• மக்கள் வழக்கில் பன்னத்தெரு என்று வழங்குகிறது.
• முகலிங்கம், பண்டை நாளில் முகத்தலைலிங்கம் என்றும் வழங்கப்பட்டு வந்தது. அம்முகத்தலைலிங்கம் அமைந்துள்ள தலம். இதுவே பிற்காலத்தில் முகத்தலை என்றாயிற்று என்பர்.
• பன்னகாபரணேஸ்வரர் வீற்றிருக்கும் தலமாதலின் பன்னத்தெரு என்று ஊருக்குப் பெயராயிற்று என்று கூறுவர்.
• இதற்கேற்ப கோயிலின் உட்பிராகாரத்தில் முகலிங்கம் ஒன்றுள்ளது.
• கோயிலுக்கு வெளியில் உள்ள பகுதி 'முகத்தலைக் கோட்டகம்' எனப்படுகிறது.

திருவிசைப்பா பதிகங்கள்     :    கருவூர்த்தேவர் - 1. புவனநா யகனே (9.011)

• இத்தலத்திற்கு - ஒன்பதின்மரில் கருவூர்த்தேவர், திருவிசைப்பா பாடியுள்ளார்.
• ஒன்பதாம் திருமுறையான திருவிசைப்பா திருப்பல்லாண்டுப் பதிகங்கள் - சிவபெருமானின் திருமேனிச் சிறப்பு, அடியார்க்கருளிய அப்பெருமானின் நலங்கள் முதலியவற்றையும் எடுத்துரைப்பதோடு, ஆங்காங்குச் சைவசமயத் தத்துவக் கருத்துக்களையும் புகழ்ந்தோதுகிறது.
• சிறிய கோயில், சுற்றிலும் பசுமையான சூழல்.
• தலமரமான புன்னை மரத்தின்கீழ் விநாயகர் எழுந்தருளியுள்ளார்.
• மூலவர் - பன்னகாபரணேஸ்வரர், பெயருக்கேற்ப வெள்ளி நாகாபரணத்தில் பிரகாசிக்க ஒளிர்விட்டுக் காட்சியளிக்கிறார்.
• அம்பாள் - சாந்தநாயகி; நின்ற திருக்கோலம் - அற்புத தரிசனம்; மனதிற்குச் சாந்தி தரும் காட்சி.
• மதுரை திருஞானசம்பந்தர் ஆதீனத்தின் அருளாட்சிக்குட்பட்ட திருக்கோயில்; ஆதீனத்தின் மேலாளர் ஒருவர் அங்கிருந்து கொண்டு கோயில் நிர்வாகத்தைக் கவனித்து வருகின்றார். நல்ல பராமரிப்பு.
• நித்திய வழிபாடுகள் குறைவின்றி நடைபெறுகின்றன.
• மூன்றாம் குலோத்துங்க சோழனுடைய கல்வெட்டுக்களில் இடம்பெற்றுள்ள இத்தலத்தில், கோயிலுக்கு விளக்கெரிக்க நிவந்தங்கள் ஏற்படுத்தப்பட்ட செய்திகள் தெரியவருகின்றன.