Shri Shiva Sahasranama Stotra from Lingapurana

  • This Page is courtesy of Sanskrit Documents List.
    Please send your corrections

  • This stotra is also available in devanAgari PDF

    shiva sahasranaama stotram li.ngapurANAntargata
    atha li~NgapuraaNaantargata\- shriishivasahasranaama stotramantraiH

    	     R^iShaya uuchuH \-
    katha.n devena vai suuta devadevaanmaheshvaraat .
    sudarshanaakhya.n vai labdha.n vaktumarhasi viShNunaa .. 1..
    
         suuta uvaacha \-
    devaanaamasurendraaNaamabhavachcha sudaaruNaH .
    sarveShaameva bhuutaanaa.n vinaashakaraNo mahaan .. 2..
    
    te devaaH shaktimushalaiH saayakairnataparvabhiH .
    prabhidyamaanaaH kuntaishcha dudruvurbhayavihvalaaH .. 3..
    
    paraajitaastadaa devaa devadeveshvara.n harim .
    praNemusta.n sureshaana.n shokasa.nvignamaanasaaH .. 4..
    
    taan samiixyaatha bhagavaandevadeveshvaro hariH .
    praNipatya sthitaandevaanida.n vachanamabraviit .. 5..
    
    vatsaaH kimiti vai devaashchyutaala~NkaaravikramaaH .
    samaagataaH sasaMtaapaa vaktumarhatha suvrataaH .. 6..
    
    tasya tadvachana.n shrutvaa tathaabhuutaaH surottamaaH .
    praNamyaahuryathaavR^itta.n devadevaaya viShNave .. 7..
    
    bhagavandevadevesha viShNo jiShNo janaardana .
    daanavaiH piiDitaaH sarve vaya.n sharaNamaagataaH .. 8..
    
    tvameva devadevesha gatirnaH puruShottama .
    tvameva paramaatmaa hi tva.n pitaa jagataamapi .. 9..
    
    tvameva bhartaa hartaa cha bhoktaa daataa janaardana .
    hantumarhasi tasmaattva.n daanavaandaanavaardana .. 10..
    
    daityaashcha vaiShNavairbraahmai raudrairyaamyaiH sudaaruNaiH .
    kauberaishchaiva saumyaishcha nairR^ityairvaaruNairdR^iDhaiH .. 11..
    
    vaayavyaishcha tathaagneyairaishaanairvaarShikaiH shubhaiH .
    saurai raudraistathaa bhiimaiH kampanairjR^imbhaNairdR^iDhaiH .. 12..
    
    avadhyaa varalaabhaatte sarve vaarijalochana .
    suuryamaNDalasambhuuta.n tvadiiya.n chakramudyatam .. 13..
    
    kuNThita.n hi dadhiichena chyaavanena jagadguro .
    daNDa.n shaar~Nga.n tavaastra.n cha labdha.n daityaiH prasaadataH ..14..
    
    puraa jalandhara.n hantu.n nirmita.n tripuraariNaa .
    rathaa~Nga.n sushita.n ghora.n tena taan hantumarhasi .. 15..
    
    tasmaattena nihantavyaa naanyaiH shastrashatairapi .
    tato nishamya teShaa.n vai vachana.n vaarijexaNaH .. 16..
    
    vaachaspatimukhaanaaha sa harishchakrabhR^itsvayam .
         shriiviShNuruvaacha \-
    bhobho devaa mahaadeva.n sarvairdevaiH sanaatanaiH .. 17..
    
    sampraapya saamprata.n sarva.n kariShyaami divaukasaam .
    devaa jalaMdhara.n hantu.n nirmita.n hi puraariNaa .. 18..
    
    labdhvaa rathaa~Nga.n tenaiva nihatya cha mahaasuraan .
    sarvaandhundhumukhaandaityaanaShTaShaShTishataansuraan .. 19..
    
    sabaandhavaanxaNaadeva yuShmaan saMtaarayaamyaham .
         suuta uvaacha \-
    evamuktvaa surashreShThaan surashreShThamanusmaran .. 20..
    
    surashreShThastadaa shreShTha.n puujayaamaasa sha~Nkaram .
    li~Nga.n sthaapya yathaanyaaya.n himavachChikhare shubhe .. 21..
    
    meruparvatasaMkaasha.n nirmita.n vishvakarmaNaa .
    tvaritaakhyena rudreNa raudreNa cha janaardanaH .. 22..
    
    snaapya sampuujya gandhaadyairjvaalaakaara.n manoramam .
    tuShTaava cha tadaa rudra.n sampuujyaagnau praNamya cha .. 23..
    
    deva.n naamnaa.n sahasreNa bhavaadyena yathaakramam .
    puujayaamaasa cha shiva.n praNavaadya.n namontakam .. 24..
    
    deva.n naamnaa.n sahasreNa bhavaadyena maheshvaram .
    pratinaama sapadmena puujayaamaasa sha~Nkaram .. 25..
    
    agnau cha naamabhirdeva.n bhavaadyaiH samidaadibhiH .
    svaahaantairvidhivaddhutvaa pratyekamayuta.n prabhum .. 26..
    
    tuShTaava cha punaH shambhu.n bhavaadyairbhavamiishvaram .
         shrii viShNuruvaacha \-
    bhavaH shivo haro rudraH puruShaH padmalochanaH .. 27..
    
    arthitavyaH sadaachaaraH sarvashambhurmaheshvaraH .
    iishvaraH sthaaNuriishaanaH sahasraaxaH sahasrapaat .. 28..
    
    variiyaan varado vandyaH sha~NkaraH parameshvaraH .
    ga~NgaadharaH shuuladharaH paraarthaikaprayojanaH .. 29..
    
    sarvaGYaH sarvadevaadigiridhanvaa jaTaadharaH .
    chandraapiiDashchandramaulirvidvaanvishvaamareshvaraH .. 30..
    
    vedaantasaarasandohaH kapaalii niilalohitaH .
    dhyaanaadhaaro.aparichChedyo gauriibhartaa gaNeshvaraH .. 31..
    
    aShTamuurtirvishvamuurtistrivargaH svargasaadhanaH .
    GYaanagamyo dR^iDhapraGYo devadevastrilochanaH .. 32..
    
    vaamadevo mahaadevaH paaNDuH paridR^iDho dR^iDhaH .
    vishvaruupo viruupaaxo vaagiishaH shuchirantaraH .. 33..
    
    sarvapraNayasa.nvaadiivR^iShaa~Nko vR^iShavaahanaH .
    iishaH pinaakii khaTvaa~Ngii chitraveShashchirantanaH .. 34..
    
    tamoharo mahaayogii goptaa brahmaa~NgahR^ijjaTii .
    kaalakaalaH kR^ittivaasaaH subhagaH praNavaatmakaH .. 35..
    
    unmattaveShashchaxuShyodurvaasaaH smarashaasanaH .
    dR^iDhaayudhaH skandaguruH parameShThii paraayaNaH .. 36..
    
    anaadimadhyanidhano girisho giribaandhavaH .
    kuberabandhuH shriikaNTho lokavarNottamottamaH .. 37..
    
    saamaanyadevaH kodaNDii niilakaNThaH parashvadhii .
    vishaalaaxo mR^igavyaadhaH sureshaH suuryataapanaH .. 38..
    
    dharmakarmaaxamaH xetra.n bhagavaan bhaganetrabhit .
    ugraH pashupatistaarxyapriyabhaktaH priya.nvadaH .. 39..
    
    daataa dayaakaro daxaH kapardii kaamashaasanaH .
    shmashaananilayaH suuxmaH shmashaanastho maheshvaraH .. 40..
    
    lokakartaa bhuutapatirmahaakartaa mahauShadhii .
    uttaro gopatirgoptaa GYaanagamyaH puraatanaH .. 41..
    
    niitiH suniitiH shuddhaatmaa somasomarataH sukhii .
    somapo.amR^itapaH somo mahaaniitirmahaamatiH .. 42..
    
    ajaatashatruraalokaH sambhaavyo havyavaahanaH .
    lokakaaro vedakaaraH suutrakaaraH sanaatanaH .. 43..
    
    maharShiH kapilaachaaryo vishvadiiptistrilochanaH .
    pinaakapaaNibhuudevaH svastidaH svastikR^itsadaa .. 44..
    
    tridhaamaa saubhagaH sharvaH sarvaGYaH sarvagocharaH .
    brahmadhR^igvishvasR^iksvargaH karNikaaraH priyaH kaviH .. 45..
    
    shaakho vishaakho goshaakhaH shivonaikaH kratuH samaH .
    ga~Ngaaplavodako bhaavaH sakalasthapatisthiraH .. 46..
    
    vijitaatmaa vidheyaatmaa bhuutavaahanasaarathiH .
    sagaNo gaNakaaryashcha sukiirtishChinnasa.nshayaH .. 47..
    
    kaamadevaH kaamapaalo bhasmoddhuulitavigraH .
    bhasmapriyo bhasmashaayii kaamii kaantaH kR^itaagamaH .. 48..
    
    samaayukto nivR^ittaatmaa dharmayuktaH sadaashivaH .
    chaturmukhashchaturbaahurduraavaaso duraasadaH .. 49..
    
    durgamo durlabho durgaH sarvaayudhavishaaradaH .
    adhyaatmayoganilayaH sutantustantuvardhanaH .. 50..
    
    shubhaa~Ngo lokasaara~Ngo jagadiisho.amR^itaashanaH .
    bhasmashuddhikaro merurojasvii shuddhavigrahaH .. 51..
    
    hiraNyaretaastaraNirmariichirmahimaalayaH .
    mahaahrado mahaagarbhaH siddhavR^indaaravanditaH .. 52..
    
    vyaaghracharmadharo vyaalii mahaabhuuto mahaanidhiH .
    amR^itaa~Ngo.amR^itavapuH pa~nchayaGYaH prabha~njanaH .. 53..
    
    pa~nchavi.nshatitattvaGYaH paarijaataH paraavaraH .
    sulabhaH suvrataH shuuro vaa~NmayaikanidhirnidhiH .. 54..
    
    varNaashramagururvarNii shatrujichChatrutaapanaH .
    aashramaH xapaNaH xaamo GYaanavaanachalaachalaH .. 55..
    
    pramaaNabhuuto durGYeyaH suparNo vaayuvaahanaH .
    dhanurdharo dhanurvedo guNaraashirguNaakaraH .. 56..
    
    anantadR^iShTiraanando daNDo damayitaa damaH .
    abhivaadyo mahaachaaryo vishvakarmaa vishaaradaH .. 57..
    
    viitaraago viniitaatmaa tapasvii bhuutabhaavanaH .
    unmattaveShaH prachChanno jitakaamo jitapriyaH .. 58..
    
    kalyaaNaprakR^itiH kalpaH sarvalokaprajaapatiH .
    tapasvii taarako dhiimaan pradhaanaprabhuravyayaH .. 59..
    
    lokapaalo.antarhitaatmaa kalyaadiH kamalexaNaH .
    vedashaastraarthatattvaGYo niyamo niyamaashrayaH .. 60..
    
    chandraH suuryaH shaniH keturviraamo vidrumachChaviH .
    bhaktigamyaH para.n brahma mR^igabaaNaarpaNo.anaghaH .. 61..
    
    adriraajaalayaH kaantaH paramaatmaa jagadguruH .
    sarvakarmaachalastvaShTaa maa~Ngalyo ma~NgalaavR^itaH .. 62..
    
    mahaatapaa diirghatapaaH sthaviShThaH sthaviro dhruvaH .
    ahaH sa.nvatsaro vyaaptiH pramaaNa.n parama.n tapaH .. 63..
    
    sa.nvatsarakaro mantraH pratyayaH sarvadarshanaH .
    ajaH sarveshvaraH snigdho mahaaretaa mahaabalaH .. 64..
    
    yogii yogyo mahaaretaaH siddhaH sarvaadiragnidaH .
    vasurvasumanaaH satyaH sarvapaapaharo haraH .. 65..
    
    amR^itaH shaashvataH shaanto baaNahastaH prataapavaan .
    kamaNDaludharo dhanvii vedaa~Ngo vedavinmuniH .. 66..
    
    bhraajiShNurbhojana.n bhoktaa lokanetaa duraadharaH .
    atiindriyo mahaamaayaH sarvaavaasashchatuShpathaH .. 67..
    
    kaalayogii mahaanaado mahotsaaho mahaabalaH .
    mahaabuddhirmahaaviiryo bhuutachaarii purandaraH .. 68..
    
    nishaacharaH pretachaarii mahaashaktirmahaadyutiH .
    anirdeshyavapuH shriimaansarvahaaryamito gatiH .. 69..
    
    bahushruto bahumayo niyataatmaa bhavodbhavaH .
    ojastejo dyutikaro nartakaH sarvakaamakaH .. 70..
    
    nR^ityapriyo nR^ityanR^ityaH prakaashaatmaa prataapanaH .
    buddhaH spaShTaaxaro mantraH sanmaanaH saarasamplavaH .. 71..
    
    yugaadikR^idyugaavarto gambhiiro vR^iShavaahanaH .
    iShTo vishiShTaH shiShTeShTaH sharabhaH sharabho dhanuH .. 72..
    
    apaaMnidhiradhiShThaana.n vijayo jayakaalavit .
    pratiShThitaH pramaaNaGYo hiraNyakavacho hariH .. 73..
    
    virochanaH suragaNo vidyesho vibudhaashrayaH .
    baalaruupo balonmaathii vivarto gahano guruH .. 74..
    
    karaNa.n kaaraNa.n kartaa sarvabandhavimochanaH .
    vidvattamo viitabhayo vishvabhartaa nishaakaraH .. 75..
    
    vyavasaayo vyavasthaanaH sthaanado jagadaadijaH .
    dundubho lalito vishvo bhavaatmaatmanisa.nsthitaH .. 76..
    
    viireshvaro viirabhadro viirahaa viirabhR^idviraaT .
    viirachuuDaamaNirvettaa tiivranaado nadiidharaH .. 77..
    
    aaGYaadhaarastrishuulii cha shipiviShTaH shivaalayaH .
    vaalakhilyo mahaachaapastigmaa.nshurnidhiravyayaH .. 78..
    
    abhiraamaH susharaNaH subrahmaNyaH sudhaapatiH .
    maghavaankaushiko gomaan vishraamaH sarvashaasanaH .. 79..
    
    lalaaTaaxo vishvadehaH saaraH sa.nsaarachakrabhR^it .
    amoghadaNDii madhyastho hiraNyo brahmavarchasii .. 80..
    
    paramaarthaH paramayaH shambaro vyaaghrako.analaH .
    ruchirvararuchirvandyo vaachaspatiraharpatiH .. 81..
    
    ravirvirochanaH skandhaH shaastaa vaivasvato janaH .
    yuktirunnatakiirtishcha shaantaraagaH paraajayaH .. 82..
    
    kailaasapatikaamaariH savitaa ravilochanaH .
    vidvattamo viitabhayo vishvahartaa.anivaaritaH .. 83..
    
    nityo niyatakalyaaNaH puNyashravaNakiirtanaH .
    duurashravaa vishvasaho dhyeyo duHsvapnanaashanaH .. 84..
    
    uttaarako duShkR^itihaa durdharSho duHsaho.abhayaH .
    anaadirbhuurbhuvo laxmiiH kiriiTitridashaadhipaH .. 85..
    
    vishvagoptaa vishvabhartaa sudhiiro ruchiraa~NgadaH .
    janano janajanmaadiH priitimaanniitimaannayaH .. 86..
    
    vishiShTaH kaashyapo bhaanurbhiimo bhiimaparaakramaH .
    praNavaH saptadhaachaaro mahaakaayo mahaadhanuH .. 87..
    
    janmaadhipo mahaadevaH sakalaagamapaaragaH .
    tattvaatattvavivekaatmaa vibhuuShNurbhuutibhuuShaNaH .. 88..
    
    R^iShirbraahmaNavijjiShNurjanmamR^ityujaraatigaH .
    yaGYo yaGYapatiryajvaa yaGYaanto.amoghavikramaH .. 89..
    
    mahendro durbharaH senii yaGYaa~Ngo yaGYavaahanaH .
    pa~nchabrahmasamutpattirvishvesho vimalodayaH .. 90..
    
    aatmayoniranaadyanto ShaDvi.nshatsaptalokadhR^ik .
    gaayatriivallabhaH praa.nshurvishvaavaasaH prabhaakaraH .. 91..
    
    shishurgirirataH samraaT suSheNaH surashatruhaa .
    amogho.ariShTamathano mukundo vigatajvaraH .. 92..
    
    svayaMjyotiranujyotiraatmajyotiracha~nchalaH .
    pi~NgalaH kapilashmashruH shaastranetrastrayiitanuH .. 93..
    
    GYaanaskandho mahaaGYaanii nirutpattirupaplavaH .
    bhago vivasvaanaadityo yogaachaaryo bR^ihaspatiH .. 94..
    
    udaarakiirtirudyogii sadyogiisadasanmayaH .
    naxatramaalii raakeshaH saadhiShThaanaH ShaDaashrayaH .. 95..
    
    pavitrapaaNiH paapaarirmaNipuuro manogatiH .
    hR^itpuNDariikamaasiinaH shuklaH shaanto vR^iShaakapiH .. 96..
    
    viShNurgrahapatiH kR^iShNaH samartho.anarthanaashanaH .
    adharmashatruraxayyaH puruhuutaH puruShTutaH .. 97..
    
    brahmagarbho bR^ihadgarbho dharmadhenurdhanaagamaH .
    jagaddhitaiShisugataH kumaaraH kushalaagamaH .. 98..
    
    hiraNyavarNo jyotiShmaannaanaabhuutadharo dhvaniH .
    arogo niyamaadhyaxo vishvaamitro dvijottamaH .. 99..
    
    bR^ihajyotiH sudhaamaa cha mahaajyotiranuttamaH .
    maataamaho maatarishvaa nabhasvaannaagahaaradhR^ik .. 100..
    
    pulastyaH pulaho.agastyo jaatuukarNyaH paraasharaH .
    niraavaraNadharmaGYo viri~ncho viShTarashravaaH .. 101..
    
    aatmabhuuraniruddho.atri GYaanamuurtirmahaayashaaH .
    lokachuuDaamaNirviirashchaNDasatyaparaakramaH .. 102..
    
    vyaalakalpo mahaakalpo mahaavR^ixaH kalaadharaH .
    alaMkariShNustvachalo rochiShNurvikramottamaH .. 103..
    
    aashushabdapatirvegii plavanaH shikhisaarathiH .
    asa.nsR^iShTo.atithiH shakraH pramaathii paapanaashanaH .. 104..
    
    vasushravaaH kavyavaahaH pratapto vishvabhojanaH .
    jaryo jaraadhishamano lohitashcha tanuunapaat .. 105..
    
    pR^iShadashvo nabhoyoniH supratiikastamisrahaa .
    nidaaghastapano meghaH paxaH parapura~njayaH .. 106..
    
    mukhaanilaH suniShpannaH surabhiH shishiraatmakaH .
    vasanto maadhavo griiShmo nabhasyo biijavaahanaH .. 107..
    
    a~Ngiraamuniraatreyo vimalo vishvavaahanaH .
    paavanaH purujichChakrastrividyo naravaahanaH .. 108..
    
    mano buddhirahaMkaaraH xetraGYaH xetrapaalakaH .
    tejonidhirGYaananidhirvipaako vighnakaarakaH .. 109..
    
    adharo.anuttaroGYeyo jyeShTho niHshreyasaalayaH .
    shailo nagastanurdoho daanavaarirarindamaH .. 110..
    
    chaarudhiirjanakashchaaru vishalyo lokashalyakR^it .
    chaturvedashchaturbhaavashchaturashchaturapriyaH .. 111..
    
    aamnaayo.atha samaamnaayastiirthadevashivaalayaH .
    bahuruupo mahaaruupaH sarvaruupashcharaacharaH .. 112..
    
    nyaayanirvaahako nyaayo nyaayagamyo nira~njanaH .
    sahasramuurdhaa devendraH sarvashastraprabha~njanaH .. 113..
    
    muNDo viruupo vikR^ito daNDii daanto guNottamaH .
    pi~Ngalaaxo.atha haryaxo niilagriivo niraamayaH .. 114..
    
    sahasrabaahuH sarveshaH sharaNyaH sarvalokabhR^it .
    padmaasanaH paraMjyotiH paraavaraphalapradaH .. 115..
    
    padmagarbho mahaagarbho vishvagarbho vichaxaNaH .
    paraavaraGYo biijeshaH sumukhaH sumahaasvanaH .. 116..
    
    devaasuragururdevo devaasuranamaskR^itaH .
    devaasuramahaamaatro devaasuramahaashrayaH .. 117..
    
    devaadidevo devarShirdevaasuravarapradaH .
    devaasureshvaro divyo devaasuramaheshvaraH .. 118..
    
    sarvadevamayo.achintyo devataatmaatmasambhavaH .
    iiDyo.aniishaH suravyaaghro devasi.nho divaakaraH .. 119..
    
    vibudhaagravarashreShThaH sarvadevottamottamaH .
    shivaGYaanarataH shriimaan shikhishriiparvatapriyaH .. 120..
    
    jayastambho vishiShTambho narasi.nhanipaatanaH .
    brahmachaarii lokachaarii dharmachaarii dhanaadhipaH .. 121..
    
    nandii nandiishvaro nagno nagnavratadharaH shuchiH .
    li~NgaadhyaxaH suraadhyaxo yugaadhyaxo yugaavahaH .. 122..
    
    svavashaH savashaH svargaH svaraH svaramayaH svanaH .
    biijaadhyaxo biijakartaa dhanakR^iddharmavardhanaH .. 123..
    
    dambho.adambho mahaadambhaH sarvabhuutamaheshvaraH .
    shmashaananilayastiShyaH seturapratimaakR^itiH .. 124..
    
    lokottarasphuTaalokastryambako naagabhuuShaNaH .
    andhakaarirmakhadveShii viShNukandharapaatanaH .. 125..
    
    viitadoSho.axayaguNo daxaariH puuShadantahR^it .
    dhuurjaTiH khaNDaparashuH sakalo niShkalo.anaghaH .. 126..
    
    aadhaaraH sakalaadhaaraH paaNDuraabho mR^iDo naTaH .
    puurNaH puurayitaa puNyaH sukumaaraH sulochanaH .. 127..
    
    saamageyaH priyakaraH puNyakiirtiranaamayaH .
    manojavastiirthakaro jaTilo jiiviteshvaraH .. 128..
    
    jiivitaantakaro nityo vasuretaa vasupriyaH .
    sadgatiH satkR^itiH saktaH kaalakaNThaH kalaadharaH .. 129..
    
    maanii maanyo mahaakaalaH sadbhuutiH satparaayaNaH .
    chandrasa~njiivanaH shaastaa lokaguuDho.amaraadhipaH .. 130..
    
    lokabandhurlokanaathaH kR^itaGYaH kR^itibhuuShaNaH .
    anapaayyaxaraH kaantaH sarvashaastrabhR^itaa.n varaH .. 131..
    
    tejomayo dyutidharo lokamaayo.agraNiiraNuH .
    shuchismitaH prasannaatmaa durjayo duratikramaH .. 132..
    
    jyotirmayo niraakaaro jagannaatho jaleshvaraH .
    tumbaviiNii mahaakaayo vishokaH shokanaashanaH .. 133..
    
    trilokaatmaa trilokeshaH shuddhaH shuddhirathaaxajaH .
    avyaktalaxaNo.avyakto vyaktaavyakto vishaampatiH .. 134..
    
    varashiilo varatulo maano maanadhano mayaH .
    brahmaa viShNuH prajaapaalo ha.nso ha.nsagatiryamaH .. 135..
    
    vedhaa dhaataa vidhaataa cha attaa hartaa chaturmukhaH .
    kailaasashikharaavaasii sarvaavaasii sataa.n gatiH .. 136..
    
    hiraNyagarbho hariNaH puruShaH puurvajaH pitaa .
    bhuutaalayo bhuutapatirbhuutido bhuvaneshvaraH .. 137..
    
    sa.nyogii yogavidbrahmaa brahmaNyo braahmaNapriyaH .
    devapriyo devanaatho devaGYo devachintakaH .. 138..
    
    viShamaaxaH kalaadhyaxo vR^iShaa~Nko vR^iShavardhanaH .
    nirmado nirahaMkaaro nirmoho nirupadravaH .. 139..
    
    darpahaa darpito dR^iptaH sarvartuparivartakaH .
    saptajihvaH sahasraarchiH snigdhaH prakR^itidaxiNaH .. 140..
    
    bhuutabhavyabhavannaathaH prabhavo bhraantinaashanaH .
    artho.anartho mahaakoshaH parakaaryaikapaNDitaH .. 141..
    
    niShkaNTakaH kR^itaanando nirvyaajo vyaajamardanaH .
    sattvavaansaattvikaH satyakiirtistambhakR^itaagamaH .. 142..
    
    akampito guNagraahii naikaatmaa naikakarmakR^it .
    supriitaH sumukhaH suuxmaH sukaro daxiNo.analaH .. 143..
    
    skandhaH skandhadharo dhuryaH prakaTaH priitivardhanaH .
    aparaajitaH sarvasaho vidagdhaH sarvavaahanaH .. 144..
    
    adhR^itaH svadhR^itaH saadhyaH puurtamuurtiryashodharaH .
    varaahashR^i~NgadhR^igvaayurbalavaanekanaayakaH .. 145..
    
    shrutiprakaashaH shrutimaanekabandhuranekadhR^ik .
    shriivallabhashivaarambhaH shaantabhadraH sama~njasaH .. 146..
    
    bhuushayo bhuutikR^idbhuutirbhuuShaNo bhuutavaahanaH .
    akaayo bhaktakaayasthaH kaalaGYaanii kalaavapuH .. 147..
    
    satyavratamahaatyaagii niShThaashaantiparaayaNaH .
    paraarthavR^ittirvarado viviktaH shrutisaagaraH .. 148..
    
    anirviNNo guNagraahii kala~Nkaa~NkaH kala~Nkahaa .
    svabhaavarudro madhyasthaH shatrughno madhyanaashakaH .. 149..
    
    shikhaNDii kavachii shuulii chaNDii muNDii cha kuNDalii .
    mekhalii kavachii khaDgii maayii sa.nsaarasaarathiH .. 150..
    
    amR^ityuH sarvadR^ik si.nhastejoraashirmahaamaNiH .
    asaMkhyeyo.aprameyaatmaa viiryavaankaaryakovidaH .. 151..
    
    vedyo vedaarthavidgoptaa sarvaachaaro muniishvaraH .
    anuttamo duraadharSho madhuraH priyadarshanaH .. 152..
    
    sureshaH sharaNa.n sarvaH shabdabrahmasataa.n gatiH .
    kaalabhaxaH kala~NkaariH ka~NkaNiikR^itavaasukiH .. 153..
    
    maheShvaaso mahiibhartaa niShkala~Nko vishR^i~NkhalaH .
    dyumaNistaraNirdhanyaH siddhidaH siddhisaadhanaH .. 154..
    
    nivR^ittaH sa.nvR^itaH shilpo vyuuDhorasko mahaabhujaH .
    ekajyotirniraata~Nko naro naaraayaNapriyaH .. 155..
    
    nirlepo niShprapa~nchaatmaa nirvyagro vyagranaashanaH .
    stavyastavapriyaH stotaa vyaasamuurtiranaakulaH .. 156..
    
    niravadyapadopaayo vidyaaraashiravikramaH .
    prashaantabuddhiraxudraH xudrahaa nityasundaraH .. 157..
    
    dhairyaagryadhuryo dhaatriishaH shaakalyaH sharvariipatiH .
    paramaarthagururdR^iShTirgururaashritavatsalaH .. 158..
    
    raso rasaGYaH sarvaGYaH sarvasattvaavalambanaH .
         suuta uvaacha \-
    eva.n naamnaa.n sahasreNa tuShTaava vR^iShabhadhvajam .. 159..
    
    snaapayaamaasa cha vibhuH puujayaamaasa pa~NkajaiH .
    pariixaartha.n hareH puujaakamaleShu maheshvaraH .. 160..
    
    gopayaamaasakamala.n tadaika.n bhuvaneshvaraH .
    hR^itapuShpo haristatra kimida.n tvabhyachintayan .. 161..
    
    GYaatvaa svanetramuddhR^itya sarvasattvaavalambanam .
    puujayaamaasa bhaavena naamnaa tena jagadgurum .. 162..
    
    tatastatra vibhurdR^iShTvaa tathaabhuuta.n haro harim .
    tasmaadavatataaraashu maNDalaatpaavakasya cha .. 163..
    
    koTibhaaskarasaMkaasha.n jaTaamukuTamaNDitam .
    jvaalaamaalaavR^ita.n divya.n tiixNada.nShTra.n bhaya~Nkaram .. 164..
    
    shuulaTa~Nkagadaachakrakuntapaashadhara.n haram .
    varadaabhayahasta.n cha diipicharmottariiyakam .. 165..
    
    itthambhuuta.n tadaa dR^iShTvaa bhava.n bhasmavibhuuShitam .
    hR^iShTo namashchakaaraashu devadeva.n janaardanaH .. 166..
    
    dudruvusta.n parikramya sendraa devaastrilochanam .
    chachaala brahmabhuvana.n chakampe cha vasundharaa .. 167..
    
    dadaaha tejastachChambhoH praanta.n vai shatayojanam .
    adhastaachchordhvatashchaiva haahetyakR^ita bhuutale .. 168..
    
    tadaa praaha mahaadevaH prahasanniva sha~NkaraH .
    samprexya praNayaadviShNu.n kR^itaa~njalipuTa.n sthitam .. 169..
    
    GYaata.n mayedamadhunaa devakaarya.n janaardana .
    sudarshanaakhya.n chakra.n cha dadaami tava shobhanam .. 170..
    
    yadruupa.n bhavataa dR^iShTa.n sarvalokabhaya~Nkaram .
    hitaaya tava yatnena tava bhaavaaya suvrata .. 171..
    
    shaanta.n raNaajire viShNo devaanaa.n duHkhasaadhanam .
    shaantasya chaastra.n shaanta.n syaachChaantenaastreNa ki.n phalam ..172..
    
    shaantasya samare chaastra.n shaantireva tapasvinaam .
    yoddhuH shaantyaa balachChedaH parasya balavR^iddhidaH .. 173..
    
    devairashaantairyadruupa.n madiiya.n bhaavayaavyayam .
    kimaayudhena kaarya.n vai yoddhu.n devaarisuudana .. 174..
    
    xamaa yudhi na kaarya.n vai yoddhu.n devaarisuudana .
    anaagate vyatiite cha daurbalye svajanotkare .. 175..
    
    akaalike tvadharme cha anarthevaarisuudana .
    evamuktvaa dadau chakra.n suuryaayutasamaprabham .. 176..
    
    netra.n cha netaa jagataa.n prabhurvai padmasannibham .
    tadaaprabhR^iti ta.n praahuH padmaaxamiti suvratam .. 177..
    
    dattvaina.n nayana.n chakra.n viShNave niilalohitaH .
    pasparsha cha karaabhyaa.n vai sushubhaabhyaamuvaacha ha .. 178..
    
    varadoha.n varashreShTha varaanvaraya chepsitaan .
    bhaktyaa vashiikR^ito nuuna.n tvayaaha.n puruShottama .. 179..
    
    ityukto devadevena devadeva.n praNamya tam .
    tvayi bhaktirmahaadeva prasiida varamuttamam .. 180..
    
    naanyamichChaami bhaktaanaamaartayo naasti yatprabho .
    tachChrutvaa vachana.n tasya dayaavaan sutaraa.n bhavaH .. 181..
    
    pasparsha cha dadau tasmai shraddhaa.n shiitaa.nshubhuuShaNaH .
    praaha chaiva.n mahaadevaH paramaatmaanamachyutam .. 182..
    
    mayi bhaktashcha vandyashcha puujyashchaiva suraasuraiH .
    bhaviShyati na saMdeho matprasaadaatsurottama .. 183..
    
    yadaa satii daxaputrii vinindyeva sulochanaa .
    maatara.n pitara.n daxa.n bhaviShyati sureshvarii .. 184..
    
    divyaa haimavatii viShNo tadaa tvamapi suvrata .
    bhaginii.n tava kalyaaNii.n devii.n haimavatiimumaam .. 185..
    
    niyogaadbrahmaNaH saadhvii.n pradaasyasi mamaiva taam .
    matsambandhii cha lokaanaa.n madhye puujyo bhaviShyasi .. 186..
    
    maa.n divyena cha bhaavena tadaa prabhR^iti sha~Nkaram .
    draxyase cha prasannena mitrabhuutamivaatmanaa .. 187..
    
    ityuktvaantardadhe rudro bhagavaanniilalohitaH .
    janaardanopi bhagavaandevaanaamapi sannidhau .. 188..
    
    ayaachata mahaadeva.n brahmaaNa.n munibhiH samam .
    mayaa prokta.n stava.n divya.n padmayone sushobhanam .. 189..
    
    yaH paThechChR^iNuyaadvaapi shraavayedvaa dvijottamaan .
    pratinaamni hiraNyasya dattasya phalamaapnuyaat .. 190..
    
    ashvamedhasahasreNa phala.n bhavati tasya vai .
    ghR^itaadyaiH snaapayedrudra.n sthaalyaa vai kalashaiH shubhaiH ..191..
    
    naamnaa.n sahasreNaanena shraddhayaa shivamiishvaram .
    sopi yaGYasahasrasya phala.n labdhvaa sureshvaraiH .. 192..
    
    puujyo bhavati rudrasya priitirbhavati tasya vai .
    tathaastviti tathaa praaha padmayonerjanaardanam .. 193..
    
    jagmatuH praNipatyaina.n devadeva.n jagadgurum .
    tasmaannaamnaa.n sahasreNa puujayedanagho dvijaaH .. 194..
    
    japeennaamnaa.n sahasra.n cha sa yaati paramaa.n gatim .. 195..
    
    .. iti shriili~NgamahaapuraaNe puurvabhaage sahasranaamabhiH
    puujanaadviShNuchakralaabho naamaaShTanavatitamodhyaayaH ..
    

    Back to Sanskrit Scriptures and Stotras Page
    Back to stotras in many languages
    Back to Shaivam Home Page