நாகப்பட்டிணம் - அகஸ்தீஸ்வரர் திருக்கோயில் தல வரலாறு
Sthala puranam of Sri Agasthiswarar Temple of Nagappattinam


இறைவர் திருப்பெயர்	: அகஸ்தீஸ்வரர்.
இறைவியார் திருப்பெயர்	: ஆனந்தவல்லி.
தீர்த்தம்			: அகத்திய தீர்த்தம்.

தல வரலாறு

  • திருக்கயிலையில் சிவ-பார்வதியரின் திருமணம் நடந்தபோது, வடதிசை தாழவே, பூமியைச் சமன் செய்யும் பொருட்டு, அகத்திய முனிவரைத் தென்திசைக்கு அனுப்பினார் சிவபெருமான். அதன்படி பொதிகையை நோக்கி வந்த முனிவர் நாகையில் தங்கி, காயாரோகணத்தின் வடக்கே ஓர் சிவலிங்கத்தை ஸ்தாபித்து, பூஜித்து வந்தார். அதன் கிழக்கில் ஓர் தீர்த்தமும் ஏற்படுத்தினார்; அத்தீர்த்தம் அகத்திய தீர்த்தம் எனப்படுகிறது.

  • கடலில் மறைந்திருந்த வண்ணம் அசுரர்கள் தேவர்களை தாக்கும்போது துன்பப்பட்ட தேவர்கள் அகத்தியரை அணுகினர்; அகத்திய முனிவரும் கடல் நீரைப் பருகிவிட்டார்; அதனால் வெளிவந்த அசுரர்களைத் தேவர்கள் வென்றனர். இவ்வாறு தர்மத்தை நிலை நிறுத்துகையில், அகத்தியர் தங்கி பூஜித்த ஆலயம் இது என்பர்.

சிறப்புகள்

  • இத்தலத்தில் ஸ்ரீஆனந்தவல்லி சமேத ஸ்ரீஅகஸ்தீசுவரசுவாமியை அகத்தியமுனிவர் வழிபட்டுள்ளார்.

அமைவிடம்

	அ/மி. அகஸ்தீஸ்வரர் திருக்கோயில், 
	வெளிப்பாளயம்,
	நாகப்பட்டினம் - 611 001.

தமிழ்நாடு, நாகப்பட்டினம் மாவட்டம்
இக்கோயில் வெளிப்பாளயத்தில் அமைந்துள்ளது. நாகப்பட்டிணம் இரயில் நிலையதிலிருந்து எளிதாகச் செல்லலாம். சென்னை, கும்பகோணம், தஞ்சாவூர், திருவாரூர், திருச்சிராப்பள்ளி, மயிலாடுதுறை முதலிய இடங்களிலிருந்து பேருந்து வசதி உள்ளது.

< PREV <
காசிவிஸ்வநாதம்
Table of Contents > NEXT >
நாகைக்காரோணம்