திருநெறிய தமிழோசை
Please click this Icon to play Radio
Shaiva Lahari

:: Upgrade to version 2.0 of Shaivam.org mobile app. It is your worship guide in hand!!          :: நமது Shaivam.org-ன் இலவச Mobile App-ஐ அனைவரும் பயன்படுத்திக்கொள்வதுடன்; உற்றார்-உறவினர், நண்பர்கள், அடியார் பெருமக்களுக்கு பரிந்துரை செய்தும், நிறுவி (Install) கொடுத்தும் தமது தன்னார்வ பங்களிப்பை வழங்க வேண்டுகிறோம். நன்றி!

  • facebook
  • google
  • twitter
  • whatsup

Shaivam Related News from Media

  • You can add news items directly to the Shaivam.org News listing now (They will be published after moderation.)
  • If you find Hindu-Shaiva news in the media, remember to share through the Shaivam.org news feed at here using the Add News option.

Important Note:

The intention of this section is to bring to the attention of devotees the positive and negative news on shaivam reported by the media. Hence these news items are not the opinions endorsed by shaivam.org (Some of the news items could be totally contraty to the view of shaivam.org but presented here as reported in the media.)

Become editor for your language news / send in news links.

Feb 2018

23 Feb 2018 - கும்பகோணம் மீனாட்சி சுந்தரேஸ்வரர் கோவில் கருவறையில் தீ விபத்து

News Title கும்பகோணம் மீனாட்சி சுந்தரேஸ்வரர் கோவில் கருவறையில் தீ விபத்து
News Detail தஞ்சாவூர்: கும்பகோணம் அருகே ஆயிரம் ஆண்டுகள் பழமையான கருப்பூர் மீனாட்சி சுந்தரேஸ்வரர் கோவிலில் இன்று மதியம் திடீரென ஏற்பட்ட தீ விபத்தில் கோவில் கருவறையில் இருந்த வஸ்திரங்கள், பூஜை பொருட்கள், பீரோ ஆகியவை எரிந்து சேதமடைந்தது. தமிழகத்தில் கடந்த சில நாட்களுக்கு முன் பழமையும் மதுரை மீனாட்சி அம்மன் கோவிலில் தீ விபத்து ஏற்பட்டது. இதேபோல் அடுத்தடுத்து தமிழகத்தில் திருவாரூர், கும்பகோணம் உள்ளிட்ட கோவில்களில் ஏற்பட்ட தீ விபத்தால் பக்தர்களிடையே அச்சம் நிலவி வருகிறது. இந்நிலையில் தஞ்சாவூர் மாவட்டம் கும்பகோணம் அருகே சத்திரம்கருப்பூர் மெயின் ரோட்டில் பழமையான மீனாட்சி சுந்தரேஸ்வரர் கோவில் உள்ளது. இக்கோவில் திருப்பனந்தாள் காசி மடத்துக்கு சொந்தமான கோவிலாகும். இன்று கார்த்திகை நட்சத்திரம் என்பதால் கோவில் சிவாச்சாரியார் சுந்தரேசன், மூலவர் சுந்தரேஸ்வரருக்கும், மீனாட்சி அம்பாளுக்கும் அபிஷேகங்கள் செய்து, அலங்காரம் செய்தார். பின்னர் 12 மணியளவில் கருவறையில் தீபம் ஏற்றி வைத்து விட்டு சென்றார். இதற்கிடையில் இன்று மதியம் 12.30 மணியளவில் கோவிலிலிருந்து திடீரென புகை வெளியேறியது. மேலும் துணிகள் எரிந்து கருகும் வாடை வீசியது. இதையடுத்து கோவிலுக்கு அருகில் குடியிருப்பவர்கள் உடனடியாக கோயில் சிவாச்சாரியருக்கும், தீயணைப்பு நிலையத்துக்கும் தகவல் கொடுத்தனர். பின்னர் கும்பகோணம் தீயணைப்பு நிலைய வீரர்கள் விரைந்து வந்து தீயை அணைத்தனர். கோவில் கதவை திறந்து பார்த்த போது, கோவில் கருவறையில் இருந்த பூஜை பொருட்கள், பீரோவில் இருந்த சுவாமி, அம்பாளுக்கு சாத்தப்படும் 50 சேலைகள், 30 வேட்டிகள், எலக்ட்ராணிக் மங்கள வாத்தியம் உள்ளிட்ட 1 லட்சம் ரூபாய் மதிப்பிலான பொருட்கள் எரிந்து சேதமடைந்தது. மேலும் அர்த்த மண்டபத்தில் இருந்த பூஜை பொருட்களும் எரிந்தது. இதுகுறித்து தகவலறிந்ததும் அப்பகுதி பொதுமக்கள் கோவிலுக்கு வந்து தீப்பிடித்து எரிந்ததை அதிர்ச்சியுடன் பார்த்தனர். மேலும் கோவிலில் ஏற்பட்ட தீ விபத்து குறித்து கோவில் கணக்கர் மஞ்சமுனி கும்பகோணம் தாலுகா போலீசாரிடம் புகார் அளித்தார். இந்த தீ விபத்து குறித்து போலீசார் விசாரித்து வருகின்றனர்.
Shared By Giridharan (309)
News Url http://temple.dinamalar.com/news_detail.php?id=77323

23 Feb 2018 - பசுபதீஸ்வரர் கோவில் கருவறை லிங்கம் மீது சூரியஒளி

News Title பசுபதீஸ்வரர் கோவில் கருவறை லிங்கம் மீது சூரியஒளி
News Detail மேச்சேரி: மேச்சேரி பஸ் ஸ்டாண்ட் அருகே, பசுபதீஸ்வரர் கோவில் உள்ளது. இங்குள்ள கருவறை சிவலிங்கம் மீது, ஆண்டுதோறும் மாசி, 21, 22, 23ல், காலை நேரம், சூரியஒளி விழும். அதன்படி, நேற்று, லிங்கம் மீது சூரிய ஒளிபட்டது. இக்காட்சியை, ஏராளமான பக்தர்கள் பார்வையிட்டு, சிவனை வழிபட்டனர். ஏமாற்றம்: தாரமங்கலம், கைலாசநாதர் கோவிலில், சிவலிங்கம் மீது சூரிய ஒளி படும் நிகழ்வைக் காண, நேற்று ஏராளமானோர் கூடினர். ஆனால், தள்ளுமுள்ளு ஏற்பட்டதால், சூரியஒளி மறைக்கப்பட்டு, லிங்கம் மீது படுவது தெரியவில்லை. இதனால், பக்தர்கள் ஏமாற்றத்துடன் திரும்பினர்
Shared By Giridharan (309)
News Url http://temple.dinamalar.com/news_detail.php?id=77334

22 Feb 2018 - அன்னு மன்னீஸ்வரருக்கு மார்ச் 4ல் கும்பாபிேஷகம்

News Title அன்னு மன்னீஸ்வரருக்கு மார்ச் 4ல் கும்பாபிேஷகம்
News Detail அன்னுார் : அன்னுார் மன்னீஸ்வரர் கோவில் ஆயிரம் ஆண்டுகள் பழமையானது. மார்க்கண்டேய முனிவரால் வழிபடப்பட்டு, சேரமன்னனால் திருப்பணி செய்யப்பட்ட பெருமை உடையது; இறகுகளுடன் இறைவன் இருப்பது என, பல சிறப்புகளை கொண்டது, இக்கோவில். மன்னீஸ்வரருக்கு கும்பாபிேஷகம் நடந்து, 14 ஆண்டுகள் ஆகி விட்ட நிலையில், கோவிலில் வசந்த மண்டபம், சிறிய சன்னதிகளுக்கு விமானம், கோவில் பிரகாரம் முழுவதும் தளம் அமைத்தல், வடக்கு மற்றும் கிழக்கு பகுதியில் மேல்தளம் அமைத்தல் என இரண்டு கோடி ரூபாயில் திருப்பணி செய்யப்பட்டுள்ளது. திருப்பணி நிறைவடைந்ததை தொடர்ந்து, கும்பாபிேஷக விழா வரும், 27ம் தேதி வாஸ்து சாந்தியுடன் துவங்குகிறது. 28ம் தேதி கணபதி ேஹாமம், நவகிரக ேஹாமம் நடக்கிறது.மார்ச் 1ம் தேதி முதல் கால யாகசாலை பூஜையும், 2ம் தேதி இரண்டாம், மூன்றாம் கால பூஜை, முளைப்பாரி எடுத்து வருதலும் 3ம் தேதி நான்கு மற்றும் ஐந்து கால பூஜைகளும் நடக்கின்றன. 4ம் தேதி அதிகாலை 5:00 மணிக்கு, ஆறாம் கால பூஜையை தொடர்ந்து, காலை, 5:30 மணிக்கு, பரிவார மூர்த்திகளுக்கும், காலை, 8:00 மணிக்கு விமானம், ராஜகோபுரம், அருந்தவச் செல்வி, மன்னீஸ்வரருக்கும் கும்பாபிேஷகம் நடக்கிறது. மடாதிபதிகள், அமைச்சர்கள், எம்.பி., எம்.எல்.ஏ.,க்கள், அறநிலையத்துறை அதிகாரிகள் பங்கேற்கின்றனர். அன்று மாலை, சுவாமிக்கு திருக்கல்யாணம் நடக்கிறது.
Shared By giridharan (309)
News Url http://temple.dinamalar.com/news_detail.php?id=77304

22 Feb 2018 - பழமையான கோவில்களை புதுப்பிக்க மதிப்பீடு தயாரிப்பு

News Title பழமையான கோவில்களை புதுப்பிக்க மதிப்பீடு தயாரிப்பு
News Detail உத்திரமேரூர்: உத்திரமேரூர் ஒன்றிய பகுதிகளில், பிரசித்தி பெற்ற பழமையான கோவில்களை புதுப்பித்து, வழிபாட்டுக்கு கொண்டு வருவதற்கான நடவடிக்கையில், அறநிலையத் துறை ஈடுபட்டுள்ளது. உத்திரமேரூர் ஒன்றியத்தில், பழமையான கோவில்கள் ஏராளமானவை உள்ளன. இவற்றில் பல, அறநிலையத் துறையினர் கட்டுப்பாட்டில் இருப்பவை. கடந்த ஆண்டுகளில், முறையான பராமரிப்பு இல்லாமல், பிரசித்தி பெற்ற சில கோவில்கள் சீரழிவதாக, நமது நாளிதழில் அவ்வப்போது செய்திகள் வெளியாகின. இந்நிலையில், சிறப்பு வாய்ந்த கோவில்களின் தற்போதைய நிலை குறித்து, மத்திய தொல்லியல் துறை அலுவலர்கள், சில நாட்களுக்கு முன் ஆய்வு மேற்கொண்டனர். இதையடுத்து, சில கோவில்களில் புனரமைப்பு பணிகள் மேற்கொள்ள, அறநிலையத் துறையினர் தீர்மானித்து உள்ளனர். அதன்படி, சாலவாக்கத்தில் உள்ள பிரசன்ன வெங்கடேச பெருமாள் கோவில், அழிசூர் அகிலாண்டீஸ்வரர் கோவில், காட்டாங்குளம் அகத்தீஸ்வரர் கோவில், பெருங்கோழி திருக்குமாரீஸ்வரர் கோவில், கடம்பர்கோவில் கிராமத்தில் உள்ள கடம்பநாதர் கோவில்களை புதுப்பிக்க, நடவடிக்கை மேற்கொண்டுள்ளனர். இதுகுறித்து, உத்திரமேரூர் ஒன்றிய அறநிலையத் துறை அதிகாரி ஒருவர் கூறியதாவது: அறநிலையத் துறைக்கு சொந்தமான முக்கிய கோவில்கள் குறித்து, மத்திய தொல்லியல் துறை அலுவலர்கள் ஆய்வு செய்தனர். அதன் அடிப்படையில், முதற்கட்டமாக சில கோவில்களில், புனரமைப்பு பணி நடக்கவுள்ளது. திருப்பணி செய்ய மதிப்பீடு தயாரிக்கும் பணி நடந்து வருகிறது. இப்பணி முடிந்ததும், அரசு நிதிக்கு விண்ணப்பித்து, அனுமதி பெற்று பணிகள் துவங்கும். இவ்வாறு அவர் கூறினார்.
Shared By giridharan (309)
News Url http://temple.dinamalar.com/news_detail.php?id=77258

22 Feb 2018 - அனைத்துலக சைவசித்தாந்த மாநாட்டு அழைப்பிதழ் வெளியீடு

News Title அனைத்துலக சைவசித்தாந்த மாநாட்டு அழைப்பிதழ் வெளியீடு
News Detail மயிலாடுதுறை: தருமபுரம் ஆதீனத்தினம் சார்பில் சென்னையில் நடைபெற உள்ள அனைத்துலக சைவசித்தாந்த மாநாட்டின் அழைப்பிதழை தருமை ஆதீனம் குருமகா சன்னிதானம் வெளியீட்டு அருளா சி வழங்கினார். தருமை ஆதீனம் அனைத்துலக சைவசித்தாந்த ஆராய்ச்சி நிறுவனம், சென்னை பல்கலைக்கழக சைவசித்தாந்தத் துறை, சென்னை அரும்பாக்கம் டி.ஜி. வைணவக் கல்லூரி ஆகியவை இ ணைந்து வரும் மார்ச் 8ம் தேதி முதல் 11ம் தேதி வரை நான்கு நாட்கள் சென்னை அரும்பாக்கம் வைணவக்கல்லூரி வளாகத்தில் அனைத்துலக சைவ சித்தாந்த 5வது மாநாட்டை நடத்து கின்றனர். இதில் வேத, ஆகம, புராண, இதிகாச, சங்க இலக்கிய, திருமுறை, சாத்திரங்களில் சைவ சித்தாந்தச் செம்பொருள் குறித்து விவாதிக்க உள்ளனர். அனைத்துலக சைவ சித்தாந்த மாநாட்டின் அழைப்பிதழ் வெளியீட்டு விழா நாகை மாவட்டம் மயிலாடுதுறையை அடுத்த தருமபுரம் ஆதீனத்தில் நேற்று நடைபெற்றது. மாநாட்டின் புரவலர் தருமை ஆதீனம் 26 வது குருமகா சன்னிதானம் ஸ்ரீலஸ்ரீ சண்முகதேசிக ஞானசம்பந்த பரமாச்சாரிய சுவாமிகள் மாநாட்டு பத்திரிக்கையை வெளியிட்டு அருளாசி வழங்கிபேசுகையில் நமது பாரதநாடு பழம்பெரு நாடும். நமது பிள்ளைகளுக்கு சமையம், சித்தாந்தம் பற்றி கற்றுகொடுப்பதோடு, நல்ல பழக்க வழங்கங்களையும் கற்றுகொடுக்கவேண்டும். பணம் மட்டும்தான் வாழ்க்கை என்று வாழ க்கூடாது. நாட்டின் வளர்ச்சிக்கு அனைவரும் பாடுபடவேண்டும். இளைய தலைமுறையினர் சமய உணர்வோடும், தெய்வ பக்தியுடன் இருக்க வேண்டும். சென்னையில் வரும் மார்ச் 8 ம் தேதி முதல் 11ம் தேதி வரை நான்கு நாட்கள் அரும்பாக்கம் வைணவக்கல்லூரியில் ஐந்தாவது அனைத்துலக சைவசித்தாந்த மாநாடு நடைபெறுகிறது. இதில் தமிழகத்தில் உள்ள சை வ ஆதீனகர்த்தர்கள், காஞ்சி சங்கராச்சாரியாரக்ள் சுவாமிகள்,தமிழக ஆளுனர் பன்வாரிலால் புரோஹித், கேரள ஆளுனர் சதாசிவம், நீதிபதிகள், மத்திய அமைச்சர் பொன் ராதாகிருஷ்ண ன்,தமிழக முதல்வர் எடப்பாடி பழனிச்சாமி, துணை முதல்வர் பன்னீர்செல்வம் மற்றும் அமைச்சர்கள், மலேசியா, இலங்கை, கடனா, சிங்கப்பூர், ஆஸ்திரேலியா, மொரிஷீயஸ், ஐரோப் பா, போன்ற பல நாடுகளில் இருந்து சமய அமைப்பச் சார்ந்தவர்கள் கலந்து கொள்கின்றனர். மாநாட்டிற்காக குழுக்கள் அமைக்கப்பட்டு ஏற்பாடுகள் செய்யப்பட்டு வருகிறது. மாநாட்டி ன் நினைவாக சிறப்பு மலர், கருத்தரங்க கட்டுரை மலர், சிறப்பு வெளியீடாக 22 நூல்கள் வெளியிடப்பட உள்ளன. இதில் திரளானோர் கலந்துகொண்டு பயன்பெற வேண்டும் என்றார். பத்திரிக்கை வெளியிட்டு விழாவில் மாநாட்டு தலைவர் தருமை ஆதீனம் இளைய சன்னிதானம் ஸ்ரீலஸ்ரீ மாசிலாமணிதேசிக ஞானசம்பந்த சுவாமிகள், மாநாட்டு செயலாளர்கள் செல்வ நாயகம், சிவபுரம் வேதசிவாகம பாடசாலை நிறுவனர் சாமிநாத சிவாச்சாரியார், ஒருங்கிணைப்பாளர் திருநாவுக்கரசு, இணை செயலாளர் சாமிநாதன், ஆதீன கல்லூரி தமிழ்த்துறை தலை வர் சேகர் உட்பட பலர் கலந்துகொண்டனர்.
Shared By GIRIDHARAN (309)
News Url http://temple.dinamalar.com/news_detail.php?id=77286

22 Feb 2018 - அமரேஸ்வரர் கோவிலில் மாசி மகம் நடக்குமா?

News Title அமரேஸ்வரர் கோவிலில் மாசி மகம் நடக்குமா?
News Detail காஞ்சிபுரம்: ஏகாம்பரநாதர் கோவில் புதிய உற்சவர் சிலை வருவதற்கு, பகுதி மக்கள் எதிர்ப்பு தெரிவிப்பதால், இந்த ஆண்டும், அமரேஸ்வரர் கோவிலில் மாசி மகம் உற்சவம் நடைபெறாது என, உபயதாரர்கள் தெரிவித்துள்ளனர். காஞ்சிபுரம், நிமந்தகார ஒற்றைவாடைத் தெருவில், பழமையான அமரேஸ்வரர் கோவில் உள்ளது. இந்த கோவிலில், மாசி மாதந்தோறும் வரும் பவுர்ணமியன்று, மாசி மகம் உற்சவம் விமரிசையாக நடைபெறும். அப்போது, ஏகாம்பரநாதர், ஏலவார்குழலி அம்பாள், காலையில் ஊர்வலமாக சென்று, அமரேஸ்வரர் கோவிலில் எழுந்தருள்வர். அவர்களுக்கு, திருமஞ்சனம் சிறப்பு அபிஷேகம் நடைபெறும். இரவு மீண்டும் கோவிலுக்கு திரும்பி செல்வர். ஏகாம்பரநாதர் கோவில் பழைய உற்சவர் சிலை பழுது காரணமாக, புதிய சிலை செய்தனர். அதற்கு பக்தர்கள் மற்றும் ஆன்மிகவாதிகள் எதிர்ப்பு தெரிவித்தனர். இருப்பினும் புதிய சிலை செய்தனர். புதிய உற்சவர் சிலையை, அமரேஸ்வரர் கோவிலுக்கு கொண்டு வர விரும்பாத, மாசி மகம் விழா குழுவினர், கடந்த ஆண்டு விழாவை நடத்தவில்லை. நடப்பாண்டும் புதிய உற்சவர் சிலை வருவதற்கு எதிர்ப்பு தெரிவித்துள்ளனர். பழைய உற்சவர் சிலையை, ஜடிபந்தனம் செய்து, மாசி மகம் உற்சவத்திற்கு பயன்படுத்த விரும்புவதாகவும், அதற்கான செலவை உபயதாரர்கள் ஏற்றுக்கொள்வதாகவும் கடிதம் மூலம் தெரிவித்துள்ளனர். பழைய சிலையை உற்சவத்திற்கு பயன்படுத்த முடியாது என, கோவில் செயல் அலுவலர் கூறியதால், இந்த ஆண்டும் அமரேஸ்வரர் கோவிலில், மாசி மகம் உற்சவம் நடைபெறாது என, உபயதாரர்களில் ஒருவரான ரகு கூறினார்.
Shared By Giridharan (309)
News Url http://temple.dinamalar.com/news_detail.php?id=77270

21 Feb 2018 - விருத்தாசலம் விருத்தகிரீஸ்வரர் கோவில் மாசிமகப் பெருவிழா கொடியேற்றம்

News Title விருத்தாசலம் விருத்தகிரீஸ்வரர் கோவில் மாசிமகப் பெருவிழா கொடியேற்றம்
News Detail ருத்தாசலம்: விருத்தாசலம் விருத்தகிரீஸ்வரர் கோவில் மாசிமகப் பெருவிழாவை முன்னிட்டு, பஞ்சமூர்த்திகள் முன்னிலையில் ஐந்து கொடிமரங்களில் கொடியேற்றம் நடந்தது. விருத்தாசலம் விருத்தகிரீஸ்வரர் கோவில் மாசிமகப் பெருவிழாவை முன்னிட்டு விருத்தகிரீஸ்வரர், விருத்தாம்பிகை, விநாயகர், முருகர், சண்டிகேஸ்வரர் ஆகிய பஞ்சமூர்த்திகளுக்கு சிறப்பு அபிேஷகம் செய்து, மலர்களால் அலங்கரித்து, பகல் 11:45 மணியளவில் மகா தீபாராதனை நடந்தது. 12:00 மணியளவில் பஞ்சமூர்த்திகள் முன்னிலையில், வன்னியடி பிரகாரத்திலுள்ள பிரதான கொடிமரத்தில் கொடியேற்றும் நிகழ்ச்சியும், தீபாராதனையும் நடந்தது. பின்னர், பிரதோஷநந்தி அருகிலுள்ள கொடிமரம், வன்னியடி பிரகாரத்திலுள்ள மற்ற மூன்று கொடிமரங்களிலும் கொடியேற்றப்பட்டது. தொடர்ந்து தினசரி பஞ்சமூர்த்திகள் விசேஷ வாகனங்களில் வீதியுலா நடக்கிறது. ஆறாம் நாள் திருவிழாவான 25ம் தேதி விபச்சித்து முனிவருக்கு காட்சியளிக்கும் ஐ தீக திருவிழா நடக்கிறது. 28 ம் தேதி அதிகாலை 5:15 மணி முதல் பஞ்சமூர்த்திகள் தேரோட்டம் நடக்கிறது. மார்ச் 1ம் தேதி தீர்த்தவாரியும், 2ம் தேதி பகலில் பஞ்சமூர்த்திகளுக்கு சிறப்பு அபிேஷகம், இரவு புஷ்ப பல்லக்கில் தெப்ப உற்சவம், 3ம் தேதி சண்டிகேஸ்வரர் வீதியுலாவுடன் 12 நாள் பெருவிழா முடிகிறது. அதேபோல், விருத்தாசலம் அடுத்த நல்லுார் வில்வவனேஸ்வரர் கோவில் மாசிமகப் பெருவிழா நேற்று கொடியேற்றத்துடன் துவங்கியது.
Shared By GIRIDHARAN (309)
News Url http://temple.dinamalar.com/news_detail.php?id=77285

21 Feb 2018 - வடாரண்யேஸ்வரர் கோவில் குளத்தில் சிலை கண்டெடுப்பு

News Title வடாரண்யேஸ்வரர் கோவில் குளத்தில் சிலை கண்டெடுப்பு
News Detail திருவாலங்காடு: திருவாலங்காடு வடாரண்யேஸ்வரர் கோவில் குளத்தில், ஒன்றரை அடி உயரமுள்ள நடராஜர் சிலையை, வருவாய் துறையினர் மீட்டு, கருவூகலத்தில் ஒப்படைத்தனர். திருவாலங்காடு, வடாரண்யேஸ்வரர் சுவாமி கோவில், ஐந்து திருச்சபைகளில் முதற்சபையாக விளக்கும் ரத்தின சபையாகும். இக்கோவிலில், ஆருத்ரா அபிஷேகம், சிவராத்திரி மற்றும் கார்த்திகை மாத தெப்பம் போன்ற முக்கிய விழாக்களில், பல்லாயிரக்கணக்கான பக்தர்கள் தரிசனம் செய்வர். இந்நிலையில், நேற்று மாலை, 3:30 மணிக்கு, திருவாலங்காடு, பெரிய தெருவைச் சேர்ந்த சின்ன சாமி மகன் கிருஷ்டப்ப ஆச்சாரி என்ற பக்தர், கோவில் குளத்தில் குளிக்க சென்றார். அப்போது, குளத்தில் ஒரு சிலை இருந்ததை பார்த்து, வெளியே எடுத்தார். அது, ஒன்றரை அடி உயரமுள்ள நடராஜர் சிலை. தகவலறிந்து, திருத்தணி தாசில்தார், நரசிம்மன், திருவாலங்காடு இன்ஸ்பெக்டர், ருக்மாங்கதன் மற்றும் கோவில் ஊழியர்கள் சிலையை மீட்டனர். தாசில்தார், நரசிம்மன், நடராஜர் சிலையை பாதுகாப்புடன், திருத்தணி கருவூலகத்தில் ஒப்படைத்தார். நடராஜர் சிலை, ஐம்பொன் சிலையா, செம்பால் செய்யப்பட்ட சிலையா என, அதிகாரபூர்வமாக தெரியவில்லை. நடராஜர் சிலை குளத்திற்குள் எப்படி வந்தது, ஐம்பொன் சிலையா, செம்பால் செய்யப்பட்ட சிலையா என்பது குறித்து, இந்து அறநிலை துறையினர், இன்று விசாரணை நடத்துவர் என, எதிர் பார்க்கப்படுகிறது.
Shared By Giridharan (309)
News Url http://temple.dinamalar.com/news_detail.php?id=77265

16 Feb 2018 - ராமேஸ்வரம் ராமநாதசுவாமி கோவிலில் நிபுணர்கள் ஆய்வு

News Title ராமேஸ்வரம் ராமநாதசுவாமி கோவிலில் நிபுணர்கள் ஆய்வு
News Detail ராமேஸ்வரம்: ராமேஸ்வரம் ராமநாதசுவாமி கோவிலில், சேதமடைந்த இரண்டாம் பிரகார துாண்கள் திறன் குறித்து, சென்னை, ஐ.ஐ.டி., கட்டட நிபுணர்கள் ஆய்வு செய்தனர். ராமேஸ்வரம் கோவில், 11ம் நுாற்றாண்டில் உருவானது. இக்கோவிலின் இரண்டாம் பிரகாரம், 16ம் நுாற்றாண்டில் கட்டப்பட்டது. 40 ஆண்டுக்கு முன், தெற்கு பகுதி பிரகாரத்தை அகற்றி, கருங்கல்லில் புதிய பிரகாரம், துாண்கள் அமைத்தனர். வடக்கு பகுதி சேதமடைந்து இடிந்து விழும் நிலையில் உள்ளது.இதன் திறன் குறித்து ஆய்வு செய்ய, ஐ.ஐ.டி., எனப்படும் இந்திய தொழில்நுட்பக்கழகத்தின், கட்டட பிரிவு நிபுணர்கள், நேற்று ராமேஸ்வரம் கோயிலுக்கு வந்தனர்.சேதமடைந்த இரண்டாம் பிரகாரம், துாண்களை ஆய்வு செய்து, புகைப்படம் எடுத்தனர். ஐ.ஐ.டி., நிபுணர்கள் கூறியதாவது:பழமையான கோவில்களின் பிரகாரம், துாண்கள், கட்டுமானத்தின் திறன் குறித்து, ஆய்வு செய்து வருகிறோம். ராமேஸ்வரம் கோவிலில் சேதமடைந்துள்ள இரண்டாம் பிரகாரம் மற்றும் துாண்களை ஆய்வு செய்துள்ளோம். இதுகுறித்த அறிக்கையை, மத்திய, மாநில அரசுக்கு அனுப்புவோம்.இவ்வாறு அவர்கள் கூறினர்.
Shared By giridharan (309)
News Url http://temple.dinamalar.com/news_detail.php?id=77074

16 Feb 2018 - கோவில் சிலைகள் விபரம் சேகரிப்பு

News Title கோவில் சிலைகள் விபரம் சேகரிப்பு
News Detail மதுரை: மதுரை மீனாட்சியம்மன் கோவில் தீ விபத்தையடுத்து, பல்வேறு நடவடிக்கை எடுக்கப்பட்டு வருகிறது. அதன் ஒரு பகுதியாக, கோவில்களில், சிலைகளின் விபரம் சேகரிக்க அறிவுறுத்தப்பட்டுள்ளது. இப்பணியில், அறநிலைய துறை அதிகாரிகள் ஈடுபட்டுள்ளனர். இதுகுறித்து, அவர்கள் கூறியதாவது: அறநிலைய கட்டுப்பாட்டில், 38 ஆயிரத்து, 200க்கும் மேற்பட்ட கோவில்கள் உள்ளன. அவற்றில், பஞ்சலோகம், தங்கம், வெள்ளி, கற்சிலைகள் உள்ளன. ஆய்வு பணி : அச்சிலைகளின் நிலை, பாதுகாப்பு தன்மை குறித்து, விபரம் கேட்கப்பட்டுள்ளது.பஞ்சலோக சிலைகளுக்கு மட்டும், அதன் உயரம், அகலம், எந்த காலகட்டத்தில் உருவாக்கப்பட்டது, எடை உள்ளிட்ட விபரங்களை கூடுதலாக சேர்த்து அனுப்பும்படி, சென்னை, இந்து சமய அறநிலைய தலைமை அலுவலகம் உத்தரவிட்டுள்ளது.இத்தகவல்களை கம்ப்யூட்டரில் பதிவு செய்து வைக்க, செயல் அலுவலர்களுக்கு அறிவுறுத்தப்பட்டுள்ளது. ஒருவாரத்தில், பணியை முடிக்க உத்தரவிடப்பட்டுள்ளதால், ஆய்வு பணி தீவிரமாக நடக்கிறது.இவ்வாறு அவர் கூறினார்.
Shared By giridharan (309)
News Url http://temple.dinamalar.com/news_detail.php?id=77116

15 Feb 2018 - ராமேஸ்வரம் ராமநாதசுவாமி கோயிலில் மாசி தேரோட்டம்

News Title ராமேஸ்வரம் ராமநாதசுவாமி கோயிலில் மாசி தேரோட்டம்
News Detail ராமேஸ்வரம்: ராமேஸ்வரம் கோயிலில் ராமநாதசுவாமி, பர்வதவர்த்தினி அம்மன் மாசி தேரோட்டம் நடந்தது.ராமேஸ்வரம் ராமநாதசுவாமி கோயிலில் பிப்.,6ல் மாசி சிவராத்திரி விழா கொடி ஏற்றப்பட்டது. 9ம் நாள் விழாவான நேற்று தேரோட்டம் நடந்தது. தேரில் சுவாமி, பர்வதவர்த்தினி அம்மன், பிரியாவிடை அம்மன் எழுந்தருளியதும், கோயில் குருக்கள் மகா தீபாராதனை நடத்தினர்.பக்தர்கள் திருத்தேரின் வடம் இழுத்து நான்கு ரதவீதி வழியாக உலா வந்தது. கோயில் இணை ஆணையர் மங்கையர்கரசி, தக்கார் குமரன்சேதுபதி, உதவி ஆணையர் பாலகிருஷ்ணன், உதவி கோட்ட பொறியாளர் மயில்வாகனன், கண்காணிப்பாளர் ககாரின், பேஷ்கார்கள் கமலநாதன், கண்ணன், ஏராளமான பக்தர்கள் பங்கேற்றனர்.
Shared By giridharan (309)
News Url http://temple.dinamalar.com/news_detail.php?id=77018

15 Feb 2018 - பழநி கோயிலில் ஆக்கிரமிப்பு கடைகள்

News Title பழநி கோயிலில் ஆக்கிரமிப்பு கடைகள்
News Detail பழநி: பழநி திருஆவினன்குடி கோயில் ‘காம்பவுண்ட்’ சுவரை சுற்றிலும் உள்ள நுாற்றுக் கணக்கான ஆக்கிரமிப்பு கடைகளால் தினமும் நெரிசல் ஏற்படுகிறது. முருகனின் மூன்றாம்படைவீடான திருஆவினன்குடிகோயில் ‘காம்பவுண்ட்’, சரவணப்பொய்கை தீர்த்த கிணறு, மலைக்கோயிலுக்கு செல்லும் சன்னதிரோடு உள்ளிட்ட இடங்களில் ஆக்கிரமிப்பு கடைகள் ஏராளமாக உள்ளன. இதனால் நெரிசலில் சிக்கி பக்தர்கள் சிரமப்படுகின்றனர். இவ்விஷயத்தில் ‘கவனிப்பு’ காரணமாக போலீசார், அதிகாரிகள் நடவடிக்கை பெயரளவில் உள்ளதாக புகார் எழுந்துள்ளது. மதுரை மீனாட்சியம்மன் கோயில் தீ விபத்தை தொடர்ந்து கோயில் வளாக கடை, ஆக்கிரமிப்புகளை அகற்ற முதல்வர் பழனிசாமி உத்தரவிட்டுள்ளார். அதன்படி பழநி மலைக்கோயில், திருஆவினன்குடி, பெரியநாயகியம்மன், மாரியம்மன் உள்ளிட்ட கோயில் அருகே, இடையூறாக உள்ள ஆக்கிரமிப்பு கடைகளை அகற்ற வேண்டும். சிலர் தங்கும்விடுதி, மண்டபங்கள் முன்பகுதி ரோட்டில் கடை வைக்க வாடகைக்கு விடுகின்றனர். ஏற்கனவே தைப்பூசம் நாளில் திருஆவினன்குடி கோயில் அருகே காஸ் சிலிண்டர் கசிவால் தீப்பற்றி எரிந்தது. நகராட்சி, கோயில் நிர்வாகம், போலீசார் இணைந்து ஆக்ரமிப்புகளை அகற்ற நடவடிக்கை எடுக்க வேண்டும். நகராட்சி ஆணையர் ஜோதிக்குமார் கூறுகையில், ‘‘திருஆவினன்குடிகோயில், சன்னதிவீதி, சரவணப்பொய்கை பகுதிகளில் தைப்பூச நேரத்தில் ஆக்கிரமிப்புகள் அகற்றப்பட்டது. அதுபோல தற்போதுள்ள ஆக்கிரமிப்புகளையும் அகற்ற நடவடிக்கை எடுக்கப்படும்’’ என்றர்.
Shared By giridharan (309)
News Url http://temple.dinamalar.com/news_detail.php?id=77034

15 Feb 2018 - மாதேஸ்வரன் மலை கோவிலுக்கு ரூ.27 லட்சத்தில் தேர்

News Title மாதேஸ்வரன் மலை கோவிலுக்கு ரூ.27 லட்சத்தில் தேர்
News Detail சேலம்: மேட்டூர், மாதேஸ்வரன் மலை கோவிலில், சிவராத்திரி, ஆருத்ரா தரிசனம் உள்ளிட்ட நிகழ்ச்சிகளில், ஏராளமான பக்தர்கள் வழிபாடு நடத்துவர். இங்கு, 27 லட்சம் ரூபாய் மதிப்பில், மரத்தேர் வடிவமைக்கப்பட உள்ளது. பூம்புகார் விற்பனை நிலையம் மூலம், கலை நுணுக்கத்துடன், தேர் பணியை, விரைவில் துவங்க உள்ளனர்.
Shared By giridharan (309)
News Url http://temple.dinamalar.com/news_detail.php?id=77066

09 Feb 2018 - சிவன் கோவில்களில் தொடரும் தீ விபத்துகள்: வெள்ளி சபையை தொடர்ந்து ரத்தின சபையில்..

News Title சிவன் கோவில்களில் தொடரும் தீ விபத்துகள்: வெள்ளி சபையை தொடர்ந்து ரத்தின சபையில்..
News Detail சிவ பெருமான் திருநடனம் புரிந்த ஐந்து சபைகளில், அடுத்தடுத்து தீ விபத்து நடைபெற்று வருவதற்கு, ஆகம விதி மீறல் காரணம் என, சிவ பக்தர்கள் கவலை தெரிவித்து உள்ளனர். சிவ பெருமான் ஆடல் வல்லானாக, திருவாலங்காடு ரத்தின சபை, சிதம்பரம் -பொற்சபை, மதுரை- வெள்ளி சபை, திருநெல்வேலி -தாமிர சபை, திருக்குற்றாலம் -சித்திர சபையில் காட்சி தருகிறார். வெள்ளி சபையான, மதுரை மீனாட்சி அம்மன் கோவிலில் உள்ள, வீரவசந்தராயர் மண்டபத்தில், கடந்த, 2ம் தேதி, தீ விபத்து ஏற்பட்டது. இதில், வரலாற்று சிறப்பு மிக்க சிலைகள், மண்டப சுவர்கள் சேதம் அடைந்தன. காரணம்: அந்த பாதிப்பின் சோகம் மறைவதற்குள், சிவபெருமான் முதல் திருநடனம் புரிந்த இடமாக கருதப்படும், திருவள்ளூர் மாவட்டம், திருவாலங்காடு, வடாரண்யேஸ்வரர் கோவிலில், நேற்று முன்தினம் இரவு தீ விபத்து ஏற்பட்டது. கோவில் வளாகத்தில் உள்ள, 500 ஆண்டுகளுக்கு மேலான, ஸ்தல விருட்சமான ஆலமரம் எரிந்தது. மரத்தின் கீழ் பகுதியில் இருந்து தீப்பிடித்ததால், மரம் பாதிஅளவு நாசமானது. எனினும், மரத்தின் மேல் பகுதியில் இன்னமும் பச்சை உள்ளது. இந்த விபத்திற்கு, கோவில் நிர்வாகத்தினர் ஆகம விதிகளை மீறியதே காரணம் என, பக்தர்கள் கூறுகின்றனர். ஆய்வு செய்தனர்: இந்த கோவிலில், கடந்த மாதம் நடந்த ஆருத்ரா அபிஷேகத்திற்காக, கோவில் வெளிப்பிரகாரத்தில் இருந்து, ஆருத்ரா அபிஷேகம் நடைபெறும் இடத்திற்கு, பக்தர்கள் எளிதாக வரும் வகையில், கோவில் சுற்றுச்சுவர் இடிக்கப்பட்டு, வழி ஏற்படுத்தப்பட்டது. இது, ஆகம விதிகளுக்கு முரணானது என, பக்தர்கள் அப்போது எதிர்ப்பு தெரிவித்தனர். எதிர்ப்பையும் மீறி, திருத்தணி முருகன் கோவில் நிர்வாகம் உத்தரவின் படி, பாதை அமைக்கப்பட்டது. சுற்றுச்சுவர் இடிக்கப்பட்டதற்கு பரிகாரமாக, பூஜை எதுவும் நடத்தப்படவில்லை. அதனால் தான், விருட்சம் எரிந்துள்ளது என, சிவ பக்தர்கள் கருதுகின்றனர். இந்நிலையில், திருத்தணி கோவில் தக்கார் ஜெய்சங்கர், இணை ஆணையர் சிவாஜி, திருவள்ளூர் தி.மு.க., - எம்.எல்.ஏ., ராஜேந்திரன், கோவிலுக்கு நேற்று சென்று, எரிந்த ஆலமரத்தை பார்வையிட்டு, ஆய்வு செய்தனர். பரிகார பூஜை: கோவில் ஆலமரம் எரிந்ததை அடுத்து, நேற்று, அதிகாலை, 4:30 மணிக்கு கோவில் குருக்கள் சபாரத்தினம் தலைமையில் அர்ச்சகர்கள், பரிகார பூஜைகள் நடத்தினர். பின், காலை, 6:00 மணிக்கு, வழக்கம் போல் கோவில் நடை திறந்து, பக்தர்கள் தரிசனத்திற்கு அனுமதிக்கப்பட்டனர்.
Shared By giridharan (309)
News Url http://temple.dinamalar.com/news_detail.php?id=76737

09 Feb 2018 - மீனாட்சி அம்மன் கோவில் கடைகள் இன்று காலியாகும்

News Title மீனாட்சி அம்மன் கோவில் கடைகள் இன்று காலியாகும்
News Detail மதுரை: மதுரை மீனாட்சி அம்மன் கோவிலில், தீ விபத்துக்கு காரணமான கடைகள், உயர் நீதிமன்ற உத்தரவுப்படி, இன்று காலி செய்யப்படுகின்றன. இதற்கான ஏற்பாடுகளை, கோவில் நிர்வாகம் முடுக்கிவிட்டு உள்ளது. கோவிலின் நான்கு கோபுரங்களின் கீழ் பகுதிகள், அம்மன் சன்னதி, சுவாமி சன்னதி, வீர வசந்தராய மண்டபம் உள்ளிட்ட பகுதிகளில், 115 கடைகள் நடத்தப்படுகின்றன. வீர வசந்தராய மண்டபம் பகுதியில் மட்டும், 86 கடைகள் இயங்கின. பிப்., 2 இரவு, 10:15 மணிக்கு, கடை எண்: 75, 76ல் இருந்து கரும்புகை வெளியேறியது. தீ, அருகில் உள்ள மற்ற கடைகளில் வேகமாக பரவியது. பல மணி நேர போராட்டத்திற்கு பின், தீயணைப்பு துறையினர் தீயை கட்டுப்படுத்தினர். தீ விபத்துக்கு காரணமான கடைகளை, நேற்று முன்தினம் மாலை, 6:00 மணிக்குள் காலி செய்யும்படி, கோவில் இணை கமிஷனர், நடராஜன் உத்தரவிட்டார்.கடைகளை காலி செய்ய அவகாசம், மாற்று இடம் ஒதுக்கும்படி, கடை உரிமையாளர்கள் கோரினர். இதை, இணை கமிஷனர் ஏற்கவில்லை. இதையடுத்து, கடை உரிமையாளர்கள், உயர் நீதிமன்ற மதுரை கிளையில் வழக்கு தொடர்ந்தனர். இதில் கடைகளை, இன்று மதியம், 12:00 மணிக்குள் காலி செய்ய உத்தரவிட்டது. அதன்படி, கடைகள் இன்று காலி செய்யப்படுகின்றன.
Shared By giridharan (309)
News Url http://temple.dinamalar.com/news_detail.php?id=76739

09 Feb 2018 - மானசரோவர் யாத்ரீகர்களுக்கு சீன அரசு அனுமதி

News Title மானசரோவர் யாத்ரீகர்களுக்கு சீன அரசு அனுமதி
News Detail புதுடில்லி: நாது லா வழியாக கைலாஷ் மானசரோவர் செல்ல இந்திய யாத்ரீகர்களுக்கு சீனா அனுமதி அளித்துள்ளதாக பார்லி. லோக்சபாவில் மத்திய இணை அமைச்சர் தெரிவித்தார். இமயமலைத் தொடரில் உள்ள கைலாய மலையையும், அதன் வழியில் அமைந்துள்ள மானசரோவர் ஏரியையும் தரிசிப்பதற்காக இந்துக்கள் ஆண்டுதோறும் கைலாஷ் மானசரோவர் புனித யாத்திரை மேற்கொள்கிறார்கள். இந்நிலையில் மத்திய வெளியுறவு இணைய அமைச்சர் வி.கே.சிங், பார்லி. லோக்சபாவில் கேள்வி ஒன்றிற்கு எழுத்துபூர்வமாக அளித்த பதில், டோக்லாம் விவகாரம் காரணமாக சீனாவின் நாது லா வழியாக செல்வதற்கான பாதையை சீனா கடந்த ஆண்டு மூடியது. இது தொடர்பாக கடந்த ஆண்டு டிசம்பரில் இரு தரப்பு வெளியுறவு அமைச்சர்கள் இடையே ஏற்பட்ட பேச்சுவார்த்தை நடத்தியதையடுத்து பிரச்னை முடிக்கு வந்தது. இதையடுத்து நாது லா பாதை வழியாக செல்ல இந்திய யாத்ரீகர்களுக்கு சீன அனுமதித்தது என்றார்.
Shared By giridharan (309)
News Url http://temple.dinamalar.com/news_detail.php?id=76740

09 Feb 2018 - ராமநாதபுரத்தில் தாயுமான சுவாமி குரு பூஜை

News Title ராமநாதபுரத்தில் தாயுமான சுவாமி குரு பூஜை
News Detail ராமநாதபுரம்: ராமநாதபுரம் தாயுமான சுவாமி தபோவனத்தில், தாயுமான சுவாமிகளின் குரு பூஜை, முற்றோதல் நிகழ்ச்சி நடந்தது.ராமநாதபுரம் வெளிப்பட்டினம், லட்சுமிபுரத்தில் தாயுமான சுவாமி தபோவனம் உள்ளது. தை மாதம் விசாக நட்சத்திரத்தில் தாயுமான சுவாமி மஹா சமாதி நிகழ்ந்தது.ஆண்டு தோறும் தை மாதம் விசாக நட்சத்திரத்தில் தாயுமான சுவாமி குரு பூஜை நிகழ்ச்சி நடத்தப்பட்டு வருகிறது. காலை 4:30 முதல் 5:15 வரை திருப்பள்ளி எழுச்சி, தியானம், நாமாவளியும் நடந்தது.காலை 5:45 முதல் 11:45 மணி வரை தாயுமானவர் பாடல் முற்றோதல் நடந்தது. பகல் 12:00 மணிக்கு அர்ச்சனை, தீபாராதனை நடந்தது. பின் மதியம் 3:00 முதல் 5:45 வரை முற்றோதல், பின் தீபாராதனை, ஸ்ரீராமகிருஷ்ண ஸ்தோத்ரம், தொடர்ந்து தியானம்,நடந்தது.குருபூஜை தினமான நேற்று காலை 8:00 மணிக்கு ஸ்படிக லிங்கத்தின் வாயிலாக தாயுமான சுவாமிக்கு அபிேஷகம், மற்றும் பஜனை, தாயுமானவர் பாடல் சமர்ப்பணம், மகேஸ்வர பூஜை, நடந்தது. மாலை சுவாமி சாதானந்தர் தலைமையில் அருளுரை நடந்தது. பின் மாணவர்களின் கலை நிகழ்ச்சிகள் நடந்தது. இதற்கான ஏற்பாடுகளைதபோவன நிர்வாகி பரானந்தர் செய்திருந்தார்.
Shared By giridharan (309)
News Url http://temple.dinamalar.com/news_detail.php?id=76742

09 Feb 2018 - உருக்குலைந்த வீர வசந்தராய மண்டபம்: ஆய்வுக்குழு அதிர்ச்சி

News Title உருக்குலைந்த வீர வசந்தராய மண்டபம்: ஆய்வுக்குழு அதிர்ச்சி
News Detail மீனாட்சி அம்மன் கோவிலில், ஏற்பட்ட தீ விபத்தில், பழமையும், புராதன சிறப்பும் மிக்க வீர வசந்தராய மண்டபத்தின் பெரும்பகுதி இடிந்தது. அங்கிருந்த,30க்கும் மேற்பட்ட கடைகள் தீயில் எரிந்து சாம்பலாகின. தீ விபத்து குறித்து ஆய்வு செய்ய, 12 பேர் அடங்கிய உயர் மட்ட ஆய்வுக்குழுவை அரசு நியமித்தது.நேற்று முன்தினம், பாலசுப்பிரமணியன் உட்பட சிலர், முதற்கட்ட ஆய்வு நடத்தினர். கோவிலுக்குள் உயர் மட்டக்குழுவினரின் ஆலோசனை கூட்டம் நேற்று நடந்தது. பின் தீ விபத்து நடந்த வீர வசந்தராய மண்டபம், தீயில் கருகிய கடைகள், தீ விபத்தில் தப்பிய ஆயிரங்கால் மண்டபம், பழைய திருக்கல்யாண மண்டபம், சுவாமி சன்னதி - பழைய திருக்கல்யாண மண்டபம் இடைப்பட்ட பகுதிகளை ஆய்வு செய்தனர். தலைக்கவசம்: தீ விபத்தால் சேதமடைந்த பகுதிகள் அடுத்தடுத்து இடிந்து விழுந்து வருவதால் பாதுகாப்பு கருதி, மேற்கூரைகள், துாண்கள் இரும்பு கர்டர்களால் முட்டுக் கொடுக்கப்பட்டுள்ளன. தீயணைப்புக்குழுவினர் அறிவுரைப்படி குழுவினர் தலைக்கவசம் அணிந்து ஆய்வில் ஈடுபட்டனர். புதுப்பொலிவு பெறுமா?: கலையம்சம் மிக்க பழமையான மண்டபம் இடிந்து விழுந்த பகுதியை பார்த்து ஆய்வுக்குழு அதிர்ச்சியடைந்தது. புனரமைப்பு பணியை துவக்குவது குறித்து, மதியம், 1:00 முதல் மாலை, 3:30 மணி வரை ஆலோசனை கூட்டம் நடந்தது.மன்னர் காலத்தில் கட்டப்பட்ட கலைநயமிக்க வீர வசந்தராய மண்டபம் இடிந்து விட்டது. பல கோடி ரூபாயை கொட்டினாலும், மீண்டும் அதே கலைநயத்துடன் வீர வசந்தராய மண்டபத்தை புனரமைப்பது சந்தேகம் தான்.வீர வசந்தராயர் மண்டபம் கருங்கற்கள், சுண்ணாம்பு கலவையில் கட்டப்பட்டது. கட்டுமானத்தின் போது துருப்பிடிக்கும் இரும்புகள், மரக்கட்டைகள் முற்றிலும் தவிர்க்கப்பட்டுள்ளது. எனவே தான், பல நுாற்றாண்டுகளை கடந்தும் வீர வசந்தராய மண்டபம், அதே கலைநயத்துடன் கம்பீரமாக காட்சியளித்தது. வருமானத்திற்காக கடைகளை நடத்த அனுமதித்ததால் தான் தீப்பிடித்து, வீர வசந்தராய மண்டபம் நொறுங்கி கீழே விழுந்துள்ளது. புனரமைப்பு பணியில் சுண்ணாம்பிற்கு பதில் சிமென்ட் பயன்படுத்தப்படவுள்ளது. சிமென்ட் பூச்சு கட்டடங்களின் ஆயுள் காலம் அதிகபட்சம், 50 ஆண்டுகள் தான். பாதுகாப்பில் கோட்டை விட்டதால் வீர வசந்தராய மண்டபம் அழிந்தது பெரும் இழப்பாகவே பக்தர்கள் கருதுகின்றனர். உயிரிழந்த கற்துாண்கள் : வீர வசந்தராய மண்டபத்தின் கற்துாண்கள், மேற்கூரையில் வேயப்பட்ட கற்பலகைகள் உயிரோட்டம் கொண்டிருந்தன. வெப்பத்தை தாங்கி மண்டபத்தை குளுமையாக வைத்திருந்தது. தீ விபத்தால் கற்துாண்கள், கற்பலகைகள் உடைந்து விழுந்தன. இவற்றில் அதிகளவு வெப்பம் பாய்ந்ததால், உயிரோட்டத்தை இழந்து விட்டது. எனவே, அவற்றை மீண்டும் கட்டுமானத்தில் பயன்படுத்த இயலாது. புதிய கற்துாண்களை பயன்படுத்தியே புனரமைப்பு பணி நடக்கவுள்ளது. இப்பணியை பழைய கட்டுமானத்துடன் ஒப்பிட இயலாது. எனினும் பழமை மாறாமல் கட்டுமானப்பணியை நிர்மாணிக்க தேவையான கற்துாண்கள், கற்பலகைகளை தரமானதாக கொள்முதல் செய்ய ஆலோசிக்கப்பட்டு வருவதாக தொல்லியல் ஆய்வாளர்கள் தெரிவிக்கின்றனர்.
Shared By giridharan (309)
News Url http://temple.dinamalar.com/news_detail.php?id=76745

09 Feb 2018 - மீனாட்சி அம்மன் கோயிலில் குவிக்கப்பட்டுள்ள விறகுகள்

News Title மீனாட்சி அம்மன் கோயிலில் குவிக்கப்பட்டுள்ள விறகுகள்
News Detail மதுரை: மதுரை மீனாட்சி அம்மன் கோயிலுக்குள் வன்னி மரத்தடி விநாயகர் வளாகத்தில் பல டன் விறகுகள் குவிக்கப்பட்டுள்ளன. விநாயகர் கோயில் பின்புறம் பிரசாத சமையல் கூடம் உள்ளது. அப்பம், லட்டு போன்றவை காஸ் சிலிண்டர் அடுப்பில் தயாரிக்கின்றனர். புளியோரை, பொங்கல் விறகு அடுப்பில் தயாரிக்கப்படுகிறது. இதற்காக வன்னி மரத்தடி விநாயகர் முன், பல டன் விறகுகள் குவிக்கப்பட்டுள்ளன. சமையல் அறையில் இருந்து பகல் முழுவதும் கரும்புகை வெளியேறி அருகில் உள்ள கலைநயமிக்க கோபுரங்கள், கோயில் உட் பிரகாரங்களில் பரவி மாசடைய செய்கிறது. தீ விபத்து ஏற்படும் பட்சத்தில் விறகால் பயங்கர சேதம் ஏற்பட வாய்ப்புள்ளது. சமையல் கூடத்தில் விறகு அடுப்புகள் பயன்படுத்த தடை விதிக்க வேண்டும் என பக்தர்கள் கோரிக்கை விடுத்துள்ளனர். கோயில் வளாகத்தில் இருந்த மரப்பலகைகளும் அகற்றப்பட்டு குவிக்கப்பட்டுள்ளன.
Shared By giridharan (309)
News Url http://temple.dinamalar.com/news_detail.php?id=76750

05 Feb 2018 - ராமேஸ்வரம் கோயிலுக்குள் கடைகள் அகற்றப்படுமா?

News Title ராமேஸ்வரம் கோயிலுக்குள் கடைகள் அகற்றப்படுமா?
News Detail ராமேஸ்வரம் : ராமேஸ்வரம் ராமநாதசுவாமி கோயிலில் விபரீதம் ஏற்படுவதை தடுக்க, கோயிலுக்குள் செயல்படும் கடைகளை அகற்ற இந்து அறநிலையத்துறை முன்வர வேண்டும்.ராமேஸ்வரம் கோயிலுக்கு தினமும் 50 ஆயிரம் பக்தர் வந்து செல்கின்றனர். 2013ல் பாதுகாப்பு கருதி கோயில் ரதவீதியில் வாகனங்கள் செல்ல போலீசார் தடை விதித்து கோயில் கிழக்கு, மேற்கு வாசல் வழியாக செல்லும் பக்தர்களை சோதனைக்கு பிறகு கோயிலுக்குள் செல்ல அனுமதித்தனர்.பிரசித்தி பெற்ற இக்கோயில் மேற்கு கோபுர வாசல் இருபுறமும் 44 கடைகள் பல ஆண்டுகளாக உள்ளது. கோயிலை உருவாக்கிய முத்துராமலிங்க சேதுபதி மன்னர் சிலையும் வணிக கடைக்குள் புதைந்து கிடப்பதால்,வசந்த உற்சவத்தன்று மன்னர் சிலைக்கு பரிவட்டம், பூஜை செய்ய முடியாத அவலம் உள்ளது.இக்கடைக்கு வாடகை வசூலித்த கோயில் நிர்வாகம், பக்தர்கள் சிரமமத்தால் சில ஆண்டுக்கு முன்பு கடைகளை அகற்றி கொள்ள நோட்டீஸ் அனுப்பியும், பலனில்லை.இக்கடையில் பிளாஸ்டிக், மர பொம்மைகள் விற்பதால், பிப்.,3ல் மதுரை மீனாட்சி அம்மன் கோயிலுக்குள் ஏற்பட்ட தீ விபத்து போல், ராமேஸ்வரம் கோயிலில் ஏற்பட வாய்ப்பு உள்ளது. எனவே கோயிலுக்குள் அசம்பாவிதம் ஏற்படும் முன் கடைகளை அகற்ற, இந்து அறநிலையதுறை ஆணையர் உத்தரவிட வேண்டும் என பக்தர்கள் தெரிவித்தனர்.இந்து முன்னணி மாவட்ட செயலாளர் ராமமூர்த்தி கூறுகையில்:ராமேஸ்வரம் கோயில் மேற்கு நுழைவு வாசல் இருபுறமுள்ள வணிக கடைகள் பிரகார நடைபாதையை ஆக்கிரமித்து உள்ளதால், பக்தர்கள் சிரமபடுகின்றனர். இக்கடையில் எளிதில் தீ பிடிக்க கூடிய பொம்மைகள் விற்பதால், மீனாட்சி அம்மன் கோயிலில் ஏற்பட்ட விபரீதம் போல், இங்கும் ஏற்பட்ட வாய்ப்பு உள்ளது. எனவே கோயிலுக்குள் உள்ள கடைகளை அகற்ற இந்து அறநிலையதுறை ஆணையர் நடவடிக்கை எடுக்க வேண்டும், என்றார்.
Shared By giridharan (309)
News Url http://temple.dinamalar.com/news_detail.php?id=76583

05 Feb 2018 - மீனாட்சி அம்மன் கோயில் கடைகளை அகற்றுவது எப்போது?

News Title மீனாட்சி அம்மன் கோயில் கடைகளை அகற்றுவது எப்போது?
News Detail மதுரை: மதுரை மீனாட்சி அம்மன் கோயிலில் ஏற்பட்ட தீ விபத்தையடுத்து கடைகளை அகற்றுவது குறித்து உயர்மட்ட நிபுணர் குழு அளிக்கும் அறிக்கையின்படி நடவடிக்கை எடுக்க நிர்வாகம் முடிவு செய்துள்ளது. தொன்மையான, புராதன சிறப்பு மிக்க மீனாட்சி அம்மன் கோயிலை பார்க்க தினமும் ஆயிரக்கணக்கான சுற்றுலா பயணிகள் வந்து செல்கின்றனர். வழிபாட்டு தலமான இக்கோயிலில் விதிகளை மீறி அதிகளவில் கடைகள் நடத்த அனுமதித்தால் வர்த்தக கேந்திரமாக மாறியது. எளிதில் தீப்பற்றக்கூடிய பொருட்களை கடைகளில் அதிகளவில் குவித்து வைத்திருந்ததால் தீ விபத்து நிகழ காரணமானது. குறுகிய இடத்தில் அதிக கடைகள் இருந்தது தீயின் கொடூரத்தை அதிகரித்தது. இதனால் கடைகளை அனுமதிக்க கூடாது என வலியுறுத்தி இந்து அமைப்பினர் தொடர்ந்து போராட்டங்களில் ஈடுபட்டு வருகின்றனர். பக்தர்களும் கடைகளை கோயிலுக்கு வெளிப்புறம் நடத்த வேண்டும் என விரும்புகின்றனர். தீ விபத்தில் சேதமுற்ற கட்டடங்களை ஆய்வு செய்ய வரும் உயர்மட்ட நிபுணர் குழு அளிக்கும் அறிக்கையின்படி கடைகளை அகற்ற நிர்வாகம் முடிவு செய்துள்ளது. உயர்மட்ட குழு இன்று வருகை : கோயில் இணை கமிஷனர் நடராஜன் கூறியதாவது: தொல்லியல், பொதுப்பணித்துறை பொறியாளர்கள், ஸ்தபதிகள், சென்னை ஐ.ஐ.டி., பொறியாளர்களை கொண்ட உயர்மட்ட நிபுணர் குழு கோயிலில் தீ விபத்தில் சேதமடைந்த பகுதிகளை ஆய்வு செய்ய இன்று(பிப்., 5) வருகிறது. கட்டடங்களின் ஸ்திரத்தன்மை, தீ விபத்துக்கான காரணம் உட்பட அனைத்து அம்சங்கள் குறித்து குழு ஆய்வு செய்யவுள்ளது. மறுபுனரமைப்பு பணிகள் குறித்தும் ஆலோசிக்கவுள்ளது. கடைகள் தேவையா என இக்குழு ஆராய்ந்து முடிவு செய்யும். இதுகுறித்து அரசுக்கு அறிக்கையும் அளிக்கும். அதன்படி நடவடிக்கை எடுக்கப்படும்.ஏற்கனவே கடைகளை மூடக்கோரி நிர்வாகம் சார்பில் நோட்டீஸ் அனுப்பப்பட்டது. இதில் 9 கடைகளுக்கு எதிரான நோட்டீஸ், இணை கமிஷனர் தலைமையிலான தீர்ப்பாயத்தில் பிப்., 14 தேதி விசாரணைக்கு வருகிறது. உயர்மட்ட குழு ஆய்வுக்காக கட்டட இடிபாடுகள் அகற்றப்படவில்லை. நேற்றும் வழக்கம் போல் கோயில் நடை திறக்கப்பட்டு பக்தர்கள் தரிசனத்திற்கு அனுமதிக்கப்பட்டனர், என்றார். கோயில் நிர்வாகத்துடன்பேசி நடவடிக்கை : கலெக்டர் வீரராகவ ராவ் கூறியதாவது: கோயிலில் தீ முற்றிலும் அணைக்கப்பட்டு விட்டது. இருப்பினும் கூட பாதுகாப்பு கருதி தீயணைப்பு படையினர் அங்கு கண்காணிப்பில் ஈடுபட்டுள்ளனர். எதிர்காலத்தில் கோயிலில் தீ விபத்து ஏற்படாதவாறு தீ தடுப்பு முறைகள் மேற்கொள்வது குறித்து தனி குழு ஏற்படுத்தப்படும். அக்குழு கோயிலை முழுமையாக ஆய்வு செய்து அளிக்கும் அறிக்கையின்படி கோயில் நிர்வாகத்துடன் ஆலோசித்து நடவடிக்கைகள் எடுக்கப்படும். தற்போது தீ விபத்தில் சேதமடைந்த கட்டடங்கள், துாண்களின் ஸ்திரத்தன்மையை கண்காணித்து வருகிறோம். உயர்மட்ட குழுவும் ஆய்வு செய்யவுள்ளது. கடைகளை அகற்றுவது குறித்து கோயில் நிர்வாகத்துடன் ஆலோசித்து ஓரிரு நாட்களில் நடவடிக்கை எடுக்கப்படும், என்றார். பக்தர்கள் கருத்து: தீயணைப்பு கருவிகள் இல்லை : தனியார் தொழிற்சாலைகளில் தீயணைப்பு கருவிகள் உள்ளதா என அடிக்கடி அதிகாரிகள் ஆய்வு செய்கின்றனர். ஆனால், உலக புகழ்பெற்ற இக்கோயிலில் மூலஸ்தானம் தவிர்த்து வேறு எங்கும் தீயணைப்பு கருவிகள் இல்லை. நிர்வாகமும், உயர்மட்ட மேல்நிலை தொட்டி கட்டி அதில் இருந்து ஒவ்வொரு கட்டடத்திற்கும் தீயை அணைக்க குழாய்களை அமைக்க வேண்டும். கோயில் பாதுகாப்பிற்கு எந்த நடவடிக்கையும் எடுக்காதது வருத்தம் தருகிறது. பி.சங்கர், மதுரை பக்தர்கள் மீது அக்கறையில்லை: நாட்டில் அம்மனுக்கென்று பிரசித்தி பெற்ற ஒரே கோயில் மீனாட்சி அம்மன் கோயில் தான். இங்கு தீயணைப்பு, மீட்பு நிலையத்தை கூட அரசு அமைக்காதது வருத்தமளிக்கிறது. பக்தர்கள் பாதுகாப்பில் அக்கறை இல்லை. வணிக நோக்கில் விதிகளைமீறி கடைகளை அனுமதித்துள்ளனர். கடைகளை அகற்றி கோயிலின் புனிதத்தை காக்க அதிகாரிகள் இனியாவது முன்வர வேண்டும். எம்.ஜெயஸ்ரீ, மதுரை கடைகளால் சிலைகள் சேதம்: கோயிலில் துாண்களிலுள்ள பழமையான சிலைகளை பாதுகாக்க, அறநிலையத்துறை நடவடிக்கை எடுக்க வேண்டும். கோயிலின் பழமை மாறாமல் பராமரிக்க வேண்டும். அழகான சிலைகள் உள்ள மண்டபத்திற்குள் கடைகளை அனுமதித்ததால், பல சிலைகள் சேதமடைந்துள்ளன. கோயில் நிர்வாகம் வருமானத்தை குறிக்கோளாக கொண்டு செயல்படுவதை தவிர்க்க வேண்டும். சிலைகளை காப்பாற்ற கடைகளை அப்புறப்படுத்த வேண்டும். ஆர்.வனிதா, மதுரை கண்காணிப்பு கேமரா அவசியம்: மீனாட்சி கோயில் கிழக்கு கோபுரம் மின்னல் தாக்கியும், சுவாமி சன்னதியில் மழைவெள்ளம் புகுந்தும் பாதிப்பு ஏற்பட்டது. அதன் பிறகாவது நிர்வாகம் சுதாரித்து இருக்க வேண்டும். தற்போது, தீ பிடித்த சம்பவம் அதிர்ச்சி அளிக்கிறது. அனைத்து இடங்களிலும் கண்காணிப்பு கேமரா பொருத்த வேண்டும். தொல்பொருள் ஆராய்ச்சி துறையினர் உதவியுடன் புராதன சிலைகளை காக்க வேண்டும். எஸ்.மோகன், திருச்சி
Shared By giridharan (309)
News Url http://temple.dinamalar.com/news_detail.php?id=76586

05 Feb 2018 - 350 ஆண்டு கால ஓலைச்சுவடிகள் : பழநி அருகே கண்டுபிடிப்பு

News Title 350 ஆண்டு கால ஓலைச்சுவடிகள் : பழநி அருகே கண்டுபிடிப்பு
News Detail பழநி: பழநி அருகே கோதைமங்கலம் கிராமத்தில், 300 ஆண்டுகள் பழமையான, முருகக் கடவுளை வாழ்த்தும் காவடிப்பாட்டுகள் அடங்கிய ஓலைச்சுவடிகள் கண்டுபிடிக்கப்பட்டன.பழநி அரசு மகளிர் மேல்நிலைப்பள்ளி பத்தாம் வகுப்பு மாணவி யுவராணி, தனதுவீட்டில் பழமையான ஓலைச்சுவடிகள் உள்ளதாக, வரலாற்று ஆசிரியர், ராஜேஸ்வரி, வரலாற்று ஆய்வாளர் தமிழாசிரியர் நந்திவர்மன் ஆகியோரிடம் தெரிவித்தார். அவர்கள் ஓலைச்சுவடியை ஆய்வு செய்தபோது 350 ஆண்டுகளுக்கு முந்தையது எனத்தெரியவந்துள்ளது. அதில் இரண்டு பக்கங்களிலும் பழநிமலை முருகனை பற்றி காவடிசிந்தாக 100 பாடல்கள் எழுதப்பட்டுள்ளன. இதுகுறித்து ஆய்வாளர் நந்திவர்மன் கூறியதாவது:தங்களது தாத்தா காலத்தில் இருந்து வீட்டில் ஓலைச்சுவடிகள் உள்ளதாக மாணவி தெரிவித்தார். அதனை ஆராய்ந்தபோது, ஒரு அடிநீளமும், 4 செ.மீ., அகமும் கொண்டதாக உள்ளது. 50 சுவடிகளில் பழநி மலை முருகன்மேல் காவடிச்சிந்தாக பாடல் எழுதப்பட்டுள்ளது.பாடல்கள் எளிய நடையில், முருகனின் வாழ்க்கை வரலாறு, காவடி எடுப்பதால் ஏற்படும் நன்மைகள், மனிதனுக்கு உண்டாகும் நோய்கள் பற்றியும் அந்த நோய்கள் காவடி எடுப்பதால் தீரும் என்றும் குறிப்பிடப்பட்டுள்ளது.பழநி மட்டுமின்றி திருச்செந்துார் முருகன் குறித்தும் பற்றி 10 பாடல்கள் உள்ளன. ஓலைச்சுவடி இணைப்பிற்காக பயன்படுத்தப்பட்டுள்ள பட்டன், ஆங்கிலேயர் காலத்து மன்னரின் புகைப்படம் அழிந்தநிலையில் உள்ள நாணயம் போல உள்ளது. சந்தம், எழுத்து அமைப்பு, ஓலைச்சுவடியின் பழமை கொண்டு ஆராய்ந்ததில் 350 ஆண்டுகள் பழமையானதாக இருக்க வாய்ப்புள்ளது. ஓலைச்சுவடி பாடல்களை நுாலாக வெளியிட்டபின், பழநி அரசு அருங்காட்சியகத்தில் ஒப்படைக்கப்படும், என்றார்.
Shared By giridharan (309)
News Url http://temple.dinamalar.com/news_detail.php?id=76550

Jan 2018

29 Jan 2018 - கோவில்களில் உழவாரப்பணியை வலியுறுத்தி சிவனடியார்கள் விழிப்புணர்வு பேரணி

News Title கோவில்களில் உழவாரப்பணியை வலியுறுத்தி சிவனடியார்கள் விழிப்புணர்வு பேரணி
News Detail திருவண்ணாமலை: இந்து கோவில்களில் உழவாரப்பணியை வலியுறுத்தி, திருவண்ணாமலையில், சிவனடியார்கள் நடத்திய விழிப்புணர்வு பேரணியில், 400க்கும் மேற்பட்டோர் பங்கேற்றனர்.திருவண்ணாமலையில், சென்னை அம்பத்தூரை சேர்ந்த இந்து ஆலயங்கள் சுத்தம் செய்யும் இறைபணி மன்றம் சார்பில், சிவனடியார்கள், இந்து கோவில்களில் உழவாரப்பணி செய்வது குறித்த விழிப்புணர்வு பேரணி நடத்தினர். அருணாசலேஸ்வரர் கோவில் முன் இணை ஆணையர் ஜெகன்நாதன் பேரணியை துவக்கி வைத்தார். ராஜகோபுரம் முன் துவங்கிய பேரணி, மாட வீதியை சுற்றி வந்தது. பேரணியின்போது, உழவாரப்பணி செய்வதன் மூலம், கோவில்களை தூய்மையாக வைத்திருந்தல், கோவில் சொத்துக்களை பொதுமக்களே மீட்டு, கோவில் வளர்ச்சிக்கு உதவுவது, நீர் ஆதாரத்தை பெருக்கிடும் வகையில் கோவில் குளம் சீரமைத்தல், கோவில் சிலை திருட்டை தடுத்தல்; கோவில் கோசாலையை பாதுகாத்தல், கோவிலிற்கு வரும் பக்தர்களுக்கு அன்னதானம், குடிநீர், கழிப்பிட வசதி, தங்குமிடம் செய்து தருதல், அறநிலையத்துறை சார்பில் தேவார திருமுறை வகுப்புகள் ஏற்பாடு செய்து தருதல், கோவில் ஆகம விதி பின்பற்றுதல் உட்பட பல்வேறு கருத்துக்களை வலியுறுத்தி, பதாகைகளை கையில் ஏந்தியாவறு எடுத்து சென்று மாட வீதி வலம் வந்தனர். இதில், 400க்கும் மேற்பட்டோர் பங்கேற்றனர்.
Shared By giridharan (309)
News Url http://temple.dinamalar.com/news_detail.php?id=76302

29 Jan 2018 - சந்திர கிரஹணம் 31ல் ராமேஸ்வரம் கோவில் நடை அடைப்பு

News Title சந்திர கிரஹணம் 31ல் ராமேஸ்வரம் கோவில் நடை அடைப்பு
News Detail ராமேஸ்வரம்: வரும், 31ல், தைப்பூசத்தன்று சந்திர கிரஹணம் வருவதை ஒட்டி, ராமேஸ்வரம் ராமநாத சுவாமி கோவில் நடை சாத்தப்படுகிறது.வரும், 31ல், மாலை, 5:16 முதல் இரவு, 8:42 மணி வரை சந்திரகிரஹணம் ஏற்படுவதால், அன்று தைப்பூசத்தை ஒட்டி, ராமேஸ்வரம் கோவிலில் அதிகாலை, 2:30 மணிக்கு நடை திறந்து ஸ்படிகலிங்கம், கால பூஜைகள் நடக்கும்.பின், காலை, 7:00 மணிக்கு சுவாமி, பர்வதவர்த்தினி அம்மன், பஞ்சமூர்த்திகளுடன் லெட்சுமனேஸ்வர் கோவிலுக்கு புறப்பாடானதும், நடை சாத்தப்படும். பகல், 11:00 மணிக்கு லெட்சுமனேஸ்வர் தீர்த்த குளத்தில், அலங்கார தைப்பூச தேரில் சுவாமி, அம்மன் எழுந்தருளி தெப்பத்தில் வலம் வருவர்.பின், அங்கிருந்து சுவாமி, அம்மன் புறப்பாடாகி, கோவிலுக்கு வந்ததும் நடை திறந்து, மாலை, 3:00 முதல், 5:00 மணி வரை பக்தர்கள், தரிசிக்கலாம். மாலை, 5:05 முதல் நடை சாத்தப்பட்டு, மாலை, 6:00 மணிக்கு கோவிலில் இருந்து தீர்த்தவாரி சுவாமி புறப்பாடாகி, அக்னி தீர்த்த கடற்கரையில் எழுந்தருளி, இரவு, 7:00 மணிக்கு தீர்த்தவாரி கொடுப்பார்.இரவு, 9:00 மணிக்கு கோவிலில், சந்திர கிரஹண அபிஷேகமும், பள்ளியறை பூஜையும் நடக்கும் என, கோயில் இணை ஆணையர், மங்கையர்கரசி தெரிவித்தார்.தற்போது, 60 ஆண்டு களுக்கு பின், சந்திர கிரஹணம், தைப்பூசம் ஒரே நாளில் வருவதால், பகலில் தைப்பூச தேரோட்டம் நடக்க இருப்பது முக்கியத்துவம் வாய்ந்தது என கோவில் குருக்கள் தெரிவித்தனர்.
Shared By giridharan (309)
News Url http://temple.dinamalar.com/news_detail.php?id=76292

29 Jan 2018 - வேத வன்னீஸ்வரர் கோவில் கும்பாபிஷேகம் விமரிசை

News Title வேத வன்னீஸ்வரர் கோவில் கும்பாபிஷேகம் விமரிசை
News Detail காஞ்சிபுரம் : சின்ன காஞ்சிபுரம், பெரிய தம்பிரான் ஈஸ்வரன் மற்றும் வேத வன்னீஸ்வரர் கோவில் கும்பாபிஷேகம் நேற்று விமரிசையாக நடைபெற்றது. சின்ன காஞ்சிபுரம் டோல்கேட், திருவள்ளுவர் நகர், மிலிட்டரி சாலையில், பழமையான திரிபுரசுந்தரி உடனுறை பெரிய தம்பிரான் ஈஸ்வரன் மற்றும் வேத வன்னீஸ்வரர் கோவில் உள்ளது. இக்கோவிலில் உள்ள, மாப்பிள்ளை விநாயகர், வினை தீர்க்கும் வேலவன், யோக குரு தட்சிணாமூர்த்தி, தவயோக கல்யாண துர்கை, பரிவார மூர்த்திகளுக்கு தனித்தனி சன்னதி அமைக்கப்பட்டு, நேற்று கும்பாபிஷேகம் நடைபெற்றது. கும்பாபிஷேகத்தையொட்டி, 26ம் தேதி, விக்னேஸ்வர பூஜையுடன் யாக சாலை பூஜைகள் துவங்கின. கும்பாபிஷேக தினமான நேற்று காலை, 6:30 மணிக்கு, இரண்டாம் கால யாக பூஜையும், 8:00 மணிக்கு தம்பதிகள் மஹா சங்கல்பமும் நடந்தது. காலை, 9:30 மணிக்கு, வேத வன்னீஸ்வரர் மற்றும் பரிவார மூர்த்திகளுக்கு கும்பாபிஷேகம் நடந்தது. மாலை, 6:00 மணிக்கு திருக்கல்யாண உற்சவம் நடந்தது. விழாவில் ஏராளமான பக்தர்கள் பங்கேற்றனர்.
Shared By giridharan (309)
News Url http://temple.dinamalar.com/news_detail.php?id=76294

29 Jan 2018 - திருப்போரூரில் பக்தர்கள் அவதி; கட்டணம் கொடுத்தும் வாகனம் நிறுத்த இடமில்லை

News Title திருப்போரூரில் பக்தர்கள் அவதி; கட்டணம் கொடுத்தும் வாகனம் நிறுத்த இடமில்லை
News Detail திருப்போரூர் : கந்தசுவாமி கோவிலுக்கு வரும் வாகனங்களுக்கு இரு நிர்வாகமும் கட்டணம் வசூலித்தும், வாகன நிறுத்துமிடம் இல்லாத நிலை தொடர்வதால் பக்தர்கள் வேதனை படுகின்றனர். திருப்போரூரில் புகழ் பெற்ற கந்தசுவாமி கோவில் உள்ளது. அறுபடை வீட்டிற்கு நிகரான இக்கோவில், தொண்டை நாடு மற்றும் தமிழகம் முழுவதும் பல்வேறு பகுதிகளிலுள்ள பக்தர்களுக்கு பிரார்த்தனை தலமாக விளங்குகிறது.இங்குள்ள கந்தசுவாமி பெருமான் சுயம்பு மூர்த்தியாவார், எந்திர வழிபாடும் இங்கு நடைபெறுகிறது. நவகிரகங்களில் மும்மூர்த்தி சன்னதிகள் மட்டுமே இங்கு அமைந்துள்ளது. இது, இக்கோவிலின் தனிச்சிறப்பாகும். இத்தகைய சிறப்புகளை கொண்ட இக்கோவிலுக்கு கிருத்திகை, சஷ்டி, விசாகம் மற்றும் அரசு விடுமுறை நாட்களில் ஆயிரக்கணக்கான பக்தர்கள் வந்து செல்கின்றனர்.இவ்வாறு வரும் பக்தர்கள் அரசு பேருந்துகள் மட்டுமின்றி இரு சக்கர வாகனங்கள், கார், ஆட்டோ உள்ளிட்டவைகளில் வந்து செல்கின்றனர். பக்தர்களின் வாகனங்கள் நகரில் நுழையும்போது தெருக்களின் கட்டுப்பாட்டிற்கு ஏற்ப பேரூராட்சி மற்றும் கோவில் அறநிலையத்துறை நிர்வாகத்தினர் வாகனங்களுக்கு கட்டணங்களை வசூலிக்கின்றனர்.ஆனால், இரு நிர்வாகத்தினரும் தனி வாகன நிறுத்துமிடங்கள் ஏற்படுத்தாமல் உள்ளனர். இதனால், பக்தர்கள் தங்கள் வாகனங்களை சாலை விதிமுறைகளை பின்பற்றி வாகனங்களை நிறுத்தமுடியாமல் தவிக்கின்றனர். விழா நாட்களில் திருப்போரூர் மாடவீதிகள் மற்றும் பிரதான சாலைகளில் ஏற்படும் போக்குவரத்து நெரிசல் சொல்லி மாளாது. மேலும், இப்பிரச்னையால் உள்ளூர் வாசிகளின் இயல்பு வாழ்க்கையும் குறிப்பிட்ட நாட்களில் முடங்குகிறது. எனவே, பேரூராட்சி மற்றும் கந்தசுவாமி கோவில் நிர்வாகத்திற்கு சொந்தமான காலி இடங்களில் சிமென்ட் தரை தளம் அமைத்து, பார்க்கிங் வசதியை ஏற்படுத்த நடவடிக்கை எடுக்க வேண்டும் என, கோரிக்கை விடப்படப்பட்டுள்ளது. சமூக ஆர்வலர்களின் கோரிக்கை: கந்தசுவாமி கோவிலுக்கு வரும் பக்தர்களின் கூட்டம் நாளுக்குநாள் கூடுகிறது. முன்பெல்லாம் விஷேச நாட்களில் மட்டும்தான் பக்தர்கள் அதிகளவில் வருவர். ஆனால் தற்போது சாதாரண நாட்களில் கூட பக்தர்களின் கூட்டம் அதிகளவில் உள்ளது. இதனால், கிருத்திகை, முகூர்த்த நாட்கள் மற்றும் விடுமுறை நாட்களில் நகருக்குள் ஆயிரக்கணக்கான வாகனங்கள் வருகின்றன. இவ்வாறான வாகனங்கள் நிறுத்துவதற்கு ஏதுவாக வாகன நிறுத்துமிடம் என்பது இப்பகுதியில் பேரூராட்சி மற்றும் கோவில் நிர்வாகத்தால் ஏற்படுத்தப்படவில்லை. ஆனால், அதற்கான கட்டணங்கள் மட்டும் வசூலிக்கப்படுகிறது. இடமில்லாததால், வாகனங்கள் மாட வீதிகளிலும், சாலைகளிலும் தாறுமாறாக நிறுத்தப்படுகின்றன. இந்நிலை, பல ஆண்டுகளாக நீடித்து வருகிறது. உள்ளூர் வாசிகளும் இதை பலமுறை எடுத்துகூறி பார்த்துவிட்டனர். எந்த நிர்வாகமும் அதை கண்டுகொள்ள வில்லை. இனியும் இதில் அலட்சியம் காட்டாமல், போக்குவரத்து நெரிசலை கட்டுப்படுத்த சம்பந்தப்பட்ட நிர்வாகத்தினர் முயற்சி எடுக்க வேண்டும் என கோரிக்கை எழுந்துள்ளது.
Shared By giridharan (309)
News Url http://temple.dinamalar.com/news_detail.php?id=76300

29 Jan 2018 - வேதபுரீஸ்வரர் கோவில் கும்பாபிஷேகம்

News Title வேதபுரீஸ்வரர் கோவில் கும்பாபிஷேகம்
News Detail புதுச்சேரி: புதுச்சேரி வேதபுரீஸ்வரர் கோவில் கும்பாபிஷேகம் நேற்று நடந்தது. ஆயிரக்கணக்கான் பக்தர்கள் தரிசனம் செய்தனர். புதுச்சேரி காந்தி வீதியில், பல நுாற்றாண்டுகள் பழமை வாய்ந்த திரிபுரசுந்தரி சமேத வேதபுரீஸ்வரர் கோவில் திருப்பணிகள் முடிக்கப்பட்டு நேற்று கும்பாபிஷேகம் நடந்தது. பூஜைகள் கடந்த 22ம் தேதி கணபதி ஹோமத்துடன் துவங்கியது. 24ம் தேதி முதல் கால யாகசாலை பூஜை நடந்தது. 25ம் தேதி காலை 8:30 மணிக்கு இரண்டாம் கால யாகசாலை பூஜையும், மாலை 5:30 மணிக்கு மூன்றாம் கால பூஜையும் நடந்தது.26ம் தேதி, நான்காம் மற்றும் ஐந்தாம் கால யாகசாலை பூஜைகளும், 27ம் தேதி, ஆறாம் மற்றும் ஏழாம் கால யாகசாலை பூஜைகளும் நடந்தன. கும்பாபிஷேக தினமான நேற்று காலை 4:30 மணிக்கு எட்டாம் கால அவப்ருதயாகம் துவங்கியது. 6:00 மணிக்கு பரிவார யாகம், மஹா பூர்ணாஹீதியும், 7:30 மணிக்கு கடம் புறப்பாடும் நடந்தது. சரியாக 8:15 மணிக்கு ராஜகோபுர கலசத்தில் புனித நீர் ஊற்றப்பட்டது. 8:30 மணிக்கு திரிபுரசுந்தரி, சமேத வேதபுரீஸ்வரர் சுவாமிக்கு மஹா கும்பாபிஷேகம் நடந்தது. தொடர்ந்து. சுவாமிக்கு தீபாராதனை நடந்தது. விழாவில், முதல்வர் நாராயணசாமி, அமைச்சர்கள் நமச்சிவாயம், கந்தசாமி, மல்லாடி கிருஷ்ணாராவ், துணை சபாநாயகர் சிவக்கொழுந்து. எம்.எல்.ஏ.,க்கள் லட்சுமிநாராயணன், ஜெயமூர்த்தி, இந்து அறநிலையத்துறை செயலர் சுந்தரவடிவேலு, ஆணையர் தில்லைவேல் மற்றும் ஆயிரக்கணக்கான பக்தர்கள் பங்கேற்று தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=76310

29 Jan 2018 - அருணாசலேஸ்வரர் கோவிலில் முதலாமாண்டு கும்பாபிஷேக நிறைவு விழா

News Title அருணாசலேஸ்வரர் கோவிலில் முதலாமாண்டு கும்பாபிஷேக நிறைவு விழா
News Detail திருவண்ணாமலை: திருவண்ணாமலை அருணாசலேஸ்வரர் கோவிலில், கும்பாபிஷேகம் முடிந்து, முதலாமாண்டு நிறைவு விழா நடந்தது. திருவண்ணாமலை அருணாசலேஸ்வரர் கோவிலில், கடந்த ஆண்டு பிப்., 6ல், ரோகிணி நட்சத்திரத்தில் கும்பாபிஷேக விழா நடந்தது. இந்நிலையில், நட்சத்திரத்தின் அடிப்படையில், ஓராண்டு நிறைவு பெற்றது. இதையடுத்து சம்பத்ரா அபிஷேக விழா நடந்தது. இதையொட்டி நேற்று மாலை, முதல் கால யாகசாலை பூஜை துவங்கியது. இன்று(ஜன27ல்) இரண்டாம் கால யாகசாலை பூஜை, பூர்ணாஹூதி நடந்தது. பின், புனித கலச நீரில், மூலவரான விநாயகர், வள்ளி தெய்வானை சமேத சுப்ரமண்யர், அருணாசலேஸ்வரர், உண்ணாமுலை அம்மன் மற்றும் சண்டிகேஸ்வரர், உற்சவ மூர்த்திகளான விநாயகர், சந்திரசேகரர் ஆகிய சுவாமிகளுக்கு சிறப்பு அபிஷேகம் நடத்தப்பட்டது. ஆயிரக்கணக்கான பக்தர்கள் சுவாமி தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=76286

29 Jan 2018 - ஆத்மநாதீஸ்வரர் கோவிலில் கும்பாபிஷேகம் கோலாகலம்

News Title ஆத்மநாதீஸ்வரர் கோவிலில் கும்பாபிஷேகம் கோலாகலம்
News Detail ஊத்துக்கோட்டை : பக்தர்கள் பங்களிப்புடன் கட்டப்பட்ட யோகாம்பாள் உடனுறை ஆத்மநாதீஸ்வரர் கோவில் கும்பாபிஷேக விழாவில், திரளானவர்கள் வழிபட்டனர். எல்லாபுரம் ஒன்றியம், தண்டலம் அடுத்த, பெரியவண்ணாங்குப்பம் கிராமத்தில் உள்ளது யோகாம்பாள் உடனுறை ஆத்மநாதீஸ்வரர் கோவில். இக்கோவில் சிதிலமடைந்து காணப்பட்டது. பக்தர்கள் பங்களிப்புடன் கோவிலை சீரமைக்கும் பணி, துவங்கி நடந்து வந்தது. பணி முடிந்து, நேற்று காலை, கும்பாபிஷேக விழா கோலாகலமாக நடந்தது. இதையொட்டி, கடந்த, 26ம் தேதி, மாலை, 3:00 மணிக்கு, திருவிளக்கு வழிபாடு, குலதெய்வ வழிபாடு ஆகிய நிகழ்ச்சிகளுடன் விழா துவங்கியது. மறுநாள், குரு வணக்கம், மங்கள வாத்தியம், திருவிளக்கு வழிபாடு, பிள்ளையார் வழிபாடு ஆகிய நிகழ்ச்சிகளும், நேற்று, காலை, 4:30 மணிக்கு, திருப்பள்ளியெழுச்சி, அறம், பொருள், இன்பம், வீடு என நான்கு மறைகளையும்... வகுத்தளித்த பெருமானுக்கு வேள்வி பூஜை, காலை, 8:00 மணிக்கு மங்கள வாத்தியம், கலச புறப்பாடு, திருநீற்று காப்பு வழங்குதல் மற்றும் கும்பாபிஷேக விழா நடந்தது. இதில் திரளான பக்தர்கள் சுவாமியை வழிபட்டனர்.
Shared By giridharan (309)
News Url http://temple.dinamalar.com/news_detail.php?id=76320

29 Jan 2018 - கும்பாபிஷேகம் முன்னிட்டு புதிய கொடிமரம் அமைப்பு

News Title கும்பாபிஷேகம் முன்னிட்டு புதிய கொடிமரம் அமைப்பு
News Detail தாரமங்கலம்: கும்பாபிஷேகத்தை முன்னிட்டு, கைலாசநாதர் கோவிலில், கொடிமரம் அமைக்கப்பட்டது. தாரமங்கலம், கைலாசநாதர் கோவிலில், 200 ஆண்டுகளுக்கு முன் அமைக்கப்பட்ட கொடிமரம் சிதிலமடைந்தது. அதை, எட்டு மாதங்களுக்கு முன்பு, அதிகாரிகள் அப்புறப்படுத்தினர். ஏப்., 22ல், கோவில் கும்பாபி?ஷகம் நடக்க உள்ளதால், வேங்கை மரத்தில், 41 அடி உயர கொடிமரம் உருவாக்கப்பட்டது. கடந்த இரு நாட்களாக, வாஸ்து பூஜை, கணபதி ஹோமம் நடந்தது. நேற்று காலை, 6:30 மணிக்கு, புதிய கொடிமரம் நடப்பட்டது. முன்னதாக, பழைய கொடிமரம் அகற்றியபோது, அதன் கீழிருந்து கைப்பற்றிய பழங்கால நாணங்கள், தகடுகள், புதிய மரத்தின் அடியில் வைக்கப்பட்டன.
Shared By giridharan (309)
News Url http://temple.dinamalar.com/news_detail.php?id=76336

23 Jan 2018 - உத்தரகோசமங்கை கோயில் பிரகார மண்டப பணி இழுத்தடிப்பு: பக்தர்கள் கோரிக்கை

News Title உத்தரகோசமங்கை கோயில் பிரகார மண்டப பணி இழுத்தடிப்பு: பக்தர்கள் கோரிக்கை
News Detail கீழக்கரை : உத்தரகோசமங்கை மங்களநாதர் சுவாமி கோயிலின் முதல் பிரகார மண்டப பணிகள் இதுவரை முடிக்கப்படாமல், இழுத்தடிப்பில் இருந்து வருகிறது. மூவாயிரம் ஆண்டுகளுக்கு முற்பட்ட இந்த சிவன் கோயிலுக்கு பாண்டிய மன்னர், சேதுபதி மன்னர்களால் அந்தந்த காலகட்டங்களில் திருப்பணிகள் நடந்தேறியுள்ளது. மங்களநாதர் சுவாமியின் கருவறையை சுற்றியுள்ள தெற்கு, மேற்கு, வடக்கு பகுதிகளை உள்ளடக்கிய முதல் பிரகார மண்டபம் திறந்த வெளியில் இருந்து வருகிறது. 13வது மாநில நிதிக்குழு மூலம் ரூ.75 லட்சம் சீதளி மண்டபத்திற்கான மதிப்பீடு ஒதுக்கீடு செய்யப்பட்டது. கருவறையை ஒட்டியுள்ள சீதளி மண்டபத்திற்கான பணி கடந்த 2011ல் ஆரம்பிக்கப்பட்டு 2015ல் நிறைவு பெற்றது. முதல் பிரகாரத்திற்கு தேவையான கருங்கல் வேலைப்பாடுகளுடன் கூடிய துாண்கள், மேற்கூரை கற்கள், சித்திர மண்டப கால், பால் கல், தரைக்கல், சுருக்கி, தட்டோடு உள்ளிட்டவை செய்து முடிக்க ரூ.2 கோடி மதிப்பீடாக இருந்து வருகிறது. சிவகங்கையை சேர்ந்த பக்தர் சிவராம கிருஷ்ணன் கூறியதாவது: மங்களநாதர் சுவாமியை தரிசனம் செய்து விட்டு, இடதுபுறமாக கோயிலை வலம் வரும் முதல் பிரகாரம் கருங்கல் மேற்கூரை இல்லாமல் திறந்த வெளியாக காட்சிதருவது வேதனையளிக்கிறது. மழைகாலங்களில் வழிந்தோடும் நீர், பிரகாரங்களில் தேங்கி, சேறும் சகதியுமாக அமைந்து விடுகிறது. மழை, வெயிலால் இதர துாண்களில் கருமை படிகிறது. பழமையான கருங்கல் துாண்களின் மீது நேரடியாக சூரிய ஒளிபடுவதால், கட்டடத்தின் உறுதித்தன்மை பாதிப்பிற்குள்ளாகிறது. இந்துசமய அறநிலையத்துறை மற்றும் தொல்பொருள் ஆய்வுத்துறையினர் இணைந்து, பழமையான பிரகாரப்பணிகளை முடிக்க வேண்டும். கோயில் கட்டப்பட்ட காலத்தில் இருந்து இன்றுவரை, குறைபாடாக உள்ள வேலையினை நிறைவு செய்து, பூர்த்தியாக்கிட வேண்டும். எனவே சம்பந்தப்பட்ட துறை அதிகாரிகள், ஓதுக்கப்பட்ட நிதியின் மூலம் முதல்பிரகார பணிகளை முடிக்க நடவடிக்கை எடுக்க வேண்டும் என்றார்
Shared By giridharan (309)
News Url http://temple.dinamalar.com/news_detail.php?id=76101

23 Jan 2018 - சிவகங்கை காசி விஸ்வநாத சுவாமி கோயில் கும்பாபிஷேகம்

News Title சிவகங்கை காசி விஸ்வநாத சுவாமி கோயில் கும்பாபிஷேகம்
News Detail சிவகங்கை : சிவகங்கையில் பழமையான விசாலாட்சி அம்பாள் காசி விஸ்வநாதர்சுவாமி கோயில் கும்பாபிஷேகம் நேற்று நடந்தது. ஏராளமான பக்தர்கள் பங்கேற்றனர். சிவகங்கை சமஸ்தானம் தேவஸ்தானத்திற்குட்பட்ட பழமையான இக்கோயில் கும்பாபிஷேக விழா ஜன. 17 கணபதி ேஹாமத்துடன் துவங்கியது. ஜன.19 மாலை முதல் யாகசாலை பூஜையும், ஜன., 21மாலை ஐந்தாம்கால யாகசாலை பூஜையும் நடந்தன. நேற்று காலை 5:30 மணிக்கு விநாயகர் வழிபாடும், ஆறாம்கால யாகசாலை பூஜையும் நடந்தன. காலை 7:00 மணிக்கு பரிவார மூர்த்திகளுக்கு மகா பூர்ணாகுதி தீபாராதனையும், 8:00 மணிக்கு தத்வார்ச்சனை, நாடிசந்தானம் நடந்தன. காலை 9:00 மணிக்கு கடம் புறம்பாடும், 10:00 மணிக்கு மூலவர் விமானத்திற்கும், ராஜகோபுரத்திற்கு புனிதநீர் ஊற்றப்பட்டது. தொடர்ந்து சுப்ரமணியன், விநாயகர், ஐயப்பன் மற்றும் பரிவார தெய்வங்களின் விமானங்களுக்கு புனித நீர் ஊற்றப்பட்டது. கும்பங்களுக்கு தீபாராதனை காட்டப்பட்டன. சமஸ்தான தேவஸ்தான பரம்பரை அறங்காவலர் மதுராந்தகி நாச்சியார் மற்றும் மகஷே்துரை, தேவஸ்தான மேலாளர் இளங்கோ, கண்காணிப்பாளர் வேல்முருகன் உட்பட ஏராளமானோர் பங்கேற்றனர். பக்தர்களுக்கு பூஜிக்கப்பட்ட நாணயங்கள் வழங்கப்பட்டன. அன்னதானம் நடந்தது. மாலை 5:00 மணிக்கு திருக்கல்யாணம் நடந்தது. இரவு 7:00 மணிக்கு பஞ்சமூர்த்திகள் வீதி உலா நடந்தது.
Shared By giridharan (309)
News Url http://temple.dinamalar.com/news_detail.php?id=76103

23 Jan 2018 - சேலம் சுகவனேஸ்வரர் கோவில் புதிய தேர் வெள்ளோட்டம்

News Title சேலம் சுகவனேஸ்வரர் கோவில் புதிய தேர் வெள்ளோட்டம்
News Detail சேலம்: சேலம், சுகவனேஸ்வரர் கோவில் புதிய தேர் வெள்ளோட்டம், நேற்று விடப்பட்டது. ஆயிரக்கணக்கானோர் வடம் பிடித்து இழுந்து மகிழ்ந்தனர். சேலத்தில், பிரசித்தி பெற்ற சுகவனேஸ்வரர் கோவில் உள்ளது. ஆண்டுதோறும், வைகாசி விசாகத்தின் போது திருத்தேர் திருவிழா நடத்தப்படுவது வழக்கம். இரண்டு ஆண்டுகளுக்கு முன்பு, பயன்பாட்டில் இருந்த தேர் பழுதானதால், தேர்த்திருவிழா நடத்தப்படவில்லை. இந்நிலையில், 45 லட்சம் ரூபாய் செலவில், கோவில் வளாகத்தில் தேர் செய்யப்பட்டு வந்தது. பணி நிறைவு பெற்றதையடுத்து, நேற்று வெள்ளோட்டம் விடப்பட்டது. நேற்று அதிகாலை, 4:00 மணிக்கு மங்கள இசை, விக்னேஸ்வர பூஜை, நான்காம் கால யாக பூஜை நடந்தது. 5:45 மணிக்கு தேருக்கு கும்பாபி ?ஷகம் நடத்தப்பட்டு, சிறப்பு அலங்காரம் செய்யப்பட்டு, தீபாராதனை காட்டப்பட்டது. 7:00 மணிக்கு, கோவிலில் இருந்து புதிய தேரை, சுகவனேஸ்வரர்-சொர்ணாம்பிகை சுவாமி ஊர்வலத்துடன், திருவள்ளுவர் சிலை, கோட்டை மாரியம்மன் கோவில் வழியாக, ராஜ கணபதி கோவில் அருகில் உள்ள தேரடிக்கு, பக்தர்கள் வடம் பிடித்து இழுத்து சென்றனர். பின்னர், சிறப்பு பூஜை செய்யப்பட்டு, அங்கிருந்து புறப்பட்ட தேர், இரண்டாவது அக்ரஹாரம், பட்டைகோவில், சின்னமாரியம்மன் கோவில், சின்னக்கடை வீதி, கன்னிகா பரமேஸ்வரி அம்மன் கோவில் வழியாக, மீண்டும் தேரடிக்கு கொண்டு வரப்பட்டது. ஆயிரக்கணக்கானோர், வடம் பிடித்து இழுத்தனர்
Shared By giridharan (309)
News Url http://temple.dinamalar.com/news_detail.php?id=76104

23 Jan 2018 - ஸ்ரீபெரும்புதூர், குன்றத்தூர் பகுதி கோவில்கள், குளம் பராமரிப்பு அவசியம்

News Title ஸ்ரீபெரும்புதூர், குன்றத்தூர் பகுதி கோவில்கள், குளம் பராமரிப்பு அவசியம்
News Detail நவக்கிரக கோவில்கள்: தஞ்சாவூர், கும்பகோணம், திருநள்ளாறு போன்ற பகுதிகளில் உள்ள நவக்கிரக கோவிலுக்கு தமிழகம் முழுவதிலும் இருந்து ஏராளமான பக்தர்கள் சென்று வழிபடுகின்றனர். அதுபோல, சென்னையின் புறநகர் பகுதியான குன்றத்துார் மற்றும் அதை சுற்றியுள்ள பகுதிகளிலும் நவக்கிரக கோவில்கள் உள்ளன.ஏராளமான பக்தர்கள் இந்த கோவில்களில் வழிபடுகின்றனர். சென்னை புறநகர் பகுதிகளில் சூரியனுக்கு கொளப்பாக்கம் பகுதியில் அகத்தீஸ்வரர் கோவில்; சந்திரனுக்கு சோமங்கலம் பகுதியில் சோமநாதேஸ்வரர் கோவில்... செவ்வாய்க்கு பூந்தமல்லியில் வைத்தீஸ்வரர் கோவில்; புதனுக்குகோவூரில் சுந்தரேஸ்வரர் கோவில்; குருவிற்கு போரூரில் ராமநாதேஸ்வரர் கோவில்...சுக்கிரனுக்கு மாங்காடு பகுதியில் வெள்ளீஸ்வரர் கோவில்; சனிக்கு பொழிச்சலுாரில் அகத்தீஸ்வரர் கோவில்; ராகுக்கு குன்றத்துாரில் நாகேஸ்வரர் கோவில்; கேதுக்கு கெருகம்பாக்கம் நீலகண்டேஸ்வரர் கோவில் உள்ளது. கிரக தோஷம் உள்ள பக்தர்கள் தஞ்சாவூர் உள்ளிட்ட வெளி மாவட்டங்களில் உள்ள நவக்கிரக கோவில்களுக்கு செல்வதற்கு பதில், சென்னை புறநகர் பகுதிகளில் உள்ள இந்த கோவில்களுக்கு சென்று வழிபடுகின்றனர். இதனால், இந்த கோவில்கள் தற்போது பிரபலமாகி வருகின்றன. இந்த கோவில் குளங்கள் பராமரிப்பு இன்றி உள்ளன. குளத்தையும், கோவிலையும் நன்கு பராமரிக்க வேண்டும் என, பக்தர்கள் எதிர்பார்க்கின்றனர். வல்லக்கோட்டை முருகன் கோவில்: ஸ்ரீபெரும்புதுார் அடுத்த வல்லக்கோட்டையில் பிரசித்தி பெற்ற சுப்பிரமணிய சுவாமி கோவில் உள்ளது. 1,200 ஆண்டுகள் பழமை வாய்ந்த இந்த கோவிலில், வள்ளி தெய்வானையுடன் சுப்பிரமணிய சுவாமி, 7 அடி உயரத்தில் பக்தர்களுக்கு அருள்பாலிக்கிறார். காஞ்சிபுரம், திருவள்ளூர், சென்னை யின் பல பகுதிகளில் இருந்து இந்த கோவிலுக்கு ஏராளமானபக்தர்கள் வந்து வழிபடுகின்றனர். இந்நிலையில், இந்த கோவிலில் பக்தர்களுக்கு எவ்வித அடிப்படை வசதிகளும் இல்லை. கோவிலுக்கு செல்லும் நான்கு சாலைகளும்குண்டும், குழியுமாக உள்ளது. லேசான மழை பெய்தால் கூட சாலையில் தண்ணீர் தேங்கி நிற்கிறது. கோவிலின் அருகே உள்ள தீர்த்த குளத்தை சுற்றி மின் விளக்குகள் இல்லை. இதனால், இரவு நேரத்தில் குளக்கரை சுற்றி இருள் சூழ்ந்து காட்சி அளிக்கிறது. விழா காலங்களில் வரும் பக்தர்களின் வாகனங்களுக்கு, ’பார்க்கிங்’ கட்டணம் மட்டும் வசூலிக்கப்படுகிறது. ஆனால், வாகனநிறுத்துவதற்கு எந்த வசதிகளும் இங்கு இல்லை. கோவிலின் உள்ளே குடிநீர் வசதி இல்லை.கோவிலின் அருகே உள்ள கழிவறை, சமுதாய நலக்கூடங்கள் மூடியே கிடக்கின்றன. கடந்த ஆங்கில புத்தாண்டின் போது இந்த கோவிலில் பக்தர்கள் கூட்டம் அலைமோதியது. அடிப்படை வசதிகள் இல்லாததால், பக்தர்கள் அவதிப்பட்டனர். இந்த கோவிலில் தைப்பூச விழா மிக கோலாகலமாக நடைபெறும். அப்போது பல ஆயிரக்கணக்கான பக்தர்கள் அலகு குத்தியும், பால்குடம், காவடி ஏந்தியும் கோவிலுக்குவந்து வழிபடுவர். எனவே, இம்மாதம் தைப்பூச விழா துவங்குவதற்கு முன் இந்த கோவிலில் அடிப்படை வசதிகளை ஏற்படுத்தி கொடுக்க வேண்டும் என, பக்தர்கள் எதிர்பார்க்கின்றனர். குன்றத்துார் சுப்ரமணிய சுவாமி: குன்றத்துார் மலைக்குன்றின் மீது சுப்ரமணிய சுவாமி கோவில் உள்ளது. இந்த கோவிலுக்கு தினமும் ஏராளமான பக்தர்கள் சென்று வழிபடுகின்றனர். இந்த கோவிலுக்கு செல்லும் மலைபாதை வழியை ஆக்கிரமித்து வாகனங்கள் நிறுத்தப்படுகின்றன. இதனால், விஷேச நாட்களில் போக்குவரத்து நெரிசல் ஏற்படுகிறது. கோவிலுக்கு செல்லும் மலை பாதையோரம் சீமை கருவேல மரங்கள் வளர்ந்து புதர் மண்டிஉள்ளது. மலை குன்று முழுவதும் பிளாஸ்டிக் கவர்கள் நிறைந்து காணப்படுகின்றன. மதுஅருந்துவது, இயற்கை உபாதைகள் கழிப்பது, காதலர்கள் தஞ்சம் அடைவது போன்றவற்றிற்கான இடமாக இந்த மலை குன்று மாறி வருகிறது. கற்கால மனிதர்களின் தாழிகள் தொல்லியல் துறை சார்பில் இந்த மலைக்குன்றில் கண்டெடுக்கப் பட்டது. இந்த மலை குன்றை சுற்றி, 300க்கும் மேற்பட்ட ஆக்கிரமிப்பு வீடுகள் கட்டப்பட்டுள்ளன. தொல்லியல் துறையினர், அறநிலையதுறையினர் நடவடிக்கை எடுக்க பக்தர்கள் எதிர்பார்க்கின்றனர். பென்னலுார் சிவன் கோவில்: ஸ்ரீபெரும்புதுார் அடுத்த பென்னலுார் கிராமத்தில், 1,500 ஆண்டுகள் பழமையான ஆனந்தவல்லி உடனுறை அகத்தீஸ்வரர் கோவில் உள்ளது. பல ஆண்டுகளாக பராமரப்பு இன்றி சிதிலமடைந்து இருந்த இந்த கோவிலின் அம்பாள், விநாயகர், தட்சிணாமூர்த்தி, விஷ்ணு, பிரம்மா, துர்க்கை, பைரவர், முருகன் உள்ளிட்ட கடவுளின் சிலைகள் மர்ம நபர்களால் திருடப்பட்டு கோவில் இடியும் நிலையில் இருந்தது. சிவபக்தர்கள் முயற்சியில், இந்த கோவில் பழமை மாறாமல் புதுப்பிக்கும் பணிகள் கடந்த ஆண்டு துவங்கப்பட்டது.கோவிலின் மேற்புரம் வளர்ந்த மரங்களை அகற்றியும், கோவிலின் கற்கள் அனைத்தும் பெயர்த்து எடுத்து மீண்டும் கோவில் கட்டும் பணி வேகமாக நடந்து வருகிறது. கோவில் மண்டபம், விமானம் உள்ளிட்ட, 70 சதவீத கட்டுமான பணிகள் நிறைவடைந்துள்ளன. வைத்தீஸ்வரர் கோவில்: ஸ்ரீபெரும்புதுார் அடுத்த பிள்ளைப்பாக்கம் கிராமத்தில் பழமை வாய்ந்த தையல் நாயகி உடனுறை வைத்தீஸ்வரர் கோவில் உள்ளது. இந்த கோவிலின் எதிரே உள்ள தீர்த்த குளம் பராமரிப்பு இன்றி உள்ளது. இந்த குளம் அப்பகுதியின் நிலத்தடி நீர் ஆதாரமாக உள்ளது. கோவில் குளத்தை சீரமைத்து, நடைபாதை அமைக்க வேண்டும் என, பக்தர்கள் எதிர்பார்க்கின்றனர். அதுபோல, ஸ்ரீபெரும்புதுார் அடுத்த பேரீச்சம்பாக்கம் பகுதியில், பழமை வாய்ந்த அகத்தீஸ்வரர் கோவில் உள்ளது. இந்த கோவில், 800 ஆண்டுகள் பழமையானது. பராமரிப்பு இன்றி முற்றிலும் சிதைந்த நிலையில் உள்ளது. கோவிலின் உள்ளே புற்றுகளும், கோவில் கோபுரம் மேல் மரங்களும் முளைத்துள்ளன. இதனால் கோவில் இடிந்து விழும் நிலையில் உள்ளது. இந்த கோவிலை சீரமைத்து, பராமரிக்க பக்தர்கள் எதிர்பார்க்கின்றனர். ஆதிகேசவப் பெருமாள் கோவில்: ஸ்ரீபெரும்புதுாரில் ஆதிகேசவப் பெருமாள் மற்றும் பாஷ்யகார சுவாமி கோவில்கள் உள்ளன. வைணவ மகான் ராமானுஜரின் அவதார தலமான இந்த கோவிலில், பல மாநிலங்களில் இருந்து ஏராளமானோர் வழிபட்டு செல்கின்றனர். ஸ்ரீராமானுஜரின் ஆயிரமாவது ஆண்டு விழா, கடந்த ஆண்டு ஏப்ரலில் விமரிசையாக நடந்தது. இந்த விழாவிற்காக கோவிலில் ஏராளமான திருப்பணிகள் நடந்தன. இதில் பல பணிகள் கிடப்பில் உள்ளன. ஸ்ரீபெரும்புதுார் பேருந்து நிறுத்தம் அருகே உள்ள ஆதிகேசவப் பெருமாள் கோவிலுக்கு சொந்தமான இடத்தில் சுற்றுலா துறை சார்பில் ராமானுஜருக்கு மணிமண்டபம் கட்ட திட்டமிடப்பட்டது. ஆனால், இதுவரை எந்த பணிகளும் துவங்கவில்லை. இந்த கோவிலின் சிறியதேர் மற்றும் பெரிய தேர், சாலையேரம் மேற்கூரை இன்றி நிறுத்தி வைக்கப்பட்டுள்ளன. இதனால், தேர்கள் மழையில், வெயிலில் வீணாகின்றன. அதுபோல, கோவிலுக்கு எதிரே மதில் சுவர் அமைக்கும் பணி கிடப்பில் உள்ளது. கட்டுமான கம்பிகள் அபாயகராமாக நீட்டிக்கொண்டிருப்பதால், கோவிலுக்கு செல்லும் பக்தர்கள் விபத்தில் சிக்கும் ஆபத்து உள்ளது. கோவிலுக்கு அருகே, பக்தர்கள் வசதிக்காக கட்டப்பட்ட கழிப்பறையின் கட்டுமான பணி கிடப்பில்உள்ளது. மேலும், தனியார் தொழிற்சாலை நிர்வாகம் சார்பில் கட்டித்தரப்பட்ட கழிப்பறை பராமரிப்பு இன்றி துார்நாற்றம் வீசுகிறது. கோவிலின் வெளியே வாகன, ’பார்க்கிங்’ இட வசதி இல்லை. இதனால், சாலையை மறித்து வாகனங்கள் நிறுத்தப்படுவதால், விழா காலத்தில் போக்குவரத்து நெரிசல் ஏற்படுன்கிறன. வரலாற்று சிறப்பு மிக்க இந்த கோவிலை, இந்து அறநிலைய துறையினர் முறையாக பராமரிக்கவில்லை என, பக்தர்கள் குற்றம் சாட்டுகின்றனர். சேக்கிழார் கோவில்: குன்றத்துாரில், 12ம் நுாற்றாண்டில் வாழ்ந்தவர் சேக்கிழார். இவர் தமிழில் புகழ்பெற்ற நுாலான, பெரிய புராணத்தை இயற்றியவர். இரண்டாம் குலோத்துங்க சோழனின் அமைச்சராகவும் இருந்துள்ளார். குன்றத்துாரில், சேக்கிழார் வாழ்ந்த இடத்தில், அவருக்கு பிற்காலத்தில், கோவில் கட்டப்பட்டது. தற்போது இந்த கோவில் பராமரிப்பு இன்றி உள்ளது. கோவிலுக்கு சொந்தமான ஏராளமான நிலம் குத்ததைகாரர்களிடம் உள்ளது. கோவிலுக்கு அருகே உள்ள பாலவராயர் குளம் பராமரிப்பு இன்றி புதர் மண்டியுள்ளது. சேக்கிழாரின் தம்பி பாலவராயரால், 12ம் நுாற்றாண்டில் வெட்டப்பட்டதாக கூறப்படும் இந்த குளம், ஆக்கிரமிப்பின் பிடியில் உள்ளது. குளம், 18 ஏக்கர் பரப்பு கொண்டது என கூறப்படும் நிலையில், 2 ஏக்கர் மட்டுமே கண்ணுக்கு தெரிகிறது. குளத்தின் கிழக்கு பகுதியை தவிர மற்ற மூன்று பகுதிகளிலும் ஏராளமான குடியிருப்புக்கள் கட்டப்பட்டு விட்டன. கிழக்கு பகுதியில் ஒரு சில இடங்களில், எஞ்சியுள்ள சில படித்துறைகள் மட்டுமே, இது குளம் என்பதற்கு ஆதாரமாக காட்சி அளிக்கிறது. குடியிருப்புகளில் இருந்து வெளியேறும் கழிவு நீர் நேரடியாக குளத்தில் கலக்கிறது. தற்போது இந்த குளம் கழிவு நீர் தேக்க இடமாக மாறிவிட்டது. எனவே, இந்த குளத்தில் வளர்ந்துள்ள புதர்களை அகற்றி, குளத்தை துார் வாரவேண்டும், ஆக்கிரமிப்புகளை அகற்ற முடியாவிட்டாலும், எஞ்சியுள்ள குளத்தையாவது பாதுகாத்து பராமரிக்க வேண்டும் என, தமிழ் ஆர்வலர்களும், பொதுமக்களும் எதிர்பார்க்கின்றனர்.
Shared By giridharan (309)
News Url http://temple.dinamalar.com/news_detail.php?id=76107

23 Jan 2018 - அகத்தீஸ்வரர் கோவில் கும்பாபிஷேகம்

News Title அகத்தீஸ்வரர் கோவில் கும்பாபிஷேகம்
News Detail சின்ன அய்யங்குளம் : சின்ன அய்யங்குளம் அகத்தீஸ்வரர் கோவிலில், தட்சணாமூர்த்தி மற்றும் பைரவர் சிலை பிரதிஷ்டை செய்யப்பட்டு, கும்பாபிஷேகம் விமரிசையாக நடந்தது. காஞ்சிபுரம் நகராட்சிக்குட்பட்ட சின்ன அய்யங்குளத்தில், ஞானாம்பிகை சமேத அகத்தீஸ்வரர் கோவில் உள்ளது. பழமையான இக்கோவிலில், தட்சணாமூர்த்தி மற்றும் பைரவரருக்கு சன்னதி அமைக்க முடிவெடுக்கப்பட்டது.அதன்படி, இரு சிலைகளும் பிரதிஷ்டை செய்யப்பட்டு, நேற்று கும்பாபிஷேகம் விமரிசையாக நடந்தது. முன்னதாக, நேற்று முன்தினம், விக்னேஸ்வர பூஜை நடந்தது.நேற்று காலை, 9:15 மணிக்கு, கலச புறப்பாடும், 9:30 மணிக்கு தட்சணாமூர்த்தி, பைரவருக்கு கும்பாபிஷேகமும் நடந்தது. இதற்கான ஏற்பாடுகளை விழாக்குழு மற்றும் கிராம பொதுமக்கள் செய்திருந்தனர்.
Shared By giridharan (309)
News Url http://temple.dinamalar.com/news_detail.php?id=76122

23 Jan 2018 - ஆத்மநாதீஸ்வரர் கோவிலில் 28ல் கும்பாபிஷேகம்

News Title ஆத்மநாதீஸ்வரர் கோவிலில் 28ல் கும்பாபிஷேகம்
News Detail ஊத்துக்கோட்டை: பக்தர்கள் பங்களிப்புடன் கட்டப்பட்டு வரும், யோகாம்பாள் உடனுறை ஆத்மநாதீஸ்வரர் கோவிலில், வரும், 28ம் தேதி கும்பாபிஷேக விழா நடைபெற உள்ளது. எல்லாபுரம் ஒன்றியம், தண்டலம் அடுத்த, பெரியவண்ணாங்குப்பம் கிராமத்தில் உள்ளது, யோகாம்பாள் உடனுறை ஆத்மநாதீஸ்வரர் கோவில். இக்கோவில் சிதிலமடைந்து காணப்பட்டது. பக்தர்கள் பங்களிப்புடன் கோவிலை சீரமைக்கும் பணி துவங்கி நடந்து வருகிறது. பணிகள் முடிந்து, 28ம் தேதி, கும்பாபிஷேக விழா நடைபெற உள்ளது.இதையொட்டி, வரும், 26ம் தேதி, மாலை, 3:00 மணிக்கு, திருவிளக்கு வழிபாடு, குலதெய்வ வழிபாடு ஆகிய நிகழ்ச்சிகளுடன் விழா துவங்குகிறது.மறுநாள், 27ம் தேதி, மங்கள வாத்தியம், திருவிளக்கு வழிபாடு, பிள்ளையார் வழிபாடு, 28ம் தேதி காலை, 4:30 மணிக்கு திருப்பள்ளி எழுச்சி, வேள்வி பூஜை, காலை, 8:00 மணிக்கு, கலச புறப்பாடு, மற்றும் கும்பாபிஷேக விழா நடைபெற உள்ளது.
Shared By giridharan (309)
News Url http://temple.dinamalar.com/news_detail.php?id=76128

23 Jan 2018 - சிறுவானூர் தீர்த்தீஸ்வரர் கோவிலில் கும்பாபிஷேகம்

News Title சிறுவானூர் தீர்த்தீஸ்வரர் கோவிலில் கும்பாபிஷேகம்
News Detail திருவள்ளூர் : திருவள்ளூர் அருகே உள்ள சிறுவானுார் திரிபுரசுந்தரி உடனுறை தீர்த்தீஸ்வரர் கோவிலில், நேற்று கும்பாபிஷேக விழா நடந்தது. திருவள்ளூர் வட்டம், சிறுவானுாரில், திரிபுரசுந்தரி அம்மன் உடனுறை தீர்த்தீஸ்வரர் கோவில் உள்ளது. இந்த கோவிலில், மஹா கும்பாபிஷேக விழா, 20ம் தேதி, விக்னேஸ்வர பூஜையுடன் துவங்கியது. நேற்று முன்தினம், கணபதி ஹோமம், நவக்கிரக ஹோமம், கோ பூஜை, தன பூஜை மற்றும் யாகசாலை நிர்மாணம் செய்யப்பட்டது. மாலை, அங்குரஸ்தாபனம், மகா பந்தனம், கும்ப அலங்காரம், யாகசாலை பூஜை நடந்தது. நேற்று, காலை, 9:00 மணியளவில், மகா கும்பாபிஷேகம் நடந்தது. பின், அனைத்து மூர்த்திகளுக்கும் கும்பாபிஷேகம் நடந்தது.காலை, 11:00 மணியளவில், மகா அபிஷேகம் நடந்தது. மாலை, தேவார இசை நிகழ்ச்சியும், தொடர்ந்து, சர்வ அலங்காரத்தில் சுவாமி, அம்மன் வீதி உலா நடந்தது. கும்பாபிஷேக விழாவில், சிறுவானுார் மற்றும் சுற்றியுள்ள பகுதிகளைச் சேர்ந்த பக்தர்கள் திரளாக கலந்து கொண்டனர்.
Shared By giridharan (309)
News Url http://temple.dinamalar.com/news_detail.php?id=76136

22 Jan 2018 - ஏகாம்பரநாதர் உற்சவர் சிலைகள் தொல்லியல், 'மாஜி’ இயக்குனர் ஆய்வு

News Title ஏகாம்பரநாதர் உற்சவர் சிலைகள் தொல்லியல், 'மாஜி’ இயக்குனர் ஆய்வு
News Detail காஞ்சிபுரம் : ஏகாம்பரநாதர் கோவிலில், சிலை கடத்தல் தடுப்பு பிரிவு போலீசார் முன்னிலையில், தொல்லியல் துறை முன்னாள் இயக்குனர் நாகசாமி, உற்சவர் சிலைகளை, நேற்று ஆய்வு செய்தார். காஞ்சிபுரம் ஏகாம்பரநாதர் கோவில், நாயன்மார்களால் பாடல் பெற்ற தலமாகவும், பஞ்சபூத தலங் களில் முதன்மையானதாவும் விளங்குகிறது.இந்த கோவிலில் உள்ள பழமையான உற்சவர் சிலை சிதிலம் மற்றும் அதை பயன்படுத்த முடியாத சூழல் உள்ளதாக கூறி, அறநிலையத் துறை உத்தரவின்படி, புதிய சிலையை செய்தனர். அந்த உற்சவர் சிலையில், தங்கம் கலந்திருப்பதில் முறைகேடு நடந்துள்ளதாக புகார் எழுந்தது. இதையடுத்து, சிலை கடத்தல் தடுப்பு பிரிவு போலீசார், பழைய மற்றும் புதிய சிலைகளை, நவீன கருவி மூலம் ஆய்வு செய்தனர். இரு சிலைகளிலும் தங்கம் இல்லை என, அவர்கள் தெரிவித்தனர். இந்நிலையில், சிலை கடத்தல் தடுப்பு பிரிவு, ஐ.ஜி., பொன்.மாணிக்கவேல் மற்றும் போலீசார் முன்னிலையில், தொல்லியல் துறை முன்னாள் இயக்குனர் நாகசாமி, கோவிலில் உள்ள பழைய, புதிய உற்சவர் சிலைகளை ஒப்பிட்டு, நேற்று ஆய்வு செய்தார். உடன், சிலை கடத்தல் தடுப்பு பிரிவு, டி.எஸ்.பி., சிவசங்கரன், கோவில் செயல் அலுவலர் முருகேசன் ஆகியோர் இருந்தனர்.அதன் பின், பத்திரிகையாளர்களிடம் தொல்லியல் முன்னாள் இயக்குனர் கூறுகையில், ”பழைய சிலையின் பழமையை அறிய, நுண் புகைப்படம் எடுக்கப்பட்டுள்ளது. மேலும், பழைய சிலையில் தங்கம் இருக்க வேண்டிய அவசியம் இல்லை,” என்றார். கடந்த ஆண்டு, ஏகாம்பரநாதர் கோவிலுக்கு சென்ற, தொல்லியல் துறை முன்னாள் இயக்குனர் நாகசாமி, பழைய உற்சவர் சிலை, 1,000 ஆண்டுகளுக்கு முற்பட்டது.அந்த சிலை, பல கோடி ரூபாய் மதிப்புள்ளது என, தெரிவித்தார். மேலும், பழைய சிலையை வழிபாட்டுக்கு பயன்படுத்துவது குறித்தும் விளக்கமளித்தது குறிப்பிடத்தக்கது.
Shared By giridharan (309)
News Url http://temple.dinamalar.com/news_detail.php?id=76083

19 Jan 2018 - திருக்கோவிலூர் தென்பெண்ணையில் தீர்த்தவாரி திருவிழா

News Title திருக்கோவிலூர் தென்பெண்ணையில் தீர்த்தவாரி திருவிழா
News Detail திருக்கோவிலுார்: திருக்கோவிலுாரில் நடந்த ஆற்றுத் திருவிழாவில்‚ கீழையூர் வீரட்டானேஸ்வரர், அரகண்டநல்லுார் அதுல்யநாதேஸ்வரர், ஏரிக்கரை மூலை இரட்டை விநாயகர் சுவாமிகள் கலந்து கொண்டு பக்தர்களுக்கு அருள்பாலித்தனர். பிறவிபிணி போக்கி, உள்ளத்தை துாய்மை படுத்திக் கொள்ளவும், அடுத்த பிறவியில் வீடின்பம் பெறவும் புனித நதியாக விளங்குவது தென்பெண்ணையாறு. திருக்கோவிலுார் தென்பெண்ணை ஆற்றில்‚ நேற்று நடந்த தீர்த்தவாரி நிகழ்ச்சியில் கீழையூர் வீரட்டானேஸ்வரர், அரகண்டநல்லுார் அதுல்யநாதேஸ்வரர், ஏரிக்கரை மூலை இரட்டை விநாயகர்‚ வீரப்பாண்டி அதுல்யநாதேஸ்வரர் சுவாமிகள் தாரை தப்பட்டை முழங்க காலை 9:00 மணிக்கு‚ ஊர்வலமாக கொண்டு வரப்பட்டு தென்பெண்ணை ஆற்றில் தீர்த்தவாரி நடந்தது. தனித்தனியாக அமைக்கப் பட்டிருந்த பந்தலில் சுவாமிகள் சிறப்பு அலங்காரத்துடன் எழுந்தருளி பக்தர்களுக்கு அருள்பாலித்தனர். சுற்று வட்டார பகுதிகளில் இருந்து வந்திருந்த பொதுமக்கள் குடும்பத்துடன் சுவாமி தரிசனம் செய்தனர். தீர்த்தவாரியில் திருக்கோவிலுார் தென்பெண்ணையாற்றில் மக்கள் கூட்டம் அலை மோதியது.
Shared By giridharan (309)
News Url http://temple.dinamalar.com/news_detail.php?id=76018

19 Jan 2018 - திருப்பரங்குன்றம் கோயிலில் கொடியேற்றம்: ஜன.,27ல் தெப்பத்திருவிழா

News Title திருப்பரங்குன்றம் கோயிலில் கொடியேற்றம்: ஜன.,27ல் தெப்பத்திருவிழா
News Detail திருப்பரங்குன்றம், திருப்பரங்குன்றம் சுப்பிரமணிய சுவாமி கோயில் தெப்பத்திருவிழா ஜன.,27ல் நடப்பதை முன்னிட்டு, நேற்று கொடியேற்றம் நடந்தது. இத்திருவிழாவிற்கான அனுக்ஞை, வாஸ்து சாந்தி பூஜைகள் ஜன.,17 மாலை கம்பத்தடி மண்டபத்தில் அனுக்ஞை விநாயகர் முன்பு நடந்தது. நேற்று காலை விசாக கொறடு மண்டபத்தில் விநாயகர், சீவிலி நாயகர் முன்பு ரிஷப யாகம் முடிந்து, சுவாமி, தெய்வானை கொடிக்கம்பம் முன்பு எழுந்தருளினர். சிவாச்சாரியார்களால் கொடியேற்றப்பட்டு அபிேஷக, ஆராதனை நடந்தது. மன்னர் திருமலை நாயக்கர் கல்லுாரி செயலாளர் விஜயராகவன், உப தலைவர் ராஜகோபால், கோயில் பணியாளர்கள் பங்கேற்றனர். திருவிழா நடக்கும் ஜன.,27 வரை தினமும் காலை சிம்மாசனம் உள்ளிட்ட பல்வேறு வாகனங்களில் சுவாமி, தெய்வானை எழுந்தருளி வீதி உலா வருவர்.ஜன.,26ல் தை கார்த்திகையும், அன்று காலை தெப்பம் முட்டுத் தள்ளும் நிகழ்ச்சியும் முடிந்து, 16கால் மண்டபம் முன்பு உள்ள சிறிய வைரத் தேரில் சுவாமி, தெய்வானை எழுந்தருளி, ரத வீதிகளில் தேரோட்டம் நடைபெறும். ஜன., 27 காலை ஜி.எஸ்.டி., ரோடு தெப்பக் குளத்தில் மிதவை தெப்பத்தில் சுவாமி எழுந்தருளி தெப்ப திருவிழா நடக்கும். இரவு சன்னதி தெரு சொக்கநாதர் கோயில் முன்பு சுவாமி மட்டும் தங்க குதிரை வாகனத்தில் எழுந்தருளி சூரசம்ஹாரம் லீலை நடைபெறும். கொடியேற்றத்திற்கு பயன்படுத்தப்படும் கொடிப்பட்டம் யானை தெய்வானை மீது வைத்து ரத வீதிகளில் கொண்டு வருவது வழக்கம். யானை புத்துணர்வு முகாமிற்கு சென்றுள்ளதால் கொடிப்பட்டம் வீதி உலா நிகழ்ச்சி இல்லை
Shared By giridharan (309)
News Url http://temple.dinamalar.com/news_detail.php?id=76012

19 Jan 2018 - நவஜோதிர்லிங்கங்களை தரிசிக்க சிறப்பு ரயில் : அழைக்கிறது ஐ.ஆர்.சி.டி.சி.,

News Title நவஜோதிர்லிங்கங்களை தரிசிக்க சிறப்பு ரயில் : அழைக்கிறது ஐ.ஆர்.சி.டி.சி.,
News Detail கோவை: மஹா சிவராத்திரியை முன்னிட்டு, ஆந்திரா, மஹாராஷ்டிரா, குஜராத்தில் உள்ள நவஜோதிர்லிங்க கோவில்களுக்கு செல் வதற்காக, பிப்., 3ம் தேதி, ஐ.ஆர்.சி.டி.சி., சிறப்பு ரயில் இயக்கப்படுகிறது. ஐ.ஆர்.சி.டி.சி., எனப்படும், இந்தியன் ரயில்வே உணவு மற்றும் சுற்றுலா கழகம், பாரத தரிசன சுற்றுலா ரயில் திட்டத்தை நடத்தி வருகிறது. ஆன்மிக தலங்கள் : இத்திட்டத்தின் மூலம், காஷ்மீர் முதல் கன்னியாகுமரி வரையிலுள்ள பல்வேறு ஆன்மிக தலங்கள், வரலாற்று சிறப்பு மிக்க இடங்களுக்கு, சிறப்பு ரயில் களில் சென்றுவர முடியும்.அந்த வகையில், வரும் பிப்., 3ல், மதுரையில்இருந்து புறப்படும் சிறப்பு ரயில் மூலம், ஆந்திராவில் ஸ்ரீசைலம், மஹாராஷ்டிராவில் பார்லி வைத்யநாத், குருஷ்னேஷ்வர்... பீம்சங்கர், திரையம்பகேஷ்வர், குஜராத்தில் சோம்நாத், மத்தியபிரதேசத்தில் மஹாகாலேஷ்வர் மற்றும் ஓம்காரேஷ்வர் உள்ளிட்ட, நவஜோதிர்லிங்க கோவில்களுக்கு பக்தர்கள் சென்று வரலாம். கோவை, திருப்பூர், நீலகிரி உள்ளிட்ட பகுதிகளில் இருந்து புறப்படுவோர், ஈரோட்டில் இருந்து ரயிலில் செல்லலாம். 13 நாள் கொண்ட யாத்திரைக்கு, நபருக்கு, 15 ஆயிரம் ரூபாய் கட்டணம் நிர்ணயிக்கப்பட்டுள்ளது. வாகன வசதி : இதில், ஸ்லீப்பர் ரயில் கட்டணம், உணவு, தங்கும் வசதி, சுற்றிப்பார்க்க வாகன வசதி அனைத்தும் அடங்கும். மேலும் விபரம், முன்பதிவுக்கு, கோவை ஐ.ஆர்.சி.டி.சி., அலுவலகத்தை, 9003140655 என்ற மொபைல் போன் எண்ணிலும், www.irctctourism.com எனும் இணையதள முகவரியிலும் தொடர்பு கொள்ளலாம் என, ஐ.ஆர்.சி.டி.சி., கூடுதல் பொது மேலாளர் ரவிக்குமார் தெரிவித்துள்ளார்.
Shared By giridharan (309)
News Url http://temple.dinamalar.com/news_detail.php?id=76026

17 Jan 2018 - திருவண்ணாமலை அருணாசலேஸ்வரர் திருவூடல் விழா: பக்தர்கள் பரவசம்

News Title திருவண்ணாமலை அருணாசலேஸ்வரர் திருவூடல் விழா: பக்தர்கள் பரவசம்
News Detail திருவண்ணாமலை: திருவண்ணாமலை அருணாசலேஸ்வரர் கோவிலில் நேற்று உண்ணாமலையம்மன் சமேதரராய் அண்ணாமலையார், பாரசக்தியம்மனுடன் மாடவீதியில் ‘திருவூடல்’ நிகழ்ச்சியில் எதிர் எதிரில் சுவாமிகள் ஆடிய காட்சி பக்தர்களை பரவசத்தில் ஆழ்த்தி, ‘‘அண்ணாமலையாருக்கு அரோகரா’’ என கோஷம் எழுப்பினர். இதில் ஏராளமான பக்தர்கள் சுவாமி தரிசனம் செய்தனர்.திருவண்ணாமலை, கிரிவலப்பாதையில் பிருங்கி மகரிஷி முனிவர், பராசக்தி அம்மனை வழிபட மறுத்து, சிவனை மட்டும் நினைத்து தவம் இருந்தார். அவருக்கு காட்சி அளிக்க அருணாசலேஸ்வரர் கிரிவலம் செல்வார். பராசக்தி அம்மன், தன்னை வணங்காத பிருங்கி மகரிஷி முனிவருக்கு காட்சி அளிக்க செல்லக்கூடாது என்று அருணாசலேஸ்வரரிடம் கூறுவார். ஆனால் அதையும் மீறி அவர் செல்வார். அதனால் சுவாமிக்கும், அம்மனுக்கும் திருவூடல் ஏற்படும். இந்த நிகழ்ச்சி, நேற்றிரவு நடந்தது. அப்போது, சுந்தர மூர்த்தி நாயனார் தூதுவராக சென்று, அருணாசலேஸ்வரையும், பராசக்தி அம்மனையும் சமாதானப்படுத்தும் நிகழ்ச்சி நடந்தது. இந்த நிகழ்ச்சியில், அருணாசலேஸ்வரர் கிரிவலம் செல்லும் பாதை நெடுகிலும் மண்டகப்படி செலுத்தி பக்தர்கள் வழிபட்டனர். மாடவீதியில் ‘திருவூடல்’ நிகழ்ச்சியில் எதிர் எதிரில் சுவாமிகள் ஆடிய காட்சி பக்தர்களை பரவசத்தில் ஆழ்த்தி, ‘‘அண்ணாமலையாருக்கு அரோகரா’’ என கோஷம் எழுப்பினர். இதில் ஏராளமான பக்தர்கள் சுவாமி தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=75865

17 Jan 2018 - காசிக்கு நிகரான சிவன் கோயில்: கவனிப்பாரின்றி சிதையும் கோபுரம்

News Title காசிக்கு நிகரான சிவன் கோயில்: கவனிப்பாரின்றி சிதையும் கோபுரம்
News Detail சிவகாசி: சிவகாசி அருகே காசிக்கு நிகரான சிவன் கோயில் மூலஸ்தான கோபுரம் சிமென்ட் பூச்சுகள் உதிர்ந்து வருகிறது. இதை சீமைக்க அறநிலையத்துறை கண்டுகொள்ளாமல் உள்ளதாக பக்தர்கள் வேதனை தெரிவிக்கின்றனர்.எங்கும் இல்லாத சிறப்பு: மதில் சுவர் 1089 ல்கட்டப்பட்டுள்ளதாக கல்வெட்டுஉள்ளது. 1000 ஆண்டு பழமையான இக்கோயிலில் காசிக்கு அடுத்தப்படியாக நந்தி பகவான் அன்னபூரணியை பார்த்தபடி உள்ளார். சிவன் கோயில்களில் நந்தி சிலைஎப்போதும் சிவன் சன்னதியை பார்த்தபடி தான் இருக்கும். இங்கு மட்டும் காசியில் இருப்பது போல் இருப்பது மிகவும் சிறப்பு. இதுபற்றி பல்வேறு சரித்திர கதைகள் கூறப்படுகின்றன. அதாவது, சிவனுக்கே அன்னமிட்டது அன்னபூரணி என்பதால் நந்தி பகவான் திரும்பி இருப்பதாக பூசாரி ஞானகுரு தெரிவித்தார். இதுதவிர சூரியனும், சனீஸ்வரரும் ஒரே சன்னதியில் இருப்பது மிகவும் பாக்கியம். அந்த வகையில் சூரியன்கிழக்கை நோக்கியும், சனீஸ்வரர் வடக்கு திசையிலும் கேட்பதை விட அதிகம் அள்ளிக் கொடுக்கும் அட்சயபாத்திரம் போல் வீற்றீருக்கின்றனர். இதுதவிர எந்த கோயில்களில் இல்லாத சிறப்பு இங்கு உள்ளது. அதாவதுமன்மதக் கடவுளுக்கு கல்துாணில் சிற்பமாகஉள்ளார். இவரை வணங்கிச் சென்றால் விரைவில் திருமணமாகும் என்பது ஐதீகம். இத்தகைய பெருமை வாய்ந்த கோயில் இந்து அறநிலைத்துறையின் கட்டுப்பாட்டின் கீழ் இருந்தும் பல ஆண்டுகளாக பராமரிப்பின்றிமுடங்கி உள்ளது. கோயில் மூலஸ்தான கோபுரம் செப்பனிடாமல் சிமென்ட் பூச்சுகள் உதிர்ந்து வருகிறது.நடவடிக்கையில் தாமதம்: கடந்த 18 ஆண்டுகளாககோயிலை புனரமைப்பதற்கான நடவடிக்கையை மேற்கொண்டு வருகிறேன். மாதம் ஒருமுறையாவது அதிகாரிகளை சந்தித்து கோரிக்கை மனு கொடுப்பேன். தமிழக முதல்வருக்கும் தபால் மூலம்மனு அனுப்பி உள்ளேன். நடவடிக்கை எடுக்க தாமதப்படுத்துகின்றனர். கோயில் புனரமைத்தால் தென்தமிழகத்தில் தென்காசிக்கு அடுத்தப்படியாக கீழச்சத்திரம் சிவன் கோயிலும் பெருமை பேசும். - பொன்ராஜ், சமூக ஆர்வலர், கீழச்சத்திரம்
Shared By giridharan (309)
News Url http://temple.dinamalar.com/news_detail.php?id=75902

16 Jan 2018 - எப்பநாடு ஈஸ்வரன் கோவில் விழா கோலாகலம்

News Title எப்பநாடு ஈஸ்வரன் கோவில் விழா கோலாகலம்
News Detail ஊட்டி:ஊட்டி அருகே எப்பநாடு பிரமுக்கு ஈஸ்வரன் கோவிலில் நடந்த விழாவில் திரளான பக்தர்கள் பங்கேற்றனர்.ஊட்டி எப்பநாடு அருகேவுள்ள மலை உச்சியில், பிரமுக்கு ஈஸ்வரன் கோவில் உள்ளது. இங்கு ஆண்டுதோறும் திருவிழா, சிறப்பாக கொண்டாடப்படும். நடப்பாண்டுக்கான திருவிழா நேற்று நடந்தது. காலை, 6:00 மணிக்கு சிறப்பு பூஜையுடன் விழா துவங்கியது. 12:00 மணி முதல் 3:00 மணிவரை மதிய கால பூஜையும், அன்னதானமும் நடந்தது. இதில், எப்பநாடு, மரகல், அணிக்கொரை, தொரையட்டி, சின்ன குன்னுார், கடநாடு, காவிலோரை, கொதுமுடி, துானேரி, கெங்கமுடி, இடுஹட்டி, கக்குச்சி உட்பட, 30 கிராமங்களை சேர்ந்த ஆயிரக்கணக்கான படுகர் இன மக்கள் பங்கேற்று ஈஸ்வரனை வழிபட்டனர். வனங்கள் சூழ்ந்த மலைப் பாதையில், நீண்ட துாரம் நடந்து வந்து, நேர்த்தி கடன் செலுத்தினர்.
Shared By giridharan (309)
News Url http://temple.dinamalar.com/news_detail.php?id=75872

16 Jan 2018 - தஞ்சை பெரியகோயில் நந்திக்கு 750 கிலோ காய், கனி அலங்காரம்

News Title தஞ்சை பெரியகோயில் நந்திக்கு 750 கிலோ காய், கனி அலங்காரம்
News Detail தஞ்சாவூர், மாட்டு பொங்கலையொட்டி, தஞ்சை பெரியகோயிலில் உள்ள நந்தியம் பெருமானுக்கு, 750 கிலோவிலான காய், பழங்கள் மற்றும் இனிப்பு வகையில் சிறப்பு அலங்காரம் செய்யப்பட்டு, வழிபாடு நடத்தப்பட்டது.உலக பிரசித்தி பெற்ற தஞ்சை பெரியகோயிலில், மிகப்பெரிய நந்தியம்பெருமான் சிலைஉள்ளது. இந்த நந்தியம் பெருமானுக்கு பொங்கல் பண்டிகையான நேற்று முன்தினம் மாலை, சிறப்பு அபிஷேகமும், தீபாராதனையும் நடைபெற்றது.மாட்டு பொங்கலான நேற்று காலை அதிகாலை, சுவாமிக்கு சிறப்பு அபிஷேகம், தீபாராதனை நடந்தது. தொடர்ந்து காலை, 9:00 மணிக்கு உருளை கிழங்கு, கத்தரிக்காய், முட்டைகோஸ், பூசணிக்காய், வாழைக்காய், பாகற்காய், கேரட், நெல்லிக்காய் போன்ற பல்வேறு வகையான காய்கறிகளாலும், பலவகையான பழங்களாலும், இனிப்பு மற்றும் மலர்களாலும் நந்திபெருமானுக்கு, 750 கிலோ அளவிலான பொருள்களால் சிறப்பு அலங்காரம் செய்யப்பட்டு, சிறப்பு தீபாராதனை நடைபெற்றது.மேலும், நந்திபெருமான் சிலை முன்பு, 108 பசுக்கள் வரிசையாக நிறுத்தி வைக்கப்பட்டு, பசுக்கள் மீது சந்தனம், குங்குமம் பூசப்பட்டு, மாலை அணிவிக்கப்பட்டு, பட்டுதுணி போர்த்தப்பட்டு கோ பூஜை செய்யப்பட்டது. பின், நந்திபெருமானுக்கு படைக்கப்பட்ட காய்கறிகள், பழங்கள், இனிப்புகள் பக்தர்களுக்கு பிரசாதமாக வழங்கப்பட்டது.
Shared By giridharan (309)
News Url http://temple.dinamalar.com/news_detail.php?id=75873

16 Jan 2018 - மல்லிகேஸ்வரர் கோவிலுக்கு மஹா மண்டபம்

News Title மல்லிகேஸ்வரர் கோவிலுக்கு மஹா மண்டபம்
News Detail மாமல்லபுரம்;மல்லிகேஸ்வரர் கோவிலில், சன்னதி மஹா மண்டபம் புதிதாக அமைக்கப்படுகிறது. மாமல்லபுரத்தில், இந்து சமய அறநிலையத்துறையின், ஆளவந்தார் அறக்கட்டளையின் கீழ், மல்லிகேஸ்வர் உடனுறை மல்லிகேஸ்வரர் கோவில் உள்ளது. இக்கோவில் முற்றிலும் சீரழிந்து, நீண்டகாலமாக வழிபாடின்றி இருந்தது. சிவபெருமான் வழிபாடு கருதி, 15 ஆண்டுகளுக்கு முன், பக்தர்கள் நன்கொடையில் புதுப்பிக்கப்பட்டு, கும்பாபிஷேகம் நடத்தப்பட்டது. அதை தொடர்ந்து, மீண்டும் புனரமைத்து, சந்திரசேகர், அம்பாள், விநாயகர், முருகர், நடராஜர், சண்டிகேஸ்வரர் உள்ளிட்ட உற்சவர் உலோக சிலைகள் உருவாக்கி, முதன் முதலாக கொடி மரமும் அமைத்து, ஜூலை மாதம் கும்பாபிஷேகம் நடத்தப்பட்டது. இந்நிலையில், மூலவர் சன்னதிக்கு மஹா மண்டபம் இல்லாதது கருதி, அதை அமைக்க முடிவெடுத்த பிரதோஷ குழுவினர், நன்கொடையாளர்கள் மூலம் தற்போது அமைக்கின்றனர்.
Shared By giridharan (309)
News Url http://temple.dinamalar.com/news_detail.php?id=75884

13 Jan 2018 - திருநாவுக்கரசர் கோவில் தலவிருட்சம் மீட்டெடுக்க நடவடிக்கை தேவை

News Title திருநாவுக்கரசர் கோவில் தலவிருட்சம் மீட்டெடுக்க நடவடிக்கை தேவை
News Detail விருத்தாசலம் : திருவாமூர் திருநாவுக்கரசர் கோவிலில் உள்ள 1,400 ஆண்டுகள் பழமையான களர் உகாய் மரத்தை மீட்க நடவடிக்கை எடுக்க வேண்டும். பண்ருட்டி அடுத்த திருவாமூரில் 7ம் நுாற்றாண்டில் திருநாவுக்கரசர் நாயன்மார் பிறந்த வீட்டிலிருந்த களர் உகாய் மரத்தின் இலைகள் 6 சுவைகளை உடையது. தீராத வயிற்று வலி உடையவர்களுக்கு பிரசாதமாக கொடுக்கப்படுகிறது. இந்த மரம் கோவிலின் தலவிருட்சமாக உள்ளது. இம்மரம் கடந்த 2011ல் வீசிய தானே புயலில் அருகிலுள்ள சுவற்றின்மீது சாய்ந்தும், தண்டுப்பகுதி சேதமடைந்துள்ளது. இதற்கு ஊர்மக்கள் மரக்கிளைகளை முட்டுக்கொடுத்துள்ளனர். 1,400 ஆண்டுகளுக்கும் மேலான பழமையான மரம் என்பதால் மரத்தை மீட்டெடுக்க, அப்பகுதியினர் மரத்தின் ஒரு கிளையை பதியம் போட்டு முயற்சி செய்துள்ளனர். ஆனால், இந்த முயற்சி பலனளிக்காததால் அப்பகுதியினர் கவலையடைந்துள்ளனர். கடந்த 2016ம் ஆண்டு மறைந்த முன்னாள் முதல்வர் ஜெ., கோவில்களிலுள்ள பழமையான தலவிருட்சங்களை அழிவிலிருந்து மீட்க பதியம் போட்டோ அல்லது மரபணு மூலமாகவோ மீட்டெடுக்க இந்து சமய அறநிலையத்துறைக்கு உத்தரவிட்டார். அதன்படி, விருத்தாசலம் மண்டல ஆராய்ச்சி நிலையம் மூலமாகவோ அல்லது கடலுார் கரும்பு ஆராய்ச்சி நிலையம் விஞ்ஞானிகளைக் கொண்டு 1,400 ஆண்டுகள் பழமையான களர் உகாய் மரத்தை மீட்டெடுக்க நடவடிக்கை எடுக்க வேண்டும்.
Shared By giridharan (309)
News Url http://temple.dinamalar.com/news_detail.php?id=75748

12 Jan 2018 - பழநியில் அமெரிக்க பக்தர்கள் மொட்டையடித்து காணிக்கை

News Title பழநியில் அமெரிக்க பக்தர்கள் மொட்டையடித்து காணிக்கை
News Detail பழநி : தைப்பூச விழாவை முன்னிட்டு, அமெரிக்காவைச் சேர்ந்த பக்தர்கள், பழநி முருகன் கோவிலில் சிறப்பு வழிபாடு செய்தனர். இதில், பெண் உட்பட மூவர் மொட்டையடித்து காணிக்கை செலுத்தினர். அமெரிக்காவைச் சேர்ந்த, 20 பேர், ஆன்மிக சுற்றுலாவாக, முருகப் பெருமானின் ஆறுபடை வீடுகள், பஞ்ச பூத லிங்க கோவில்களில், தரிசனம் செய்து வருகின்றனர். அவர்கள் நேற்று, பழநி முருகன் கோவிலுக்கு வந்தனர். அனைவரும் தமிழர்களின் பாரம்பரிய ஆடையான வேட்டி, சேலை அணிந்து வந்தனர். உச்சி கால பூஜையில், மூலவர் முருகனை தரிசனம் செய்து, போகர் சன்னதியிலும் வழிபாடு செய்தனர். சென்னையைச் சேர்ந்த, வழிகாட்டி, ஜெகநாதன்பாபு கூறியதாவது: பக்தி மிகுதியால், அமெரிக்கரான, டாக்ல்ஸ்புருஷ் என்பவர், சுந்தரமூர்த்தி என, பெயர் மாற்றிக் கொண்டார். இக் குழுவினர், 10 ஆண்டுகளாக, தைப்பூச விழா நேரத்தில் பழநிக்கு வருகின்றனர். இம்முறை ஆறுபடை வீடுகள், பஞ்ச பூத லிங்க கோவில்களில் தரிசனம் செய்கின்றனர்.நம் கலாசாரம் அவர்களுக்கு பிடித்து விட்டதால், சிலர், தமிழ் கற்று வருகின்றனர். வேட்டி, சேலையை விரும்பி அணிகின்றனர். கேத் என்ற பெண் உட்பட, மூவர் முடி காணிக்கை செலுத்தினர்.இவ்வாறு அவர் கூறினார்.
Shared By giridharan (309)
News Url http://temple.dinamalar.com/news_detail.php?id=75715

04 Jan 2018 - சிலை கடத்தல் வழக்குகள்: அரசுக்கு ஐகோர்ட் எச்சரிக்கை

News Title சிலை கடத்தல் வழக்குகள்: அரசுக்கு ஐகோர்ட் எச்சரிக்கை
News Detail சிலை கடத்தல் தடுப்பு பிரிவுக்கு தேவையான வசதிகளை செய்து தராவிட்டால் வழக்குகள் சி.பி.ஐ.,க்கு மாற்றப்படும் என சென்னை ஐகோர்ட் எச்சரிக்கை விடுத்துள்ளது.
Shared By Ganesh (53)
News Url http://www.dinamalar.com/news_detail.asp?id=1932634

03 Jan 2018 - காஞ்சி ஏகாம்பரநாதர் உற்சவர் சிலைகளில் தங்கம் இல்லை: ஆய்வில் தகவல்

News Title காஞ்சி ஏகாம்பரநாதர் உற்சவர் சிலைகளில் தங்கம் இல்லை: ஆய்வில் தகவல்
News Detail காஞ்சிபுரம்: காஞ்சிபுரம் ஏகாம்பரநாதர் கோவிலில், விலை மதிப்பில்லாதது என கருதப்பட்ட, பழைய உற்சவர் சிலையிலும், அது பழுதானதால் செய்யப்பட்ட புதிய உற்சவர் சிலையிலும் தங்கம் இல்லை என்பது தெரிய வந்துள்ளது. புதிய உற்சவர் சிலை செய்ததில் முறைகேடு நடந்துள்ளதாக எழுந்த புகாரை அடுத்து, சிலை கடத்தல் தடுப்பு பிரிவு போலீசார் நேற்று மேற்கொண்ட ஆய்வில் இது தெரிய வந்துள்ளது. காஞ்சிபுரத்தில் பிரசித்தி பெற்று விளங்கும் ஏகாம்பரநாதர் கோவில், பல நுாற்றாண்டு பெருமை கொண்டது. இங்குள்ள, பழைய உற்சவர் சிலை சிதிலம் அடைந்ததாக கூறி, புதிய சிலை செய்ய, அறநிலையத்துறை முடிவு செய்தது. பழைய உற்சவர் சிலை, 1,000 ஆண்டுகளுக்கு முற்பட்டது. அதில், 75 சதவீதம் தங்கம் உள்ளது; பல கோடி ரூபாய் மதிப்பு கொண்டது என, காலம் காலமாக கூறப்பட்டு வந்தது. கடந்த, 2016ல் செய்யப்பட்ட, புதிய உற்சவர் சிலை மற்றும் அம்பாள் சிலையில், 5.45 கிலோ தங்கம் சேர்க்கப்பட்டதாக, கோவில் நிர்வாகம் தரப்பில் கூறப்பட்டது. ஆனால், அந்த அளவுக்கு அதில் தங்கம் சேர்க்கப்படவில்லை என்றும், சிலை செய்யப்பட்டதில், முறைகேடு நடந்துள்ளதாகவும் கூறி, காஞ்சிபுரத்தை சேர்ந்த அண்ணாமலை என்பவர் வழக்கு தொடர்ந்தார். உயர்நீதிமன்ற நீதிபதி உத்தரவு படி, கடந்த, 10ல், சிலை கடத்தல் தடுப்பு பிரிவு ஐ.ஜி., பொன் மாணிக்கவேல், காஞ்சிபுரத்தில் விசாரணை நடத்தினார். அதன் பின், தலைமை ஸ்தபதி முத்தையா, கோவில் செயல் அலுவலர் முருகேசன், சிலையை செய்த மாசிலாமணி மற்றும் ஸ்தானிகர்கள் ஒன்பது பேர் மீது வழக்கு பதிவு செய்யப்பட்டது. இதற்கிடையே, காஞ்சிபுரம் கூடுதல் காவல் கண்காணிப்பாளர் வீரமணி, டி.எஸ்.பி., முகிலன் முன்னிலையில், சிலை கடத்தல் தடுப்பு பிரிவு டி.எஸ்.பி., ரகுபதி தலைமையில், 12 போலீசார், ஏகாம்பரநாதர் கோவில் சிலைகளை நேற்று ஆய்வு செய்தனர். ஏகாம்பரநாதர் பழைய உற்சவர் சிலை உட்பட நான்கு சிலைகளை, நவீன கருவிகளுடன் பரிசோதித்தனர். அப்போது திடுக்கிடும் தகவல் தெரிய வந்தது. விலை மதிக்க முடியாதது என கருதப்பட்ட, பழைய சிலையிலும் தங்கம் கிடையாது; புதிதாக செய்யப்பட்ட சிலையிலும், போதிய அளவு தங்கம் இல்லை என்பது தெரிய வந்துள்ளது. இதனால், விலை மதிப்பில்லாதது என கருதப்பட்ட உண்மையான சிலை எங்கே... அந்த சிலை தான் என கருதப்படும் பழைய உற்சவர் சிலையும் போலி தானா... என பக்தர்கள் மத்தியில் சந்தேகம் எழுந்துள்ளது. இது குறித்து, கூடுதல் காவல் கண்காணிப்பாளர் வீரமணி கூறியதாவது: நேற்று நடந்த ஆய்வில், பழைய சிலைகள் இரண்டு, புதியதாக செய்யப்பட்ட உற்சவர் சிலை மற்றும் அம்மன் சிலை என நான்கிலும் தங்கம் இல்லை என்பது தெரிய வந்துள்ளது. அடுத்த கட்ட நடவடிக்கையாக, தவறு எங்கு நடந்துள்ளது... யார் செய்தனர் என்பதை கண்டறிவோம். விசாரணைக்கு பின் தகுந்த நடவடிக்கை பாயும். இவ்வாறு அவர் தெரிவித்தார்.
Shared By giridharan (309)
News Url http://temple.dinamalar.com/news_detail.php?id=75419

03 Jan 2018 - சென்னையில் ஒரு திருக்கயிலை: நவ நடராஜர்கள் சந்திப்பு

News Title சென்னையில் ஒரு திருக்கயிலை: நவ நடராஜர்கள் சந்திப்பு
News Detail சென்னை: ஆருத்ரா தரிசனத்தை முன்னிட்டு சென்னை முத்தையால்பேட்டை பகுதியில் உள்ள அனைத்து கோவில் நடராஜ மூர்த்திகளின் திருவாதிரை சந்திப்பு விழா வெகு சிறப்பாக நடைபெற்றது.வட சென்னையில் உள்ள அனைத்து கோவில்களிலும் உள்ள உற்சவ மூர்த்திகள், நடராஜர் அலங்காரத்தில் வீற்றெழுந்து, நவ நடராஜர்களாக சந்திக்கும் நிகழ்ச்சியில், ஏராளமான பக்தர்கள், நடராஜரின் அருளை பெற்றனர். மண்ணடி, முத்தியால்பேட்டை பகுதிகளில் உள்ள , அனைத்து திருக்கோவில்களின் நடராஜ மூர்த்திகளின், நவ நடராஜர் சந்திப்பு நடந்தது. மல்லிகேஸ்வரர் கோவில் முன், நடந்த இந்நிகழ்ச்சியில், நடராஜர்களுக்கு நெய்வேத்தியம், தீபாராதனை நடந்தது. ‘பக்தர்களின் கடல் வெள்ளத்தில் நடந்த இந்த நவ நடராஜர்கள்சந்திப்பு நிகழ்சி மெய்மறக்கச் செய்தது. தென்னாடுடைய சிவனே போற்றி; எந்நாட்டவர்க்கும் இறைவா போற்றி’ எனக் கூறி, பக்தர்கள் மலர்களை துாவி, இறை அருள் பெற்றனர்.
Shared By giridharan (309)
News Url http://temple.dinamalar.com/news_detail.php?id=75414

02 Jan 2018 - சிவாலயங்களில் ஆருத்ரா தரிசனம் கோலாகலம்: பக்தர்கள் பரவசம்

News Title சிவாலயங்களில் ஆருத்ரா தரிசனம் கோலாகலம்: பக்தர்கள் பரவசம்
News Detail சிவாலயங்களில் ஆருத்ரா தரிசனம் எனும், நடராஜர் திருவாதிரை திருவிழா சிறப்பாக நடைபெற்றுவருகிறது. அதிகாலை முதல் பக்தர்கள் காத்திருந்து தரிசனம் செய்து வருகின்றனர். பிரதான சிவாலயங்களில் ஆருத்ரா தரிசனம் எனும், நடராஜர் திருவாதிரை திருவிழா நடக்கிறது. ஒவ்வொரு ஆண்டும், திருவாதிரை நட்சத்திரம் அன்று, சிவாலயங்களில், ஆருத்ரா தரிசன விழா கொண்டாடப்படுவது வழக்கம். அந்த வகையில், நடராஜர் திருவாதிரை திருவிழா, சென்னை, மதுரை, கோவை மற்றும் அனைத்து பகுதியில் உள்ள சிவாலயங்களில் கொண்டாடப்படுகிறது. சிதம்பரம் நடராஜர், உத்தரகோசமங்கை மரகத நடராஜர் கோயிலில் ஏராளமான பக்தர்கள் தரிசனம் செய்து வருகின்றனர். சென்னை திருவொற்றியூர், தியாகராஜ் சன்னிதியில் அதிகாலை நான்கு மணிக்கு சிறப்பு வழிபாடுகளுடன் ஆருத்ரா தரிசனம் நடைபெற்றது. ஏராளமான பகதர்கள் தரிசனம் செய்தனர். சிவன் கோவில்களில், தொன்மையான மருந்தீசுவரர் கோவிலில் திருவாதிரை திருவிழாவை யொட்டி, அதிகாலை, 4:00 மணிக்கு நடராஜருக்கு சிறப்பு அபிஷேகம், காலை, 6:00 மணிக்கு ஆருத்ரா தரிசனமும், வீதி உலா உற்சவமும் நடைபெற்றது.
Shared By giridharan (309)
News Url http://temple.dinamalar.com/news_detail.php?id=75341

02 Jan 2018 - உத்தரகோசமங்கை ஆருத்ரா தரிசனம்: குவிந்த பக்தர்கள்

News Title உத்தரகோசமங்கை ஆருத்ரா தரிசனம்: குவிந்த பக்தர்கள்
News Detail கீழக்கரை: உத்தரகோசமங்கை மங்களேஸ்வரி அம்மன் சமேத மங்களநாதசுவாமி கோயிலில் மரகத கல்லால் ஆன நடராஜர் சிலை உள்ளது. இக்கோயிலில் டிச., 24ல் ஆருத்ரா தரிசன விழா காப்புக்கட்டுதல் நிகழ்ச்சி நடந்தது. ஆருத்ரா தரிசனத்திற்காக வருடத்திற்கு ஒருமுறை மட்டுமே மரகத நடராஜரின் திருமேனியில் பூசப்பட்ட சந்தனம் களையப்படும். நேற்று காலை 10:30 மணிக்கு சந்தனம் களையப்பட்ட மரகத நடராஜருக்கு, மஞ்சள், திரவியப்பொடி, பால், தயிர், தேன், பஞ்சாமிர்தம் உள்ளிட்ட 18 வகை அபிஷேகங்கள் நடந்தன. பின்னர் சந்தனாதித் தைலம் பூசப்பட்டது. இந்த அபூர்வ தரிசனத்திற்காக லட்சக்கணக்கான பக்தர்கள் நீண்ட வரிசையில் காத்திருந்து தரிசனம் செய்தனர். இரவு 10:30 மணிக்கு ஆருத்ரா மகா அபிஷேகம் நடைபெற்றது. இன்று அதிகாலை 4:00 மணிக்கு கல்தேர் மண்டபத்தில் கூத்தர் பெருமான் எழுந்தருளும் நிகழ்ச்சி நடைபெற்றது. பின், அருணோதய நேரத்தில் சுவாமியின் திருமேனியில் புதிய சந்தனம் பூசப்பட்டு, மலர்களால் சர்வ அலங்காரத்தில் பக்தர்களுக்கு காட்சியளித்தார். ஏராளமான பக்தர்கள் தரிசனம் செய்தனர். ஏற்பாடுகளை ராமநாதபுரம் சமஸ்தான, தேவஸ்தான நிர்வாகத்தினர் செய்திருந்தனர்.
Shared By giridharan (309)
News Url http://temple.dinamalar.com/news_detail.php?id=75342

02 Jan 2018 - பராமரிப்பின்றி சேதமடைந்த சொக்கநாதர் கோயில்

News Title பராமரிப்பின்றி சேதமடைந்த சொக்கநாதர் கோயில்
News Detail தேவதானப்பட்டி: ஜெயமங்கலம் சொக்கநாதர் கோயில் பராமரிப்பின்றி சேதமடைந்துள்ளது. அதன் வளாகத்தை சுற்றி புதர்மண்டிக்கிடக்கிறது. எனவே இதனை சீரமைக்க மாவட்ட நிர்வாகம் தேவையான நடவடிக்கை எடுக்க வேண்டும். தேவதானப்பட்டி அருகே ஜெயமங்கலம் வராகநதியின் தெற்கு கரையில் சொக்கநாதர் கோயில் உள்ளது. மிகப்பழமையான இக்கோயிலில் சொக்கநாதர், பார்வதி, முருகன் தனி, தனி சன்னதிகள் உண்டு. சிவன் சுயம்பு லிங்கமாக காட்சியளிக்கிறார். ஜெயமங்கலம், சில்வார்பட்டி, மேல்மங்கலம் கிராமங்களை சோ்ந்தவர்கள் தரிசனம் செய்கின்றனர். இக்கோயில் முறையாக பராமரிப்பு இல்லாததால் சுவர் சேதமடைந்துள்ளன. சுற்றி புதர்மண்டிக்கிடக்கிறது. சுற்று சுவர் இல்லாமல் பாதுகாப்பற்ற நிலையில் உள்ளது. கோயிலுக்கு செல்லும் வழியில் குப்பை கொட்டப்பட்டு சுகாதாரக்கேடு ஏற்பட்டுள்ளது. அருகில் திறந்தவெளி கழிப்பிடமாகவும் பயன்படுத்தப்படுகிறது. நிதி ஒதுக்கீடு செய்து கோயிலை பராமரிக்க தேவையான நடவடிக்கையை மாவட்ட நிர்வாகம் எடுக்க வேண்டும் என ஜெயமங்கலம் பக்தர்கள் வலியுறுத்துகின்றனர். அவர்கள் கூறுவது என்ன: அவதி: காளிமுத்து: பல நுாறு ஆண்டு பழமையான இக்கோயில் பழுதடைந்துள்ளது. இதனால் பக்தர்கள் அவதிப்படுகின்றனர். உடனடியாக சீரமைக்கப்படவில்லை எனில் கட்டடங்கள் மேலும் சேதமடைந்த நிலைக்கு சென்று விடும். சீரமைக்க நடவடிக்கை எடுக்க வேண்டும். சேதம்: முத்துக்கருப்பு: இக்கிராமத்திற்கு ஆன்மிகத்தோடு நெருக்கமான தொடர்புள்ளது. சீனிவாசப்பெருமாள் கோயில், சொக்கநாதர் கோயில், கிருஷ்ணன் கோயில்கள் மிகவும் பிரசித்தி பெற்றவை. ஆனால் இவை பராமரிப்பின்றி சேதமடைந்துள்ளன. எனவே கோயில்களை சீரமைக்க அரசு நடவடிக்கை எடுக்க வேண்டும்.
Shared By giridharan (309)
News Url http://temple.dinamalar.com/news_detail.php?id=75353

Dec 2017

29 Dec 2017 - கோவில்களில் சிலை கடத்தல் தடுக்க கேமரா, அலாரம் பொருத்தும் பணி தீவிரம்

News Title கோவில்களில் சிலை கடத்தல் தடுக்க கேமரா, அலாரம் பொருத்தும் பணி தீவிரம்
News Detail ஆத்தூர்: கோவில்களில், சிலை கடத்தலை தடுக்க, அரசு மற்றும் தனியார் கோவில்களில், 'சிசிடிவி' கேமரா மற்றும் அலாரம் பொருத்தும் பணி தீவிரப்படுத்தப்பட்டுள்ளது.
Shared By Ganesh (53)
News Url http://www.dinamalar.com/news_detail.asp?id=1928788

23 Dec 2017 - இடிந்த சிவன் கோவில் சீரமைக்க எதிர்பார்ப்பு

News Title இடிந்த சிவன் கோவில் சீரமைக்க எதிர்பார்ப்பு
News Detail ஒரகடம் : ஒரகடம் அருகே, உமையாள்பரணஞ்சேரியில், இடிந்த நிலையில் உள்ள பழமையான சிவன் கோவிலை சீரமைத்து, புதிதாக கட்டி தர வேண்டும் என, அப்பகுதி மக்கள் எதிர்பார்க்கின்றனர். ஸ்ரீபெரும்புதுார் அடுத்த, வலையகரனை ஊராட்சியில், உமையாள் பரணஞ்சேரி கிராமம் உள்ளது. இங்கு, சிதிலமடைந்து, முற்றிலும் இடிந்த நிலையில் சிவன் கோவில் காணப்படுகிறது. 500 ஆண்டுகளுக்கும் மேல் பழமையானதாக கருதப்படும் இக்கோவிலின் தல வரலாறு, யாருக்கும் தெரியவில்லை. ஆனால், உமையாள் அம்மனை குறிக்கும் வகையில், இந்த ஊருக்கு உமையாள்பரணஞ்சேரி என, பெயர் வந்ததாக முதியோர் தெரிவிக்கின்றனர்.சுற்றியுள்ள நிலங்கள், பிளாட்டுகளாக மாறி வருவதால், கோவிலை சீரமைக்க யாரும் முன்வரவில்லை எனவும் கூறப்படுகிறது.தற்போது, எஞ்சியுள்ள கல் துாண்களில், சில கல்வெட்டுகள் காணப்படுகின்றன. தொல்லியல் துறையினர் இதை ஆய்வு செய்ய வேண்டும். வசதி படைத்த சிவ தொண்டர்கள், கோவிலை சீரமைத்து, புதிதாக கட்டி தர வேண்டும் என, அப்பகுதி மக்கள் எதிர்பார்க்கின்றனர்.
Shared By giridharan (309)
News Url http://temple.dinamalar.com/news_detail.php?id=75005

23 Dec 2017 - கந்தசுவாமி கோவிலில் நாளை துவங்குகிறது மாணிக்கவாசகர் உற்சவம்

News Title கந்தசுவாமி கோவிலில் நாளை துவங்குகிறது மாணிக்கவாசகர் உற்சவம்
News Detail திருப்போரூர் : கந்தசுவாமி கோவிலில், மாணிக்கவாசகரின், பத்து நாள் உற்சவம் நாளை துவங்குகிறது. திருப்போரூரில் புகழ் பெற்ற கந்தசுவாமி கோவில் உள்ளது. இங்கு, சிவ பெருமானின், வான்மீக நாதர் சன்னதியும், அற்புதமான நடராஜர் திருமேனி தனி சன்னதியும் உள்ளது. இக்கோவிலில், ஆண்டுதோறும் கந்தன் விழாவோடு, சமய குறவர் மாணிக்க வாசகர் விழாவும் விமரிசையாக நடத்தப்படுகிறது. அந்த வகையில், இந்த ஆண்டிற்கான, 10 நாள் உற்சவம் நாளை காலை, 6:30 மணிக்கு துவங்குகிறது. இதில், காலை, 5:00 மணிக்கு மாணிக்க வாசகருக்கு மஹா அபிஷேகமும், அதையடுத்து வீதியுலாவும் நடைபெறும்.எதிர்வரும் புத்தாண்டு, இரண்டாம் தேதி, 10ம் நாள் உற்சவமாக ஆரூத்ரா விழாவும் விமரிசையாக நடைபெறும். அன்றைய தினம் நடராஜர், சிவகாமி தாயாருடன், மாணிக்கவாசகரும், திருப்போரூர் மாடவீதிகளில் வலம் வருவர்.
Shared By giridharan (309)
News Url http://temple.dinamalar.com/news_detail.php?id=75016

22 Dec 2017 - SUCHINDRAM THANU MALAYA SWAMI KOIL MARGAZHI VIZHA

News Title SUCHINDRAM THANU MALAYA SWAMI KOIL MARGAZHI VIZHA
News Detail DEC 24 UP TO JAN 2 FOR 10DAYS
Shared By MAHESH (1)
News Url www.kanyakumaritemples.org

22 Dec 2017 - கோவிலில் குளிர் காரணமாக ஹீட்டர்

News Title கோவிலில் குளிர் காரணமாக ஹீட்டர்
News Detail அயோத்தி: உ.பி., மாநிலம், அயோத்தியில் உள்ள ஒரு கோவிலில், இறைவனுக்கு குளிரும் என்பதால், ஹீட்டர் பொருத்தப்பட்டு உள்ளது. உ.பி.,யில், முதல்வர் யோகி ஆதித்யநாத் தலைமையில், பா.ஜ., ஆட்சி நடக்கிறது. வட மாநிலங்களில், குளிர் வாட்டத் துவங்கியதை அடுத்து, இரவு நேர வெப்ப நிலை மிகவும் குறைந்து வருகிறது. இதனால் மக்கள், ஸ்வெட்டர், மப்ளருடன், வலம் வருகின்றனர். இந்நிலையில், அயோத்தியில் உள்ள, ஜானகி காட் பெரிய கோவிலில், ஹீட்டர் பயன்பாட்டை துவக்கி உள்ளனர். இந்த கோவிலில், ஸ்ரீராமர், சீதையுடன் வீற்றிருக்கிறார். இது குறித்து, கோவில் அர்ச்சகர், ஜன்மேஜய சரண் கூறுகையில், மாநிலத்தில், கடும் குளிர் நிலவுகிறது. கோவிலுக்குள்ளும், குளிர் காற்று வீசுவதால், இறைவனுக்கு குளிரும் என்பதால், ஹீட்டர் பொருத்தப்பட்டு உள்ளது. மேலும், இறைவனுக்கு வெந்நீர் அபிஷேகம் செய்ய திட்ட மிடப்பட்டு உள்ளது, என்றார்.
Shared By giridharan (309)
News Url http://temple.dinamalar.com/news_detail.php?id=74975

21 Dec 2017 - ஏகாம்பரநாதர் உற்சவர் சிரசு சக்கரம் எங்கே? : கண்டுபிடிக்க, மாஜி அறங்காவலர் மனு

News Title ஏகாம்பரநாதர் உற்சவர் சிரசு சக்கரம் எங்கே? : கண்டுபிடிக்க, மாஜி அறங்காவலர் மனு
News Detail காஞ்சிபுரம்: காஞ்சிபுரம் ஏகாம்பரநாதர் கோவில்,புதிய உற்சவர் சிலை செய்ததில், முறைகேடு நடந்துள்ளதாக எழுந்த புகாரை தொடர்ந்து, பழைய உற்சவர் சிலையில் சிவன், அம்பாள் சிரசு சக்கரம் காணாமல் போனதை கண்டுபிடித்து தரக்கோரி, முன்னாள் அறங்காவலர் புகார் மனு அனுப்பியுள்ளார். காஞ்சிபுரத்தில், சிறப்பு பெற்று விளங்கும் ஏகாம்பரநாதர் கோவிலில், சோமாஸ்கந்தர் எனப்படும் பழைய உற்சவர் சிலை, 1,000 ஆண்டுகளுக்கு முற்பட்டது. 75 சதவீதம்: மன்னர் காலத்தில் செய்யப்பட்ட அந்த சிலையில், 75 சதவீதம் தங்கம் கலந்து, மிக நுட்பமான முறையில் நேர்த்தியாக செய்யப்பட்டது. அந்த சிலை சேதம் அடைந்துள்ளதாக கூறி, புதிய சிலை செய்ய, இரு ஆண்டுகளுக்கு முன்,கோவில் நிர்வாகம் முடிவு செய்தது; பக்தர்கள் எதிர்ப்பு தெரிவித்தனர். அதையும் மீறி, புதிய உற்சவர் சிலை செய்யப்பட்டு, கடந்த ஆண்டு பிரமோற்சவத்திற்கு பயன்படுத்தினர். புதிய உற்சவர் சிலையில், 5.45 கிலோ தங்கம் கலந்திருக்க வேண்டும்; அந்த அளவுக்கு சேர்க்கவில்லை என, கூறப்பட்டது. மேலும், புதிய சிலை செய்ய, பக்தர்கள் சார்பில் எவ்வளவு தங்கம் உபயமாக வழங்கப்பட்டது என்பதும், பக்தர்களுக்கு தெரிவிக்கவில்லை. அதனால், புதிய சிலை செய்ததில் முறைகேடு நடந்துள்ளதாக பக்தர்கள் கருதினர். மேலும், திருவாச்சி எனப்படும், சிலைகளுக்கு பின்புற உலோக அமைப்பையும் காணவில்லை எனக் கூறி, காஞ்சிபுரத்தை சேர்ந்த அண்ணாமலை என்பவர், நீதிமன்றத்தில் வழக்கு தொடர்ந்தார். வழக்கை விசாரித்து, போலீசார் நடவடிக்கை எடுக்க, காஞ்சிபுரம் குற்றவியல் நீதிபதி, சமீபத்தில் உத்தரவிட்டார். இந்த வழக்கில்,சம்பந்தப்பட்ட தமிழக தலைமை ஸ்தபதி முத்தையா, கோவில் செயல் அலுவலர் உட்பட ஒன்பது பேர் மீது, சிவ காஞ்சி போலீசார் வழக்கு பதிவு செய்தனர். பின், அந்த வழக்கு, சிலை கடத்தல் தடுப்பு பிரிவுக்கு மாற்றப்பட்டது. கடிதம்: இந்நிலையில், ஏகாம்பரநாதர் கோவில் முன்னாள் அறங்காவலர், ரகு என்ற வெங்கடேசன், சிலை கடத்தல் தடுப்பு பிரிவு ஐ.ஜி., பொன் மாணிக்கவேல் மற்றும் மாவட்ட காவல் கண்காணிப்பாளர், சிவகாஞ்சி காவல் ஆய்வாளர் ஆகியோருக்கு புகார் மனு ஒன்றை அனுப்பியுள்ளார். அதில், ஏகாம்பரநாதர் கோவில்,பழைய சோமாஸ்கந்தர் உற்சவர் சிலையில், சிவன் மற்றும் அம்பாள் சிலையில் இருந்த சிரசு சக்கரம் உடைந்துள்ளது. அதை அதிகாரிகள் எடுத்து,பாதுகாப்பாக வைத்துள்ளனர் என, தலைமை ஸ்தபதி, 2015 ஆக., 4ல், அறநிலையத்துறை ஆணையருக்கு எழுதிய கடிதத்தில் குறிப்பிட்டுள்ளார். அந்த சிரசு சக்கரத்தை மீட்டு, அதன் எடை எவ்வளவு என்பதை,தலைமை ஸ்தபதி உறுதி செய்து, சிலையில் பொருத்த வேண்டும். பொருத்த இயலாது என்றால் பக்தர்கள் முன்னிலையில், ஆய்வு செய்து, கோவில் பெட்டகத்தில் உறுதி சான்றுடன் வைக்க வேண்டும். சிரசு சக்கரம் காணாமல் போனால், விசாரணை நடத்தி, அதில் குற்றம் காணப்பட்டால் வழக்கு பதிவு செய்து, நடவடிக்கை எடுக்க வேண்டும். இவ்வாறு அவர் குறிப்பிட்டுள்ளார். புதிய உற்சவர் சிலை செய்ததில் ஏற்பட்ட பிரச்னை முடியும் முன், அதற்குள்,பழைய உற்சவர் சிலையில் உள்ள சிரசு சக்கரம் குறித்து புகார் எழுந்துள்ளது, பரபரப்பை ஏற்படுத்தியுள்ளது. மேலும், மன்னர் காலத்தில் செய்யப்பட்ட ஏராளமான ஐம்பொன் சிலைகள், தங்க ஆபரணங்கள் முறையாக பாதுகாக்கப்படுகிறதா என்ற சந்தேகமும் எழுந்துள்ளது. சுவாமிக்கு அணிவிக்கப்படும்தங்க ஆபரணங்களின், தற்போதைய நிலவரம் குறித்து, வெளிப்படையாக தெரிவித்தால், மேலும் சந்தேகங்கள் எழாமல் இருக்கும் என, பக்தர்கள் தெரிவிக்கின்றனர்.
Shared By giridharan (309)
News Url http://temple.dinamalar.com/news_detail.php?id=74891

20 Dec 2017 - தெப்பத்திருவிழா நெருங்குது: குன்றத்தில் குளம் நிரம்புது

News Title தெப்பத்திருவிழா நெருங்குது: குன்றத்தில் குளம் நிரம்புது
News Detail திருப்பரங்குன்றம்: திருப்பரங்குன்றம் சுப்பிரமணிய சுவாமி கோயில் தெப்பத்திருவிழா ஜன.,27 ல் நடப்பதை முன்னிட்டு, ஜி.எஸ்.டி., ரோட்டிலுள்ள தெப்பக்குளத்திற்குள் தண்ணீர் நிரப்பப்படுகிறது. இக்குளத்தில் தை மாதம்கோயில் சார்பில் மிதவை தெப்பம் அமைத்து, அதில் சுவாமி, தெய்வானை எழுந்தருளுவர். பக்தர்கள் வடம் பிடித்து இழுக்க மிதவை தெப்பம் காலையில் மூன்று சுற்றுக்கள் சுற்றிவரும். இரவில் தெப்பக்குளம் மைய மண்டப ஊஞ்சலில் சுவாமி, தெய்வானை எழுந்தருளி பக்தி உலாத்துதல் முடிந்து, மீண்டும் மிதவை தெப்பத்தில் எழுந்தருளுவர். தெப்பம் மூன்று முறை வலம் வந்து தெப்பத் திருவிழா நடக்கும். இந்த ஆண்டு ஜன.,27ல் தெப்பத் திருவிழா நடக்கிறது. அதற்காக ஆழ்குழாயிருந்து தண்ணீர் நிரப்பப்படுகிறது. கடந்த ஆண்டு தண்ணீரின்றி நிலை தெப்பத்தில் திருவிழா நடந்தது. இந்த ஆண்டு பெய்த மழையால் ஆழ்குழாயில் தண்ணீர் உள்ளது. குளத்திற்குள் விடப்படும் தண்ணீர் ஓரளவிற்கு பூமிக்குள் சென்றுவிடும். அதனால் தெப்பக்குளம் முழுமையாக நிரம்புமா என்ற சந்தேகம் எழுந்துள்ளது
Shared By Giridharan (309)
News Url http://temple.dinamalar.com/news_detail.php?id=74866

19 Dec 2017 - ஓதுவார் பயிற்சியில் இளைஞர்கள்

News Title ஓதுவார் பயிற்சியில் இளைஞர்கள்
News Detail ஐ.டி.யுகத்திலும் ஓதுவார் பயிற்சியில் ஆர்வத்துடன் ஈடுபடும் இளைஞர்கள்.
Shared By Vaan (17)
News Url http://tamil.thehindu.com/bbc-tamil/article21826515.ece

15 Dec 2017 - உத்தரகோசமங்கையில் ஜன.1ல் ஆருத்ரா தரிசனம்

News Title உத்தரகோசமங்கையில் ஜன.1ல் ஆருத்ரா தரிசனம்
News Detail கீழக்கரை : உத்தரகோசமங்கை மங்களநாதசுவாமி, மங்களேஸ்வரி அம்மன் கோயிலில் ஜன.1ல் ஆருத்ரா தரிசனம் நடக்கிறது. இங்கு பச்சை மரகத கல்லால் ஆன நடராஜர் சிலை உள்ளது. மரகத நடராஜரின் மீது ஒளி, ஒலியால் ஏற்படும் அதிர்வுகளை கட்டுப்படுத்தவும், ஆண்டு முழுவதும் பாதுகாக்கும் பொருட்டு சந்தனம் பூசுவது வழக்கம். ஆண்டுக்கு ஒருமுறை மட்டுமே நடராஜரின் திருமேனியில் பூசப்பட்ட சந்தனம் படி களையப்பட்ட அபூர்வ சுவாமி தரிசனத்திற்காக லட்சக்கணக்கான பக்தர்கள் வருகை தருகின்றனர். டிச., 24 காப்பு கட்டுதல் நிகழ்ச்சியும், 2018 ஜன., 1 புத்தாண்டு தினத்தன்று காலை 9:30 மணிக்கு கடந்த ஆண்டு பூசப்பட்ட சந்தனக்காப்பு களையும் நிகழ்ச்சி நடைபெற உள்ளது. அதனை தொடர்ந்து காலை 11:00 மணிக்கு மரகதநடராஜருக்கு 18 வகையான அபிஷேக, ஆராதனை நிறைவேற்றப்பட்டு சந்தனாதி தைலம் பூசப்பட்டும். பின்னர் இரவு 10:30 மணிக்கு ஆருத்ரா மகா அபிஷேகம் நடைபெற்று, கல்தேர் மண்டபத்தில் கூத்தர் பெருமான் எழுந்தருளும் நிகழ்ச்சியும், மறுநாள் ஜன.,2 அதிகாலை 5:30 மணிக்கு சுவாமியின் திருமேனியில் சந்தனக்காப்பிடுதலும் நடக்கும். ஏற்பாடுகளை ராமநாதபுரம் சமஸ்தான, தேவஸ்தான நிர்வாகத்தினர் செய்து வருகின்றனர்.
Shared By giridharan (309)
News Url http://temple.dinamalar.com/news_detail.php?id=74668

15 Dec 2017 - வடாரண்யேஸ்வரர் கோவிலில் தெப்ப திருவிழா கோலாகலம்

News Title வடாரண்யேஸ்வரர் கோவிலில் தெப்ப திருவிழா கோலாகலம்
News Detail திருவாலங்காடு: வடாரண்யேஸ்வரர் கோவிலில், நேற்று, கார்த்திகை மாத தெப்பத் திருவிழா கோலாகலமாக நடந்தது. திருத்தணி முருகன் கோவிலின் துணை கோவிலான, திருவாலங்காடு, வடாரண்யேஸ்வரர் சுவாமி கோவிலில், நேற்று, கார்த்திகை மாதம், சுவாதி நட்சத்திரத்தை முன்னிட்டு, தெப்ப திருவிழா நடந்தது. விழாவையொட்டி, காலை, 10:00 மணிக்கு, மூலவருக்கு சிறப்பு அபிஷேகம், அலங்காரம் மற்றும் தீபாராதனை நடந்தது. தொடர்ந்து, மாலை, 4:30 மணிக்கு, உற்சவர் கோவிலில் இருந்து, சிறப்பு அலங்காரத்தில் ஊர்வலமாக புறப்பட்டு, கோவில் மாடவீதிகள் வழியாக, இரவு, 7:00 மணிக்கு, கோவிலின் பின்புறம் உள்ள ஆலங்காட்டீசர் சென்றாடு தீர்த்த குளத்திற்கு வந்தார்.பின், அலங்கரிக்கப்பட்ட தெப்பத்தில், உற்சவர் வண்டார் குழலியம்மன் உடனுறை வடாரண்யேஸ்வர சுவாமி சிறப்பு அலங்காரத்தில், எழுந்தருளினார். தொடர்ந்து, பக்தி இன்னிசை கச்சேரியுடன் உற்சவ பெருமான், மூன்று முறை குளத்தில் வலம் வந்து, பக்தர்களுக்கு அருள்பாலித்தார். நிகழ்ச்சியில், ஆயிரக்கணக்கான பக்தர்கள் வழிபட்டனர்.
Shared By giridharan (309)
News Url http://temple.dinamalar.com/news_detail.php?id=74673

15 Dec 2017 - அமர்நாத் பனிலிங்க கோவிலில் மணியடிக்க தடை

News Title அமர்நாத் பனிலிங்க கோவிலில் மணியடிக்க தடை
News Detail புதுடில்லி: அமர்நாத் பனிலிங்க கோவிலில் மணியடிக்கவும், பக்தர்கள், மந்திர கோஷங்கள் எழுப்பவும், தேசிய பசுமை தீர்ப்பாயம் தடை விதித்துள்ளது. ஜம்மு - காஷ்மீர் மாநிலத்தில் அமைந்துள்ள அமர்நாத் குகை கோவிலில், ஆண்டுதோறும், ஜூன் முதல் ஆகஸ்ட் வரை, பனி லிங்கம் உருவாகிறது. இதை தரிசிக்க, நாடு முழுவதிலும் இருந்து பக்தர்கள் வருகின்றனர். இங்கு, தேவையான உள்கட்டமைப்பு வசதிகள் செய்யப்படாததால், அமர்நாத் யாத்திரை மேற்கொள்ளும் பக்தர்கள், உயிரிழக்க நேரிடுகிறது என, என்.ஜி.டி., எனப்படும், தேசிய பசுமை தீர்ப்பாயத்தில் புகார் செய்யப்பட்டது. இந்த புகாரை விசாரித்த, என்.ஜி.டி., பக்தர்களுக்கு தேவையான உள்கட்டமைப்பு வசதிகளை செய்து தர தவறியதற்காக, அமர்நாத் கோவில் வாரியத்துக்கு கடும் கண்டனம் தெரிவித்தது. பக்தர்கள் இறப்பதை தடுக்க, உள்கட்டமைப்பு வசதிகளை மேம்படுத்த வேண்டும் என, ௨௦௧௨ல், உச்ச நீதிமன்றம் உத்தரவிட்டதை நிறைவேற்றாததற்கும், கண்டனம் தெரிவித்த, என்.ஜி.டி., இது குறித்து அறிக்கை தாக்கல் செய்ய, அமர்நாத் கோவில் வாரியத்துக்கு உத்தரவிட்டது. இதையடுத்து, அமர்நாத் கோவில் வாரியம், என்.ஜி.டி.,யிடம் அறிக்கை தாக்கல் செய்தது. இந்நிலையில், இந்த வழக்கு விசாரணை, நீதிபதி, ஸ்வதேந்திர குமார் தலைமையிலான அமர்வு முன், நேற்று நடந்தது. நீதிபதிகள் பிறப்பித்த உத்தரவு:அமர்நாத் குகை கோவிலுக்கு செல்லும் பக்தர்கள், தங்களின் மொபைல் மற்றும் உடைமைகளை, கடைசி சோதனைச் சாவடியில் ஒப்படைக்க வேண்டும். பக்தர்களின் பொருட்களை வைக்க, தனி கட்டடத்தை, அமர்நாத் கோவில் வாரியம் கட்ட வேண்டும்.கடைசி சோதனைச் சாவடியிலிருந்து, ஒரே வரிசையில் தான், கோவிலுக்கு, பக்தர்கள் நடந்து செல்ல வேண்டும். கோவிலில் மணியடிக்கவோ, பக்தர்கள் மந்திர கோஷங்கள் எழுப்பவோ, தடை விதிக்கப்படுகிறது. இந்த உத்தரவுகளை, அமர்நாத் கோவில் வாரியம் அமல்படுத்த வேண்டும்.இவ்வாறு நீதிபதிகள் கூறினர்
Shared By giridharan (309)
News Url http://temple.dinamalar.com/news_detail.php?id=74626

15 Dec 2017 - தமிழக கோவில் சொத்துக்கள் வாயிலாக ரூ.838 கோடி வருவாய்

News Title தமிழக கோவில் சொத்துக்கள் வாயிலாக ரூ.838 கோடி வருவாய்
News Detail கோவில் சொத்துக்கள் வாயிலாக, ஆறு ஆண்டுகளில், 838 கோடி ரூபாய் வருவாய் கிடைத்துள்ளது. சொத்துக்களை பாதுகாக்க, பிற துறைகளின் ஒத்துழைப்பு தேவை என, அறநிலையத்துறை தெரிவித்துள்ளது. தமிழக கோவில்களின் சொத்துக்கள் தொடர்பாக, அறநிலையத் துறை வெளியிட்டுள்ள அறிக்கை: அறநிலையத் துறை கட்டுப்பாட்டில், 38 ஆயிரத்து, 685 கோவில்கள் உள்ளன. இவற்றுக்கு சொந்தமாக, 4.80 லட்சம் ஏக்கர் நிலம் உள்ளது. சொத்துக்களை பெருக்கும் வகையில், 22 ஆயிரத்து, 600 கட்டடங்கள், 33 ஆயிரத்து, 665 மனைகள் குத்தகைக்கு விடப்பட்டுள்ளன. மீதமுள்ள இடங்கள், 1.23 லட்சம் விவசாயிகளுக்கு குத்தகைக்கு விடப்பட்டுள்ளன. இதன்படி, ஆறு ஆண்டுகளில், கோவில்களுக்கு, 838 கோடி ரூபாய் வருவாய் கிடைத்து உள்ளது. கோவில்களின் விவசாய நிலங்கள், வாடகை நிலுவை தொடர்பான வழக்குகளை முடிக்க, 1961 முதல், தனி ஆட்சியர் தலைமையில், தமிழகத்தில், 10 இடங்களில், வருவாய் நீதிமன்றங்கள் செயல்பட்டு வருகின்றன. இவற்றின் வாயிலாக, 9,629 வழக்குகளுக்கு தீர்வு காணப்பட்டுள்ளன. தனியாரின் பிடியில் இருந்த, 5,559 ஏக்கர் நிலம் கண்டறியப்பட்டு, மீண்டும் கோவில் பெயரில், பட்டா மாற்றம் செய்யப்பட்டுள்ளது. 2,887 கோடி ரூபாய் மதிப்பிலான நிலம், மனை, கட்டடங்கள் மீட்கப் பட்டுள்ளன. அறநிலையத் துறையின் முயற்சிகளுக்கு, வருவாய், சுற்றுலா, காவல் துறை உள்ளிட்ட பல துறைகளின் ஒத்துழைப்பு கிடைத்தால் தான், கோவில் சொத்துக்களை முழுமையாக பாதுகாக்க முடியும். இவ்வாறு அறநிலையத் துறை தெரிவித்துள்ளது.
Shared By giridharan (309)
News Url http://temple.dinamalar.com/news_detail.php?id=74644

14 Dec 2017 - சோழபுரத்தில் புதையுண்ட 12ம் நூற்றாண்டு கோயில்

News Title சோழபுரத்தில் புதையுண்ட 12ம் நூற்றாண்டு கோயில்
News Detail சிவகங்கை: சிவகங்கை அருகே சோழபுரத்தில் புதையுண்ட 12 ம் நூற்றாண்டு கோயிலை தொல்லியல்துறையினர் பாதுகாக்க வேண்டுமென, கோரிக்கை எழுந்துள்ளது. இந்த ஊரில் சோழ மன்னர் தங்கியிருந்தபோது, வழிபாட்டிற்காக சிவலிங்கம் ஒன்றை நிறுவினார். இதனால் சோழபுரம் எனப் பெயர்பெற்றது. இங்கு புகழ்பெற்ற அருள்மொழி நாதர், அறம்வளர்த்த நாயகி அம்மன் கோயில் உள்ளது. இக்கோயில் பின்புறம் வடைகரை காளியம்மன் கோயில் செல்லும் வழியில் பழமையான கோயில் மண்ணில் புதையுண்டும், சிதிலமடைந்த நிலையில் உள்ளது. இக்கோயிலில் சுவாமி சிலை எதுவும் இல்லை. கோயில் சுவர்களில் ஏராளமான கல்வெட்டுகள் உள்ளன. இதில் 12 ம் நூற்றாண்டு பாண்டியர் காலத்து கல்வெட்டுகளும், 13 ம் நூற்றாண்டு சோழர் காலத்து கல்வெட்டுகளும் கலந்து காணப்படுகின்றன. சமீபகாலமாக கோயில் சுவர்களில் இருந்து, கற்கள் பெயர்ந்து கீழே விழுந்து வருகின்றன. கல்வெட்டுகளை தொல்லியல்துறையினர் முழுமையாக ஆய்வு செய்தால் கோயில் விபரம், மற்றும் தானம், சொத்துக்கள் குறித்து அறியலாம். சோழபுரம் சுப. சண்முகசுந்தரம் கூறுகையில், இதனை ஓட்ட மண்டபம் என்று கூறுவோம். அந்த காலத்தில் வேட்டையாட வரும் மன்னர்கள் இந்த மண்டபத்தில் தங்கி செல்வதாக கூறுவர். சிலர் கோயில் என்றும் கூறுகின்றனர். முழுமையாக எங்களுக்கு தெரியவில்லை,” என்றார். தொல்லியல்துறையினர் கூறியதாவது: தகவல் அறிந்து கோயிலை கல்வெட்டுகளை ஆய்வு செய்தோம். அவை 12 மற்றும் 13 ம் நூற்றாண்டு பாண்டியர், சோழர் காலத்து கல்வெட்டுகள். பத்துக்கும் மேற்பட்ட கல்வெட்டுகள் உள்ளன. அவை மாறி, மாறியுள்ளதால் படிப்பதில் சிரமம் உள்ளது. முதற்கட்டமாக அவற்றை படி எடுத்துள்ளோம். அவற்றை வாசிக்க நடவடிக்கை எடுத்து வருகிறோம். அப்போது கோயில் குறித்த முழுமையான விபரம் கிடைக்கும், என்றனர்.
Shared By giridharan (309)
News Url http://temple.dinamalar.com/news_detail.php?id=74629

14 Dec 2017 - திருவண்ணாமலை மஹா தீப கொப்பரை மலையிலிருந்து இறக்கம்

News Title திருவண்ணாமலை மஹா தீப கொப்பரை மலையிலிருந்து இறக்கம்
News Detail திருவண்ணாமலை: திருவண்ணாமலை, அருணாசலேஸ்வரர் கோவிலில், மலை உச்சியில் ஏற்றப்பட்ட மஹா தீப கொப்பரை, நேற்று காலை கீழே இறக்கப்பட்டு, சிறப்பு பூஜை செய்யப்பட்டது. திருவண்ணாமலை, அருணாசலேஸ்வரர் கோவிலில், கார்த்திகை தீபத் திருவிழா, நவ., 23ல் கொடியேற்றத்துடன் துவங்கியது. 2ம் தேதி, 2,668 அடி உயர மலை உச்சியில், மஹா தீபம் ஏற்றப்பட்டு, தொடர்ந்து, 11 நாள் எரிந்தது. இதை, 40 கி.மீ., வரை பக்தர்கள் கண்டு, தினமும் வீடுகளில் தீபம் ஏற்றி வழிபட்டு வந்தனர். நேற்று முன்தினம் இரவுடன், மஹா தீபம் நிறைவடைந்தது. நேற்று காலை, மலை உச்சியிலிருந்து மஹா தீப கொப்பரை இறக்கப்பட்டு, அருணாசலேஸ்வரர் கோவிலிற்கு கொண்டு வரப்பட்டது. அங்கு, ஆயிரங்கால் மண்டபத்தில், சிறப்பு பூஜை செய்யப்பட்டது. தொடர்ந்து, தீப கொப்பரையில் இருந்து சேகரிக்கப்படும் தீப மை பிரசாதம், திருவாதிரை நட்சத்திரத்தன்று நடராஜருக்கு முதலில் சாற்றப்பட்டு, பின், பக்தர்களுக்கு வினியோகம் செய்யப்பட உள்ளது. நெய் காணிக்கை செலுத்திய அனைத்து பக்தர்களுக்கும், தீப மை பிரசாதம் இலவசமாக வழங்கப்பட உள்ளது.நெய் காணிக்கை செலுத்தாத பக்தர்கள், பாக்கெட்டில் அடைக்கப்பட்டு, கோவில் நிர்வாகம் சார்பில், 10 ரூபாய்க்கு விற்கப்படும் தீப மை பிரசாதத்தை பெற்று கொள்ளலாம்.
Shared By giridharan (309)
News Url http://temple.dinamalar.com/news_detail.php?id=74632

14 Dec 2017 - திருத்தணி கோவில் ராஜகோபுரம் பணி, ’விறுவிறு’

News Title திருத்தணி கோவில் ராஜகோபுரம் பணி, ’விறுவிறு’
News Detail திருத்தணி: திருத்தணி முருகன் கோவிலில், ராஜகோபுரம் கட்டும் பணிகள், ஒன்பது நிலைகள் முடிந்து, மீதமுள்ள பணிகள் துரித வேகத்தில் நடந்து வருகின்றன. அடுத்த ஆண்டு ஆகஸ்டிற்குள், ராஜகோபுரம் பணிகள் முழுமையாக நடந்து, கோவில் கும்பாபிஷேகம் நடத்தவும் திட்டமிடப்பட்டுள்ளது. அறுபடை வீடுகளில், ஐந்தாம் படை வீடாக, திருத்தணி முருகன் கோவில் விளங்குகிறது. இக்கோவிலுக்கு தமிழகம், ஆந்திரா, கர்நாடகா மற்றும் புதுச்சேரி உட்பட பல்வேறு மாநில பக்தர்கள், வந்து செல்கின்றனர். தினமும், 25 ஆயிரத்திற்கும் மேற்பட்ட பக்தர்கள் மலைக்கோவிலுக்கு வந்து, மூலவரை தரிசிக்கின்றனர். இந்நிலையில், முருகன் கோவிலுக்கு, ராஜகோபுரம் அமைக்கும் பணி, 2009 நவ., 18ல், இந்து அறநிலைய துறை அனுமதியுடன் ஆரம்பிக்கப்பட்டது. 25 அடிக்கு அடித்தளம், 11 அடிக்கு கல்ஹாரம், 122 அடி உயரத்திற்கு, ஒன்பது நிலை ராஜகோபுரத்துக்கான அடிக்கல் நடப்பட்டது. கடந்த, 2011க்குள் முடிக்க திட்டமிட்டிருந்த ராஜகோபுர பணிகள், பல்வேறு பிரச்னைகளால், கிடப்பில் போடப்பட்டன. ஏழு ஆண்டுகளுக்கு பின், ஏப்ரல்- - மே மாதத்தில் மீண்டும் ராஜகோபுர பணிகள் துவங்கின. ராஜகோபுர பணிகள், தற்போது துரித வேகத்தில் நடந்து வருகின்றன. தற்போது, ஒன்பது நிலை கோபுரங்கள் அமைக்கும் பணிகள் முடிந்துள்ளன. இது குறித்து, கோவில் அதிகாரி ஒருவர் கூறியதாவது: கல்ஹாரத்தின் மீது, ஒன்பது நிலை கோபுரங்கள் கட்டும் பணி, கடந்த மாதம் முடிவடைந்தது. தற்போது, ராஜகோபுரத்திற்கு வர்ணம் பூசும் பணியும் பொம்மைகள் அமைக்கும் பணியும் துரித வேகத்தில் நடந்து வருகின்றன. இப்பணிகளை, ஆறு மாதத்தில் முடிக்க திட்டமிட்டுள்ளோம். அடுத்த ஆண்டு ஆகஸ்டிற்குள், ராஜகோபுரம் பணிகள் முழுமையாக நடந்து, கோவில் கும்பாபிஷேகம் நடத்தவும் திட்டமிடப்பட்டுள்ளது. இவ்வாறு அவர் கூறினார்.
Shared By giridharan (309)
News Url http://temple.dinamalar.com/news_detail.php?id=74636

07 Dec 2017 - மார்கழி மாத ஞாயிற்றுக் கிழமைகளில் நவகைலாய சிறப்புச் சேவை பேருந்துகள் இயக்கம்

News Title மார்கழி மாத ஞாயிற்றுக் கிழமைகளில் நவகைலாய சிறப்புச் சேவை பேருந்துகள் இயக்கம்
News Detail மார்கழி மாத ஞாயிற்றுக் கிழமைகளில் நவகைலாய சிறப்புச் சேவை பேருந்துகள் இயக்கபடுகிறது (17.12.2017, 24.12.2017, 31.12.2017, 07.01.2018)
Shared By Rajesh rao (3)
News Url https://www.shaivam.org/news-shaivam-related-news-from-media

01 Dec 2017 - உலகம்பட்டியில் 3 கோயில்கள் கும்பாபிஷேகம்

News Title உலகம்பட்டியில் 3 கோயில்கள் கும்பாபிஷேகம்
News Detail சிங்கம்புணரி, சிங்கம்புணரி அருகே எஸ்.புதுார் ஒன்றியம் உலகம்பட்டியில் பழமை வாய்ந்த 3 கோயில்களின் கும்பாபிஷேகம் நடந்தது. இங்குள்ள விநாயகர் கோயில், உலகநாயகி உடனுறை உலகநாத சுவாமி கோயில், ஞானியார் மடம் தண்டாயுதபாணி கோயில் ஆகியவற்றில் திருப்பணிகள் செய்யப்பட்டன. இதைத்தொடர்ந்து நவ.28ல் யாகசாலை பூஜைகள் தொடங்கின. நேற்று இக்கோயில்களின் கும்பாபிஷேகம் நடந்தது. காலை 8:30 மணியளவில் விநாயகர் கோயிலிலும், 9:30 மணியளவில் உலகநாத சுவாமி கோயிலிலும், 10:40 மணியளவில் ஞானியார் மடம் தண்டாயுதபாணி கோயிலிலும் கும்பாபிஷேகம் நடந்தது. தேவகோட்டை ராமநாதன் குழுவினர் வர்ணனை செய்தனர். விழாவில் நகரத்தார் தலைவர் பாண்டியன், செயலாளர் சுப்பையா, பொருளாளர் மீனாட்சிசுந்தரம், உயர்நீதிமன்ற முன்னாள் நீதிபதி சொக்கலிங்கம், திருப்பத்துார் எம்.எல்.ஏ., பெரியகருப்பன், ஆந்திரா மாநில போலீஸ் ஏ.டி.ஜி.பி., கிஷோர்குமார் உள்ளிட்டோர் பங்கேற்றனர்.
Shared By giridharan (309)
News Url http://temple.dinamalar.com/news_detail.php?id=74219

01 Dec 2017 - திருவண்ணாமலையில் நாளை மஹா தீபம் ஏற்றம்

News Title திருவண்ணாமலையில் நாளை மஹா தீபம் ஏற்றம்
News Detail திருவண்ணாமலை: திருவண்ணாமலையில், அண்ணாமலையார் மலை உச்சியில் நாளை மஹாதீபம் ஏற்றப்படுகிறது. திருவண்ணாமலை அருணாசலேசுவரர் கோவிலில், தீபத்திருவிழா கடந்த, 23ல் கொடியேற்றத்துடன் துவங்கியது. இதில் முக்கிய நிகழ்வான மஹாதீபம், நாளை ஏற்றப்பட உள்ளது.
Shared By giridharan (309)
News Url http://temple.dinamalar.com/news_detail.php?id=74209

01 Dec 2017 - திருவாலீஸ்வரர் கோவில் புனரமைக்கப்படுமா?

News Title திருவாலீஸ்வரர் கோவில் புனரமைக்கப்படுமா?
News Detail திருக்கழுக்குன்றம் : மிகவும் பழுதடைந்து காணப்படும், நெரும்பூர் திருவாலீஸ்வரர் கோவிலை புனரமைக்க, அறநிலைய துறை நிர்வாகம் முன்வர வேண்டும் என, கோரிக்கை விடுக்கப்பட்டுள்ளது. திருக்கழுக்குன்றம் அடுத்த நெரும்பூர் கிராமத்தில், 900 ஆண்டுகளுக்கு மேல், பழமை வாய்ந்த திருவாலீஸ்வரர் கோவில் உள்ளது. கி.பி., 11ம் நுாற்றாண்டில், முதலாம் ராஜேந்திர சோழன் காலத்தில் கட்டப்பட்டதாக கூறப்படுகிறது. இந்து அறநிலையத் துறை கட்டுப்பாட்டில் உள்ள இக்கோவில், 60 ஆண்டுகளுக்கும் மேலாக, பழுதடைந்து காணப்படுகிறது. கருங்கற்களால் கட்டப்பட்ட இக்கோவிலின் சுற்றுப்பகுதி மற்றும் ராஜகோபுரம் உள்ளிட்டவற்றில் செடிகள் வளர்ந்து, விரிசல் ஏற்பட்டுள்ளது. இதே நிலை நீடித்தால், இக்கோவில் முழுமையாக சீரழிந்து விடும் என, பக்தர்கள் கூறுகின்றனர்.இந்து அறநிலையத்துறை அதிகாரிகள், இக்கோவிலை புனரமைக்க வேண்டும் என, பொதுமக்கள் மற்றும் பக்தர்கள் கோரியுள்ளனர்.
Shared By giridharan (309)
News Url http://temple.dinamalar.com/news_detail.php?id=74220

01 Dec 2017 - பாகூர் மூலநாதர் கோயில் கும்பாபிஷேகம்

News Title பாகூர் மூலநாதர் கோயில் கும்பாபிஷேகம்
News Detail புதுச்சேரி பாகூர் கிராமத்தில் 1400 ஆண்டுகள் பழமை வாய்ந்த சிவன் கோயில் சோழர்களால் கட்டப்பட்டது. தற்போது தொல்லியல் து றை கட்டுப்பாட்டில் உள்ளது. வேதநாயகி சமேத மூலநாதராக அருள்பாலிக்கும் இந்த திருக்கோயில் கடந்த 2002 ஆண்டு குடமுழக்கு நடந்தது. தற்போது பழமை மாறாமல் புனரமைக்கப்பட்டு 30.11.2017. காலை 9.30மணிக்கு சிவாச்சாரியர்களால் கும்பாபிஷேகம் நடந்தது. முன்னதாக யாக சாலையில் இருந்து புனித கலசங்கள் புறப்பட்டு மூலவர் கலசம் மற்றும் ராஜகோபுரம்,மற்ற சன்னதிகளுகு்கு புனித நீர் ஊற்றப்பட்டது. பக்தர்கள் சமச்சிவாய கோஷம் முழந்த சிறப்பாக நடந்தது.
Shared By giridharan (309)
News Url http://temple.dinamalar.com/news_detail.php?id=74221

01 Dec 2017 - நாமக்கல் ஏகாம்பரேஸ்வரர் கோவில் ஆண்டு விழா கோலாகலம்

News Title நாமக்கல் ஏகாம்பரேஸ்வரர் கோவில் ஆண்டு விழா கோலாகலம்
News Detail நாமக்கல்: நாமக்கல், தட்டாரத்தெரு, ஏகாம்பரேஸ்வரர், காமாட்சியம்மன் கோவிலில், ஒன்பதாம் ஆண்டு விழா நடந்தது. இதை முன்னிட்டு, நேற்று முன்தினம் காலை, 6:00 மணிக்கு, மோகனூர் காவிரி ஆற்றில் இருந்து, தீர்த்தம் எடுத்து வரப்பட்டது. மாலை, 6:30 மணிக்கு, விக்னேஸ்வர பூஜை, முதல் கால யாக பூஜை, தீபாராதனை, நேற்று காலை, 7:00 மணிக்கு இரண்டாம் கால யாக பூஜை, வேத பாராயணம், துர்கா, லட்சுமி, சரஸ்வதி ஹோமம் நடந்தது. தொடர்ந்து, கடம் புறப்பாடு நடந்து சுவாமி, அம்மனுக்கு பால், பஞ்சாமிர்தம், தயிர், குங்குமம், தேன், இளநீர், மஞ்சள், சந்தனத்துடன் அபி ?ஷகம் நடந்து, தீபாராதனை செய்யப்பட்டது. மாலை, 6:00 மணிக்கு சுவாமிகள் திருவீதி உலா சென்று, பக்தர்களுக்கு அருள் பாலித்தனர். சுற்றுவட்டாரத்தைச் சேர்ந்த ஏராளமான பக்தர்கள் பங்கேற்றனர். ஏற்பாடுகளை, விழா குழுவினர், பக்தர்கள் செய்திருந்தனர்.
Shared By giridharan (309)
News Url http://temple.dinamalar.com/news_detail.php?id=74235

Nov 2017

30 Nov 2017 - திருவண்ணாமலையில் குதிரை வாகனத்தில் சுவாமி வீதி உலா.

News Title திருவண்ணாமலையில் குதிரை வாகனத்தில் சுவாமி வீதி உலா.
News Detail திருவண்ணாமலையில் குதிரை வாகனத்தில் சுவாமி வீதி உலா. பக்தர்கள் தரிசனம்
Shared By vaan (17)
News Url http://temple.dinamalar.com/news_detail.php?id=74208

30 Nov 2017 - கார்த்திகை தீபத்தை முன்னிட்டு அகல் விளக்குகள் விற்பனை சூடி பிடித்தது.

News Title கார்த்திகை தீபத்தை முன்னிட்டு அகல் விளக்குகள் விற்பனை சூடி பிடித்தது.
News Detail
Shared By vaan (17)
News Url http://temple.dinamalar.com/news_detail.php?id=74181

30 Nov 2017 - திருப்பரங்குன்றம் கோயிலில் சைவ சமய ஸ்தாபித வரலாற்று லீலை

News Title திருப்பரங்குன்றம் கோயிலில் சைவ சமய ஸ்தாபித வரலாற்று லீலை
News Detail திருப்பரங்குன்றம், திருப்பரங்குன்றம் சுப்பிரமணிய சுவாமி கோயிலில் கார்த்திகை திருவிழா ஆறாம் நாளான நேற்று சைவ சமய ஸ்தாபித வரலாற்று லீலை நிகழ்ச்சி நடந்தது. வெள்ளி ரிஷப வாகனத்தில் கோவர்த்தனாம்பிகை அம்பாள், தங்க மயில் வாகனத்தில் சுவாமி, தெய்வானை, மற்றொரு வெள்ளி ரிஷப வாகனத்தில் சத்தியகிரீஸ்வரர், பிரியாவிடை, பல்லக்கில் சீவிலிநாயகர், திருஞான சம்பந்தர் 16 கால் மண்டபம் முன்பு எழுந்தருளினர். அங்கு சைவ சமய ஸ்தாபித வரலாற்று லீலை முடிந்து, புராண கதையை பக்தர்களுக்கு கோயில் ஓதுவார் கூறினார். இன்று (நவ.,30) காலை கங்காளநாதர் சுவாமி, காமதேனு வாகனத்தில் சுவாமி, தெய்வானை, பல்லக்கில் நடராஜமூர்த்தி, சிவகாமி அம்பாள் புறப்பாடும், இரவு ரத்ன சிம்மாசனத்தில் சுவாமி, தெய்வானை புறப்பாடும் நடக்கிறது. மகா தீபம் எட்டாம் நாள் திரு விழாவாக டிச., 1 இரவு 7:00 மணி, கோயில் திருவாட்சி மண்டபம் ஆறுகால் பீடத்தில் சுவாமிக்கு பட்டாபிஷேகமும், டிச., 2 காலையில் சிறிய வைர தேரோட்டமும், மாலை 6:15 மணிக்கு மலைமேல் மகா தீபமும், டிச.,3ல் தீர்த்த உற்ஸவமும் நடக்கிறது.
Shared By giridharan (309)
News Url http://temple.dinamalar.com/news_detail.php?id=74171

16 Nov 2017 - Live Darshana Shree Omkareshwar Jyotirlinga

News Title Live Darshana Shree Omkareshwar Jyotirlinga
News Detail Om Namah Sivay..Enjoy Live Darshan of Shree Om Kareshwar Jyotirlinga Khandwa MP Pleas install Adobe Flash Play to watch uninterruptedly.
Shared By Vinodchandra Gundarwala (3)
News Url http://shriomkareshwar.org/HLiveDarshan.aspx

16 Nov 2017 - Live Darshan of Shree Somnath Jyotirlinga

News Title Live Darshan of Shree Somnath Jyotirlinga
News Detail OM Naham Sivaya..
Shared By vinod gundarwala (3)
News Url http://www.somnath.org/home/live-darshan

16 Nov 2017 - Live darshana of Shree Mahakalesharji

News Title Live darshana of Shree Mahakalesharji
News Detail Please enjoy live Darshan of Shree Mahakaleshwarjii .. Ujjain..
Shared By vinod gundarwala (3)
News Url http://dic.mp.nic.in/ujjain/mahakal/common_forms/live_darshan_flash.aspx

15 Nov 2017 - திருநெல்வேலி நெல்லையப்பர் கோயிலில் திருக்கல்யாண விழா

News Title திருநெல்வேலி நெல்லையப்பர் கோயிலில் திருக்கல்யாண விழா
News Detail திருநெல்வேலி: திருநெல்வேலி நெல்லையப்பர் கோயிலில் திருக்கல்யாண விழா நடந்தது. காந்திமதியம்மன், சன்னதியில் கடந்த 3ம் தேதி காலை கொடியேற்றத்துடன் விழா துவங்கியது. தினமும் காலை, இரவில் அம்மன் நான்கு ரத வீதிகளிலும் உலா நடந்தது. நேற்றுமுன்தினம் கம்பா நதி காட்சி மண்டபத்தில் சுவாமி, அம்பாள் காட்சி கொடுக்கும் வைபவம் நடந்தது. அம்மன் சன்னதியில் நெல்லையப்பர், அம்மன் திருக்கல்யாணம் நடந்தது.காலை 9:30 மணிக்கு சுவாமி, அம்பாள் நான்கு ரதவீதிகளிலும் பட்டின பிரவேசம் வீதி உலா நடந்தது. நாளை 16ம் தேதி வரை அம்பாள் கோயில் ஊஞ்சல் மண்டபத்தில் அம்பாள் ஊஞ்சல் விழாவும், 17ம் தேதி இரவு சுவாமி,அம்பாள் ரிஷப வாகனத்தில் மறுவீடு பட்டினப் பிரவேசம் வீதி உலா நடக்கிறது.
Shared By Giridharan (309)
News Url http://temple.dinamalar.com/news_detail.php?id=73697

15 Nov 2017 - தஞ்சை பெரிய கோவில் கும்பாபிஷேகம் எப்போது?

News Title தஞ்சை பெரிய கோவில் கும்பாபிஷேகம் எப்போது?
News Detail தஞ்சாவூர்: தஞ்சாவூர், பெரிய கோவிலில் விரைவில் கும்பாபிஷேகம் நடைபெறும் என, எதிர்பார்க்கப்படுகிறது. தஞ்சை பெரிய கோவிலில், 1997 ஜூன், 9ல் கும்பாபிஷேகம் நடந்தது. 20 ஆண்டுகளை கடந்த பின்னும், மீண்டும் கும்பாபிஷேகம் நடைபெறவில்லை. 1997ல், கும்பாபிஷேகத்திற்காக அமைக்கப்பட்டிருந்த யாகசாலை பந்தலில் ஏற்பட்ட தீ விபத்தில், 50க்கும் மேற்பட்டவர்கள், கருகி பலியாகினர். இதனால், மீண்டும் கும்பாபிஷேகம் நடத்த யாரும் ஆர்வம் காட்டவில்லை எனவும், தொல்லியல் துறையின் கட்டுப்பாட்டில் உள்ளதால், அவர்கள் அனுமதிக்கு காத்திருப்பதாகவும் கூறப்படுகிறது. தேவஸ்தான அதிகாரி ஒருவர் கூறியதாவது: பெரிய கோவிலுக்கு கும்பாபிஷேகம் நடத்த வேண்டும் என, பொதுமக்கள், பக்தர்கள் வலியுறுத்தி வருகின்றனர். தற்போது, அதற்கான பணிகளை துவங்கி உள்ளோம். தொல்லியல் துறை அதிகாரிகளிடமும் பேசிஉள்ளோம். கோவிலில் தேங்கும் தண்ணீரை வெளியேற்ற வேண்டும்; பாசி படிந்துள்ள பகுதிகளை சுத்தம் செய்ய வேண்டும் என, 25க்கும் மேற்பட்ட கோரிக்கைகளை வைத்து உள்ளோம். தொல்லியல் துறை அதிகாரிகள் பரிசீலனை செய்து, விரைவில் அனுமதி வழங்குவர் என, எதிர்பார்க்கிறோம். இவ்வாறு அவர் கூறினார்.
Shared By giridharan (309)
News Url http://temple.dinamalar.com/news_detail.php?id=73699

15 Nov 2017 - ஹாசன் கோமதீஸ்வரர் அபிஷேகத்தை தரிசிக்க சிறப்பு கண்ணாடி

News Title ஹாசன் கோமதீஸ்வரர் அபிஷேகத்தை தரிசிக்க சிறப்பு கண்ணாடி
News Detail கோமதீஸ்வரர் அபிஷேகத்தை தரிசிக்க சிறப்பு கண்ணாடி : ஹாசன் மாவட்ட நிர்வாகம் துரித பணிகள் ஹாசன்: ஸ்ரவணபெலகோலா கோமதீஸ்வரர் மஹாமஸ்தாபிஷேகத்தை, பக்தர்கள் கண்டுகளிக்க, அதி நவீன தொழில்நுட்பங்கள் பயன்படுத்தப்படுகின்றன.ஹாசன் மாவட்டம், ஸ்ரவணபெலகோலாவிலுள்ள கோமதீஸ்வரர் உருவச்சிலைக்கு, 12 ஆண்டுகளுக்கு ஒரு முறை, மஹாமஸ்தாபிஷேகம் நடைபெறுவது வழக்கம். பிப்ரவரியில், மஹா மஸ்தாபிஷே கம் நடக்கவுள்ளது. இதற்கான முன்னேற்பாடுகள், துரிதமாக நடந்து வருகின்றன. சாலைகள் சீரமைக்கப்படுகின்றன; அபிவிருத்தி பணிகள் நடக்கின்றன. கோமதீஸ்வரர் உருவச்சிலைக்கு நடத்தப்படும் அபிஷேகத்தை, பக்தர்கள் தரிசனம் செய்வதற் காக, சிலையின் முன்பகுதியில், பிரம்மாண்ட மேடை அமைக்கப்படுகிறது. உலகின் வெவ்வே று நாடுகளிலிருந்தும், மஹா மஸ்தாபிஷேகத்தை காண, லட்சக்கணக்கானோர் ஸ்ரவண பெலகோலாவுக்கு, வருகை தருவர். ஆனால், 10 ஆயிரம் முதல், 12 ஆயிரம் வரையிலானோர் மட்டுமே, விந்திய கிரி மலையில் ஏறி, பார்வையாளர்கள் மாடத்தில், மஸ்தாபிஷேகத்தை காண முடிகிறது. இம்முறை விந்தியகிரி மலையில், 58 அடி உயரம் கொண்ட, கோமதீஸ்வரர் சிலைக்கு செய் யப்படும் அபிஷேகம், அதி நவீனமான, விர்சுவல் ரியாலிடி கண்ணாடி மூலமாக, நேரடி ஒளி பரப்பு செய்யப்படவுள்ளது. இதற்காக, 20 லட்சம் கண்ணாடிகள் வாங்கவும் ஆலோசிக்கிறது. இது தொடர்பாக, தனியார் நிறுவனங்களுடன், மாவட்ட நிர்வாகம் பேச்சு நடத்தி உள்ளது. பல நிறுவனங்கள், நேரடி ஒளிபரப்பு திட்டத்தில் பங்கேற்க, ஆர்வம் காண்பித்துள்ளன. இந்த தொழில்நுட்பத்தில், நேரடி ஒளி பரப்புவதற்கு வசதியாக இணைய தள சேவை வழங்கும் படி, பி.எஸ்.என்.எல்., நிறுவனத்திடம், ஹாசன் மாவட்ட நிர்வாகம் கோரிக்கை விடுத்துள்ளது. இணைய தள தொடர்பு, எவ்வித இடையூறும் இல்லாமல் கிடைத்தால், காட்சிகள், விர்சுவல் ரியாலிடி கண்ணாடி அணிந்தவர்களை, நொடி பொழுதில் சென்றடையும். இத்தகைய கண்ணாடி அணிந்தவர்களுக்கு, கோமதீஸ்வரர் சிலையின் தலை முதல், கால் வரை நடக்கும் அபிஷேகத்தை, நேரில் நின்று பார்த்த அனுபவம் கிடைக்கும்.
Shared By Giridharan (309)
News Url http://temple.dinamalar.com/news_detail.php?id=73703

14 Nov 2017 - நெல்லையப்பர் தபசுக்காட்சி

News Title நெல்லையப்பர் தபசுக்காட்சி
News Detail திருநெல்வேலி நெல்லையப்பர் கோயில் ஐப்பசி திருக்கல்யாண திருவிழா
Shared By vaan (17)
News Url http://temple.dinamalar.com/news_detail.php?id=73665

14 Nov 2017 - அருணாச்சலேச்சுரத்தில் அஷ்ட பந்தன மருந்து சேதம்

News Title அருணாச்சலேச்சுரத்தில் அஷ்ட பந்தன மருந்து சேதம்
News Detail திருவண்ணாமலை அருணாச்சலேஸ்வரர் திருக்கோயிலில் சுவாமிக்கு அதிகமாக அபிஷேகம் செய்யப்பட்டதால் அஷ்ட பந்தனம் சேதம்.
Shared By vaan (17)
News Url http://temple.dinamalar.com/news_detail.php?id=73667

12 Nov 2017 - சிலை கடத்தல் கும்பல் பட்டியல் தயாரிப்பு: ஐ.ஜி., பொன் மாணிக்கவேல் தகவல்

News Title சிலை கடத்தல் கும்பல் பட்டியல் தயாரிப்பு: ஐ.ஜி., பொன் மாணிக்கவேல் தகவல்
News Detail வேலூர்: ''சிலை கடத்தல் கும்பல் குறித்து பட்டியல் தயாரித்து, விசாரணை நடத்தப்படும்,'' என, ஜ.ஜி., பொன் மாணிக்கவேல் கூறினார்.
Shared By Ganesh (53)
News Url http://www.dinamalar.com/news_detail.asp?id=1895241

07 Nov 2017 - 100 சிலை கடத்தல் வழக்குகளில் துப்பு இல்லை: ஐ.ஜி., பொன்.மாணிக்கவேல் தகவல்

News Title 100 சிலை கடத்தல் வழக்குகளில் துப்பு இல்லை: ஐ.ஜி., பொன்.மாணிக்கவேல் தகவல்
News Detail திருச்சி: ''தமிழக சிலை கடத்தல் தடுப்புப் பிரிவிடம் ஒப்படைக்கப்பட்ட, 363 வழக்குகளில், 100 வழக்குகளில் துப்பு துலக்கப்படவில்லை,'' என, ஐ.ஜி., பொன்.மாணிக்கவேல் தெரிவித்தார்.
Shared By Ganesh (53)
News Url http://www.dinamalar.com/news_detail.asp?id=1891319

06 Nov 2017 - ரூ.7 கோடி மதிப்பு சிலைகளை விற்க முயன்ற 3 பேர் கைது: ஈரோட்டில் ஐ.ஜி., பொன் மாணிக்கவேல் அதிரடி

News Title ரூ.7 கோடி மதிப்பு சிலைகளை விற்க முயன்ற 3 பேர் கைது: ஈரோட்டில் ஐ.ஜி., பொன் மாணிக்கவேல் அதிரடி
News Detail ஈரோடு: மரகதலிங்கம் மற்றும் நந்தி சிலையை விற்க முயன்ற மூவரை, சிலை கடத்தல் தடுப்பு பிரிவு போலீசார், ஈரோட்டில் நேற்று கைது செய்தனர்.
Shared By Ganesh (53)
News Url http://www.dinamalar.com/news_detail.asp?id=1890749

03 Nov 2017 - திருநெல்வேலி நெல்லையப்பர் திருக்கோயில் ஐப்பசித்திருக்கல்யாண திருவிழா

News Title திருநெல்வேலி நெல்லையப்பர் திருக்கோயில் ஐப்பசித்திருக்கல்யாண திருவிழா
News Detail திருநெல்வேலி அருள்மிகு அன்னை காந்திமதிஅம்பாள் உடனுறை அருள்மிகு சுவாமி நெல்லையப்பர் திருக்கோயில் ஐப்பசித்திருக்கல்யாண திருவிழா இன்று - 3.11.2017( ஐப்பசி.17 )வெள்ளிக்கிழமை காலை 6.21.க்கு மேல் 6.51.க்குள் கொடியேற்றத்துடன் துவங்கியது.
Shared By giridharan (309)
News Url http://temple.dinamalar.com/news_detail.php?id=73375

03 Nov 2017 - கும்பகோணம் மகாமக குளக்கரையில் உள்ள 16 சோடசலிங்க சுவாமிகளுக்கு அன்னாபிஷேகம்

News Title கும்பகோணம் மகாமக குளக்கரையில் உள்ள 16 சோடசலிங்க சுவாமிகளுக்கு அன்னாபிஷேகம்
News Detail கும்பகோணம் மகாமக குளக்கரையில் உள்ள 16 சோடசலிங்க சுவாமிகளுக்கு அன்னாபிஷே கம் ஐப்பசி மாத பௌர்ணமியை முன்னிட்டு கும்பகோணம் மகாமக குளக்கரையில் எழுந்தரு ளியுள்ள 16 சோடசலிங்க சுவாமிகளுக்கு அன்னாபிஷேகம் நடைபெற்றது. தஞ்சாவூர் மாவட்டம் கும்பகோணம் மகாமக குளத்தை சுற்றிலும் 16 வகையான தானங்களை வலியுறுத்தும், வகையில் 16 மண்டபங்கள் அமைந்துள்ளன. இதில் ஒவ்வொரு மண்டபத்தி லும் பிரம்மதீர்ததேஸ்வரர், முக்தேஸ்வரர், தனேஸ்வரர், விருஷபேஸ்வரர், புரணேஸ்வரர், கோணேஷ்வரர், பக்திகேஸ்வரர், பைரவேஸ்வரர், அகஸ்தீஸ்வரர், வியாசகேஸ்வரர், உமா பாகேஸ்வரர், நிருதீஸ்வரர், பிரம்மேஸ்வரர், கங்காதேஸ்வரர், முக்ததீர்த்தேஸ்வரர், சேஷஸ் தரபாலேஸ்வரர் என மொத்தம் 16 சிவலிங்கள்கள் அமைந்துள்ளன. இவற்றை ஒருங்கிணை த்து சோடஷ மகாலிங்க சுவாமிகள் என அழைக்கப்படும். இத்தகைய சிறப்பு பெற்ற சோடஷ மாகலிங்க சுவாமிகள் 16க்கும் ஐப்பசி மாத பௌர்ணமியை முன்னிட்டு இன்று காலை எண் ணெய், அரிசிபொடி, மஞ்சள்பொடி, திரவியப்பொடி, பால், தயிர், இளநீர், தேன், பஞ்சாமிர்தம் என பலவித பொருட்களால் சிறப்பு அபிஷேகம் நடைபெற்றது. இறுதியாக தயிருடன் கலந்த அன்னத்தை கொண்டு சிவலிங்க மேனியில் அன்னாபிஷேகம் நடைபெற்றது. தொடர்ந்து சோடஷ மகாலிங்க சுவாமிக்கு அலங்காரங்கள் செய்யப்பட்டு மகாதீபாரதனை நடைபெற்றது. இத்தகையை அன்னாபிஷேகத்தில் சிவலிங்கத்தின் மீதுள்ள ஒவ்வொரு சோற்று பருக்கையும் ஒவ்வொரு சிவலிங்கமாக காட்சியளிப்பதாக ஐதீகம். அன்னாபிஷேகம் செய்யப்பட்ட சிவவலிங்கத்தை தரிசனம் செய்வதன் மூலம் ஒரே சமயத் தில் பல நூறு சிவலிங்கங்களை தரிசனம் செய்த பலன்கிட்டும் என்பது நம்பிக்கை. இத்தகையை அன்னாபிஷேகத்திற்கான ஏற்பாடுகளை அபிமுகேஸ்வரர் ஆலய கிருத்திகை வழிபாட்டு குழுவினர் செய்திருந்தனர். மகாமக குளக்கரையி்ல் உள்ள 16 மண்டபங்களும் நேற்று திறக்கப்பட்டது. இதில் நாள் முழுவதும் பக்தர்கள் தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=73392

03 Nov 2017 - ராமநாதபுரம் உத்தரகோசமங்கையில் பொலிவிழந்த மூலிகை ஓவியம்

News Title ராமநாதபுரம் உத்தரகோசமங்கையில் பொலிவிழந்த மூலிகை ஓவியம்
News Detail கீழக்கரை: ராமநாதபுரம் சமஸ்தானத்திற்கு பாத்தியப்பட்ட உத்தரகோசமங்கை மங்களநாதர் சமேத மங்களேஸ்வரி அம்மன் கோயில் பழமையான சிவாலயமாக விளங்குகிறது. பச்சை மரகத நடராஜர் சன்னதி, பிரகார மண்டபம், மங்களேஸ்வரி அம்மன் அர்த்த மண்டபம், முதல் பிரகாரத்தில் உள்ள தபசு மண்டபம் ஆகிய இடங்களில் மூலிகையால் வரையப்பட்ட வண்ண ஓவியங்கள் காண்போரின் மனதை கவர்வதாக அமைந்துள்ளது. கி.பி., 16ம் நூற்றாண்டின் தொடக்கத்தில் கிழவன் சேதுபதி ஆட்சிக்காலத்தில் வரையப்பட்ட இந்த மூலிகை ஓவியம், தற்போது பொலிவிழந்து, வண்ணங்கள் நிறம் குறைந்தும், சிதில மடைந்தும் காணப்படுகிறது. மரகத நடராஜரின் சன்னதி முன்பு 300 ஆண்டுகளுக்கு முன்பு வரையப்பட்ட 12 ராசிகள், நவ கிரகங்களின் உருவபடத்தின் வரிசைகள், உத்தரகோச மங்கை உருவான ஸ்தல வரலாறு குறித்த விஷயங்கள் ஓவிய வடிவில் தீட்டப்பட்டுள்ளது. தபசு மண்டபத்தில் அம்மன், எவ்வாறு சிவனை அடைய வேண்டி தாம் பட்ட கஷ்டங்கள், தவக் கோலங்கள் உள்ளது. உப்புக்காற்று, வாடைக்காற்று, சீதோஷ்ண நிலை இவற்றை பல் வேறு கால கட்டங்களை கடந்து வருகிறது. எனவே இந்துசமய அறநிலையத்துறையினர் கோயிலில் உள்ள மூலிகை ஓவியங்களை, பழமை மாறாமல் மீண்டும் புதுப்பொலிவு கிடைக்க ஆவண செய்ய வேண்டும் என பக்தர்கள் கோரிக்கை விடுத்துள்ளனர்.
Shared By Giridharan (309)
News Url http://temple.dinamalar.com/news_detail.php?id=73378

03 Nov 2017 - கூழம்பந்தல் சிவன் கோவிலில் உள்ள செடிகள் அகற்றப்படுமா?

News Title கூழம்பந்தல் சிவன் கோவிலில் உள்ள செடிகள் அகற்றப்படுமா?
News Detail கூழம்பந்தலில் உள்ள, 1,000 ஆண்டுகள் பழமையான சிவன் கோவிலில் முளைத்துள்ள செடிகளை அகற்ற வேண்டும் என, தொல்லியல் ஆர்வலர்கள் கோரிக்கை விடுத்துள்ளனர். காஞ்சிபுரம் மாவட்டம், வந்தவாசி நெடுஞ்சாலையில் உள்ள, கூழம்பந்தல் கிராமத்தில், 1,000 ஆண்டுகள் பழமையான சிவன் கோவில் உள்ளது. கூழம்பந்தல், ராஜேந்திர சோழனின் அரசியல் குருவான, ஈசான சிவபண்டிதரின் ஊர். ராஜேந்திர சோழன், கங்கையை வென்று திரும்பிய போது, அரியலூருக்கு அருகில், கங்கைகொண்ட சோழபுரம் என்னும் நகரத்தை நிர்மாணித்து, பிரகதீஸ்வரருக்கு, தஞ்சை பெரிய கோவி லைப்போல, கோவில் கட்டி, கங்கை நீரால், குடமுழுக்கு செய்தான். அவ்வூருக்கு, கங்கை கொண்ட சோழபுரம் என, பெயரிட்டான். ஈசான பண்டிதர், தன் ஊரிலும், அதே போல் கோவில் கட்ட வேண்டும் என, வேண்டினார். அதே போன்று, சிறிய கற்கோவிலை, ராஜேந்திரனும், அங்கு கட்டி, இறைவனுக்கு, கங்கை கொண்ட சோழீஸ்வரமுடையார் என்றும், அவ்வூருக்கு, கங்கைகொண்ட சோழபுரம் என்றும் பெயரிட்டார். அச்சிறப்பு மிக்க கோவில், சிதைந்திருந்தது. அதை, தமிழக தொல்லியல் துறை, பழமை மாறா மல் புதுப்பித்து, பாதுகாத்து வருகிறது. ஆனால், அதன் முகமண்டபக் கூரையில், ஆங் காங்கே, மரக்கன்றுகள் முளைத்துள்ளன. அதேபோல், அகழாய்வில் கிடைத்த, துர்க்கை சிலைகோவில் வளாகத்தில் கிடத்தப்பட்டுள்ளது. இது, பக்தர்களை வருத்தம் அடைய செய்து ள்ளது. இது குறித்து, தொல்லியல் ஆர்வலர்கள் கூறியதாவது: கங்கைகொண்ட சோழபுரம் என்னும் பழமையான ஊரில் உள்ள, பெருமாளுக்கு, கூழ் வார்த்து படைப்பதால், பிற்காலத்தில், கூழம்பந்தல் என, பெயர் மாறியது. அவ்வூர் சிவன் கோவில் சுவர், கூரைகளில் வளரும் செடிகள், கோவிலை பிளவு படுத்தி, சிதைவடைய செய்யும். அதனால், தொல்லியல் துறை, அவற்றை அகற்றி, ரசாயன கலவை தெளிக்க வேண்டும். அதேபோல், வளாகத்தில் கிடத்தப்பட்டுள்ள, துர்கை சிலைக்கு பீடம் அமைத்து, நிறுத்த வேண்டும். அப்போது தான் பாதுகாப்பாக இருக்கும்.இவ்வாறு அவர்கள் கூறினர்.
Shared By giridharan (309)
News Url http://temple.dinamalar.com/news_detail.php?id=73383

01 Nov 2017 - பொல்லாப்பிள்ளையார் கோவிலில் ராஜராஜ சோழனுக்கு சிறப்பு ஆராதனை

News Title பொல்லாப்பிள்ளையார் கோவிலில் ராஜராஜ சோழனுக்கு சிறப்பு ஆராதனை
News Detail காட்டுமன்னார்கோவில்: காட்டுமன்னார்கோவில் அடுத்த பொல்லாப்பிள்ளையார் கோவிலில் ராஜராஜ சோழன் பிறந்த நாள் விழாவை முன்னிட்டு அவரது சிலைக்கு சிறப்பு ஆராதனை நடந்தது. சிதம்பரம் அடுத்த திருநாரையூரில் உள்ள பொல்லாப்பிள்ளையார் சன்னதியில் நம்பியாண்டார் நம்பிகளின் அருகே ராஜராஜசோழனுக்கு திருவுருவச் சிலை நிறுவி பிறந்த விழா கொண்டாடப்பட்டு வருகிறது. நேற்று முன்தினம், ராஜராஜ சோழனின் 1032வது பிறந்த விழாவையொட்டி அவரது சிலைக்கு காலை சிறப்பு அபிஷேக ஆராதனை நடைபெற்றது. ஊர் முக்கியஸ்தர்கள் மற்றும் பொல்லாப் பிள்ளையார் அன்னதான ட்ரஸ்டி மற்றும் பொதுமக்கள் பள்ளி மாணவ, மாணவிகள் பங்கேற்றனர்.
Shared By giridharan (309)
News Url http://temple.dinamalar.com/news_detail.php?id=73326

01 Nov 2017 - Why Nepal has one of the world’s fastest-growing Christian populations

News Title Why Nepal has one of the world’s fastest-growing Christian populations
News Detail Famous for its high peaks and wind-whipped prayer flags, Hindu-majority Nepal used to be a nation unreached by Christianity.
Shared By vaan (17)
News Url https://bharatabharati.wordpress.com/2017/11/01/why-nepal-has-one-of-the-worlds-fastest-growing-christian-populations-danielle-preiss/

01 Nov 2017 - 7 மாநிலங்களில் வசிக்கும் இந்துக்களை சிறுபான்மையினராக அறிவிக்க மனு

News Title 7 மாநிலங்களில் வசிக்கும் இந்துக்களை சிறுபான்மையினராக அறிவிக்க மனு
News Detail ஏழு மாநிலங்கள் மற்றும் ஒரு யூனியன் பிரதேசத்தில் வசிக்கும் இந்துக்களை சிறுபான்மையினராக அறிவிக்கக் கோரி, உச்ச நீதிமன்றத்தில் மனு தாக்கல் செய்யப்பட்டுள்ளது.
Shared By vaan (17)
News Url http://www.dinamalar.com/news_detail.asp?id=1887047

Oct 2017

30 Oct 2017 - ராஜராஜசோழன் 1032வது சதய விழா: பிரகதீஸ்வருக்கு 48 பேரபிஷேகம்

News Title ராஜராஜசோழன் 1032வது சதய விழா: பிரகதீஸ்வருக்கு 48 பேரபிஷேகம்
News Detail தஞ்சாவூர்: தஞ்சாவூர் புகழ்பெற்ற பெரிய கோவிலை கட்டிய மாமன்னன் ராஜராஜ சோழன் 1032வது ஆண்டு சதய விழாவினை முன்னிட்டு,இரண்டாம் நாளான இன்று 48 வகையான பொருள்கள் கொண்டு பேரபிஷேகம் மற்றும் ராஜராஜ உருவ சிலைக்கு மாலை அணிவிப்பு நிகழ்ச்சி நடந்தது.
Shared By giridharan (309)
News Url http://temple.dinamalar.com/news_detail.php?id=73286

30 Oct 2017 - அறுபத்துமூவர் திருவீதி உலா: திரளான பக்தர்கள் தரிசனம்

News Title அறுபத்துமூவர் திருவீதி உலா: திரளான பக்தர்கள் தரிசனம்
News Detail சேலம்: சுப்ரமணியர் கோவிலில், அறுபத்துமூவர் திருவீதி உலா நடந்தது. சேலம், அம்மாபேட்டை, குமரகுரு சுப்ரமணியர் கோவிலில், அறுபத்துமூவர் திருவீதி உலா நேற்று நடந்தது. இதையொட்டி, காலையில், விநாயகர், 63 நாயன்மார், சிவன், பார்வதி ஆகியோருக்கு, சிறப்பு அபிஷேகம், ஆராதனை நடந்தது. மாலை, அறுபத்துமூன்று நாயன்மார்களின் திருவீதி உலா நடந்தது. அப்பர், சுந்தரர், சம்பந்தர், மாணிக்கவாசகர், சொக்கநாதர் தம்பதி உள்பட 63 நாயன்மார்கள், ஊர்வலமாக எடுத்து வரப்பட்டனர். கோவிலில் தொடங்கிய வீதி உலா, திரு.வி.க., பாதை, புகையிலை மண்டி, மிலிட்டரி சாலை வழியாக, மீண்டும் கோவிலை வந்தடைந்தது. இதில், ஏராளமான பக்தர்கள் சுவாமி தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=73280

30 Oct 2017 - Arunachal Pradesh: Aggressive proselytisation is killing indigenous faiths

News Title Arunachal Pradesh: Aggressive proselytisation is killing indigenous faiths
News Detail In August 2017 the Pema Khandu led BJP government in Arunachal Pradesh approved the establishment of the “Department of Indigenous Faith & Cultural Affairs” at a meeting chaired by the Chief Minister.
Shared By vaan (17)
News Url https://bharatabharati.wordpress.com/2017/10/30/arunachal-pradesh-aggressive-proselytisation-is-killing-indigenous-faiths-aravindan-neelakandan/

28 Oct 2017 - புதிய தீர்த்த கிணறு தோண்ட ராமேஸ்வரத்தில் பூமி பூஜை

News Title புதிய தீர்த்த கிணறு தோண்ட ராமேஸ்வரத்தில் பூமி பூஜை
News Detail ராமேஸ்வரம்: ராமேஸ்வரம் ராமநாதசுவாமி கோவிலில், ஆறு தீர்த்த கிணறுகள் இடமாற்றம் செய்து, புதிய தீர்த்த கிணறு தோண்ட பூமி பூஜை நடந்தது.ராமேஸ்வரம் கோவிலுக்குள் உள்ள, 22 தீர்த்தங்களில் நீராட, தினமும் ஏராளமான பக்தர்கள் வருகின்றனர். நெரிசலை சமாளிக்க, கோவில் நிர்வாகம், மகாலெட்சுமி, காயத்ரி, சாவித்திரி, சரஸ்வதி, சங்கு, சக்கர தீர்த்தம் ஆகிய, ஆறு தீர்த்த கிணறுகள் மூடப்படுவதாக அறிவித்தது. இதனால், பக்தர்கள், 22 தீர்த்தங்களில் நீராட முடியாமல் ஏமாற்றமடைந்தனர். இதை தவிர்க்க, ஆகம விதிப்படி, ஆறு தீர்த்த கிணறுகளை, கோவிலில் வேறு இடத்தில் மாற்றி வைக்க, உயர் நீதிமன்றம் மதுரை கிளை உத்தரவிட்டது. இந்நிலையில், கோவில், இரண்டாம் பிரகாரம் வடக்கு பகுதியில் புதிதாக, ஆறு தீர்த்த கிணறுகள் தோண்ட நேற்று, கோவில் குருக்கள் பூமி பூஜை செய்தனர். இது குறித்து, இணை ஆணையர், மங்கையர்கரசி கூறியதாவது: பக்தர்கள் வசதிக்காக, ஆகம விதிப்படி கோவிலில், ஆறு தீர்த்த கிணறுகள் இடமாற்றம் செய்து, புதிய தீர்த்த கிணறுகள், 12 லட்சம் ரூபாய் செலவில் தோண்டும் பணி துவங்கியது. மேலும், வடக்கு, தெற்கு ராஜகோபுரம், தீர்த்த கிணறுகள் சுற்றி டைல்ஸ் கற்கள் பதிக்கப்படும். இப்பணி, மூன்று மாதங்களுக்குள்முடியும்.இவ்வாறு அவர் கூறினார்.
Shared By giridharan (309)
News Url http://temple.dinamalar.com/news_detail.php?id=73221

24 Oct 2017 - ராமேஸ்வரம் கோயிலில் 6 தீர்த்த கிணறுகள் இடமாற்றம் : அக்.28ல்பூமி பூஜை

News Title ராமேஸ்வரம் கோயிலில் 6 தீர்த்த கிணறுகள் இடமாற்றம் : அக்.28ல்பூமி பூஜை
News Detail ராமேஸ்வரம்: ராமேஸ்வரம் கோயிலில் உயர்நீதிமன்றம் உத்தரவுப்படி 6 தீர்த்த கிணறுகள் இடமாற்றம் செய்து, ஆகம முறைப்படி புதிய கிணறு தோண்ட அக்.,28ல் பூமி பூஜை நடக்க உள்ளது. தீர்த்த தலமான ராமேஸ்வரம் ராமநாதசுவாமி கோயிலுக்குள் உள்ள 22 தீர்த்தங்களில் நீராடி, தரிசனம் செய்தால் பாவம் நீங்கி புண்ணியம் சேரும் என்பது ஐதீகம். அதன்படி பக்தர்கள் அக்னி தீர்த்த கடல், கோயிலில் உள்ள 22 தீர்த்தங்களை நீராட ஏராமான பக்தர்கள் வருவர். விழா, விடுமுறை காலங்களில் கூட்ட நெரிசலில் பக்தர்கள் சிக்கி சிரமப்படுகின்றனர்.இதனை தவிர்க்க கோயில் நிர்வாகம் 1 முதல் 6 தீர்த்த (மகாலட்சுமி, சாவித்திரி, காயத்திரி, சரஸ்வதி, சங்கு, சக்கரம் தீர்த்தங்கள்) கிணறுகளை மூடுகின்றனர். இதனால் 22 தீர்த்தத்தையும் நீராட முடியாமல் பக்தர்கள் ஏமாற்றத்துடன் திரும்பி செல்கின்றனர். பூமி பூஜை : செப்.17ல் ராமேஸ்வரம் கோயிலில் தீர்த்த கிணறுகளை ஆய்வு செய்த உயர்நீதிமன்றம் மதுரை கிளை நீதிபதிகள், 1 முதல் 6 தீர்த்தத்தை ஆகம முறைப்படி இடமாற்றம் செய்ய உத்தரவிட்டனர். அதன்படி கோயில் 2ம் பிரகாரம் வடக்கு பகுதியில் 6 தீர்த்தங்களை இடமாற்றம் செய்ய கோயில் நிர்வாகம் முடிவுசெய்தது. இதற்கு சிருங்கேரி பாரதி தீர்த்த சுவாமிகள், இந்து அறநிலைதுறை ஆணையரும் அனுமதி அளித்தனர்.அதன்படி அக்.,28 ல் கோயில் 2ம் பிரகார வடக்கு பகுதியில் 6 தீர்த்தங்களை இடமாற்றம் செய்து புதிய தீர்த்த கிணறுகள் தோண்ட கோயில் ஆகம முறைப்படி பூமி பூஜை நடக்க உள்ளது.
Shared By giridharan (309)
News Url http://temple.dinamalar.com/news_detail.php?id=73050

23 Oct 2017 - அழகு மிளிரும் விருதுநகர் தெப்பம்: கழிவுகளால் கலங்குது கண்கள்

News Title அழகு மிளிரும் விருதுநகர் தெப்பம்: கழிவுகளால் கலங்குது கண்கள்
News Detail விஷமிகளால் பாழ்: மழைநீர் சேகரிப்பு முன்னோடியான இந்த தெப்பத்தை இந்து நாடார்கள் அபிவிருத்தி பலசரக்குக்கடை மகமை சார்பில் துார்வாரி, சுத்தம் செய்யும் பணி கடந்த இரு மாதமாக நடந்து வருகிறது. தெப்பத்தை ஒரு குப்பை தொட்டி போல் சில விஷமிகள் பயன்படுத்தி உள்ளனர் என்பது தெரியவந்துள்ளது. மழைநீரை அரும்பாடுபட்டு தெப்பத்தில் சேகரித்து அதை மக்கள் பயன்படுத்தும் வகையில் செயல்படுத்திய விருதுநகர் நல் உள்ளங்களின் மனதை நோகடித்துள்ளனர். மழை நீர் சேமிப்பு என்பது நமது சந்ததியினருக்குதானே என்பதை அனைவரும் புரிய வேண்டும். புரிதல் இல்லாமல் கழிவுகளை கொட்டியிருப்பதை பார்க்கும் போது நமது கண்கள் கலங்குகின்றன.இனியாவது தெப்பத்தில் கழிவுகளை கொட்டாது ஒரு புண்ணிய தீர்த்தமாக பார்ப்போமே...தெய்வக்குற்றத்துக்கு ஆளாவர்: விருதுநகர் மாரியம்மன், வெயிலுகந்தம்மன் கோயில் பொங்கல்விழாவின்போது இந்த தெப்பக்குளம் தண்ணீரை தான் பெண்பக்தர்கள் பலிபீடத்தில் ஊற்றுகின்றனர். காளியம்மன்கோயில் உட்பட பல கோயில்களுக்கு புனிதநீர் இங்கு இருந்து தான் எடுத்து செல்கின்றனர். இந்த தெப்பத்தை அசுத்தப்படுத்தினால் தெய்வக்குற்றத்தை மக்கள் சந்திக்க வேண்டியதிருக்கும். தெப்பத்தை சுற்றிலும் நிழல் தரும் மரங்கள் உள்ளன. இதில் முதியவர்கள் இளைப்பாரிவிட்டு செல்கின்றனர். மழைநீர் சேகரிப்பு, மரம் வளர்ப்பு போன்றவை நடப்பதால் எந்த வெயில் காலத்திலும் இங்கு குளுமை குடிகொண்டிருக்கும். இதை உணராதவர்களே தெப்பத்தில் குப்பையை கொட்டுகின்றனர்.
Shared By giridharan (309)
News Url http://temple.dinamalar.com/news_detail.php?id=73034

22 Oct 2017 - பழநி மலையில் கஸ்தூரி: பக்தர்களுக்கு ஆசி வழங்குகிறது

News Title பழநி மலையில் கஸ்தூரி: பக்தர்களுக்கு ஆசி வழங்குகிறது
News Detail பழநி: கந்தசஷ்டி விழாவுக்காக பழநி முருகன் கோயில் யானை கஸ்துாரி மலைக்கோயிலில் பக்தர்களுக்கு ஆசி வழங்குகிறது. பழநி மலைக்கோயிலில் கந்த சஷ்டிவிழா நேற்று துவங்கி அக்.,26ல் திருக்கல்யாணத்துடன் நிறைவடைகிறது. ஆண்டு முழுவதும் பெரியநாயகி அம்மன் கோயிலில் இருக்கும் யானை கஸ்துாரி, கந்தசஷ்டி விழாவிற்கு மட்டுமே மலைக்கோயிலுக்கு அழைத்து செல்லப்படும். நேற்று கந்தசஷ்டி விழா துவக்கத்தை முன்னிட்டு, காலையில் மலைஅடிவாரம் பாதவிநாயகர் கோயிலில் சுவாமி தரிசனம் செய்த கஸ்துாரி, யானைப்பாதை வழியாக மலைக்கோயில் சென்றது. அசுரன்களை முருகப்பெருமான் வதம்செய்து, கந்தசஷ்டி விழா முடியும் வரை தெற்கு வெளிபிரகார மண்டபத்தில் தங்கி இருக்கும்.தற்போது ஏராளமான பக்தர்கள் யானையை வணங்குகின்றனர்.
Shared By giridharan (309)
News Url http://temple.dinamalar.com/news_detail.php?id=73030

22 Oct 2017 - ராமேஸ்வரம் கோயிலில் நகைகள் ஆய்வு

News Title ராமேஸ்வரம் கோயிலில் நகைகள் ஆய்வு
News Detail ராமேஸ்வரம்: ராமேஸ்வரம் ராமநாத சுவாமி கோயிலில் நகை காணாமல் போனது குறித்து உயர்நீதிமன்றம் விளக்கம் கேட்டதால், இந்து அறநிலையத்துறை அதிகாரிகள் தங்கம், வைர நகைகளை ஆய்வு செய்தனர். ராமநாதபுரம் சேதுபதி மன்னர்கள் கட்டிய ராமேஸ்வரம் ராமநாதசுவாமி கோயில் கருவூலத்தில் பல கோடி ரூபாய் மதிப்பில் தங்கம், வைரம், முத்து, பவளம் உள்ளிட்ட ஆபரணங்கள் உள்ளன. இந்த நகைகளில் சிலவற்றை காணவில்லை என ராமேஸ்வரம் பக்ஷி சிவராஜன், உயர்நீதிமன்ற மதுரை கிளையில் வழக்கு தொடர்ந்தார். இதற்கு விளக்கம் அளிக்கும்படி இந்து அறநிலையத்துறை ஆணையருக்கு உயர்நீதிமன்றம் நோட்டீஸ் அனுப்பியது. அதன்படி நேற்று, ராமேஸ்வரம் கோயில் கருவூலத்தில் இணை ஆணையர் மங்கையர்கரசி தலைமையில், உதவி ஆணையர் பாலகிருஷ்ணன் உட்பட அதிகாரிகள் தங்கம், வைர நகைகளை ஆய்வு செய்து,கணக்கெடுத்தனர். கோயிலில் தங்க நகைகள், வைரங்கள் கணக்கெடுக்கும் பணி வழக்கமானது தான். நகைகள் ஆய்வறிக்கையை இந்து அறநிலையத்துறை ஆணையருக்கு அனுப்ப உள்ளதாக கோயில் ஊழியர்கள் தெரிவித்தனர்.
Shared By giridharan (309)
News Url http://temple.dinamalar.com/news_detail.php?id=73041

12 Oct 2017 - கோயில்களில் கலப்பட நெய் தீபத்திற்கு தடை: உயர்நீதிமன்றத்தில் தகவல்

News Title கோயில்களில் கலப்பட நெய் தீபத்திற்கு தடை: உயர்நீதிமன்றத்தில் தகவல்
News Detail மதுரை: ‘‘கலப்படம், கெமிக்கலால் தயாராகும் பூஜை பொருட்களை தடை செய்ய தாக்கலான வழக்கில், ‘கோயில்களில் கலப்படத்துடன் நெய் தீபம் என்ற பெயரில் விற்க, வேதிப் பொருட்களால் உருவாக்கிய கற்பூரம், பிளாஸ்டிக் பைகளில் பூஜை பொருட்கள் விற்க தடை விதிக்கப்பட்டுள்ளது,’ என உயர்நீதிமன்ற மதுரைக் கிளையில் அரசுத் தரப்பில் தெரிவிக்கப்பட்டது. நீதிபதிகள் பதில் மனு தாக்கல் செய்ய உத்தரவிட்டனர். சிவகங்கை மாவட்ட இந்து மக்கள் கட்சித் தலைவர் ஆனந்தவேல் தாக்கல் செய்த பொதுநல மனு: கோயில்களில் கற்பூரம், சாம்பிராணியில் போலி கெமிக்கல் கலந்துள்ளன. இதனால் சுற்றுச்சூழல், உடல்நலம் பாதிக்கிறது. வனஸ்பதி, கலப்பட எண்ணெய், விலங்குகளின் கொழுப்பு கலந்த எண்ணெயை நெய் தீபம் என்ற பெயரில் விற்கின்றனர். போலிசந்தனம், குங்குமத்தால் தெய்வ சிலைகள், மக்களுக்கு பாதிப்பு ஏற்படுகிறது. அனைத்து கோயில்களையும் பிளாஸ்டிக் பயன்பாடு இல்லாத மண்டலமாக அரசு அறிவிக்க இடைக்கால உத்தரவிட வேண்டும். கலப்படத்தால் தயாரிக்கப்பட்ட நெய்தீப பொருட்கள், கற்பூரம், சாம்பிராணி, பத்தி விற்பனையை கோயில்களில் தடை செய்ய வேண்டும். இவ்வாறு ஆனந்தவேல் மனு செய்திருந்தார். நீதிபதிகள் எம்.வேணுகோபால், அப்துல் குத்துாஸ் அமர்வு விசாரித்தது. அரசு வழக்கறிஞர்: கோயில்களில் கலப்பட எண்ணெயுடன் நெய் தீபம் என்ற பெயரில் விற்க, வேதிப் பொருட்களால் உருவாக்கப்பட்ட கற்பூரம், பிளாஸ்டிக் பைகளில் பூஜை பொருட்கள் விற்க தடை விதிக்க அறிவுறுத்தப்பட்டுள்ளது. அறநிலையத்துறை கட்டுப்பாட்டில் உள்ள கோயில்களில் நெய் தீபத்திற்கு தேவையான அகல் விளக்கு, திரி, நெய் டெண்டர் மூலம் கொள்முதல் செய்யப்பட்டு, கோயில் மூலம் விற்பனை செய்யப்படுகிறது. நெய் தீபம் விளக்கு ஒப்பந்ததாரர் மூலம் விற்பனை செய்யப்படுகிறது. கோயில் மூலம் நெய் தீபம் விற்பனை செய்யும் போது, எண்ணெய் உறிஞ்சும் தாள் வழங்கவும், அதை பயன் படுத்திய பின் போட குப்பைத் தொட்டி ஏற்பாடு செய்ய வேண்டும். கோயில்களில் கற்பூரம் ஏற்றுதல் மற்றும் பிளாஸ்டிக் பயன்பாட்டை முற்றிலும் தவிர்த்தல் தொடர்பாக ஏற்கனவே, அலுவலர்களுக்கு அறிவுறுத்தப்பட்டுள்ளது. இதன்படி செயல்படுத்தாத கோயில் நிர்வாகிகள் மீது நடவடிக்கை எடுக்கப்படும் என அறநிலையத்துறை கமிஷனர் உத்தரவிட்டுள்ளார் என்றார். நீதிபதிகள், ‘தமிழக சுகாதாரத்துறை செயலாளர், அறநிலையத்துறை கமிஷனர் நவ.,7 ல் பதில் மனு தாக்கல் செய்ய வேண்டும்,’ என்றனர்.
Shared By Giridharan (309)
News Url http://temple.dinamalar.com/news_detail.php?id=72807

12 Oct 2017 - 15 ஆண்டுகளுக்கு பிறகு நிரம்பிய கோவில் குளம்

News Title 15 ஆண்டுகளுக்கு பிறகு நிரம்பிய கோவில் குளம்
News Detail ராசிபுரம்: கல்லாங்குளம், அண்ணாமலையார் திருக்கோவில் குளம், 15 ஆண்டுகளுக்கு பிறகு நிரம்பியது. வெண்ணந்தூர் ஒன்றியம், கல்லாங்குளத்தில் பிரசித்தி பெற்ற அண்ணாமலையார் கோவில் உள்ளது. மழையின்மையால், 15 ஆண்டுகளாக வறண்டிருந்த குளம், தற்போது பெய்து வரும் தொடர் மழையால் நிரம்பி வருகிறது. இதை கண்டு பக்தர்கள் மகிழ்ச்சியடைந்துள்ளனர். குளத்தில் மூழ்கி, சுவாமியை தரிசனம் செய்து வருகின்றனர். மேலும், அருகே உள்ள கிணறுகள் அனைத்தும் ஊற்றெடுத்துள்ளன. விவசாயிகளும் மகிழ்ச்சியடைந்துள்ளனர்
Shared By giridharan (309)
News Url http://temple.dinamalar.com/news_detail.php?id=72834

11 Oct 2017 - 9 டன் பஞ்சமுக சிவன் சிலை ராமேஸ்வரத்திற்கு பயணம்

News Title 9 டன் பஞ்சமுக சிவன் சிலை ராமேஸ்வரத்திற்கு பயணம்
News Detail சேலம்: தேச ஒற்றுமையை வலியுறுத்தி, தீபாவளி நாளில், ராமேஸ்வரம் கோவில் வளாகத்தில், சிறப்பு பூஜை நடத்துவதற்காக, காசியில் தயாரான, 9 டன் பஞ்ச முக சிவன், 10 டன் நந்தீஸ்வரர் சிலைகள், லாரி மூலம் எடுத்துச் செல்லப்பட்டன. தேச ஒற்றுமையை வலியுறுத்தும் வகையில், கர்நாடக மாநிலம், குல்பர்க்கா இறை அருள் கட்டளையின் சார்பில், காசியில், 9 டன் எடை, 18 மீட்டர் உயரத்தில், பஞ்சமுக சிவன் சிலை வடிவமைக்கப்பட்டது. மேலும், 10 டன் எடையில், 5 மீட்டர் உயரத்தில், நந்தீஸ்வரர் சிலையும் அமைக்கப்பட்டது. இந்த சிலைகளுக்கு, ஆக., 14ல் சிறப்பு பூஜை நடத்தப்பட்டு, கோவில் போல் வடிவமைக்கப்பட்ட லாரியில் வைக்கப்பட்டு, ஆக., 15ல் பயணத்தை துவங்கியது. காசியில் துவங்கிய பயணம், வடமாநிலங்கள், கர்நாடகாவின் முக்கிய நகரங்களில், பொதுமக்களின் தரிசனத்துக்கு அனுமதிக்கப்பட்டது. நேற்று காலை, சேலம் வந்த இந்த சிலைகளுக்கு, திருவாக்கவுண்டனுார் பைபாசில் பூஜை நடத்தப்பட்டது. இரண்டு மணி நேரம் பொதுமக்களின் தரிசனத்துக்கு பின், ராமேஸ்வரம் பயணமானது. தீபாவளியன்று, ராமநாத சுவாமி கோவிலில், சிறப்பு பூஜைகளுக்கு பின், சிலைகள் குல்பர்க்கா எடுத்து செல்லப்படுகின்றன.
Shared By giridharan (309)
News Url http://temple.dinamalar.com/news_detail.php?id=72806

09 Oct 2017 - திருவண்ணாமலை திருக்கார்த்திகை தீபத்திருவிழா உற்சவ விவரம்

News Title திருவண்ணாமலை திருக்கார்த்திகை தீபத்திருவிழா உற்சவ விவரம்
News Detail ருவண்ணாமலை: திருவண்ணாமலை அருணாசலேஸ்வரர் கோவிலில் கார்த்திகை தீப திருவிழா வரும் நவம்பர் 23ஆம் தேதி கொடியேற்றத்துடன் துவங்குவதை முன்னிட்டு, ராஜகோபுரம் முன் முகூர்த்தம் பந்தகால் நடப்பட்டு சிறப்பு பூஜை நடந்தது. கோயிலில் நடக்கும் தீபத்திருவிழா உற்சவ விவரம்: 20.11.2017, திங்கள், காலை துர்க்காம்பாள் உற்சவம், இரவு, விமானம் 21-11-2017, செவ்வாய் காலை பிடாரி உற்சவம், இரவு, சிம்ம வாகனம் 22-11-2017, புதன் காலை விநாயகர் உற்சவம், இரவு, விநாயகர் வெள்ளி மூஷிக வாகனம் 23-11-2017, வியாழன், காலை முதல் நாள் கொடியேற்றி, பஞ்சமூர்த்திகள் வெள்ளி விமானங்கள் இரவு, பஞ்சமூர்த்திகள் மூஷிகம், மயில் அதிகார நந்தி ஹம்சம், ரிஷப வாகனம் 24-11-2017, வெள்ளி, இரண்டாம் நாள் காலை விநாயகர், சந்திரசேகரர் விமானம் சூரிய பிறை வாகனம்.இரவு, பஞ்ச மூர்த்திகள் வெள்ளி ரதம், இந்திர விமானம் 25-11-2017, சனி, மூன்றாம் நாள் காலை விநாயகர், சந்திரசேகரர் விமானம் சூரிய பிறை வாகனம் 1008 சங்காபிஷேகம். இரவு, பஞ்ச மூர்த்திகள் சிம்ம வாகனம், வெள்ளி அன்னவாகனம் 26.11.2017, ஞாயிறு, நான்காம் நாள், காலை விநாயகர் சந்திரசேகரர் மூஷிகம் கண்ணாடியர் நாகவாகனம். இரவு, பஞ்ச மூர்த்திகள் வெள்ளி மூஷிகம், மயில், ரிஷப வாகனம் 27-11-2017, திங்கள், ஐந்தாம் நாள் காலை, விநாயகர், சந்திரசேகரர் மூஷிகம் கண்ணடியார் ரிஷபவாகனம். இரவு, பஞ்ச மூர்த்திகள் வெள்ளி ரிஷப வாகனம் இந்திர விமானம் 28-11-2017, செவ்வாய் , ஆறாம் நாள் காலை, விநாயகர் சந்திரசேகரர் மூஷிகம் வெள்ளி யானை ரிஷப வாகனம். இரவு, பஞ்ச மூர்த்திகள் வெள்ளி மூஷிகம், மயில், வெள்ளி ரதம் 29-11-2017, புதன், ஏழாம் நாள் காலை, பஞ்ச மூர்த்திகள் மகா ரதங்கள். இரவு, பஞ்சமூர்த்திகள், ரதத்திலிருந்து ஆஸ்தான மண்டபம் சேர்தல் 30-11-2017, வியாழன், எட்டாம் நாள் காலை, விநாயகர் சந்திரசேகரர் வெள்ளி விமானம் இரவு, மாலை 4 மணிக்கு பிச்சாண்டவர் இரவு குதிரை வாகனம் 01-12-2017, வெள்ளி, ஒன்பதாம் நாள் காலை, விநாயகர், சந்திரசேகரர் கண்ணாடி விமானம் இரவு, பஞ்ச மூர்த்திகள், கைலாச வாகனம் காமதேனு வாகனம் 02-12-2017, சனி, பத்தாம் நாள் காலை 4.00 மணிக்கு பரணி தீபம் மாலை 6.00 மணிக்கு மகாதீபம்.
Shared By giridharan (309)
News Url http://temple.dinamalar.com/news_detail.php?id=72723

09 Oct 2017 - பன்னிரு திருமுறைகள் முற்றோதல் நிகழ்ச்சி

News Title பன்னிரு திருமுறைகள் முற்றோதல் நிகழ்ச்சி
News Detail காஞ்சிபுரம் : பன்னிரு திருமுறைகள் முற்றோதல் நிகழ்ச்சி, காஞ்சிபுரம், ஏகாம்பரநாதர் கோவிவில் நடந்தது. காஞ்சிபுரம் திருக்கயிலாயப் பரம்பரைத் திருவாடு துறை ஆதீனம் சைவத்திருமுறை நேர்முகப் பயிற்சி மையம் சார்பில், தமிழகத்தில் உள்ள, பல்வேறு சிவாலயங்களில் பன்னிரு திருமுறைகள் முற்றோதல் நிகழ்ச்சி நடத்தப்பட்டு வருகிறது. அந்த வகையில், 347வது முற்றோதல் நிகழ்ச்சி, காஞ்சிபுரம், ஏகாம்பரநாதர் கோவிலில் நடந்தது. இதில், திருவிசைப்பா மற்றும் திருமந்திரத்தில், ஒன்பது மற்றும் 10ம் திருமுறை முதல், தந்திரம், 336 பாடல் வரை, முற்றோதல் நடந்தது. இதில், ஏராளமான சிவனடியார்கள் பங்கேற்றனர்.
Shared By giridharan (309)
News Url http://temple.dinamalar.com/news_detail.php?id=72731

08 Oct 2017 - வறண்டு கிடக்கும் கோவில் குளங்கள்: பரவலாக கன மழை பெய்தும் பயனில்லை

News Title வறண்டு கிடக்கும் கோவில் குளங்கள்: பரவலாக கன மழை பெய்தும் பயனில்லை
News Detail குன்றத்துார்: மழைநீர் கால்வாய்கள் ஆக்கிரமிக்கப்பட்டுள்ளதால், குன்றத்துார், மாங்காடு கோவில் குளங்கள், நீர்வரத்தின்றி வறண்டு கிடக்கின்றன. சில மாதங்களாக பெய்யும் கன மழையால், மாவட்டத்தில் உள்ள நீர்நிலைகள் நிரம்புகின்றன. ஆனால், குன்றத்துார் திருநாகேஸ்வரர் கோவில் குளம் மற்றும் மாங்காடு காமாட்சி அம்மன் கோவில் குளம், தண்ணீரின்றி வறண்டு காணப்படுகின்றன. குன்றத்துார், மாங்காடு பகுதிகள் சென்னையின் புறநகர் பகுதியில் அமைந்துள்ளதால், இப்பகுதியில் குடியிருப்புகளின் எண்ணிக்கை அதிகரித்துள்ளது. இதற்காக, மழைநீர் செல்லும் நீர்வரத்து கால்வாய்கள் ஆக்கிரமிக்கப்பட்டுள்ளன. எஞ்சிய கால்வாய்களில் கழிவுநீர் கலந்திருப்பதால், அங்கு சேரும் நீரை , குளத்தில் விடமுடியாத நிலை உள்ளதாக, அப்பகுதி மக்கள் தெரிவிக்கின்றனர். வடகிழக்கு பருவ மழை துவங்கயுள்ள நிலையில், குளத்தில் நீரை தேங்குவதற்கான நடவடிக்கையை குன்றத்துார் மற்றும் மாங்காடு பேரூராட்சி நிர்வாகம் மேற்கொள்ள வேண்டும் என, பொதுமக்கள் எதிர்பார்க்கின்றனர். திருநாகேஸ்வரர் கோவில், நவகிரக ராகுதலமாக விளங்குகிறது. இங்குள்ள குளத்தில் நீராடியபின், இறைவனை வழிபட்டால், தோஷம் நீங்கும் என்பது ஐதீகம். ஆனால், 15 ஆண்டுகளாக இந்த குளம் தண்ணீரின்றி உள்ளது. இதனால், பக்தர்கள் மன வேதனையடைகின்றனர். இதேபோல், பிரசித்தி பெற்ற மாங்காடு காமாட்சி அம்மன் கோவில் குளத்திலும், 10 ஆண்டுகளாக தண்ணீர் இல்லை.
Shared By giridharan (309)
News Url http://temple.dinamalar.com/news_detail.php?id=72707

07 Oct 2017 - திருவள்ளூர் தீர்த்தீஸ்வரர் கோவிலில் பவித்ர உற்சவம் நிறைவு

News Title திருவள்ளூர் தீர்த்தீஸ்வரர் கோவிலில் பவித்ர உற்சவம் நிறைவு
News Detail திருவள்ளூர் : திருவள்ளூர், தீர்த்தீஸ்வரர் கோவிலில், பவித்ர உற்சவம் நிறைவடைந்தது. கோவில்களில் நடைபெறும் நித்ய பூஜைகளில், ஏதேனும் குறைகள் இருந்தால், அதை நிவர்த்தி செய்வதற்காக நடத்தப்படும் யாக பூஜையே, பவித்ர உற்சவம் என, அழைக்கப்படுகிறது. திருவள்ளூர், பஜாரில் அமைந்துள்ள திரிபுர சுந்தரி சமேத தீர்த்தீஸ்வரர் கோவிலில், கடந்த 1ம் தேதி, பவித்ர உற்சவம் துவங்கியது.தினமும், காலை, மாலை, இரு வேளைகளிலும் யாக பூஜை நடத்தப்பட்டது. நேற்று முன்தினம், காலை, 11:00 மணிக்கு, விசேஷ யாகமும் நடராஜருக்கு, அபிஷேகமும் நடைபெற்றது.நேற்று, இரவு, 9:00 மணிக்கு, யாகம் முடிவடைந்து, பூர்ணாஹூதியுடன், பவித்ர உற்சவம் நிறைவடைந்தது.
Shared By giridharan (309)
News Url http://temple.dinamalar.com/news_detail.php?id=72709

07 Oct 2017 - திருவாடானை கோயில் குளம் சீரமைப்பு

News Title திருவாடானை கோயில் குளம் சீரமைப்பு
News Detail திருவாடானை, திருவாடானை கோயில் குளத்தில் சீமைக்கருவேல செடிகள் அகற்றப்பட்டது. திருவாடானையில் மங்களநாதன் குளம் உள்ளது. இக்குளம் அருகே விநாயகர், அய்யனார், ஐயப்பன் மற்றும் ஆஞ்சநேயர் கோயில்கள் உள்ளன.இக் குளத்தில் ஆண்கள் மட்டும் குளிப்பது வழக்கம். மழையால் இக் குளம் நிரம்பும் பட்சத்தில் 2 அல்லது 3 ஆண்டு வரை நீர் தேங்கி நிற்கும். திருவாடானை மற்றும் சுற்று வட்டார கிராமங்களை சேர்ந்தவர்கள் பயன்பெற்று வந்தனர். இக்குளத்தில் சீமைக்கருவேல செடிகள் அடர்ந்திருந்ததால் மக்கள் அதிருப்தியடைந்தனர். மழையால் நீர் தேங்கும் போது குளிக்க முடியாத நிலை ஏற்பட்டது. மீறி குளிக்கும் போது செடிகளால் உயிருக்கு ஆபத்து ஏற்படும். ஆகவே சீமை கருவேல செடிகளை அகற்ற வேண்டும் என தினமலர் நாளிதழில் சில தினங்களுக்கு முன்பு படத்துடன் செய்தி வெளியானது. இச்செய்தியின் எதிரொலியாக நேற்று முன்தினம் மணல் அள்ளும் இயந்திரம் மூலம் செடிகள் அகற்றப்பட்டு சுத்தம் செய்யப்பட்டது.
Shared By giridharan (309)
News Url http://temple.dinamalar.com/news_detail.php?id=72714

04 Oct 2017 - துளி நீர் கூட தேங்காத தெப்பகுளம்: தியாகராஜ தெப்போற்சவம் சாத்தியமா?

News Title துளி நீர் கூட தேங்காத தெப்பகுளம்: தியாகராஜ தெப்போற்சவம் சாத்தியமா?
News Detail திருவொற்றியூர்;திருவொற்றியூர் பகுதியில், நேற்று முன்தினம் இரவு கனமழை பெய்தது. எனினும், தியாகராஜ சுவாமி கோவில் தெப்பக்குளத்தில், துளி நீர் கூட தேங்காததால், தெப்போற்சவம் நடக்குமா என, பக்தர்கள் கேள்வி எழுப்பி உள்ளனர்.சென்னை, திருவொற்றியூர், தியாகராஜ சுவாமி உடனுறை வடிவுடையம்மன் கோவில், 2,000 ஆண்டுகள் பழமை வாய்ந்தது. இக்கோவிலுக்கு, தினந்தோறும், நுாற்று-க்கணக்கான பக்தர்கள் வந்து, செல்வர்; விழாக்காலங்களில், கூட்டம் அதிகளவில் இருக்கும். இந்நிலையில், நேற்று முன்தினம் பெய்த கனமழையால், கலைஞர் நகர், கார்கில் நகர், சத்தியமூர்த்தி நகர் மற்றும் எர்ணாவூர் பகுதிகளில், முழங்கால் அளவுக்கு மழைநீர் தேங்கியது. குடியிருப்புகளில் புகுந்த வெள்ளத்தால், மக்கள் வெளியேற முடியாமல், அவதி அடைந்தனர். இந்நிலையில், இப்பகுதியில் உள்ள தியாகராஜ சுவாமி தெப்பக்குளத்தில், ஒரு சொட்டு நீர் கூட தேங்காததால் பக்தர்கள் கவலை அடைந்துள்ளனர்.இந்த கோவிலில், 10 ஆண்டுகள் கழித்து, 2016ல், பாதியளவு நிரம்பியிருந்த குளத்தில் தெப்போற்சவம் நடந்தது. வறண்டு கிடந்த குளத்தால், இந்தாண்டு தெப்போற்சவம் நடக்கவில்லை. இந்நிலையில், நேற்று முன்தினம் பெய்த கனமழையால், ஒரு சொட்டு நீர் கூட, இந்த குளத்திற்கு வரவில்லை. இந்த குளத்திற்கு மழைநீர் வரும், மாட வீதிகளில், வடிகால்கள் அமைக்கப்பட்டு உள்ளன. அவற்றை, மாநகராட்சி முறையாக பராமரிக்காததால், ஆங்காங்கே அடைப்பு, உடைப்பு ஏற்பட்டுள்ளன. குளத்தில் தண்ணீர் இல்லாததால், கடந்தாண்டு தெப்போற்சவம் நடைபெறவில்லை.இந்தாண்டும் குளத்தில் நீரில்லாத நிலையில், தெப்போற்சவம் எப்படி நடிக்கும் என, பக்தர்கள் வருத்தத்தில் உள்ளனர்.
Shared By giridharan (309)
News Url http://temple.dinamalar.com/news_detail.php?id=72641

04 Oct 2017 - காளாத்தீஸ்வரர் கோயில் திருப்பணி துவங்க நடவடிக்கை

News Title காளாத்தீஸ்வரர் கோயில் திருப்பணி துவங்க நடவடிக்கை
News Detail உத்தமபாளையம்: உத்தமபாளையம் காளாத்தீஸ்வரர் உடனுறை ஞானாம்பிகை கோயில் திருப்பணி மற்றும் கும்பாபிேஷகம் நடத்துவற்கான ஆயத்தப் பணிகள் நடைபெற்று வருகிறது,’’என, செயல் அலுவலர் செந்தில்குமார் தெரிவித்துள்ளார். உத்தமபாளையத்தில் உள்ள காளாத்தீஸ்வரர் உடனுறை ஞானாம்பிகை கோயில் பழமையானதும், பிரசித்திபெற்றதுமாகும். ராகுகேது சர்ப்ப தோஷ நிவர்த்தி ஸ்தலமாக உள்ளது. ராகுவும், கேதுவும் ஒரே வளாகத்தில் தம்பதி சகிதமாக எழுந்தருளியிருப்பது சிறப்பம்சமாகும். ஒவ்வொரு ஞாயிற்றுக் கிழமையும் ராகு காலத்தில் சிறப்பு பூஜைகள் நடைபெறுகிறது. 2004 ல் கடைசியாக திருப்பணி மற்றும் கும்பாபிேஷகம் நடைபெற்றது. 12 ஆண்டுகளுக்கு ஒருமுறை திருப்பணி மற்றும் கும்பாபிேஷகம் செய்ய வேண்டும் என்பது ஆகம விதியாகும். எனவே இந்த கோயில் திருப்பணி மற்றும் கும்பாபிேஷகம் நடத்த ஊர் முக்கிய பிரமுகர்கள் முன்வந்தனர். ஆனால் சமீபத்தில் எந்த கோயிலில் திருப்பணி மற்றும் கும்பாபிேஷகம் நடைபெற்றாலும், முன்ன தாக தொல்லியல் துறையின் அனுமதி பெற வேண்டும் என்று சட்டதி ருத்தம் அறிமுகம் செய்யப் பட்டது. அதன்படி தொல்லியல் துறையி னர் சமீபத்தில் ஆய்வு செய்து அனுமதி வழங்கி சென்றுள்ளனர். இனி அறநிலையத்துறையின் பொறியாளர்கள் குழு பார்வையிட்டு மதிப்பீடுகள் தயாரிக்கும் பணி நடைபெற வேண்டும். கோயில் செயல் அலுவலர் செந்தில்குமார் கூறுகையில், பொறியா ளர்கள் திருப்பணி தொடர் பான மதிப்பீடு செய்யும் பணியை துவக்க உள்ளனர். அது முடிந்தவுடன் திருப்பணி மற்றும் கும்பா பிேஷகம் நடத்தப்படும்,’’ என்றார்.
Shared By giridharan (309)
News Url http://temple.dinamalar.com/news_detail.php?id=72642

04 Oct 2017 - தஞ்சை கோவிலில் சூடு தாங்காமல் பக்தர்கள் அவதி

News Title தஞ்சை கோவிலில் சூடு தாங்காமல் பக்தர்கள் அவதி
News Detail தஞ்சாவூர்: தஞ்சாவூர் பெரிய கோவிலில், பிரகாரத்தை சுற்றி வர தரை விரிப்புகள் இல்லாததால், சூடு தாங்காமல் பக்தர்கள் அவதிப்படுகின்றனர். தஞ்சாவூர் பெரிய கோவிலுக்கு நாள்தோறும், 1,000க்கும் மேற்பட்ட சுற்றுலா பயணியர், பக்தர்கள் வந்து செல்கின்றனர். விடுமுறை நாட்களில் பள்ளி, கல்லூரி மாணவ மாணவியரும் அழைத்து வரப்படுகின்றனர். கோவிலின் முகப்பு முதல் உட்பிரகாரம் வரை, அனைத்தும் கற்களால் ஆன தரை தளம் கொண்டது. கோவிலுக்கு வரும் பக்தர்கள், ராஜராஜன் நுழைவு வாயிலில் துவங்கி, மூலவர் சன்னதி, வாராஹி அம்மன் சன்னதி, நந்தி மண்டபம், முருகன் சன்னதி, கருவூரர் சன்னதி என, அனைத்து பகுதிகளுக்கும் நடந்து செல்கின்றனர். தற்போது, வெயிலின் தாக்கம் அதிகமாக இருப்பதால், பக்தர்கள் பிரகாரத்தை சுற்றி வர வசதியாக, தரைகளில் விரிப்புகள் எதுவும் இல்லை. தரை பகுதி சூடாக இருப்பதால், பக்தர்கள், சுற்றுலா பயணியர் ஓட்டமும், நடையுமாக, அடுத்தடுத்த சன்னதிகளுக்கு செல்ல வேண்டி நிலை உள்ளது. இதனால், குழந்தைகள் முதல் பெரியவர்கள் வரை அவதிக்குள்ளாகின்றனர். கோவில் நிர்வாகம், தரமான விரிப்புகளை பிரகாரம் முழுவதும் விரித்து வைக்க வேண்டும் என, கோரிக்கை எழுந்துள்ளது.
Shared By giridharan (309)
News Url http://temple.dinamalar.com/news_detail.php?id=72634

04 Oct 2017 - மீனாட்சி அம்மன் கோயில் தூய்மைப்பணி:ஆண்டுதோறும் ரூ.ஒரு கோடி ஒதுக்கீடு

News Title மீனாட்சி அம்மன் கோயில் தூய்மைப்பணி:ஆண்டுதோறும் ரூ.ஒரு கோடி ஒதுக்கீடு
News Detail மதுரை:மதுரை மீனாட்சி அம்மன் கோயில் துாய்மைப் பணிக்கு கோயில் சார்பில் ஆண்டு தோறும் ஒரு கோடி ரூபாய் ஒதுக்கப்பட்டு வருகிறது.மத்திய அரசின் துாய்மை இந்தியா இயக்க திட்டத்தின் கீழ் புனித தலங்கள் துாய்மைப்படுத்தப்பட்டு வருகின்றன. முதற்கட்டமாக நாடு முழுவதும் 10 தலங்கள் தேர்வு செய்யப்பட்டு மேம்பாட்டு பணிகள் நடக்கின்றன. அதில் மதுரை மீனாட்சி அம்மன் கோயிலும் இடம் பெற்றுள்ளது. இக்கோயிலுக்கு நாள் தோறும் 50 ஆயிரம் பேரும், விழாக்காலங்களில் ஒரு லட்சத்துக்கும் மேற்பட்டோரும் வருகின்றனர். சுத்திகரிக்கப்பட்ட குடிநீர், முதியோருக்கான பேட்டரி கார், மாற்றுத்திறனாளிகள் பயன்படுத்தும் வீல் சேர், சித்திரை வீதிகளில் பயோ டாய்லெட், நடமாடும் கழிப்பறைகள், குப்பைதொட்டிகள் வைக்கப்பட்டுள்ளன. பாலிதீன், பிளாஸ்டிக் பொருட்களுக்கு தடை விதிக்கப்பட்டுள்ளது. பொற்றாமரைக்குளம்: பொற்றாமரைக்குளத்தில் நிரந்தரமாக தண்ணீர் தேக்க, தக்கார் கருமுத்து கண்ணன் முயற்சி மேற்கொண்டார். இதற்காக சென்னை ஐ.ஐ.டி.,யின் பேராசிரியர் ரவீந்திரகிட் தலைமையில் குழுவினர், மீனாட்சி அம்மன் கோயிலில் 2010 ல் ஆய்வு மேற்கொண்டனர். சிமென்ட் கலவையால் பூசப்பட்டிருந்த பொற்றாமரைக் குளத்தின் தரைத்தளம் பெயர்த்து எடுக்கப்பட்டு, கண்மாயில் இருந்து எடுத்து வரப்பட்ட வண்டல் மண் பரப்பப்பட்டது. சோதனை அடிப்படையில் பொற்றாமரைக்குளத்தில் இரண்டு அடி மட்டத்துக்கு தண்ணீர் நிரப்பப்பட்டது. இதில் நல்ல முன்னேற்றம் ஏற்பட்டது. பின் தொடர்ந்து ஏழு ஆண்டுகளாக பொற்றாமரைக்குளத்தில் நிரந்தரமாக தண்ணீர் இருக்கிறது. அடுத்தகட்டமாக மாரியம்மன் தெப்பக்குளத்தில் நிரந்தரமாக தண்ணீர் தேக்கும் முயற்சி நடக்கிறது.
Shared By giridharan (309)
News Url http://temple.dinamalar.com/news_detail.php?id=72565

04 Oct 2017 - திருவாடானை கோயிலில் சிதைந்த மூலிகை ஓவியங்கள்

News Title திருவாடானை கோயிலில் சிதைந்த மூலிகை ஓவியங்கள்
News Detail திருவாடானை; திருவாடானை ஆதிரெத்தினேஸ்வரர் கோயிலில் மூலிகை ஓவியங்கள் சிதைந்து வருவதால் பக்தர்கள் கவலையடைந்துள்ளனர். திருவாடானையில் பிரசித்தி பெற்ற ஆதிரெத்தினேஸ்வரர் கோயில் உள்ளது. மூர்த்தி,தலம்,தீர்த்தம் எனும் முறைமையில் பழமையும் பெருமையும் வாய்ந்த இக்கோயில், சிவஸ்தலங்களில் எட்டாவது ஸ்தலமாக விளங்குகிறது. திரெத்தினேஸ்வரர், சிநேகவல்லி அம்மன்கருவறை முன்புள்ள மண்டபத்தில் கலைநுணுக்கத்துடன் வரையபட்டமூலிகை ஓவியங்கள் உள்ளது. காலபோக்கில் இந்த ஓவியங்கள் மறைந்து தற்போது முற்றிலும் அழியும் தருவாயில் உள்ளது.வருணபகவான் மகன் வாருணி, துர்வாச முனிவர் தவத்தை கலைத்துவிடவே முனிவர் கோபமடைந்து வாருணியை ஆட்டு தலையுடனும், யானை உடலுடனும் இருக்குமாறு சபித்து விட்டார். சிவனை நோக்கி கடும் தவம் செய்த வாருணிக்கு, சிவன் அருளால் மீண்டும் பழைய உருவம்கிடைத்தது. வாருணி இந்த இடத்தில் இருந்து தவம் செய்ததால் திரு ஆடு யானை என்ற பெயர் எற்பட்டு, காலபோக்கில் திருவாடானையாக மாறியதாக பெரியோர்கள் கூறுகின்றனர்.வாருணிக்கு சிவன் காட்சியளித்த ஓவியங்களும் மறைந்துள்ளது. பழமை வாய்ந்த இக் கோயிலில் பிரதோஷம், வைகாசி விசாகதிருவிழா, ஆடிப்பூரத்திருவிழா போன்ற திருவிழாக்கள் சிறப்பாக நடைபெறும்.ஏராளமானபக்தர்கள் கூடுவார்கள். வெளிமாநிலங்களிலிருந்தும் டூரிஸ்ட் பஸ்களில்பக்தர்கள் சென்று கோயிலை பார்வையிடுகின்றனர். அப்போது மூலிகை ஓவியங்கள் சிதைந்திருப்பதைபார்த்து கவலையடைகின்றனர். ஆகவே மூலிகை ஓவியத்தை புதுப்பிக்க தேவஸ்தானநிர்வாகத்தினர் நடவடிக்கை எடுக்க வேண்டும்.
Shared By giridharan (309)
News Url http://temple.dinamalar.com/news_detail.php?id=72567

04 Oct 2017 - 17ம் நுாற்றாண்டு சிவன் கோயிலை சீரமைக்க ஊர் மக்கள் முடிவு

News Title 17ம் நுாற்றாண்டு சிவன் கோயிலை சீரமைக்க ஊர் மக்கள் முடிவு
News Detail கூடலுார்: கூடலுாரில் 17 ம் நுாற்றாண்டில் கட்டப்பட்ட ஈஸ்வரன் கோயில் சிதிலமடைந்து வந்த நிலையில், கோயிலை சீரமைக்க ஊர் மக்கள் முடிவு செய்துள்ளனர். கூடலுார் தாமரைக்குளம் செல்லும் வழியில் பழமை வாய்ந்த ஈஸ்வரன் கோயில் உள்ளது. இக்கோயில் 17 ம் நுாற்றாண்டில் கட்டப்பட்டதாகக் கூறப்படுகிறது. அதன்பின், கோயிலில் எவ்வித சீரமைப்புப் பணியும் நடைபெற வில்லை. இதனால், கோயில் கட்டடம் முழுவதும் சிதிலமடைந்து, இடியும் நிலையில் உள்ளது. 17 ம் நுாற்றாண்டில் இப்பகுதியில் ஆண்ட பூஞ்சையாத்து தம்பிரான் வாரிசு பேரனான ஸ்ரீஜித் வர்மா, கேரள மாநிலம் கோட்டயம் மாவட்டத்தில் உள்ள பூஞ்சையாறு கிராமத்தில் உள்ளார். இவரை சந்தித்த கூடலுார் மக்களிடம், இக்கோயிலை புனரமைப்பு பணிகள் செய்து வணங்கினால், இப்பகுதி செழிப்படையும் என கூறியுள்ளார். இதனால், கூடலுாரில் உள்ள அனைத்து சமுதாய மக்களும் இணைந்து, கோயிலை சீரமைக்க முடிவு செய்துள்ளனர். இதன் முதற்கட்டமாக, கோயிலில் அன்னதான விழா நடத்தப்பட்டது. பூஞ்சையாற்று தம்பிரானின் மன்னர் வாரிசான பேரன் ஸ்ரீஜித் வர்மா, அன்னதானத்தை துவக்கி வைத்தார். இன்னும் சில தினங்களில் இக்கோயில் புனரமைப்பு பணிகள் துவங்க உள்ளன.
Shared By giridharan (309)
News Url http://temple.dinamalar.com/news_detail.php?id=72568

04 Oct 2017 - ராமேஸ்வரம் கோயிலில் பாதுகாப்பு கேள்விக் குறி

News Title ராமேஸ்வரம் கோயிலில் பாதுகாப்பு கேள்விக் குறி
News Detail ராமேஸ்வரம்: ராமேஸ்வரம் ராமநாதசுவாமி கோயிலுக்குள் பொருத்திய தரமற்ற சி.சி.டி.வி., கேமராக்களால், பாதுகாப்பு கேள்வி குறியாகி உள்ளது என பக்தர்கள் தெரிவித்தனர். ராமேஸ்வரம் கோயிலில் பக்தர்கள் பாதுகாப்பிற்காக 2013ல் கோயில் ரதவீதியில் வாகனங்கள் செல்ல போலீசார் தடை விதித்து, பக்தர்கள் தீவிர சோதனைக்கு பிறகே கோயிலுக்குள் செல்ல அனுமதித்தனர். இதனை தொடர்ந்து கோயில் சார்பில் ரூபாய் 50 லட்சத்தில் கோயில் சன்னதிகள் முன்பும், பிரகாரம், கோயில் தங்கும் விடுதியில் 36 கேமராக்கள் பொருத்தி, கண்காணித்தனர்.ஆனால் கேமரா மற்றும் ஹார்டு டிஸ்க் தரமற்ற நிலையில் உள்ளதால், கேமராவின் பதிவுகள் 4 நாட்களுக்கு மேல் சேமிக்க முடியாது. மேலும் கேமரா பதிவில் பக்தர்கள் முகம் தெளிவற்ற நிலையில் இருப்பதாக குற்றச்சாட்டு எழுந்தது. இந்நிலையில் அக்.,1ல் ராமேஸ்வரம் கோயிலுக்கு வந்த ஐ.ஜி., பொன்.மாணிக்கவேல், காணாமல் போன சிலை குறித்து கோயில் இணை ஆணையர் மங்கையர்கரசி, அதிகாரிகளுடன் ஆலோசனை நடத்தினார். அப்போது கோயிலில் பொருத்திய சி.சி. டிவி கேமரா, அதன் தெளிவற்ற பதிவு குறித்து அதிருப்தி தெரிவித்து, தரமான கேமராக்கள் பொருத்த அறிவுறுத்தினார். பக்தர்கள் போர்வையில் கோயிலுக்குள் ஊடுருவும் சமூக விரோதிகளை கண்டுபிடிக்கும் ஆயுதமாக உள்ள சி.சி.டிவி கேமராக்கள் தரம் குறைவாக இருப்பது கோயில் பாதுகாப்பை கேள்வி குறியாக்கி உள்ளது என பக்தர்கள் தெரிவித்தனர். இந்து முன்னணி மாவட்ட செயலாளர் ராமமூர்த்தி கூறுகையில் :கோயில் பாதுகாப்புக்கு போலீசாருடன், சி.சி..டிவி கேமரா முக்கிய பங்கு வகுக்கிறது. ஆனால் ராமேஸ்வரம் கோயிலில் உள்ள தரமற்றகேமராக்களால் குற்றவாளிகள் தப்பிக்க வாய்ப்பு உள்ளது. எனவே தரமான கேமராக்கள், ஹார்டு டிஸ்க் பொருத்தி கோயில், பக்தர்கள் பாதுகாப்பை இந்து அறநிலைதுறை ஆணையர் உறுதிபடுத்த வேண்டும் என்றார்.
Shared By giridharan (309)
News Url http://temple.dinamalar.com/news_detail.php?id=72573

03 Oct 2017 - 1,000 ஆண்டு பழமை வாய்ந்த சிவன் கோவில் மீட்டெடுப்பு

News Title 1,000 ஆண்டு பழமை வாய்ந்த சிவன் கோவில் மீட்டெடுப்பு
News Detail புதுக்கோட்டை: புதுக்கோட்டை அருகே, 1,000 ஆண்டுகள் பழமை வாய்ந்த சிவன் கோவில், மீட்டெடுக்கப் பட்டுள்ளது.சமூகவலைதள உதவிபுதுக்கோட்டை மாவட்டம், அன்னவாசல் அருகே வயலோகம் பகுதியில், 1,000 ஆண்டுகள் பழமை வாய்ந்த, அகத்தீஸ்வரமுடைய விஸ்வநாதர் கோவில் உள்ளது. இந்த கோவிலை மீட்டெடுத்து, சீரமைக்க, வாட்ஸ் ஆப், பேஸ்புக் மூலம் அழைப்பு விடுக்கப்பட்டது. புதுக்கோட்டை மாவட்ட சமூக வலைதள நண்பர்கள் கொடுத்த தகவலின்படி, செப்., 29ல், வயலோகம் கிராமத்தில், தமிழகத்தின் பல பகுதிகள் மற்றும் புதுச்சேரியை சேர்ந்த வரலாற்று ஆர்வலர்கள், இளைஞர்கள், 60 பேர் ஒன்று திரண்டனர்.அவர்கள், சிதைந்த கோவிலை சுற்றி, மண்டிக் கிடந்த புதர்களை சுத்தம் செய்தனர். மூன்று நாட்கள்தொடர்ந்து, மூன்று நாட்கள் மண் மேடு, செடி கொடிகளை அகற்றி, சுத்தம் செய்தனர். அங்கிருந்த கல்வெட்டுகள் மூலம், 1,000 ஆண்டுகள் பழமையான கோவில் என்பதும், மூன்றாம் குலோத்துங்கன் சுந்தரபாண்டியன், குலசேகர பாண்டியன் ஆகிய மன்னர்கள் காலத்தில், திருப்பணிகள் செய்யப்பட்டதாகவும் அறியப்படுகிறது. கோபுரம், மடப்பள்ளி என, அனைத்தும் சிதிலமடைந்துள்ளன. அங்கிருந்த இரண்டு சிவலிங்கம், இரண்டு அம்மன் சிலைகள், ஆறு முகங்கள் கொண்ட முருகன் சிலை, தெய்வானை, தட்சிணாமூர்த்தி, விநாயகர், நந்தி சிலைகள் சேதமடையும் நிலையில் இருப்பதால், அவற்றை தனியே எடுத்து பாதுகாத்து வருவதாக, பொதுமக்கள் தெரிவித்தனர். நடவடிக்கை வேண்டும்கோவிலை புனரமைக்கவும், அழகிய வேலைப்பாடுடன் கூடிய கற் சிலைகளை பாதுகாக்கவும், இந்து சமய அறநிலையத் துறை நடவடிக்கை எடுக்க வேண்டும் என, கோரிக்கை விடுக்கப்பட்டுள்ளது.
Shared By giridharan (309)
News Url http://temple.dinamalar.com/news_detail.php?id=72564

03 Oct 2017 - திருவண்ணாமலை கோவிலில் பந்தகால் முகூர்த்தம்

News Title திருவண்ணாமலை கோவிலில் பந்தகால் முகூர்த்தம்
News Detail திருவண்ணாமலை: திருவண்ணாமலை அருணாசலேஸ்வரர் கோவிலில் கார்த்திகை தீப திருவிழா வரும் நவம்பர் 23ஆம் தேதி கொடியேற்றத்துடன் துவங்குவதை முன்னிட்டு, ராஜகோபுரம் முன் முகூர்த்தம் பந்தகால் நடப்பட்டு சிறப்பு பூஜை நடந்தது. பந்தகாலை ஏராளமான பக்தர்கள் வழிப்பட்டனர்.
Shared By Giridharan (309)
News Url http://temple.dinamalar.com/news_detail.php?id=72572

Sep 2017

21 Sep 2017 - தி.மலை அருணாசலேஸ்வரர் கோவிலில் நவராத்திரி விழா துவக்கம்

News Title தி.மலை அருணாசலேஸ்வரர் கோவிலில் நவராத்திரி விழா துவக்கம்
News Detail திருவண்ணாமலை: அருணாசலேஸ்வரர் கோவிலில் நவராத்திரி விழாவை முன்னிட்டு திருகல்யாண மண்டத்தில் பாரசக்தியம்மன் சிறப்பு அலங்காரத்தில் பக்தர்களுக்கு அருள்பாலித்தார். திருவண்ணாமலை அருணாசலேஸ்வரர் கோவிலில் இந்த ஆண்டுக்கான நவராத்திரி விழா நேற்று (20ம் தேதி) கோலாகலமாக துவங்கியது. விழாவை முன்னிட்டு பாரசக்தியம்மன் சிறப்பு அலங்காரத்தில் வாண வேடிக்கைகளுடன் திருக்கல்யாண மண்டபத்தில் எழுந்தருளி அருள்பாலித்தார். விழாவை முன்னிட்டு, அம்மனுக்கு 21ம் தேதி ராஜராஜேஸ்வரி அலங்காரமும், 22ம் தேதி கெஜலட்சுமி அலங்காரமும், 23ம் தேதி மனோன்மணி அலங்காரமும், 24ம் தேதி ரிஷப வாகன அலங்காரமும் நடைபெற உள்ளது. விழாவானது வரும் 29ம் தேதி வரை நடைபெற உள்ளது. 29ம் தேதி விஜயதசமியை முன்னிட்டு, திருக்கல்யாண மண்டபத்தில் பாரசக்தியம்மனுக்கு அபிஷேகமும், காலையில் பஞ்சமூர்த்திகள் அபிஷேகமும் நடைபெற உள்ளது.
Shared By giridharan (309)
News Url http://temple.dinamalar.com/news_detail.php?id=72307

21 Sep 2017 - கிரிவலப்பாதையில் கண்காணிப்பு கேமரா பொருத்தும் பணி தீவிரம்

News Title கிரிவலப்பாதையில் கண்காணிப்பு கேமரா பொருத்தும் பணி தீவிரம்
News Detail திருவண்ணாமலை: திருவண்ணாமலை கிரிவலப்பாதையில், பக்தர்களின் பாதுகாப்பு வசதிக்காக, 65 கண்காணிப்பு கேமராக்கள் பொருத்தும் பணி, இரண்டு நாட்களாக நடந்து வருகிறது. திருவண்ணாமலையில், மலையையே சிவனாக நினைத்து, பக்தர்கள் வழிபட்டு வருகின்றனர். இதனால், 14 கி.மீ., தூரம் கிரிவலப்பாதையில் நடந்து சென்று, அருணாசலேஸ்வரர், உண்ணாமுலையம்மனை பக்தர்கள் தரிசனம் செய்து வருகின்றனர். கிரிவலம் வரும் பக்தர்களிடம், பணம், நகை பறிப்பு, மயக்க பொடி தூவி கொள்ளையில் ஈடுபடுதல் போன்ற செயல்கள் நடக்கிறது. இதை தடுக்க நடவடிக்கை எடுக்க வேண்டும் என, பக்தர்கள் நீண்ட நாட்களாக வலியுறுத்தி வந்தனர். இந்நிலையில், தற்போது, 68 கோடி ரூபாய் மதிப்பில் கிரிவலப்பாதை விரிவாக்க பணி நடக்கிறது. இதில் ஒரு பகுதியாக, கிரிவலப்பாதை முழுவதும் கண்காணிப்பு கேமரா பொருத்த முடிவு செய்யப்பட்டது. முதல்கட்டமாக, 65 கண்காணிப்பு கேமராக்கள் பொருத்தும் பணி நடந்து வருகிறது. இவை, திருவண்ணாமலை டவுன் போலீஸ் ஸ்டேஷன், எஸ்.பி., அலுவலகம் மற்றும் கோவிலில் உள்ள கட்டுப்பாட்டு அறையுடன் இணைக்கப்பட்டு கண்காணிக்கப்படும். ஏற்கனவே, மாட வீதியில், 32 கண்காணிப்பு கேமராக்கள் பொருத்தப்பட்டு, போலீசார் கண்காணித்து வருகின்றனர்.
Shared By giridharan (309)
News Url http://temple.dinamalar.com/news_detail.php?id=72316

19 Sep 2017 - அருணாசலேஸ்வரர் கோயில் திருப்பணியில் பல கோடி முறைகேடு?

19 Sep 2017 - திருவண்ணாமலை கோவில் நளேஸ்வரர் சன்னதி விமான முகப்பு உடைந்ததால் அதிர்ச்சி

News Title திருவண்ணாமலை கோவில் நளேஸ்வரர் சன்னதி விமான முகப்பு உடைந்ததால் அதிர்ச்சி
News Detail திருவண்ணாமலை: திருவண்ணாமலை அருணாசலேஸ்வரர் கோவிலில், நளேஸ்வரர் சன்னதி விமான முகப்பு உடைந்து விழுந்ததால், பக்தர்கள் அதிர்ச்சி அடைந்துள்ளனர். திருவண்ணாமலை அருணாசலேஸ்வரர் கோவில் கும்பாபிஷேகம், கடந்த பிப்., 6ல் நடந்தது. இதை முன்னிட்டு, அனைத்து சன்னதிகளும் புதுப்பிக்கப்பட்டது. இந்நிலையில், கோவில் வளாகத்தில் உள்ள பிரம்மதீர்த்தம், சிவகங்கை தீர்த்தம் தூர்வாரப்படாமலும், பணிகள் அனைத்தும், அவசர கதியில் செய்யப்பட்டதாக, பக்தர்களிடையே புகார் எழுந்தது. இந்நிலையில், நேற்று காலை கோவில் நடை திறக்கப்பட்டு, 5:30மணி அளவில், அருணாசலேஸ்வரர் கோவிலில் கோ பூஜைக்காக ஏற்பாடுகள் நடந்து கொண்டிருந்தது. அப்போது, பிரம்மதீர்த்தம் எதிரில் உள்ள நளேஸ்வரர் சன்னதியில், கருங்கல்லால் அமைக்கப்பட்டுள்ள அரை டன் எடை அளவு கொண்ட கருங்கல்லால் ஆன விமானத்தின் முகப்பு, திடீரென உடைந்து கீழே விழுந்தது. அப்போது பக்தர்கள் யாரும் அங்கு இல்லாததால், பெரும் விபத்து தவிர்க்கப்பட்டது. விமான முகப்பு உடைந்து விழுந்ததால் பக்தர்கள் அதிர்ச்சி அடைந்துள்ளனர்.
Shared By giridharan (309)
News Url http://temple.dinamalar.com/news_detail.php?id=72197

19 Sep 2017 - மகாளய அமாவாசை : காவிரி துலாக்கட்டத்தில் பல்லாயிரக்கணக்கான பக்தர்கள் வழிபாடு

News Title மகாளய அமாவாசை : காவிரி துலாக்கட்டத்தில் பல்லாயிரக்கணக்கான பக்தர்கள் வழிபாடு
News Detail மயிலாடுதுறை: மயிலாடுதுறை காவிரி துலாக்கட்டத்தில் மகா புஷ்கரம் விழா 8ம் திருநாள் மற்றும் மகாளய அமாவாசை தினமான இன்று பல்லாயிரக்கணக்கான பக்தர்கள் புனித நீராராடிவருகின்றனர்.
Shared By giridharan (309)
News Url http://temple.dinamalar.com/news_detail.php?id=72195

19 Sep 2017 - உத்திரகோசமங்கை மங்களநாத சுவாமி கோயில் கோபுரத்தில் வளர்ந்து வரும் செடிகள்

News Title உத்திரகோசமங்கை மங்களநாத சுவாமி கோயில் கோபுரத்தில் வளர்ந்து வரும் செடிகள்
News Detail ராமநாதபுரம்: ராமநாதபுரம் மாவட்டம் உத்திரகோசமங்கையில் உள்ள மங்களநாத சுவாமி கோயில் கோபுரத்தில் பராமரிப்பு இல்லாமல் செடிகள் வளர்ந்துள்ளது. இதனை அகற்ற அதிகாரிகள் நடவடிக்கை எடுக்க வேண்டும். ராமநாதபுரம் மாவட்டத்தில் உத்திரகோசமங்கை கிராமத்தில் மங்களநாத சுவாமி, மங்களேஸ்வரி அம்மன் கோயில்உள்ளன. இதில் மங்களநாத சுவாமி கோயில் கோபுரத்தில் ஏழு நிலைகள் உள்ளன. இதில் முழுவதும் கற்களால் ஆன முதல் மட்டத்தில் இருந்து நிலைகள் அனைத்தும் சிமென்ட் கான்கிரீட்டால் எழுப்பப்பட்டுள்ளது. இது மிகப்பழமையான கோயில் கோபுரமாகும். அதன் அருகிலேயே மங்களேஸ்வரி அம்மனுக்கு கல் கட்டடம் மட்டும் இருந்து வந்தது. இதனை ஐந்து நிலைகள் கொண்ட கோபுரமாக கடந்த 15 ஆண்டுகளுக்கு முன்பு சிமென்ட் கான்கிரீட்டால் ஆன கோபுரம் கட்டப்பட்டது. இந்த இரு கோபுரங்களும் அருகருகே உள்ளன. இந்த கோயில் இந்து சமய அறநிலையத்துறையினரால், பராமரிப்பு செய்யப்பட்டு வருகிறது. இங்கு கோபுரத்தின் கல் கட்டுமான பகுதியில் இருந்து சிமென்ட் கான்கிரீட் பகுதியில் தற்போது செடிகள் வளர்ந்து வருகிறது. இதனை கோயில் நிர்வாகத்தினர் கண்டு கொள்ளாமல் உள்ளனர். இது போன்ற கோபுரங்களில் வளரும் செடிகளை அப்புறப்படுத்தி, பராமரிப்பு செய்ய வேண்டும், என பக்தர்கள் கோரிக்கை விடுத்துள்ளனர்.
Shared By giridharan (309)
News Url http://temple.dinamalar.com/news_detail.php?id=72203

19 Sep 2017 - அருணாசலேஸ்வரர் கோவிலில் நாளை முதல் நவராத்திரி விழா

News Title அருணாசலேஸ்வரர் கோவிலில் நாளை முதல் நவராத்திரி விழா
News Detail திருவண்ணாமலை: திருவண்ணாமலை அருணாசலேஸ்வரர் கோவிலில், நாளை முதல் நவராத்திரி விழா துவங்க உள்ளது. அதற்கான ஏற்பாடுகளை, கோவில் நிர்வாகம் செய்து வருகிறது. திருவண்ணாமலை அருணாசலேஸ்வரர் கோவிலில், நவராத்திரி திருவிழா, நாளை முதல், வரும், 29 வரை நடக்கிறது. விழாவை முன்னிட்டு, நாளை மாலை பராசக்தி அம்மன், ஆஸ்தான மண்டபத்திலிருந்து, வாணவேடிக்கையுடன், மேளதாளம் முழங்க திருக்கல்யாண மண்டபத்தில் எழுந்தருளி, பக்தர்களுக்கு அருள்பாலிப்பார். தொடர்ந்து, 21ல் ராஜராஜேஸ்வரி அலங்காரம், 22ல் கெஜலட்சுமி அலங்காரம், 23ல் மனோண்மணி அலங்காரம், 24ல் ரிஷபவாகன அலங்காரம், 25ல் ஆண்டாள் அலங்காரம், 26ல் சரஸ்வதி அலங்காரம், 28ல் மகிஷாசூரமர்த்தினி அலங்காரம், அன்று சரஸ்வதி பூஜையும் நடக்க உள்ளது. அன்று மாலையில், உண்ணாமுலையம்மனுக்கு சந்தன காப்பு அலங்காரம் நடக்க உள்ளது. இதையடுத்து, 29 காலை திருக்கல்யாண மண்டபத்தில் பராசக்தி அம்மன் மற்றும் பஞ்ச மூர்த்திகளுக்கு சிறப்பு அபிஷேகம் நடக்க உள்ளது. இதற்கான ஏற்பாடுகளை கோவில் நிர்வாகம் செய்து வருகிறது.
Shared By giridharan (309)
News Url http://temple.dinamalar.com/news_detail.php?id=72215

18 Sep 2017 - புரட்டாசி மாதம் பிறப்பு எதிரொலி : புஷ்கர விழாவில் குவிந்த பக்தர்கள்

News Title புரட்டாசி மாதம் பிறப்பு எதிரொலி : புஷ்கர விழாவில் குவிந்த பக்தர்கள்
News Detail திருச்சி: மகா புஷ்கர விழா துவங்கி, ஆறாவது நாளான நேற்று, புரட்டாசி முதல் தேதி என்பதால், ஸ்ரீரங்கம் காவிரி ஆற்றில் ஏராளமான பக்தர்கள் புனித நீராடினர். திருச்சி, ஸ்ரீரங்கத்தில், 12ம் தேதி முதல், காவிரி மகா புஷ்கர விழா கொண்டாடப்படுகிறது. தினமும், ஆயிரக்கணக்கான பக்தர்கள், அம்மா மண்டபம் படித்துறையில் புனித நீராடி, ரெங்கநாதரை வழிபட்டுச் செல்கின்றனர். 50 ஆயிரம் பேர் : நேற்று, புரட்டாசி முதல் தேதி என்பதாலும், ஞாயிற்றுக்கிழமையாக இருந்ததாலும், ஏராளமான பக்தர்கள் ஸ்ரீரங்கம், காவிரியில் புனித நீராடினர். நேற்று கூட்டம் மிக அதிகமாக இருந்ததால், அம்மா மண்டபம் படித்துறை, மக்கள் வெள்ளத்தில் திணறியது. ரெங்கநாதர் கோவிலிலும் கூட்டம் அதிகமாக இருந்ததால், ரெங்கா ரெங்கா கோபுரம், கார்த்திகை கோபுரங்களில் தடுப்புகள் அமைத்து, பக்தர்கள் அனுமதிக்கப்பட்டனர். நேற்று ஒரே நாளில், 50 ஆயிரத்துக்கும் மேற்பட்ட பக்தர்கள், காவிரியில் நீராடி, சுவாமி தரிசனம் செய்தனர். சிறப்பு யாகம் : சேலம் மாவட்டம், மேட்டூர், எம்.ஜி.ஆர்., பாலம் அடிவாரத்தில் உள்ள காவிரி கரையோரம், நேற்று மகா புஷ்கரம் கொண்டாடப்பட்டது. சேலம், ராஜ ராஜேஸ்வரி மஹிளா சமாஜம் யோகினி சிவாம்பா தலைமையில், யாகம் செய்து, காவிரிக்கு அர்ச்சனை செய்யப்பட்டது. சேலம் மாவட்டத்தின், பல்வேறு பகுதிகளை சேர்ந்த, ஆயிரக்கணக்கான பக்தர்கள், குடும்பத்துடன் மேட்டூர் காவிரியாற்றில் புனித நீராடினர். மதியம், பக்தர்களுக்கு அன்னதானம் வழங்கப்பட்டது.
Shared By giridharan (309)
News Url http://temple.dinamalar.com/news_detail.php?id=72140

18 Sep 2017 - பழநியில் ரோப்கார் நிறுத்தம்: வின்ச் ல் 3 மணிநேரம் காத்திருப்பு

News Title பழநியில் ரோப்கார் நிறுத்தம்: வின்ச் ல் 3 மணிநேரம் காத்திருப்பு
News Detail பழநி; ஞாயிறு விடுமுறை தினத்தில் பழநி முருகன் கோயிலில் குவிந்த பக்தர்கள் ரோப்கார் நிறுத்தம் காரணமாக வின்ச் ஸ்டேஷனில் மூன்று மணிநேரம் காத்திருந்தனர். தமிழக கோயில்களில் பழநி மலைக்கோயில் தான் ரோப்கார், வின்ச் கள் இயக்கப்படுகிறது. இதன்காரணமாக சிறுவர்கள் முதல் பெரியோர்கள் ரோப்கார் மற்றும் வின்ச் களில் விரும்பிபயணம் செய்கின்றனர். ரோப்கார் ஆண்டுபராமரிப்பு பணிகளுக்காக நிறுத்தப்பட்டுள்ளது. நேற்று ஞாயிறுவிடுமுறை தினத்தில் குவிந்த பக்தர்கள் வின்ச் களில் பயணம் செய்ய அந்த ஸ்டேஷனில் மட்டும் 3 மணிநேரம் வரை காத்திருந்து மலைக்கோயிலுக்கு சென்றனர். அங்கு பக்தர்கள் பொதுதரிசன வழியில் 2 மணிநேரம் காத்திருந்து மூலவரை தரிசனம்செய்தனர். இரவு தங்கரதப் புறப்பாட்டை காண ஏராளமான பக்தர்கள் திரண்டனர். பக்தர்கள் உஷார்: வின்ச் மூலம் மலைக்கு செல்ல தலா ஒருவருக்கு ரூ.10, சிறப்புவழி ரூ.50 வீதம் கட்டணம் வசூலிக்கப்படுகிறது. இந்நிலையில் ரோப்கார் நிறுத்தம் காரணமாக வின்ச்சில் குவியும் பக்தர்களிடம் சிலர் மலைக்கோயிலுக்கு விரைவில் அழைத்து செல்வதாக கூறி ஒரு டிக்கெட்டிற்கு ரூ.100 வரை கூடுதலாக வசூல்வேட்டையில் ஈடுபடுகின்றனர். அவர்களுக்கு அலுவலர்கள் உதவிசெய்வதாக பக்தர்கள் புகார் தெரிவிக்கின்றனர். கோயில்நிர்வாகம், அடிவாரம் போலீசாரும் இணைந்து பக்தர்களை ஏமாற்றும் புரோக்கர்கள் மீது நடவடிக்கை எடுக்க வேண்டும் என கோரிக்கை எழுந்துள்ளது.
Shared By giridharan (309)
News Url http://temple.dinamalar.com/news_detail.php?id=72142

18 Sep 2017 - அண்ணாமலையார் கோவிலில் அறுபத்து மூவர் வீதி உலா

News Title அண்ணாமலையார் கோவிலில் அறுபத்து மூவர் வீதி உலா
News Detail புன்செய்புளியம்பட்டி: புன்செய்புளியம்பட்டி உண்ணாமுலையம்மை, உடனமர் அண்ணாமலையார் கோவிலில், நான்காம் ஆண்டு அறுபத்துமூவர் திருவீதி உலா, நேற்று நடந்தது. இதையொட்டி, காலையில் திருப்பள்ளியெழுச்சி திருமுழுக்குடன் சிறப்பு வழிபாடு நடந்தது. மக்கள் தங்கள் கரங்களால், நால்வர் பெருமக்களுக்கு பன்னீர் அபிஷேகம் செய்தனர். மாலை, 6:00 மணிக்கு, அறுபத்து மூன்று நாயன்மார், தொகையடியார் ஒன்பது பேர் மற்றும் பஞ்சமூர்த்திகள் வீற்றிருந்த திருத்தேர் வீதி உலா துவங்கியது. இதில் மகளிர் அணியினர், சீருடை அணிந்து கோலாட்டம் ஆடிப்பாடி சென்றனர். திருத்தொண்டர்கள், திருக்கைலாய இசைக்கருவிகளை முழங்கியபடி, பங்கேற்றனர். அண்ணாமலையார் கோவிலில் துவங்கிய ஊர்வலம், நகரின் முக்கிய வீதிகள் வழியாக, இரவு, 9:00 மணிக்கு கோவிலை வந்தடைந்தது. பின் பள்ளியறை வழிபாடும், 9:30க்கு அன்னம் பாலிப்பும் நடந்தது. இதில், திரளான பக்தர்கள் கலந்து கொண்டனர். நிகழ்ச்சிக்கான ஏற்பாடுகளை அண்ணாமலையார் வழிபாட்டு குழுவினர் செய்தனர்.
Shared By giridharan (309)
News Url http://temple.dinamalar.com/news_detail.php?id=72146

18 Sep 2017 - செல்வ விநாயகர் கோவில் குளம் கழிவு நீர் குட்டையான பரிதாபம்

News Title செல்வ விநாயகர் கோவில் குளம் கழிவு நீர் குட்டையான பரிதாபம்
News Detail சுங்குவார்சத்திரம் : கழிவு நீர் குட்டை போல மாறிய கோவில் குளத்தின் ஆக்கிரமிப்புகளை அகற்றி, துார்வாரி பராமரிக்க வேண்டும் என, மக்கள் எதிர்பார்க்கின்றனர். சென்னை - பெங்களூரு தேசிய நெடுஞ்சாலை யில், ஸ்ரீபெரும்புதுார் அடுத்த சுங்குவார்சத்திரம் பஸ் நிறுத்தம் பகுதியில், செல்வ விநாயகர் கோவில் உள்ளது. 2 ஏக்கர் குளம்: இந்த கோவிலுக்கு பின்புறம், 2 ஏக்கரில் குளம் உள்ளது. கடந்த, 30 ஆண்டுகளுக்கு முன், இந்த குளம், அப்பகுதி மக்களின் குடிநீர் ஆதாரமாக விளங்கியது. காலப்போக்கில் குளத்தை சுற்றி, ஏராளமான கடைகள் வந்ததால், குளத்தின் பெரும் பகுதி ஆக்கிரமிக்கப்பட்டுள்ளது. அங்கிருந்து வெளியேறும் கழிவு நீர், குளத்தில் கலக்கிறது. மேலும், வணிக கடையில் சேரும் குப்பை, இறைச்சி கழிவுகளும் குளத்தில் கொட்டப்படுகின்றன. இதனால், எப்போதும் நிரம்பி காணப்படும் இந்த குளம், கழிவு நீர் குட்டையாக மாறி, துர்நாற்றம் வீசுகிறது. கோரிக்கை: குளத்தின் ஆக்கிரமிப்பை அகற்ற வேண்டும்; குளத்தை பாதுகாக்க வேண்டும் என, அப்பகுதி மக்கள் பல ஆண்டுகளாக கோரிக்கை விடுத்து வருகின்றனர். ஆனால், ஆக்கிரமிப்புக்களை அகற்ற வேண்டிய வருவாய் துறையினர், மெத்தனம் காட்டி வருகின்றனர். ஆக்கிரமிப்பை அகற்றி குளத்தை துார்வாரி பராமரிக்க வேண்டும் என அப்பகுதியினர் எதிர்பார்க்கின்றனர்.
Shared By giridharan (309)
News Url http://temple.dinamalar.com/news_detail.php?id=72148

18 Sep 2017 - திருப்பரங்குன்றம் சுப்பிரமணிய சுவாமி கோயிலில் சிலைகள் தூய்மைப்பணி

News Title திருப்பரங்குன்றம் சுப்பிரமணிய சுவாமி கோயிலில் சிலைகள் தூய்மைப்பணி
News Detail திருப்பரங்குன்றம்: திருப்பரங்குன்றம் சுப்பிரமணிய சுவாமி கோயிலில் உள்ள கற்சிலைகள் சுத்தம் செய்யப்பட்டு பளபளக்கிறது.கோயிலில் ஏராளமான சுவாமி கற்சிலைகள் உள்ளன. அச்சிலைகளுக்கு எண்ணெய் உள்ளிட்ட பல்வேறு திரவிய அபிஷேகங்கள் நடக்கிறது. இதனால் அச்சிலைகள் எண்ணெய் அழுக்கடைந்து சுவாமிகளின் முகங்கள் சரியாக தெரியாமல் இருந்தது. கோயிலில் புதிதாக பொறுப்பேற்ற துணை கமிஷனர் கவிதா பிரியதர்ஷிணி, அந்த சுவாமி சிலைகளை துாய்மைப்படுத்த உத்தரவிட்டார். அதன்படி அரிசி மாவுடன் தயிர் கலந்து சுவாமி கற்சிலைகளில் பூசப்பட்டு, தண்ணீர்மூலம் சுத்தம் செய்யும் பணிகள் நடந்தது. இதனால் சுவாமி சிலைகள் பளபளப்பாகவும் தொன்மை மாறாமலும் காட்சியளிக்கின்றன. முதல்கட்டமாக கோயில் மகா மண்டபத்திலுள்ள தட்சிணாமூர்த்தி, சூரியன், சந்திரன், நவ வீரர்கள், இரட்டை விநாயகர், அதிகாரா நத்தி, சண்முகர் சன்னதியிலுள்ள பஞ்சலிங்கம், செந்தில் ஆண்டவர், சனீஸ்வரர், ஜூரதேவர், ராகு, கேது, கம்பத்தடி மண்டபத்திலுள்ள நந்தி, மயில், மூஞ்சுறு, ராஜகோபுரத்தின் அடியிலுள்ள மூன்று விநாயகர் கற்சிலைகள் துாய்மைப்படுத்தப்பட்டுள்ளது. மற்ற கற்சிலைகள் சுத்தம் செய்யும் பணி விரைவில் தொடங்க உள்ளது. தவிர கோயிலுக்குள் உள்ள அனைத்து துாண்களிலும் இந்த துாய்மைப் பணி நடக்க உள்ளதாக துணை கமிஷனர் தெரிவித்தார்.
Shared By giridharan (309)
News Url http://temple.dinamalar.com/news_detail.php?id=72151

18 Sep 2017 - மதுராவில் ஆதரவற்ற பசுக்களை பராமரிக்கும் ஜெர்மனி பெண்

News Title மதுராவில் ஆதரவற்ற பசுக்களை பராமரிக்கும் ஜெர்மனி பெண்
News Detail மதுரா:உத்தர பிரதேசத்தின் மதுரா நகரில், ஆதரவற்ற, நோய்களால் பாதிக்கப்பட்ட, 1,200 பசுக்களை, ஜெர்மனியை சேர்ந்த ஒரு பெண் பராமரித்து வருகிறார். உத்தர பிரதேசத்தில், முதல்வர் யோகி ஆதித்யநாத் தலைமையிலான, பா.ஜ., அரசு அமைந்து உள்ளது. இங்குள்ள மதுராவில், ஜெர்மனியை சேர்ந்த, பெடரிக் இரினா பிரன்னிங், 59, கோ சாலையை நடத்தி வருகிறார். 1978ல் சுற்றுலா வந்த அவர், ஆன்மிகத்தின் மீது ஏற்பட்ட நாட்டத்தில், ஒரு பசுவை வளர்க்கத் துவங்கினார். அதன்பின், ஆதரவற்ற, நோய்களால் பாதிக்கப்பட்ட மற்றும் பால் சுரப்பதை நிறுத்திய பசுக்களை பராமரிக்கத் துவங்கினார். சுதேவி மாதாஜி என, மதுரா மக்களால் அன்புடன் அழைக்கப்படும் பிரன்னிங், தன் சிறிய கோ சாலையில், 1,200 பசுக்களை பராமரித்து வருகிறார். அவரது தந்தை, நம் நாட்டில் உள்ள ஜெர்மன் துாதரகத்தில் பணியாற்றியவர். ஜெர்மனியில் உள்ள சொத்துக்களில் இருந்து கிடைக்கும் வாடகையை பயன்படுத்தி, கோ சாலையை நிர்வகித்து வருகிறார், சுதேவி மாதாஜி. அந்த வருமானத்தை இழக்கக் கூடாது என்பதற்காக இதுவரை, இந்தியக் குடியுரிமையை அவர் கோரவில்லை. இது குறித்து அவர் கூறியதாவது: இந்த சிறிய இடத்தில் அதிக மாடுகளை பராமரிக்க முடியவில்லை. இருப்பினும் சமாளித்து வருகிறேன். மருந்து, உணவு, ஊழியர் சம்பளம் என, மாடுகள் பராமரிப்புக்கு, மாதத்துக்கு, 22 லட்சம் ரூபாய் தேவைப்படுகிறது. இதுவரை சொந்த செலவில் செய்து வருகிறேன்.இவ்வாறு அவர் கூறினார்.
Shared By giridharan (309)
News Url http://temple.dinamalar.com/news_detail.php?id=72152

14 Sep 2017 - அமர்நாத் யாத்ரீகர்கள் மீது தாக்குதல் நடத்திய பயங்கரவாதி அபு இஸ்மாயில் சுட்டுக்கொலை

News Title அமர்நாத் யாத்ரீகர்கள் மீது தாக்குதல் நடத்திய பயங்கரவாதி அபு இஸ்மாயில் சுட்டுக்கொலை
News Detail காஷ்மீரில் அமர்நாத் யாத்திரை பக்தர்கள் மீது தாக்குதல் நடத்திய பயங்கரவாதி அபு இஸ்மாயில் பாதுகாப்புப்படையினரால் சுட்டுக்கொல்லப்பட்டார்
Shared By vaan (17)
News Url http://www.dinamalar.com/news_detail.asp?id=1855277

12 Sep 2017 - 144 வருடங்களுக்கு பின் மயிலாடுதுறையில் மகா புஷ்கர விழா கோலாகலம்

News Title 144 வருடங்களுக்கு பின் மயிலாடுதுறையில் மகா புஷ்கர விழா கோலாகலம்
News Detail மயிலாடுதுறை: மயிலாடுதுறையில் 144 ஆண்டுகளுக்கு பின் காவிரி மகா புஷ்கரம் விழா கோலாகல தொடங்கியது. காஞ்சி சங்கராச்சாரியார்கள், ஆதின குருமகா சன்னிதானங்கள் மற்றும் ஆயிரகணக்கான பக்தர்கள் புனித நீராடினர்.காவிரி மகா புஷ்கரம் என்பது குரு பகவான் கன்னி ராசியில் இருந்து காவிரி நதிக்கு உரிய துலாம் ராசிக்கு மாறும் குருபெயர்ச்சி காலத்தில் கொண்டாடப்படும் விழா. புஷ்கர காலங்களில் காவிரியில் நீராடுவதால் பிதுர் தோஷம், பிரம்ம ஹத்தி தோஷம், நதி தோஷம் உள்ளிட்ட பல்வேறு தோஷங்கலான நீங்கி வறுமை, பஞ்சம், அகன்று செழுமைய டைந்து உலகம் சுபிட்சம் பெருகும். மேலும் முன்னோர்களுக்கு திதி, தர்ப்பணங்கள் கொடுத்து பாவங்களை போக்கிகொள்ளலாம். காவிரி மகா புஷ்கரம் விழா 12 குருப் பெயர் ச்சிகளை கடந்து 144 ஆண்டுகளுக்கு பின் இன்று 12ம் தேதி தொடங்கி 24 ம் தேதி வரை நடைபெறுகிறது. இந்த 12 நாட்களில் காவிரி துலாக் கட்டத்தில் புனித நீராடினால் மூன்றரை கோடி தீர்த்தத்தில் நீராடிய பலன்கள் கிடைக்கும். கங்கை, யமுனை, சரஸ்வதி போன்ற புன்னிய நதிகள் தங்கள் பாவங்களை போக்கிகொள்ள ஐப்பசி (துலாம்) மாதத்தில் மயிலாடுதுறை காவிரி துலாக்கட்டத்தில் 30 நாட்கள் தங்கி புனித நீராடி பாவங்களை போக்கிகொண்டது என்பது ஐதீகம். இத்தலம் காசிக்கு இணையான தலமாக கருதப்படுகிறது. அதனால் மயிலாடுதுறையில் காவிரி மகா புஷ் கரம் விழாவிற்காக பக்தர்கள் புனித நீராடுவதற்காக ரிஷபதீர்த்த மண்டபத்தை சுற்றி 100 மீட்டர் நீளத்தில் நீத்தேக்கம் அமைக்கப்பட்டு நீர்த்தேக்கத்தில் உள்ள பழங்கால கி ணறுகள் 11ம் சீரமைக்கப்பட்டுள்ளது. காவிரி மகா புஷ்கரம் விழாவின் தொடக்க நாளான இன்று(செப்12ல்) அதிகாலை முதலே பேரூர் இளைய ஆதினம் மருதாச்சல அடிகளார், சிரவை ஆதினம் குமரகுருபர சுவாமிகள், துலாக்கமிட்டி தலைவர் சுவாமி ராமானந்த மகராஜ் மற்றும் ஏராளமான துரவிகளும், பக்தர்களும் காவிரி துலாக்கட்டத்தில் புனித நீராடினர் தொடர்ந்து காவிரியின் தென்கரையில் பிரதிஷ்டை செய்யப்பட்டுள்ள காவிரி தாய்க்கு சிறப்பு அபிஷேக ஆராதனைகள் நடைபெற்றது. பூஜைகளை வேத சிவ ஆகம பாடசாலை முதல்வர் சாமிநாத சிவாச்சாரியார் தலைமையிலானோர் நடத்தி வைத்தனர். அதனையடுத்து அங்குள்ள கொடி மரத்தில் சிவாச்சாரியார்கள் வேத மந்திரங்கள் முழங்க திருவாவடுதுறை ஆதினம் ஸ்ரீலஸ்ரீ அம்பலவா ன தேசிக ஞானசம்பந்த பரமாச்சாரிய சுவாமிகள் காவிரி மகா புஷ்கரம் விழா கொடியை ஏற்றினார். தொடர்ந்து காவிரி துலாக்கட்டத்தின் இரு கரைகளிலும் மாயூரநாதர், வதான்யேஸ்வர சுவாமி, உள்ளிட்ட பஞ்ச மூர்த்திகள் எழுந்தருள அஸ்திர தேவருக்கு சிறப்பு அபிஷேக ஆராதனைகள் நடைபெற்றது யாகசாலையில் இருந்து கடங்கள் புறப்பட்டு துலாக்கட்டத்திற்கு வர கடத்தில் வைக்கப்பட்டிருந்த நீரை, காஞ்சி மடாதிபதி ஸ்ரீ ஜெயேந்திர சரஸ்வதி சுவாமிகள் துலாக்கட்ட காவிரி நீத்தேக்கத்தில் உற்றி புனிதப்படுத்தினார். அதனையடுத்து ஜெயேந்திர சரஸ்வதி சுவாமிகள், விஜயேந்திர சரஸ்வதி சுவாமிகள், தருமபுரம் ஆதினம் ஸ்ரீலஸ்ரீ சன்மூக தேசிக ஞானசம்பந்த பரமாச்சாரிய சுவாமிகள், திருவாவடுதுறை ஆதினம் ஸ்ரீலஸ்ரீ அம்பலவான பரமாச்சாரிய சுவாமிகள், செங்கோல் ஆதினம் சிவப்பி ரகாச தேசிக ஞானசம்பந்த பரமாச்சாரிய சுவாமிகள், சூரியனார்கோயில் ஆதினம் சங்கரலிங்க தேசிக பரமாச்சாரிய சுவாமிகள், வீரராகவ சுவாமிகள் மற்றும் ஆதின இளைய சன்னிதானங்கள், கட்டளை தம்பிரான்கள் புனித நீராடினர். அவர்களையடுத்து 5 ஆ யிரத்திற்கும் மேற்பட்ட பக்தர்கள் மயிலாடுதுறை காவிரி துலாக்கட்டத்தில் அமைக்கப்பட்டிருந்த நீர் தேக்கத்தில் புனித நீராடினர். காவிரி மகா புஷ்கரம் விழாவை முன்னிட்டு மயிலாடுதுறை முழுவதும் 4 மாவட்டங்களில் இருந்து வரவழைக்கப்பட்ட துப்புரவு தொழிலாளர்கள் சுகாதார பணிகளை மேற்கொ ண்டுள்ளனர். எஸ்பி., சேகர் தேஷ்முக் சஞ்சை தலைமையில் 1000 போலீசார் பணியில் ஈடுபட்டிருந்தனர். பக்தர்கள் பாதுகாப்பிற்காக நகரின் பல்வேறு பகுதிகளில் சிசிடிவி கே மராக்கள் பொறுத்தப்பட்டிருந்தன. போலீசாருடன் கல்லூரி மாணவர்களும் பாதுகாப்பு பணியில் ஈடுபட்டிருந்தனர்.
Shared By Giridharan (309)
News Url http://temple.dinamalar.com/news_detail.php?id=72001

12 Sep 2017 - மகுடேஸ்வரர் கோவிலில் சத்ரு சம்ஹார யாகம்

News Title மகுடேஸ்வரர் கோவிலில் சத்ரு சம்ஹார யாகம்
News Detail கொடுமுடி: மகுடேஸ்வரர் கோவிலில், சத்ரு சம்ஹார யாகம், நேற்று தொடங்கியது. பிரசித்தி பெற்ற, கொடுமுடி மகுடேஸ்வரர் கோவிலில், உலக நன்மை, மக்கள் நலன் கருதி, சத்ரு சம்ஹார யாக தொடக்க விழா, கடந்த, 8ல் தொடங்கியது. செப்.,9ல் ருத்ர யாகம் மற்றும் முதற்கால யாக பூஜை நடந்தது. இதை தொடர்ந்து, இரண்டாம் கால, மூன்றாம் கால யாக பூஜைகள் நேற்று நடந்தன. இன்று நான்காம் கால யாக பூஜை, மஹா அபிஷேகம் சிறப்பு அர்ச்சனை நடக்கிறது. இதை தொடர்ந்து, கோவிலில் உள்ள முருகப்பெருமான் சன்னதியில், சத்ரு சம்ஹார ஹோமம், சிறப்பு வழிபாடு மாலையில் நடக்கிறது. இதில் பக்தர்கள் பங்கேற்க, கோவில் நிர்வாகம் அழைப்பு விடுத்துள்ளது.
Shared By Giridharan (309)
News Url http://temple.dinamalar.com/news_detail.php?id=72014

12 Sep 2017 - ஒரே கல்லில் உருவான 17 அடி சிவன் சிலை

News Title ஒரே கல்லில் உருவான 17 அடி சிவன் சிலை
News Detail திருப்பூர் : திருப்பூர் அருகே, ஒரே கல்லில் சிவபெருமான் காட்சியளிக்கும் வகையில், 17 அடி உயர சிவன் சிலையை, சிற்பிகள் உருவாக்கி உள்ளனர்.திருப்பூர் மாவட்டம், அவிநாசி அருகேயுள்ள திருமுருகன்பூண்டி முருகன் சிற்ப கலைக்கூடத்தை சேர்ந்த சிற்பிகள், 17 அடி உயரத்தில், 18 டன் எடையில், சிவபெருமான் சிலையை உருவாக்கியுள்ளனர். தலை பகுதியில், கங்கா தேவி காட்சியளிக்கும் வகையில் சிலை, அழகிய வேலைப்பாடுகளுடன் வடிவமைக்கப்பட்டுள்ளது.கோவை மாவட்டம், பீளமேடு சேரன் மாநகரில் உள்ள விநாயகர் கோவிலில், கார்த்திகை மாதம், இந்த பிரமாண்ட சிலை பிரதிஷ்டை செய்யப்பட உள்ளது. இந்த சிலை, நேற்று லாரியில் கோவைக்கு அனுப்பப்பட்டது.சிற்பி சண்முகவேல் கூறுகையில், ஒரே கல்லில், சிவன் காட்சியளிக்கும் வகையில், 18 டன் எடையில், 25 பணியாளர்களுடன் உருவாக்கினோம். இப்பணி, ஓராண்டாக நடந்தது. சிலை, 17 அடி உயரம், 10 அடி அகலம், சுற்றளவு, 25 அடி என்ற வகையில் அமைக்கப்பட்டுள்ளது, என்றார்.
Shared By giridharan (309)
News Url http://temple.dinamalar.com/news_detail.php?id=71971

12 Sep 2017 - கோவில் விழாக்களை முன்பே அறிய இணையதளத்தில் ’திருவிழா’ பிரிவு

News Title கோவில் விழாக்களை முன்பே அறிய இணையதளத்தில் ’திருவிழா’ பிரிவு
News Detail தமிழகத்தில் பிரசித்தி பெற்ற கோவில்களின் முக்கிய திருவிழாக்களை முன்கூட்டியே அறிந்து கொள்ள, அறநிலையத்துறை இணைய தளத்தில், ’திருவிழா’ என்ற பிரிவு அறிமுகம் செய்யப்பட்டு உள்ளது. அறநிலையத்துறை இணைய தளத்தில், தமிழக கோவில்களின் வரலாறு, துறையின் செயல்பாடுகள், திட்டங்கள், ஒப்பந்தம் உள்ளிட்டவை இடம் பெற்றுள்ளன. சில மாதங்களுக்கு முன், ’விர்சுவல் டூர்’ எனும் தலைப்பிலான புதிய பிரிவு அறிமுகம் செய்யப்பட்டது. இதன்படி, தமிழகத்தின் பிரசித்தி பெற்ற கோவில்களை, 360 டிகிரி கோணத்தில் பார்க்கும் வசதி, கோவில் வரலாறு, திருவிழா உள்ளிட்ட அனைத்து விபரங்களையும் பக்தர்கள் அறிய முடியும். இந்நிலையில், ’திருவிழா’ எனும் பிரிவு, அறிமுகம் செய்யப்பட்டுள்ளது. இது குறித்து அறிநிலையத்துறை அதிகாரிகள் கூறியதாவது:இதற்கு முன், கோவில் திருவிழா அழைப்பிதழ்களை பதிவேற்றம் செய்து வந்தோம். அது பக்தர்களுக்கு வசதியாக இல்லை என்பதால், ’திருவிழா’ என்ற பிரிவு அறிமுகம் செய்யப்பட்டு உள்ளது. இதில், கோவில்களின் திருவிழாக்கள் நடக்கும் மாதம், தேதி, அழைப்பிதழ் உள்ளிட்ட விபரங்கள், இடம் பெற்று உள்ளன.தற்போது, 110 கோவில்களின் விபரங்கள் பதிவேற்றம் செய்யப்பட்டுள்ளன. விரைவில், அனைத்து பிரதான கோவில்களின் விபரங்களும் இணைக்கப் படும். இதன்படி, பக்தர்கள் பயணத்திற்கு திட்டமிடுவது வசதியாகும். அடுத்ததாக, பக்தர்கள் வசதிக்காக, கோவில் திருவிழாக்களின் ஒலி, ஒளி தொகுப்பு, ’யூ டியூப்’பில் பதிவேற்றம் செய்யப்பட உள்ளது.இவ்வாறு அவர்கள் கூறினர்.
Shared By giridharan (309)
News Url http://temple.dinamalar.com/news_detail.php?id=71975

07 Sep 2017 - காஞ்சிபுரம் ஏகாம்பரநாதர் கோவிலில் 1,008 சக்திகள தீப விழா

News Title காஞ்சிபுரம் ஏகாம்பரநாதர் கோவிலில் 1,008 சக்திகள தீப விழா
News Detail காஞ்சிபுரம்: காஞ்சிபுரம், ஏகாம்பரநாதர் கோவிலில், காரைக்குடி மற்றும் மதுரை ஸ்ரீஅகத்தியர் அதிர்ஷ்ட தீபக்குழு சார்பில், 1,008 சக்தி கள தீப விழா நடந்தது.ஸ்ரீஅகத்திய மகரிஷியால், சக்திகள தீபம் என்றழைக்கப்படும், 1,008 கும்ப பிரமிடு விளக்கு தீபம், பவுர்ணமி தோறும், நவக்கிரகம் மற்றும் பஞ்சபூதம் உட்பட பல்வேறு தலங்களில், ஏற்றப்பட்டு வருகிறது.அந்த வகையில், நேற்று காஞ்சிபுரம், ஏகாம்பரநாதர் கோவிலில் தீபம் ஏற்றப்பட்டது. உலக நன்மைக்காக நடந்த கூட்டு வழிபாடு நடந்தது. இதில், ஏராளமான பக்தர்கள் பங்கேற்றனர்.
Shared By Giridharan (309)
News Url https://shaivam.org/news-shaivam-related-news-from-media

06 Sep 2017 - வல்லம் சடையீஸ்வரர் கோவிலில் கும்பாபிஷேகம்

News Title வல்லம் சடையீஸ்வரர் கோவிலில் கும்பாபிஷேகம்
News Detail வல்லம்: சடையீஸ்வரர் கோவில் கும்பாபிஷேக விழா, நடந்தது. ஸ்ரீபெரும்புதுார் அடுத்த வல்லம் கிராமத்தில், சைனாம்பிகை அம்மன் உடனுறை சடையீஸ்வரர் கோவில் அமைந்துள்ளது. 800 ஆண்டுகள் பழமையான இந்த கோவில், அண்மையில் சீரமைத்து புதுப்பிக்கப்பட்டது. இதையடுத்து, கோவிலின் மஹா கும்பாபிஷேக விழா, 1ம் தேதி கணபதி பூஜையுடன் துவங்கியது. கோவில் கலசங்களில் புனித நீர் ஊற்றி, சிவாச்சாரியார்கள் முன்னிலையில் மஹா கும்பாபிஷேகம் செய்யப்பட்டது. இதில் ஏராளமான பக்தர்கள் பங்கேற்றனர்.
Shared By Giridharan (309)
News Url http://temple.dinamalar.com/news_detail.php?id=71848

05 Sep 2017 - ராமேஸ்வரம் கோயில் தங்கத் தேர் முடக்கம் : புதிய தேர் உருவாக்கப்படுமா

News Title ராமேஸ்வரம் கோயில் தங்கத் தேர் முடக்கம் : புதிய தேர் உருவாக்கப்படுமா
News Detail ராமேஸ்வரம்: ராமேஸ்வரம் கோயிலில் முடங்கிக் கிடக்கும் தங்கத் தேருக்கு பதிலாக, புதிய தங்கத் தேர் உருவாக்க வேண்டும் என பக்தர்கள் வலியுறுத்தி உள்ளனர். 2001ல்ராமேஸ்வரம் ராமநாதசுவாமி கோயிலில் 14 கிலோ தங்கத்தில், 18.5 அடி உயரத்தில் தங்கத் தேரை இந்து சமய அறநிலையத் துறையினர் உருவாக்கினர். ரூ.2 ஆயிரம் நன்கொடை செலுத்தி, கோயில் மூன்றாம் பிரகாரத்தில் இந்த தேரை பக்தர்கள் இழுத்து நேர்த்திக் கடன் செலுத்தி வந்தனர். துவக்கத்தில் தங்கத் தேரை பராமரித்த கோயில் நிர்வாகம், காலப்போக்கில் கண்டுகொள்ளாமல்விட்டதால் தேரின் சக்கரம் சேதமடைந்து இயங்காமல் போனது. தங்கம் மாயம் : 16 ஆண்டுகளுக்கு முன் தங்கத் தேரில் பொருத்தியதாக கூறப்பட்ட 14 கிலோ தங்கத்தில், தற்போது ஒரு சில கிலோ எடை குறைந்து விட்டதாக கூறப்படுகிறது. அடுத்தடுத்து பொறுப்பேற்ற கோயில் அதிகாரிகள் சேதமடைந்த தங்கத் தேரை பழுது நீக்கி மீண்டும் இயக்க முன்வராமல், ஒதுங்கி கொண்டனர். இதனால் 10 ஆண்டுகளுக்கு மேலாக தங்கத்தேர் பயன்பாடின்றி கோயில் மூன்றாம் பிரகாரத்தில் முடங்கி கிடக்கிறது. சேதமடைந்த தேரில் உள்ள தங்கத்தின் எடை குறைவு குறித்து ஆய்வு செய்து, சிறிய அளவில் புதிய தங்கத் தேரை உருவாக்கி இயக்க, இந்து சமய அறநிலையத் துறை ஆணையர் நடவடிக்கை எடுக்க வேண்டும் என பக்தர்கள் வலியுறுத்துகின்றனர். கோயில் அலுவலர் ஒருவர் கூறியதாவது: தற்போதைய தங்கத் தேர் பெரியதாக உள்ளதால், பழுது நீக்கி இயக்கினாலும் சிக்கல் ஏற்படும். உயர் அதிகாரி உத்தரவிட்டால் புதிய தங்கத் தேர் உருவாக்க வாய்ப்பு உள்ளது. சேதமடைந்த தேரில், ஒரு சதவீதம் கூட தங்கத்தின் எடை குறைய வாய்ப்பு இல்லை என்றார்.
Shared By Giridharan (309)
News Url http://temple.dinamalar.com/news_detail.php?id=71796

05 Sep 2017 - விருத்தாசலம் விருத்தகிரீஸ்வரருக்கு 108 சங்காபிஷேகம்

News Title விருத்தாசலம் விருத்தகிரீஸ்வரருக்கு 108 சங்காபிஷேகம்
News Detail விருத்தாசலம்: விருத்தாசலம் விருத்தகிரீஸ்வரர் கோவிலில் உலக நன்மை வேண்டி, 108 சங்காபிஷேகம், 27 கலசாபிஷேகம் நடந்தது. ஆவணி மாத சோமவாரத்தை முன்னிட்டு, விருத்தாசலம் விருத்தகிரீஸ்வரர் கோவிலில் பெரியநாயகருக்கு உலக நன்மை வேண்டி சிறப்பு யாகம் செய்து, 108 சங்காபிஷேகம், 27 கலசாபிஷேகம் செய்யப்பட்டது. அதில், ஏராளமானோர் தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=71793

05 Sep 2017 - பழநி திருஆவினன்குடி கோயிலில் வருடாபிஷேகம்

News Title பழநி திருஆவினன்குடி கோயிலில் வருடாபிஷேகம்
News Detail பழநி : பழநி திருஆவினன்குடி கோயிலில் வருடாபிஷேக விழாவை முன்னிட்டு 108 சங்காபிஷேகம், சிறப்பு யாகபூஜை நடந்தது. மூன்றாம்படை வீடு என அழைக்கப்படும் பழநி திருஆவினன்குடி கோயிலில் வருடாபிகேஷக விழாவை முன்னிட்டு முன்மண்டபத்தில் புனிதநீர் நிரப்பிய கும்பகலசங்கள் மற்றும் வேல்வடிவில் 108 சங்குகள் வைத்து சிறப்புயாக பூஜை நடந்தது. அதன்பின் உச்சிக்காலபூஜையில் மூலவர் குழந்தைவேலாயுத சுவாமிக்கு கும்பகலசநீர், 108 சங்காபிஷேகம் நடந்தது. இணை ஆணையர் செல்வராஜ், துணை ஆணையர் மேனகா மற்றும் பக்தர்கள் பலர் பங்கேற்றனர்.
Shared By giridharan (309)
News Url http://temple.dinamalar.com/news_detail.php?id=71794

04 Sep 2017 - 66 கோடி தீர்த்தங்கள் கொண்ட காவிரியில் மகா புஷ்கரம்!

News Title 66 கோடி தீர்த்தங்கள் கொண்ட காவிரியில் மகா புஷ்கரம்!
News Detail பிரம்மாவால் உருவாக்கப்பட்டதாக கருதப்படும்,புஷ்கர் சரோவர் என்ற ஏரி, ராஜஸ்தான் மாநிலத்தில் உள்ளது. ராமாயணம், மகாபாரதம் போன்ற இதிகாசங்களில், புஷ்கர் என குறிப்பிடப்பட்டுள்ள இந்த ஏரி, தீர்த்த குரு, ஆதிகுரு என்றெல்லாம் அழைக்கப்படுகிறது. இந்த ஏரிக்கு அருகில் அமைந்துள்ள பிரம்மா கோவிலில், கார்த்திகை மாதத்தில், ஐந்து நாட்கள், புஷ்கர் மேளா கொண்டாடப்படும். பவுர்ணமி நாளில், நிறைவு பெறும் மேளாவின் போது, ஏராளமான பக்தர்கள் புஷ்கர் சரோவர் ஏரியில் புனித நீராடுவர். ஒவ்வொரு நதியிலும், பிரகஸ்பதியான குருபகவான் சஞ்சரிக்கும் காலத்தை புஷ்கரம் எனவும், பஞ்சாங்கங்களில் இதை புஷ்கர காலம் எனவும் குறிப்பிடுகின்றனர். அதே போல், ஒவ்வொரு ராசிக்குரிய நதிகளிலும், குருபகவான் சஞ்சரிக்கும் காலத்தில், அந்தந்த நதிகளில் புஷ்கரம் நடைபெறும். புஷ்ரத்தின் போது, நதிகளில் மக்கள் புனித நீராடுவர். இந்தியாவில் உள்ள கங்கை, யமுனை, சரஸ்வதி உட்பட, 12 நதிகளிலும், 12 ஆண்டுகளுக்கு ஒரு முறை புஷ்கரம் என்ற புனித நீராடல் நிகழ்ச்சி நடக்கும். அதன்படி, குரு பகவான், துலாம் ராசியில் பிரவேசிப்பதை ஒட்டி, செப்டம்பர், 12 முதல், 23ம் தேதி வரை, காவிரி தீர்த்தங்களில் புஷ்கரம் நடக்கிறது. குரு பகவான், மேஷ ராசியில் பிரவேசிக்கும் போது, காசி, ஹரித்துவார், ரிஷிகேஷ் போன்ற இடங்களில், கங்கைக் கரையில் புனித தலங்களில் புஷ்கரம் நடக்கும். ரிஷப ராசியில் பிரவேசிக்கும் போது, நர்மதா நதிக்கரையில் உள்ள ஜோதிர்லிங்க தலங்களுள் ஒன்றான ஓம்காரேஸ்வரர் புனித தலத்திலும், மிதுன ராசியில் பிரவேசிக்கும் காலத்தில், சரஸ்வதி நதிக்கரையின் குருஷேத்திரம், கேசவ பிரயாகை, குஜராத்தில் சோமநாதபுரம், அலகாபாத்தில் திரிவேணி சங்கமம், மத்திய பிரதேசத்தில் பேடாகட், ஆந்திராவில் உள்ள காலேஸ்வரம் போன்ற இடங்களில், சரஸ்வதி புஷ்கரம் நடக்கும்.கடக ராசியில் பிரவேசிக்கும் காலத்தில், யமுனோத்ரி, ஹரித்துவார், பிருந்தாவன், மதுரா, திருவேணி சங்கமம் போன்ற இடங்களிலும், சிம்ம ராசியில் பிரவேசிக்கும் காலத்தில், நாசிக்கில் உள்ள திரியம்பகம், ஆந்திராவில் கோதாவரி நதியில், புனித நீராடும் புஷ்கரம் நடக்கும். கன்னி ராசியில் பிரவேசிக்கும் போது, துளசி, காசரி, கும்பி, சாவித்திரி, போகவதி ஆகியபஞ்ச கங்கா நதிகள், கிருஷ்ணா நதியோடு கலக்கும் பிரயாக் சங்கமத்திலும், ஆந்திராவில் விஜயவாடாவிலும் நடக்கும். கடந்த ஆண்டு ஆகஸ்ட், 12 முதல், 23ம் தேதி வரை, கிருஷ்ணா புஷ்கரம் நடந்தது. விருச்சிக ராசியில் பிரவேசிக்கும் போது, ஜோதிர்லிங்க தலங்களில் ஒன்றான பீமாசங்கரம், பண்டரிபுரம், தமிழகத்தில், தாமிரபரணியில் உள்ள பாணதீர்த்தம், பாபநாசம், திருப்புடைமருதுார், சிந்துபூந்துறை போன்ற இடங்களில், புனித நீராடி வழிபாடு நடத்தப்படும். தனுசு ராசியில் பிரவேசிக்கும் காலத்தில், அஸ்ஸாம் மாநிலத்தில் உள்ள பிரம்மபுத்திராவிலும், மகர ராசியில், துங்கபத்ரா நதிக்கரையில் உள்ள சிருங்கேரி மந்த்ராலயத்திலும் புஷ்கரம் நடக்கும். கும்ப ராசியில் பிரவேசிக்கும் போது, சிந்து நதிக்கரையின் ஜம்மு, காஷ்மீர், பஞ்சாப் மாநிலங்களில் உள்ள புனித தலங்களிலும், மீன ராசியில் பிரவேசிக்கும் போது, தெலுங்கானாவில் அடிலாபாத்தில் உள்ள காலேஸ்வரத்திலும், கோதாவரியின் உப நதியான ப்ராணஹிதாவிலும் புஷ்கரம் என்ற புனித நீராடும் விழா கொண்டாடப்படுகிறது. குரு பகவான், துலாம் ராசியில் பிரவேசிப்பதை ஒட்டி, 144 ஆண்டுகளுக்கு பின், இந்த ஆண்டு செப்டம்பர், 12 துவங்கி, 23ம் தேதி வரை, அதாவது, ஆவணி, 27 முதல் புரட்டாசி, 8 வரை, காவிரி தீர்த்தங்களில் மகா புஷ்கரம் நடக்கிறது.மகா புஷ்கரம் நடைபெறும் காலத்தில் பிரம்மா, விஷ்ணு, சிவன், இந்திரன் ஆகியமூர்த்திகள் ஒருங்கிணைந்து அருள்பாலிப்பதாக ஐதீகம்.காவிரியில் மகா புஷ்கரம் நடைபெறும் காலத்தில், கர்நாடகா மாநிலம், குடகு மலையில் உள்ள தலைக்காவிரி, ஸ்ரீரங்கபட்டிணம், பாகமண்டலா, மாண்டியா, சிவசமுத்ரா, தலக்காடு, கனகாபூர், முத்தாதி போன்ற புனித தீர்த்தக் கட்டங்களில், நீராடி வழிபாடு நடத்துவர். தமிழகத்தில், ஒகேனக்கல், மேட்டூர், பவானி, பள்ளிப்பாளையம், கொடுமுடி, பரமத்தி வேலுார், ஸ்ரீரங்கம், திருவையாறு, சுவாமிமலை, கும்பகோணம், மயிலாடுதுறை, காரைக்கால், பூம்புகார் போன்ற தீர்த்தக் கட்டங்களிலும், நீராடி வழிபாடு நடத்துவர். புஷ்கர நீராடல் விதி: இந்த மகா புஷ்கர விழா எல்லா ராசிக்காரர்களுக்கும் உகந்தது என்றாலும், கன்னி, துலாம், விருச்சிக ராசிக்கரர்கள் விசேஷமான பரிகாரமும்; மேஷம், கும்பம், மீன ராசிக்காரர்களுக்கு குரு மத்திமப் பலன் தருவதால், பொதுவான தான பரிகாரமும் செய்து கொள்ள வேண்டும் எனச் சொல்கிறது புஷ்கர தாத்பர்ய நுால்.காகாரோ கலுஷம் ஹந்திவேகாரோ வாஞ்சித ப்ரத:ரீகாரோ மோஷதம் ந்ருணாம்காவேரீத்ய தாரய:வேத வாக்கியமான இந்த வரிகளில், எல்லாவித தோஷங்களும் நீக்கி, விரும்பிய நன்மைகளைக் கிடைக்கச் செய்து, பாவங்கள் அகற்றி மோட்சத்தை அளிக்கக் கூடியது காவிரி நதி ஒன்றே என, உறுதியாகக் கூறப்பட்டு உள்ளது. 66 கோடி தீர்த்தங்கள்: நம் பாரத பூமியில், 250-க்கும் மேற்பட்ட நதிகள் ஓடுகின்றன. இருப்பினும், புஷ்கர நீராடல் என்னும் தீர்த்தக் குளியல் நடத்த, 12 நதிகள் மட்டுமே தகுதி பெற்றுள்ளன. அவற்றுள் காவிரியும் ஒன்று. புஷ்கரம் என்பது குருபகவானுடைய அருளாசியால் நடப்பது. சிவபெருமான், பக்தர்களுக்குத் தலபுண்ணியம்தருவதில் பங்கு பெறுகிறார். மேலும் பிரம்மா, அஷ்ட லட்சுமி தேவிகளும் தொடர்பு கொண்டிருப்பதால், இப்புனித நீராடல், மோட்சத்தையும், லட்சுமி கடாட்சத்தையும் கொடுப்பதாக அமைகிறது. காவிரி நதி, 66 கோடி தீர்த்தங்களைத் தன்னிடம் கொண்டிருப்பதாக புராணங்கள் போற்றுகின்றன.குடகுமலையில் உருவாகும் காவிரி, கர்நாடகா, மைசூரு எல்லையைக் கடந்து தஞ்சை, கும்பகோணம், மயிலாடுதுறை வழியாக, காவிரிப்பூம்பட்டினத்தில் கடலோடு சங்கமம் ஆகிறாள். துவங்கிய இடத்தில் இருந்து, 765 கி.மீ., பயணப்படுகிற தென்னாட்டு கங்கையாம் காவிரிக்கு, சிம்சா, ஹேமாவதி, அக்ராவதி, லக்ஷ்மண தீர்த்தம், கபினி, பவானி, லோக பவானி, நொய்யல், அமராவதி என்ற பெயர்களில், கிளை நதிகள் வருகின்றன.காவிரி நதியைப் பற்றி நம் தர்மசாஸ்திரம் உயர்வாக, இரண்டு மந்திர வாசகங்களால் கூறுவதைக் கண்டால், இதன் ஸ்நான சக்தி,- புனித நீராடல் பலன் நமக்குப் புரியும்.த்ரிராத்ரம் ஜான்ஹவீ தோயே ஸப்தராத்ரந்து யாமுனே ஸத்ய: புநாதி காவேரீ பாபம் ஆமரணாந்திகம். இதன் உட்பொருள்: மூன்று நாட்கள் புனித நீராடினால், கங்கை எல்லா பாவங்களையும் அகற்றும். யமுனை நதி, ஏழு நாட்களில் பாவங்களைக்களையும். ஆனால், காவிரிநதியில் புனித நீராடி விட்டால், வாழ்நாள் முழுவதும்செய்த பாவங்களை உடனே அகற்றிவிடுவாள்.பொதுவாகவே காவிரியின் பெருமையை, இல்லங்களில் நடக்கும் புண்ணியாக வாசனமந்திரத்திலிருந்து தெரிந்து கொள்ளலாம். கங்கேச யமுனே சைவ கோதாவரி சரஸ்வதி நர்மதே சிந்து காவேரி தீர்த்தேஸ்மின் சன்னிதிம் குரு இதில் காவிரி நதி இடம் பெற்றுள்ளதால், பாவங்களைப் போக்குவதற்கு சக்தி படைத்த நதிகளுள் காவிரியும் ஒன்று என அறியலாம்.
Shared By giridharan (309)
News Url http://temple.dinamalar.com/news_detail.php?id=71738

04 Sep 2017 - நாட்டரசன்கோட்டையில் கும்பாபிஷேகம்

News Title நாட்டரசன்கோட்டையில் கும்பாபிஷேகம்
News Detail சிவகங்கை: சிவகங்கை அருகேயுள்ள நாட்டரசன்கோட்டை கரிகால சோழீஸ்வரர் கோயில் கும்பாபிஷேகம் நேற்று நடந்தது. இக்கோயில் கும்பாபிேஷக விழா ஆக., 27 கணபதி பிரார்த்தனையுடன் துவங்கியது. ஆக., 28 காலை 8:15 மணிக்கு சாந்தி ஹோமம், ஆக., 30 காலை 9:15 மணிக்கு பிரஸன்னாபிேஷகம் நடந்தது. ஆக., 31 மாலை 6:30 மணிக்கு முதல்யாக சாலை பூஜை துவங்கியது. செப்., 1 காலை 8:30 மணிக்கு இரண்டாம் காலயாக சாலை பூஜை, இரவு 9:10 மணிக்கு மூன்றாம் காலயாகசாலை பூஜை நடந்தன. செப்., 2 காலை 8:30 மணிக்கு நான்காம்கால யாகசாலை பூஜை, மாலை 5:30 மணிக்கு ஐந்தாம்கால யாகசாலை பூஜை நடந்தன. செப்., 3 காலை 10:45 மணிக்கு கோபுர விமானங்களுக்கும், தொடர்ந்து மூலஸ்தான விமானத்திற்கும் புனித நீர் ஊற்றப்பட்டது. மாலை 3:45 மணிக்கு மகாஅபிேஷகம், மாலை 6:30 மணிக்கு திருக்கல்யாணம், இரவு 7:15 மணிக்கு பஞ்சமூர்த்தி புறப்பாடும் நடந்தன. ஏற்பாடுகளை தேவஸ்தான அலுவலர்கள், நகரத்தார்கள், விழாக்குழுவினர் செய்தனர்.
Shared By Giridharan (309)
News Url http://temple.dinamalar.com/news_detail.php?id=71744

04 Sep 2017 - திருக்கழுக்குன்றம் கோவிலில் திருப்பணிகள் துவக்கம்

News Title திருக்கழுக்குன்றம் கோவிலில் திருப்பணிகள் துவக்கம்
News Detail திருக்கழுக்குன்றம்: திருக்கழுக்குன்றம் உருத்திர கோட்டீஸ்வரர் கோவில் கும்பாபிஷேகத்திற்கான ராஜகோபுர திருப்பணி, நேற்று நடந்தது. திருக்கழுக்குன்றத்தில், வேதகிரீஸ்வரர் கோவில் புகழ்பெற்றது. அதன் துணை கோவிலான, புராதன உருத்திர கோட்டீஸ்வரர் கோவில் உள்ளது. இக்கோவிலின் பாழடைந்த நிலை குறித்து, மே மாதம், நமது நாளிதழில் விரிவான படங்களுடன் செய்தி வெளியிடப்பட்டது. இதையடுத்து, அறநிலையத்துறை அதிகாரிகள் மற்றும் உபயதாரர்கள் ஆலோசித்து, கோவிலில் திருப்பணிகள் செய்ய முடிவு செய்தனர். இதையடுத்து, திருப்பணி துவங்குவதற்கான பாலாலய பூஜையை, சிவாச்சாரியார்கள் நேற்று,கோவில் வளாகத்தில் நடத்தினர். வேதகிரீஸ்வரர் கோவில் செயல் அலுவலர்குமரன், மேலாளர் விஜயன் மற்றும் திருப்பணி குழுவினர் பங்கேற்றனர். இதுகுறித்து விழா குழுவினர்கூறியதாவது: உருத்திர கோட்டீஸ்வரர் கும்பாபிஷேகம், 16 ஆண்டுகளுக்கு முன் நடந்தது. மாதந்தோறும் பவுர்ணமி, பிரதோஷம், சஷ்டி உள்ளிட்ட நாட்களில் சிறப்பு பூஜைகள் நடத்தப்படுகின்றன. தொன்மையான கோவில் சிறப்பை வெளி கொணரும் விதத்தில் கும்பாபிஷேக பணிகளை துவக்கியுள்ளோம். இவ்வாறு அவர்கள் கூறினர். திருப்பணிகளில் நீங்களும் பங்கேற்கலாம்: பழமையான இக்கோவிலுக்கு நிதி ஆதாரம் இல்லாத நிலை உள்ளது. உபயதாரர்கள் துவக்கியுள்ள இத்திருப்பணிக்கு, விரும்பும் பக்தர்கள் பணம் மற்றும் கட்டுமான பொருட்களை நன்கொடையாக வழங்கலாம்.
Shared By Giridharan (309)
News Url http://temple.dinamalar.com/news_detail.php?id=71747

02 Sep 2017 - மதுரை ஆவணி மூலத்திருவிழா: பிட்டுக்கு மண் சுமந்த சுந்தரேஸ்வரர்

News Title மதுரை ஆவணி மூலத்திருவிழா: பிட்டுக்கு மண் சுமந்த சுந்தரேஸ்வரர்
News Detail மதுரை: மதுரை மீனாட்சி அம்மன் கோவில் ஆவணி மூலத்திருவிழாவில் பிட்டுக்கு மண் சுமந்த கோலத்தில் சுந்தரேஸ்வரர் பக்தர்களுக்கு அருள்பாலித்தார். மதுரை மீனாட்சி அம்மன் கோயில் ஆவணிமூலத் திருவிழா கடந்த 19ம் தேதி கொடியேற்றுத்துடன் துவங்கி நடைபெற்று வருகிறது. விழாவில் 9ம் நாளான செப் 2ல் பிட்டுக்கு மண் சுமந்த லீலை சிறப்பாக நடைபெற்றது. விழாவை முன்னிட்டு சுந்தரேஸ்வரரும், மீனாட்சி அம்மனும் கோவிலில் இருந்து பிட்டுத்தோப்புக்கு சென்றனர். அங்கு பிட்டுக்கு மண் சுமந்த லீலை நடந்தது. விழாவையொட்டி சுந்தரேஸ்வரர் தங்க மண்வெட்டியை தோள் பட்டையிலும், தங்கக் கூடையை தலையிலும் சுமந்த கோலத்தில் பக்தர்களுக்கு காட்சி அளித்தார். ஏராளமான பக்தர்கள் தரிசனம் செய்தனர்.
Shared By Giridharan (309)
News Url http://temple.dinamalar.com/news_detail.php?id=71735

01 Sep 2017 - Telangana temple lands to go to presiding deities

News Title Telangana temple lands to go to presiding deities
News Detail The new pattadar passbooks will be issued in the name of presiding deities to avoid manipulations in future.
Shared By vaan (17)
News Url http://www.deccanchronicle.com/nation/current-affairs/010917/telangana-temple-lands-to-go-to-presiding-deities.html

Aug 2017

29 Aug 2017 - சுசீந்திரம் தாணுமாலைய சுவாமி கோயிலில் ஆவணி திருவிழா தொடக்கம்

News Title சுசீந்திரம் தாணுமாலைய சுவாமி கோயிலில் ஆவணி திருவிழா தொடக்கம்
News Detail மயிலாடுதுறை: நாகை மாவட்டம் மயிலாடுதுறையில் நடைபெற உள்ள மகா புஷ்கர் விழாவிற்கான பத்திரிக்கையை வெளியிட்டு விழா நடைபெற்றது.கங்கை, யமுனை, கோதாவரி, சரஸ்வதி போன்ற புன்னிய நதிகள் மயிலாடுதுறை து லாக்கட்ட காவிரியில் துலா மாதத்தில் புனித நீராடி தங்கள் பாவங்களை போக்கிக்கொண்ட புகழ்பெற்ற மயிலாடுதுறை துலாக்கட்ட காவிரியில் புஷ்கரம் விழா கொண்டாடுவது மிக வும் சிறப்பு, உலகில் வன்முறை நீங்கி அமைதியான வாழக்கை வாழ்வதற்கும், 64 சித்தர்கள் வாழ்ந்த இத்தலத்தில் வரும் செப் 12ம் தேதி முதல் 24ம் தேதி வரை நடைபெறும் புஷ் கரம் விழாவில் துலாக்கட்டம் காவிரியில் பக்தர்கள் புனித நீராடி தங்கள் பாவங்களை போக்கி இறையருள் பெற வேண்டும் என்றார்.
Shared By Giridharan (309)
News Url http://temple.dinamalar.com/news_detail.php?id=71580

29 Aug 2017 - மதுரை ஆவணி மூலத்திருவிழா: தருமிக்கு பொற்கிழி வழங்கிய சுந்தரேஸ்வரர்

News Title மதுரை ஆவணி மூலத்திருவிழா: தருமிக்கு பொற்கிழி வழங்கிய சுந்தரேஸ்வரர்
News Detail மதுரை: மதுரை மீனாட்சி அம்மன் கோயில் ஆவணிமூலத் திருவிழா கடந்த 19ம் தேதி கொடியேற்றுத்துடன் துவங்கி நடைபெற்று வருகிறது. விழாவில் தருமிக்கு பொற்கிழி வழங்கிய லீலையில், பிரியாவிடையுடன் சுந்தரேஸ்வரர் பக்தர்களுக்கு அருள்பாலித்தார். ஏராளமான பக்தர்கள் கலந்து கொண்டனர். தருமிக்குப் பொற்கிழி அளித்த படலம்: மதுரையில் தமிழ் வளர்ந்த நேரத்தில் வங்கியசேகர பாண்டியனின் மகன் வங்கிய சூடாமணி பாண்டியன் ஆட்சிப் பொறுப்பேற்றான். இந்த மன்னன் தான் மீனாட்சியம்மன் கோயிலில் நந்தவனம் அமைத்தவன். பல மரங்களையும், மலர்ச்செடிகளையும் அதில் நட்டான். அதில் பூத்த மலர்களே அம்பாளுக்கும், சுவாமிக்கும் மாலை கட்ட பயன்படுத்தப்பட்டன. குறிப்பாக செண்பக மலர்கள் இந்த நந்தவனத்தில் பூத்து மணம் பரப்பின. இதனால் இந்த நந்தவனத்தை செண்பகத்தோட்டம் என மக்கள் அழைத்தனர். சுந்தரேஸ்வரருக்கு செண்பகமாலையை அணிவித்து செண்பக சுந்தரர் என்று செல்லப் பெயர் இட்டனர். தங்கள் மன்னனுக்கு செண்பகப்பாண்டியன் என்று புனைப்பெயர் சூட்டி அழைத்தனர். மரம் நட்டதற்காக பட்டப்பெயர் பெற்ற முதல் மனிதன் பூமியில் இவன் தான் போலும்! ஒரு சமயம், அந்த செண்பகவனத்தில் அருகில் இருந்த சந்திரகாந்த சலவை மண்டபத்திற்கு மன்னன் தன் ராணியுடன் வந்தான். மலர்களின் மணம் நாசியைத் துளைத்தது. அதை இன்பமாக நுகர்ந்தபடியே தன் ராணியுடன் கொஞ்சி மகிழ்ந்திருந்தான். அவளது கூந்தலை வருடினான். இந்த மணம் தோட்டத்தில் இருந்து வருகிறதா! இல்லை! என் தேவியின் கூந்தலில் இருந்து வீசுகிறதா! அப்படியானால், பெண்களின் கூந்தலுக்கும் இயற்கையாகவே மணம் உண்டோ? இருக்க முடியாதே... இவளும் செண்பகம், மல்லிகை என பல மலர்களை கூந்தலில் சூடுவாள். அந்த மணம் கூந்தலில் இருக்கத்தானே செய்யும்! அந்த மணம் இங்கே பரவுகிறதோ! என்று சிந்தித்தான். தன் சந்தேகத்தை மனைவியிடமே கேட்டான். மாமன்னரே! திடீரென இதென்ன சந்தேகம்! சந்தேகம் மனிதர்களுக்கு ஆகாது. அதை உடனடியாகத் தீர்த்துக் கொள்ளுங்கள். எனக்கு இந்த சந்தேகத்திற்குரிய விடை தெரியவில்லை. மலர்கள் சூடுவதாலும் வாசனை வரலாம்! இயற்கையாகவும் இருக்கலாம்! எனவே, நீங்கள் இதுபற்றி உங்கள் தமிழ்ச்சங்க புலவர்களிடமே கேட்டுத் தெரிந்து கொள்ளுங்கள், என்றாள். பாண்டியன் அமைச்சர்களை அழைத்து, அமைச்சர்களே! பெண்களின் கூந்தலுக்கு இயற்கையிலேயே மணம் உண்டா என்ற சந்தேகம் என் மனதில் எழுந்துள்ளது. இதைத் தீர்த்து வைப்பவர்களுக்கு ஆயிரம் பொற்காசுகள் பரிசு தருகிறேன். பரிசுத்தொகையை பட்டு முடிப்பில் கட்டி, நமது தமிழ்ச்சங்க வாசலில் அறிவிப்பு பலகையுடன் தொங்கவிடுங்கள், என்று உத்தரவிட்டான். அமைச்சர்களும் உடனடியாக அதைச் செய்து முடித்தனர். அத்துடன் ஊரெங்கும் இதுபற்றி முரசும் அறையப்பட்டது. அவ்வளவு தான்! அரண்மனை முன்னால் பெரும் கூட்டம் குவிந்தது. வந்தவர்களெல்லாம் தங்கள் வாய்க்கு வந்ததையெல்லாம் மன்னனிடம் சொன்னார்கள். மன்னனுக்கு திருப்தியில்லை. தெளிவான பதில் தெரியவேண்டும், என்று சொல்லி அனுப்பிவிட்டான். மக்களும் ஓய்ந்து போனார்கள். மதுரை நகரில் தருமி என்னும் பெயருடைய ஆதிசைவர் ஒருவர் வசித்து வந்தார். அவருக்கு பெற்றோர் இல்லை, மனைவி இல்லை, சகோதர உறவிலும் யாருமில்லை. அனாதையாகத் திரிந்த அவருக்கு திருமணத்தின் மூலமாக ஒரு பந்தத்தை உருவாக்கிக் கொள்ளும் ஆசை இருந்தது. அனாதையாக இருந்தால் பரவாயில்லை... ஆகாரத்துக்கு கூட வழியில்லாதவனுக்கு யார் பெண் கொடுப்பார்கள்! தருமிக்கு பெண் கொடுக்க யாரும் முன் வரவில்லை. தருமி சுந்தரேஸ்வரரின் தீவிர பக்தர். பெருமானே! மன்னர் ஒரு போட்டி அறிவித்திருக்கிறார். அதில் அறிவிக்கப்பட்ட பரிசு எனக்கு கிடைத்தால், நானும் ஒரு மனிதனாவேன். ஆயிரம் பொன்னுக்கு அதிபதியானால், எனக்கும் ஒரு அழகு மங்கை மணவாட்டியாகக் கிடைப்பாள். நீ தான் அந்தப் பரிசு கிடைக்க அருள வேண்டும், என்று உருக்கமாக வேண்டினார். அப்போது, அங்கே ஒரு புலவர் வந்தார். வந்தவர், சுந்தரேஸ்வரப் பெருமான் என்பது தருமிக்கு எப்படி தெரியும்! அவர் தருமியின் கையில், ஒரு ஓலைச் சுவடியைத் திணித்தார். தருமியே! நீர் மன்னனிடம் இந்த ஓலையுடன் செல்லும்! இதிலுள்ள பாடலை அவரிடம் வாசியும். மன்னனின் சந்தேகமும் தீரும்! உமக்கு பரிசும் கிடைக்கும்! நீர் கேட்ட அழகு மங்கையும் கிடைப்பாள், என்றார். தனக்கு பரிசை அள்ளித் தரப்போகும் பாட்டு கிடைத்ததோ இல்லையோ, தருமி தன் முன்னால் லிங்கவடிவில் இருந்த சுந்தரேஸ்வரரையே மறந்துவிட்டார். பணம் இருந்தால் போதும்! கடவுள் எதற்கு? என்று கேட்பவர்கள், அன்றும், இன்றும், என்றும் இருப்பார்கள் போல் தெரிகிறது. நமக்கு இந்த பணமெல்லாம் திறமையால் வந்தது என்று மார்தட்டிக் கொள்பவர்கள், அந்தத் திறமை யாரால் வந்தது என்பதைச் சிந்திக்க மறந்து விடுகிறார்கள். தருமியும், தனக்குத் தேவையானது கிடைத்ததும், தன்னை ஒரு திறமைசாலியாகக் கருதிக் கொண்டு செண்பகப் பாண்டியன் முன்போய் நின்று, வணக்கம் தெரிவித்தார். மன்னனின் கேள்விக்குரிய விடை அந்தப் பாடலில் இருப்பதாகச் சொன்னதும், மன்னன் மகிழ்ச்சியடைந்து அதை வாசிக்கச் சொன்னான். கொங்குதேர் வாழ்க்கை அஞ்சிறைத்தும்பி காமஞ்செப்பாது கண்டது மொழிமோ பயிலியது கெழிஇய நட்பின் மயிலியிற் செறியெயிற்று அரிவை கூந்தலின் நறியவும் உளவோ நீயறியும் பூவே என்று பாடினார். மன்னன் பெரிய தமிழறிஞன். பாடலின் உட்கருத்தை அறிந்த அவன், மிகுந்த மகிழ்ச்சியடைந்தான். பெண்களுக்கு இயற்கையிலேயே கூந்தலில் மணம் உண்டு என்பது இந்தப் பாடல் உணர்த்திய கருத்தாக இருந்தது. அத்துடன், அவனது கருத்தும், பெண்களுக்கு கூந்தலில் இயற்கை மணமுள்ளது என்பதாக இருந்ததால், தருமிக்கு பரிசுப்பொருளைக் கொடுக்க உத்தரவிட்டான். தருமிக்கு ஏக சந்தோஷம்! யாரோ ஒருவர் கொடுத்த பாட்டிற்கு, ஆயிரம் பொற்காசு பரிசு, அடுத்து திருமணம், குழந்தை குட்டிகள், வீடு, வாசல், தூரத்து சொந்தங்கள் கூட காசைக் கண்டதும் ஓடி வரும் நிலைமை... இதையெல்லாம் நினைத்து பரவசத்தில் மகிழ்ந்து நின்றார். தருமியைக் காவலர்கள் தமிழ்ச் சங்க மண்டபத்திற்கு அழைத்துச் சென்றனர். அங்கிருந்த தலைமை புலவர் நக்கீரர், விஷயத்தைக் கேள்விப்பட்டு தருமியின் கையில் இருந்த ஓலையை வாங்கிப் படித்தார். பின்னர் மன்னனும் அங்கு வர, மன்னா! தருமியின் பாட்டிலுள்ள சொற்களில் பிழையேதும் இல்லை. ஆனால், அதன் பொருள் பிழையானதாக உள்ளதே! இதற்கு தாங்கள் பரிசு அறிவித்திருப்பது ஆச்சரியமாக உள்ளது, என்று சர்ச்சையைக் கிளப்பினார். இந்த சர்ச்சைக்கு பதிலளிக்க தருமி ஒன்றும் தமிழ்ப்புலமை மிக்கவர் இல்லையே! அதிலும் புகழ்மிக்க நக்கீரருடன் வாதம் செய்யும் திறமை யாருக்கு இருக்கிறது! மன்னனும், ஏதும் பேசாமல் நிற்கவே, தருமியிடம் ஓலை திரும்ப நீட்டப்பட்டது. தருமிக்க அழுகை பொத்துக்கொண்டு வந்தது. அதை அடக்கிக்கொண்டே சுந்தரேஸ்வரர் சன்னதிக்கு ஓடினார். பெருமானே! என் கையில் யாரோ ஒருவர் கொண்டு வந்த தந்த ஓலை கிடைத்ததும், உன்னையே மறந்து பொருளாசையில் அரசவைக்கு ஓடினேனே! அதற்கு தகுந்த தண்டனை கிடைத்துவிட்டது. இனி, என் ஆசை எப்படி நிறைவேறும்! நான், அனாதையாக வாழ வேண்டுமென்பது தான் என் விதி போலும்! எனக்கு இப்படி ஒரு பிழையான பாட்டை ஏன் கிடைக்கச் செய்தாய்? என்று புலம்பினான். தன் பக்தனின் குரல் கேட்டும், தன் பாடலிலேயே குற்றம் கண்டுபிடித்த நக்கீரருடன் வாதம் செய்யவும் எண்ணிய சுந்தரேஸ்வரர், மீண்டும் புலவர் வடிவில் தருமி முன் தோன்றினார். தருமி நடந்த விஷயங்களை அவரிடம் சொல்ல, ஏதுமறியாதவர் போல் கேட்ட அந்தப் புலவர் கோபத்துடன், தமிழ்ச்சங்கத்துக்கு விரைந்தார். தங்கள் முன்னால் ஒரு புலவர் செந்நிற முகத்துடன், ஜோதிவடிவமாய் நிற்பதைக் கண்டு செண்பகப்பாண்டியன் வியந்தான். அவரது தோற்றம் அவனைத் தடுமாறச் செய்தது. புலவர் சிங்கம் கர்ஜிப்பது போல் பேசினார். எனது பாட்டில் பிழையிருப்பதாகச் சொன்னீர்களாமே! எனக்கென்ன இலக்கணம் தெரியாதா? என்று கேட்டார். அப்போது நக்கீரர், புலவரே! உமது பாட்டின் சொற்களில் குற்றமில்லை, பொருளில் மட்டுமே குற்றமிருப்பதாகச் சொன்னேன், என்றார். அவருக்கு வந்திருப்பது சாதாரணப் புலவரல்ல! இறைவனே என்பது அவரது தோற்றப்பொலிவில் இருந்தே விளங்கிவிட்டது. இருப்பினும், தமிழ் மீது தான் கொண்ட பற்று காரணமாக ஈசனிடமே வாதிடத் தொடங்கி விட்டார். சுந்தரேஸ்வரர் அவரிடம், கற்புக்கரசிகள், தேவலோகப் பெண்கள் ஆகியோருக்கு கூட கூந்தலில் இயற்கை மணம் இல்லையோ எனக் கேட்டார். நக்கீரர் அவரிடம், நிச்சயமாக இல்லை, என மறுத்தார். சரி.. நீர் தினமும் வணங்கும் காளஹஸ்தீஸ்வரரின் துணைவியான ஞானப்பூங்கோதை அம்மைக்கும் அப்படித்தானோ, என்றார். ஆம்...என் அன்னை உமையவளுக்கும் கூட அப்படித் தான், என்று அடித்துச் சொன்னார் நக்கீரர். அப்போது சுந்தரேஸ்வரர் ஆக்ரோஷமானார். தன் நெற்றிக்கண்ணை அவர் திறக்க நக்கீரர் நடுங்கவில்லை. நீர் இறைவனாகவே இருந்தாலும், உம் பாடலின் பொருள் தவறானது தான், என்று துணிச்சலுடன் வாதிட்டார். அப்போது, சுந்தரேஸ்வரர் தன் கண்களிலிருந்து தீப்பொறிகளை அவர் மீது பாய்ச்ச, நக்கீரர் பொற்றாமரை குளத்தில் போய் விழுந்தார். சுந்தரேஸ்வரர் மறைந்து விட்டார்.
Shared By Giridharan (309)
News Url http://temple.dinamalar.com/news_detail.php?id=71534

28 Aug 2017 - திட்டை வசிஷ்டேஸ்வரர் கோவிலில் வரும் 2ம் தேதி குருபெயர்ச்சி விழா

News Title திட்டை வசிஷ்டேஸ்வரர் கோவிலில் வரும் 2ம் தேதி குருபெயர்ச்சி விழா
News Detail தஞ்சாவூர்: தஞ்சையை அடுத்த திட்டை வசிஷ்டேஸ்வரர் கோவிலில் குருபெயர்ச்சி விழா வருகிற 2ம் தேதி நடக்கிறது. தஞ்சாவூர் அடுத்த திட்டை வசிஷ்டேஸ்வரர் கோவில் தமிழகத்தின் தொன்மையான கோவில்களில் ஒன்றாகும். திருஞானசம்பந்தரால் பாடல் பெற்ற கோவிலாகும். வசிஷ்ட முனிவரால் பூஜிக்கப்பட்டதால் வசிஷ்டேஸ்வரர் சுயம்புவாக தோன்றியதால் தான் தோன்றீஸ்வரர் என்ற பெயர் கொண்டவர். மூலஸ்தான விமானத்தில் சந்திரகாந்தக்கால் வைத்து கட்டப்பட்டுள்ளது. அக்கல் சந்திரனில் இருந்து வரும் கதிர்களால் காற்றில் இருந்து ஈரப்பதத்தை தன்னுள் உறிஞ்சி 24 நிமிடத்திற்கு ஒருமுறை ஒரு சொட்டு நீர் மூலவர் வசிஷ்டேஸ்வரர் மீது விழும். இத்தகையை சிறப்பு பெற்ற கோவிலில் நவக்கிரகங்களில் சுபகிரகமான குருபகவான் எங்கும் இல்லா சிறப்போடு சாமிக்கும், அம்மனுக்கும் இடையில் தனி சன்னதியில் ராஜகுருவாக எழுந்தருளி அருள்பாலித்து வருகிறார். ஆண்டுதோறும் குருபகவான் ஒரு ராசியில் இருந்து மற்றொரு ராசிக்கு பெயர்ச்சி ஆவது குருபெயர்ச்சியாகும். இந்த ஆண்டிற்கான குருபெயர்ச்சி விழா வருகிற 2ம் தேதி நடக்கிறது. அன்று காலை 9.31 மணிக்கு குருபகவான் கன்னி ராசியில் இருந்து துலாம் ராசிக்கு பெயர்ச்சி ஆகிறார். இதையொட்டி குருபகவானுக்கு சிறப்பு அபிஷேகங்களும், ஆராதனைகளும் நடைபெறுகிறது. ரிஷபம், கடகம், சிம்மம், துலாம், விருச்சிகம், மகரம் மற்றும் மீனம் ஆகிய ராசிகளில் பிறந்தவர்கள் பரிகாரம் செய்து கொள்வது அவசியம். குருபெயர்ச்சியையொட்டி வருகிற 8ம் தேதி லட்சார்ச்சனை நடக்கிறது. அதைத்தொடர்ந்து 15ம் தேதி தொடங்கி 17ம் தேதி வரை 3 நாட்களுக்கு பரிகார ஹோமம் நடக்கிறது. இதற்கான ஏற்பாடுகளை கோவில் பணியாளர்கள் செய்து வருகின்றனர்.
Shared By Giridharan (309)
News Url http://temple.dinamalar.com/news_detail.php?id=71565

28 Aug 2017 - ராமேஸ்வரம் ராமநாதசுவாமி கோயிலில் பேட்டரி கார் வசதி

News Title ராமேஸ்வரம் ராமநாதசுவாமி கோயிலில் பேட்டரி கார் வசதி
News Detail ராமேஸ்வரம்: ராமேஸ்வரம் ராமநாதசுவாமி கோயில் ரதவீதியில் செல்ல கூடுதல் பேட்டரி கார் வசதி இன்றி பக்தர்கள் அவதிப்படுகின்றனர். ராமேஸ்வரம் கோயிலுக்கு தினமும் 20 ஆயிரம் வட, தென் மாநில பக்தர்கள் வந்து தரிசனம் செய்கின்றனர். இந்நிலையில் கோயில் மற்றும் பக்தர்கள் மீது பயங்கரவாதிகள் தாக்குதல் நடத்த திட்டமிட்டு இருப்பதாக மாநில அரசுக்கு மத்திய உளவுத்துறை எச்சரிக்கை விடுத்தது. இதனையடுத்து 2013ல் கோயில் நான்கு ரதவீதியில் வாகனங்கள் செல்ல போலீசார் தடை விதித்தனர். இதனால் ரதவீதி, சன்னதி தெரு, அக்னி தீர்த்த கடலில் நீராடி விட்டு கோயிலுக்கு செல்ல முடியாமல் வயதான பக்தர்கள், பெண்கள் சிரமம் அடைந்தனர். இதன் பின், ராமேஸ்வரம் நகராட்சி சார்பில் 5 பேட்டரி கார்கள் இயக்கப்பட்டு, அதனை பராமரிக்காமல் பழுதாகி பயன்பாடின்றி போனது. பின் கடந்தாண்டில் ராமேஸ்வரம் கோயில் நிர்வாகம் சார்பில் 3 பேட்டரி கார்கள் இயக்கப்படுகிறது. இக்காரில் ஒரு பக்தருக்கு ரூபாய் 5 கட்டணம் வசூலிக்கின்றனர். ஆனால் பக்தர்கள் கூட்ட நெரிசலுக்கு 3 பேட்டரி கார்கள் போதுமானதாக இல்லாததால், 400 முதல் 600 மீட்டர் துாரம் வரை பக்தர்கள் நடந்து கார் பார்க், வாடகை ஆட்டோ ஸ்டாண்ட் தேடி செல்லும் அவலம் உள்ளது. இதனால் பெண்கள், வயதான பக்தர்கள், குழந்தைகள் நடக்க முடியாமல் அவதிபடுகின்றனர். எனவே பக்தர்கள் நலன் கருதி கூடுதல் பேட்டரி கார்கள் இயக்க கோயில் நிர்வாகம் முன்வர வேண்டும் என இந்து அமைப்பினர் தெரிவித்தனர்.
Shared By Giridharan (309)
News Url http://temple.dinamalar.com/news_detail.php?id=71536

28 Aug 2017 - திருவாதவூரில் இருந்து மாணிக்கவாசகர் புறப்பாடு

News Title திருவாதவூரில் இருந்து மாணிக்கவாசகர் புறப்பாடு
News Detail மேலுார்: மதுரையில் நடைபெறும் ஆவணி மூலத்திருவிழாவிற்கு, மேலுார் அருகே திருவாதவூரில் இருந்து மாணிக்கவாசகர் ஆக.31ல் மதுரைக்கு புறப்படுகிறார். செப்.1ல் நரியை பரியாக்கும் திருவிளையாடல் நிகழ்ச்சியிலும், செப்.2ல் பிட்டுக்கு மண் சுமந்த திருவிளையாடல் நிகழ்ச்சியில் கலந்து கொள்கிறார்.செப்.3ல் திருப்பரங்குன்றம் சுப்பிரமணிய சுவாமியுடனும், செப்.4 மற்றும் 5 ஆகிய இரு தினங்கள் மீனாட்சி சுந்தரேஸ்வரருடன் சேர்ந்து பக்தர்களுக்கு அருள்பாலிக்கிறார். செப். 5, 6, 7 ஆகிய மூன்று நாட்கள் தல்லாகுளம், உத்தங்குடி ஆகிய மண்டகப்படிகளில் இருந்து விடைபெறுதல் நிகழ்ச்சியும், செப்.8ல் திருமோகூரிலும், செப்.9ல் இடையபட்டி கிராமத்திலும் தங்கி பக்தர்களுக்கு அருள்பாலிக்கிறார். செப்.10ல் திருவாதவூர் கோவிலை வந்தடைகிறார். இந்நிகழ்ச்சிக்கான ஏற்பாடுகளை தக்கார் கருமுத்து கண்ணன், இணை ஆணையர் நடராஜன், பேஸ்கர் திரவியம் குமார் ஆகியோர் செய்து வருகின்றனர்
Shared By Giridharan (309)
News Url http://temple.dinamalar.com/news_detail.php?id=71549

23 Aug 2017 - அதிபத்த நாயனாரு தங்க மீன் விடும் வைபவம் கோலாகலம்

News Title அதிபத்த நாயனாரு தங்க மீன் விடும் வைபவம் கோலாகலம்
News Detail நாகப்பட்டினம்: அதிபத்த நாயனாருக்கு, சிவபெருமான் காட்சிஅளித்ததை நினைவுக்கூரும் வகையில், கடலில் தங்க மீன் விடும் வைபவம் நேற்று நடந்தது. பண்டைய காலத்தில், நாகை, நம்பியார் நகர் மீனவ கிராமத்தில் பிறந்தவர், அதிபத்தர். சிவன் மீதுள்ள பக்தியால், கடலில் மீன் பிடிக்கச் செல்லும் போது, ஒவ்வொரு நாளும், வலையில் சிக்கும் முதல் மீனை, சிவனை நினைத்து, கடலில் விடுவது அதிபத்தரின் வழக்கம். திருவிளையாடல் : அதிபத்தரின் பக்தியை சோதிக்க விரும்பிய சிவன், சில நாட்கள், அதிபத்தரின் வலையில் மீன்கள் சிக்காமல் இருக்குமாறு செய்தார். இதனால், அவரது குடும்பம் வறுமையில் வாடியது. அதன்பின், அதிபத்தரின் வலையில், நாள்தோறும், ஒரே ஒரு மீன் மட்டுமே கிடைக்கும் படி, சிவன் திருவிளையாடல் செய்துள்ளார். வறுமையில் வாடிய நிலையிலும், வலையில் சிக்கும் ஒரு மீனையும், வழக்கம் போல இறைவனை நினைத்து, கடலில் விட்டு, வெறுங்கையுடன் வீட்டிற்கு திரும்புவதை வாடிக்கையாக கொண்டார். உணவின்றி குடும்பத்தினர் வறுமையில் வாடிய நிலையில், ஒருநாள், அதிபத்தரின் வலையில், நவரத்தினங்களால் ஆன, தங்க மீன் சிக்கியுள்ளது. தங்க மீனாயினும் தயங்காது, இது, அருட்கூத்தாடும் எம்பெருமான் சிவனுக்கு உரியது என, மகிழ்வோடு கடலில் விட்டுள்ளார். வரவேற்பு : அதிபத்தரின் தீவிர பக்தியை மெச்சிய சிவன், நடுக்கடலில், ரிஷப வாகனத்தில் தேவியருடன் எழுந்தருளி, அதிபத்தருக்கு காட்சியளித்தார். இதையடுத்து, 63 நாயன்மார்களில் ஒருவராக, அதிபத்தர் போற்றப்படுகிறார். அதிபத்த நாயனாருக்கு, சிவன் காட்சியளித்த தினத்தை நினைவுக்கூரும் வைபவம், நாகையில் நேற்று நடந்தது. நீலாயதாட்சி அம்மன் கோவிலில், ரிஷப வாகனத்தில் சிவன், தேவியருடன் எழுந்தருளினார். நம்பியார் நகர் மீனவ கிராம மக்கள், மேள தாளம், மங்கள வாத்தியங்கள் முழங்க, சிவனையும், அதிபத்த நாயனாரையும், நாகை கடற்கரைக்கு அழைத்து சென்றனர். புதிய கடற்கரையில், ஆரியநாட்டுத் தெரு கிராம மீனவர்கள், சீர்வரிசையுடன் வரவேற்றனர். சிவன் மற்றும் அதிபத்த நாயனாருக்கு சிறப்பு தீபாராதனை காண்பிக்கப்பட்டு, அதிபத்த நாயனார், பைபர் படகில் சென்று, கடலில் தங்க மீன் விடும் வைபவம் நடந்தது. திரளான பக்தர்கள், சுவாமி தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=71446

22 Aug 2017 - நெல்லையப்பர் கோயிலில் ஆவணிவிழா கொடியேற்றம்

News Title நெல்லையப்பர் கோயிலில் ஆவணிவிழா கொடியேற்றம்
News Detail திருநெல்வேலி: நெல்லையப்பர் கோயிலில் ஆவணி மூலத்திருவிழா நேற்று காலை கொடியேற்றத்துடன் துவங்கியது.நெல்லையப்பர் காந்திமதியம்மன் கோயில் ஆண்டு முழுவதும் விழாக்கோலம் பூணுகிறது.ஆவணி மூலத்திருவிழா நேற்று காலையில் சுவாமி சன்னதியில் கொடியேற்றத்துடன்துவங்கியது. 11 நாட்கள் நடக்கும் இவ்விழாவில் 4ம் திருநாளான வியாழன்று சுவாமி, அம்பாள், விநாயகர், சுப்பிரமணியர், சண்டிகேஸ்வரர் ஆகியோர் வீதியுலா நடக்கிறது. 29ம் தேதி செவ்வாய்க்கிழமை இரவு 9 மணிக்கு கருவூர் சித்தர் நான்கு ரதவீதிகளில் வலம் வருவார். பதிணென் சித்தர்களுள் ஒருவர் கருவூர் சித்தர். இவர் செய்த கடுந்தவத்திற்கு அஷ்டசித்திகளும் கிடைத்தன. அவர் எப்போது சிவபெருமானைக் காண வேண்டுமென்று விரும்புகிறாரோ, அப்போதெல்லாம் சிவபெருமான் அவருக்குக் காட்சியளிக்க வேண்டும் என்ற வரத்தையும் பெற்றிருந்தார். நெல்லையப்பர் கோயிலில் சுவாமி தரிசனத்திற்காக காத்திருப்பார். அப்போது வழிபாடு நடந்ததால், சுவாமி காட்சி தரவில்லை. இதனால் வெகுண்டெழுந்த கருவூர் சித்தர், "நெல்லையப்பர்கோயிலில் எருக்கும் குருக்கும் எழுக என சாபமிட்டுவிட்டு நடை பயணத்தில் மானூரில் இருக்கும்அம்பலவாணமுனிவரை சந்திக்க சென்றுவிடுவார். இதற்கு மறுநாள் ஆக 30ல் இரவு ஒரு மணியளவில்,நெல்லையப்பர் சுவாமி, சந்திரசேகரராகவும், காந்திமதியம்மை, பவானிஅம்பாளாகவும், பாண்டியராஜா, சண்டிகேஸ்வரர், தாமிரபரணி, அகஸ்தியர், குங்குலிய நாயனார் ஆகியோருடன் பல்லக்கில் சங்கரன்கோவில்ரோட்டில் இருக்கும் மானூர் அம்பலவாணமுனிவரின் இருப்பிடம் செசன்றடைகின்றனர். 31ம் தேதிகாலையில் அங்கு சிவனை கண்ட, கருவூர் சித்தரும், அம்பலவாணமுனிவரும் மகிழ்ச்சியடையவர். 31ம் தேதி காலை 7.30 மணிக்கு அங்கு வரலாற்றுப்புராண பாடல் நிகழ்வும் சுவாமிக்கு சித்தரிடம் இருந்து சாப விமோசனமும் கிடைக்கிறது. அதன் பிறகு சுவாமி, அம்பாள் நெல்லையப்பர் கோயில் திரும்புவர்.இந்த 11 நாள் திருவிழாவிற்காக நெல்லையப்பர் கோயில் தற்போது தயாராகிவருகிறது
Shared By giridharan (309)
News Url http://temple.dinamalar.com/news_detail.php?id=71393

22 Aug 2017 - ராமநாதபுரம் ஆதிரத்தினேஸ்வரர் கோயிலில் ருத்ர பஞ்சாட்சர யாகம்

News Title ராமநாதபுரம் ஆதிரத்தினேஸ்வரர் கோயிலில் ருத்ர பஞ்சாட்சர யாகம்
News Detail ராமநாதபுரம்: ராமநாதபுரம் வெளிப்பட்டினம் சவுபாக்ய நாயகி சமேத ஆதிரத்தினேஸ்வரர் கோயிலில் ருத்ர பஞ்சாட்சர யாகம் நடந்தது. வெளிப்பட்டினம் ஆயிர வைசிய மகாஜன சபையின் சவுபாக்ய நாயகி சமேத ஆதிரத்தினேஸ்வரர் கோயிலில் ருத்ர பஞ்சாட்சர யாகம் நடந்தது. காலை 9:00 மணிக்கு மங்கள அனுக்ஞை, விநாயகர் பூஜை, புண்ணியாஹா வாஜனம், மகாகணபதி ஹோமம் ஆரம்பமாகியது. காலை 11:30 வரை ருத்ர பஞ்சாட்சர யாகம் , சமக தாரா ஹோப பூர்ணாகுதி, தீபாரதனை நடந்தது. மாலை 4:00 மணிக்கு 2ம் கால ஹோம பூஜைகள், 6:10 மணிக்கு மஹா பூர்ணாகுதி, தீபாரதனை, இரவு 7 :00 மணிக்கு கடம் புறப்பாடு, சுவாமி அம்பாளுக்கு அபிஷேக ஆராதனைகள் நடந்தது. 7:50 க்கு திருமுறை வேத பாராயணம், தீபாரதனை நடந்தது. அன்ன தானம் நடந்தது. இதில் ஏராளமான பக்தர்கள் பங்கேற்றனர்.
Shared By giridharan (309)
News Url http://temple.dinamalar.com/news_detail.php?id=71399

22 Aug 2017 - சதுரகிரியில் ஆவணி அமாவாசை

News Title சதுரகிரியில் ஆவணி அமாவாசை
News Detail வத்திராயிருப்பு: சதுரகிரி மலையில் நடந்த ஆவணி அமாவாசையை முன்னிட்டு தமிழகம் முழுவதுமிருந்து ஏராளமான பக்தர்கள் தரிசனம் செய்தனர்.சதுரகிரி மலையில் அமாவாசை வழிபாடு மிகவும் பிரசித்தி பெற்றது. ஒவ்வொரு மாதமும், அமாவாசை மற்றும் பவுர்ணமி நாட்களில் மட்டும் பக்தர்களின் தரிசனத்திற்காக தலா 4 நாட்கள் வீதம் மலைப்பாதை திறந்து விடப்படுகிறது. ஏராளமான பக்தர்கள் மலையில் திரண்டு வழிபடுவது வழக்கம். ஆவணி அமாவாசையொட்டி மலை பாதை திறக்கப்பட்டதால், ஆக. 19 சனிக்கிழமையன்று சனிப்பிரதோஷம், அன்று விடுமுறை இருந்ததாலும் ஏராளமான பக்தர்கள் மலையில் திரண்டனர். தரிசனம் முடிந்து மறுநாள் ஞாயிறு அடிவாரம் திரும்பினர். நேற்று ஆவணி அமாவாசை வழிபாடாக இருந்ததால் ஏராளமான பக்தர்கள் மலைக்கு சென்றனர். இப்படி 3 நாட்களும் பக்தர்கள் கூட்டம் தொடர்ந்து மலையேறிச் சென்றது. இதனால் கோயிலில் பக்தர்கள் நீண்ட வரிசையில் காத்திருந்து சுவாமி தரிசனம் செய்தனர். ஆடி அமாவாசை வழிபாட்டிற்கு வரமுடியாத பக்தர்கள் இந்த அமாவாசை வழிபாட்டில் கலந்து கொண்டு தரிசனம் செய்தனர். இன்று உச்சிகால பூஜைகளுடன் அமாவாசை வழிபாடு நிறைவு பெறுவதால் மாலை 5:00 மணியுடன் மலைப்பாதை மீண்டும் மூடப்படுகிறது.
Shared By giridharan (309)
News Url http://temple.dinamalar.com/news_detail.php?id=71402

22 Aug 2017 - ஏகாம்பரநாதர் கோவில் வளாகத்தில், குளம்

News Title ஏகாம்பரநாதர் கோவில் வளாகத்தில், குளம்
News Detail காஞ்சிபுரம் :காஞ்சிபுரம் ஏகாம்பரநாதர் கோவில் வளாகத்திற்குள், மழைநீர் தேங்காமல் இருக்க நடவடிக்கை எடுக்க வேண்டும் என, பக்தர்கள் கோரிக்கை விடுத்துள்ளனர். தேவாரம் பாடல் பெற்ற தொண்டை நாட்டு தலங்களில், முதல் தலமான காஞ்சிபுரம் ஏகாம்பரநாதர் கோவிலுக்கு, தமிழகத்தில் இருந்தும், பல மாநிலங்களில் இருந்தும், தினமும் ஏராளமான பக்தர்கள் வந்து செல்கின்றனர். இக்கோவிலின், ராஜகோபுரத்தை கடந்து உள்ளே செல்லும் பகுதியில், சமீபத்தில் பெய்த மழையால், ஆங்காங்கே தண்ணீர் தேங்கியுள்ளது. இதில் செல்ல முடியாமல் பக்தர்கள் அவதிப்படுகின்றனர். கோவில் வளாகத்திற்குள் மழைநீர் தேங்காமல் இருக்க நடவடிக்கை எடுக்க வேண்டும் என, அவர்கள் கோரிக்கை விடுத்துள்ளனர்.
Shared By giridharan (309)
News Url http://temple.dinamalar.com/news_detail.php?id=71404

22 Aug 2017 - பழநி சண்முகநதிக்கு விமோசனம்:ஆக்கிரமிப்பு அகற்றல்

News Title பழநி சண்முகநதிக்கு விமோசனம்:ஆக்கிரமிப்பு அகற்றல்
News Detail பழநி: பழநி வரும் பக்தர்கள் நீராடும் சண்முகநதியில், பல ஆண்டுகளுக்குபிறகு ஆக்கிரமிப்புகள் முழுமையாக அகற்றப்பட்டு சுத்தம் செய்யும் பணி நடந்து வருகிறது. பழநி முருகன்கோயிலுக்கு தைப்பூசம், பங்குனி உத்திரம் உள்ளிட்ட விழாவிற்கு வரும் பக்தர்கள் உடுமலை ரோட்டிலுள்ள சண்முகநதி ஆற்றில் நீராடுவர். பின்பு அலகு குத்தியும், காவடிஎடுத்தும் வருகின்றனர். சண்முகநதியின் நீர்பிடிப்பு பகுதி மற்றும் கரையோரத்தை, ஆக்கிரமித்து பலர் தற்காலிக கூடாரங்கள், குடிசை வீடுகள் அமைத்திருந்தனர். அதனை அகற்றும்படி மதுரை உயர்நீதிமன்ற கிளை உத்தரவிட்டது. இதனையடுத்து அதிகாரிகள் சண்முகநதி ஆக்கிரமிப்புகளை அகற்றினர். மீண்டும் ஆக்கிரமித்தால், பறிமுதல் செய்யப்படும் என பொதுப் பணித்துறையினர் எச்சரிக்கை விடுத்தனர். சுத்தமான சண்முகநதி: சண்முகநதி நதி நீர்ப்பிடிப்பு பகுதியில் இருந்த கட்டட இடிபாடுகள், செடி,கொடிகள், மரங்கள் முற்றிலும் அகற்றும் பணி நடக்கிறது. கண்காணிப்பை தீவிரப்படுத்தி நிரந்தரமாக சண்முகநதியை சுத்தமாக வைத்துக் கொள்ள பொதுபணித் துறையினர் நடவடிக்கை எடுக்க வேண்டும் என, சமூக ஆர்வலர்கள் வலியுறுத்தினர்.
Shared By giridharan (309)
News Url http://temple.dinamalar.com/news_detail.php?id=71408

17 Aug 2017 - 53 ஆண்டுக்கு பிறகு தனுஷ்கோடி கடற்கரையில் பூஜை: பக்தர்கள் ஆர்வம்

News Title 53 ஆண்டுக்கு பிறகு தனுஷ்கோடி கடற்கரையில் பூஜை: பக்தர்கள் ஆர்வம்
News Detail ராமேஸ்வரம், 53 ஆண்டுக்கு பிறகு தனுஷ்கோடி கடற்கரையில் பூஜை செய்ய பக்தர்கள் ஆர்வமாக உள்ளனர். 1964ல் வங்க கடலில் ஏற்பட்ட புயல் புனித நகரம் தனுஷ்கோடியை தாக்கியதில் சர்ச், விநாயகர் கோயில், ரயில்வே ஸ்டேஷன் கட்டடம் இடிந்து சின்னாபின்னமாகியது. அன்று முதல் கடந்த ஜூலை 27 வரை தனுஷ்கோடி கடற்கரையில் பூஜை செய்து நீராட முடியாமல் பக்தர்கள் தவித்தனர். சிலர் கடற்கரை மணலில் ஜீப்பில் ஆபத்தான பயணம் செய்து பூஜை செய்தனர். பக்தர்கள், சுற்றுலா பயணிகள் நலன் கருதி மத்திய அரசு ரூபாய் 59 கோடியில் முகுந்தராயர் சத்திரம் முதல் தனுஷ்கோடி அரிச்சல்முனை (9.5 கி.மீ.,துாரம்) வரை புதிய தேசிய சாலை அமைத்து, கடந்த ஜூலை 27 ல் பிரதமர் மோடி திறந்து வைத்தார். 53 ஆண்டுக்கு பிறகு தனுஷ்கோடிக்கு சாலை வசதி ஏற்பட்டதால், தினமும் 300க்கு மேலான வாகனத்தில் 5 ஆயிரம் சுற்றுலா பயணிகள் செல்கின்றனர். மேலும் பக்தர்கள் வாகனத்தில் சிரமமின்றி தனுஷ்கோடி வந்து கடற்கரையில் புரோகிதர்கள் மூலம் பூஜை செய்து, நீராடி செல்வதில் ஆர்வமாக உள்ளனர். இதன் மூலம் 1964ம் ஆண்டுக்கு முன்பு தனுஷ்கோடியில் பூஜை செய்து, கடலில் நீராடும் ஆன்மிக மரபு மீண்டும் நடைமுறையில் வருவதாக பக்தர்கள் தெரிவித்தனர்.
Shared By giridharan (309)
News Url http://temple.dinamalar.com/news_detail.php?id=71274

16 Aug 2017 - தொடர் விடுமுறை: கோயில்களில் குவிந்த பக்தர்கள்

News Title தொடர் விடுமுறை: கோயில்களில் குவிந்த பக்தர்கள்
News Detail ராமேஸ்வரம்: ராமேஸ்வரம் கோயிலில் தொடர் விடுமுறையால் ஏராளமான பக்தர்கள், சுற்றுலா பயணிகள் குவிந்தனர். ஆக.,13 முதல் 15 தேதி வரை 3 நாள்கள் அரசு விடுமுறையால் அரசு அலுவலகம், பள்ளி, கல்லுாரிக்கு விடுமுறை அறிவிக்கப்பட்டது. இதனால் தமிழகம், வட மாநில சேர்ந்த ஏராளமான பக்தர்கள், சுற்றுலா பயணிகள் 3 ஆயிரத்துக்கு மேலான கார், வேனில் ராமேஸ்வரம் ராமநாதசுவாமி கோயில், தனுஷ்கோடியில் குவிந்தனர். நேற்று காலை முதல் குவிந்த பக்தர்கள், கோயில் அக்னி தீர்த்தத்தில் நீராடி, கோயிலுக்குள் உள்ள 22 தீர்த்தங்களை நீராட நீண்ட வரிசையில் காத்திருந்தனர். மேலும் தனுஷ்கோடி அரிச்சல்முனை கடலில் சுற்றுலா பயணிகள் விபரீதம் தெரியாமல் உற்சாகமாக குளித்தனர். திடீரென குவிந்த சுற்றுலா பயணிகளால் ராமேஸ்வரத்தில் அனைத்து லாட்ஜிலும் அறையும் முன்பதிவு ஆனதால், சில பயணிகள் ரூம் கிடைக்காமல் தவித்தனர். மேலும் ராமேஸ்வரம் பஸ்ஸ்டாண்ட் முதல் தனுஷ்கோடி தேசிய சாலை இருபுறமும் நிறுத்திய வாகனங்களை போலீசார் ஒழுங்குபடுத்த முடியாமல் திணறியதால், ராமேஸ்வரத்தில் பல மணி நேரம் போக்குவரத்து இடையூறு ஏற்பட்டது. தேவிபட்டினம்: தேவிபட்டினம் நவபாஷாணத்தில் கடந்த சில மாதங்களாக கடும் வெயில் வாட்டி வதைத்ததால் காலை 10:00 மணிக்கு மேல் நவபாஷாணத்தில் பக்தர்கள் வருகை இன்றி வெறிச்சோடி காணப்பட்டது. இந்நிலையில் கடந்த சில நாட்களாக மாவட்டத்தில் சாரல் மழை பெய்து வருவதால் இப்பகுதியில் வெப்பம் தணிதந்தது. மேலும் நேற்று, இன்று, நாளை தொடர் விடுமுறை என்பதால் வெளி மாவட்டங்களில் இருந்து சுற்றுலா பயணிகளும், பக்தர்களும் நவபாஷாணத்தில் அதிகளவில் குவிந்தனர்.
Shared By giridharan (309)
News Url http://temple.dinamalar.com/news_detail.php?id=71182

16 Aug 2017 - ஏகாம்பரநாதர் கோவிலில் உழவாரப்பணி குழுக்கள்

News Title ஏகாம்பரநாதர் கோவிலில் உழவாரப்பணி குழுக்கள்
News Detail காஞ்சிபுரம்: காஞ்சிபுரம் ஏகாம்பர நாதர் கோவிலில், உழவாரப்பணிக் குழுவினர், நேற்று, உழவாரப்பணியை மேற்கொண்டனர். சமய நுால்களில், திருக்கச்சியேகம்பம்- அழைக்கப்படும், காஞ்சிபுரம் ஏகாம்பரநாதர் கோவில், பாடல் பெற்ற தலங்களுள் ஒன்றாக விளங்குகிறது. இக்கோவிலில், நேற்று பல்வேறு உழவாரப்பணியைச் சேர்ந்தோர் கோவிலை சுத்தப்படுத்தினர். காஞ்சிபுரம் திருஞானசம்பந்தர் இறைபணி மற்றும் உழவாரப்பணி அறக்கட்டளை அமைப்பினர், ஆயிரங்கால் மண்டபம் பகுதியில் வளர்ந்திருந்த செடி, கொடிகளை அகற்றி சுத்தப்படுத்தினர். அதுபோல, சிதம்பரத்தைச் சேர்ந்த நடராஜர் உழவாரப்பணிக்குழு, நெல்லை மாவட்டம், புளியங்குடி, வாசுதேவநல்லுார் மற்றும் விருதுநகர் மாவட்டம் ராஜபாளையம் அப்பர் சுவாமிகள் உழவாரப்பணிக்குழுவைச் சேர்ந்த சிவனடியார்கள், ஏகாம்பரநாதர் கோவில் தரைப்பகுதியை சுத்தம் செய்தனர். கடந்த, 2007 முதல், ஒவ்வொரு ஆங்கில மாதம், இரண்டாம் ஞாயிற்றுக்கிழமையில், கோவில்களில் உழவாரப்பணி செய்கிறோம். எங்கள் அமைப்பின், 10ம் ஆண்டுவிழாவையொட்டி, 132 கோவிலாக ஏகாம்பரநாதர் கோவிலில் உழவாரப்பணி செய்கிறோம். கோவில்களில், உழவாரப்ணி மேற்கொள்ள விரும்புவோர், 94454 08153, 97512 35808 என்ற எண்களில் அழைக்கலாம். ஜெ.கவியரசு திருஞானசம்பந்தர் இறைபணி மற்றும் உழவாரப்பணி அறக்கட்டளை, காஞ்சிபுரம்
Shared By giridharan (309)
News Url http://temple.dinamalar.com/news_detail.php?id=71187

16 Aug 2017 - பழநி கோயிலில் தொல்லியல் துறை அதிகாரிகள் ஆய்வு

News Title பழநி கோயிலில் தொல்லியல் துறை அதிகாரிகள் ஆய்வு
News Detail பழநி: பழநி முருகன்கோயில் ராஜகோபுரம், சிற்பவேலைப்பாடு, தொன்மையான பழங்கால கற்சிற்பங்களை சென்னை தொல்லியல் துறையினர் ஆய்வுசெய்தனர். பழநி மலைக்கோயில் அதன் உபகோயில்களான திருஆவினன்குடி, பெரியநாயகியம்மன்கோயில், பெரியாவுடையார் கோயில் உள்ளிட்டவைகள் பலநுாறுஆண்டுகள் பழமையானவை. சேரன், சோழர், பாண்டியர் காலத்து மன்னர்கள் திருப்பணிகள் செய்துள்ளனர். தற்போது பெரியநாயகியம்மன் கோயிலில் பழமை மாறாமல் புதுப்பிக்கப்பட்டு கும்பாபிஷேக திருப்பணிகள் நடக்கிறது. இதேப்போல மலைக்கோயிலும் வரும் 2018ல் கும்பாபிஷேகம் நடத்துவதற்காக திருப்பணிகளை துவங்க கோயில்நிர்வாகம் தயராகி வருகிறது. அதில் ஒருகட்டமாக கோயில் துணை ஆணையர் (பொ) மேனகா மற்றும் சென்னை தொல்லியல்துறை அலுவலர் வசந்தி மற்றும் அதிகாரிகள் மலைக்கோயிலில் ஆய்வு செய்தனர். இணை ஆணையர் செல்வராஜ் கூறுகையில்,“ பழநி மலைக்கோயில், உபகோயில்களில் பழங்கால கற்துாண்கள், சிலைகள், சிற்பங்கள், மூலிகை ஓவியங்கள் உள்ளன. அவற்றை பழமைமாறாமல் புதுப்பிக்கவும், பாதுகாக்கவும் நடவடிக்கை எடுக்கப்படும்.இதற்காக முதற்கட்ட ஆய்வுசெய்து புகைப்படம் எடுத்துள்ளனர்.,”என்றார்.
Shared By giridharan (309)
News Url http://temple.dinamalar.com/news_detail.php?id=71206

07 Aug 2017 - காரைக்கால் சிவலோகநாதர் கோவிலில் விதைதெளி உற்சவம்

News Title காரைக்கால் சிவலோகநாதர் கோவிலில் விதைதெளி உற்சவம்
News Detail காரைக்கால்: காரைக்கால் தலத்தெரு சிவலோகநாதர் கோவிலில் விதைதெளி உற்சவ விழா நடந்தது. திருத்தெளிச்சேரி என பழங்காலத்தில் அழைக்கப்பட்ட கோட்டுச்சேரி தலத்தெருவில் பல நூறு ஆண்டுகளுக்கு முன் மழையின்றி பூமி வரண்டு கிடந்ததால், சிவபெருமான் உழவன் வேடத்தில் வந்து நிலத்தை உழுது விதை தெளித்து கரையேறியதாகவும், அப்போது மழை பெய்து, விவசாயம் செழித்து வறுமை நீங்கி மக்கள் செழிப்புடன் வாழ்ந்ததாக கூறப்படுகிறது. அந்நிகழ்வை நினைவு கூறும் விதமாக ஒவ்வொரு ஆண்டும் தலத்தெரு சிவகாமி அம்பாள் சமேத சிவலோகநாதர் கோவிலில் விதை தெளி ஊற்சவம் நடக்கிறது.விழாவையொட்டி நேற்று முன்தினம் மகா கணபதி ஹோமம், அபிஷேக ஆராதனை நடந்தது.ருத்ர கலச பூஜைகள் மற்றும் ருத்ர பாராயணத்துடன் ஹோமமும், அதைத்தொடர்ந்து மகா பூர்ணாஹூதி தீபாராதனை, ருத்ர கலச அபிஷேகம் நடந்தது. அதைத்தொடர்ந்து நேற்று விதைதெளி உற்சவம் நடந்தது.இதில் சிவகாம் அம்பாள் சமேதராக சிவலோகநாதர் சிறப்பு அலங்காரத்தில் எழுந்தருளினார். கோவிலின் எதிரே உள்ள நிலத்தில்,விதை தெளி உற்சவம் விழா நடந்தது. ஏராளமான பக்தர்கள் கலந்து கொண்டு விதை தெளித்து சாமி தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=70901

07 Aug 2017 - கிணற்றில் பழங்கால அம்மன் சிலை திருவண்ணாமலையில் கண்டெடுப்பு

News Title கிணற்றில் பழங்கால அம்மன் சிலை திருவண்ணாமலையில் கண்டெடுப்பு
News Detail திருவண்ணாமலை : திருவண்ணாமலை நகராட்சிக்கு சொந்தமான கிணற்றை துார் வாரும் போது, பழங்கால அம்மன் சிலை கண்டெடுக்கப்பட்டது. திருவண்ணாமலை, சுண்ணாம்புக்கார தெருவில், நகராட்சிக்கு சொந்தமான, 70 அடி கிணறு உள்ளது. இந்த கிணறு, 1.25 லட்சம் ரூபாய் செலவில், துார் வாரப்பட்டு வருகிறது.கிணற்றில் பணியாளர்கள் துார் வாரிய போது, மூன்றடி உயரமுள்ள, சிலை கண்டெடுக்கப் பட்டது.ஆதி காமாட்சி அம்மன், நாகாபரணம் அணிந்த நிலையில், சிவனுக்கு அபிஷேகம் செய்வது போல், அந்த சிலை இருந்தது. அங்கு திரண்ட மக்கள், சிலைக்கு மஞ்சள், குங்குமம் இட்டு, பூஜை செய்தனர்.
Shared By giridharan (309)
News Url http://temple.dinamalar.com/news_detail.php?id=70902

07 Aug 2017 - பழநி ’ரோப் கார்’ ஒரு மாதம் நிறுத்தம்

News Title பழநி ’ரோப் கார்’ ஒரு மாதம் நிறுத்தம்
News Detail பழநி: ஆண்டு பராமரிப்பு பணிகளுக்காக, ஆக., 15க்குபின், பழநி முருகன் கோவில், ’ரோப் கார்’ ஒரு மாதம் நிறுத்தப்பட உள்ளது. பழநி முருகன் கோவில், ’ரோப் கார்’ தினமும் காலை, 7:00 முதல் இரவு, 9:00 மணி வரை இயக்கப்படுகிறது. தினமும் பராமரிப்பு பணிக்காக, பகல், 1:30 முதல், 2:30 மணி வரை நிறுத்தப்படும்.மேலும், ஆண்டிற்கு ஒரு மாதம், பராமரிப்பு பணிகளுக்காக, ’ரோப் கார்’ நிறுத்தப்படுவது வழக்கம். அப்போது, ரோப் கார் கம்பிவடம், உருளை, பல் சக்கரங்கள் உள்ளிட்ட பாகங்கள் முழுமையாக ஆய்வு செய்யப்படும். தேய்மானம் அடைந்த உபகரணங்கள் மாற்றப்படும். இந்த ஆண்டு பராமரிப்பு பணி, ஆக., 15க்கு பின் மேற்கொள்ளப்பட உள்ளது.
Shared By giridharan (309)
News Url http://temple.dinamalar.com/news_detail.php?id=70905

07 Aug 2017 - சங்கரன்கோவிலில் தேரோட்டம்

News Title சங்கரன்கோவிலில் தேரோட்டம்
News Detail சங்கரன்கோவில் சங்கரநாராயண சுவாமி கோயிலில் ஆடித் தபசுத் தேரோட்டம் நடந்தது. சங்கரன்கோவில், சங்கரநாராயண சுவாமி கோயிலில் ஆடித்தபசு விழா ஜூலை 27ல் கொடியேற்றத்துடன் தொடங்கியது. தினமும் கோமதி அம்மனுக்கு அபிஷேகம் மற்றும் அலங்கார ஆராதனைகள் நடத்தப்பட்டன. இரவில் வீதியுலா நடந்தது. கோயில் மண்டபத்தில் தினமும் இன்னிசை நிகழ்ச்சிகள், ஆன்மிக சொற்பொழிகள் நடந்தன.விழா நாட்களில் அம்மன் பல்வேறு வாகனங்களில் வீதியுலா வந்தார். 9ம் திருநாளான வெள்ளிக்கிழமை தேரோட்டம் நடந்தது. அதிகாலை 5:00 மணிக்கு கோமதி அம்மன் தேரில் எழுந்தருளினார். காலை 9:00 மணிக்கு தேரோட்டம் நடந்தது. ஆதிதிராவிட அமைச்சர் ராஜலட்சுமி, கலெக்டர் சந்தீப் நந்தூரி தேர் வடம் பிடித்து இழுத்தனர். இரவில் அம்பாள் வெள்ளி காமதேனு வாகனத்தில் எழுந்தருளி வீதியுலா வந்தார். முக்கியத் திருவிழாவான ஆடி தபசுக் காட்சி நாளை ஞாயிற்றுக்கிழமை மாலை 6:00 மணிக்கும், இரவுக் காட்சி நள்ளிரவு 12:00 மணிக்கும் நடக்கிறது.
Shared By giridharan (309)
News Url http://temple.dinamalar.com/news_detail.php?id=70852

06 Aug 2017 - ஓசூர் உலக நன்மைக்காக மலை கோவிலில் நவசண்டி யாகம்

News Title ஓசூர் உலக நன்மைக்காக மலை கோவிலில் நவசண்டி யாகம்
News Detail ஓசூர்: ஓசூர், சந்திரசூடேஸ்வரர் மலைக்கோவிலில், உலக நன்மைக்காக, 22ம் ஆண்டு நவசண்டியாகம் துவங்கியது. ஓசூர், தேர்ப்பேட்டை மலை மீதுள்ள சந்திரசூடேஸ்வரர், மரகதாம்பாள் கோவிலில், உலக நன்மைக்காக மகா நவசண்டியாகம், காஞ்சி சங்கராச்சாரியார் ஆசியுடன், காலை, 10:30 மணிக்கு கணபதி ஹோமத்துடன் துவங்கியது. மாலை, 4:00 மணிக்கு தேர்ப்பேட்டை பச்சைக்குளத்தில் இருந்து நீர்க்குடம் புறப்படுதல், மாலை, 6:00 மணிக்கு வாஸ்து சாந்தி நடந்தது. காலை, 8:00 மணிக்கு கலச பூஜை, ருத்ர ஹோமம், 10:00 மணிக்கு முதற்கால மகா நவசண்டியாகம் நடக்கிறது.
Shared By giridharan (309)
News Url http://temple.dinamalar.com/news_detail.php?id=70883

05 Aug 2017 - திருக்கழுக்குன்றம் வேதகிரீஸ்வரர் கோவிலில்1,008 கலசாபிஷேக விழா

News Title திருக்கழுக்குன்றம் வேதகிரீஸ்வரர் கோவிலில்1,008 கலசாபிஷேக விழா
News Detail திருக்கழுக்குன்றம்:திருக்கழுக்குன்றம் வேதகிரீஸ்வரர் கோவிலில்,1,008 கலசாபிஷேக பெருவிழா கோலாகலமாக நடந்தது.காஞ்சிபுரம் மாவட்டம், திருக்கழுக்குன்றத்தில், வேதகிரீஸ்வரர் கோவில் உள்ளது. இக்கோவிலில், 9ம் ஆண்டு ஆடி மாதம், வரலட்சுமி விரதத்தை ஒட்டி, திரிபுர சுந்தரி அம்மனுக்கு, 1,008 கலசாபிஷேக பெருவிழா, வேதமலை வல பெருவிழா குழு தலைவர் துரை, செயலர் அன்புச்செழியன் ஏற்பாட்டில் கோலாகலமாக நடந்தது.இதற்காக, யாக குண்டம்அமைத்து, காலை, 8:00 மணிக்கு விநாயகர் பிரார்த்தனையுடன் வேள்விகள் துவங்கின. 10:00 மணிக்கு, 1,008 கலசங்களில், அம்மனுக்கு விசேஷ அபிஷேகம் நடந்தது.சக்ரா பட்டுப்புடவைசாற்றுதல் மற்றும் வீணை இசையும் நடைபெற்றது.
Shared By giridharan (309)
News Url http://temple.dinamalar.com/news_detail.php?id=70870

01 Aug 2017 - சாயாவனம் கோயிலில் குழந்தை வாங்கும் திருவிழா:

News Title சாயாவனம் கோயிலில் குழந்தை வாங்கும் திருவிழா:
News Detail மயிலாடுதுறை: நாகை மாவட்டம், சீர்காழி தாலுக்கா பூம்புகார் காவிரிப்பூம்பட்டினத்தில் பல்லவனீஸ்வரர் சுவாமி கோயில் அமைந்துள்ளது. தேவாரப்பாடல் பெற்ற இந்த கோயிலில் திருவெண்காடாராகிய பட்டினத்தடிகள் தனி சன்னதியில் எழுந்தருளியுள்ளார். பிரசித்தி பெற்ற இக்கோயிலில் பட்டினத்தடிகள் அற்புத திருவிழா கடந்த மாதம் 28ம் தேதி கொடியேற்றத்து டன் தொடங்கி நடைபெற்று வருகிறது. 4ம் நாள் திருவிழாவான குழந்தை வாங்கும் விழா நேற்று இரவு அருகில் உள்ள சாயாவனம் கோயிலில் நடைபெற்றது. விழாவை முன் னிட்டு மருதவாணர் குழந்தையாய் வில்வ மரத்தடியில் எழுந்தருள அசரீரி வாக்குப்படி சிவ தொண்டர் சிவசர்மர் சுசீலையுடன் வந்து குழந்தையை கண்டெடுத்தலும், இரவு திரு வெண்காரார் சிவகலையம்மாளுடன் சாயாவனம் கோயிலுக்கு எழுந்தருளி குழந்தையை வாங்கி பாலூட்டும் நிகழ்ச்சியும் நடைபெற்றது. தொடர்ந்து குழந்தையுடன் திருவெண்காடார், சிவசர்மர் பல்லவனீஸ்வரம் கோயிலுக்கு திரும்பி அங்கு திருவெண்காடார், சிவசர்மருக்கு, குழந்தையின் நிறைக்கு நிறை பொன் நிறுத்துக்கொடுத்தல் மற்றும் குழந்தையை வெள்ளிக்கட்டிலில் தாலாட்டும் நிகழ்ச்சியும் நடைபெற்றது. பல நூறு ஆண்டுகளாக நடைபெற்று வரும் இந்த விழாவில் திரளாக பக்தர்கள் கரந்துகொண்டு சிவபெருமானையும், பட்டினத்தடிகளையும் தரிசனம் செய்தனர். விழா ஏற்பாடுகளை கோயில் செயல் அலுவலர் கோபி தலைமையில் நாட்டுக்கோட்டை நகரத்தார் மற்றும் காவிரிப்பூம்பட்டினம் கிராம வாசிகள் செய்திருந்தனர்.
Shared By giridharan (309)
News Url http://temple.dinamalar.com/news_detail.php?id=70718

01 Aug 2017 - நாமக்கல் அறப்பளீஸ்வரர் கோவிலில் ஆடிப்பெருக்கு விழா துவக்கம்

News Title நாமக்கல் அறப்பளீஸ்வரர் கோவிலில் ஆடிப்பெருக்கு விழா துவக்கம்
News Detail நாமக்கல்: கொல்லிமலை, அறப்பளீஸ்வரர் கோவில், ஆடிப் பெருக்கு விழா துவங்கியது. கொல்லிமலையில், அறம் வளர்த்த நாயகி அம்மை உடனமர் அறப்பளீஸ்வர் கோவில் உள்ளது. ஆண்டு தோறும், ஆடிப்பெருக்கு விழா கோலாகலமாக நடக்கும். இந்நதாண்டு விழா, நேற்று, கோவில் வளாகத்தின் முன் உள்ள கொடிமரத்தில் கொடியேற்றத்துடன் துவங்கியது. சிவாச்சாரியார்கள் கொடியை ஏற்றினர். முன்னதாக, சுவாமி மற்றும் அம்பாளுக்கு சிறப்பு அபி?ஷகம் மற்றும் அலங்காரம் செய்யப்பட்டது. இன்று காலை, அறப்பளீஸ்வரர் சுவாமி, அறம் வளர்த்த நாயகியம்மன், பரிகார தெய்வங்களுக்கு சிறப்பு அபி?ஷகம் மற்றும் ஆராதனை செய்யப்படுகிறது. நாளை, சுவாமிக்கு திருக்கல்யாண வைபோகம், சிறப்பு ஆராதனை நடக்கிறது. வரும், 3ல், அலங்கரிக்கப்பட்ட சப்பாரத்தில் சுவாமி மற்றும் அம்பாள் எழுந்தருளி, வீதி உலா சென்று, பக்தர்களுக்கு அருள் பாலிக்கிறார். வரும், 4ல் சுவாமி வீதி உலா, மஞ்சள் நீராட்டு விழா நடக்கிறது. ஏற்பாடுகளை கோவில் நிர்வாகத்தினர், விழா குழுவினர் செய்துள்ளனர்.
Shared By giridharan (309)
News Url http://temple.dinamalar.com/news_detail.php?id=70733

01 Aug 2017 - மாமல்லபுரம் கடற்கரை கோவிலில் பாறை கற்களால் ஆபத்து

News Title மாமல்லபுரம் கடற்கரை கோவிலில் பாறை கற்களால் ஆபத்து
News Detail மாமல்லபுரம்: மாமல்லபுரம் கடற்கரைக்கோவிலில், பாறைக்கற்கள் உருக்குலைந்துள்ளதால், கருவறை பகுதியில், சுற்றுலா பயணியர் அனுமதிக்கப்பட வில்லை. பல்லவ சிற்பக்கலைக்கு புகழ்பெற்ற மாமல்லபுரம், சர்வதேசபாரம்பரிய சுற்றுலா இடமாக விளங்குகிறது. இங்குள்ள பாரம்பரிய கலை ச்சின்னங்களை, ஐக்கிய நாடுகள்சபை கலாசாரக்குழு, சர்வதேச பாரம்பரிய சின்னங்களாக அங்கீகரித்துள்ளது. கடற்கரையில் அமைந்த அழகிய கற்கோவில், முதலில் அங்கீகாரம் பெற்ற சிறப்பிற்குரியது. ஒரே இடத்தில், சைவ, வைணவ வழிபாடு கருதி, தனித்தனி கருவறை சன்னதிகளுடன், பாறை வெட்டு கற்களால், கி.பி.7ம் நுாற்றாண்டில் இக்கோவில் அமைக்கப்பட்டது. இக்கோவிலில், கடற்காற்றின் உப்பு, மாசு படிந்து, இதன் சிற்பங்கள், சுவற்றின் கலை யம்சங்கள் படிப்படியாக அரிக்கப்படுகிறது. பாறைக்கற்களில் துளைகள் உண்டாகின்றன. விளிம்பு பகுதி மழுங்கி உருக்குலைந்து சீரழிகிறது. சன்னதி பகுதி தாங்கு கற்கள் பலமிழந்து, கீழே விழும் ஆபத்தில் உள்ளது. தொல்லியல் துறை , கோவிலை பராமரித்து பாதுகாத்து வரும் நிலையில், இத்துறையின் வேதியியல் பிரிவு, ரசாயன கலவை பூச்சு மூலம், உப்பு உள்ளிட்ட அழுக்கை அகற்றுகிறது. இத்தகைய பாதிப்புகள் ஒருபுறமிருக்க, சுற்றுலாப் பயணியர், கோவில் பாறை கற்களை கைகளால் பற்றி உரசியும் தேய்கின்றனர். கருவறை சன்னிதி குறுகிய பகுதியில், பயணியரின் மூச்சுக்காற்றாலும் பாதிப்பு ஏற்படுவதாக கருதப்படுகிறது. எனவே , மனித மூச்சுக்காற்றால் ஏற்படும் விளைவை ஆராயவும், துளை, தேய்மானத்தை அடைத்து சீரமைக்கவும் முடிவெடுத்தது இத்துறை. சன்னதி சுற்றுப் பகுதியில், பயணியர் உட்செல்வதை தவிர்க்க கருதி, குறுகிய பாதை பகுதி, கடந்த ஜனவரியில் அடைக்கப்பட்டது. இத்துறையின் மாதிரி உருவ கலைஞர்கள், பழமை மாறாமல், துளை அடைப்பு உள்ளிட்ட பாதிப்புகளை சீரமைக்க, தொடர்ந்து ஆராய்கின்றனர். பயணியரால் பாதிக்கப்படாமல் தவிர்க்க, கோவிலை நெருங்காத வகையில் அனுமதிக்கவும், இத்துறை பரிசீலித்து வருகிறது. இதற்கிடையே, கருவறை வளாக ஆபத்தை உணராத சுற்றுலா வழிகாட்டிகள் சிலர், பராமரிப்பு பணி என, கருவறை வளாகம் மூடப்பட்டு, சுற்றுலாப் பயணியர் அனுமதிக்கப்படாமல் ஏமாற்றமடைவதாகவும், இதை திறக்க வேண்டும் என்றும் வதந்தி பரப்புகின்றனர். கருவறை பகுதியில் பயணியருக்கு தடை: கோவிலை, அழிவிலிருந்தும்,பழமை மாறாமலும் பாதுகாக்க வேண்டும். ஆய்விற்கு பிறகே சீரமைக்க முடியும்; கருவறை சன்னதி பகுதி தாங்கு கற்களும் பலமிழந்துள்ளன. பயணியர் இருக்கும் போது, கற்கள் கீழே விழுந்தால், ஆபத்தாக அமையும். எனவே தான், கருவறை பகுதியை மூடியுள்ளோம்- தொல்லியல்துறையினர் மாமல்லபுரம்
Shared By giridharan (309)
News Url http://temple.dinamalar.com/news_detail.php?id=70667

Jul 2017

27 Jul 2017 - திருவண்ணாமலையில் ஆடிப்பூரம் விழா: அம்மனுக்கு தீர்த்தவாரியுடன் வளைகாப்பு உற்சவம்

News Title திருவண்ணாமலையில் ஆடிப்பூரம் விழா: அம்மனுக்கு தீர்த்தவாரியுடன் வளைகாப்பு உற்சவம்
News Detail திருவண்ணாமலை: திருவண்ணாமலை அருணாசலேஸ்வரர் கோவில் ஆடிப்பூர விழாவில், அம்மனுக்கு நேற்று வளைகாப்பு நடந்தது. இதையொட்டி, சிவகங்கை தீர்த்த குளத்தில் தீர்த்தவாரி நடந்தது. திருவண்ணாமலை அருணாசலேஸ்வரர் கோவிலில், ஆண்டு தோறும் நடக்கும் ஆடிப்பூர பிரம்மோற்சவ விழா, மிகவும் பிரசித்தி பெற்றது. இந்த ஆண்டு ஆடிப்பூர பிரம்மோற்சவ விழா, கடந்த, 17ல் கொடியேற்றத்துடன் துவங்கியது. நேற்று ஆடிப்பூர விழாவில், அம்மனுக்கு வளைகாப்பு நடந்தது. இதையொட்டி, அதிகாலை கோவில் நடை திறக்கப்பட்டு, மூலவர் மற்றும் உற்சவ மூர்த்திகளுக்கு சிறப்பு அபி?ஷகம் மற்றும் சிறப்பு பூஜை, சிறப்பு அலங்காரம் செய்யப்பட்டது. தொடர்ந்து, கோவிலில் உள்ள சிவகங்கை தீர்த்தத்தில், பராசக்தி அம்மனுக்கு தீர்த்தவாரி நடந்தது. இதையடுத்து, பராசக்தி அம்மன், வளைகாப்பு மண்டபத்தில் எழுந்திருளி, பக்தர்களுக்கு அருள்பாலித்தார். அங்கு, அம்மனுக்கு வளைகாப்பு உற்சவம் நடந்தது. இதில், ஆயிரக்கணக்கான பெண்கள் பங்கேற்று, அம்மனுக்கு வளையல், மஞ்சள், குங்குமம் சாற்றி வழிபட்டனர். இரவில், காமதேனு வாகனத்தில், அருணாசலேஸ்வரர் சமேத உண்ணாமுலையம்மன் வீதியுலா வந்தனர். நள்ளிரவு, 12:00 மணிக்கு, உண்ணாமுலையம்மன் சன்னதி எதிரில் நடந்த தீ மிதி விழாவில், ஆயிரக்கணக்கான பக்தர்கள் தீக்குண்டத்தில் இறங்கி வழிபட்டனர்.
Shared By giridharan (309)
News Url http://temple.dinamalar.com/news_detail.php?id=70555

26 Jul 2017 - பண்ருட்டி திருவதிகை வீரட்டானேஸ்வரர் கோவிலில் ஆடிப்பூர உற்சவம்

News Title பண்ருட்டி திருவதிகை வீரட்டானேஸ்வரர் கோவிலில் ஆடிப்பூர உற்சவம்
News Detail பண்ருட்டி: பண்ருட்டி திருவதிகை வீரட்டானேஸ்வரர் கோவிலில் ஆடிப்பூரம் உற்சவம் முன்னிட்டு அம்மன் திருத்தேர் திருவிழா நேற்று நடந்தது. பண்ருட்டி திருவதிகை அம்பாள் பெரிய நாயகி சமேத வீரட்டானேஸ்வரர் கோவிலில் ஆடிப்பூர திருவிழா முன்னிட்டு நேற்று கடந்த 17 ம்தேதி காலை கொடியேற்றத்துடன் விழா துவங்கியது. நேற்று 25ம் தேதி பூரம் நட்சத்திரம் முன்னிட்டு காலை 6:00 மணிக்கு மூலவர் வீரட்டானேஸ்வரர், அம்பாள் பெரியநாயகி சுவாமிக்கு சிறப்பு பூஜைகள் நடந்தது. விழாவில் ஏராளமான பக்தர்கள் கலந்து கொண்டு சுவாமியை வழிபட்டனர். காலை 7 மணிக்கு அம்மன் சிறப்பு அலங்காரத்தில் அம்மன் திருத்தேர் வீதியுலா நடந்தது. இன்று 26ம் தேதி ஆடிப்பூரத்தன்று வளைகாப்பு உற்சவமும் நடக்கிறது.
Shared By giridharan (309)
News Url http://temple.dinamalar.com/news_detail.php?id=70526

26 Jul 2017 - சிறுதாவூர் சிவன் கோவிலில் கும்பாபிஷேகம் எப்போது?

News Title சிறுதாவூர் சிவன் கோவிலில் கும்பாபிஷேகம் எப்போது?
News Detail சிறுதாவூர் : சிறுதாவூரில் அமைந்துள்ள பழமையான சிவன் கோவிலின் நிர்வாகம், அறநிலையத்துறை வசம் மாறியும், திருப்பணிகள் முடிக்கப்படாமல், கும்பாபிஷேகம் நடத்துவது பல ஆண்டுகளாக கிடப்பில் போடப்பட்டுள்ளது. திருப்போரூர் அடுத்த சிறுதாவூர் கிராமத்தில், ஆயிரம் ஆண்டுகள் பழமை வாய்ந்த, பூதகிரீஸ்வர் கோவில் உள்ளது. கோவிலின் அருகே பழமையான குளமும் உள்ளது. இவற்றை சீரமைக்க, 2009ம் ஆண்டில் திருப்பணிகள் துவங்கின. திருப்பணிகள் காரணமாக, கோவிலில் இருந்த விலை உயர்ந்த ஐம்பொன் சிலைகள், 2011ம் ஆண்டில் இதே பகுதியிலுள்ள பஜனை கோவிலில் வைக்கப்பட்டது. அவற்றை, 2013ல், மர்ம நபர்கள் சிலர் திருடிச் சென்றனர். மாவட்ட போலீசார் மேற்கொண்ட முயற்சிகளை அடுத்து, சிலைகள், ஒரு வாரத்தில் மீட்கப்பட்டன. இதையடுத்து, சிலைகள் அனைத்தும் பாதுகாப்பு கருதி அறநிலையத்துறையின் வசம் ஒப்படைக்கப்பட்டது. பிறகு, கிராம வழிபாட்டுக் குழுவினரின் பராமரிப்பிலிருந்த இக்கோவிலை, அறநிலையத் துறையைச் சார்ந்த திருப்போரூர் கந்தசுவாமி கோவில் நிர்வாகம் ஏற்க காஞ்சி உதவி ஆணையர் உத்தரவிட்டார். தற்போது, கந்தசுவாமி கோவில் நிர்வாகம், சிறுதாவூர் கோவிலின் ஏலம் உள்ளிட்ட நிர்வாக பணிகளை கவனித்துவருகிறது. இவ்வாறு, அறநிலையத்துறையின் வசம் கோவில் நிர்வாகம் மாறி, மூன்று ஆண்டுகளாகியும் பாதியில் நிறுத்தப்பட்டுள்ள திருப்பணிகள் மீண்டும் தொடங்கப்படாமல் இருப்பது, பக்தர்களிடையே அதிருப்தியை ஏற்படுத்திஉள்ளது. இதனால், இக்கோவிலில் பல ஆண்டுகளாக தொடர்ந்து நடைபெற்று வந்த பிரதோஷ வழிபாடுகள் தடைப்பட்டு நிற்பதாக பக்தர்கள் கவலையுடன் தெரிவிக்கின்றனர். எனவே, தடைப்பட்டுள்ள திருப்பணிகளை விரைந்து முடித்து, கோவில் கும்பாபிஷேகத்தை விரைவில் நடத்த வேண்டும் என்பதே சிறுதாவூர் கிராம வாசிகள் மற்றும் பக்தர்களின் கோரிக்கையாக உள்ளது.
Shared By giridharan (309)
News Url http://temple.dinamalar.com/news_detail.php?id=70546

26 Jul 2017 - சென்னை மடிப்பாக்கத்தில் அதிருத்ர மஹாயாகம்

News Title சென்னை மடிப்பாக்கத்தில் அதிருத்ர மஹாயாகம்
News Detail சென்னை : மடிப்பாக்கத்தில் அதிருத்ர மஹாயாகம், 31ம் தேதி வரை நடக்கிறது. மடிப்பாக்கம் சத்சங்கம் சார்பில், அதிருத்ர மஹாயாகம், சத்சங்க மண்டபத்தில், 24ம் தேதி காலை கணபதி ஹோமத்துடன் துவங்கியது. தொடர்ந்து, கோபூஜை, கலச பிரதிஷ்டை நடக்கிறது. பின், 31ம் தேதி வரை, தினமும் காலையில், மஹன்யாசம், ருத்ர ஜபம், ஹோமம், வசோர்தாரை பூர்ணாஹூதி நடக்கிறது. மாலையில், விசலூர் மணி அய்யர் குழுவினரின் திருமுறை இன்னிசை நிகழ்ச்சி நடக்கிறது. 31ம் தேதி காலை, 10:00 மணிக்கு, சண்டி ஹோமத்துடன், விழா நிறைவு பெறுகிறது. விழா ஏற்பாடுகளை, சத்சங்க நிர்வாகிகள் செய்துள்ளனர்.
Shared By giridharan (309)
News Url http://temple.dinamalar.com/news_detail.php?id=70548

25 Jul 2017 - மதுரை மீனாட்சி அம்மன் ஆடி முளைக்கொட்டு விழா கொடியேற்றத்துடன் துவக்கம்

News Title மதுரை மீனாட்சி அம்மன் ஆடி முளைக்கொட்டு விழா கொடியேற்றத்துடன் துவக்கம்
News Detail மதுரை: மதுரை மீனாட்சி அம்மன் கோயில் ஆடி முளைக் கொட்டு திருவிழா, கொடியேற்றத்துடன் கோலாகலமாக துவங்கியது. ஏராளமான பக்தர்கள் தரிசனம் செய்தனர்.இன்று(ஜூலை 25) துவங்கி ஆக.,3 வரை நடக்கிறது. ஆடிப்பட்டம் தேடி விதை என்பதால் விவசாயிகள் ஆடி மாதத்தில் விதை விதைத்து சாகுபடி பணிகளை மேற்கொள்வர். விளை நிலங்களில் பயிர்கள் அமோகமாக விளையும் வகையில் முளைக்கொட்டு வைத்து இறைவனை வழிபடுவர். மீனாட்சி அம்மன் கோயில் திருவிழாக்களில் அம்மனுக்கு மட்டும் முக்கிய விழாக்களான ஆடியில் முளைக்கொட்டு திருவிழா, ஐப்பசியில் கோலாட்ட உற்சவம், நவராத்திரி கலை விழா, மார்கழியில் எண்ணெய் காப்பு திருவிழா நடக்கிறது. இதில் ஆடி முளைக்கொட்டு திருவிழா அம்மன் சன்னதி முன் உள்ள கொடி மரத்தில் கொடியேற்றப்பட்டு, தீபாராதனை நடந்தது. மீனாட்சி அம்மன் சிறப்பு அலங்காரத்தில் பக்தர்களுக்கு அருள்பாலித்தார். மீனாட்சி அம்மன் பஞ்ச மூர்த்திகளுடன் காலை, மாலையில் ஆடி வீதியில் பல்வேறு வாகனங்களில் எழுந்தருளி வீதி உலா வருவார். நாதஸ்வர வித்வான்கள் கொட்டு மேளம் இசைத்து அம்மனை சேர்த்தி சேர்ப்பர். ஏழாம் நாள் திருவிழாவான ஜூலை 31 இரவு திருவீதி உலா முடிந்த பின் உற்சவர் சன்னதியில் அம்மன், சுவாமி மாலை மாற்றும் வைபவம் நடக்கிறது.
Shared By giridharan (309)
News Url http://temple.dinamalar.com/news_detail.php?id=70496

25 Jul 2017 - ஆடித் திருக்கல்யாணம்: ராமேஸ்வரம் ராமநாதசுவாமி கோயிலில் தேரோட்டம்

News Title ஆடித் திருக்கல்யாணம்: ராமேஸ்வரம் ராமநாதசுவாமி கோயிலில் தேரோட்டம்
News Detail ராமேஸ்வரம்: ஆடித் திருக்கல்யாண விழாவையொட்டி, ராமேஸ்வரம் கோயிலில் பர்வதவர்த்தினி அம்மன் திருத்தேரில் எழுந்தருளி, ஆடித் தேரோட்டம் நடந்தது. ராமேஸ்வரம் ராமநாதசுவாமி கோயிலில் ஜூலை 17 ல் கொடி ஏற்றத்துடன் ஆடித் திருக்கல்யாண விழா துவங்கியது. 9ம் நாள் விழாவான ஆடித் தேரோட்டத்தையொட்டி, கோயிலில் இருந்து பர்வதவர்த்தினி அம்மன் புறப்பாடாகி திருத்தேரில் எழுந்தருளினார். பின் அம்மனுக்கு கோயில் குருக்கள் மகா தீபாராதனை செய்ததும், கூடியிருந்த பக்தர்கள் தரிசனம் செய்தனர். பின், பக்தர்கள் சிவ சிவ என கோஷமிட்டபடி திருத்தேரின் வடத்தை பிடித்து இழுத்து ரதவீதியில் வலம் வந்தனர். அப்போது ரதவீதியில் கூடியிருந்த பக்தர்கள் ஆடித் திருத்தேரை தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=70524

25 Jul 2017 - சதுரகிரியில் நிறைவுபெற்றது ஆடி அமாவாசை விழா

News Title சதுரகிரியில் நிறைவுபெற்றது ஆடி அமாவாசை விழா
News Detail வத்திராயிருப்பு: சதுரகிரி மலையில் கடந்த 4 நாட்களாக நடந்த ஆடி அமாவாசை விழா, நேற்று இரவு நடந்த சுபமங்கள பூஜைகளுடன் நிறைவு பெற்றது. இம்மலையில் சுந்தரமகாலிங்கசுவாமி, சந்தனமகாலிங்கசுவாமி, சுந்தரமூர்த்தி சுவாமி சிவாலயங்கள் உள்ளன. புராணகாலங்களில் வாழ்ந்த புகழ்பெற்ற 18 சித்தர்கள் இந்த மலையில் ஒன்றாக கூடி இறைவனை வழிபட்டனர். இங்கு வழக்கமாக ஆடி அமாவாசை விழா 10 நாட்கள் கொண்டாடப்படும். இந்த ஆண்டு மலையில் ஏற்பட்டுள்ள வறட்சியால் ஆடி அமாவாசை விழா 6 நாட்களாக குறைக்கப்பட்டது. இதையொட்டி ஜூலை 21 ல் பிரதோஷ வழிபாட்டுடன் துவங்கிய விழாவையொட்டி சிவராத்திரி வழிபாடு, அமாவாசை வழிபாடு நடந்தது. நேற்று பூஜையின் இறுதி நாள் வழிபாடு துவங்கியது. மூன்று கோயில்களிலும் சுவாமிக்கு சிறப்பு அபிஷேகம் செய்யப்பட்டு, முதல்நாள் செய்யப்பட்ட அதே அமாவாசை அலங்காரம் செய்யப்பட்டது. ஏராளமான பக்தர்கள் வரிசையில் நின்று தரிசனம் செய்தனர். ’அரோகரா கோஷம்’ முழங்க மூன்றுகால பூஜைகளிலும் பங்கேற்றனர். தொடர்ந்து இரவு அர்த்தஜாம பூஜைகளுடன் சுவாமிகளுக்கான அமாவாசை அலங்காரம் களையப்பட்டு திருவிழா முடிவுக்கு வந்தது. இதை தொடர்ந்து இன்று மாலை 4 :00மணியுடன் மலைப்பாதை மூடப்படுகிறது. அதுவரை தரிசனத்திற்காக வரும் பக்தர்களுக்காக சுவாமிகளுக்கு சிறப்பு அலங்காரம் செய்யப்பட்டு சிறப்பு தரிசனத்திற்கும் ஏற்பாடு செய்யப்பட்டுள்ளது. கூட்டம் குறைந்தது நேற்று முன்தினம் மலையில் லட்சக்கணக்கான பக்தர்கள் திரண்டதால் மலைப்பாதை முழுவதும் கூட்ட நெரிசல் ஏற்பட்டு, பாதி வழியிலேயே பலர் அடிவாரம் திரும்பினர்.,நேற்று மலைப்பாதைகளில் கூட்டம் குறைவாக இருந்ததால் மலையேறிச் சென்று தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=70491

25 Jul 2017 - வெளிநாடு கடத்த இருந்த ஐம்பொன் சிலைகள் பறிமுதல்: 5 பேர் கைது

News Title வெளிநாடு கடத்த இருந்த ஐம்பொன் சிலைகள் பறிமுதல்: 5 பேர் கைது
News Detail கும்பகோணம்: குடந்தை அருகே காரை மடக்கி சோதனையிட்ட போலீசார், பல லட்சம் மதிப்புள்ள 3 ஐம்பொன் சிலைகளைப் பறிமுதல் செய்தனர். அவற்றை கடத்திய 5 பேர் கைது செய்யப்பட்டனர். இந்த சிலை கடத்தலில் ஜெயங்கொண்டத்தைச் சேர்ந்த முக்கியப் புள்ளி ஒருவருக்குத் தொடர்பு இருப்பது தெரியவந்துள்ளது. அரியலூர் மாவட்டம் ஜெயங்கொண்டத்தில் இருந்து தஞ்சை மாவட்டம் கும்பகோணத்திற்கு சிலைகள் கடத்தி வரப்படுவதாக கும்பகோணம் போலீசாருக்கு நேற்று (ஜூலை23) இரவு தகவல் கிடைத்தது. இதைத்தொடர்ந்து கும்பகோணம் டிஎஸ்பி கணேசமூர்த்தி தலைமையில் போலீசார், இரவில் பல்வேறு இடங்களில் வாகன தணிக்கை நடத்தினர். இதில் சிலைகளை கடத்தி வந்த திருச்சியை சேர்ந்த குமார், மணி, தேவகோட்டை மணி, அரியலூர் மனோ, கடலூர் விஸ்வசுந்தரம் ஆகிய 5 பேரையும் போலீசார் கைது செய்து காரையும் பறிமுதல் செய்தனர்.
Shared By giridharan (309)
News Url http://temple.dinamalar.com/news_detail.php?id=70499

22 Jul 2017 - Convert To Islam Within 6 Months, Malayalam Author Receives Death Threat

News Title Convert To Islam Within 6 Months, Malayalam Author Receives Death Threat
News Detail Renowned Malayalam author KP Ramanunni from Kerala's Kozhikode has received a death threat and a warning that his right arm and left leg would be chopped off if he didn't convert to Islam within six months.
Shared By vaan (17)
News Url http://www.ndtv.com/india-news/convert-to-islam-within-6-months-malayalam-author-receives-death-threat-1727915?pfrom=home-lateststories

21 Jul 2017 - திருவிடைக்கழி கோயில் குளத்தில் சாமி சிலைகள் கண்டெடுப்பு!

News Title திருவிடைக்கழி கோயில் குளத்தில் சாமி சிலைகள் கண்டெடுப்பு!
News Detail திருவிடைக்கழி கோயில் குளம் தூர்வாரிய போது சுவாமி சிலைகள் கண்டெடுப்பு!
Shared By vaan (17)
News Url http://temple.dinamalar.com/news_detail.php?id=70382

20 Jul 2017 - நெல்லையப்பர் கோயிலில் காந்திமதியம்மனுக்கு வளைகாப்பு: பக்தர்கள் குவிந்தனர்

News Title நெல்லையப்பர் கோயிலில் காந்திமதியம்மனுக்கு வளைகாப்பு: பக்தர்கள் குவிந்தனர்
News Detail திருநெல்வேலி: நெல்லையப்பர் கோயில் ஆடிப்பூர திருவிழால் காந்திமதியம்மனுக்கு வளைகாப்பு வைபவம் நடந்தது. திரளான பெண்கள் பங்கேற்றனர். திருநெல்வேலி, நெல்லையப்பர் காந்திமதியம்மன் கோயிலில் ஆடிப்பூர திருவிழா கடந்த 17ம் தேதி கொடியேற்றத்துடன் துவங்கியது. இவ்விழாவின் நாளாம் திருநாளான இன்று (ஜுலை 20ல்) காலை 11 மணிக்கு காந்திமதியம்மன், வெண்பட்டு உடுத்தி, சுவாமி சன்னதிக்கு வந்தார். அங்கிருக்கும் உற்சவரிடம் தமக்கு வளைகாப்பு ஏற்பாடு செய்திருக்கிறார்கள். போய்வர அனுமதி தருமாறு கேட்டார். சுவாமி அனுமதியளித்தார். அம்பாள் அங்கிருந்து மதியம் 12 மணிக்கு ஊஞ்சல் மண்டபத்திற்கு வருகை தந்தார். அங்கு வழக்கமாக கர்ப்பிணி தாய்மார்களுக்கு மேற்கொள்வதைப்போல தலைவாரி, கண்ணாடியில் முகம்பார்த்து அலங்கரிக்கப்பட்டார். பின்னர் வளைகாப்பு விழா நடந்தது. வளைகாப்பு முடிந்ததும் கைநிறைய வளையல்கள் அணிந்த அம்பாள், சுவாமி சன்னதிக்கு சென்று அங்கிருந்த <உற்சவரிடம் மகிழ்ச்சி பொங்க தமக்கு வளைகாப்பு வைபவம் நடந்ததை தெரிவித்தார்.விழாவில் மாநகர போலீஸ் துணைகமிஷனர் சுகுணசிங்கின் மனைவி உள்பட திரளான பெண்கள் பங்கேற்றனர். பங்கேற்றவர்களுக்கு பிரசாதமாக வளையல்கள் வழங்கப்பட்டன. இதனை அணிந்து கொள்ளும் பெண்களின் குடும்பத்திலும் விரைவில் வளைகாப்பு வைபவம் நடக்கும் என்பது நம்பிக்கை. ஆடிப்பூர விழாவின் பத்தாம் நாளான 26ம் தேதி புதன்கிழமை இரவு 8 மணிக்கு கோயில் ஊஞ்சல் மண்டபத்தில் வைத்து ஆடிப்பூர முளைக்கட்டு திருநாள் நடக்கிறது.
Shared By giridharan (309)
News Url http://temple.dinamalar.com/news_detail.php?id=70356

20 Jul 2017 - சதுரகிரி மலைப்பாதை திறப்பு: 4 நாள் விழா 6 நாளாக உயர்வு

News Title சதுரகிரி மலைப்பாதை திறப்பு: 4 நாள் விழா 6 நாளாக உயர்வு
News Detail வத்திராயிருப்பு: சதுரகிரி மலையில் நடைபெற உள்ள ஆடி அமாவாசை விழாவிற்காக மலைப்பாதை இன்று முதல்திறக்கப்படுகிறது. ஏற்கனவே அனுமதிக்கப்பட்ட நான்கு நாள் விழாவானது 6 நாளாக உயர்த்தப்பட்டுள்ளது.சதுரகிரி மலையில் ஆடி அமாவாசை திருவிழா நாளை மறுநாள்(ஜூலை 21) பிரதோஷ வழிபாட்டுடன் துவங்குகிறது. 23 ல் அமாவாசை வழிபாடு நடக்கிறது. இதற்காக கடந்த ஒருவாரத்திற்கு முன்பே பக்தர்கள் மலைக்கு செல்ல அனுமதிக்கப்பட்டிருக்க வேண்டும். ஆனால் மலையில் கடும் வறட்சி நிலவுகிறது. மலையில் கோயில் பயன்பாட்டிற்கு அமைக்கப்பட்ட ஒரு கிணற்றில் மட்டும் சிறிதளவு நீர் உள்ளது. இதனால் பக்தர்கள் குடிப்பதற்கும், முடிகாணிக்கை, நேர்த்திக்கடன் செலுத்த, கழிப்பறை பயன்பாட்டிற்கும் நீர் இல்லை. இந்நிலையில் பக்தர்கள் மலைக்கு சென்றால் மிகவும் சிரமத்தை சந்திக்க வேண்டியிருக்கும் எனக்கருதி அதிகாரிகள் 10நாள் விழாவை 4 நாளாக குறைத்தனர். வலியுறுத்தல்இதற்கு பக்தர்கள் மத்தியில் பெரும் அதிருப்தி கிளம்பியது. பல லட்சம் பக்தர்கள் 4 நாட்களில் மலையை முற்றுகையிட்டால் மலையில் பெரும் நெரிசலும், உயிரிழப்பு போன்ற அசம்பாவிதங்கள் ஏற்படும் என்பதால் வழக்கம்போல் 10 நாட்களாவது அனுமதிக்க வேண்டும் என அரசை வலியுறுத்தினர். பக்தர்கள் முதல்வர், விருதுநகர், மதுரை கலெக்டர்களுக்கு புகார் அளித்தனர். இதை தொடர்ந்து நேற்று முன்தினம் மதுரை மாவட்டம் தே.கல்லுப்பட்டியில் நடந்த இரு மாவட்ட கலெக்டர்கள், காவல்துறை அதிகாரிகள், வனத்துறையினர் கலந்து கொண்ட ஆலோசனை கூட்டத்தில், 4 நாட்களாக அனுமதிக்கப்பட்ட விழா 6 நாட்களாக உயர்த்தப்பட்டது. அதன் படி நாளை திறப்பதாக இருந்த மலைப்பாதை, இன்று காலை முதல் திறக்கப்படுகிறது. அதிகாரிகள் விளக்கம்மலை கோயில் அதிகாரிகள் கூறியதாவது: குடிப்பதற்கு கூட தண்ணீர் இல்லாத நிலையை கருதி பக்தர்கள் நலனுக்காகவே மலைப்பாதை திறக்கப்படும் நாட்கள் குறைக்கப்பட்டது. தற்போது தொண்டு நிறுவனங்கள் மூலம் குடிநீர் வழங்க மாற்று ஏற்பாடு செய்யப்பட்டுள்ளதால் கூடுதலாக இரு நாட்கள் மலைப்பாதையை திறக்க மதுரை ,விருதுநகர் கலெக்டர்கள் அனுமதி வழங்கி உள்ளனர். சூடம் ஏற்றுவது ஏற்கனவே அனைத்து கோயில்களிலும் தடை உள்ளது. இக்கோயிலுக்கும் அது ஏற்கனவே நடைமுறைக்கு வந்து விட்டது என்றாலும், பக்தர்கள் வழிப்பாதையில் உள்ள லிங்கவடிவிலான கற்களுக்கு முன் சூடம் ஏற்றி வழிபட்டுக்கொண்டே மலையேறுகின்றனர். பக்தர்கள் ஏற்றும் சூடம் காற்றில் காய்ந்த செடிகளின்மீது பட்டுவிட்டால் காட்டுத்தீ பற்றுவதற்கான அபாயம் உள்ளது. இதை மதஉணர்வோடு பக்தர்கள் அணுக வேண்டாம். சூழ்நிலையை கருத்தில் கொண்டு ஒத்துழைப்பு அளிக்க வேண்டும். வழக்கமாக மலைப்பாதையில் செல்லும் பக்தர்கள் தண்ணீர் பாட்டில் கொண்டு செல்ல அனுமதிக்கப்படுவதில்லை. ஆனால் தற்போது மலையில் உள்ள வறட்சி நிலையை கருதி பக்தர்கள் தண்ணீர் பாட்டில்கள் கொண்டு செல்ல அனுமதிக்கப்படுவர். அதே நேரம் கொண்டு செல்லும் பாட்டில்களை இறங்கும் போது கொண்டு வரவேண்டும், என்ற நிபந்தனையும் விதிக்கப்பட்டுள்ளது.
Shared By giridharan (309)
News Url http://temple.dinamalar.com/news_detail.php?id=70331

20 Jul 2017 - காஞ்சிபுரம் கைலாசநாதர் மண்டலாபிஷேகம் நிறைவு விழா

News Title காஞ்சிபுரம் கைலாசநாதர் மண்டலாபிஷேகம் நிறைவு விழா
News Detail காஞ்சிபுரம்: காஞ்சிபுரம் கைலாசநாதர் கோவில் கும்பாபிஷேகம் முடிந்து, தொடர்ந்து மண்டலாபிஷேகம் நடந்து வந்தது. அதன் நிறைவு விழாவில் நேற்று, மூலவருக்கு, 108 கலசாபிஷேகம் நடந்தது. காஞ்சிபுரத்தில் சிறப்புற்று விளங்கும், கைலாசநாதர் கோவில் கும்பாபிஷேகம் கடந்த, 5ல் விமரிசையாக நடந்தது. தொடர்ந்து, தினமும் மண்டலாபிஷேகமும் நடந்து வந்தது. நேற்றுடன், 45வது நாள் பூர்த்தியடைந்து, மண்டலாபிஷேகம் நிறைவு பெற்றது. அதையொட்டி, 108 கலசங்கள் வைத்து ஹோமம் நடந்தது. இரவு, 7:00 மணிக்கு, பர்வதவர்த்தினி அம்பாளுடன் கைலாச நாதர் வீதிவுலா சென்று, பக்தர்களுக்கு அருள்பாலித்தார்.
Shared By giridharan (309)
News Url http://temple.dinamalar.com/news_detail.php?id=70349

19 Jul 2017 - ஆடி அமாவாசையை முன்னிட்டு சதுரகிரியில் மாலை 4மணி வரை மட்டுமே அனுமதி

News Title ஆடி அமாவாசையை முன்னிட்டு சதுரகிரியில் மாலை 4மணி வரை மட்டுமே அனுமதி
News Detail சதுரகிரியில் ஆடி அமாவாசை மாலை 4மணி வரை மட்டுமே அனுமதி
Shared By vaan (17)
News Url http://temple.dinamalar.com/news_detail.php?id=70312

10 Jul 2017 - 7 Amarnath Yatra Pilgrims Killed In Terror Attack In Jammu And Kashmir's Anantnag

News Title 7 Amarnath Yatra Pilgrims Killed In Terror Attack In Jammu And Kashmir's Anantnag
News Detail
Shared By Ganesh (53)
News Url http://www.ndtv.com/india-news/2-amarnath-yatra-pilgrims-killed-in-terror-attack-in-jammu-and-kashmirs-anantnag-1723037?pfrom=home-lateststories

10 Jul 2017 - Troops Rushed To Anantnag After Attack On Amarnath Pilgrims

News Title Troops Rushed To Anantnag After Attack On Amarnath Pilgrims
News Detail
Shared By Ganesh (53)
News Url http://www.ndtv.com/india-news/troops-rushed-to-jammu-and-kashmirs-anantnag-after-attack-on-amarnath-pilgrims-10-points-1723049?pfrom=home-lateststories

05 Jul 2017 - மாசிலாமணீஸ்வரர் கோவிலில் 5ல் கும்பாபிஷேகம்

News Title மாசிலாமணீஸ்வரர் கோவிலில் 5ல் கும்பாபிஷேகம்
News Detail நயப்பாக்கம்: நயப்பாக்கம், மாசிலாமணீஸ்வரர் கோவிலில், வரும் 5ம் தேதி, மகா கும்பாபிஷேகம் நடைபெற உள்ளது. கடம்பத்துார் ஒன்றியம், நயப்பாக்கம் கிராமத்தில் அமைந்துள்ளது நேத்ரதாயினி சமேத மாசிலாமணீஸ்வரர் கோவில். 2,000 ஆண்டுகள் பழமை வாய்ந்த கோவிலில், மகா கும்பாபிஷேகம், வரும் 5ம் தேதி நடைபெற உள்ளது.முன்னதாக, வரும் 3ம் தேதி, காலை 7:00 மணிக்கு, கணபதி ஹோமமும், புதிய சிலைகள் கண் திறப்பு நிகழ்ச்சியும் நடைபெறும். பின், மாலை முதல்கால யாகசாலை பூஜையும், பூரணாஹூதியும் நடைபெறும். மறுநாள் 4ம் தேதி காலை, இரண்டாம் கால யாகசாலை பூஜையும், மாலை மூன்றாம் கால யாகசாலை பூஜையும் நடைபெறும். கும்பாபிஷேக தினமான, 5ம் தேதி, காலை 6:00 மணிக்கு, நான்காம் கால யாகசாலை பூஜையும், காலை 10:00 மணிக்கு, கடம் புறப்பாடும், அதன்பின், கோபுர விமானங்களுக்கு மகா கும்பாபிஷேகமும், நடைபெறும்.
Shared By giridharan (309)
News Url http://temple.dinamalar.com/news_detail.php?id=69827

05 Jul 2017 - அன்னுார் :ஆயிரம் ஆண்டு பழமையான மன்னீஸ்வரர் கோவிலில் திருப்பணி

News Title அன்னுார் :ஆயிரம் ஆண்டு பழமையான மன்னீஸ்வரர் கோவிலில் திருப்பணி
News Detail அன்னுார் :ஆயிரம் ஆண்டு பழமையான மன்னீஸ்வரர் கோவிலில், 1.5 கோடி ரூபாயில், கும்பாபிஷேக திருப்பணி நடக்கிறது. அன்னுார் மன்னீஸ்வரர் கோவில், 1,000 ஆண்டுகள் பழமையானது. இக்கோவில், ஞானிகளாலும், மன்னர்களாலும் வழிபடப்பட்ட பெருமையுடையது. இக்கோவிலில் கும்பாபிஷேகம் நடந்து, 13 ஆண்டுகள் முடிந்து விட்டது. இதையடுத்து திருப்பணி செய்து, கும்பாபிஷேகம் செய்ய முடிவு செய்யப்பட்டது. கடந்த மாதம் பாலாலயம் செய்யப்பட்டது. இதில், 15 அடி உயரத்தில், 70 அடி நீளம், 40 அடி அகலத்தில், முன் மண்டபம் கட்டுதல், ராஜகோபுரத்திலுள்ள சுதைகளை புதுப்பித்தல், அனைத்திற்கும் பஞ்சவர்ண பெயின்டிங் செய்தல் என, 1.5 கோடி ரூபாயில் திருப்பணி செய்ய முடிவு செய்யப்பட்டது. மேற்கு வாசல் ராஜ கோபுரத்திற்கு சாரம் கட்டப்பட்டு, சுதைகளை புதுப்பிக்கும் பணி நடக்கிறது. மன்னீஸ்வரர் கருவறை விமானம், அருந்தவச்செல்வி கருவறை விமானம், முருகப்பெருமான் சன்னிதி விமானம் ஆகியவற்றுக்கும் சாரம் கட்டப்பட்டு, பணிகள் நடக்கின்றன. முன் மண்டபம் கட்ட பில்லர்களுக்கான குழிகள் தோண்டப்பட்டுள்ளன. ஆறு மாதத்திற்குள் பணி முடித்து, டிசம்பரில், கும்பாபிஷேகம் செய்யதிட்டமிடப்பட்டுள்ளது.திருப்பணி செலவு முழுக்க, உபயதாரர்கள் மூலம் செய்யப்படுகிறது’ என திருப்பணிக்குழுவினர் தெரிவித்தனர்.
Shared By giridharan (309)
News Url http://temple.dinamalar.com/news_detail.php?id=69879

05 Jul 2017 - காளாத்தீஸ்வரர் கோயிலில் தொல்லியல்துறையினர் விரைவில் ஆய்வு

News Title காளாத்தீஸ்வரர் கோயிலில் தொல்லியல்துறையினர் விரைவில் ஆய்வு
News Detail உத்தமபாளையம்: உத்தமபாளையம் காளாத்தீஸ்வரர் உட னுறை ஞானாம் பிகை கோயில் திருப்பணி மற்றும் கும்பா பிேஷகம் நடத்துவதற்கு முன்னதாக தொல்லியல் துறை ஆய்வு செய்ய வேண்டும். அதற்காக சில நாட்களில் அவர்கள் வர உள்ளனர் என செயல்அலுவலர் செந்தில்குமார் தெரிவித்துள்ளார். உத்தமபாளையம் காளாத்தீஸ்வரர் உடனுறை ஞானாம்பிகை கோயில்மிகவும் பழமையானது, பிரசித்திபெற்றதுமாகும். தென்காளஹஸ்திஎன்ற பெயர் பெற்றது. ராகு கேது தோஷ பரிகார தலமாகவும் உள்ளது.இங்குள்ள ராகு கேது தனித்தனி சன்னதிகளில் எழுந்தருளியுள்ளனர். இக்கோயில் திருப்பணி மற்றும் கும்பாபிேஷகம் நடந்து பல ஆண்டுகளைகடந்து விட்டது. அதனை நடத்த வலியுறுத்தி பா.ஜ., வினர் போராட்டம் நடத்தினர். ஆனால்பழமையான கோயில்களை திருப்பணி செய்ய வேண்டும் என்றால்தொல்லியல் துறை ஆய்வு செய்து அனுமதி தர வேண்டும் என்றுசட்டதிருத்தம் கொண்டு வரப்பட்டுள்ளது. அதன்படி அறநிலையத்துறை அதிகாரிகள் தொல்லியல்துறைக்கு கடிதம் எழுதினர். அதற்கு பதிலளித்துள்ள தொல்லியல் துறையினர் இன்னமும் சில நாட்களில் கோயிலில்ஆய்வு மேற்கொண்டு செய்ய வேண்டிய பணிகள் குறித்து அனுமதிதருவதாக கடிதம்அனுப்பி உள்ளனர். கோயில் செயல்அலுவலர் செந்தில்குமார் கூறுகையில், ”இணைமற்றும் துணை ஆணையர்களின் வேண்டுகோளை ஏற்றுதொல்லியல் துறை அதிகாரிகள் இன்னும் சில நாட்களில் கோயிலைஆய்வு செய்து, அனுமதி தருவதாக கூறியுள்ளனர். அதற்குபிறகு திருப்பணி மற்றும் கும்பாபிேஷகம் செய்து தொடர்பாகமுடிவு செய்யப்படும்,,’ என்றார்.
Shared By giridharan (309)
News Url http://temple.dinamalar.com/news_detail.php?id=69882

05 Jul 2017 - திருவாரூர் அருகே ஆற்றில் சுவாமி சிலைகள் கண்டெடுப்பு

News Title திருவாரூர் அருகே ஆற்றில் சுவாமி சிலைகள் கண்டெடுப்பு
News Detail திருவாரூர் அருகே, எட்டியலூர் கிராமத்தில் வெட்டாறு ஓடுகிறது
Shared By Ganesh (53)
News Url http://www.dinamalar.com/news_detail.asp?id=1787744

04 Jul 2017 - காசி விஸ்வநாதர் கோயில் கும்பாபிஷேகம்

03 Jul 2017 - லண்டன் முருகன் கோயில் கும்பாபிஷேகம் கோலாகலம்

News Title லண்டன் முருகன் கோயில் கும்பாபிஷேகம் கோலாகலம்
News Detail லண்டன்: லண்டன் ஈஸ்ட்ஹாம் மனோர்பார்க் முருகன் கோயில் கும்பாபிஷேகம் இன்று (ஜூலை3) நடந்தது. வள்ளி, தேவசேனா சமேத சுப்பிரமணியசுவாமி இங்கு மூலவராக அருள்பாலிக்கிறார். காலை 9:30 – 11:00 மணிக்குள் ராஜகோபுரம் மற்றும் அனைத்து கோபுரங்களுக்கும் கும்பாபிஷேகம் நடந்தது.
Shared By giridharan (309)
News Url http://temple.dinamalar.com/news_detail.php?id=69809

Jun 2017

30 Jun 2017 - தி.மலை அருணாசலேஸ்வரர் கோவிலில் ஆனி திருமஞ்சன விழா கோலாகலம்

News Title தி.மலை அருணாசலேஸ்வரர் கோவிலில் ஆனி திருமஞ்சன விழா கோலாகலம்
News Detail திருவண்ணாமலை அருணாசலேஸ்வரர் கோவிலில், சிவரூபமான நடராஜருக்கு ஆண்டுக்கு, ஆறு முறை மட்டுமே அபிஷேகம் நடைபெறும். இதில், முக்கிய விழாவாக மார்கழி மாதம் திருவாதிரை நட்சத்திரத்தில், கார்த்திகை தீப மை பிரசாதம் நடராஜருக்கு சாத்தப்பட்டு ஆருத்ரா தரிசனமும், ஆனி மாதத்தில் உத்திர நட்சத்திரத்தில் நடராஜருக்கு திருமஞ்சனம் சாத்தப்பட்டு, நடராஜர் சமேத சிவகாம சுந்தரி அம்மன் ஆயிரங்கால் மண்டபத்தில், எழுந்தருளி பக்தர்களுக்கு அருள்பாலிக்கும் நிகழ்ச்சியும் நடக்கும். இன்று திருமஞ்சனம் சாத்தும் விழாவை முன்னிட்டு, அதிகாலை கோவில் நடை திறக்கப்பட்டு, அருணாசலேஸ்வரர் மூலவர், உற்சவ மூர்த்திகளுக்கு சிறப்பு அபிஷேகம் நடந்தது. தொடர்ந்து நடராஜர் மற்றும் சிவகாமசுந்தரி அம்மனுக்கு சிறப்பு அபிஷேகம் நடத்தப்பட்டது. பின், நடராஜர் சமேத சிவகாமசுந்தரி ஆயிரங்கால் மண்டபத்தில் எழுந்தருளி திருமஞ்சனம் சாத்தும் நிகழ்ச்சி நடந்தது. இதையடுத்து, திருமஞ்சன கோபுர வாயில் வழியாக சுவாமி, அம்மன் வெளியே வீதி உலா வந்து, பக்தர்களுக்கு அருள்பாலிக்கும் நிகழ்ச்சி நடந்தது. ஆயிரக்கணக்கான பக்தர்கள் பங்கேற்று சுவாமி தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=69743

30 Jun 2017 - சிதம்பரம் நடராஜர் கோயிலில் ஆனி திருமஞ்சன தேரோட்டம்

News Title சிதம்பரம் நடராஜர் கோயிலில் ஆனி திருமஞ்சன தேரோட்டம்
News Detail சிதம்பரம்: சிதம்பரம் நடராஜர் கோவில், ஆனி திருமஞ்சன தேரோட்டம் நேற்று நடந்தது. ஆயிரக்கணக்கான பக்தர்கள் வடம் பிடித்து தேரை இழுத்தனர். கடலுார் மாவட்டம், சிதம்பரம் நடராஜர் கோவில், ஆனி திருமஞ்சனம் திருவிழாவில், ஒன்பதாம் நாளான நேற்று, தேரோட்டம் நடந்தது. அதிகாலை 4:00 மணிக்கு, சிவகாமசுந்தரி சமேத ஆனந்த நடராஜருக்கு சிறப்பு அபிஷேகம் நடந்தது. காலை, 6:00 மணிக்கு, சித்சபையில் இருந்து, தேரில் நடராஜர் எழுந்தருளினார். காலை, 7:45 மணிக்கு, விநாயகர், சுப்ரமணியர், ஆனந்தநடராஜர், சிவகாமசுந்தரி அம்மன், சண்டிகேஸ்வரர் தேரோட்டம் நடந்தது. ஆயிரக்கணக்கான பக்தர்கள் வடம் பிடித்து தேரை இழுத்தனர். மாலை, 4:00 மணிக்கு, பருவதராஜ குருகுல சமூகத்தினரின் முதல் மரியாதைக்கு பின், மாலை, 6:00 மணிக்கு, கீழ் சன்னதி நிலைக்கு தேர் வந்தடைந்தது. தேரில் இருந்து இறங்கிய சிவகாமசுந்தரி சமேத ஆனந்த நடராஜரை, மாணிக்கவாசகர் எதிர்கொண்டு அழைத்துச் செல்லும் வைபவம் நடந்தது. பின், ஆயிரங்கால் மண்டபம் முன் எழுந்தருளி சுவாமி அருள்பாலித்தார். இரவு, லட்சார்ச்சனை நடந்தது. இன்று அதிகாலை, 4:00 மணிக்கு, மகா அபிஷேகம் நடக்கிறது. தொடர்ந்து, சுவாமி திருவாபரண அலங்காரத்தில் ராஜசபையில் அருள்பாலிக்கிறார். மதியம், மகா தரிசனம் நடக்கிறது.
Shared By giridharan (309)
News Url http://temple.dinamalar.com/news_detail.php?id=69728

30 Jun 2017 - தேவகோட்டை கண்டதேவி சொர்ணமூர்த்தீஸ்வரர் கோயிலில் கொடியேற்றம்

News Title தேவகோட்டை கண்டதேவி சொர்ணமூர்த்தீஸ்வரர் கோயிலில் கொடியேற்றம்
News Detail தேவகோட்டை: தேவகோட்டை அருகே கண்டதேவியில் சிவகங்கை சமஸ்தானத்திற்குட்பட்ட சொர்ணமூர்த்தீஸ்வரர் கோயில் ஆனித்திருவிழா நேற்று காலை கொடியேற்றதுடன் துவங்கியது. சொர்ணமூர்த்தீஸ்வரர், பெரியநாயகிஅம்மனுக்கு சிறப்பு அபிேஷகம், பூஜைகளை தொடர்ந்து கொடிமரத்திற்கு சிறப்பு பூஜைகள் செய்து கொடியேற்றம் நடந்தது. தீபாராதனை நடந்தது.
Shared By giridharan (309)
News Url http://temple.dinamalar.com/news_detail.php?id=69729

30 Jun 2017 - சிதலமடைந்த சிவன் கோவில்: புனரமைக்க பக்தர்கள் வேண்டுகோள்

News Title சிதலமடைந்த சிவன் கோவில்: புனரமைக்க பக்தர்கள் வேண்டுகோள்
News Detail குளித்தலை: குளித்தலை அருகே, சிதலமடைந்த சிவன் கோவிலை சீர் செய்து புனரமைக்க வேண்டும் என, பக்தர்கள் வேண்டுகோள் விடுத்துள்ளனர். குளித்தலை அடுத்த, மருதூர் டவுன் பஞ்., மேட்டு மருதூர் கிராமத்தில், இந்து சமய அறநிலையத்துறையின் கீழ், குளித்தலை நீலமேக பெருமாள் கோவில் செயல் அலுவலர் கட்டுப்பாட்டில் ஆரா அமூதீஸ்வரர், செல்லாண்டியம்மன், மாரியம்மன், வினாயகர், முருகன் கோவில்கள் உள்ளன. கோவிலுக்கு சொந்தமாக, 25 ஏக்கருக்கு மேல் விவசாய நிலம் மற்றும் தென்னை தோப்பு உள்ளது. செல்லாண்டியம்மன் கோவிலுக்கு எதிரில் உள்ள, ஆரா அமூதீஸ்வரர் கோவில், 1,000 ஆண்டுகள் பழமையானது என, கோவில் கல்வெட்டில் கூறப்பட்டுள்ளதாக தொல்பொருள் வல்லுனர்கள் தெரிவித்தனர். கோவில், 75 அடி உயரத்தில் உள்ளது. கோவில் உள்ளே மிகப்பெரிய நந்தி உள்ளது. பத்து ஆண்டுகளுக்கு முன்பு, கரூர் கலெக்டராக பணியில் இருந்த வெங்கடேஷ், பொது மக்கள் கோரிக்கையை ஏற்று சிதலமடைந்த சிவன் கோவிலை, புனரமைப்பு செய்ய ஏற்பாடுகள் செய்யப்படும் என்றார். அதன் பின்னர் வந்த கலெக்டர்கள், சிதலமடைந்த கோவிலை பற்றி கண்டு கொள்ளவில்லை. எனவே, சிவன் கோவிலை புனரமைப்பு செய்ய வேண்டும் என, பக்தர்கள் வேண்டுகோள் விடுத்துள்ளனர்.
Shared By giridharan (309)
News Url http://temple.dinamalar.com/news_detail.php?id=69735

30 Jun 2017 - நெல்லையப்பர் கோயிலில் ஆனித்திருவிழா கொடியேற்றத்துடன் தொடக்கம்

News Title நெல்லையப்பர் கோயிலில் ஆனித்திருவிழா கொடியேற்றத்துடன் தொடக்கம்
News Detail
Shared By giridharan (309)
News Url http://temple.dinamalar.com/news_detail.php?id=69687

29 Jun 2017 - Aani Thirumanjanam at Shiva Murugan Temple, concord, CA

News Title Aani Thirumanjanam at Shiva Murugan Temple, concord, CA
News Detail Aani Thirumanjanme celebrated at Shiva Murugan Temple, concord, CA. Pooja time 10 AM Natarajar abisekam. and Aarthi
Shared By Ulagappan (1)
News Url https://www.shivamurugantemple.org/default.aspx

28 Jun 2017 - அமர்நாத் யாத்திரை துவக்கம்

News Title அமர்நாத் யாத்திரை துவக்கம்
News Detail ஜம்மு: அமர்நாத் யாத்திரை இன்று துவங்குவதை அடுத்து, ஜம்மு-காஷ்மீரில் பாதுகாப்பு பலப்படுத்தப்பட்டுள்ளது. ஜம்மு -காஷ்மீர் மாநிலத்தின் இமயமலைப் பகுதியில் அமர்நாத் என்ற குகைப் பகுதியில் இயற்கையாக உருவாகும் பனி லிங்கத்தை தரிசிக்க நாடு முழுவதும் ஆண்டு தோறும் லட்சக்கணக்கான பக்தர்கள் செல்வார்கள். இந்த ஆண்டுக்கான வருடாந்திர அமர்நாத் யாத்திரை இன்று(ஜூன் 28) துவங்கியது. 4 ஆயிரம் பக்தர்களை கொண்ட முதல் குழு, ஜம்முவில் இருந்து இன்று பயணம் மேற்கொள்கிறது. இதையொட்டி ஜம்மு காஷ்மீரில் பாதுகாப்பு பலப்படுத்தப்பட்டுள்ளது. 40 ஆயிரத்துக்கும் மேற்பட்ட ராணுவத்தினர் மற்றும் போலீசார் பாதுகாப்பு பணியில் ஈடுபடுத்தப்பட்டுள்ளனர்.
Shared By giridharan (309)
News Url http://temple.dinamalar.com/news_detail.php?id=69664

28 Jun 2017 - திருநெல்வேலி நெல்லையப்பர் தேரோட்ட விழா: தேர்கள் தூய்மைப்பணி துவக்கம்

News Title திருநெல்வேலி நெல்லையப்பர் தேரோட்ட விழா: தேர்கள் தூய்மைப்பணி துவக்கம்
News Detail திருநெல்வேலி;நெல்லையப்பர் கோயிலில் ஆனிப்பெருந்திருவிழா, தேரோட்டத்திற்கான பணிகள் துவங்கியுள்ளன.திருநெல்வேலியில் நடுநாயகமாக அருள்பாலிக்கும் நெல்லையப்பர் காந்திமதியம்மன் கோயிலில்ஆண்டுதோறும் நடக்கும் ஆனிப்பெருந்திருவிழா பிரசித்திபெற்றதாகும். தமிழகத்தின்மிகப்பெரிய தேர்களில் ஒன்றான நெல்லையப்பர் தேரோட்டம் தேரோட்டம் ஜூலை 7ம் தேதி நடக்கிறது. இதற்கான விநாயகர் கொடியேற்றம் கடந்த 11ம் தேதி நடந்தது. பிரதான கொடியேற்றம் வரும்ஜூன் 29ம் தேதி நடக்கிறது. சுவாமி தேர் நேற்று தீயணைப்பு படையினரால்தண்ணீர் பீய்ச்சியடிக்கப்பட்டு தூய்மைப்படுத்தும் பணி நடந்தது. இன்னொரு புறம் தேர்ச்சக்கரங்களை நிறுத்தும் சசறுக்கு கட்டைகள்,திரைச்சீலைகள் போன்றவை தயாரிக்கும் பணி துவங்கியுள்ளது. நெல்லையப்பர் கோயில்அருகே மாநகராட்சி திடலில் நேற்றுமுன்தினம் அரசு பொருட்காட்சியும் துவங்கியுள்ளது.குற்றாலத்தில் குளுகுளு சீசன் துவங்கியுள்ள இவ்வேளையில் நெல்லையிலும் தேரோட்ட விழா களைகட்டியுள்ளது.
Shared By giridharan (309)
News Url http://temple.dinamalar.com/news_detail.php?id=69665

28 Jun 2017 - திருவேடகம் ஏடகநாதர் கோயிலில் கும்பாபிஷேகம்

News Title திருவேடகம் ஏடகநாதர் கோயிலில் கும்பாபிஷேகம்
News Detail சோழவந்தான்: மதுரை திருவேடகத்தில் ஏலவார் குழலியம்மை ஏடகநாதர் கோயில் கும்பாபிஷேகம் (ஜூன் 28) நடக்கிறது. இதை முன்னிட்டு, ஜூன் 23ம் தேதி வெள்ளிக்கிழமை மாலை கும்பாபிஷேக பூஜை துவங்கியது. விக்னேஷ்வரர் பூஜையை தொடர்ந்து வாஸ்து சாந்தி பூஜை, கோ பூஜை, யாகசாலை பூஜைகள் நடந்தன. இன்று காலை 9:00 மணிக்கு நான்காம்கால யாகசாலை பூஜையும், மாலை 5:30 மணிக்கு ஐந்தாம்கால பூஜையை தொடர்ந்து, நாளை காலை 5.30 மணிக்கு ஆறாம்கால யாகசாலை பூஜை நடக்கிறது. பின்னர் காலை 9:01க்கு கடம் புறப்பாடு, 9:20 மணிக்கு விமானங்கள், ராஜகோபுரங்களுக்கு கும்பாபிஷேகமும், 9:45மணிக்கு சுவாமி, அம்மன் மூலஸ்தான மகா கும்பாபிஷேகமும் நடக்கிறது. இரவு 7:00 மணிக்கு திருக்கல்யாணம், தொடர்ந்து பஞ்சமூர்த்திகள் வீதி உலா நடக்கிறது.
Shared By giridharan (309)
News Url http://temple.dinamalar.com/news_detail.php?id=69650

27 Jun 2017 - சவுந்தரேஸ்வரர் கோவில் பிரம்மோற்சவ விழா: ரிஷப வாகனத்தில் சுவாமி உலா

News Title சவுந்தரேஸ்வரர் கோவில் பிரம்மோற்சவ விழா: ரிஷப வாகனத்தில் சுவாமி உலா
News Detail சைதாப்பேட்டை: சைதாப்பேட்டை திரிபுரசுந்தரி உடனுறை சவுந்தரேசுவரர் கோவிலில், ஆனி உத்திர பிரமோற்சவ விழா சிறப்பாக நடைபெற்று வருகிறது. பிரமோற்சவத்தை முன்னிட்டு, சுவாமி ரிஷபவாகனத்தில் எழுந்தருளி பக்தர்களுக்கு அருள்பாலித்தார். ஏராளமான பக்தர்கள் தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=69618

27 Jun 2017 - மல்லிகேஸ்வரர் கோவிலில் புதிய கொடிமரம் பிரதிஷ்டை

News Title மல்லிகேஸ்வரர் கோவிலில் புதிய கொடிமரம் பிரதிஷ்டை
News Detail மாமல்லபுரம்: மாமல்லபுரம் மல்லிகேஸ்வரி, மல்லிகேஸ்வரர் கோவில் பிரசித்தி பெற்றது. பழமை வாய்ந்த சிவபெருமான் கோவிலான இது, வழிபாடின்றி சீரழிந்திருந்த நிலையில் கிடந்தது. இதையடுத்து, 2004ல் புதுப்பிக்கப்பட்டு, கும்பாபிஷேகம் நடத்தப்பட்டது. இந்நிலையில், 12 ஆண்டுகள் கடந்து, ஜூலை 6ல், மீண்டும் கும்பாபிஷேகம் நடைபெற உள்ளது. இதையொட்டி, புதிய நடராஜர் சன்னிதிக்கு வண்ணம் தீட்டும் பணி மேற்கொள்ளப்பட்டது. அப்போது, புதிய கொடிமரம் அமைக்க, பக்தர்கள் வலியுறுத்தினர். அவர்கள் நன்கொடை மூலம், 25.5 அடி உயரம், 3.5 அடி சுற்றளவுடைய கொடிமரம் உருவாக்கப்பட்டு, நேற்று காலை, பிரதிஷ்டை செய்யப்பட்டது. பக்தர்கள், சுவாமியை தரிசித்து வழிபட்டனர்.
Shared By giridharan (309)
News Url http://temple.dinamalar.com/news_detail.php?id=69643

27 Jun 2017 - ரிஷிவந்தியம் அர்த்தநாரீஸ்வரர் கோவிலில் கொடியேற்றம்

News Title ரிஷிவந்தியம் அர்த்தநாரீஸ்வரர் கோவிலில் கொடியேற்றம்
News Detail ரிஷிவந்தியம்: ரிஷிவந்தியம் அர்த்தநாரீஸ்வரர் கோவில் பிரம்மோற்சவ விழா, நாளை துவங்குகிறது. ரிஷிவந்தியத்தில் உள்ள பழமை வாய்ந்த அர்த்தநாரீஸ்வரர் கோவில் பிரம்மோற்சவ விழா,(28ம் தேதி) துவங்குகிறது. மாலை 6:00 மணிக்கு, கோவில் வளாகத்தில் கொடியேற்று நிகழ்ச்சி நடக்கிறது. தொடர்ந்து தினமும் சர்வ அலங்காரத்துடன் பஞ்சமூர்த்தி சுவாமிகளின் வீதியுலாவும், ஜூலை 6ம் தேதி பிரம்மோற்சவ விழாவும் நடக்கிறது.
Shared By giridharan (309)
News Url http://temple.dinamalar.com/news_detail.php?id=69646

22 Jun 2017 - ராசிபுரம் அண்ணாமலையார் கோவில்: 12ம் ஆண்டு நிறைவு விழா

News Title ராசிபுரம் அண்ணாமலையார் கோவில்: 12ம் ஆண்டு நிறைவு விழா
News Detail ராசிபுரம்: கல்லாங்குளத்தில், அண்ணாமலையார் திருக்கோவில் கட்டி முடிக்கப்பட்டு, 12 ஆண்டுகள் நிறைவடைந்ததையொட்டி நிறைவு விழா பூஜை நடந்தது. ராசிபுரம் அடுத்த, கல்லாங்குளம் அண்ணாமலையார் திருக்கோவில், 12ம் ஆண்டு நிறைவு விழாவை முன்னிட்டு, நேற்று முன்தினம் மாலை, 4:00 மணி முதல் மங்கள இசை முழங்க விநாயகர் பூஜை நடந்தது. மாலை, 5:00 மணிக்கு விசேஷ ஹோமங்கள், அண்ணாமலையாருக்கு, 108 சங்காபிஷேகம் நடந்தது. கல்லாங்குளம், புதுப்பாளையம் உள்ளிட்ட பகுதிகளை சேர்ந்த ஏராளமான பக்தர்கள் கலந்து கொண்டனர். தொடர்ந்து, அண்ணாமலையார் மற்றும் உண்ணாமலையம்மன் சிறப்பு அலங்காரத்தில் பக்தர்களுக்கு அருள்பாலித்தார். பக்தர்களுக்கு அன்னதானம் வழங்கப்பட்டது.
Shared By giridharan (309)
News Url http://temple.dinamalar.com/news_detail.php?id=69446

21 Jun 2017 - சிதம்பரம் நடராஜர் ஆனித்திருமஞ்சன விழா கொடியேற்றத்துடன் துவக்கம்

News Title சிதம்பரம் நடராஜர் ஆனித்திருமஞ்சன விழா கொடியேற்றத்துடன் துவக்கம்
News Detail சிதம்பரம்: சிதம்பரம் நடராஜர் கோவிலில் ஆனித் திருமஞ்சனம் மகோற்சவத்தையொட்டி நடந்த கொடியேற்ற உற்சவத்தில் ஆயிரக்கனக்கான பக்தர்கள் பங்கேற்று சுவாமி தரிசனம் செய்தனர். -
Shared By giridharan (309)
News Url http://temple.dinamalar.com/news_detail.php?id=69455

20 Jun 2017 - சிவலிங்கங்கள் மீது குரங்குகள்: பக்தர்கள் வேதனை

News Title சிவலிங்கங்கள் மீது குரங்குகள்: பக்தர்கள் வேதனை
News Detail சேலம்: சேலம், அரியானூரில் பிரசித்தி பெற்ற, 1,008 சிவன் கோவில் உள்ளது. சிவாலயத்தில் உள்ள சிவ லிங்கங்கள் பாதுகாப்பின்றி இருப்பதால், குரங்குகள் சிவலிங்கங்கள் மீது அமர்ந்து அசிங்கப்படுத்தி வருவதால், கோயிலில் தரிசனம் செய்ய வரும் பக்தர்கள் வேதனையடைகின்றனர். எனவே, இதற்கு கோவில் நிர்வாகம் நடவடிக்கை எடுக்க வேண்டும் என, பக்தர்கள் கோரிக்கை விடுத்துள்ளனர்.
Shared By giridharan (309)
News Url http://temple.dinamalar.com/news_detail.php?id=69408

20 Jun 2017 - சேலம்சு கவனேஸ்வரர் கோவில் தேர் பணி 90 சதவீதம் நிறைவு

News Title சேலம்சு கவனேஸ்வரர் கோவில் தேர் பணி 90 சதவீதம் நிறைவு
News Detail சேலம்: சுகவனேஸ்வரர் கோவில் தேர் பணி செய்யும், 90 சதவீதம் நிறைவடைந்துள்ளது. சேலம், சுகவனேஸ்வரர் கோவில் திருத்தேர் சிதிலமடைந்ததால், புதிய தேர் வடிவமைக்க, இந்து சமய அறநிலையத் துறை முடிவு செய்தது. அதற்காக, 45 லட்சம் ஒதுக்கி, பணி தொடங்கியது. தேருக்கு தேவையான இரும்பு சக்கரம் மற்றும் அச்சுக்கள் செய்ய, ஒன்பது லட்சம் ரூபாய் ஒதுக்கி, திருச்சியில் உள்ள பாரத மின்மிகு தொழிற்சாலையில் தயாரிக்கப்பட்டன. அவை, சில நாட்களுக்கு முன், சுகவனேசுவரர் கோவிலுக்கு கொண்டுவரப்பட்டது. தற்போது, கோவில் பின்பகுதியில், தேர் வடிவமைக்கும் பணி முழுவீச்சில் நடக்கிறது. குறிப்பாக, முதல், இரண்டாம், மூன்றாம் அடுக்கு அமைக்கும் பணி முடிந்துள்ளது. இறுதிக்கட்டமாக, சிம்மாசனம் அமைக்கும் பணி நடைபெறும். தற்போது, 90 சதவீத பணி நிறைவடைந்துள்ளதாக, கோவில் நிர்வாகிகள் தெரிவித்தனர்.
Shared By giridharan (309)
News Url http://temple.dinamalar.com/news_detail.php?id=69410

20 Jun 2017 - காசி விஸ்வநாதர் கோவிலில் கலச, பாலஸ்தாபன பூஜை

News Title காசி விஸ்வநாதர் கோவிலில் கலச, பாலஸ்தாபன பூஜை
News Detail காசி விஸ்வநாதர் கோவிலில் கலச, பாலஸ்தாபன பூஜை
Shared By giridharan (309)
News Url http://temple.dinamalar.com/news_detail.php?id=69417

20 Jun 2017 - சுகவனேஸ்வரர் கோவில் தேர் பணி 90 சதவீதம் நிறைவு

News Title சுகவனேஸ்வரர் கோவில் தேர் பணி 90 சதவீதம் நிறைவு
News Detail சேலம்: சுகவனேஸ்வரர் கோவில் தேர் பணி செய்யும், 90 சதவீதம் நிறைவடைந்துள்ளது. சேலம், சுகவனேஸ்வரர் கோவில் திருத்தேர் சிதிலமடைந்ததால், புதிய தேர் வடிவமைக்க, இந்து சமய அறநிலையத் துறை முடிவு செய்தது. அதற்காக, 45 லட்சம் ஒதுக்கி, பணி தொடங்கியது. தேருக்கு தேவையான இரும்பு சக்கரம் மற்றும் அச்சுக்கள் செய்ய, ஒன்பது லட்சம் ரூபாய் ஒதுக்கி, திருச்சியில் உள்ள பாரத மின்மிகு தொழிற்சாலையில் தயாரிக்கப்பட்டன. அவை, சில நாட்களுக்கு முன், சுகவனேசுவரர் கோவிலுக்கு கொண்டுவரப்பட்டது. தற்போது, கோவில் பின்பகுதியில், தேர் வடிவமைக்கும் பணி முழுவீச்சில் நடக்கிறது. குறிப்பாக, முதல், இரண்டாம், மூன்றாம் அடுக்கு அமைக்கும் பணி முடிந்துள்ளது. இறுதிக்கட்டமாக, சிம்மாசனம் அமைக்கும் பணி நடைபெறும். தற்போது, 90 சதவீத பணி நிறைவடைந்துள்ளதாக, கோவில் நிர்வாகிகள் தெரிவித்தனர்.
Shared By giridharan (309)
News Url http://temple.dinamalar.com/news_detail.php?id=69410

20 Jun 2017 - தஞ்சை பெரிய கோயிலில் ஜூன் 23-ம் தேதி முதல் ஆஷாட நவராத்திரி தொடக்கம்

16 Jun 2017 - பள்ளத்தில் வேதபுரீஸ்வரர் கோவில்:சீரமைக்க பக்தர்கள் கோரிக்கை

News Title பள்ளத்தில் வேதபுரீஸ்வரர் கோவில்:சீரமைக்க பக்தர்கள் கோரிக்கை
News Detail திருவொற்றியூர்: திருவொற்றியூர், மாட்டு மந்தை மேம்பால பணியால், 8 அடி பள்ளத்திற்கு போன, வேதபுரீஸ்வரர் கோவிலை சீரமைக்க, பக்தர்கள் கோரிக்கை விடுக்கின்றனர். திருவொற்றியூர், மாட்டு மந்தை மேம்பாலம் அருகே, வேதபுரீஸ்வரர் கோவில் உள்ளது. 2000 ஆண்டுகள் பழமை வாய்ந்ததாக சொல்லப்படும் இக்கோவிலுக்கு, சுற்றுவட்டாரத்தில் இருந்து பக்தர்கள் தினமும் வந்து செல்கின்றனர். இந்நிலையில், மாட்டுமந்தை மேம்பால பணிக்காக, கோவிலை இடிப்பதற்கான ஏற்பாடுகள் நடந்தன. அப்பகுதியினரின் கோரிக்கையை ஏற்று, கோவிலின் முன்புறம் உள்ள கட்டுமானத்தை மட்டும் இடித்துவிட்டு, கோவிலின் வெளியே 3 அடி இடம் விடப்பட்டுள்ளது. பாலப் பணிக்காக, அப்பகுதியில் மணல் கொட்டி மேடாக்கப்பட்ட நிலையில், கோவில் எட்டடி பள்ளத்திற்கு போய் விட்டது. பக்தர்கள் ஏணி போட்டு இறங்கி, கோவிலுக்குள் சென்று வருகின்றனர். 3 அடி மட்டுமே இருப்பதால், கோவிலின் முன்பக்கம் ஏணி போட்டு ஏறி இறங்குவது பெரும் சிரமமாக உள்ளது. பள்ளத்தில் உள்ள கோவிலில், பாதுகாப்பு வசதியில்லாததால், சமீபத்தில், அம்மன் கழுத்தில் இருந்த, 2 சவரன் பொட்டு திருடப்பட்டுஉள்ளது. இதுகுறித்து, திருவொற்றியூர் காவல் நிலையத்தில், கோவிலை நிர்வகித்து வருபவர்கள் புகார் கொடுத்துள்ளனர். அப்பகுதியை சேர்ந்த மக்கள், கோவிலை மேடேற்றி சீரமைத்துக் கொடுக்க வேண்டும். அதற்கு சம்பந்தப்பட்ட அதிகாரிகள், நடவடிக்கை எடுக்க வேண்டும் என, கோரிக்கை விடுக்கின்றனர்.
Shared By giridharan (309)
News Url http://temple.dinamalar.com/news_detail.php?id=69296

16 Jun 2017 - காஞ்சிபுரம் சித்தீஸ்வரருக்கு ஜூலை 5ல் கும்பாபிஷேகம்

News Title காஞ்சிபுரம் சித்தீஸ்வரருக்கு ஜூலை 5ல் கும்பாபிஷேகம்
News Detail காஞ்சிபுரம்: காஞ்சிபுரம் சித்தீஸ்வரர் கோவிலில், ஜூலை 5ல், கும்பாபிஷேகம் நடைபெற உள்ளது.காஞ்சிபுரம், காமராஜர் வீதியில் சித்தீஸ்வரர் கோவில் உள்ளது. இக்கோவில், 700 ஆண்டுகளுக்கு முன் கட்டப்பட்டதாக கூறப்படுகிறது. சுயம்பு மூர்த்தியான மூலவருக்கு, மஞ்சள் நீர் கூத்தர், என்ற பெயரும் உண்டு. இங்கு, சித்தர்கள் பலர் வழிபட்டு, முக்தி பெற்றதால், மூலவர் சித்தீசர் என்று அழைக்கப்படுகிறார்.இக்கோவிலில், பிரதோஷம், சிவராத்திரி, பவுர்ணமி, அன்னாபிஷேகம் மற்றும் விசேஷ நாட்களில், பக்தர்களின் கூட்டம் அலைமோதும். இக்கோவிலுக்கு கடந்த, 1998ல் கும்பாபிஷேகம் நடந்தது.இந்நிலையில், 19 ஆண்டுகளுக்கு பின், ஜூலை, 5ல் கும்பாபிஷேகம் நடைபெற உள்ளது. இதையொட்டி, 1.50 லட்சம் ரூபாய் செலவில், திருப்பணிகள் நடந்து வருகின்றன.
Shared By giridharan (309)
News Url http://temple.dinamalar.com/news_detail.php?id=69299

16 Jun 2017 - சோளீஸ்வரர் கோவிலில் 25ல் கும்பாபிஷேகம்

News Title சோளீஸ்வரர் கோவிலில் 25ல் கும்பாபிஷேகம்
News Detail திருத்தணி: சோளீஸ்வரர் கோவிலின் மகா கும்பாபிஷேகம், வரும், 25ல் தேதி நடைபெறுகிறது. திருத்தணி முருகன் கோவிலின் துணை கோவிலான காமாட்சி அம்மன் சமேத சோளீஸ்வரர் கோவில், ஆற்காடுகுப்பம் கிராமத்தில் உள்ளது. இக்கோவிலின் திருப்பணிகள், 4.90 லட்சம் ரூபாய் மதிப்பீட்டில் நடந்து வருகின்றன. அதாவது, கோவிலில் உள்ள ஏழு சன்னதிகளின் விமான கோபுரங்கள், கோவில் நுழைவாயில் கோபுரம் ஆகியவற்றிக்கு வண்ணம் தீட்டும் பணிகள் முடிந்து, வரும், 23ல் கணபதி ஹோமத்துடன் மகா கும்பாபிஷேக விழா துவங்குகிறது. இதற்காக, கோவில் வளாகத்தில், ஐந்து யாகசாலைகள், 108 கலசங்கள் வைத்து, 23ம் தேதி மாலை, முதல்கால யாகபூஜை நடக்கிறது. 24ம் தேதி காலை, இரண்டாம் காலயாக பூஜையும், மாலை, மூன்றாம் கால யாகபூஜையும், 25ம் தேதி, காலை, 9:30 மணிக்கு கலசங்கள் ஊர்வலம் நிகழ்ச்சி நடக்கிறது.தொடர்ந்து காலை, 10:30 மணிக்கு, மகா கும்பாபிஷேகமும், காலை, 11:00 மணிக்கு மூலவருக்கு மஹா அபிஷேகமும் நடைபெறுகிறது. மாலையில் உற்சவர் வீதியுலாவும், ஆன்மிக சொற்பொழிவும் நடக்கிறது.
Shared By giridharan (309)
News Url http://temple.dinamalar.com/news_detail.php?id=69308

15 Jun 2017 - வேளச்சேரி தண்டீசுவரர் கோவில் கும்பாபிஷேகம் கோலாகலம்

News Title வேளச்சேரி தண்டீசுவரர் கோவில் கும்பாபிஷேகம் கோலாகலம்
News Detail சென்னை: பிரசித்தி பெற்ற வேளச்சேரி தண்டீசுவரர் கோவில் கும்பாபிஷேகம், நேற்று விமரிசையாக நடந்தது. இதில், ஏராளமான பக்தர்கள் பங்கேற்று சுவாமி தரிசனம் செய்தனர். வேளச்சேரியில் அமைந்துள்ளது, கருணாம்பிகை சமேத தண்டீசுவரர் கோவில். 1,000 ஆண்டுகளுக்கு மேல் பழமை வாய்ந்த இக்கோவில் அமைந்த தலம், வேதச்சிரோணி என அழைக்கப்பட்டது. தொண்டை மண்டல பேரரசர் சுந்தரசோழனால், கி.பி.957 – - 973ல், இக்கோவில் கட்டப்பட்டது. யமதர்மன் தண்டத்தை மீட்பதற்காக, நாரதர் கூறிய படி வேத ச்சிரோணி சென்று, அங்கு ஒரு தீர்த்தகுளத்தை உருவாக்கி, சிவபெருமானை வழிபட்டு, தண்டத்தை மீட்டதாக புராணம் கூறுகிறது. அதன் காரணமாக அங்கு வீற்றிருக்கும் ஈசன், தண்டீசுவரர் என்ற பெயருடன் அருள்பாலிக்கிறார். தோஷங்கள் நிவர்த்திக்கு இத்தலத்தில் வழிபாடு நடத்தினால் மந்தகாசம், வயிற்று உளைவு, குஷ்டம், வாதம், காமாலை போன்ற நோய்கள் நீங்கும் என்பதும் நம்பிக்கை. இக் கோவிலில் ஆயுஷ் ஹோமம், சஷ்டியப்த பூர்த்தி, பீமாரத சாந்தி ஆகியவை விமரிசையாக நடத்தப்படுகிறது. 2005ம் ஆண்டு இக்கோவிலின் கும்பாபிஷேகம் நடந்தது. 12 ஆண்டுகளுக்கு பின், நேற்று மீண்டும் மகா கும்பாபிஷேகம் விமரிசையாக நடந்தது. கும்பாபிஷேகத்தை முன்னிட்டு, ஜூன் 8ம் தேதி முதல் யாகசாலை வளர்க்கப்பட்டு ஹோமங்கள் நடத்தப்பட்டன. கும்பாபிஷேக நாளான நேற்று அதிகாலை, 4:30 மணிக்கு எட்டு அவப்ருதயாகம் நடந்தது. அதை தொடர்ந்து, மகாபூர்ணா ஹூதி, யாத்ராதானம் நடந்தது.காலை , 6:00 மணிக்கு கலசப்புறப்பாடு நடந்தது. அதை தொடர்ந்து ராஜகோபுரம், பரிவாரங்கள், தண்டீசுவரர் சன்னதி ஆகியவற்றுக்கு மகா கும்பாபிஷேகம் நடந்தது. அதை தொடர்ந்து கருணாம்பிகை அம்மன் சன்னித்திக்கு கும்பாபிஷேகம், பின், சண்ட யாகமும் நடந்தது. கும்பாபிஷேகத்தை, நெசப்பாக்கம் ராமநாத சிவாச்சாரியார் தலைமையில், சிவாச்சாரியார்கள் நடத்தினர். கும்பாபிஷேக விழாவில் ஏராளமான பக்தர்கள் பங்கேற்று சிவபெருமானின் அருளைப்பெற்றனர். காலை 10:00 மணிக்கு மகா அபிஷேகமும், மாலை 6:00 மணிக்கு திருக்கல்யாண வை பவமும், சுவாமி உட்புறப்பாடும் நடந்தது.
Shared By giridharan (309)
News Url http://temple.dinamalar.com/news_detail.php?id=69252

15 Jun 2017 - பொன்னேரி சித்தகண்ணீஸ்வரர் கோவில் கும்பாபிஷேகம்

News Title பொன்னேரி சித்தகண்ணீஸ்வரர் கோவில் கும்பாபிஷேகம்
News Detail பொன்னேரி : சித்தகண்ணீஸ்வர சுவாமி கோவிலில் நேற்று மகா கும்பாபிஷேக விழா வெகு விமரிசையாக நடந்தது. பொன்னேரி அடுத்த, காட்டாவூர் கிராமத்தில், அருந்தவள்ளி (எ) காளியம்மன் சமேத சித்தகண்ணீஸ்வரர் கோவில் உள்ளது. மராட்டிய மாமன்னர் சத்ரபதி சிவாஜி வழிபட்ட கோவில் என, கூறப்படுகிறது.இக்கோவிலில், 1.50 கோடி ரூபாய் செலவில் புனரமைப்பு பணிகள் முடிக்கப்பட்டு, நேற்று, மகா கும்பாபிஷேக விழா நடந்தது. கடந்த, 11ம் தேதி முதல், யாகசாலை பூஜைகள், அக்னி வேள்வி ஆகியவை நடத்தப்பட்டன. நேற்று காலை, 10:00 மணிக்கு, சிவாச்சாரியார்கள் வேத மந்திரங்கள் முழங்க சித்தகண்ணீஸ்வர கோவில் சன்னதியின் கோபுர கலசங்களுக்கு புனித நீர் ஊற்றி கும்பாபிஷேகம் நடந்தது. பின், சித்தகண்ணீஸ்வரர் பெருமானுக்கு சிறப்பு அபிஷேக ஆராதனைகள் நடந்தன. கும்பாபிஷேக விழாவில், காட்டாவூர், கூடுவாஞ்சேரி உள்ளிட்ட பல்வேறு கிராமங்களைச் சேர்ந்த பக்தர்கள் திரளாக பங்கேற்று பெருமானை நெஞ்சுருக வணங்கி சென்றனர்.
Shared By giridharan (309)
News Url http://temple.dinamalar.com/news_detail.php?id=69280

15 Jun 2017 - 60 ஆண்டுகளுக்கு பிறகு செங்கல்பட்டு சோமாஸ்கந்தர் சிலைக்கு வழிபாடு

11 Jun 2017 - பேருந்து நிலையம் அமைக்க நந்திவரம் கோயில் நிலம்!!

News Title பேருந்து நிலையம் அமைக்க நந்திவரம் கோயில் நிலம்!!
News Detail ஊரப்பாக்கம் பேருந்து நிலையம் அமைக்க நந்திவரம் கோயில் நிலம்
Shared By Ganesh (53)
News Url http://www.dinamani.com/all-editions/edition-chennai/chennai/2017/jun/11/%E0%AE%A8%E0%AE%B5%E0%AF%80%E0%AE%A9-%E0%AE%B5%E0%AE%9A%E0%AE%A4%E0%AE%BF%E0%AE%95%E0%AE%B3%E0%AF%81%E0%AE%9F%E0%AE%A9%E0%AF%8D-%E0%AE%A4%E0%AE%AF%E0%AE%BE%E0%AE%B0%E0%AE%BE%E0%AE%95%E0%AF%81%E0%AE%AE%E0%AF%8D-%E0%AE%AA%E0%AF%81%E0%AE%A4%E0%AE%BF%E0%AE%AF-%E0%AE%AA%E0%AF%87%E0%AE%B0%E0%AF%81%E0%AE%A8%E0%AF%8D%E0%AE%A4%E0%AF%81-%E0%AE%A8%E0%AE%BF%E0%AE%B2%E0%AF%88%E0%AE%AF%E0%AE%AE%E0%AF%8D-2718452.html

08 Jun 2017 - பக்தி ‘மழை’ பொழியப்பொழிய ஈஸ்வரன் கோவில் தேர் பவனி

News Title பக்தி ‘மழை’ பொழியப்பொழிய ஈஸ்வரன் கோவில் தேர் பவனி
News Detail திருப்பூர் : துõறல் மழை பெய்து கொண்டிருக்க, பக்தர்கள் புடைசூழ, ஸ்ரீ விஸ்வேஸ்வர சுவாமி கோவில் தேரோட்டம், நேற்று கோலாகலமாக நடைபெற்றது. திருப்பூர் ஸ்ரீ விஸ்வேஸ்வர சுவாமி, ஸ்ரீ வீரராகவப் பெருமாள் கோவில், வைகாசி விசாக தேர்த்திருவிழா, கடந்த, 1ம் தேதி, கொடியேற்றத்துடன் துவங்கியது. தினமும் சுவாமிகள் பல்வேறு வாகனங்களில் எழுந்தருளினர். நேற்று முன்தினம் இரவு, திருக்கல்யாண உற்சவம் நடந்தது. நேற்று, அதிகாலை விஸ்வேஸ்வர சுவாமிக்கு, பல்வேறு திரவியங்களில் சிறப்பு அபிஷேகம் மற்றும் வீரராக வப் பெருமாளுக்கு, சிறப்பு திருமஞ்சனம் நடந்தது. தொடர்ந்து, சுவாமிகள் சிறப்பு அலங்காரத் தில் திருத்தேரில் எழுந்தருளினர். மாலை, 4:20க்கு, திருத்தேர் வடம் பிடித்தல் நிகழ்ச்சி நடந்தது. ‘ஓம் நமசிவாயா’, ‘தென்நாடுடைய சிவனே போற்றி; எந்நாட்டவருக்கும் இறைவா போற்றி’ என்ற கோஷங்கள் முழங்கியபடி, பக்தர்கள் சங்கிலி வடம் பிடித்து, திருத்தேரை இழுத்தனர். பக்தர்கள் வெள்ளத்தில் அசைந் தாடிய தேரில், ஸ்ரீ விஸ்வேஸ்வர சுவாமி, ஸ்ரீ விசாலாட்சியம்மன், சுப்ர மணியர் ஆகியோர், சோமாஸ் கந்தர் ரூபத்தில் எழுந்தருளி, நான்கு ரத வீதிகளிலும் வலம் வந்து பக்தர்களுக்கு அருள் பாலித்தனர்.
Shared By giridharan (309)
News Url http://temple.dinamalar.com/news_detail.php?id=69000

08 Jun 2017 - திருநள்ளார் தர்பாரண்யேஸ்வரர் கோவிலில் தெப்போற்சவம்

News Title திருநள்ளார் தர்பாரண்யேஸ்வரர் கோவிலில் தெப்போற்சவம்
News Detail காரைக்கால்: காரைக்கால் திருநள்ளார் தர்பாரண்யேஸ்வரர் கோவில் பிரமோற்சவிழாவை முன்னிட்டு தெப்போற்சவம் நடந்தது. காரைக்கால் திருநள்ளாரில் பிரசித்தி பெற்ற தர்பாரண்யேஸ்வரர் கோவில் உள்ளது. இக்கோவிலில் சனி பகவான் தனி சன்னதியில் அருள்பாலித்து வருகிறார். இக்கோவிலின் பிரமோற்சவ விழா கடந்த 21ம் தேதி துவங்கியது.தினம் விநாயகர், சுப்ரமணியர்,அடியார் நால்வர் புஷ்ப பல்லாக்கு உற்சவம் நடந்தது.பிரமோற்சவ விழாவில் தங்க ரிஷப வாகனத்தில் சாமி வீதி உலா நடந்தது. பஞ்சமூர்த்திகள் வீதி உலாவும் தங்க ரிஷப வாகனம் மற்றும் தேரோட்டம்,சனீஸ்வரபகவான் தங்க காக வாகனத்தில் வீதியுலா நடைபெற்றது. நேற்று இரவு தெப்போற்சவம் நடந்தது.
Shared By giridharan (309)
News Url http://temple.dinamalar.com/news_detail.php?id=68998

08 Jun 2017 - அமர்நாத் கோவில் போகணுமா?: உடல் தகுதி சான்று கட்டாயம்

News Title அமர்நாத் கோவில் போகணுமா?: உடல் தகுதி சான்று கட்டாயம்
News Detail அமர்நாத் குகைக் கோவிலில், பனி லிங்கத்தை தரிசிக்க, ஆண்டுதோறும் பக்தர்கள் அனுமதிக்கப்படுவது வழக்கம். இந்த ஆண்டிற்கான அமர்நாத் யாத்திரை, இம்மாதம், 29ல் துவங்க உள்ளது. இந்த யாத்திரையில் பங்கேற்று, குகைக் கோவிலில் தரிசனம் செய்ய விரும்பும் பக்தர்கள், அதற்காக முன் கூட்டியே விண்ணப்பிக்க வேண்டும். ஆபத்து நிறைந்த மலைப் பாதையில் சென்று, மலை உச்சியில் உள்ள கோவிலில் சுவாமி தரிசனம் செய்ய வேண்டும் என்பதால், இந்த யாத்திரையில் பங்கேற்கும் பக்தர்களுக்கு, மத்திய அரசின் சார்பில் பலத்த பாதுகாப்பு அளிக்கப்படுகிறது.தவிர, அமர்நாத் யாத்திரை வாரியத்தின் சார்பில், பல்வேறு வசதிகள் செய்து தரப்படுகின்றன. இந்நிலையில், பக்தர்களின் உடல் நலன் மற்றும் பாதுகாப்பு கருதி, இந்த ஆண்டு முதல், 13 வயதுக்கு கீழ் உள்ள சிறுவர், சிறுமியர் மற்றும் 75 வயதுக்கு மேற்பட்ட முதியோர், அமர்நாத் யாத்திரையில் பங்கேற்க அனுமதி கிடையாது என, அமர்நாத் யாத்திரை வாரியம் தெரிவித்துஉள்ளது.அதே போல், அமர்நாத் யாத்திரைக்கு விண்ணப்பிக்கும் பக்தர்கள், தங்கள் உடல் நலன் குறித்த தகுதிச் சான்றிதழை இணைக்க வேண்டும் எனவும், அறிவுறுத்தப்பட்டுள்ளது. உடல் நலன் குறித்த தகுதிச் சான்றளிக்கும் டாக்டர்களின் பட்டியல், அமர்நாத் யாத்திரை வாரியத்தின் இணையதளத்தில் தெளிவாக குறிப்பிடப்பட்டுள்ளதாகவும் தெரிவிக்கப் பட்டுள்ளது.
Shared By giridharan (309)
News Url http://temple.dinamalar.com/news_detail.php?id=68967

07 Jun 2017 - காளையார்கோவிலில் வைகாசி தேரோட்டம் கோலாகலம்

News Title காளையார்கோவிலில் வைகாசி தேரோட்டம் கோலாகலம்
News Detail காளையார்கோயில்: காளையார்கோவில் சோமேஸ்வரர்-சவுந்தரநாயகி அம்மன்கோயில் வைகாசி விசாக விழா தேரோட்டம் நடைபெற்றது. சோமேஸ்வரர்-சவுந்தரநாயகி அம்மன்கோயில் வைகாசி விசாக விழா மே 29 ம் தேதி கொடியேற்றத்துடன் துவங்கியது. தினமும் சுவாமி அம்பாளுக்கு சிறப்பு அபிேஷகம்,தீபாராதனைகளும் நடைபெற்று வருகிறது.திருவீதி உலாவந்து பக்தர்களுக்கு அருள் பாலித்து வருகிறார். நேற்று அதிகாலை 4:00 மணிக்கு சுவாமிஅம்பாளுக்கு சிறப்பு அபி ேஷகம் தீபாராதனை நடைபெற்றது. 5:00மணிக்கு பெரியதேரில் சுவாமி அம்பாளும், சின்னதேரில் அம்பாள் எழுந்தருளினர். காலை 11:00 மணிக்கு பொதுமக்கள் வடம் பிடித்து இழுக்க தேரோட்டம் நடைபெற்றது. நான்கு ரதவீதிகளில் வலம்வந்து 12:20 மணிக்கு தேர் நிலையை அடைந்தது.
Shared By giridharan (309)
News Url http://temple.dinamalar.com/news_detail.php?id=68966

05 Jun 2017 - தேனுபுரீஸ்வரர் கோவில் பிரமோற்சவ தேரோட்டம் கோலாகலம்

News Title தேனுபுரீஸ்வரர் கோவில் பிரமோற்சவ தேரோட்டம் கோலாகலம்
News Detail மாடம்பாக்கம் : தாம்பரம் அடுத்த மாடம்பாக்கம் தேனுபுரீஸ்வரர் கோயிலில், பிரமோற்சவத்தை முன்னிட்டு தேரோட்டம் நடந்தது. இதில் ஏராளமான பக்தர்கள் கலந்து கொண்டனர்.செம்பாக்கத்தை அடுத்த மாடம்பாக்கம் பகுதியில், பழமை வாய்ந்த தேனுபுரீஸ்வரர் கோவில் அமைந்துள்ளது. தொல்லியல் மற்றும் இந்து சமய அறநிலையத்துறை கட்டுப்பாட்டில் உள்ள இந்த கோவில், உலக பண்பாட்டு நினைவுச்சின்னமாக அறிவிக்கப்பட்டுள்ளது. கிரக, நாக தோஷம் உள்ளோர், இந்த கோவிலில் உள்ள சரபேஸ்வரரிடம் வேண்டி கொள்கின்றனர். ஞாயிற்றுக்கிழமை தோறும் ராகு காலத்தில், இந்த கோவில் துாணில் உள்ள சரபேஸ்வரருக்கு, உற்சவ புறப்பாடுடன் விசேஷ பூஜை நடக்கிறது. கோவிலுக்கு என, தனியாக தேர் இல்லாததால், பல ஆண்டுகளாக தேர் திருவிழா நடை பெறவில்லை. ஏராளமான சொத்துக்கள், வருவாய் இருந்தும், இந்து சமய அறநிலையத்துறையினர், தேர் செய்ய எந்த நடவடிக்கையும் எடுக்கவில்லை. இதனால் மாடம்பாக்கம் பகுதி பொதுமக்கள், பக்தர்கள் இணைந்து, தேனுபுரீஸ்வரர் கோவிலுக்கு, புதிதாக தேர் செய்ய முடிவு செய்தனர். அதன்படி பொதுமக்கள் பங்களிப்புடன், 37 லட்சம் ரூபாய் செலவில், புதிய தேர் தற்போது வடிவமைக்கப்பட்டது. கோவில் பிரமோற்சவத்தை முன்னிட்டு, ஏழாம் நாள் திருவிழாவான இன்று(ஜூன்5ல்) தேரோட்டம் கோலாகலமாக நடைபெற்றது. இதில் ஏராளமான பக்தர்கள் கலந்து கொண்டு தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=68875

05 Jun 2017 - ஓசூர் சந்திரசூடேஸ்வரர் கோவில் கும்பாபிஷேகம்

News Title ஓசூர் சந்திரசூடேஸ்வரர் கோவில் கும்பாபிஷேகம்
News Detail ஓசூர்: ஓசூர், சந்திரசூடேஸ்வரர் கோவில் கும்பாபிஷேக விழாவில், ஆயிரக்கணக்கான பக்தர்கள் சுவாமி தரிசனம் செய்தனர்.கிருஷ்ணகிரி மாவட்டம், ஓசூர் தேர்ப்பேட்டை மலை மீதுள்ள சந்திரசூடேஸ்வரர், மரகதாம்பாள் கோவில் புரனமைப்பு செய்யப்பட்டு, 14 ஆண்டுகளுக்கு பின், நேற்று கும்பாபிஷேகம் நடந்தது. நேற்று அதிகாலை, 4:30 மணிக்கு, நான்காம் கால யாக சாலை பூஜை, 6:00 மணிக்கு பூர்ணாகுதி ஆகியவற்றை தொடர்ந்து, 7:00 மணிக்கு கோபுர கும்பாபிஷேகம் நடந்தது. 8:00 முதல், 8:30 மணி வரை, மூலவர், மரகதாம்பிகை, விநாயகர், முருகன், கொடி மரம் ஆகியவற்றுக்கு கும்பாபிஷேகம் நடந்தது.
Shared By giridharan (309)
News Url http://temple.dinamalar.com/news_detail.php?id=68890

05 Jun 2017 - திருநள்ளார் தர்பாரண்யேஸ்வரர் கோவிலில் தங்க ரிஷப வாகனத்தில் சுவாமி உலா

News Title திருநள்ளார் தர்பாரண்யேஸ்வரர் கோவிலில் தங்க ரிஷப வாகனத்தில் சுவாமி உலா
News Detail காரைக்கால்: திருநள்ளார் தர்பாரண்யேஸ்வரர் கோவில் பிரமோற்ச விழாவில் தங்க ரிஷப வாகனத்தில் சுவாமி வீதி உலா நடந்தது. காரைக்கால் திருநள்ளாரில் பிரசித்தி பெற்ற தர்பாரண்யேஸ்வரர் கோவில் உள்ளது. இக்கோவிலில் சனி பகவான் தனி சன்னதியில் அருள்பாலித்து வருகிறார். கோவிலின் பிரமோற்சவ விழா கடந்த 21ம் தேதி துவங்கியது.தினம் விநாயகர், சுப்ரமணியர்,அடியார் நால்வர் புஷ்ப பல்லாக்கு உற்சவம் வீதியுலா நடந்தது. பிரமோற்சவ விழாவை முன்னிட்டு நடந்த பஞ்சமூர்த்திகள் வீதி உலாவில் தங்க ரிஷபவாகனத்தில் முக்கிய வீதிகளில் சுவாமிவீதி உலா நடந்தது. விழாவின் ஏராளமானவர்கள் பக்தர்கள் கலந்து கொண்டு சாமி தரிசனம் செய்தனர். வரும் 5ம் தேதி சனீஸ்வரபகவான் தங்க காக வாகனத்தில் சகோபுர வீதியுலா நடைபெறுகிறது
Shared By giridharan (309)
News Url http://temple.dinamalar.com/news_detail.php?id=68874

05 Jun 2017 - திருவாடானை ஆதிரெத்தினேஸ்வரர் கோயில் வைகாசி விசாக திருவிழா

News Title திருவாடானை ஆதிரெத்தினேஸ்வரர் கோயில் வைகாசி விசாக திருவிழா
News Detail திருவாடானை: திருவாடானை ஆதிரெத்தினேஸ்வரர் கோயில் வைகாசி விசாக திருவிழாவை முன்னிட்டு நேற்று முன்தினம் இரவு வெள்ளிரிஷப வாகனத்தில் சுவாமி வீதி உலா நடந்தது. இரவில் பாரம்பரிய நிகழ்ச்சியான ஒயிலாட்டம் நடந்தது.
Shared By giridharan (309)
News Url http://temple.dinamalar.com/news_detail.php?id=68893

05 Jun 2017 - திருவாடானை ஆதிரெத்தினேஸ்வரர் கோயில் வைகாசி விசாக திருவிழா

News Title திருவாடானை ஆதிரெத்தினேஸ்வரர் கோயில் வைகாசி விசாக திருவிழா
News Detail திருவாடானை: திருவாடானை ஆதிரெத்தினேஸ்வரர் கோயில் வைகாசி விசாக திருவிழாவை முன்னிட்டு நேற்று முன்தினம் இரவு வெள்ளிரிஷப வாகனத்தில் சுவாமி வீதி உலா நடந்தது. இரவில் பாரம்பரிய நிகழ்ச்சியான ஒயிலாட்டம் நடந்தது.
Shared By giridharan (309)
News Url http://temple.dinamalar.com/news_detail.php?id=68893

05 Jun 2017 - யுனெஸ்கோ குழுவின் ஆய்வு நிறைவு: கோவில் சிற்பம் சிதைப்பால் அதிர்ச்சி

News Title யுனெஸ்கோ குழுவின் ஆய்வு நிறைவு: கோவில் சிற்பம் சிதைப்பால் அதிர்ச்சி
News Detail தமிழக கோவில்களில், இரண்டு கட்ட ஆய்வை முடித்த, யுனெஸ்கோ குழுவினர், சிற்பங்கள் மற்றும் பாரம்பரிய கட்டடங்கள் சிதைக்கப்பட்டுள்ளதை அறிந்து, கடும் அதிர்ச்சி அடைந்தனர். தமிழக கோவில்களில், ஆகம விதிகளுக்கு புறம்பாக நடந்துள்ள முறைகேடுகள் குறித்த வழக்கில், ஐக்கிய நாடுகள் கல்வி, அறிவியல் மற்றும் பண்பாட்டு நிறுவனமான, யுனெஸ்கோ குழுவினரின் ஆய்வுக்கு, உயர் நீதிமன்றம் பரிந்துரைத்தது. இதன்படி, யுனெஸ்கோ குழுவினர், இரு கட்டங்களாக, கோவில்களில் ஆய்வு நடத்தினர். காஞ்சிபுரம் கோவில்களில், நேற்று ஆய்வை முடிந்தனர். அத்துடன், அறநிலையத் துறை அதிகாரிகள், ஸ்தபதிகள், சிற்பிகள், புகார்தாரர்கள் போன்றோருடன் கலந்தாய்வு நடத்தினர். பிரசித்தி பெற்ற கோவில்களில் பல சிற்பங்கள், கோபுரங்கள் மற்றும் கட்டுமானங்கள் சிதைக்கப்பட்டுள்ளதை கண்ட, குழுவினர் வருத்தமும், அதிர்ச்சியும் அடைந்தனர். குழுவினர் இரு கட்டமாக நடத்திய ஆய்வின் அறிக்கையை, விரைவில் நீதிமன்றத்தில் சமர்ப்பிப்பர் என, எதிர்பார்க்கப்படுகிறது.
Shared By giridharan (309)
News Url http://temple.dinamalar.com/news_detail.php?id=68839

05 Jun 2017 - ஓசூர் சிவலிங்கேஸ்வர சுவாமி கோவில் கும்பாபிஷேகம்

News Title ஓசூர் சிவலிங்கேஸ்வர சுவாமி கோவில் கும்பாபிஷேகம்
News Detail ஓசூர்: ஓசூர் அடுத்த, கெலமங்கலம் அரசு உயர்நிலைப்பள்ளி பின்புறம், 17ம் நூற்றாண்டை சேர்ந்த பீரே தேவர் என்ற சிவலிங்கேஸ்வர சுவாமி கோவில் உள்ளது. சிதிலமடைந்த நிலையில் இருந்த, கோவில் புனரமைப்பு செய்யப்பட்டு, நேற்று கும்பாபிஷேகம் நடந்தது. விழாவையொட்டி நேற்று முன்தினம் மாலை, 5:00 மணிக்கு கங்காபூஜை, இரவு, 7:00 மணிக்கு கணபதி பூஜை, வாஸ்து பூஜை, முதற்கால யாக பூஜை நடந்தது.நேற்று காலை, 6:00 மணிக்கு கும்பாபிஷேகம் நடந்தது. இதில், திரளான பக்தர்கள் சுவாமி தரிசனம் செய்தனர். 7:00 மணிக்கு சுவாமிக்கு அபிஷேகம் மற்றும் கண் திறப்பு, 9:00 மணிக்கு அமுது படைத்தல், தலைமேல் தேங்காய் உடைத்தல் நடந்தது.
Shared By giridharan (309)
News Url http://temple.dinamalar.com/news_detail.php?id=68900

05 Jun 2017 - திருவாடானை ஆதிரெத்தினேஸ்வரர் கோயில் தேர் புதுப்பிப்பு

News Title திருவாடானை ஆதிரெத்தினேஸ்வரர் கோயில் தேர் புதுப்பிப்பு
News Detail திருவாடானை, ஆதிரெத்தினேஸ்வரர் கோயில் தேர் புதுப்பிக்கும் பணிகள் நடந்து வருகிறது. திருவாடானை ஆதிரெத்தினேஸ்வரர் கோயில் தேரோட்டம் ஜூன் 6ந் தேதி நடக்கிறது. இவ் விழாவை முன்னிட்டு தேர்புதுப்பிக்கும் பணிகள் நடந்து வருகிறது. பழமைவாய்ந்த, இத் தேரில் கலைவண்ணமிக்க சிலைகள் ஏராளமாக உள்ளன. இதில் வர்ணம் பூசும் பணிகள், மற்றும் திரைசீலைகள் அழகுபடுத்துவதற்காக கம்பு கட்டும் பணிகள் நடந்து வருகிறது.
Shared By giridharan (309)
News Url http://temple.dinamalar.com/news_detail.php?id=68847

05 Jun 2017 - தாரமங்கலம்:கைலாசநாதர் கும்பாபிஷேகம் பிப்ரவரியில் நடத்த முடிவு

News Title தாரமங்கலம்:கைலாசநாதர் கும்பாபிஷேகம் பிப்ரவரியில் நடத்த முடிவு
News Detail தாரமங்கலம்: தாரமங்கலம், கைலாசநாதர் கோவில் கும்பாபிஷேகம், 1994ல் நடந்தது. மீண்டும் கும்பாபிஷேகம் நடத்த, மூன்றாண்டுகளுக்கு மேலாக, கோவில் சீரமைப்பு பணி நடக்கிறது. இந்நிலையில், கோவில் வளாகத்தில், சங்ககிரி தொகுதி எம்.எல்.ஏ., ராஜா தலைமையில், நேற்று ஆலோசனை கூட்டம் நடந்தது. அதில், சீரமைப்பு பணி முடிய, நான்கு மாதங்களுக்கு மேலாகும் நிலை உள்ளதால், கும்பாபிஷேக விழாவை, பிப்ரவரியில் நடத்த, முடிவு செய்யப்பட்டது.
Shared By giridharan (309)
News Url http://temple.dinamalar.com/news_detail.php?id=68865

05 Jun 2017 - சிதம்பரம் நடராஜர் கோயிலில் ஆனித் திருமஞ்சன உற்சவம் ஜூன் 21-இல் தொடக்கம்

05 Jun 2017 - அரக்கோணம் தேவாதீஸ்வரர் கோயில் மகா கும்பாபிஷேகம்

05 Jun 2017 - திருவாலம் பொழில் ஆத்மநாதேஸ்வர ஸ்வாமி ஆலய கும்பாபிஷேகம்

03 Jun 2017 - காஞ்சிபுரம் கைலாசநாதர் திருக்கோயில் அஷ்டபந்தன மகா கும்பாபிஷேகப் பெருவிழா திங்கள்கிழமை (ஜூன் 5) நடைபெறுகிறது.

News Title காஞ்சிபுரம் கைலாசநாதர் திருக்கோயில் அஷ்டபந்தன மகா கும்பாபிஷேகப் பெருவிழா திங்கள்கிழமை (ஜூன் 5) நடைபெறுகிறது.
News Detail காஞ்சிபுரம் கைலாசநாதர் திருக்கோயில் அஷ்டபந்தன மகா கும்பாபிஷேகப் பெருவிழா திங்கள்கிழமை (ஜூன் 5) நடைபெறுகிறது.
Shared By Ganesh (53)
News Url http://www.dinamani.com/religion/religion-news/2017/jun/03/5-%E0%AE%87%E0%AE%B2%E0%AF%8D-%E0%AE%95%E0%AE%BE%E0%AE%9E%E0%AF%8D%E0%AE%9A%E0%AE%BF-%E0%AE%95%E0%AF%88%E0%AE%B2%E0%AE%BE%E0%AE%9A%E0%AE%A8%E0%AE%BE%E0%AE%A4%E0%AE%B0%E0%AF%8D-%E0%AE%95%E0%AF%8B%E0%AE%AF%E0%AE%BF%E0%AE%B2%E0%AF%8D-%E0%AE%AE%E0%AE%95%E0%AE%BE-%E0%AE%95%E0%AF%81%E0%AE%AE%E0%AF%8D%E0%AE%AA%E0%AE%BE%E0%AE%AA%E0%AE%BF%E0%AE%B7%E0%AF%87%E0%AE%95%E0%AE%AE%E0%AF%8D-2713175.html

03 Jun 2017 - பூமிக்குள் புதைந்திருந்த 4 சாமி சிலைகள் கண்டெடுப்பு

News Title பூமிக்குள் புதைந்திருந்த 4 சாமி சிலைகள் கண்டெடுப்பு
News Detail பொன்னேரி அருகே பூமிக்குள் புதைந்திருந்த நான்கு கற்சிலைகள் வெள்ளிக்கிழமை கண்டெடுக்கப்பட்டன.|
Shared By Ganesh (53)
News Url http://www.dinamani.com/religion/religion-news/2017/jun/03/%E0%AE%AA%E0%AF%82%E0%AE%AE%E0%AE%BF%E0%AE%95%E0%AF%8D%E0%AE%95%E0%AF%81%E0%AE%B3%E0%AF%8D-%E0%AE%AA%E0%AF%81%E0%AE%A4%E0%AF%88%E0%AE%A8%E0%AF%8D%E0%AE%A4%E0%AE%BF%E0%AE%B0%E0%AF%81%E0%AE%A8%E0%AF%8D%E0%AE%A4-4-%E0%AE%9A%E0%AE%BE%E0%AE%AE%E0%AE%BF-%E0%AE%9A%E0%AE%BF%E0%AE%B2%E0%AF%88%E0%AE%95%E0%AE%B3%E0%AF%8D-%E0%AE%95%E0%AE%A3%E0%AF%8D%E0%AE%9F%E0%AF%86%E0%AE%9F%E0%AF%81%E0%AE%AA%E0%AF%8D%E0%AE%AA%E0%AF%81-2713173.html

03 Jun 2017 - திருவள்ளூர் அருகே உள்ள திருப்பாச்சூரில் தங்காதலி அம்மன் உடனுறை வாசீஸ்வரர் கோயிலில் அமைந்துள்ள நூறு கால் மண்டபம் உரிய பராமரிப்பின்றி சிதிலமடைந்து வருகிறது.

News Title திருவள்ளூர் அருகே உள்ள திருப்பாச்சூரில் தங்காதலி அம்மன் உடனுறை வாசீஸ்வரர் கோயிலில் அமைந்துள்ள நூறு கால் மண்டபம் உரிய பராமரிப்பின்றி சிதிலமடைந்து வருகிறது.
News Detail திருவள்ளூர் அருகே உள்ள திருப்பாச்சூரில் தங்காதலி அம்மன் உடனுறை வாசீஸ்வரர் கோயிலில் அமைந்துள்ள நூறு கால் மண்டபம் உரிய பராமரிப்பின்றி சிதிலமடைந்து வருகிறது.
Shared By Ganesh (53)
News Url http://www.dinamani.com/religion/religion-news/2017/jun/03/%E0%AE%A4%E0%AE%BF%E0%AE%B0%E0%AF%81%E0%AE%AA%E0%AF%8D%E0%AE%AA%E0%AE%BE%E0%AE%9A%E0%AF%8D%E0%AE%9A%E0%AF%82%E0%AE%B0%E0%AE%BF%E0%AE%B2%E0%AF%8D-%E0%AE%9A%E0%AE%BF%E0%AE%A4%E0%AE%BF%E0%AE%B2%E0%AE%AE%E0%AE%9F%E0%AF%88%E0%AE%A8%E0%AF%8D%E0%AE%A4-%E0%AE%A8%E0%AF%82%E0%AE%B1%E0%AF%81-%E0%AE%95%E0%AE%BE%E0%AE%B2%E0%AF%8D-%E0%AE%AE%E0%AE%A3%E0%AF%8D%E0%AE%9F%E0%AE%AA%E0%AE%A4%E0%AF%8D%E0%AE%A4%E0%AF%88-%E0%AE%9A%E0%AF%80%E0%AE%B0%E0%AE%AE%E0%AF%88%E0%AE%95%E0%AF%8D%E0%AE%95%E0%AE%95%E0%AF%8D-%E0%AE%95%E0%AF%8B%E0%AE%B0%E0%AE%BF%E0%AE%95%E0%AF%8D%E0%AE%95%E0%AF%88-2713172.html

03 Jun 2017 - திருவண்ணாமலை கிரிவலப் பாதை விரிவாக்கப் பணிகளுக்கு தடை நீக்கம்

News Title திருவண்ணாமலை கிரிவலப் பாதை விரிவாக்கப் பணிகளுக்கு தடை நீக்கம்
News Detail திருவண்ணாமலை கிரிவலப் பாதை விரிவாக்கப் பணிகளுக்கு தடை நீக்கம்
Shared By Ganesh (53)
News Url http://www.dinamani.com/religion/religion-news/2017/may/31/திருவண்ணாமலை-கிரிவலப்-பாதை-விரிவாக்கப்-பணிகளுக்கு-தடை-நீக்கம்-2711460.html

03 Jun 2017 - திருநள்ளாறில் பிரம்மோத்ஸவம்: உன்மத்த நடனத்தில் தியாகராஜர் புறப்பாடு

News Title திருநள்ளாறில் பிரம்மோத்ஸவம்: உன்மத்த நடனத்தில் தியாகராஜர் புறப்பாடு
News Detail
Shared By Ganesh (53)
News Url http://www.dinamani.com/religion/religion-news/2017/may/31/திருநள்ளாறில்-பிரம்மோத்ஸவம்-உன்மத்த-நடனத்தில்-தியாகராஜர்-புறப்பாடு-2711459.html

03 Jun 2017 - அருணாசலேஸ்வரர் கோயில் கோபுர நிலைகளின் கதவுகள் திறப்பு

News Title அருணாசலேஸ்வரர் கோயில் கோபுர நிலைகளின் கதவுகள் திறப்பு
News Detail அருணாசலேஸ்வரர் கோயில் கோபுர நிலைகளின் கதவுகள் திறப்பு: புறாக்கள், துரிஞ்சல் பறவைகள் தஞ்சம் புகுந்தன
Shared By Ganesh (53)
News Url http://www.dinamani.com/religion/religion-news/2017/may/31/அருணாசலேஸ்வரர்-கோயில்-கோபுர-நிலைகளின்-கதவுகள்-திறப்பு-புறாக்கள்-துரிஞ்சல்-பறவைகள்-தஞ்சம்-புகுந்தன-2711451.html

03 Jun 2017 - தூர்ந்த கோவில் குளங்கள் ரூ.13 லட்சத்தில் சீரமைப்பு

News Title தூர்ந்த கோவில் குளங்கள் ரூ.13 லட்சத்தில் சீரமைப்பு
News Detail காஞ்சிபுரம்: பராமரிப்பின்றி துார்ந்து போன, மேட்டுத்தெரு நகரீஸ்வரர் கோவில் குளம் மற்றும் மங்கள தீர்த்த குளம், 13 லட்சம் ரூபாய் செலவில், சீரமைக்கப்பட்டு வருகின்றன.காஞ்சிபுரம், மேட்டுத்தெருவில் அமைந்துள்ள நகரீஸ்வரர் கோவில் குளம், 2002ல், சுற்றுச்சுவர் ஏற்படுத்தி, சீரமைக்கப்பட்டது. அதன்பின் பராமரிப்பில்லாமல் போனதால், குளம் துார்ந்து, சீரழிந்து காணப்பட்டது. மேலும், 2015 கன மழைக்கு, குளத்தின் சுற்றுச்சுவர் சேதமடைந்தது. முட்புதர்கள் நிறைந்து காணப்பட்டது. இதையடுத்து, கோவில் நிர்வாகம், 4.5 லட்சம் ரூபாய் நிதி ஒதுக்கி, குளம் சீரமைப்பு பணிகளை மேற்கொண்டுள்ளது. குளத்தில் தேங்கி கிடக்கும் மண்ணை எடுக்கும் பணியும் நடக்க இருக்கிறது.அதே போல், பெரிய காஞ்சிபுரம் மங்கள தீர்த்த குளமும், சுற்றுலா துறை நிதி, 11.85 லட்சம் ரூபாய் செலவில், சீரமைக்கப்படுகிறது. கனத்த மழையின் போது இடிந்து விழுந்த சுற்றுச்சுவர் மற்றும் குளத்தின் நான்கு புறமும் பொதுமக்கள் நடப்பதற்கேற்ற பாதை வசதியும் அமைக்கப்படுகிறது.
Shared By giridharan (309)
News Url http://temple.dinamalar.com/news_detail.php?id=68863

02 Jun 2017 - திருவாரூர் தியாகராஜசுவாமி கோயில் ஆழித் தேரோட்டம்

News Title திருவாரூர் தியாகராஜசுவாமி கோயில் ஆழித் தேரோட்டம்
News Detail
Shared By Ganesh (53)
News Url http://www.dinamani.com/religion/religion-news/2017/may/30/திருவாரூர்-தியாகராஜசுவாமி-கோயில்-ஆழித்-தேரோட்டம்-2711225.html

01 Jun 2017 - துார்வாரப்படாத சிவகங்கை குளம்: துர்நாற்றம் வீசுவதால் நோய் அபாயம்

News Title துார்வாரப்படாத சிவகங்கை குளம்: துர்நாற்றம் வீசுவதால் நோய் அபாயம்
News Detail சிதம்பரம்: நடராஜர் கோவில் சிவகங்கை குளம் பல ஆண்டுகளாக துார் வாரப்படாமல் இருப்பதால் தண்ணீர் பாழாகி துர்நாற்றம் வீசுவதால் தொற்றுநோய் பரவும் அபாயம் உள்ளது. சிதம்பரத்தில் உள்ள 10 தீர்த்த குளங்களில் முதலாவது தீர்த்தம் சிவகங்கை குளம். இந்த தீர்த்த குளம் காசி தீர்த்தத்திற்கு நிகரானது என கூறப்படுவதால், இந்த குளத்தில் முன்னோர்களுக்கு தர்ப்பணம் செய்வது சிறப்பாக கருதப்படுகிறது. சிவகங்கை குளம் பிரசித்திப் பெற்ற நடராஜர் கோவில் வடக்கு கோபுரம் அருகே உள்ளது. சிதம்பரத்தில் உள்ள தசதீர்த்த குளங்களுக்கு தண்ணீர் செல்ல ஒன்றுடன் ஒன்று இணைக்கப்பட்டு இருந்தது. தற்போது அந்த நீர்வழிப்பாதை தனி நபர் ஆக்கிரமிப்பாலும், நீண்ட காலம் துார் வாரப்படாமல் இருப்பதாலும், துார்ந்து குளங்களுக்கு புதிய தண்ணீர் வருவது தடைபட்டுள்ளது. விளங்கியம்மன் கோவில் குளம் நிறைந்து, சிவகங்கை குளத்திற்கு தண்ணீர் வரும். சிவகங்கை குளம் நிறைந்து சிவப்பிரியை எனப்படும் தில்லையம்மன் கோவில் குளத்திற்கு தண்ணீர் வரும். இந்த தண்ணீர் பாதை துார்ந்ததால், 10 ஆண்டுகளுக்கும் மேல் புதிய தண்ணீர் குளங்களில் நிரம்புவது இல்லை. இந்த ஆண்டு பருவ மழை பொய்த்துப் போனதால் சிதம்பரம் பகுதியில் உள்ள அனைத்து குளங்களும் தண்ணீர் இன்றி வறண்டு கிடக்கிறது. சிவகங்கை குளத்தில் பல ஆண்டுகளாக சேதமடைந்த தண்ணீரும், மழை இல்லாத காரணத்தால் குறைந்த அளவில் இருக்கும் தண்ணீர் கெட்டியாக மாறி பச்சை நிறத்தில் காணப்படுகிறது. தண்ணீர் சேதமடைந்ததால் கடந்த மாதங்களில் குளத்தில் இருந்த மீன்கள் அனைத்தும் இறந்ததால், துர்நாற்றம் வீசியது. தற்போது, மேலும் தண்ணீர் குறைந்து கோவில் வடக்கு பிரகாரம் பகுதியில் துர்நாற்றம் வீசுகிறது. நகரில் தொற்று நோய் பரவும் அபாயத்தால் கோவிலுக்கு வரும் பக்தர்கள் அதிருப்தியடைந்துள்ளனர்.
Shared By giridharan (309)
News Url http://temple.dinamalar.com/news_detail.php?id=68752

01 Jun 2017 - விஸ்வேஸ்வரசுவாமி கோவிலில் சோமாசி நாயனார் குரு பூஜை விழா

News Title விஸ்வேஸ்வரசுவாமி கோவிலில் சோமாசி நாயனார் குரு பூஜை விழா
News Detail
Shared By giridharan (309)
News Url http://temple.dinamalar.com/news_detail.php?id=68751

01 Jun 2017 - விஸ்வேஸ்வரசுவாமி கோவிலில் சோமாசி நாயனார் குரு பூஜை விழா

News Title விஸ்வேஸ்வரசுவாமி கோவிலில் சோமாசி நாயனார் குரு பூஜை விழா
News Detail
Shared By giridharan (309)
News Url http://temple.dinamalar.com/news_detail.php?id=68751

01 Jun 2017 - அதிகார நந்தி வாகனத்தில் தேனுபுரீஸ்வரர் வீதிஉலா

News Title அதிகார நந்தி வாகனத்தில் தேனுபுரீஸ்வரர் வீதிஉலா
News Detail மாடம்பாக்கம்: மாடம்பாக்கம் தேனுபுரீஸ்வரர் கோயிலின் பிரமோற்சவத்தை முன்னிட்டு, அதிகார நந்தி வாகனத்தில் சுவாமி வீதிஉலா வந்து அருள்பாலித்தார். செம்பாக்கத்தை அடுத்த மாடம்பாக்கம் பகுதியில், பழமை வாய்ந்த தேனுபுரீஸ்வரர் கோவில் அமைந்துள்ளது. தொல்லியல் மற்றும் இந்து சமய அறநிலையத்துறை கட்டுப்பாட்டில் உள்ள இந்த கோவில், உலக பண்பாட்டு நினைவுச்சின்னமாக அறிவிக்கப்பட்டுள்ளது. கிரக, நாக தோஷம் உள்ளோர், இந்த கோவிலில் உள்ள சரபேஸ்வரரிடம் வேண்டி கொள்கின்றனர். இக்கோயிலில் பிரமோற்சவ விழா சிறப்பாக நடைபெற்று வருகிறது. பிரமோற்சவத்தை முன்னிட்டு 3 ம் நாள் விழாவில் அதிகார நந்தி வாகனத்தில் தேனுபுரீஸ்வரர், அம்பாளுடன் வீதிஉலா வந்து பக்தர்களுக்கு அருள்பாலித்தார். ஏராளமான பக்தர்கள் தரிசனம் செய்தனர்.
Shared By giridharan (309)
News Url http://temple.dinamalar.com/news_detail.php?id=68747

01 Jun 2017 - கோவில் யானை குளிக்க பழநியில் நீச்சல் குளம்

News Title கோவில் யானை குளிக்க பழநியில் நீச்சல் குளம்
News Detail பழநி: பழநி முருகன் கோவில் யானை கஸ்துாரி, இயற்கையான சூழ்நிலையில் குளிப்பதற்காக, பல லட்சம் ரூபாய் செலவில், புதிய நீச்சல் குளம் அமைக்கப்படுகிறது. பழநி கோவில் யானை கஸ்துாரி, 8 வயது முதல், பெரியநாயகியம்மன் கோவில் வளாகத்தில் அமைக்கப்பட்டுள்ள கூடாரத்தில் வளர்க்கப்படுகிறது. தற்போது, 49 வயதாகும் கஸ்துாரி, தைப்பூசம், பங்குனி உத்திரம், வைகாசி விசாகம் போன்ற விழாக்களில் பங்கேற்கிறது. இந்த யானை குளிப்பதற்காக, பெரியநாயகியம்மன் கோவில் வளாகத்தில், ஏற்கனவே, ஷவர் பாத் அமைக்கப்பட்டுள்ளது. இந்நிலையில், காரமடை தோட்டத்தில், இயற்கையான சூழ்நிலையில் யானை இறங்கி குளிக்கும் வகையில், புதிதாக நீச்சல் குளம் அமைக்கப்படுகிறது. பணிகள் முடிவடையும் நிலையில் உள்ளன. விரைவில் பயன்பாட்டிற்கு கொண்டு வரப்படும் என, கோவில் அதிகாரிகள் தெரிவித்தனர்.
Shared By giridharan (309)
News Url http://temple.dinamalar.com/news_detail.php?id=68746

May 2017

30 May 2017 - தனுஷ்கோடியில் இடியும் தருவாயில் விநாயகர் கோயில்!

News Title தனுஷ்கோடியில் இடியும் தருவாயில் விநாயகர் கோயில்!
News Detail ராமேஸ்வரம்: தனுஷ்கோடியில் புயலில் சேதமடைந்த விநாயகர் கோயிலை, இந்து அறநிலையத்துறை பராமரிக்காமல் முழுவதும் இடிந்து விழும் அபாயம் உள்ளது. 1964ல் வங்க கடலில் எழுந்த புயலில் வணிக நகரமான தனுஷ்கோடியை புரட்டி போட்டதில், ரயில்வே ஸ்டேஷன், தபால் நிலையம், தங்கும் விடுதிகள் இடிந்து, புயலின் எச்சங்களாய் காட்சியளிக்கிறது. இருப்பினும் விநாயகர் கோயில், மாதா சர்ச் சேதமடைந்தாலும் 53 ஆண்டுகளாக இன்று வரை இடியாமல் கம்பீரமாக சுற்றுலா பயணிகளுக்கு காட்சியளிக்கிறது. கைவிட்ட அரசு தனுஷ்கோடியில் வழிபாட்டு தலம், இடிந்த கட்டடங்கள் பழமை மாறாமல் புதுப்பித்து, சுற்றுலா பயணிகளை கவர ஒளி, ஒலி காட்சி அமைக்கப்படும் என மாவட்ட கலெக்டர் நடராஜன் மற்றும் ராமேஸ்வரம் ராமநாதசுவாமி கோயிலுக்கு ெசாந்தமான தனுஷ்கோடி விநாயகர் கோயிலில் விரைவில் மராமத்து பணி துவக்கி பாதுகாக்கப்படும் என மாநில இந்து அறநிலைதுறை ஆணையர் வீரசண்முகமணி தெரிவித்தனர். ஆனால் இதுநாள் வரை மராமத்து பணி துவக்காமல், மாநில அரசு அலட்சியமாக உள்ளது. இதனால் 100 ஆண்டுகள் பழமையான விநாயகர் கோயில், உப்பு காற்றில் முழுவதும் இடிந்து விழும் அபாய நிலையில் உள்ளதால், முதல் கட்டமாக விநாயகர் கோயிலை புதுப்பிக்க இந்து அறநிலையத்துறை ஆணையர் உத்தரவிட வேண்டும். இந்து முன்னணி மாவட்ட தலைவர் ராமமூர்த்தி கூறுகையில்: இந்து கலாச்சார நகரமான தனுஷ்கோடியில் விநாயகர் கோயிலை பழமை மாறாமல் பாதுகாக்க இந்து அறநிலைதுறை, மாநில அரசு தவறி விட்டது. தனுஷ்கோடியில் விரைவில் மராமத்து பணி துவக்காவிடில் கோர்ட்டில் மனுத் தாக்கல் செய்வேன், என்றார்.
Shared By giridharan (309)
News Url http://temple.dinamalar.com/news_detail.php?id=68655

30 May 2017 - தேனுபுரீஸ்வரர் கோவில் புதிய தேர் வெள்ளோட்டம்

News Title தேனுபுரீஸ்வரர் கோவில் புதிய தேர் வெள்ளோட்டம்
News Detail மாடம்பாக்கம் : மாடம்பாக்கம் தேனுபுரீஸ்வரர் கோவிலுக்கு, பொதுமக்கள் செலவில், 37 லட்சம் ரூபாயில் புதிய தேர் வடிவமைக்கப்பட்டு, வெள்ளோட்டம் விடப்பட்டது. செம்பாக்கத்தை அடுத்த மாடம்பாக்கம் பகுதியில், பழமை வாய்ந்த தேனுபுரீஸ்வரர் கோவில் அமைந்துள்ளது. தொல்லியல் மற்றும் இந்து சமய அறநிலையத்துறை கட்டுப்பாட்டில் உள்ள இந்த கோவில், உலக பண்பாட்டு நினைவுச்சின்னமாக அறிவிக்கப்பட்டுள்ளது. கிரக, நாக தோஷம் உள்ளோர், இந்த கோவிலில் உள்ள சரபேஸ்வரரிடம் வேண்டி கொள்கின்றனர். ஞாயிற்றுக்கிழமை தோறும் ராகு காலத்தில், இந்த கோவில் துாணில் உள்ள சரபேஸ்வரருக்கு, உற்சவ புறப்பாடுடன் விசேஷ பூஜை நடக்கிறது. கோவிலுக்கு என, தனியாக தேர் இல்லாததால், பல ஆண்டுகளாக தேர் திருவிழா நடை பெறவில்லை. ஏராளமான சொத்துக்கள், வருவாய் இருந்தும், இந்து சமய அறநிலையத்துறையினர், தேர் செய்ய எந்த நடவடிக்கையும் எடுக்கவில்லை. இதனால் மாடம்பாக்கம் பகுதி பொதுமக்கள், பக்தர்கள் இணைந்து, தேனுபுரீஸ்வரர் கோவிலுக்கு, புதிதாக தேர் செய்ய முடிவு செய்தனர். அதன்படி பொதுமக்கள் பங்களிப்புடன், 37 லட்சம் ரூபாய் செலவில், புதிய தேர் தற்போது வடிவமைக்கப்பட்டுள்ளது. இந்த தேர், நேற்று காலை, 7:15 மணிக்கு, நான்கு மாட வீதிகளிலும் வெள்ளோட்டம் விடப்பட்டது. 21 டன் எடையுடன், 37 அடி உயரமும், 13 அடி அகலத்தில், ஐந்து அடுக்கு தட்டுகளை கொண்ட புதிய தேர்,