dharmaarthakaamamokShaaKyacaturvargapradaayinau |
vande hariharau devau trailokyaparipaayinau ||1||
ekamoortI dvidhaa bhinnau saMsaaraarNavataarakau |
vande&haM kaamadau devau satataM shivakeshavau ||2||
dayaamayau dInadaridrataapahau mahaujasau maanyatamau sadaa samau |
udaaralIlaalalitau sitaasitau namaami nityaM shivakeshavaavaham ||3||
anantamaahaatmyanidhI vidhistutau shriyaa yutau lokavidhaanakaariNau |
suraasuraadhIshanutau nutau jagatpatI vidhattaaM shivakeshavau shivam ||4||
jagatrayIpaalananaashakaarakau prasannahaasau vilasatsadaananau |
mahaabalau ma~jjuLamoortidhaariNau shivaM vidhattaaM shivakeshavau sadaa ||5||
mahasvinau modakarau parau varau munIshvaraiH sevitapaadapa~gkajau |
ajau sujaatau jagadIshvarau sadaa shivaM vidhattaaM shivakeshavau mama ||6||
namo^&stu nityaM shivakeshavaabhyaaM svabhaktasaMrakShaNatatparaabhyaam |
deveshvaraabhyaaM karuNaakaraabhyaaM lokatrayInirmitikaaraNaabhyaam ||7||
salIlashIlau mahanIyamoortI dayaakarau ma~jjuLasaccaritrau |
mahodayau vishvavinodahetoo namaami devau shivakeshavau tau ||8||
trishoolapaaNiM varachakrapaaNiM pItaambaraM spaShTadigambaraM cha |
chaturbhujaM vaa dashabaahuyuktaM hariM haraM vaa praNamaami nityam ||9||
kapaalamaalaalalitaM shivaM cha sadvaijayantIsragudaarashobham |
viShNuM cha nityaM praNipatya yaace bhavatpadaambhoruhayoH smRutiH staat ||10||
shiva tvamevaa&si harisvaroopo hare tvamevaa&si shivasvaroopaH |
bhraantyaa janaastvaaM dvividhasvaroopaM pashyanti mooDhaa nanu naashahetoH ||11||
hare janaa ye shivaroopiNaM tvaaM tvadroopamIshaM kalayanti nityam |
te bhaagyavantaH puruShaaH kadaa&pi na yaanti bhaasvattanayasya geham ||12||
shambho janaa ye hariroopiNaM tvaaM bhavatsvaroopaM kamalaalayesham |
pashyanti bhaktyaa Kalu te mahaantau yamasya no yaanti puraM kadaacit ||13||
shive harau bhedadhiyaa&&dhiyuktaa muktiM labhante na janaa duraapaam |
bhuktiM cha naiveha parantu duHKaM saMsaarakoope patitaaH prayaanti ||
hare harau bhedadRuSo bhuSam vai samsaarasindhau patitaaH sataapaaH |
paapaashayaa mohamayaandhakaare bhraantaa mahaaduHKabharaM labhante ||15||
santo lasantaH sutaraaM harau cha hare cha nityaM bahubhaktimantaH |
antarmahaantau shivakeshavau tau dhyaayanta uccairmudamaapnuvanti ||16||
harau hare caikyamudaarashIlaaH pashyanti shashvatsuKadaayilIlaaH |
te bhuktimuktI samavaapya noonaM suKaM duraapaM sutaraaM labhante ||17||
shive shiveshe&pi cha keshave cha padmaapatau devavare mahaantaH |
bhedaM na pashyanti parantu santastayorabhedaM kalayanti satyam ||18||
ramaapatiM vaa girijaapatiM vaa vishveshvaraM vaa jagadIshvaraM vaa |
pinaakapaaNiM Kalu shaar~ggapaaNiM hari haraM vaa praNamaami nityam ||19||
sureshvaraM vaa parameshvaraM vaa vaikuNThalokasthitamacyutaM vaa |
kailaasashailasthitamIshvaraM vaa viShNuM cha shaMbhuM ca namaami nityam ||20||
harirdayaardraashayataaM prayaato haro dayaaloottamabhaavamaaptaH |
anekadivyaastradharaH pareshaH paayaadajasraM kRupayaa nataM maam || 21||
sheSho&sti yasyaa&&bharaNatvamaapto yaddaa sushayyaatvamitaH sadaiva |
devaH sa ko&pIha harirharo vaa karotu me ma~jjuLama~ggaLaM draak ||22||
hariM haraM chaapi bhajanti bhaktyaa vibhedabuddhiM pravihaaya noonam |
siddhaa mahaanto munayo mahecCaaH svacCaashayaa naaradaparvataadyaaH ||23||
sanatkumaaraadaya unnatecCaa mohena hInaa munayo mahaantaH |
svaantaH sthitaM sha~gkaramacyutaM cha bhedaM parityajya sadaa bhajante ||24||
shiShTaa vasiShThaadaya aatmaniShThaaH shreShThaaH svadharmaavanakarmacittaaH |
hRuttaapahaaraM malahInacittaa hari haraM chaikatayaa bhajante ||25||
anye mahaatmaana udaarashIlaa bhRugvaadayo ye paramarShayaste |
pashyanti chaikyaM harisharvayoH shrIsaMyuktayoratra na saMshayo&sti ||26||
indraadayo devavaraa udaaraa trailokyasaMrakShaNadattacittaaH |
hariM haraM caikasvaroopameva pashyanti bhaktyaa cha bhajanti noonam ||27||
sarveShu vedeShu Kalu prasiddhavaikuNThakailaasagayoH sudhaamnoH |
mukundabaalenduvataMsayoH saccaritrayorIshvarayorabhedaH ||28||
sarvaaNi shastraaNi vadanti noonaM harerharasyaikyamudaaramoorteH |
naastyatra sandehalavo&pi satyaM nityaM janaa dharmadhanaa gadanti ||29||
sarvaiH puraaNairidameva sooktaM yadviShNushaMbhvormahanIyamoortyoH |
aikyaM sadaivaa&sti na bhedalesho&pyastIha chintyaM sujanaistadevam |30||
bhedaM prapashyanti naraadhamaa ye viShNau cha shaMbhau cha dayaanidhaane |
te yaanti paapaaH paritaapayuktaa ghoraM vishaalaM nirayasya vaasam ||31||
bhootaadhipaM vaa vibudhaadhipaM vaa rameshvaraM vaa parameshvaraM vaa |
pItaambaraM vaa haridambaraM vaa hariM haraM vaa puruShaa bhajadhvam ||32||
mahasvivaryaM kamanIyadehamudaarasaaraM suKadaayiceShTam |
sarveShTadevaM duritaapahaaraM viShNuM shivaM vaa satataM bhajadhvam ||33||
shivasya viShNoshca vibhaatyabhedo vyaasaadayo&pIha maharShayaste |
sarvaj~jabhaavaM dadhato nitaantaM vadanti vadanti chaivaM kalayanti santaH ||34||
mahaashayaa dharmavidhaanadakShaa rakShaaparaa nirjitamaanasaa ye |
te&pIha vij~jaaH samadarshino vai shivasya viShNoH kalayantyabhedam||35||
harireva haro hara eva harirnahi bhedalabo&pi tayoH prathitaH |
iti siddhamunIshayatIshavaraa nigadanti sadaa vimadaaH sujanaaH ||36||
hara eva harirharireva haro hariNaa cha hareNa cha vishvamidam |
pravinirmitametadavehi sadaa vimado bhava tau bhaja bhaavayutaH ||37||
harireva babhoova haraH paramo hara eva babhoova hariH paramaH |
haritaa harataa cha tathaa militaa rachayatyaKilaM Kalu vishvamidam ||38||
vRuShadhvajaM vaa garuDhadhvajaM vaa girIshvaraM vaa bhuvaneshvaraM vaa |
patiM pashoonaamathavaa yadoonaaM kRuShNaM shivaM vaa vibudhaa bhajante ||39||
bhImaakRutiM vaa ruciraakRutiM vaa trilochanaM vaa samalochanaM vaa |
umaapatiM vaa&tha ramaapatiM vaa hariM haraM vaa munayo bhajante ||40||
hariH svayaM vai harataaM prayaato harastu saakShaaddharibhaavamaaptaH |
harirharashcaapi jagajjanaanaamupaasyadevau sta iti prasiddhiH ||41||
harirhi saakShaat hara eva siddho haro hi saakShaaddharireva caaste |
harirharashca svayameva chaiko dviroopataaM kaaryavashaat prabaataH ||42||
harirjagatpaalanakRutprasiddho haro jagannaashakaraH paraatmaa |
svaroopamaatreNa bhidaamavaaptau dvaavekaroopau sta imau sureshau ||43||
dayaanidhaanaM vilasadvidhaanaM devapradhaanaM nanu saavadhaanam |
saanandasanmaanasabhaasamaanaM devaM shivaM vaa bhaja keshavaM vaa ||44||
shrIkaustubhaabharaNamindukalaavataMsaM kaaLIvilaasinamatho kamalaavilaasam |
devaM muraarimatha vaa tripuraarimIshaM bhedaM vihaaya bhaja bho bhaja bhooribhaktyaa ||45||
viShNuH saakShaacCaMbhureva prasiddhaH shaMbhuH saakShaadviShNurevaasti noonam |
naasti svalpo&pIha bhedaavakaashaH siddhaanto&yaM sajjanaanaaM samuktaH ||46||
shaMbhurviShNushcaikaroopo dvimoortiH satyaM satyaM gadyate nishcitaM sat |
asminmithyaa saMshayaM kurvate ye paapaacaaraaste naraa raakShasaaKyaaH ||47||
viShNau shaMbhau naasti bhedaavabhaasaH sa~gKyaavantaH santa evaM vadanti |
antaH ki~jcitsaMvicintya svayaM draak bhedaM tyaktvaa tau bhajasva prakaamam ||48||
viShNorbhaktaaH shaMbhuvidveShasaktaaH shaMbhorbhaktaa viShNuvidveShiNo ye |
kaamakrodhaandhaaH sumandaaH sanindaa vindanti draak te naraa duHKajaalam ||49||
viShNau shaMbhau bhedabuddhiM vihaaya bhaktyaa yuktaaH sajjanaa ye bhajante |
teShaaM bhaagyaM vaktumIsho gururno satyaM satyaM vacmyahaM viddhi tattvam ||50||
harervirodhI cha harasya bhakto harasya vairI cha hareshca bhaktaH |
saakShaadasau raakShasa eva noonaM naastyatra sandehalavo&pi satyam ||51||
shivaM cha viShNuM cha vibhinnadehaM pashayanti ye mooDhadhiyo&tinIcaaH |
te kiM susadbhiH sutaraaM mahadbhiH saMbhaaShaNIyaaH puruShaa bhavanti ||52||
anekaroopaM viditaikaroopaM mahaantamuccairatishaantachittam |
daantaM nitaantaM shubhadaM sukaantaM viShNuM shivaM vaa bhaja bhooribhaktyaa ||53||
hare muraare hara he puraare viShNo dayaaLo shiva he kRupaalo |
dInaM janaM sarvaguNairvihInaM maaM bhaktamaartaM paripaahi nityam ||54||
he he viShNo shaMbhuroopastvameva he he shambho viShNuroopastvameva |
satyaM sarve santa evaM vadantaH saMsaarabdhiM hya~jjasaa santaranti ||55||
viShNuH shaMbhuH shaMbhurevaasti viShNuH shaMbhurviShNurviShNurevaasti shaMbhuH |
shaMbhau viShNau chaikaroopatvamiShTaM shiShTaa evaM sarvadaa sa~jjapanti ||56||
daivI saMpadvidyate yasya puMsaH shrImaan so&yaM sarvadaa bhaktiyuktaH |
shaMbhuM viShNuM chaikaroopaM dvidehaM bhedaM tyaktvaa saMbhajanmokShameti ||57||
yeShaaM puMsaamaasurI saMpadaaste mRutyorgraasaaH kaamalobhaabhibhootaaH |
krodhenaandhaa bandhayuktaa janaaste shaMbhuM viShNuM bhedabuddhyaa bhajante ||58||
kalyaaNakaaraM suKadaprakaaraM vinirvikaaraM vihitopakaaram |
svaakaaramIshaM na kRutaapakaaraM shivaM bhajadhvaM kila keshavaM cha ||59||
saccitsvaroopaM karuNaasukoopaM gIrvaNabhoopaM varadharmayoopam |
saMsaarasaaraM suruciprasaaraM devaM hariM vaa bhaja bho haraM vaa ||60||
aanandasindhuM paradInabandhuM mohaandhakaarasya nikaarahetum |
saddharmasetuM ripudhoomaketuM bhajasva viShNuM shivamekabuddhyaa ||61||
vedaantasiddhaantamayaM dabaaLuM satsaa~gKyashaastrapratipaadyamaanam |
nyaayaprasiddhaM sutaraaM samiddhaM bhajasva viShNuM shivamekabuddhyaa ||62||
paapaapahaaraM rucirapracaaraM kRutopakaaraM vilasadvihaaram |
saddharmadhaaraM kamanIyadaaraM saaraM hariM vaa bhaja bho haraM vaa ||63||
harau bhedamavekShamaaNaH praaNI nitaantaM Kalu taantacetaaH |
pretaadhipasyaiti puraM durantaM duHKaM ca tatra prathitaM prayaati ||64||
bho bho janaa j~jaanadhanaa manaagapyarcye harau caapi hare ca noonam |
bhedaM parityajya mano nirudhya suKaM bhavantaH Kalu tau bhajantu ||65||
aanandasanmandiramindukaantaM shaantaM nitaantaM bhuvanaani paantam |
bhaantaM sudaantaM vihitaasuraantaM devaM shivaM vaa bhaja keshavaM vaa ||66||
he he hare kRuShNa janaardanesha shaMbho shashaa~gkaabharaNaadhideva |
naaraayaNa shrIsha jagatsvaroopa maaM paahi nityaM sharaNaM prapannam ||67||
viShNo dashalo&cyuta shaar~ggapaaNe bhootesha shaMbho shiva sharva naatha |
mukunda govinda ramaadhipesha maaM paahi nityaM sharaNaM prapannam ||68||
kalyaaNakaarin kamalaapate he gaurIpate bhIma bhavesha sharva |
girIsha gaurIpriya shoolapaaNe maaM paahi nityaM sharaNaM prapannam ||69||
he sharva he sha~gkara he puraare he he keshava he kRUShNa he muraare |
he dInabandho karuNaikasindho maaM paahi nityaM sharaNaM prapannam ||70||
he chandramaule hariroopa shaMbho he chakrapaaNe shivaroopa viShNo |
he kaamashatro Kalu kaamataata maaM paahi nityaM bhagavannamaste ||71||
sakalalokapashokavinaashinau paramaramyatayaa pravikaashinau |
aghasamoohavidaaraNakaariNau hariharau bhaja mooDha bhidaaM tyaja ||72||
hariH saakShaaddharaH prokto haraH saakShaaddhariH smRUtaH |
ubhayorantaraM naasti satyaM satyaM na saMshayaH ||73||
yo harau cha hare saakShaadekamoortau dvidhaa sthite |
bhedaM karoti mooDhaatmaa sa yaati narakaM dhruvam ||74||
yasya buddhirharau caapi hare bhedaM cha pashyati |
sa naraadhamataaM yaato rogI bhavati maanavaH ||75||
yo harau cha hare caapi bhedabuddhiM karotyaho |
tasmaanmooDhatamo loke naanyaH kashcana vidyate ||76||
muktimicCasi tettarhi bhedaM tyaja harau hare |
anyathaa janmalakSheShu muktiH Kalu sudurlabhaa ||77||
viShNoH shivasya caabhedaj~jaanaanmuktiH prajaapate |
iti sadvedavaakyaanaaM siddhaantaH pratipaaditaH ||78||
viShNuH shivaH shivo viShNuriti j~jaanaM prashiShyate |
etajj~jaanayuto j~jaanI naanyathaa j~jaanamiShyate ||79||
harirharo harashcapi harirastIti bhaavayan |
dharmaarthakaamamokShaaNaamadhikaarI bhavennaraH ||80||
hariM haraM bhinnaroopaM bhaavayatyadhamo naraH |
sa varNasa~gkaro noonaM vij~jeyo bhaavitaatmabhiH ||81||
hare shambho hare viShNo shambho hara hare hara |
iti nityaM ralan janturjIvanmukto hi jaayate ||82||
na hariM cha haraM caapi bhedabuddhyaa vilokayet |
yadIcCedaatmanaH kShema buddhimaankushalo naraH ||83||
hare hara dayaaLo maaM paahi paahi kRupaaM kuru |
iti sa~jjapanaadeva muktiH praaNau pratiShThitaa ||84||
hariM haraM dvidhaa bhinnaM vastutastvekaroopakam |
praNamaami sadaa bhaktyaa rakShataaM tau maheshvarau ||85||
idaM hariharastotraM sooktaM paramadurlabham |
dharmaarthakaamamokShaaNaaM daayakaM divyamuttamam ||86||
shivakeshavayoraikyapratipaadakamIDitam |
paTheyuH kRutinaH shaantaa daantaa mokShaabhilaaShiNaH ||87||
etasya paThanaatsarvaaH siddhayo vashagaastathaa |
devayorviShNushivayorbhaktirbhavati bhootidaa ||88||
dharmaarthI labhate dharmamarthaarthI caarthamashnute |
kaamaarthI labhate kaamaM mokShaarthI mokShamashnute ||89||
durgame ghorasa~ggraame kaanane vadhabandhane |
kaaraagaare&sya paThanaajjaayate tatkShaNaM suKI ||90||
vede yathaa saamavedo vedaanto darshane yathaa |
smRutau manusmRutiryadvat varNeShu braahmaNo yathaa ||91||
yathaa&&shrameShu sannyaaso yathaa deveShu vaasavaH |
yathaa&shvatthaH paadapeShu yathaa ga~ggaa nadIShu cha ||92||
puraaNeShu yathaa shreShThaM mahaabhaaratamucyate |
yathaa sarveShu lokeShu vaikuNThaH paramottamaH ||93||
yathaa tIrtheShu sarveShu prayaagaH shreShTha IritaH |
yathaa purIShu sarvaasu varaa vaaraaNasI mataa ||94||
yathaa daaneShu sarveShu caannadaanaM mahattamam |
yathaa sarveShu dharmeShu chaahiMsaa paramaa smRutaa ||95||
yathaa sarveShu sauKyeShu bhojanaM praahuruttamam |
tathaa stotreShu sarveShu stotrametatparaatparam ||96||
anyaani yaani stotraaNi taani sarvaaNi nishcitam |
asya stotrasya no yaanti ShoDashImapi satkalaam ||97||
bhootapretapishaachaadyaa baalavRuddhagrahaashca ye |
te sarve naashamaayaanti stotrasyaasya prabhaavataH ||98||
yatraasya paaTho bhavati stotrasya mahato dhruvam |
tatra saakShaatsadaa lakShmIrvasatyeva na saMshayaH ||99||
asya stotrasya paaThena vishveshau shivakeshavau |
sarvaanmanorathaanpuMsaaM poorayetaaM na saMshayaH ||100||
puNyaM puNyaM mahatpuNyaM stotrametaddhi durlabham |
bho bho mumukShavaH sarve yooyaM paThata sarvadaa ||101||
ityacyutaashramasvaamiviracitaM shrIhariharaadvaitastotraM saMpoorNam ||