Home > Temples of India > pADal peRRa sthalam

இறைவர் திருப்பெயர்		: சத்தியவிரதேஸ்வரர், சத்தியநாதேஸ்வரர்.
இறைவியார் திருப்பெயர்		: (இத்தலத்திற்குரிய உற்சவ அம்பாளாக) பிரமராம்பிகை.
தல மரம்			: காரைச்செடி.
தீர்த்தம்				: இந்திர தீர்த்தம்.
வழிபட்டோர்			: இந்திரன், புதன் முதலியோர்.
தேவாரப் பாடல்கள்		: சம்பந்தர்.

தல வரலாறு

• இக்கோயில் ஊருக்குச் சற்றுத் தள்ளி 'திருக்காலிமேடு' என்ற பகுதில் உள்ளது.

• ஒரு காலத்தில் இப்பகுதியே காஞ்சிக்கு வரும் வழியாக அமைந்திருந்ததாலும், இப்பகுதி காரை(முட்) செடிகள் நிரம்பியிருந்ததாலும் கச்சிநெறிக், "காரைக்காடு" என்று பெயர் பெற்றது.
• இறைவன் - சத்தியவிரதேஸ்வரர்; இப்பெயரையொட்டியே காஞ்சிக்கு 'சத்தியவிரதக்ஷேத்திரம்' என்ற பெயருண்டாயிற்று.
• இப்பகுதியில் வேப்பமரங்கள் அடர்ந்திருந்தமையால் இங்குள்ள தீர்த்தம் மக்களால் வேப்பங்குளம் என்றழைக்கப்படுகிறது. இப்பெயரில் உள்ள "பெரிய வேப்பங்குளம் என்பதே பண்டைய இந்திர தீர்த்தமாகும்."

சிறப்புக்கள்

• இந்திரன் வழிபட்டதால் இப்பகுதிக்கு இந்திரபுரி என்றும் பெயர் வழங்குகிறது.
• மூலவர் சுயம்பு மூர்த்தி; சற்று உயர்ந்த பாணம் - லேசான செம்மண் நிறத்தில் காட்சியளிக்கிறது.
• இக்கோயில் (சம்பந்தர்) பாடல் பெற்ற தலமாகும்.

• சந்திரனுக்கும் தாரைக்கும் பிறந்த புதன் இங்கு வந்து வழிபட்டுக் கிரக நிலையைப் பெற்றான். இதன்காரணமாகவே புதன்கிழமையில் இத்தலத்தில் நீராடிவழிபடுதல் சிறப்புடையதாக சொல்லப்படுகிறது.

• இக்கோயில் காஞ்சிப் புராணத்தில் குறிக்கப்பட்டுள்ளது.

அமைவிடம்

மாநிலம் : தமிழ் நாடு
ரயில்வே ரோடில் உள்ள தலைமை அஞ்சல் நிலையத்திற்கு எதிரில் திருக்காலிமேட்டிற்குச் செல்லும் பாதையில் சென்று இக்கோயிலை அடையலாம். பேருந்து வசதி உள்ளது.

பாடல்பெற்றத் தலங்களைத் தொடர்ந்து செல்ல : -

< PREV < தொண்டை நாட்டு 4வது தலம் திருக்கச்சிஅனேகதங்காவதம்

Table of Contents

> NEXT > தொண்டை நாட்டு 6வது தலம் திருக்குரங்கணில்முட்டம்

காஞ்சித் தலங்களைத் தொடர்ந்து செல்ல : -

Table of Contents

> NEXT > புண்ணியகோடீசம்

• Back to pADal peRRa thalangaL page
• Back to Sthala puraaNam page
• Back to Saiva Sidhdhantha Home Page