityA~NgAni kUrmavat |
    tatsaMmukhaM cha nirgachChennamaskArapurassaraH || 7\-67||
    
    devAgniguruviprANAM na vrajedantareNa tu |
    nArpayenna cha gR^ihNIyAtkiMchidvastu tadantarA || 7\-68||
    
    na mukhena dhamedagniM nAdhaHkuryAnna la~Nghayet |
    na kShipedashuchiM vahnau na cha pAdau pratApayet || 7\-69||
    
    tR^iNakAShThAdigahane jantubhishcha samAkule |
    sthAne na dIpayedagniM dIptaM chApi tataH kShipet || 7\-70||
    
    agniM yugapadAnIya dhArayeta prayatnataH |
    jvalantaM na pradIpaM cha svayaM nirvApayedbudhaH || 7\-71||
    
    shivavratadharaM dR^iShTvA samutthAya sadA drutam |
    shivo .ayamiti saMkalpya harShitaH praNamettataH || 7\-72||
    
    bhogAndadAti vipulAnli~Nge saMpUjitaH shivaH |
    agnau cha vividhAM siddhiM gurau muktiM prayachChati || 7\-73||
    
    mokShArthaM pUjayettasmAdgurumUrtisthamIshvaram |
    gurubhaktyA labhejj~nAnaM j~nAnAnmuktimavApnuyAt || 7\-74||
    
    sarvaparvasu yatnena hyeShu saMpUjayechChivam |
    kuryAdAyatane shobhAM gurusthAneShu sarvataH || 7\-75||
    
    naradvayochChrite pIThe sarvashobhAsamanvite |
    saMsthApya maNijaM li~NgaM sthAne kuryAjjagaddhitam || 7\-76||
    
    annapAnavisheShaishcha naivedyamupakalpayet |
    bhojayedvratinashchAtra svaguruM cha visheShataH || 7\-77||
    
    pUjayechcha shivaj~nAnaM vAchayIta cha parvasu |
    darshayechChivabhaktebhyaH satpUjAM parikalpitAm || 7\-78||
    
    priyaM brUyAtsadA tebhyaH pradeyaM chApi shaktitaH |
    evaM kR^ite visheSheNa prasIdati maheshvaraH || 7\-79||
    
    ChinnaM bhinnaM mR^itaM naShTaM vardhate nAsti kevalam |
    ityAdyAnna vadechChabdAnsAkShAdbrUyAttu ma~Ngalam || 7\-80||
    
    adhenuM dhenumityeva brUyAdbhadramabhadrakam |
    kapAlaM cha bhagAlaM syAtparamaM ma~NgalaM vadet || 7\-81||
    
    aindraM dhanurmaNidhanurdAhakAShThAdi chandanam |
    svaryAtaM cha mR^itaM brUyAchChivIbhUtaM cha yoginam || 7\-82||
    
    dvidhAbhUtaM vadechChinnaM bhinnaM cha bahudhA sthitam |
    naShTamanveShaNIyaM cha riktaM pUrNAbhivardhitam || 7\-83||
    
    nAstIti shobhanaM sarvamAdyama~NgAbhivardhanam |
    siddhimadbrUhi gachChantaM suptaM brUyAtpravardhitam || 7\-84||
    
    na mlechChamUrkhapatitaiH krUraiH saMtApavedibhiH |
    durjanairavaliptaishcha kShudraiH saha na saMvadet || 7\-85||
    
    nAdhArmikanR^ipAkrAnte na daMshamashakAvR^ite |
    nAtishItajalAkIrNe deshe rogaprade vaset || 7\-86||
    
    nAsanaM shayanaM pAnaM namaskArAbhivAdanam |
    sopAnatkaH prakurvIta shivapustakavAchanam || 7\-87||
    
    AchAryaM daivataM tIrthamuddhUtodaM mR^idaM dadhi |
    vaTamashvatthakapilAM dIkShitodadhisaMgamam || 7\-88||
    
    yAni chaiShAM prakArANi ma~NgalAnIha kAnichit |
    shivAyeti namaskR^itvA proktametatpradakShiNam || 7\-89||
    
    upAnachChattravastrANi pavitraM karakaM srajam |
    AsanaM shayanaM pAnaM dhR^itamanyairna dhArayet || 7\-90||
    
    pAlAshamAsanaM shayyAM pAduke dantadhAvanam |
    varjayechchApi niryAsaM raktaM na tu samudbhavam || 7\-91||
    
    saMdhyAmupAsya kurvIta nityaM dehaprasAdhanam |
    spR^ishedvandechcha kapilAM pradadyAchcha gavAM hitam || 7\-92||
    
    yaH pradadyAdgavAM samyakphalAni cha visheShataH |
    kShetramuddAmayechchApi tasya puNyaphalaM shR^iNu || 7\-93||
    
    yAvattatpattrakusuma\- kandamUlaphalAni cha |
    tAvadvarShasahasrANi shivaloke mahIyate || 7\-94||
    
    kR^isharogArtavR^i                                        

Related Content