திருஅஞ்சைக்களம் (ஸ்ரீவஞ்சிகுளம்)

	இறைவர் திருப்பெயர்	: அஞ்சைக்களத்தீஸ்வரர், மகாதேவர்.
	இறைவியார் திருப்பெயர்	: உமையம்மை.
	தல மரம்		: சரக்கொன்றை
	தீர்த்தம்			: சிவகங்கை.
	வழிபட்டோர்		: சேரமான்.
	தேவாரப் பாடல்கள்	: சுந்தரர் - தலைக்குத் தலைமாலை.

தல வரலாறு

  • பரசுராமர் தாயைக் கொன்ற பாவம் நீங்க வழிபட்ட தலம்.

  • இங்குள்ள நடராசர், சேரமான் பெருமான் பூசித்தது.

  • வீதியின் நடுவில் உள்ள பெரிய மேடை "யானை வந்த மேடை" என்று வழங்கப்படுகிறது.

  • கயிலாயத்திலிருந்து வெள்ளை யானை வந்து இத்தலத்திலிருந்து சுந்தரரைக் கயிலாயத்திற்கு ஏற்றிச் சென்றது வரலாறு.

சிறப்புகள்

	அவதாரத் தலம் 	: கொடுங்கோளூர் - திருவஞ்சைக்களம் (கொடுங்கலூர்)
	வழிபாடு		: இலிங்க வழிபாடு.
	முத்தித் தலம்	: திருவஞ்சைக்களம் கொடுங்கலூர்.
	குருபூசை நாள்	: ஆடி - சுவாதி.

  • கேரள பாணியில் அமைந்த கோயில்.

  • துவஜஸ்தம்பத்தில் அஷ்ட வித்யேஸ்வரர்களின் உருவங்கள் உள்ளன.

  • கேரள முறையைப் பின்பற்றி இத்தலத்திலும் வெடி வெடித்துப் பிரார்த்தனை செய்யும் வழக்கமுண்டாம்.

  • இங்குள்ள நடராசர் பஞ்சலோகச்சிலை; இதன் கீழ் "திருவஞ்சைக் களத்து சபாபதி" என்று எழுதப்பட்டுள்ளது.

  • கிழக்கு ராஜகோபுர நுழைவாய் பக்கக்கற்சுவரில், யானை உருவங்கள், வெளியிலிருந்து கோயிலுக்குள் செல்வதுபோலவும், எதிர்சுவரில் கோயிலிலிருந்து வெளியே வருவதுபோலவும் அமைக்கப்பட்டுள்ளன. சுந்தரர், சேரமான் உருவங்களும் உள்ளன.

  • சுந்தரர் கயிலை சென்ற ஆடி, சுவாதி நன்னாளன்று ஆண்டுதோறும் சுந்தரர், சேரமான் ஆகியோருக்கு அபிஷேகம் செய்து விழா கொண்டாடுகிறார்கள். இந்த ஒரு நாள் மட்டும் தமிழ்நாட்டு முறைப்படி ஆகம பூஜை செய்யப்படுகின்றது.

  • இங்குள்ள மரவேலைப்பாடுகள் காணத்தக்கவை.

அமைவிடம்

மாநிலம் : கேரளா
சென்னை - கொச்சி இருப்புப்பாதையில் 'இரிஞாலக்குடா' நிலையத்தில் இறங்கி, அங்கிருந்து 8 கி. மீ. தொலைவில் உள்ளது. திரிச்சூரிலிருந்து 32 கி. மீ.

தொடர்பு :

  • 0487-2331124

< PREV <
துளுவ நாட்டு 1வது
தலம் திருகோகர்ணம்
Table of Contents > NEXT >
வட நாட்டு 1வது
தலம் திருப்பருப்பதம்

  • கழறிற்றறிவார் நாயனார் வரலாறு (மூலம்)
  • It is one of the 108 Parashurama Kshetrams