Home > Scriptures & Stotras

This Page is courtesy of Sanskrit Documents List.
Please send your corrections

Sanskrit PDF format

 
jaya deva jagannAtha jaya sha~Nkara shAshvata |
jaya sarvasurAdhyakSha jaya sarvasurArchita || 1||

jaya sarvaguNAtIta jaya sarvavaraprada |
jaya nitya nirAdhAra jaya vishvambharAvyaya || 2||

jaya vishvaikavandyesha jaya nAgendrabhUShaNa |
jaya gaurIpate shambho jaya chandrArdhashekhara || 3||

jaya koTyarkasa~NkAsha jayAnantaguNAshraya |
jaya bhadra virUpAkSha jayAchintya nira~n{}jana || 4||

jaya nAtha kR^ipAsindho jaya bhak{}tArtibha~n{}jana |
jaya dustarasa.nsArasAgarottAraNa prabho || 5||

prasIda me mahAdeva sa.nsArArtasya khidyataH |
sarvapApakShayaM kR^itvA rakSha mAM parameshvara || 6||

mahAdAridryamagnasya mahApApahatasya cha |
mahAshokaniviShTasya mahArogAturasya cha || 7||

R^iNabhAraparItasya dahyamAnasya karmabhiH |
grahaiH prapIDyamAnasya prasIda mama sha~Nkara || 8||

daridraH prArthayeddevaM pradoShe girijApatim |
arthADhyo vA.atha rAjA vA prArthayeddevamIshvaram || 9||

dIrghamAyuH sadArogyaM koshavR^iddhirbalonnatiH |
mamAstu nityamAnandaH prasAdAttava sha~Nkara || 10||

shatravaH sa.nkShayaM yAntu prasIdantu mama prajAH |
nashyantu dasyavo rAShTre janAH santu nirApadaH || 11||

durbhikShamarisantApAH shamaM yAntu mahItale |
sarvasasyasamR^iddhishcha bhUyAtsukhamayA dishaH || 12||

evamArAdhayeddevaM pUjAnte girijApatim |
brAhmaNAnbhojayet pashchAddakShiNAbhishcha pUjayet || 13||

sarvapApakShayakarI sarvaroganivAraNI |
shivapUjA mayA.a.akhyAtA sarvAbhIShTaphalapradA || 14||

|| iti pradoShastotraM sampUrNam ||

Back to Sanskrit Scriptures and Stotras Page
Back to stotras in many languages
Back to Shaiva Sidhdhantha Home Page
Back to Shaivam Home Page