logo

|

Home >

Scripture >

scripture >

Bengali

শিৱমহিম স্তোত্রম - Shivamahima Stotram

 

মহেশানন্তাদ্য ত্রিগুণরহিতামেয়বিমল 
স্বরাকারাপারামিতগুণগণাকারিনিবৃতে । 
নিরাধারাধারামরবর নিরাকার পরম 
প্রভাপূরাকারাবর পর নমো বেদ্য শিব তে ॥১॥

 

নমো বেদাবেদ্যাখিলজগদুপাদান নিয়তং 
স্বতন্ত্রাসামান্তানবধুতিনিজাকারবিরতে । 
নিবর্তন্তে বাচঃ শিবভজনমপ্রাপ্য মনসা 
যতোঽশক্তাঃ স্তোতুং সকৃদপি গুণাতীত শিব তে ॥২॥

 

ত্বদন্যদ্বস্ত্বেকং নহি ভব সমস্তত্রিভুবনে 
বিভুস্ত্বং বিশ্বাত্মা ন চ পরমমস্তীশ ভবতঃ । 
ধ্রুবং মায়াতীতস্ত্বমসি সততং নাত্র বিষয়ো ন তে 
কৃত্যং সত্যং  ক্বচিদপি বিপর্যেতি শিব তে ॥৩॥

 

ত্বয়ৈবেমং লোকং নিখিলমমলং ব্যাপ্য সততং 
তথৈবান্যাং লোকস্থিতিমনঘ দেবোত্তম বিভো । 
ত্বয়ৈবৈতৎসৃষ্টং জগদখিলমীশান ভগব-
ন্বিলাসোঽয়ং কশ্চিত্তব শিব নমো বেদ্য শিব তে ॥৪॥

 

জগৎসৃষ্টেঃ পূর্বং যদভবদুমাকান্ত সততং 
ত্বয়া লীলামাত্রং তদপি সকলং রক্ষিতমভূৎ ॥ 
তদেবাগ্রে ভালপ্রকটনয়নাদ্ভুতকরা-
জ্জগদ্দগ্ধ্বা স্থাস্যস্যজ হর নমো বেদ্য শিব তে ॥৫॥

 

বিভূতীনামন্তো ভব ন ভবতো ভূতিবিলস-
ন্নিজাকার শ্রীমন্ন গুণগণসীমাপ্যবগতা । 
অতদ্ব্যাবৃত্যাঽদ্ধা ত্বয়ি সকলবেদাশ্চ চকিতা 
ভবন্ত্যেবাসামপ্রকৃতিক নমো ধর্ষ শিব তে ॥৬॥

 

বিরাড্র্রূপং যত্তে সকলনিগমাগোচরমভূ-
ত্তদেবেদং রূপং ভবতি কিমিদং ভিন্নমথবা । 
ন জানে দেবেশ ত্রিনয়ন সুরারাধ্যচরণ 
ত্বমোঙ্কারো বেদস্ত্বমসি হি নমোঽঘোর শিব তে ॥৭॥

 

যদন্তস্তত্বজ্ঞা মুনিবরগণা রূপমনঘং 
তবেদং সঞ্চিন্ত্য স্বমনসি সদাসন্নবিহতাঃ । 
যয়ুর্দিব্যানন্দং তদিদমথবা কিং তু ন তথা 
কিমেতজ্জানেঽহং শরণদ নমঃ শর্ব শিব তে ॥৮॥

 

তথা শক্ত্যা সৃষ্ট্বা জগদথ চ সংরক্ষ্য বহুধা 
ততঃ সংহৄত্যৈতন্নিবসতি তদাধারমথবা । 
ইদং তে কিং রূপং নিরুপম ন জানে হর বিভো 
বিসর্গঃ কো বা তে তমপি হি নমো ভব্য শিব তে ॥৯॥

 

তবানন্তান্যাহুঃ শুচিপরমরূপাণি নিগমা-
স্তদন্তর্ভূতং সৎসদসদনিরুক্তং পদমপি । 
নিরুক্তং ছন্দোভির্নিলয়নমিদং বানিলয়নং 
ন বিজ্ঞাতং জ্ঞাতং সকৃদপি নমো জ্যেষ্ঠ শিব তে ॥১০॥

 

তবাভূৎসত্যং চানৃতমপি চ সত্যং কৃতমভূদৃতং 
সত্যং সত্যং তদপি চ যথা রূপমখিলম্ । 
যতঃ সত্যং সত্যং শমমপি সমস্তং তব বিভো 
কৃতং সত্যং সত্যানৃতমপি নমো রুদ্র শিব তে ॥১১॥

 

তবামেয়ং মেয়ং যদপি তদমেয়ং বিরচিতং 
ন বামেয়ং মেয়ং রচিতমপি মেয়ং বিরচিতুম্ । 
ন মেয়ং মেয়ং তে ন খলু পরমেয়ং পরময়ং 
ন মেয়ং ন নামেয়ং বরমপি নমো দেব শিব তে ॥১২॥

 

তবাহারং হারং বিদিতমবিহারং বিরহসং 
নবাহারং হারং হর হরসি হারং ন হরসি । 
ন বাহারং হারং পরতরবিহারং পরতরং 
পরং পারং জানে নহি খলু নমো বিশ্বশিব তে ॥১৩॥

 

যদেতত্তত্ত্বং তে সকলমপি তত্ত্বেন বিদিতম্
ন তে তত্ত্বং তত্ত্বং বিদিতমপি তত্ত্বেন বিদিতম্ । 
ন চৈতত্তত্ত্বং চেন্নিয়তমপি  তত্ত্বং কিমু ভবে 
ন তে তত্ত্বং তত্ত্বং তদপি চ নমো বেদ্য শিব তে ॥১৪॥


ইদং রূপং রূপং সদসদমলং রূপমপি চে-
ন্ন জানে রূপং তে তরতমবিভিন্নং পরতরম্ । 
যতো নান্যদ্রূপং নিয়তমপি বেদৈর্নিগদিতং 
ন জানে সর্বাত্মন্ ক্বচিদপি নমোঽনন্ত শিব তে ॥১৫॥

 

ংঅহদ্ভূতং ভূতং যদপি ন চ ভূতং তব বিভো 
সদা ভূতং ভূতং কিমু ন ভবতো ভূতবিষয়ে । 
যদাভূতং ভূতং ভবতি হি ন ভব্যং ভগবতো 
ভবাভূতং ভাব্যং ভবতি ন নমো জ্যেষ্ঠ শিব তে ॥১৬॥

 

বশীভূতা ভূতা সততমপি ভূতাত্মকতয়া 
ন তে ভূতা ভূতাস্তব যদপি ভূতা বিভুতয়া । 
যতো ভূতা ভূতাস্তব তু ন হি ভূতাত্মকতয়া 
ন বা ভূতা ভূতাঃ ক্বচিদপি নমো ভূত শিব তে ॥১৭॥

 

ন তে মায়ামায়া সততমপি মায়াময়তয়া 
ধ্রুবং মায়ামায়া ত্বয়ি বর ন মায়াময়মপি । 
যদা মায়ামায়া ত্বয়ি ন খলু মায়াময়তয়া 
ন মায়ামায়া বা পরময় নমস্তে শিব নমঃ ॥১৮॥

 

যতন্তঃ সম্বেদ্যং বিদিতমপি বেদৈর্ন বিদিতং 
ন বেদ্যং বেদ্যং চেন্নিয়তমপি বেদ্যং ন বিদিতম্ । 
তদেবেদং বেদ্যং বিদিতমপি বেদান্তনিকরৈঃ 
করাবেদ্যং বেদ্যং জিতমিতি নমোঽতর্ক্য শিব তে ॥১৯॥

 

শিবং সেব্যং ভাবং শিবমতিশিবাকারমশিবং 
ন সত্যং শৈবং তচ্ছিবমিতি শিবং সেব্যমনিশম্ । 
শিবং শান্তং মত্বা শিবপরমতত্ত্বং শিবময়ং 
ন জানে রূপত্বং শিবমিতি নমো বেদ্য শিব তে ॥২০॥

 

যদজ্ঞাত্বা তত্ত্বং সকলমপি সংসারপতিতং 
জগজ্জন্মাবৃত্তিং দহতি সততং দুঃখনিলয়ম্ । 
যদেতজ্জ্ঞাত্বৈবাবহতি চ নিবৃত্তিং পরতরাং 
ন জানে তত্তত্ত্বং পরমিতি নমো বেদ্য শিব তে ॥২১॥

 

ন বেদং যদ্রূপং নিগমবিষয়ং মঙ্গল়করং 
ন দৃষ্টং কেনাপি ধ্রুবমিতি বিজানে শিব বিভো । 
ততশ্চিত্তে শম্ভো নহি মম বিষাদোঽঘবিকৄত্তিঃ 
প্রয়ত্নল্লব্ধেঽস্মিন্ন কিমপি নমঃ পূর্ণ শিব তে ॥২২॥

 

তবাকর্ণ্যাগূঢং যদপি পরতত্ত্বং শ্রুতিপরং 
তদেবাতীতং সন্নয়নপদবীং নাত্র তনুতে । 
কদাচিৎকিঞ্চিদ্বা স্ফুরতি কতিধা চেতসি তব 
স্ফুরদ্রূপং ভব্যং ভবহর পরাবেদ্য শিব তে ॥২৩॥

 

ত্বমিন্দুর্ভানুস্ত্বং হুতভুগসি বায়ুশ্চ সলিলং 
ত্বমেবাকাশোঽসি ক্ষিতিরসি তথাঽঽত্মাঽসি ভগবন্ । 
ততঃ সর্বাকারস্ত্বমসি ভবতো ভিন্নমনঘান্ন 
তৎসত্যং সত্যং ত্রিনয়ন নমোঽনন্ত শিব তে ॥২৪॥

 

বিধুং ধৎসে নিত্যং শিরসি মৃদুকণ্ঠোঽপি গরল়ং 
নবং নাগাহারং ভসিতমমলং ভাসুরতনুম্ । 
করে শূলং ভালে জ্বলনমনিশং তৎকিমিতি তে 
ন তত্ত্বং জানেঽহং ভবহর নমঃ কুর্প শিব তে ॥২৫॥

 

তবাপাঙ্গঃ শুদ্ধো যদি ভবতি ভব্যে শুভকরঃ 
কদাচিত্ত্কস্মিংশ্চিল্লধুতরনরে বিপ্রভবতি । 
স এবৈতাল্লোকান্ রচয়িতুমলং সাপি চ মহান্-
কৃপাধারোঽয়ং সুকয়তি নমোঽনন্ত শিব তে ॥২৬॥

 

ভবন্তং দেবেশং শিবমিতরগীর্বাণসদৃশং 
প্রমাদাদ্যঃ কশ্চিদ্যদি যদপি চিত্তেঽপি মনুতে । 
স দুঃখং লব্ধ্বাঽন্তে নরকমপি যাতি ধ্রুবমিদং 
ধ্রুবং দেবারাধ্যামিতগুণ নমোঽনন্ত শিব তে ॥২৭॥

 

প্রদোষে রত্নাঢ্যে  মৃদুলতরসিংহাসনবরে 
ভবানীমারূঢামসকৃদপি সম্বীক্ষ্য ভবতা । 
কৃতং সম্যঙ্নাঠ্যং প্রথিতমিতি বেদোঽপি ভবতি 
প্রভাবঃ কো বাঽয়ং তব হর নমো দীপ শিব তে ॥২৮॥

 

শ্মশানে সঞ্চারঃ কিমু শিব ন তে ক্বাপি গমনং
যতো বিশ্বং ব্যাপ্যাখিলমপি সদা তিষ্ঠতি ভবান্ । 
বিভুং নিত্যং শুদ্ধং শিবমুপহতং ব্যাপকমিতি 
শ্রুতিঃ সাক্ষাদ্বক্তি ত্বয়মপি নমঃ শুদ্ধ শিব তে ॥২৯॥

 

ধনুর্মেরুঃ শেষো ধনুবরগুণো যানমবনি-
স্তবৈবেদং চক্রং নিগমনিকরা বাজিনিকরাঃ । 
পুরোলক্ষ্যং যন্তা বিধিরিপুহরিশ্চেতি নিগমঃ 
কিমেবং ত্বন্বেষ্যো নিগদতি নমঃ পূর্ণ শিব তে ॥৩০॥

 

মৃদুঃ সত্ত্বং ত্বেতদ্ভবমনঘয়ুক্তং চ রজসা 
তমোয়ুক্তং শুদ্ধং হরমপি শিবং নিষ্কল়মিতি । 
বদত্যেকো বেদস্ত্বমসি তদুপাস্যং ধ্রুবমিদং 
ত্বমোঙ্করাকারো ধ্রুবমিতি নমোঽনন্ত শিব তে ॥৩১॥

 

জগৎসুপ্তিং বোধং ব্রজতি ভবতো নির্গতমপি 
প্রবৃত্তিং ব্যাপরং পুনরপি সুষুপ্তিং চ সকলম্ । 
ত্বদন্যং ত্বৎপ্রেক্ষ্যং ব্রজতি শরণং নেতি নিগমো 
বদত্যদ্ধা সর্বঃ শিব ইতি নমঃ স্তুত্য শিব তে ॥৩২॥

 

ত্বমেবালোকানামধিপতিরুমানাথ জগতাং শরণ্যঃ 
প্রাপ্যস্ত্বং জলনিধিরিবানন্তপয়সাম্ । 
ত্বদন্যো নির্বাণং তট ইতি চ নির্বাণয়তিরপ্যতঃ 
সর্বোৎকৃষ্টস্ত্বমসি হি নমো নিত্য শিব তে ॥৩৩॥

 

তবৈবাংশো ভানুস্তপতি বিধুরপ্যেতি পবনঃ 
পবত্যেষোঽগ্নিশ্চ জ্বলতি সলিলং চ প্রবহতি ।
তবাজ্ঞাকারিত্বং সকলসুরবর্গস্য সততম্ 
ত্বমেক: স্বাতন্ত্র্যং বহসি হি নমোঽনন্ত শিব তে ॥৩৪॥

 

স্বতন্ত্রোঽয়ং সোমঃ সকলভুবনৈকপ্রভুরয়ং 
নিয়ন্তা দেবানামপি হর নিয়ন্তাসি ন পরঃ ।
শিবঃ শুদ্ধা মায়ারহিত ইতি বেদোঽপি বদতি 
স্বয়ং তামাশাস্য ত্রয়হর নমোঽনন্ত শিব তে ॥৩৫॥

 

নমো রুদ্রানন্তামরবর নমঃ শঙ্কর বিভো 
নমো গৌরীনাথ ত্রিনয়ন শরণ্যাঙ্ঘ্রিকমল । 
নমঃ শর্বঃ শ্রীমন্ননঘ মহদৈশ্বর্যনিলয় 
স্মরারে পাপারে জয় জয় নমঃ সেব্য শিব তে ॥ ৩৬॥

 

মহাদেবামেয়ানঘগুণগণপ্রামবসত-
ন্নমো ভূয়ো ভূয়ঃ পুনরপি নমস্তে পুনরপি । 
পুরারাতে শম্ভো পুনরপি নমস্তে শিব বিভো 
নমো ভূয়ো ভূয়ঃ শিব শিব নমোঽনন্ত শিব তে ॥৩৭॥

 

কদাচিদ্গণ্যন্তে নিবিডনিয়তবৃষ্টিকণিকাঃ 
কদাচিত্তৎক্ষেত্রাণ্যপি সিকতলেশং কুশলিনা । 
অনন্তৈরাকল্পং শিব গুণগণশ্চারুরসনৈ-
র্ন শক্যং তে নূনং গণয়িতুমুষিত্বাঽপি সততম্ ॥৩৮॥

 

ময়া বিজ্ঞায়ৈষাঽনিশমপি কৃতা জেতুমনসা 
সকামেনামেয়া সততমপরাধা বহুবিধাঃ । 
ত্বয়ৈতে ক্ষন্তব্যাঃ ক্বচিদপি শরীরেণ বচসা 
কৃতৈর্নৈতৈর্নূনং শিব শিব কৃপাসাগর বিভো ॥৩৯॥

 

প্রমাদাদ্যে কেচিদ্বিততমপরাধা বিধিহতাঃ 
কৃতাঃ সর্বে তেঽপি প্রশমমুপয়ান্তু স্ফুটতরম্ । 
শিবঃ শ্রীমচ্ছম্ভো শিবশিব মহেশেতি চ জপন্ 
ক্বচিল্লিঙ্গাকারে শিব হর বসামি স্থিরতরম্ ॥৪০॥

 

ইতি স্তুত্বা শিবং বিষ্ণুঃ প্রণম্য চ মুহুর্মুহুঃ । 
নির্বিণ্ণো ন্যবসন্নূনং কৃতাঞ্জলিপুটঃ স্থিরম্ ॥৪১॥

 

তদা শিবঃ শিবং রূপমাদায়োবাচ সর্বগঃ ।
ভীষয়ন্নখিলান্ভূতান্ ঘনগম্ভীরয়া গিরা ॥৪২॥

 

মদীয়ং রূপমমলং কথং জ্ঞেয়ং ভবাদৃশৈঃ । 
যত্তু বেদৈরবিজ্ঞাতমিত্যুক্ত্বাঽন্তর্দধে শিবঃ ॥৪৩॥

 

ততঃ পুনর্বিধিস্তত্র তপস্তপ্তুং সমারভৎ । 
বিষ্ণুশ্চ শিবতত্ত্বস্য জ্ঞানার্থমতিয়ত্নতঃ ॥৪৪॥

 

তাদৃশী শিব মে বাচ্ছা পূজায়িত্বা বদাম্যহম্ ।
নান্যো ময়াঽর্চ্যো দেবেষু বিনা শম্ভুং সনাতনম্ ॥ ৪৫॥

 

ত্বয়াপি শাঙ্করং লিঙ্গং পূজনীয়ং প্রয়ত্নতঃ ।
বিহায়ৈবান্যদেবানাং পূজনং শেষ সর্বদা ॥৪৬॥

 

ইতি শ্রীস্কন্দপুরাণে বিষ্ণুবিরচিতং শিবমহিমস্তোত্রং সম্পূর্ণম্ ॥

Related Content

asitakRutaM shivastotram (असितकृतं शिवस्तोत्रम्)

daaridrya dahana shiva stotram (दारिद्र्य दहन शिव स्तोत्रम्

Shiva Mahimna Stotra

Shivamahima Stotram

The Greatness Of Siva