திருச்சாய்க்காடு (சாயாவனம்)

இறைவர் திருப்பெயர்	: சாயாவனேஸ்வரர், அமுதேஸ்வரர்
இறைவியார் திருப்பெயர்	: குயிலினும் நன்மொழியம்மை
தல மரம்		: பைஞ்சாய் (சாய்-கோரை)
தீர்த்தம்			: காவிரி, ஐராவத தீர்த்தம்
வழிபட்டோர்		: உபமன்யு முனிவர், இந்திரன், ஐராவதம், இந்திரனின் தாயார், 
			  ஆதிசேடன்
தேவாரப் பாடல்கள்	: 1. சம்பந்தர் 1. நித்தலுந்நியமஞ்செய்துநீர், 
				      2.மண்புகார் வான்புகார், 

			  2. அப்பர் 1. தோடுலா மலர்கள் தூவி, 
				    2. வானத் திளமதியும்பாம்புந் 

			  3. ஐயடிகள் காடவர்கோன் அஞ்சனஞ்சேர் கண்ணார் 15-வது பாடல்
thirucaykkadu temple

தல வரலாறு

  • பைஞ்சாய் எனும் கோரைப்புற் காடாக இருந்ததால், இத்தலம் இப்பெயர் பெய்ற்றது.

  • ஆதிசேடனது நாகமணி ஒளி வீசியதாலும் (இதனை சாய் - ஒளி என்பர்.) இப்பெயர் பெற்றது.

  • இயற்பகை நாயனார் வழிபட்டு முத்திப் பெற்றத் தலம். இயற்பகை நாயனாரின் திருவுருவச் சிலை திருக்கோயில் வளாகத்தில் உள்ளது.

  • இந்திரன் தாயார் தினமும் இத்தலத்தைப் பூஜித்து வந்தனர். அவரது துயர் நீக்க, இந்திரன் இத்திருமேனியைத் தேவலோகம் கொண்டுபோக எண்ணித் தோண்ட, இச்சிவலிங்கமோ, பாதாளம் வரை சென்றிருந்தமையால், அவரை மீண்டும் அங்கேயே எழுந்தருளச் செய்தான். அவ்வடு இன்றும் உள்ளது.

சிறப்புக்கள்

  • திருஞானசம்பந்தர், திருநாவுக்கரசர் தேவாரப் பாடல் பெற்றத் திருத்தலம்.

  • காசிக்குச் சமமான சிறப்புள்ள ஆறு தலங்களுள் ஒன்று. மற்றவை 1. திருவெண்காடு, 2. மயிலாடுதுறை, 3. திருவிடைமருதூர், 4. திருவையாறு 5. திருவாஞ்சியம் .

  • சோழர் கால கல்வெட்டுகள் பத்தும், பாண்டியரது மூன்றும் ஆக பதிமூன்று கல்வெட்டுகள் உள்ளன.

  • கோச்செங்கணாரின் மாடக் கோவிலாகும்.

அமைவிடம்

மாநிலம் : தமிழ் நாடு
இது, சீர்காழிக்குத் தென் கிழக்கே12கீ.மீ. தூரத்தில் உள்ளது. சீர்காழி,மயிலாடுதுறை ஆகிய இடங்களிலிருந்து பஸ் வசதி உள்ளது.

< PREV <
காவிரி வடகரை 8வது
தலம் திருக்கலிக்காமூர்
Table of Contents > NEXT >
காவிரி வடகரை 10வது
தலம் திருப்பல்லவனீசுரம்