Home > Scriptures & Stotras

This Page is courtesy of Sanskrit Documents List.
Please send your corrections

payo\-nadItIra nivAsali~Nga.n bAlArka\-koTi pratima.n trinetram |
padmAsanenArchita divyali~Nga.n vandAmahe mArgasahAyali~Ngam || 1||

ga~NgAtara~NgollasaduttamA~Nga.n gajendra\-charmA.nbara bhUShitA~Ngam |
gaurI\-mukhA.nbhoja\-vilola\-bhR^i~Nga.n vandAmahe mArgasahAyali~Ngam || 2||

suka~NkaNIbhUta mahAbhuja~Nga.n sa.nj~nAna\-sa.npUrNa\-nijAntara~Ngam |
sUryendu\-bi.nbAnala\-bhUShitA~Nga.n vandAmahe mArgasahAyali~Ngam || 3||

bhaktapriya.n bhAvavilolabhR^i~Nga.n bhaktAnukUlAmala bhUShitA~Ngam |
bhAvaika\-lokyAntaramAdili~Nga.n vandAmahe mArgasahAyali~Ngam || 4||

sAmapriya.n saumya maheshali~Nga.n sAmaprada.n saumya\-kaTAxali~Ngam |
vAmA~Nga\-saundarya\-vilolitA~Nga.n vandAmahe mArgasahAyali~Ngam || 5||

pa~nchAxarI\-bhUta\-sahasrali~Nga.n pa~nchAmR^itasnAna\-parAyaNA~Ngam |
pa~nchAmR^itA.nbhoja\-vilola\-bhR^i~Nga.n vandAmahe mArgasahAyali~Ngam || 6||

vande surArAdhita\-pAdapadma.n shrIshyAmavallI\-ramaNa.n mahesham |
vande mahAmeru\-sharAsana.n shiva.n vandA sadA mArgasahAyali~Ngam || 7||

    || iti  shrI mArgasahAyali~Nga stutiH sa.npUrNA ||
                   || OM tatsat ||

Back to Sanskrit Scriptures and Stotras Page
Back to stotras in many languages
Back to Shaivam Home Pag