Shivapanchakshara Nakshatramala Stotram

ஶ்ரீமதா³த்மனே கு³ணைகஸிந்த⁴வே நம꞉ ஶிவாய 
தா⁴மலேஶதூ⁴தகோகப³ந்த⁴வே நம꞉ ஶிவாய । 
நாமஶேஷிதானமத்³ப⁴வாந்த⁴வே நம꞉ ஶிவாய
பாமரேதரப்ரதா⁴னவந்த⁴வே நம꞉ ஶிவாய ॥1॥

காலபீ⁴தவிப்ரபா³லபால தே நம꞉ ஶிவாய 
ஶூலபி⁴ன்னது³ஷ்டத³க்ஷபா²ல தே நம꞉ ஶிவாய । 
மூலகாரணாய காலகால தே நம꞉ ஶிவாய 
பாலயாது⁴னா த³யாளவால தே நம꞉ ஶிவாய ॥ 2॥

இஷ்டவஸ்துமுக்²யதா³னஹேதவே நம꞉ ஶிவாய 
து³ஷ்டதை³த்யவம்ʼஶதூ⁴மகேதவே நம꞉ ஶிவாய । 
ஸ்ருʼஷ்டிரக்ஷணாய த⁴ர்மஸேதவே நம꞉ ஶிவாய 
அஷ்டமூர்தயே வ்ருʼஷேந்த்³ரகேதவே நம꞉ ஶிவாய ॥3॥  

ஆபத³த்³ரிபே⁴த³டங்கஹஸ்த தே நம꞉ ஶிவாய 
பாபஹாரி தி³வ்யஸிந்து⁴மஸ்த தே நம꞉ ஶிவாய । 
பாபஹாரிணே லஸந்நமஸ்ததே நம꞉ ஶிவாய 
ஶாபதோ³ஷக²ண்ட³னப்ரஶஸ்த தே நம꞉ ஶிவாய॥4॥

வ்யோமகேஶ தி³வ்யப⁴வ்யரூப தே நம꞉ ஶிவாய 
ஹேமமேதி³னீத⁴ரேந்த்³ரசாப தே நம꞉ ஶிவாய । 
நாமமாத்ரத³க்³த⁴ஸர்வபாப தே நம꞉ ஶிவாய 
காமனைகதானஹ்ருʼத்³து³ராப தே நம꞉ ஶிவாய ॥5॥

ப்³ரஹ்மமஸ்தகாவலீநிப³த்³த⁴ தே நம꞉ ஶிவாய 
ஜிஹ்மகே³ந்த்³ரகுண்ட³லப்ரஸித்³த⁴ தே நம꞉ ஶிவாய ।
ப்³ரஹ்மணே ப்ரணீதவேத³பத்³த⁴தே நம꞉ ஶிவாய 
ஜிஹ்மகாலதே³ஹத³த்தபத்³த⁴தே நம꞉ ஶிவாய ॥6॥

காமநாஶனாய ஶுத்³த⁴கர்மணே நம꞉ ஶிவாய 
ஸாமகா³னஜாயமானஶர்மணே நம꞉ ஶிவாய । 
ஹேமகாந்திசாகசக்யவர்மணே நம꞉ ஶிவாய 
ஸாமஜாஸுராங்க³லப்³த⁴சர்மணே நம꞉ ஶிவாய ॥7॥

ஜன்மம்ருʼத்யுகோ⁴ரது³꞉க²ஹாரிணே நம꞉ ஶிவாய  
சின்மயைகரூபதே³ஹதா⁴ரிணே நம꞉ ஶிவாய । 
மன்மனோரதா²வபூர்திகாரிணே நம꞉ ஶிவாய 
ஸன்மனோக³தாய காமவைரிணே நம꞉ ஶிவாய ॥8॥

யக்ஷராஜப³ந்த⁴வே த³யாளவே நம꞉ ஶிவாய 
த³க்ஷபாணிஶோபி⁴காஞ்சனாலவே நம꞉ ஶிவாய। 
பக்ஷிராஜவாஹஹ்ருʼச்ச²யாலவே நம꞉ ஶிவாய 
அக்ஷிபா²லவேத³பூததாலவே நம꞉ ஶிவாய ॥9॥

த³க்ஷஹஸ்தநிஷ்ட²ஜாதவேத³ஸே நம꞉ ஶிவாய 
ஹ்யக்ஷராத்மனே நமத்³விடௌ³ஜஸே நம꞉ ஶிவாய । 
தீ³க்ஷிதப்ரகாஶிதாத்மதேஜஸே நம꞉ ஶிவாய 
உக்ஷராஜவாஹ தே ஸதாம்ʼ க³தே நம꞉ ஶிவாய ॥10॥

ராஜதாசலேந்த்³ரஸானுவாஸினே நம꞉ ஶிவாய 
ராஜமானநித்யமந்த³ஹாஸினே நம꞉ ஶிவாய । 
ராஜகோரகாவதம்ʼஸபா⁴ஸினே நம꞉ ஶிவாய 
ராஜராஜமித்ரதா ப்ரகாஶினே நம꞉ ஶிவாய ॥11॥

தீ³னமானபா³லிகாமதே⁴னவே நம꞉ ஶிவாய 
ஸூனவாணதா³ஹக்ருʼத்க்ருʼஶானவே நம꞉ ஶிவாய । 
ஸ்வானுராக³ப⁴க்தரத்ன ஸானவே நம꞉ ஶிவாய 
தா³னவாந்த⁴காரசண்ட³பா⁴னவே நம꞉ ஶிவாய ॥12॥

ஸர்வமங்க³ளாகுசாக்³ரஶாயினே நம꞉ ஶிவாய 
ஸர்வதே³வதாக³ணாதிஶாயினே நம꞉ ஶிவாய । 
பூர்வதே³வநாஶஸம்ʼவிதா⁴யினே நம꞉ ஶிவாய 
ஸர்வமன்மனோஜப⁴ங்க³தா³யினே நம꞉ ஶிவாய ॥13॥

ஸ்தோகப⁴க்திதோ(அ)பி ப⁴க்தபோஷிணே நம꞉ ஶிவாய 
மாகரந்த³ஸாரவர்ஷிபா⁴ஷிணே நம꞉ ஶிவாய । 
ஏகபி³ல்வதா³னதோ(அ)பி தோஷிணே நம꞉ ஶிவாய 
நைகஜன்மபாபஜாலஶோஷிணே நம꞉ ஶிவாய ॥14॥

ஸர்வஜீவரக்ஷணைகஶீலினே நம꞉ ஶிவாய 
பார்வதீப்ரியாய ப⁴க்தபாலினே நம꞉ ஶிவாய । 
து³ர்வித³க்³த⁴தை³த்யஸைன்யதா³ரிணே நம꞉ ஶிவாய 
ஶர்வரீஶதா⁴ரிணே கபாலினே நம꞉ ஶிவாய ॥15॥

பாஹி மாமுமாமனோஜ்ஞதே³ஹ தே நம꞉ ஶிவாய 
தே³ஹி மே வரம்ʼ ஸிதாத்³ரிகே³ஹ தே நம꞉ ஶிவாய । 
மோஹிதர்ஷிகாமினீஸமூஹ தே நம꞉ ஶிவாய 
ஸ்வேஹிதப்ரஸன்ன காமதோ³ஹ தே நம꞉ ஶிவாய ॥16॥

மங்க³ளப்ரதா³ய கோ³துரங்க³ தே நம꞉ ஶிவாய 
க³ங்க³யா தரங்கி³தோத்தமாங்க³ தே நம꞉ ஶிவாய । 
ஸங்க³ரப்ரவ்ருʼத்தவைரிப⁴ங்க³ தே நம꞉  ஶிவாய 
அங்க³ஜாரயே கரேகுரங்க³ தே நம꞉ ஶிவாய ॥17॥

ஈதிதக்ஷணப்ரதா³னஹேதவே நம꞉ ஶிவாய 
ஆஹிதாக்³னிபாலகோக்ஷகேதவே நம꞉ ஶிவாய । 
தே³ஹகாந்திதூ⁴தரௌப்யதா⁴தவே நம꞉ ஶிவாய 
கே³ஹது³꞉க²புஞ்ஜதூ⁴மகேதவே நம꞉ ஶிவாய ॥18॥

த்ர்யக்ஷ தீ³னஸத்க்ருʼபாகடாக்ஷ தே நம꞉ ஶிவாய 
த³க்ஷஸப்ததந்துநாஶத³க்ஷ தே நம꞉ ஶிவாய । 
ருʼக்ஷராஜபா⁴னுபாவகாக்ஷ தே நம꞉ ஶிவாய 
ரக்ஷ மாம்ʼ ப்ரபன்னமாத்ரரக்ஷ தே நம꞉ ஶிவாய ॥19॥

ந்யங்குபாணயே ஶிவங்கராய தே நம꞉ ஶிவாய 
ஸங்கடாப்³தி⁴தீர்ணகிங்கராய தே நம꞉ ஶிவாய । 
பங்கபீ⁴ஷிதாப⁴யங்கராய தே நம꞉ ஶிவாய 
பங்கஜானனாய ஶங்கராய தே நம꞉ ஶிவாய ॥20॥

கர்மபாஶநாஶ நீலகண்ட² தே நம꞉ ஶிவாய 
ஶர்மதா³ய நர்யப⁴ஸ்மகண்ட² தே நம꞉ ஶிவாய । 
நிர்மமர்ஷிஸேவிதோபகண்ட² தே நம꞉ ஶிவாய 
குர்மஹே நதீர்னமத்³விகுண்ட² தே நம꞉ ஶிவாய ॥21॥

விஷ்டபாதி⁴பாய நம்ரவிஷ்ணவே நம꞉ ஶிவாய 
ஶிஷ்டவிப்ரஹ்ருʼத்³கு³ஹாசரிஷ்ணவே நம꞉ ஶிவாய । 
இஷ்டவஸ்துநித்யதுஷ்டஜிஷ்ணவே நம꞉ ஶிவாய 
கஷ்டநாஶனாய லோகஜிஷ்ணவே நம꞉ ஶிவாய ॥22॥

அப்ரமேயதி³வ்யஸுப்ரபா⁴வ தே நம꞉ ஶிவாய 
ஸத்ப்ரபந்நரக்ஷணஸ்வபா⁴வ தே நம꞉ ஶிவாய । 
ஸ்வப்ரகாஶ நிஸ்துலானுபா⁴வ தே நம꞉ ஶிவாய 
விப்ரடி³ம்ப⁴த³ர்ஶிதார்த்³ரபா⁴வ தே நம꞉ ஶிவாய ॥23॥

ஸேவகாய மே ம்ருʼட³ ப்ரஸீத³ தே நம꞉ ஶிவாய 
பா⁴வலப்⁴ய தாவகப்ரஸாத³ தே நம꞉ ஶிவாய । 
பாவகாக்ஷ தே³வபூஜ்யபாத³ தே நம꞉ ஶிவாய 
தாவகாங்க்⁴ரிப⁴க்தத³த்தமோத³ தே நம꞉ ஶிவாய ॥24॥

பு⁴க்திமுக்திதி³வ்யபோ⁴க³தா³யினே நம꞉ ஶிவாய 
ஶக்திகல்பிதப்ரபஞ்சபா⁴கி³னே நம꞉ ஶிவாய । 
ப⁴க்தஸங்கடாபஹாரயோகி³னே நம꞉ ஶிவாய 
யுக்தஸன்மன꞉ ஸரோஜயோகி³னே நம꞉ ஶிவாய ॥25॥

அந்தகாந்தகாய பாபஹாரிணே நம꞉ ஶிவாய 
ஶந்தமாய த³ந்திசர்மதா⁴ரிணே நம꞉ ஶிவாய । 
ஸந்ததாஶ்ரிதவ்யதா²விதா³ரிணே நம꞉ ஶிவாய 
ஜந்துஜாதநித்யஸௌக்²யகாரிணே நம꞉ ஶிவாய ॥26॥

ஶூலினே நமோ நம꞉ கபாலினே நம꞉ ஶிவாய 
பாலினே விரிஞ்சிதுண்ட³மாலினே நம꞉ ஶிவாய । 
லீலினே விஶேஷருண்ட³மாலினே நம꞉ ஶிவாய 
ஶீலினே நம꞉ ப்ரபுண்யஶாலினே நம꞉ ஶிவாய ॥27॥

ஶிவபஞ்சாக்ஷரமுத்³ராம்ʼ சதுஷ்பதோ³ல்லாஸபத்³யமணிக⁴டிதாம் । 
நக்ஷத்ரமாலிகாமிஹ த³த⁴து³பகண்ட²ம்ʼ நரோ ப⁴வேத்ஸோம꞉ ॥28॥

இதி ஶ்ரீமத்பரமஹம்ʼஸபரிப்³ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருʼதௌ ஶிவபஞ்சாக்ஷரநக்ஷத்ரமாலாஸ்தோத்ரம்ʼ ஸம்பூர்ணம் ॥