Nirvana Dasakam

---

নির্ৱাণদশকং |

ন ভূমির্ন তোযং ন তেজো ন ৱাযুর্ন খং নেন্দ্রিযং  ৱা ন তেষাং সমূহঃ | 
অনৈকান্তিকত্ৱাত্সুষুপ্ত্যৈকসিদ্ধস্তদেকোঽৱশিষ্টঃ শিৱঃ কেৱলোঽহম ||১|| 

ন ৱর্ণা ন ৱর্ণাশ্রমাচারধর্মা ন মে ধারণাধ্যানযোগাদযোঽপি | 
অনাত্মাশ্রযোঽহং মমাধ্যাসহানাত্তদেকোঽৱশিষ্টঃ শিৱঃ কেৱলোঽহম ||২|| 

ন মাতা পিতা ৱা ন দেৱা ন লোকা ন ৱেদা ন যজ্ঞা ন তীর্থং ব্রুৱন্তি | 
সুষুপ্তৌ নিরস্তাতিশূন্যাত্মকত্ৱাত্তদেকোঽৱশিষ্টঃ শিৱঃ কেৱলোঽহম ||৩|| 

ন সাঙ্খ্যং ন শৈৱং ন তত্পাঞ্চরাত্রং ন জৈনং ন মীমাংসকাদের্মতং ৱা | 
ৱিশিষ্টানুভূত্যা ৱিশুদ্ধাত্মকত্ৱাত্তদেকোঽৱশিষ্টঃ শিৱঃ কেৱলোঽহম  ||৪|| 

ন শুক্লং ন কৃষ্ণং ন রক্তং ন পীতং ন পীনং ন কুঞ্জং ন হ্রস্ৱং ন দীর্ঘম | 
অরূপং তথা জ্যোতিরাকারকত্ৱাত্তদেকোঽৱশিষ্টঃ শিৱঃ কেৱলোঽহম  ||৫|| 

ন জাগ্রন্ন মে স্ৱপ্নকো ৱা সুপুপ্তির্ন ৱিশ্ৱো ন ৱা তৈজসঃ প্রাজ্ঞকো ৱা | 
অৱিদ্যাত্মকত্ৱান্ত্রযাণাং তুরীযং তদেকোঽৱশিষ্টঃ শিৱঃ কেৱলোঽহম  ||৬|| 

ন শাস্তা ন শাস্ত্রং ন শিষ্যো ন শিক্ষা ন চ ত্ৱং ন চাহং ন চাযং প্রপঞ্চঃ | 
স্ৱরূপাৱবোধাদ্ৱিকল্পাসহিষ্ণুস্তদেকোঽৱশিষ্টঃ শিৱঃ কেৱলোঽহম  ||৭|| 

ন চোর্ধ্ৱে ন চাধো ন চান্তর্ন বাহ্যং ন মধ্যং ন তির্যঙ ন পূর্ৱা পরাদিক | 
ৱিযদ্ৱ্যাপকত্ৱাদখণ্ডৈকরূপস্তদেকোঽৱশিষ্টঃ শিৱঃ কেৱলোঽহম  ||৮|| 

অপি ৱ্যাপকত্ৱাদিতত্ত্ৱাত্প্রযোগাত্স্ৱতঃ সিদ্ধভাৱাদনন্যাশ্রযত্ৱাত | 
জগত্তুচ্ছমেতত্সমস্তং তদন্যস্তদেকোঽৱশিষ্টঃ শিৱঃ কেৱলোঽহম  ||৯|| 

ন চৈকং তদন্যদ্দ্ৱিতীযং কুতঃ স্যান্ন চাকেৱলত্ৱং ন ৱা কেৱলত্ৱম | 
ন শূন্যং ন চাশূন্যমদ্ৱৈতকত্ৱাত্কথং সর্ৱৱেদান্তসিদ্ধং ব্রৱীমি ||১০|| 

ইতি শ্রীমচ্ছঙ্করাচার্যৱিরচিতং নির্ৱাণদশকস্তোত্রং সংপূর্ণম ||