Shiva Maanasa Pooja

  • This Page is courtesy of Sanskrit Documents List.
    Please send your corrections

    shivamAnasapUjaa

    ratnaiH kalpitamaasanaM himajalaiH snaanaM cha  divyaaMbaraM naanaaratnavibhooShitaM mRugamadaamodaaMkitaM chandanam | 
    jaatIcaMpaka bilvapatrarachitaM puShpaM cha dhoopaM tathaa dIpaM deva dayaanidhe pashupate hRutkalpitaM gRuhyataam ||1|| 
    
    sauvarNe navaratnaKaNDarachite paatre GRutaM paayasaM bhakShyaM pa~JchavidhaM payodadhiyutaM raMbhaaphalaM paanakam |
    shaakaanaamayutaM jalaM ruchikaraM karpooraKaNDojjvalaM taaMboolaM manasaa mayaa virachitaM bhaktyaa prabho svIkuru ||2||
    
    ChatraM chaamarayoryugaM vyajanakaM chaadarshakaM nirmalaM vINaabheri mRudaMga kaahalakalaa gItaM cha nRutyaM tathaa | 
    saaShTaaMgaM praNatiH stutirbahuvidhaa hyetatsamastaM mayaa saMkalpena samarpitaM tava vibho poojaaM gRuhaaNa prabho ||3||
    
    aatmaa tvaM girijaa matiH sahacaraaH praaNaaHsharIraM gRuhaM poojaa te viShayopabhogarachanaa nidraa samaadhisthitiH | 
    saMcaaraH padayoH pradakShiNavidhiH stotraaNi sarvaa giro yadyatkarma karomi tattadaKilaM shaMbho tavaaraadhanam ||4|| 
    
    karacharaNakRutaM vaakkaayajaM karmajaM vaa shravaNanayanajaM vaa maanasaM vaa¶adham |
    vihitamavihitaM vaa sarvametatkShamasva jaya jaya karuNaabdhe shrI mahaadeva shaMbho ||5|| 
    
    iti shrImacChaMkaraacaaryavirachitaM shivamaanasapoojaastotraM samaaptam ||
    

    Back to Sanskrit Scriptures and Stotras Page
    Back to stotras in many languages
    Back to Shaivam Home Page