logo

|

Home >

Scripture >

scripture >

Bengali

হরিহর স্তোত্রম - Harihara Stotram

Harihara Stotram


ধর্মার্থকামমোক্ষাখ্যচতুর্ৱর্গপ্রদাযিনৌ | 
ৱন্দে হরিহরৌ দেৱৌ ত্রৈলোক্যপরিপাযিনৌ ||১|| 

 

একমূর্তী দ্ৱিধা ভিন্নৌ সংসারার্ণৱতারকৌ | 
ৱন্দেঽহং কামদৌ দেৱৌ সততং শিৱকেশৱৌ ||২|| 

 

দযামযৌ দীনদরিদ্রতাপহৌ মহৌজসৌ মান্যতমৌ সদা সমৌ | 
উদারলীলাললিতৌ সিতাসিতৌ নমামি নিত্যং শিৱকেশৱাৱহম ||৩|| 

 

অনন্তমাহাত্ম্যনিধী ৱিধিস্তুতৌ শ্রিযা যুতৌ লোকৱিধানকারিণৌ | 
সুরাসুরাধীশনুতৌ নুতৌ জগত্পতী ৱিধত্তাং শিৱকেশৱৌ শিৱম ||৪|| 

 

জগত্রযীপালননাশকারকৌ প্রসন্নহাসৌ ৱিলসত্সদাননৌ | 
মহাবলৌ মঞ্জুলমূর্তিধারিণৌ শিৱং ৱিধত্তাং শিৱকেশৱৌ সদা ||৫|| 

 

মহস্ৱিনৌ মোদকরৌ পরৌ ৱরৌ মুনীশ্ৱরৈঃ সেৱিতপাদপঙ্কজৌ | 
অজৌ সুজাতৌ জগদীশ্ৱরৌ সদা শিৱং ৱিধত্তাং শিৱকেশৱৌ মম ||৬|| 

 

নমো‍ঽস্তু নিত্যং শিৱকেশৱাভ্যাং স্ৱভক্তসংরক্ষণতত্পরাভ্যাম |
দেৱেশ্ৱরাভ্যাং করুণাকরাভ্যাং লোকত্রযীনির্মিতিকারণাভ্যাম ||৭|| 

 

সলীলশীলৌ মহনীযমূর্তী দযাকরৌ মঞ্জুলসচ্চরিত্রৌ | 
মহোদযৌ ৱিশ্ৱৱিনোদহেতূ নমামি দেৱৌ শিৱকেশৱৌ তৌ ||৮|| 


ত্রিশূলপাণিং ৱরচক্রপাণিং পীতাম্বরং স্পষ্টদিগম্বরং চ | 
চতুর্ভুজং ৱা দশবাহুযুক্তং হরিং হরং ৱা প্রণমামি নিত্যম ||৯|| 

 

কপালমালাললিতং শিৱং চ সদ্ৱৈজযন্তীস্রগুদারশোভম | 
ৱিষ্ণুং চ নিত্যং প্রণিপত্য যাচে ভৱত্পদাম্ভোরুহযোঃ স্মৃতিঃ স্তাত ||১০|| 

 

শিৱ ত্ৱমেৱাঽসি হরিস্ৱরূপো হরে ত্ৱমেৱাঽসি শিৱস্ৱরূপঃ | 
ভ্রান্ত্যা জনাস্ত্ৱাং দ্ৱিৱিধস্ৱরূপং পশ্যন্তি মূঢা ননু নাশহেতোঃ ||১১|| 

 

হরে জনা যে শিৱরূপিণং ত্ৱাং ত্ৱদ্রূপমীশং কলযন্তি নিত্যম | 
তে ভাগ্যৱন্তঃ পুরুষাঃ কদাঽপি ন যান্তি ভাস্ৱত্তনযস্য গেহম ||১২|| 

 

শম্ভো জনা যে হরিরূপিণং ত্ৱাং ভৱত্স্ৱরূপং কমলালযেশম | 
পশ্যন্তি ভক্ত্যা খলু তে মহান্তৌ যমস্য নো যান্তি পুরং কদাচিত ||১৩|| 

 

শিৱে হরৌ ভেদধিযাঽঽধিযুক্তা মুক্তিং লভন্তে ন জনা দুরাপাম | 
ভুক্তিং চ নৈৱেহ পরন্তু দুঃখং সংসারকূপে পতিতাঃ প্রযান্তি ||

 

হরে হরৌ ভেদদৃশো ভুশম ৱৈ সম্সারসিন্ধৌ পতিতাঃ সতাপাঃ | 
পাপাশযা মোহমযান্ধকারে ভ্রান্তা মহাদুঃখভরং লভন্তে ||১৫|| 

 

সন্তো লসন্তঃ সুতরাং হরৌ চ হরে চ নিত্যং বহুভক্তিমন্তঃ | 
অন্তর্মহান্তৌ শিৱকেশৱৌ তৌ ধ্যাযন্ত উচ্চৈর্মুদমাপ্নুৱন্তি ||১৬|| 

 

হরৌ হরে চৈক্যমুদারশীলাঃ  পশ্যন্তি শশ্ৱত্সুখদাযিলীলাঃ | 
তে ভুক্তিমুক্তী সমৱাপ্য নূনং সুখং দুরাপং সুতরাং লভন্তে ||১৭|| 

 

শিৱে শিৱেশেঽপি চ কেশৱে চ পদ্মাপতৌ দেৱৱরে মহান্তঃ |
ভেদং ন পশ্যন্তি পরন্তু সন্তস্তযোরভেদং কলযন্তি সত্যম ||১৮|| 

 

রমাপতিং ৱা গিরিজাপতিং ৱা ৱিশ্ৱেশ্ৱরং ৱা জগদীশ্ৱরং ৱা | 
পিনাকপাণিং খলু শার্ঙ্গপাণিং হরি হরং ৱা প্রণমামি নিত্যম ||১৯|| 

 

সুরেশ্ৱরং ৱা পরমেশ্ৱরং ৱা ৱৈকুণ্ঠলোকস্থিতমচ্যুতং ৱা | 
কৈলাসশৈলস্থিতমীশ্ৱরং ৱা ৱিষ্ণুং চ শংভুং চ নমামি নিত্যম ||২০|| 

 

হরির্দযার্দ্রাশযতাং প্রযাতো হরো দযালূত্তমভাৱমাপ্তঃ | 
অনেকদিৱ্যাস্ত্রধরঃ পরেশঃ পাযাদজস্রং কৃপযা নতং মাম || ২১|| 

 

শেষোঽস্তি যস্যাঽঽভরণত্ৱমাপ্তো যদ্দা সুশয্যাত্ৱমিতঃ সদৈৱ | 
দেৱঃ স কোঽপীহ হরির্হরো ৱা করোতু মে মঞ্জুলমঙ্গলং দ্রাক ||২২|| 

 

হরিং হরং চাপি ভজন্তি ভক্ত্যা ৱিভেদবুদ্ধিং প্রৱিহায নূনম | 
সিদ্ধা মহান্তো মুনযো মহেচ্ছাঃ স্ৱচ্ছাশযা নারদপর্ৱতাদ্যাঃ ||২৩|| 

 

সনত্কুমারাদয উন্নতেচ্ছা মোহেন হীনা মুনযো মহান্তঃ | 
স্ৱান্তঃ স্থিতং শঙ্করমচ্যুতং চ ভেদং পরিত্যজ্য সদা ভজন্তে ||২৪|| 

 

শিষ্টা ৱসিষ্ঠাদয আত্মনিষ্ঠাঃ শ্রেষ্ঠাঃ স্ৱধর্মাৱনকর্মচিত্তাঃ | 
হৃত্তাপহারং মলহীনচিত্তা হরি হরং চৈকতযা ভজন্তে ||২৫|| 

 

অন্যে মহাত্মান উদারশীলা ভৃগ্ৱাদযো যে পরমর্ষযস্তে | 
পশ্যন্তি চৈক্যং হরিশর্ৱযোঃ শ্রীসংযুক্তযোরত্র ন সংশযোঽস্তি ||২৬|| 

 

ইন্দ্রাদযো দেৱৱরা উদারা ত্রৈলোক্যসংরক্ষণদত্তচিত্তাঃ | 
হরিং হরং চৈকস্ৱরূপমেৱ পশ্যন্তি ভক্ত্যা চ ভজন্তি নূনম ||২৭|| 

 

সর্ৱেষু ৱেদেষু খলু প্রসিদ্ধৱৈকুণ্ঠকৈলাসগযোঃ সুধাম্নোঃ | 
মুকুন্দবালেন্দুৱতংসযোঃ সচ্চরিত্রযোরীশ্ৱরযোরভেদঃ ||২৮||

 

সর্ৱাণি শস্ত্রাণি ৱদন্তি নূনং হরের্হরস্যৈক্যমুদারমূর্তেঃ | 
নাস্ত্যত্র সন্দেহলৱোঽপি সত্যং নিত্যং জনা ধর্মধনা গদন্তি ||২৯|| 

 

সর্ৱৈঃ পুরাণৈরিদমেৱ সূক্তং যদ্ৱিষ্ণুশংভ্ৱোর্মহনীযমূর্ত্যোঃ | 
ঐক্যং সদৈৱাঽস্তি ন ভেদলেশোঽপ্যস্তীহ চিন্ত্যং সুজনৈস্তদেৱম |৩০|| 

 

ভেদং প্রপশ্যন্তি নরাধমা যে ৱিষ্ণৌ চ শংভৌ চ দযানিধানে | 
তে যান্তি পাপাঃ পরিতাপযুক্তা ঘোরং ৱিশালং নিরযস্য ৱাসম ||৩১||

 

ভূতাধিপং ৱা ৱিবুধাধিপং ৱা রমেশ্ৱরং ৱা পরমেশ্ৱরং ৱা | 
পীতাম্বরং ৱা হরিদম্বরং ৱা হরিং হরং ৱা পুরুষা ভজধ্ৱম ||৩২|| 

 

মহস্ৱিৱর্যং কমনীযদেহমুদারসারং সুখদাযিচেষ্টম | 
সর্ৱেষ্টদেৱং দুরিতাপহারং ৱিষ্ণুং শিৱং ৱা সততং ভজধ্ৱম ||৩৩|| 

 

শিৱস্য ৱিষ্ণোশ্চ ৱিভাত্যভেদো  ৱ্যাসাদযোঽপীহ মহর্ষযস্তে | 
সর্ৱজ্ঞভাৱং দধতো নিতান্তং ৱদন্তি ৱদন্তি চৈৱং কলযন্তি সন্তঃ ||৩৪|| 

 

মহাশযা ধর্মৱিধানদক্ষা রক্ষাপরা নির্জিতমানসা যে | 
তেঽপীহ ৱিজ্ঞাঃ সমদর্শিনো ৱৈ শিৱস্য ৱিষ্ণোঃ কলযন্ত্যভেদম||৩৫|| 

 

হরিরেৱ হরো হর এৱ হরির্নহি ভেদলবোঽপি তযোঃ প্রথিতঃ | 
ইতি সিদ্ধমুনীশযতীশৱরা নিগদন্তি সদা ৱিমদাঃ সুজনাঃ ||৩৬|| 

 

হর এৱ হরির্হরিরেৱ হরো হরিণা চ হরেণ চ ৱিশ্ৱমিদম | 
প্রৱিনির্মিতমেতদৱেহি সদা ৱিমদো ভৱ তৌ ভজ ভাৱযুতঃ ||৩৭|| 

 

হরিরেৱ বভূৱ হরঃ পরমো হর এৱ বভূৱ হরিঃ পরমঃ | 
হরিতা হরতা চ তথা মিলিতা রচযত্যখিলং খলু ৱিশ্ৱমিদম ||৩৮|| 

 

ৱৃষধ্ৱজং ৱা গরুঢধ্ৱজং ৱা গিরীশ্ৱরং ৱা ভুৱনেশ্ৱরং ৱা | 
পতিং পশূনামথৱা যদূনাং কৃষ্ণং শিৱং ৱা ৱিবুধা ভজন্তে ||৩৯|| 

 

ভীমাকৃতিং ৱা রুচিরাকৃতিং ৱা ত্রিলোচনং ৱা সমলোচনং ৱা | 
উমাপতিং ৱাঽথ রমাপতিং ৱা হরিং হরং ৱা মুনযো ভজন্তে ||৪০|| 

 

হরিঃ স্ৱযং ৱৈ হরতাং প্রযাতো হরস্তু সাক্ষাদ্ধরিভাৱমাপ্তঃ | 
হরির্হরশ্চাপি জগজ্জনানামুপাস্যদেৱৌ স্ত ইতি প্রসিদ্ধিঃ ||৪১|| 

 

হরির্হি সাক্ষাত হর এৱ সিদ্ধো হরো হি সাক্ষাদ্ধরিরেৱ চাস্তে | 
হরির্হরশ্চ স্ৱযমেৱ চৈকো দ্ৱিরূপতাং কার্যৱশাত প্রবাতঃ ||৪২||

 

হরির্জগত্পালনকৃত্প্রসিদ্ধো হরো জগন্নাশকরঃ পরাত্মা | 
স্ৱরূপমাত্রেণ ভিদামৱাপ্তৌ দ্ৱাৱেকরূপৌ  স্ত ইমৌ সুরেশৌ ||৪৩|| 

 

দযানিধানং ৱিলসদ্ৱিধানং দেৱপ্রধানং ননু সাৱধানম | 
সানন্দসন্মানসভাসমানং দেৱং শিৱং ৱা ভজ কেশৱং ৱা ||৪৪|| 

 

শ্রীকৌস্তুভাভরণমিন্দুকলাৱতংসং কালীৱিলাসিনমথো কমলাৱিলাসম | 
দেৱং মুরারিমথ ৱা ত্রিপুরারিমীশং ভেদং ৱিহায ভজ ভো ভজ ভূরিভক্ত্যা ||৪৫||


ৱিষ্ণুঃ সাক্ষাচ্ছংভুরেৱ প্রসিদ্ধঃ শংভুঃ সাক্ষাদ্ৱিষ্ণুরেৱাস্তি নূনম | 
নাস্তি স্ৱল্পোঽপীহ ভেদাৱকাশঃ সিদ্ধান্তোঽযং সজ্জনানাং সমুক্তঃ ||৪৬|| 

 

শংভুর্ৱিষ্ণুশ্চৈকরূপো দ্ৱিমূর্তিঃ সত্যং সত্যং গদ্যতে নিশ্চিতং সত | 
অস্মিন্মিথ্যা সংশযং কুর্ৱতে যে পাপাচারাস্তে নরা রাক্ষসাখ্যাঃ ||৪৭|| 

 

ৱিষ্ণৌ শংভৌ নাস্তি ভেদাৱভাসঃ সঙ্খ্যাৱন্তঃ সন্ত এৱং ৱদন্তি | 
অন্তঃ কিঞ্চিত্সংৱিচিন্ত্য স্ৱযং দ্রাক ভেদং ত্যক্ত্ৱা তৌ ভজস্ৱ প্রকামম ||৪৮|| 

 

ৱিষ্ণোর্ভক্তাঃ শংভুৱিদ্ৱেষসক্তাঃ শংভোর্ভক্তা ৱিষ্ণুৱিদ্ৱেষিণো যে | 
কামক্রোধান্ধাঃ সুমন্দাঃ সনিন্দা ৱিন্দন্তি দ্রাক তে নরা দুঃখজালম ||৪৯|| 

 

ৱিষ্ণৌ শংভৌ ভেদবুদ্ধিং ৱিহায ভক্ত্যা যুক্তাঃ সজ্জনা যে ভজন্তে | 
তেষাং ভাগ্যং ৱক্তুমীশো গুরুর্নো সত্যং সত্যং ৱচ্ম্যহং ৱিদ্ধি তত্ত্ৱম ||৫০|| 

 

হরের্ৱিরোধী চ হরস্য ভক্তো হরস্য ৱৈরী চ হরেশ্চ ভক্তঃ | 
সাক্ষাদসৌ রাক্ষস এৱ নূনং নাস্ত্যত্র সন্দেহলৱোঽপি সত্যম ||৫১||

 

শিৱং চ ৱিষ্ণুং চ ৱিভিন্নদেহং পশযন্তি যে মূঢধিযোঽতিনীচাঃ | 
তে কিং সুসদ্ভিঃ সুতরাং মহদ্ভিঃ সংভাষণীযাঃ পুরুষা ভৱন্তি ||৫২|| 

 

অনেকরূপং ৱিদিতৈকরূপং মহান্তমুচ্চৈরতিশান্তচিত্তম | 
দান্তং নিতান্তং শুভদং সুকান্তং ৱিষ্ণুং শিৱং ৱা ভজ ভূরিভক্ত্যা ||৫৩|| 

 

হরে মুরারে হর হে পুরারে ৱিষ্ণো দযালো শিৱ হে কৃপালো | 
দীনং জনং সর্ৱগুণৈর্ৱিহীনং মাং ভক্তমার্তং পরিপাহি নিত্যম ||৫৪|| 

 

হে হে ৱিষ্ণো শংভুরূপস্ত্ৱমেৱ হে হে শম্ভো ৱিষ্ণুরূপস্ত্ৱমেৱ | 
সত্যং সর্ৱে সন্ত এৱং ৱদন্তঃ সংসারব্ধিং হ্যঞ্জসা সন্তরন্তি ||৫৫|| 

 

ৱিষ্ণুঃ শংভুঃ শংভুরেৱাস্তি ৱিষ্ণুঃ শংভুর্ৱিষ্ণুর্ৱিষ্ণুরেৱাস্তি শংভুঃ | 
শংভৌ ৱিষ্ণৌ চৈকরূপত্ৱমিষ্টং শিষ্টা এৱং সর্ৱদা সঞ্জপন্তি ||৫৬|| 

 

দৈৱী সংপদ্ৱিদ্যতে যস্য পুংসঃ শ্রীমান সোঽযং সর্ৱদা ভক্তিযুক্তঃ | 
শংভুং ৱিষ্ণুং চৈকরূপং দ্ৱিদেহং ভেদং ত্যক্ত্ৱা সংভজন্মোক্ষমেতি ||৫৭|| 

 

যেষাং পুংসামাসুরী সংপদাস্তে মৃত্যোর্গ্রাসাঃ কামলোভাভিভূতাঃ | 
ক্রোধেনান্ধা বন্ধযুক্তা জনাস্তে শংভুং ৱিষ্ণুং ভেদবুদ্ধ্যা ভজন্তে ||৫৮|| 

 

কল্যাণকারং সুখদপ্রকারং ৱিনির্ৱিকারং ৱিহিতোপকারম | 
স্ৱাকারমীশং ন কৃতাপকারং শিৱং ভজধ্ৱং কিল কেশৱং চ ||৫৯|| 

 

সচ্চিত্স্ৱরূপং করুণাসুকূপং গীর্ৱণভূপং ৱরধর্মযূপম | 
সংসারসারং সুরুচিপ্রসারং দেৱং হরিং ৱা ভজ ভো হরং ৱা ||৬০|| 

 

আনন্দসিন্ধুং পরদীনবন্ধুং মোহান্ধকারস্য নিকারহেতুম | 
সদ্ধর্মসেতুং রিপুধূমকেতুং ভজস্ৱ ৱিষ্ণুং শিৱমেকবুদ্ধ্যা ||৬১|| 

 

ৱেদান্তসিদ্ধান্তমযং দবালুং সত্সাঙ্খ্যশাস্ত্রপ্রতিপাদ্যমানম | 
ন্যাযপ্রসিদ্ধং সুতরাং সমিদ্ধং ভজস্ৱ ৱিষ্ণুং শিৱমেকবুদ্ধ্যা ||৬২||

 

পাপাপহারং রুচিরপ্রচারং কৃতোপকারং ৱিলসদ্ৱিহারম | 
সদ্ধর্মধারং কমনীযদারং সারং হরিং ৱা ভজ ভো হরং ৱা ||৬৩|| 

 

হরৌ ভেদমৱেক্ষমাণঃ প্রাণী নিতান্তং খলু তান্তচেতাঃ | 
প্রেতাধিপস্যৈতি পুরং দুরন্তং দুঃখং চ তত্র প্রথিতং প্রযাতি ||৬৪||

 

ভো ভো জনা জ্ঞানধনা মনাগপ্যর্চ্যে হরৌ চাপি হরে চ নূনম | 
ভেদং পরিত্যজ্য মনো নিরুধ্য সুখং ভৱন্তঃ খলু তৌ ভজন্তু ||৬৫|| 

 

আনন্দসন্মন্দিরমিন্দুকান্তং শান্তং নিতান্তং ভুৱনানি পান্তম | 
ভান্তং সুদান্তং ৱিহিতাসুরান্তং দেৱং শিৱং ৱা ভজ কেশৱং ৱা ||৬৬|| 

 

হে হে হরে কৃষ্ণ জনার্দনেশ শংভো শশাঙ্কাভরণাধিদেৱ | 
নারাযণ শ্রীশ জগত্স্ৱরূপ মাং পাহি নিত্যং শরণং প্রপন্নম ||৬৭|| 

 

ৱিষ্ণো দশলোঽচ্যুত শার্ঙ্গপাণে ভূতেশ শংভো শিৱ শর্ৱ নাথ | 
মুকুন্দ গোৱিন্দ রমাধিপেশ মাং পাহি নিত্যং শরণং প্রপন্নম ||৬৮||

 

কল্যাণকারিন কমলাপতে হে গৌরীপতে ভীম ভৱেশ শর্ৱ | 
গিরীশ গৌরীপ্রিয শূলপাণে মাং পাহি নিত্যং শরণং প্রপন্নম ||৬৯|| 

 

হে শর্ৱ হে শঙ্কর হে পুরারে হে হে কেশৱ হে কৄষ্ণ হে মুরারে | 
হে দীনবন্ধো করুণৈকসিন্ধো মাং পাহি নিত্যং শরণং প্রপন্নম ||৭০|| 

 

হে চন্দ্রমৌলে হরিরূপ শংভো হে চক্রপাণে শিৱরূপ ৱিষ্ণো | 
হে কামশত্রো খলু কামতাত মাং পাহি নিত্যং ভগৱন্নমস্তে ||৭১|| 

 

সকললোকপশোকৱিনাশিনৌ পরমরম্যতযা প্রৱিকাশিনৌ | 
অঘসমূহৱিদারণকারিণৌ হরিহরৌ ভজ মূঢ ভিদাং ত্যজ ||৭২|| 

 

হরিঃ সাক্ষাদ্ধরঃ প্রোক্তো হরঃ সাক্ষাদ্ধরিঃ স্মৄতঃ | 
উভযোরন্তরং নাস্তি সত্যং সত্যং ন সংশযঃ ||৭৩|| 

 

যো হরৌ চ হরে সাক্ষাদেকমূর্তৌ দ্ৱিধা স্থিতে | 
ভেদং করোতি মূঢাত্মা স যাতি নরকং ধ্রুৱম ||৭৪|| 

 

যস্য বুদ্ধির্হরৌ চাপি হরে ভেদং চ পশ্যতি | 
স নরাধমতাং যাতো রোগী ভৱতি মানৱঃ ||৭৫|| 

 

যো হরৌ চ হরে চাপি ভেদবুদ্ধিং করোত্যহো | 
তস্মান্মূঢতমো লোকে নান্যঃ কশ্চন ৱিদ্যতে ||৭৬|| 

 

মুক্তিমিচ্ছসি তেত্তর্হি ভেদং ত্যজ হরৌ হরে | 
অন্যথা জন্মলক্ষেষু মুক্তিঃ খলু সুদুর্লভা ||৭৭|| 

 

ৱিষ্ণোঃ শিৱস্য চাভেদজ্ঞানান্মুক্তিঃ প্রজাপতে | 
ইতি  সদ্ৱেদৱাক্যানাং সিদ্ধান্তঃ প্রতিপাদিতঃ ||৭৮|| 

 

ৱিষ্ণুঃ শিৱঃ শিৱো ৱিষ্ণুরিতি জ্ঞানং প্রশিষ্যতে | 
এতজ্জ্ঞানযুতো জ্ঞানী নান্যথা জ্ঞানমিষ্যতে ||৭৯|| 

 

হরির্হরো  হরশ্চপি হরিরস্তীতি ভাৱযন | 
ধর্মার্থকামমোক্ষাণামধিকারী ভৱেন্নরঃ ||৮০|| 

 

হরিং হরং ভিন্নরূপং ভাৱযত্যধমো নরঃ | 
স ৱর্ণসঙ্করো নূনং ৱিজ্ঞেযো ভাৱিতাত্মভিঃ ||৮১|| 

 

হরে শম্ভো হরে ৱিষ্ণো শম্ভো হর হরে হর | 
ইতি নিত্যং রলন জন্তুর্জীৱন্মুক্তো হি জাযতে ||৮২|| 

 

ন হরিং চ হরং চাপি ভেদবুদ্ধ্যা ৱিলোকযেত | 
যদীচ্ছেদাত্মনঃ ক্ষেম বুদ্ধিমান্কুশলো নরঃ ||৮৩|| 

 

হরে হর দযালো মাং পাহি পাহি কৃপাং কুরু | 
ইতি সঞ্জপনাদেৱ মুক্তিঃ প্রাণৌ প্রতিষ্ঠিতা ||৮৪|| 

 

হরিং হরং দ্ৱিধা ভিন্নং ৱস্তুতস্ত্ৱেকরূপকম | 
প্রণমামি সদা ভক্ত্যা রক্ষতাং তৌ মহেশ্ৱরৌ ||৮৫|| 

 

ইদং হরিহরস্তোত্রং সূক্তং পরমদুর্লভম | 
ধর্মার্থকামমোক্ষাণাং দাযকং দিৱ্যমুত্তমম ||৮৬|| 

 

শিৱকেশৱযোরৈক্যপ্রতিপাদকমীডিতম | 
পঠেযুঃ কৃতিনঃ শান্তা দান্তা মোক্ষাভিলাষিণঃ ||৮৭|| 

 

এতস্য পঠনাত্সর্ৱাঃ সিদ্ধযো ৱশগাস্তথা  | 
দেৱযোর্ৱিষ্ণুশিৱযোর্ভক্তির্ভৱতি ভূতিদা ||৮৮|| 

 

ধর্মার্থী লভতে ধর্মমর্থার্থী চার্থমশ্নুতে | 
কামার্থী লভতে কামং মোক্ষার্থী মোক্ষমশ্নুতে ||৮৯|| 

 

দুর্গমে ঘোরসঙ্গ্রামে কাননে ৱধবন্ধনে | 
কারাগারেঽস্য পঠনাজ্জাযতে তত্ক্ষণং সুখী ||৯০|| 

 

ৱেদে যথা সামৱেদো ৱেদান্তো দর্শনে যথা | 
স্মৃতৌ মনুস্মৃতির্যদ্ৱত ৱর্ণেষু ব্রাহ্মণো যথা ||৯১|| 

 

যথাঽঽশ্রমেষু সন্ন্যাসো যথা দেৱেষু ৱাসৱঃ | 
যথাঽশ্ৱত্থঃ পাদপেষু যথা গঙ্গা নদীষু চ ||৯২|| 

 

পুরাণেষু যথা শ্রেষ্ঠং মহাভারতমুচ্যতে | 
যথা সর্ৱেষু লোকেষু ৱৈকুণ্ঠঃ পরমোত্তমঃ ||৯৩||

 

যথা তীর্থেষু সর্ৱেষু প্রযাগঃ শ্রেষ্ঠ ঈরিতঃ | 
যথা পুরীষু সর্ৱাসু ৱরা ৱারাণসী মতা ||৯৪|| 

 

যথা দানেষু সর্ৱেষু চান্নদানং মহত্তমম | 
যথা সর্ৱেষু ধর্মেষু চাহিংসা পরমা স্মৃতা ||৯৫|| 

 

যথা সর্ৱেষু সৌখ্যেষু ভোজনং প্রাহুরুত্তমম | 
তথা স্তোত্রেষু সর্ৱেষু স্তোত্রমেতত্পরাত্পরম ||৯৬|| 

 

অন্যানি যানি স্তোত্রাণি তানি সর্ৱাণি নিশ্চিতম | 
অস্য স্তোত্রস্য নো যান্তি ষোডশীমপি সত্কলাম ||৯৭|| 

 

ভূতপ্রেতপিশাচাদ্যা বালৱৃদ্ধগ্রহাশ্চ যে | 
তে সর্ৱে নাশমাযান্তি স্তোত্রস্যাস্য প্রভাৱতঃ ||৯৮|| 

 

যত্রাস্য পাঠো ভৱতি স্তোত্রস্য মহতো ধ্রুৱম | 
তত্র সাক্ষাত্সদা লক্ষ্মীর্ৱসত্যেৱ ন সংশযঃ ||৯৯|| 

 

অস্য স্তোত্রস্য পাঠেন ৱিশ্ৱেশৌ শিৱকেশৱৌ | 
সর্ৱান্মনোরথান্পুংসাং পূরযেতাং ন সংশযঃ ||১০০|| 

 

পুণ্যং পুণ্যং মহত্পুণ্যং স্তোত্রমেতদ্ধি দুর্লভম | 
ভো ভো মুমুক্ষৱঃ সর্ৱে যূযং পঠত সর্ৱদা ||১০১|| 
 

ইত্যচ্যুতাশ্রমস্ৱামিৱিরচিতং শ্রীহরিহরাদ্ৱৈতস্তোত্রং সংপূর্ণম ||
 

Related Content