Bilvaashtakam

ত্রিদল়ং ত্রিগুণাকারং ত্রিনেত্রং চ ত্রয়ায়ুধম্ । 
ত্রিজন্মপাপসংহারমেকবিল্বং শিবার্পণম্ ॥১॥

ত্রিশাখৈর্বিল্বপত্রৈশ্চ হ্যচ্ছিদ্রৈঃ কোমল়ৈঃ শুভৈঃ । 
শিবপূজাং করিষ্যামি হ্যেকবিল্বম্ শিবার্পণম্ ॥২॥

অখণ্ডবিল্বপত্রেণ পূজিতে নন্দিকেশ্বরে । 
শুধ্যন্তি সর্বপাপেভ্যো হ্যেকবিল্বম্ শিবার্পণম্ ॥৩॥

শালিগ্রামশিলামেকাং বিপ্রাণাং জাতু অর্পয়েৎ । 
সোময়জ্ঞমহাপুণ্যম্ হ্যেকবিল্বম্ শিবার্পণম্ ॥৪॥

দন্তিকোটিসহস্রাণি অশ্বমেধশতানি চ । 
কোটিকন্যামহাদানম্ হ্যেকবিল্বম্ শিবার্পণম্ ॥৫॥

লক্ষ্ম্যাঃস্তনত উৎপন্নং মহাদেবস্য চ প্রিয়ম্ । 
বিল্ববৃক্ষং প্রয়চ্ছামি হ্যেকবিল্বম্ শিবার্পণম্ ॥৬॥

দর্শনং বিল্ববৃক্ষস্য স্পর্শনং পাপনাশনম্ । 
অঘোরপাপসংহারম্ হ্যেকবিল্বম্ শিবার্পণম্ ॥৭॥

মূলতো ব্রহ্মরূপায় মধ্যতো বিষ্ণুরূপিণে । 
অগ্রতঃ শিবরূপায় হ্যেকবিল্বম্ শিবার্পণম্ ॥৮॥

বিল্বাষ্টকমিদং পুণ্যং যঃ পঠেচ্ছিবসন্নিধৌ । 
সর্বপাপবিনির্মুক্তঃ শিবলোকমবাপ্নুয়াৎ ॥৯॥

ইতি বিল্বাষ্টকং সম্পূর্ণম্ ॥