நாகைக்கு நடு நாயகமாகத் திகழ்வதால் இத்தலம் நடுவூர் எனப்பட்டது.

முன்னொரு காலத்தில், படைப்புத் தொழிலை அடையவேண்டித் திருமாலின் சொற்படி பிரமதேவன் நாகைக்கு வந்து, ஊரின் நடுவில் ஒரு சிவலிங்கத்தை நிறுவி, அதன் மேற்கே ஒரு தீர்த்தம் உண்டாக்கி வழிபட்டு வந்தார். ஈசனும் வெளிப்பட்டு, பிரமனுக்குப் படைக்கும் தொழிலை அளித்தருளினார். அதுமுதல் தீர்த்தமும் பிரம்ம தீர்த்தம் என்று அழைக்கப்பட்டது.

திருக்கடவூரில் ஈசனால் தண்டிக்கப்பட்ட இயமனும் இங்கு வந்து வழிபாட்டு, தனது பதவியை மீண்டும் பெற்றான். தீர்த்தத்திற்கு இயம தீர்த்தம் என்ற பெயரும் உண்டு

வடமொழியில் இதனை மத்யபுரி என்பர்; சுவாமிக்கு மத்யபுரீஸ்வரர், நடுஸ்தலஈசர் என்றும் திருப்பெயர்கள் வழங்கப்படுகின்றன