திருப்பறியலூர் ([கீழப்] பரசலூர்)

இறைவர் திருப்பெயர்		: வீரட்டேஸ்வரர், தக்ஷபுரீஸ்வரர்.
இறைவியார் திருப்பெயர்		: இளங் கொம்பனையாள்.
தல மரம்			: வில்வம்.  (பலா என்றும் சொல்லப்படுகிறது.)
தீர்த்தம்				: உத்திரவேதி தீர்த்தம்.
வழிபட்டோர்			: 
தேவாரப் பாடல்கள்		: சம்பந்தர்.

தல வரலாறு

மக்கள் வழக்கில் கீழப் பரசலூர் என்று வழங்குகின்றது.
தேவர்களுக்கு ஏற்பட்ட பாவத்தைத் தண்டனை மூலம் பறித்ததால் 'பறியலூர் ' என்றும்; தக்கன் யாகம் செய்த தலமாதலின் தக்ஷபுரம் என்றும் இஃது வழங்கலாயிற்று.
வீரபத்திரரை ஏவித் தக்கனைத் சம்ஹரித்த தலம்.

சிறப்புக்கள்

அட்ட வீரட்டத் தலங்களுள் ஒன்று.
கருவறைச் சுவரில் தக்கன் சிவலிங்கத்தைப் பூசிக்கும் சிற்பம் உள்ளது.
மூலவர் பெரிய திருமேனி - சுயம்பு மூர்த்தி - சதுர ஆவுடையார்; கோமுகம் மாறி உள்ளது.
இக்கோயிலில் நவக்கிரகங்கள் ஒன்பதும் இல்லை. சூரியன் மட்டுமே உள்ளார்.
இங்கு அர்த்தசாம வழிபாடு பைரவருக்கு நடத்தப்படுகிறது.
சுந்தரபாண்டியன் ஆட்சிக் காலக் கல்வெட்டில் இத்தலம் "ஜயங்கொண்ட சோழவளநாட்டு வீழைநாட்டு ராஜ நாராயண சதுர்வேதி மங்கலமான பறியலூர் " என்றும்; இறைவன் "திருவீரட்டான முடையார்", "தக்ஷேஸ்வரமுடையார்" என்றும் குறிக்கப்பட்டுள்ளது.
திருவாவடுதுறை ஆதீன குருமகா சந்நிதானம் ஸ்ரீலஸ்ரீ வேலப்ப தேசிக சுவாமிகள் அருளிச் செய்த தலபுராணம் உள்ளது.

அமைவிடம்

மாநிலம் : தமிழ் நாடு
மயிலாடுதுறை - தரங்கம்பாடி பாதையில் 'செம்பொன்னார் கோயிலை' அடைந்து, அவ்வூர் மெயின் ரோட்டில் 'நல்லாடை' என்று கைகாட்டி காட்டும் பாதையில் (வலப்புறமாக) சிறிது தூரம் சென்று, 'பரசலூர் ' சாலையில் திரும்பி 2 கி. மீ. செல்லவேண்டும். (இப்பாதை குறுகலான ஒருவழிப் பாதை)

< PREV <
காவிரி தென்கரை 40வது தலம்
திருவிளநகர் Table of Contents > NEXT >
காவிரி தென்கரை 42வது தலம்
திருச்செம்பொன்பள்ளி