பெருமான் ஆடிய கௌரி தாண்டவத்தை கண்டு இலக்குமி வழிபட்டு பேற்றைப் பெற்றாள்.

அர்த்தசாம வழிபாட்டிற்காகக் குருக்கள் மணியடித்து விட்டால் அதற்குப் பிறகு, (குருக்கள், பரிசாரகர், நைவேத்தியம் கொண்டு செல்வோர் தவிர) யாரும் பைரவர் சந்நிதிக்கு செல்லக்கூடாது என்பது தொன்று தொட்டு இருந்துவரும் ஐதீகம்.

தேவாரப் பாடல்கள் : பதிகங்கள்     :    சம்பந்தர்     - 1. வெங்கள் விம்மு வெறியார் (1.26);                       அப்பர்       - 1. புரிந்தமரர் தொழுதேத்தும் (6.76); பாடல்கள்      :     அப்பர்       -       புத்தூ ருறையும் (4.15.10),                                            கொள்ளி டக்கரைக் (5.71.3),                                            மறைக்காட்டார் (6.51.7 & 11),                                            மண்ணிப் படிக்கரை (6.70.6 & 11),                                            பித்தன்காண் (6.87.4);                     சேக்கிழார்    -       தந்தையார் சடையனார் (12.05.7,23 & 77) தடுத்தாட்கொண்ட புராணம்,                                            ஆண்ட அரசு (12.21.402) திருநாவுக்கரசு சுவாமிகள் புராணம்,                                            ஆறு அணிந்தார் (12.28.885 & 886) திருஞானசம்பந்தர் நாயனார் புராணம்,                                            அங்கு வைகிப் (12.37.90) கழறிற்றறிவார் நாயனார் புராணம்.            

கோயிலுக்குள் திருப்புத்தூர் தமிழ்ச் சங்கம் நடைபெறுகின்ற மண்டபம் உள்ளது.

மதிலையொட்டி நந்தவனப் பகுதிகள்; கொன்றை மரங்கள் உள்ளன.

உள்பிரகார வாயிலில் சம்பந்தர், அப்பர் பாடல்கள் கல்லில் பொறிக்கப்பட்டுள்ளன.

தனிக்கோயிலாக அழகிய விமானத்துடன் அமைந்துள்ள பைரவர் சந்நிதியில் பைரவர் யோகாசன நிலையில் அமர்ந்துள்ளார்.

பைரவருக்கு நாடொறும் அர்த்தசாமத்தில் புனுகு சார்த்தப்பட்டு வடைமாலை, சம்பாநைவேத்தியம் நிவேதிக்கப்படுகிறது.

நடராசசபையில் சிற்பவேலைபாடமைந்த ஐந்து கற்றூண்களும் இசைத்தூண்களாக அமைந்துள்ளன.